Etiket: SANW

ANC se ‘Castro-besingende’ SANW laat soldate sonder kos

Suid-Afrika se huidige weermag, wat meesal deur oud-Umkhonto-offisiere gelei word, het ‘n hofsaak vermy deur noodrantsoene voedsel aan drie weermagbasisse te verskaf waar soldate begin honger ly het.

Die Suid-Afrikaanse Nasionale Weermag-vakbond het die weermag tot Woensdag tyd gegee om sy versoek terug te trek dat soldate in Zeerust, Middelburg en Mafikeng huis toe gestuur word omdat hul kos opgeraak het.

Ter elfder ure het die twee partye in die hofaansoek egter ‘n ooreenkoms bereik met die SANW wat besluit het om voedselvoorrade aan die betrokke basisse te stuur.

Die sekretaris van die SANW-vakbond, Pikkie Greeff, het Dinsdag ‘n afskrif van ‘n finale aanmaning aan die weermag op sy Twitter geplaas. Die brief is aan die minister van verdediging en militêre veterane, Nosiviwe Mapisa-Nqakula, asook aan die weermaghoof genl. Solly Shoke, die verdedigingsekretaris, Sam Gulube en bevelvoerders van die betrokke basisse gestuur.

Woensdag het Greeff verklaar dat die vakbond se regslui besig was om met die weermag te onderhandel om die kwessie op te los, hangende ‘n hofaansoek wou sou volg.

Hy het egter later getwiet:

In die aanmaningsbrief sê die vakbond dat die SANW verplig is om “afdoende rantsoene” aan die betrokke soldate te verskaf.

In ‘n verdere twiet het Greeff die ANC-bewind kwalik geneem dat hulle Kuba toe vlieg om hulde aan Fidel Castro te bring, maar nie na hul eie soldate omsien nie.

SA stuur nog troepe na DRK na 50 dros

Sowat 500 soldate van die Suid-Afrikaanse Nasionale Weermag vertrek eersdaags vir twaalf maande na die ontstuimige Republiek van die Kongo.

Die soldate sal na hul bestemming vlieg met VN-huurvlugte. Selepe het gesê die gebruik van VN-huurvlugte is nie as gevolg van ‘n gebrek aan kapasiteit in die SANW nie.

“Dit is ‘n verantwoordelikheid van die Verenigde Nasies om lede na eksterne bedrywighede te vervoer,” het hy gesê.

“Selfs die soladte wat terug huis toe kom sal teruggebring word deur die VN,” het hy bygevoeg.

Norman Yengeni het tydens die oorhandiging van welwillendheidspakkies by De Brug buite Bloemfontein, aan soldate wat op pad is na die DRK, gesê dissipline is belangrik.

Hy sê soldate wat by die weermag aansluit verstaan dat ontplooiing deel van hul take is en dat lewensverlies soms onvermydelik is.

Yengeni sê die veilige terugkeer van soldate gaan gepaard met dissipline, geluk en die genade van God.

In September is sowat 50 SANW-soldate van die VN-sending in die DRK voor die krygshof gedaag.

Die groep het na bewering gedros in die ooste van die DRK waar hulle gestasioneer was, het brigadier-generaal Xolani Mabanga vroeër aan ANA gesê.

Omdat die Verenigde Nasies oor hul lot besluit, moes die SANW aan VN toestemming vra om hulle te onttrek uit die ontplooiingsgebied.

Die SANW het ongeveer 900 troepe gestasioneer in die ooste van die DRK as deel van Monusco se sending.

Suid-Afrika handhaaf ‘n konstante teenwoordigheid in die mineraalryke DRK al sedert 1999.

Intussen het die Verenigde Nasies gesê minstens veertien vroue is tydens een voorval in September deur Kongolese soldate verkrag.

Die VN sê dit is die grootste voorkoms van seksuele geweld deur Kongolese soldate. ‘n Voorlopige ondersoek wat in ‘n verslag vervat is, toon die seksuele geweld het tydens ‘n weermagoperasie teen ‘n militêre groep in die ooste van die land plaasgevind.

Die gebied is berug vir hoë syfers van seksuele geweld deur beide gewapende magte en regeringsoldate. Nog inligting word ingesamel met die hoop op ‘n hofsaak.

