Suid-Afrikaanse skerpskutters wat deur die Verenigde Nasies in die ooste van die Demokratiese Republiek van die Kongo ontplooi is, het ses M23-rebelle doodgeskiet.
“Skerpskutters het teikens op minstens ses geleenthede raakgeskiet,” het adv. Pikkie Greeff van die Suid-Afrikaanse Nasionale Weermagunie (Sanwu), gesê.
“In een geval was die teiken 2,2 km weg.”
Brig. genl. Xolani Mabanga, woordvoerder van die weermag, het bevestig dat Suid-Afrikaanse magte op rebelle losgebrand het, maar kon nie uitbrei oor die berigte van die skerpskutters nie.
‘n Tanzaniese soldaat van die Verenigde Nasies (VN) is dood en twee Suid-Afrikaanse soldate is Woensdag gewond in gevegte met M23-rebelle.
Volgens Reuters is verskeie burgerlikes ook in die gevegte dood.
Pres. Jacob Zuma het Donderdag bevestig dat drie Suid-Afrikaanse soldate sedert die naweek gewond is in gevegte in die land.
Suid-Afrikaanse soldate is deel van die VN se ingrypingsmag in die land. – Sapa/AFP
Ek hoop daai skerpskutter wat ‘n man op 2.2km kan dood skiet, skiet vir volk in plaas van vyand as die dag kom. Wie sal in sy visier wil wees?!