werkloosheid – praag.co.za

Peter Murray: Afrikaneremigrasie is ‘n werklikheid

Of u nou daarvan hou of nie, emigrasie is ‘n werklikheid. Ek gaan nie kant kies nie, want dan gaan my teenstanders my stenig.

Die jongste opnames toon dat daar waarskynlik vanjaar nog in 2018 ‘n emigrasierekord opgestel gaan word.

Amptelike inligting toon dat landgenote wat vanjaar nog na die Verenigde Koninkryk wil emigreer, met 22% gestyg het.

Daar is alreeds sowat 200 000 Suid-Afrikaners in die VK, waarvan die meerderheid in Londen woon.

In Australië woon 190 000 Suid-Afrikaners, waarvan die meerderheid in Perth gesetel is. Daar is ook ‘n redelike groot aantal in Brisbane.

Daar word beweer dat Afrikaans Australië se tweede grootste taal is, en dat daar alreeds Afrikaanse skole en kerke gestig is.

Ander lande met groot getalle van ons mense, is: Nieu-Seeland, Kanada en die VSA.

Die redes vir emigrasie is velerlei. Mens sal ook seker nooit weet wat die werklike redes vir almal is nie, omdat baie mense bang vir intimidasie is.

Veiligheid en sekuriteit is die twee vernaamste redes wat deur die meeste mense aangevoer word waarom Suid-Afrikaners hul geboorteland verlaat.

Ander redes is: “Ons land se onderwysstelsel is skrikwekkend, en ons kinders het geen toekoms in die Nuwe Suid-Afrika nie.”

Die RSA se swak geldeenheid (die rand) is ‘n verdere bekommernis vir vele. Vandeesweek het die rand verswak tot R18,00 per Pond Sterling. In 1961 was dit R2,00. Teen die VS-dollar trek dit al oor die veertien rand per dollar, R14,08 om presies te wees, asook R16,07 per euro.

Werkloosheid, en die gebrek aan werksgeleenthede, is insgelyks ‘n belangrike rede waarom Suid-Afrikaners die land wil verlaat. Onder jeugdiges is die werkloosheid nou sowat 50%. Ander ouderdomsgroepe ly ook daaronder. Die amptelike syfer is nou byna 28%.

Japan vaar met 3% die beste ter wêreld; die wêreldgemiddeld is 6%; en Portugal, wat 47ste is, spog met 12% werkloosheid. Suid-Afrika se 27,8% is meer as dubbeld soveel as Portugal s’n. Skrikwekkend!

Werkloosheid veroorsaak armmoede; armoede veroorsaak honger, dakloosheid en misdaad.

Politieke onstabiliteit sorg vir groot onsekerheid onder inwoners. Beskaafde mense veral, is gewoond aan stabiliteit en wil graag die versekering hê dat die land se regering gesond is. As daar swak administrasie, bedrog, korrupsie, onbevoegdheid; ens., in die landsbestuur is, kan geen beskaafde mens gelukkig en tevrede wees nie.

Die spreekwoordelike “laaste druppel aan die emmer”, is die regering se aankondiging van “onteiening sonder vergoeding”. Ons geskiedenis leer egter vir ons dat ons voorvaders nie grond van swartes gesteel het nie. Grond is gekoop of geruil.

As jy jou lewe lank hard gewerk het — soms nadat jy baie geld, sweet en trane vir studies betaal het — en jou gewete sê vir jou: “Hierdie plaas (of huis of ander eiendom) is wettiglik my eiendom”, gaan jy mos nie tevrede wees as dit sommer so van jou vervreem word nie!

In 1980 was daar ongeveer 180 000 boere in Suid-Afrika. In die jaar 2018 word die getal op 33 000 geskat. Wat het van die res (147 000) geword? Ons hoor dat sowat 4 000 vermoor is. Dan hoor ons van boere wat na ander Afrikalande — soos Nigerië, Zambië, Malawê, ens. — uitgewyk het.

Ons hoor ook van Georgië, die VSA, Australië, Kanada, en Suid-Amerika, waarheen Suid-Afrikaanse boere verhuis het.

Maar, sluit dit almal in? Is dít waarheen 147 000 blanke boere — hoofsaaklik Afrikaanssprekendes — verhuis het?

Soos reeds genoem, mens sal nooit weet wat elke emigrant se eerlike antwoord gaan wees oor waarom hulle hul geliefde vaderland en geboorteland verlaat het nie, maar feit is dat ons land vir hulle “onaanvaarbaar” geword het.

Deskundiges reken dat daar veel meer emigrante sou gewees het, as dit maar net vir hulle makliker gemaak sou gewees het. Nou wat is dan die “steen in die weg” van laasgenoemdes? Wel, ook in hierdie geval gaan ons baie antwoorde kry.

Om wettig te emigreer, kos in baie gevalle meer as ‘n miljoen rand, en om vir asiel aansoek te doen, is veel moeiliker!

Armoede, bejaardheid, gestremdheid, onvoldoende kwalifikasies (om maar net ‘n paar te noem), diskwalifiseer baie voornemende emigrante.