Forensiese ondersoek na soldaat by Lohatla se dood

Forensiese uitslae sal bepaal onder watter omstandighede ‘n Suid-Afrikaanse soldaat, wat tydens die Amani Africa II-oefening by Lohatla in die Noord-Kaap doodgeskiet is, die lewe gelaat het.

Sersant Sello Modisane, van 21 SA Infanteriebataljon (SAI), is gedood tydens ‘n lokval tussen die bystanddienste en ‘n “rebellegroep”. Hy is van Lenz in Johannesburg.

Sowat 21 lande, onder leiding van die Afrika-Unie en die Suid-Afrikaanse Nasionale Weermag (SANW) is tans by die leërgevegsopleidingsentrum by Lohatla byeen vir ‘n gereedheidsoefening.

SANW-woordvoerder, Jaco Theunissen, sê hulle wag vir uitslae om vas te stel hoe Modisane gedood is aangesien daar loskruitpatrone in die wapen moes wees.

Theunissen sê die SANW betreur die voorval.

Ammerikaanse bondgenote het die weermagintegrasie van SAOG en Ekonomiese Gemeenskap van Sentraal-Afrika geloof en gesê nou sal Afrika-magte as ‘n eenheid optree sonder hindernisse.

Die VN sal glo 25% van die koste van ontplooiings dra terwyl die res van die betrokke streek sal afhang.

VN-verslag sê SA-troepe ergste seksuele oortreders

Die Weermag sal ‘n verslag deur die Verenigde Nasies bestudeer, waarin beweer word dat Suid-Afrikaanse troepe die ergste oortreders ten opsigte van seksuele misdrywe op vredesendings is.

Die weermag sê hy sal nie enige wangedrag deur sy lede duld nie, en sal sy samewerking aan die VN gee om die bewerings te ondersoek.

Die verslag fokus op seksuele misdrywe deur vredesmagte in die Demokratiese Republiek van die Kongo, Soedan, Liberië en Haiti.

Dit kom na die omstredenheid oor soorteglyke bewerings deur die VN van seksuele misbruik van kinders deur Franse soldate wat ontplooi is in die Sentraal-Afrikaanse Republiek.

The Times het berig dat Suid-Afrika sowat 2 000 troepe gestasioneer het in die DRK, Soedan en Suid-Soedan.

Die VN het in die verslag gesê daar is 480 bewerings van seksuele uitbuiting en misbruik met betrekking tot sy vredes- en spesiale politieke missies tussen 2008 en 2013 aangemeld.

Die DRK-vredesending het 45% van hierdie klagtes ontvang, terwyl net meer as ‘n derde van die 480 bewerings minderjariges betrek.

[Fotobron]

Polisieman, nog drie vas wat glo skape steel

Terwyl president Jacob Zuma die SANW dié naweek geloof het vir hul aandeel in landelike misdaadbekamping, is nog ‘n polisiebeampte en drie ander swartes in hegtenis geneem vir veediefstal, het die polisie in die Noord-Kaap gesê.

Priscilla Naidu, woordvoerder van die polisie, het gesê die konstabel en drie ander verdagtes het Vrydag in die Kenhardt-landdroshof verskyn. Die saak is tot 25 Februarie uitgestel wanneer die verdagtes om borg sal aansoek doen.

Die polisie het verlede week ‘n wenk ontvang oor moontlike veediefstal in die Kenhardt- en Keimoes-areas. Twee verdagtes, insluitend die polisiebeampte, is in hegtenis geneem nadat ‘n bakkie met ses skape agterop deur die polisie van die pad af getrek is.

Volgens Naidu het die twee ander verdagtes in ‘n VW Polo gery en van die toneel gevlug toe hulle die polisie gesien het.

Hulle is in Kakamas voorgekeer en in hegtenis geneem. “Hulle het glo die twee skape wat in die VW Polo was langs die pad afgelaai.”

Zuma loof Weermag oor landelike veiligheid

President Jacob Zuma het lede van die Suid-Afrikaanse Nasionale Weermag wat saam met die polisie gewerk het, geloof vir die “sukses” van die Landelike Veiligheidstrategie.

Dié strategie word tans landwyd by 117 polisiestasies geïmplementeer om veiligheid en sekuriteit in landelike gebiede en in die besonder in landbougebiede te bevorder.

