Smouse en informele handelaars in die Kaapse middestad is deur die polisie gewaarsku om hul goed op te pak voor ‘n onwettige optog.
Die polisie vrees dat die oproermakers weer op ‘n plundertog sal gaan.
Aktiviste het beloof om in die middestad te betoog ten spyte daarvan dat toestemming nie deur die owerhede verleen is nie.
Betogers het opgeruk om te kla oor behoorlike behuising en sanitasie in arm gebiede.
Waalstraat in die middestad is tans heeltemal afgesper. Daar is ‘n hoë polisie-teenwoordigheid rondom die Wes-Kaap Provinsiale Wetgewer wat ‘n kordon om die gebou gevorm het.
Verskeie SAPD-Njala’s en voertuie patrolleer die gebied tans.
Paniekbevange verkopers in St George ‘s Mall het reeds hul goedjies begin wegpak, terwyl ander sê hulle sal plunderaars trotseer.
Oproermakers is besig om die middestad binne te kom, met baie wat langs Eastern Boulevard te voet inbeweeg.
Verlede Oktober was tonele van chaos wat uitgebreek het in die middestad op die voorblaaie, toe oproeriges winkels en stalletjies begin plunder het.
President Zuma het sy skok uitgespreek oor die ongeluk waarin vier polisiebeamptes en ‘n bestuurder dood is toe ‘n kleinhandelvragmotor agter in ‘n vragmotor vol plofstof vasgery het.
‘n Deel van die pad, die N1 tussen Polokwane en Mokopane is erg beskadig in ‘n ongeluk waarin vyf mense, insluitend vier polisiebeamptes omgekom het.
Die twee vragmotors het vroeg vanoggend gebots voordat hulle aan die brand geslaan het. Een van die vragmotors het plofstof vervoer.
Die polisiebeamptes is dood terwyl hulle probeer het om ‘n vragmotorbestuurder te red. Meer as ‘n kilometer van die N-1 is afgesper terwyl forensiese ondersoekbeamptes op die toneel is.
Die SABC se verslaggewer op die toneel berig dat daar ‘n groot gat aan een kant van die pad is, en dat struike aan albei kante van die pad afgebrand het.
Drie polisiebeamptes en drie ander motoriste wat in die ongeluk beseer is, is na ‘n hospitaal geneem. Hulle toestand is kritiek.
Die Nasionale Polisiekommisaris, Riah Phiyega, het ook vanoggend op die toneel aangekom
Die provinsiale polisiekommisaris het Phiyega vroeër ingelig oor die ondersoek.
Die oorlewende vragmotorbestuurder en sy veiligheidswag word deur die polisie ondervra.
Die pad sal gesluit bly terwyl die ondersoek voortgaan.
Die nasionale hoof van die polisie okkulte-misdaadeenheid, kolonel Attie Lamprecht sê daar was die afgelope tyd landwyd ‘n toename in misdade wat met die okkulte verband hou.
Die toename in moetiemoorde het ook tot oproer in Motupa, Moleketla en Kubjana in Limpopo gelei. Die provinsie spog met ongeveer 250 moetiemoorde per jaar.
Navorsers soos Oliver Becker het reeds daarop gewys dat dié moorde verbind kan word aan sokker en politiek regoor Afrika.
Daar is veral in Gauteng op die liggame van kinders afgekom waarvan liggaamsdele verwyder is, het RSG berig.
Die polisie vermoed dat hulle vir moetierituele vermoor is. Daar was die afgelope maande 78 voorvalle in Johannesburg wat met daarmee verbind kan word.
Van dié gevalle was 48 strafregtelik vervolg. Lamprecht het ‘n beroep op gemeenskappe gedoen om bewus te wees van die probleem.
Die hoof van die Wordsworth-hoërskool in Benoni aan die Oos-Rand is van wangedrag aangekla en vir 90 dae geskors nadat sy swart leerlinge gevra het om hul hare te was omdat dit stink.
Daar word beweer dat sy “rassistiese aanmerkings” gemaak het.