Zuma het die Gewapende Magtedag-vieringe in Potchefstroom in Noordwes bygewoon. Die Leër, Lugmag, Vloot en Mediese Gesondheidsdienste was deel van die verrigtinge wat in 2012 as ‘n jaarlikse instelling afgekondig is.
 
Hy het die bydrae van soldate in anti-misdaad-oorgrensoperasies hoog aangeskryf. Die SANW is in dertien sub-eenhede ontplooi ter ondersteuning van Operasie CORONA in Limpopo, Mpumalanga, KwaZulu-Natal, die Vrystaat, Oos-Kaap, Noord-Kaap en Noordwes.
 
Zuma het gesê die Operasie is ‘n groot sukses aangesien daar op onwettige wapens beslag gelê is, asook gesteelde voertuie en vee.

Minister Nosiviwe Mapisa-Nqakula het voor die verrigtinge uitgewei oor die weermag se beleidshersiening wat tans sloer.

Sowat R11-miljoen is aan die hersieningsbeleid vir die weermag spandeer. Van die voorstelle wat in die 380-blad verslag gemaak is, is dat die weermag sy begroting verdubbel na R88-miljoen.

Die regering wil die Suid-Afrikaanse Weermag aanwend om werkloosheid onder swartes aan te spreek. Zuma het gesê jongmense word in ‘n verskeidenheid beroepe opgelei wat van ingenieurswese tot kommunikasie insluit.

Die program word in samewerking met die Departement van Landelike Ontwikkeling en Grondhervorming aangebied en staan bekend as die Nasionale Landelike Jeugdienskorps.

Die vieringe is ter herdenking aan 21 Februarie 1917 toe sowat 600 Suid-Afrikaanse soldate dood is toe die hulle skip – die SS Mendi – gesink het. Daar was meestal swart soldate op die skip wat in die Eerste Wêreldoorlog in Frankryk geveg het.

Die SS Mendi het in die Engelse kanaal gesink nadat dit teen ‘n ander skip gebots het. President Zuma het verskeie soldate vereer vir hulle rol in die Weermag en ook in lande soos die DRK en die Kongo.

Klagtes van mishandeling by Infanterieskool ondersoek

Die departement van verdediging gaan glo bewerings van fisieke asook verbale mishandeling by die weermag se infanterieskool op Oudtshoorn ondersoek, het Sapa berig.

“Minister Nosiviwe Mapisa-Nqakula wil dit graag duidelik stel dat geen vorm van mishandeling op militêre basisse geduld sal word nie,” het Joy Nonzukiso Peter, woordvoerder van die departement, in ‘n verklaring gesê.

Volgens Peter is daar bewerings dat rekrute by die infanterieskool aan mishandeling blootgestel word. “Minister Mapisa-Nqakula veroordeel die fisieke en sielkundige mishandeling van rekrute ten sterkste.”

Die minister het voorts gesê daar sal streng opgetree word teen oortreders in die jongste voorval.

Die militêre ombudsman, Temba Matazima, het verlede jaar ‘n ondersoek geloods ná klagtes van soldate ontvang is. Matanzima het verskeie voorstelle ingedien rakende sulke voorvalle wat sedertdien geïmplementeer is deur die SANW.

Mortier tref vrou teen die kop

‘n Inwoner wat naby ‘n militêre basis woon is byna dood nadat sy deur ‘n 60 mm-beligtingsmortier teen die kop getref is.

‘n Beligtingsmortier is ’n militêre wapen en nie beskikbaar vir die publiek nie. Dit word met ’n mortierpyp afgevuur.

Die polisie se bomeenheid moes die toestel kom verwyder wat die niksvermoedende Felicia Klopper (20) Saterdagoggend getref het terwyl sy op haar bed in haar slaapkamer gesit het.

Die polisie kon nog nie bepaal wie dit afgevuur het nie. Die weermag ontken dat hulle die mortier afgevuur het.

Volgens Rudi Klopper, Felicia se pa, wil hulle ’n saak teen die weermag aanhangig maak.

“Wie anders kon dit afgevuur het? Iemand moet verantwoordelik gehou word, so iets mag nie gebeur nie. Of jy nou die polisie of die weermag is, jy kan dit nie bekostig om sulke foute te maak nie. Ons gaan nou oorlog maak,” het Rudi aan Die Burger gesê.