Die departement van Basiese Onderwys sê dr. Annelize Horn het aan ouers geskryf dat swart leerders hul hare net eenkeer ‘n maand was.
‘n Woordvoerder van die departement, Phumla Sekhonyane sê Horn is verlede jaar deur die departement geskors. Sy sê ‘n ondersoek is pas afgehandel en dat Horn nou formeel aangekla is.
Een van die leerlinge het ‘n petisie begin omdat hy voel dat sy geteiken word deur ‘n paar ongelukkige leerders wat hulle nie aan die reëls steur nie en omdat sy streng was met hulle.
Shaun Bartlett sê die Afrikaanse hoof wil toesien dat dissipline heers en is daarom uitgesonder.
Sommige swart haarprodukte is uiters onwelriekend en kan waarskynlik problematies raak in geslote ruimtes soos klaskamers.
Swart vroue kla dikwels dat produkte wat hare ontkrul, sleg ruik. Die reuk is soos die van vrot eier. Haarproduktevervaardigers vir die swart mark is bedag daarop dat hulle reukwerende middels insluit om die stank te kamoefleer.
Bartlett het bygevoeg dat die petisie aan die Departement van Onderwys oorhandig sal word.
Hy het ook gesê as Dr Horn werklik rassisties was, het dit 20 jaar geneem om te manifesteer.
“Persoonlik dink ek die probleem is uit verband geruk en dat dit kan maklik opgelos kan word as al die belanghebbende partye om die tafel saamsit en die dissiplinêre probleme wat ondervind word in die skool bespreek,”
Sekhonyane het egter gesê: “Ons sal nie beïnvloed word deur eksterne faktore buite wetlike omgewing nie.”
Die Amerikaanse minister van buitelandse sake, John Kerry het nuwe anti-gay wetgewing in Oeganda met die anti-Semitiese wetgewing van Nazi-Duitsland en apartheid in Suid-Afrika vergelyk.
Dié Nazi-uitspraak deur Kerry volg na ‘n duidelik georkestreerde poging teen die PUK oor beweerde Nazi-salute.
Kerry het soos ‘n wafferse Zampolit geklink, ‘n uitgediende kommunistiese militêre Sowjetrang wat denkebeheer toepas dmv leuens en vervalsings.
Kerry het aan verslaggewers gesê indien die fokus van die wetgewing na swart mense of Jode verskuif sou word, ‘n mens hom sou kon verbeel dat hy in Duitsland in die 1930’s of in Suid-Afrika in die 1950’s en 1960’s is.
Daar was rassesegregasie (apartheid) In die VSA tot in die 1970’s.
Die president van Oeganda, Yoweri Museveni het Maandag ‘n wetsontwerp onderteken ingevolge waarvan mense wat hulle herhaaldelik aan homoseksuele dade skuldig maak, lewenslank tronk toe gestuur kan word.
Die wetgewing is baie gewild in Oeganda en oral in Afrika waar dit as ‘n taboe beskou word. Dit word ook verbind met die skerp afname in MIV/Vigs-besmetting in die land.
Verlede week het ‘n swart Suid-Afrikaanse joernalis nalv die wetgewing getwiet dat dit in orde is om homofobies te wees, sowel as rassisties.
Oeganda verbied ook gay-aktivisme. Ten spyte van verwoede teenkanting uit Afrika het Kerry gesê die “probleem bestaan nie soseer in Afrika nie”, maar is ‘n “wêreldwye” een.
‘n Referendum daaroor in Suid-Afrika sal ongetwyfeld dieselfde uitkoms hê as in Oeganda, en die ANC en hul Anglo-Amerikaanse borge in ‘n diep verleentheid stel.
Anglo-Amerikaanse elites is besonder gevoelig vir gay kwessies. Dié feit het ‘n vorige Franse premier Edith Cresson genoop om te sê een uit elke vier Britse mans is gay.
Sy het dit toegeskryf aan ‘n swak opvoedingstelsel. Cresson het Amerikaanse en Duitse mans ook daarby ingesluit.