Volgens kapt. Disebo Selepe, polisiewoordvoerder, is hulle nog besig om die oorsprong van die mortier vas te stel.

Die beligtingsmortier is deur Klopper se slaapkamerdak geskiet voordat dit haar teen die kop getref het.

Mortiere en sowel as mortierbomme word in wapenopslagplekke gestoor en slegs per opdrag uitgereik.

Dit word met ’n mortierpyp afgevuur.

Spuende generaal wat wittes haat kos SANW halfmiljoen

Die hooggeregshof in Kimberley het beslis dat swart weermaglede adjudant-offisier At Malan onregmatig in hegtenis geneem en aangerand het omdat hy sy werk gedoen het.

Hy is deur die weermaglede aangerand en daarna weer deur ‘n swart vroue brigadier-generaal wat aan hom gesê het dat sy wittes haat terwyl sy op die grond langs hom gespuug het.

Dié siviele saak wat meer as vier jaar geduur het, kan die Suid-Afrikaanse Weermag sowat ‘n halfmiljoen rand kos.

Dit volg na ‘n hofuitspraak dat lede in die weermag se topstruktuur onregmatig opgetree het en hulle mag misbruik het.

Die brigadier-generaal wat by die voorval betrokke was, is glo ‘n kandidaat om die nuwe hoof van die leër te word.

SANW-amptenare nie inhegtenis geneem

Die Noord-Gautengse Hooggeregshof in Pretoria het ten gunste van die Suid-Afrikaanse Nasionale Weermag beslis en ‘n bevel dat drie top amptenare in hegtenis geneem word, vir eers ter syde gestel.

Die SANW het vroeër ‘n aansoek gebring om die inhegtenisnemings te verhoed, het RSG berig.

Dit volg nadat die hof gister beveel het dat die hoof van die weermag, luitenant-generaal Solly Shoke, die hoof van die lugmag, luitenant generaal Zakes Msimang en die sekretaris van verdediging, Sam Gulube in hegtenis geneem word.

Hulle word van minagting van die hof aangekla omdat hulle nie gehoor gegee het aan ‘n hofbevel om vier afgedankte soldate weer aan te stel nie.

Die saak sal weer op 22 Julie aangehoor word.

SAOG bespreek georkestreerde onrus in Lesotho weermag

Letsie III
Letsie III

‘n Afvaardiging van die Suider Afrikaanse Ontwikkelingsgemeenskap is in Lesotho om met die regering, die polisiekommissaris en die bevelvoerder van die weermag te vergader.

Die Suid-Afrikaanse Nasionale Weermag ( SANW) is na berig word gereed om die Lesotho Weermag ( LDF ) te ondersteun.

Volgens inligting van bronne by Interpol in Lesotho, was die SANW reeds in Februarie naby die land se grens by Wepener ontplooi om “enige verdagte Lesotho militêre verwikkelinge te monitor”.

Die SANW-ontplooiing volg nadat ‘n skynbaar beplande onrus georkestreer is deur elemente in die Lesotho weermag.

Die Suid-Afrikaanse weermag het intussen intelligensie ingesamel.

‘n Opstand binne Lesotho se weermag sal “verpletter word omdat die plaaslike blok SAOG ( Suider-Afrikaanse Ontwikkelingsgemeenskap ) nie enige omverwerping van ‘n vreedsame verkose regering sal duld nie” het bronne gesê.

Die Lesotho Mounted Police Service het bevestig dat swaar gewapende Lesotho militêre lede langs die land se grense ontplooi is.

Dit volg na spanning tussen die weermag en polisie.

Die afvaardiging bestaan uit die ministers van Buitelandse Sake van Namibië en Tanzanië en die uitvoerende sekrekraris van die SAOG, Dr Stergomena Lawrence Tax.

Die SAOG sal ook met Koning Letsie III, die eerste minister Tom Thabane, koalisie-partyleiers, die hoofregter en godsdiensleiers vergader.

‘Militêre opstand teen die SAPD’

ratel
Ratel se kamoeflering afgehaal

Die weermagvakbond, Sandu, het bewerings oor ‘n dronk generaal se magsmisbruik veroordeel.

Die voorval dui op ‘n magstryd wat tussen die polisie en die weermag heers en wat tot verdere onverkwiklikhede kan lei sê ontleders.

Nòg die polisie, nòg die weermag wou egter uitbrei oor die voorval wat sommige polisielede as ‘n “militêre opstand teen die SAPD” beskryf.

Sandu sê die generaal het glo gepantserde voertuie en 120 soldate van die basis gemobiliseer om ander soldate en senior offisiere uit aanhouding te bevry.

Die polisie het die weermaglede by ‘n onwettige sjebeen in hegtenis geneem.

Die SANW-generaal wat lede van die weermag en twee Ratels gemobiliseer het om die 32 soldate te bevry, kan dalk geskors word, sê sommige bronne.

Die polisie het hulself glo toegesluit en bewapen toe die Weermag opdaag, maar geen skote is geskiet nie.

Die woordvoerder van Sandu, Pikkie Greef sê hulle oorweeg dit om ‘n klag van opstoking teen die generaal te lê.

Die polisie het intussen bevestig dat 31 mense Vrydagaand by ‘n sjebeen in hegtenis geneem is en dat aanklagte van intimidasie teen drie mense ondersoek word.

Die ontsetting van die soldate het by die Weermagbasis op Oudtshoorn oor die naweek gebeur.

Luidens mediaberigte was die generaal onder die invloed van drank toe hy die soldate, onder wie ‘n kolonel en ander offisiere, uit polisie-aanhouding gaan “red” het.

Die offisier kan binnekort aangekla word van dwarsboming van die gereg, misbruik van staatseiendom en magsmisbruik.

Hy kan selfs summier in hegtenis geneem word en lewenslange tronkstraf opgelê word weens die erns van die klag omdat hy as senior offisier homself as verhewe bo die reg beskou het, sê een militêre kenner.

Die offisier was glo Brigadier-generaal Xolani Mankayi van Pretoria.

Alhoewel die polisie intussen die gebeure bevestig het, het die SANW se infanterie-bevelvoerder enige kennis van die voorval ontken.

 

 

Buitelandse invloed oor veiligheid onder die loep

psiraDie Suid-Afrikaanse minister van polisie, Nathi Mthethwa het reeds gesê dat buitelandse eienaarskap van private sekuriteitsmaatskappye ‘n bedreiging vir nasionale veiligheid inhou.

Tot op hede is dit glashelder dat die teenwoordigheid van sulke maatskappye geen helende invloed op die donker misdaadprentjie en veral plaasmoorde wat voedselsekuriteit bedreig, gehad het nie.

Dat buitelandse sekuriteitsmaatskappye ‘n bedreiging vir nasionale veiligheid inhou, het onlangs na vore gekom in ‘n debat oor die Privaatsekuriteitsreguleringwysigingswetsontwerp.

Die bedryf het inderdaad verskeie tekortkominge, waarvan intelligensie-insameling problematies skyn te wees.

Ook is daar sorge oor die nie-registrasie van personeel, swak opleiding, onvoldoende keuring en agtergrondontleding, die uitreiking van vuurwapens aan persone wat nie bevoeg is om dit te gebruik nie en die probelem met strafregtelike of dissiplinêre stappe teen die sekuriteitspersoneel wat die wet oortree.

Dit is alles geloofwaardig en geldige redes vir die verbetering van regulering.

Gegewe die groot aantal mense wat in die private sekuriteitsbedryf werk – baie van hulle gewapen – is dit belangrik dat dit goed gereguleer moet wees.

Daar is trouens twee keer soveel meer mense in diens van privaatmaatskappye as in die SAPD en SANW.

Die Minister het ook aangevoer dat die groei van die private sekuriteitsbedryf in Suid- Afrika ander lande oortref, maar in werklikheid, verskil Suid-Afrika se verhouding van private sekuriteitsbeamptes tot polisiebeamptes ( 2,87:1 ) nie veel van dié van ontwikkelde lande nie.

Die VSA het ‘n verhouding van 2,26:1 en Australië 2,19:1. Dit vergelyk ook gunstig met ander middelinkomste of ontwikkelende lande. Honduras het ‘n verhouding van 4,88:1, Indië 4,98:1 6,01:1 en Guatemala.

Die misdaadprentjie hier lyk nogtans bedroef.