Die leier van die Ekonomiese Vryheidsvegters, Julius Malema en drie ander mans word ondersoek in verband met ‘n beweerde voorval van padwoede in Polokwane, het RSG berig.
‘n Limpopo polisiewoordvoerder, Hangwani Mulaudzi sê ‘n 22-jarige motoris beweer dat Malema en drie mans hom gisteraand aangerand het.
Die motoris sê hy het sy toeter geblaas vir die bestuurder van ‘n Mercedes om hom te laat weet dat hy te naby aan hom ry.
Drie mans het na bewering uit die Mercedes geklim, die motoris gegryp en op hom geskree. Mulaudzi sê die motoris het net vir Malema herken.
Malema het na bewering die motoris geklap en sy motor met ‘n harde voorwerp geslaan. Die motoris het ‘n saak van aanranding en saakbeskadiging aanhangig gemaak.
‘n Totaal van 63 mense is in hegtenis geneem nadat lede van die gemeenskap in Moletlane by Zebediela op ‘n plundertog gegaan het en vyf winkels van Chinese sakemanne afgebrand het.
Die geweld spruit na bewering uit ‘n voorval die naweek toe ‘n 21-jarige man doodgesteek is ná ‘n argument met ‘n Chinese winkeleienaar. Die verdagte is in hegtenis geneem op ‘n aanklag van moord.
Sondag het lede van die gemeenskap begin mobiliseer en vyf winkels geplunder en aan die brand gesteek.
Niemand is beseer of gedood tydens hierdie voorvalle nie, maar uitgebreide skade is aan die geboue aangerig.
Die verdagtes, 43 mans en 20 vroue , is in hegtenis geneem op aanklagte van openbare geweld en brandstigting en sal na verwagting later hierdie week verskyn in die Magatle-landdroshof .
Op Apel is sewe verdagtes in hegtenis geneem nadat hulle na bewering vyf huise en drie voertuie aan die brand gesteek het ook oor die naweek.
Lede van die gemeenskap beskuldig drie mense van die vermorsing van geld wat ingesamel is vir ‘n gemeenskapsprojek.
Niemand is dood of beseer is tydens die voorvalle nie. Die verdagtes sal in die Sekhukhune-landdroshof verskyn.
Lede van die Openbare Orde Polisie-eenhede is in albei hierdie gebiede ontplooi om die situasie te monitor en geen verdere voorvalle van geweld is aangemeld nie.
Die provinsiale kommissaris van die Suid-Afrikaanse Polisiediens in Limpopo, lt.genl Fannie Masemola, het ‘n streng waarskuwing aan die lede van die gemeenskap gerig en gesê hierdie tipe wetteloosheid en gewelddadige optrede sal nie geduld word nie.
Meer as 70 lede van die Siyandhani gemeenskap buite Giyani in Limpopo is Dinsdagaand in hegtenis geneem op aanklagte van openbare geweld.
Die SAPD het die voorval bevestig, maar sê dit is nie duidelik wat tot die onrus gelei het nie.
Onderrig by skole in die omgewing is ontwrig.
Diegene wat in hegtenis geneem is sal na verwagting binnekort in die hof verskyn.
Inwoners van Ntibane by Ngqeleni in die Oos-Kaap het sedert Vrydag die pad na die Mthatha residensiële kusgebied versper.
Die oproeriges kla oor swak dienste. Omliggende gebiede word ook geraak deur die oproer wat toerisme en skole negatieg beïnvloed.
Volgens berigte is sewe skole en drie klinieke gesluit weens die geweld.
Inwoners kla dat hulle al meer as tien jaar wag vir elektrifisering, die gebrek aan water, sanitasie en swak paaie.
Die gemeenskap dreig om nie die verkiesing te boikot as die regering nie op hul eise reageer nie.
Afrikaans word uitgesluit uit die samelewing, sê Andries Visagie, dosent aan die Universiteit van Pretoria, maar transformasie sal die taal red.