Die 2013 Groenskrif oor polisiëring verwys na die bedreiging van die private sekuriteitsbedryf se “vermoë om Suid-Afrika se veiligheidsituasie te destabiliseer”.

Dit was oënskynlik weens die betrokkenheid van ​​voormalige militêre en polisielede op bestuursvlak, asook “die ontplooiing van ‘ n ​​hoogs opgeleide, wettig gewapende agente” binne hierdie bedryf.

Die meeste van hierdie voormalige sekuriteitsamptenare is Suid-Afrikaanse burgers wat deur die vorige bewind opgelei is.

Die Groenskrif wys ook daarop dat die private sekuriteitsmaatskappye oor geen spesiale magte verder as dié van private burgers beskik nie.

Dit is dus moeilik om te sien hoe hierdie maatskappye die staat se swak wetstoepassing verder kan ondermyn.

Die vraag bly egter oor hoekom sulke maatskappye geen positiese rol in misdaadbestryding kon speel tot dusver nie.

Terwyl die Suid-Afrikaanse Witskrif oor Verdediging (1996), beweer dat in die afwesigheid van ‘n eksterne of militêre bedreiging, “die grootste bedreigings vir die Suid-Afrikaanse bevolking sosio-ekonomiese probleme soos armoede en werkloosheid is.. sowel as die hoë vlak van misdaad en geweld,” het die prentjie op die vasteland intussen verander in lande soos die DRK, Suid-Soedan en Libië.

Nasionale veiligheid, maw die vryheid van interne en eksterne bedreigings, moet deurentyd aangepas word soos verwikkelinge op die internasionale toneel verander.

Alhoewel die 445407 sekuriteitsbeamptes wat geregistreer is, almal Suid-Afrikaanse burgers is of ten minste permanente inwonerstatus geniet, kan buitelandse agendas nogtans maklik ‘n destabiliserende rol speel tov geweld en protes soos wat die platinumgordel tans ondervind.

Drie SA-soldate gewond in DRK

sanwdrkDrie Suid-Afrikaanse weermaglede is tydens ‘n aanval in die ooste van die Demokratiese Republiek van die Kongo gewond. Een verkeer in ‘n ernstige toestand.

Die twee anders sterk goed aan in ‘n hospitaal in Goma, volgens die SANW

‘n Woordvoerder van die departement van verdediging, Jaco Theunissen, sê een van die gewapende rebellegroepe in die DRK het in die vroeë oggendure ‘n Suid-Afrikaanse basis aangeval. Die soldaat wie se beserings as ernstig beskryf is, is stabiel.

Nog ‘n soldaat is deur skrapnel getref en ‘n derde soldaat het sy enkel in die skermutseling geswik.

Daar word geglo dat die rebelle gekoppel is aan die Mai Mai.

Die drie soldate is gewond in Nyabondo sowat 70 km noord van Goma in die oorloggeteisterde provinsie Noord-Kivu.

Die drie is deel van ‘n ontplooiing van 3000 soldate van Suid-Afrika, Malawi en Tanzanië, wat deel uitmaak van die VN-stabiliseringsending in die Kongo.

‘n Honderd Suid-Afrikaanse soldate uit ‘n 1000 in die DRK is by die Nyabondo-basis ontplooi, het kaptein Theunissen gesê.

Theunissen sê die soldate is aangeval deur ‘n geskatte 4500 rebelle in hul basis.

‘n Militêre kenner blameer die aanval op die Alliansie vir ‘n vrye en soewereine Kongo.

“Daar word geglo dit is Mai Mai. Hulle kom van Uganda na die DRK, want M23 ​​is onlangs verslaan,” het hy gesê.

Die alliansie bestaan vermoedelik ​​uit sowat 500 man, byna uitsluitlik lede van die Hunde-stam .

Die groep is betrokke in gewelddadige en uitgerekte grondgeskille met die Tutsi’s in Noord- Kivu.

Die Mai Mai is oënskynlik gevorm om die inval van Rwandese magte en geaffilieerde Kongolese rebellegroepe te weerstaan​​, maar daar word vermoed dat die groep spanning in die oostelike streek van die DRK uitbuit tot sy eie voordeel.

Theunissen het gesê die SANW het uitstekende werk gedoen in ‘n skoonmaakoperasie ná die aanval.