Prof. Visagie het sy pleidooi nietemin in Engels geskryf.
Volgens die 2011-sensus het die aantal moedertaalsprekers van Afrikaans met 800.000 individue toegeneem sedert die vorige sensus.
Afrikaans floreer as die derde grootste moedertaal in Suid-Afrika en as ‘n gewilde taal van kommunikasie in Namibië.
Die lojaliteit van Afrikaanse lesers wat boeke in hul moedertaal verkies is dikwels ‘n bron van jaloesie vir uitgewers wat fokus op publikasies in ander tale, skryf Visagie.
Visagie bemerk ‘n “interne verdeeldheid binne die Afrikaanssprekende gemeenskap” tesame met ‘n “skynbaar nimmereindigende neiging onder sake- en openbare instellings om sektore waar Afrikaans vrylik gepraat word”, te beperk.
Die vraag is of Afrikaans sal in staat wees om hierdie uitdagings te oorkom en om te floreer as ‘n moedertaal, vra hy.
Meer as 50 persent van Afrikaans se eerstetaalsprekers is bruin, maar voel gemarginaliseer deur die gebruik van ‘n Kaapse dialek van Afrikaans wat steeds “onvoldoende” in die standaard-variëteit van die taal gereflekteer word, volgens Visagie.
Hy is egter bemoedig deur Nathan Trantraal en Ronelda Kamfer wat die legitimiteit van Standaardafrikaans bevraagteken.
Visagie beveel aan dat die besluitnemers by die Taalkommissie van die Suid-Afrikaanse Akademie Vir Wetenskap en Kuns hul reëls hersien en verkieslik nie “agter geslote deure” nie.
Visagie bepleit “noodsaaklike uitgebreide mediadeelname” asook ‘n proses gelei deur “dapper besluite van die belanghebbendes wat op die kommissie dien”.
Volgens Visagie beweeg baie gekleurde sprekers van Afrikaans na Engels as die taal van hul keuse, want hulle voel te ver verwyder van standaard-Afrikaans as ‘n variant van wit sprekers.
Hy meen dat “versoening binne die Afrikaanse taalgemeenskap steeds onafgehandel is weens die rasseverdeling wat samehorigheid onder die meer as 6 miljoen moedertaalsprkers ondermyn”.
Engels geniet steeds massiewe staatsondersteuning ten koste van Afrikaans, sê hy.
Universiteite wat histories Afrikaans as ‘n medium van onderrig aanbied, verkeer onder baie druk van Engels, die lieflingstaal van die huidige regering, kla Visagie.
Hy betreur die sluiting van Afrikaanse taaldepartemente by sommige tersiëre instellings, maar plaas sy hoop daarop dat die staat sal swig voor die sukses wat moedertaalonderrig kan verseker.
Sowat 200 plakkershutte is Dinsdag in ‘n brand in Midrand, tussen Pretoria en Johannesburg, verwoes het Gauteng-nooddienste gesê.
‘n Digte, donker rookkolom het steeds bo die gebied gehang teen laatmiddag. Inwoners het die polisie daarvan beskuldig dat hulle die hutte aan die brand steek om hulle te verjaag.
Die Johannesburgse metropolisie het intussen bewerings ontken dat hulle die plakkershutte afgebrand het.
‘n Woordvoerder van die Gautengse nooddienste, Robert Mulaudzi, sê die inwoners het die metropolisie die skuld daarvoor gegee, maar die brandweer het vinnig het die brand onder beheer gekry want hulle was bang dit sou uitbrei na ander gebiede.
‘n Woordvoerder van die Metropolisie, Wayne Minnaar, het die bewerings ontken en sê die metropolisie was daar om onwettige strukture af te breek, omdat mense die grond onwettig beset het.
Hy sê die inwoners het self die brand begin.
Sowat 100 mense is sit onder die bome sonder ‘n heenkome en moes Dinsdagnag daar deurbring.
Sommige inwoners het gesê hulle hul plakkershutte in die nag sal herbou.
Die plakkers het hul hutte tussen die McDonald’s restaurant en ‘n woonstelblok op Grand Central Boulevard opgeslaan.
Die Minister van Finansies, Pravin Gordhan, sal na verwagting ‘n begrotingsrede lewer wat kredietgraderingsagentskappe gelukkig sal hou voor die verkiesing op 7 Mei 2014.
Na wat verwag word sal Gordhan waarskynlik hou by bestedingsplanne en teikens vir begrotingstekorte wanneer hy later vanmiddag die regering se begroting indien, het RSG berig.
Volgens ‘n meningspeiling onder ekonome, deur die nuusagentskap Reuters, is hulle dit eens dat die regering onder druk sal wees om ‘n verkiesingsbegroting te lewer.
Die Nasionale Vergadering het ook ‘n wetsontwerp goedgekeur wat daarop gemik is om infrastruktuurontwikkeling in die land meer vaartbelyn te maak.
Meer as ‘n duisend miljard rand is reeds die afgelope vyf jaar aan infrastruktuurprojekte bestee.
Die minister van ekonomiese ontwikkeling, Ebrahim Patel sê die wetsontwerp sal aan die presidensiële infrastruktuur-koördineringskommissie wetlike regte verleen en ook die pas van dienslewering versnel.
In die lig van die swak groeivooruitsigte en dalende fiskale buigsaamheid sal dit na verwagting fyn dopgehou word deur die grootste graderingsagentskappe.
Suid-Afrika se minister van polisie, Nathi Mthethwa het Dinsdag ‘n wetsontwerp aan die parlement voorgelê met die doel om buitelandse eienaarskap van privaatsekuriteitsmaatskappye te beperk.
Die wetsontwerp sluit die ondersteuning van veiligheidsdienste vanaf Suid-Afrika na ander lande in, het Mthethwa gesê.
Xinhua berig dat privaatveiligheidsmaatskappye in buitelandse hande daardeur verplig sal word om 51 persent van hulle aandele aan Suid-Afrikaners te verkoop.
Tans is daar meer as 445.000 geregistreerde privaatveiligheidswagte in vergelyking met net meer as 270.000 gewapende statutêre magte in die Suid-Afrikaanse Polisiediens ( SAPD) en die Suid-Afrikaanse Nasionale Weermag (SANW) volgens die minister.
Die Minister van Polisie, Nathi Mthethwa, sê dit is noodsaaklik in belang van staatsveiligheid.
Hy sê die grens tussen privaatveiligheidsmaatskappye en privaat militêre maatskappye is besig om toenemend te vervaag.
Die groei van die privaatsekuriteitsbedryf is nie uniek aan Suid-Afrika nie. Internasionaal het die privaatbedryf aansienlik gegroei oor die afgelope twee dekades.
Maar die groei in Suid-Afrika het talle ander ander lande die loef afgesteek.
Een van die redes vir die vinnige groei is stygende misdaad. Die polisie se onbevoegdheid in die stryd teen misdaad is ook ‘n belangrike faktor in die uitbreiding.
Sedert die einde van apartheid in 1994 is die polisie aan intense ondersoek deur die staat en die publiek blootgestel, maar dit is nie die geval met die privaatsekuriteitsbedryf nie, want hulle verantwoordelikheid is suiwer markgedrewe, het Mthethwa gesê.
Beide die regering en die burgerlike samelewing is gemoeid met die doeltreffende regulering van die bedryf en die wysigingswetsontwerp poog om die uitdagings aan te spreek, het hy gesê.
Mthethwa het ook besware verwerp dat dit sal lei tot werksverliese, ten spyte dat ‘n onteieningsklousule daarin vervat is.
Navorsing wat vandeesmaand in die International Journal of Climatology gepubliseer is, toon dat Suid-Afrika verhoogde reënval en meer oorstromings te wagte kan wees.
Die studie is deur ‘n Wits PhD-student onderneem. Die bevindings weerspreek egter die gewilde klimaatsveranderingoortuiging dat warmer oseane tot meer orkane lei.
Wanneer ‘n orkaan se vernietiging nuus maak, soos in die geval van die VSA se Katrina of die tifoon Haiyan in die Filippyne, word gesê dat klimaatsverandering meer storms veroorsaak.
Maar Professor Stefan Grab en Witsstudent Jennifer Fitchett van die universiteit se Skool vir Geografie, Argeologie en Omgewingstudie, wat siklone in die Suidoos-Indiese Oseaan oor 161 jaar bestudeer het, het bevind dat daar “geen duidelike tendens” van meer of minder storms is nie.
Fitchett gesê stormopsporingsmetodes het verbeter, wat gelei het tot ‘n persepsie van meer storms.
“Van 1940 af was daar ‘n groot toename in waarnemings as gevolg van lugverkenning en satellietbeelde.”
Nog ‘n faktor was meer mense wat op die kuslyn woon en dus bewus raak van die uitwerking van siklone.
Grab en Fitchett het ontdek dat siklone suid beweeg – en nader aan Suid -Afrika – wat lei tot hoër reënval en meer kanse van oorstromings.
Die wetenskaplikes was verras deur hul ontdekking.
Siklone – wat in die Indiese Oseaan ontstaan – of orkane – wat hul oorsprong in die Atlantiese Oseaan het – het ‘n seewateroppervlaktemperatuur van 26 of 27 grade Celsius nodig om te vorm.
Fitchett verduidelik dat omdat die oseane warmer word, word die paaie wat siklone kies breër en dus nader aan Suid-Afrika.
Dit beteken dat siklone wat Madagaskar sou getref het nou waarskynlik Suid-Afrika kan tref.
“Ons het reeds gesien toe ‘n tropiese sikloon suid getrek in 2007 was daar groot vloede in Limpopo, Mosambiek en die noorde van KwaZulu-Natal,” sê Fitchett.
Die VSA het ‘n verklaring van die Irakse regering geëis na mediaberigte dat die land ingestem het om wapens ter waarde van $195 miljoen van Iran te koop.
So ‘n ooreenkoms sal die wapenboikot wat deur die VN ingestel is, oortree.
Die ooreenkoms is bereik aan die einde van November, volgens dokumente wat Reuters glo gesien het.
Kort voor die transaksie onderteken is, was die Irakse premier Nouri al-Maliki in Washington om hulp te vra om op te tree teen al-Kaida-terroriste.
‘n Woordvoerder van die Irakse eerste minister wou nie die verkope bevestig of ontken nie, maar het gesê dat so ‘n ooreenkoms te verstane sal wees gegewe Irak se huidige veiligheidskrisis.
“Ons het begin met ‘n oorlog teen terrorisme en ons wil hierdie oorlog wen. Niks verhoed ons om wapens en ammunisie van enige party te koop nie en dit is net ammunisie om ons te help om terroriste te beveg,” het die woordvoerder, Ali Mussawi gesê.
Die regering van Iran ontken enige kennis van ‘n ooreenkoms om wapens aan Irak te verkoop.
Dit sal die eerste amptelike wapentransaksie tussen Sjiïtiese Iran en Irak se Sjiïtiese regering wees.
Dié transaksie sal, indien bevestig, die groeiende band tussen die twee groepe aandui in die twee jaar sedert die vertrek van Amerikaanse troepe uit Irak.
‘n Woordvoerder van die Amerikaanse departement van Buitelandse Sake sê indien die berigte waar is, is dit kommerwekkend.
“Enige oordrag van wapens van Iran na ‘n derde land is ‘n direkte skending van resolusie 1747,” het die Amerikaanse woordvoerder vir buitelandse aangeleenthede, Jan Psaki, gesê.
‘n Amerikaanse amptenaar het gesê so ‘n transaksie kan Washington se benadering tot onderhandeling oor Iran om internasionale sanksies oor sy kernprogram op te hef, verder bemoeilik.
Smouse en informele handelaars in die Kaapse middestad is deur die polisie gewaarsku om hul goed op te pak voor ‘n onwettige optog.