Dus sal diegene wat agterbly maar die goeie stryd moet stry, al is dit net om te oorleef.

Peter Murray: SA se probleme sal nooit opgelos word nie

Volgens ‘n opname wat onlangs deur die oudpolitikus Tony Leon gedoen is om te bepaal wat die Suid-Afrikaanse regering as prioriteite behoort te beskou, het 35% van die 1 000 ondervraagdes gesê dat werkskepping nommer een behoort te wees. Ongeveer 27% het aangedui dat onderwys en opleiding die belangrikste saak is.

Slegs 1% het grondhervorming as belangrik geag. Die verslag sê nie wie en wat daardie 1 000 ondervraagdes was, en of hulle darem verteenwoordigend van alle gemeenskappe in die land was nie. As ‘n mens na die linkse media en linkse politici luister, kry mens die indruk dat die oorweldigende meerderheid van alle Suid-Afrikaners “onmiddellik” van landbougrond voorsien moet word.

Inwoners van die swart woonbuurt in Hermanus het sommer tot aksie oorgegaan en ‘n stuk “onbewoonde” grond (wat aan Hermanus se munisipaliteit behoort) geannekseer. Daar is van die munisipaliteit geëis om “onmiddellik” die gebied van water en elektrisiteit te voorsien.

Dit is bekend dat die leier van die EFF party gereeld sy ondersteuners opsweep om grond te onteien. “If you see a house or a farm you like, take it, it is your’s. Everything the white man has, he stole from the blacks!”

Soos reeds genoem, dit is nie seker wie almal aan Tony Leon se opname deelgeneem het nie, want toe die EFF (Economic Freedom Fighters) van Julius Malema die voorstel in die parlement ingedien het dat grond van blanke boere sonder vergoeding van hulle weggeneem moet word, het nie net alle EFF-lede nie, maar ook alle ANC-lede, daarvoor gestem. Dit is dus nie seker hoe betroubaar Tony Leon se opname is nie, want dit weerspieël nie die houding van swart politici in die parlement nie. Die opname sou ‘n beter weerspieëling wees van opposisiepartye en blanke partye in die parlement. Maar, wie die geondervraagdes dan ook was; dit sou verblydend wees as daar n groep van 1 000 lede is, waarvan slegs 1% vir “grondhervorming” gestem het.

Alle beskaafde mense behoort te besef dat; as die werkloosheid onder die jeug 50% is, en onder volwassenes 27% is, dan behoort werkskepping die belangrikste prioriteit te wees. Onderwys en opleiding gaan hand-aan-hand met werkskepping. Die regering behoort voltyds nuwe skole en woonhuise te bou, aangesien daar ‘n tekort aan duisende skole in Suid-Afrika bestaan.

Swart skole het ‘n gemiddeld van meer as 50 leerlinge per klas (en per onderwyser). Dit veroorsaak dat leerlinge buitengewoon swak op skool presteer, en ‘n onnodige swaar las op onderwysers se skouers laai. Die tekort aan hoog opgeleide swart onderwysers in Suid-Afrika beloop tienduisende.

Té veel blanke onderwysers word gedwing om in swart skole te onderrig. Die ervaring het geleer dat moedertaalonderrig by verre die beste is, en dat kleiner klasse ook beter vaar. Daar behoort niks meer as 30 leerlinge in een klas te wees nie.

Die owerheid behoort ook toe te sien dat: swart leerlinge nie skoolgeboue afbrand nie; swart leerlinge nie toerusting en leermateriaal steel nie; swart onderwysers elke dag by die skool is en nie in werkstyd alkohol misbruik, en skoolmeisies molesteer nie; daar vele meer swart onderwyssers opgelei word, veral in wiskunde, wetenskap, en tale. Daar is ‘n reusetekort aan hoogsopgeleide mense in Suid-Afrika: Medici, ingenieurs, vlieëniers, rekenmeesters, en vele meer.

Politici verwyt graag die “ongelykhede” in ons land en blameer apartheid, rassisme, diskrimminasie, en “blankes wat nie gelykheid wil bevorder nie”, vir die ongelykheid. Maar, dis swartes self wat nie in gehalte belangstel nie. Dis die ANC wat die kwotastelsel ingestel het, en die merietestelsel verwerp het. Hulle redeneer dat “swartes op alle gebiede van die samelewing die demografie van die hele land moet verteenwoordig”. Blankes se beleid is dat “meriete op alle gebiede gehandhaaf moet word”, sodat die beste gehalte bereik sal word.

Dít wat in Suid-Afrika gebeur, is wat mens kry as Eerste Wêreld en Derde Wêreld integreer – om dan sodoende – “gelykheid” af te dwing.

Italiaanse aanklaer sê smokkelaars en liefdadigheid het migrasie krisis geskep

Volgens die vlugtelinge-agentskap van die Verenigde Nasies (UNHCR) het sowat 182 000 migrante in 2016, nog ‘n rekordjaar, Italië binnegedring omdat ‘n Italiaanse aanklaer sê mensehandelaars werk nóú saam met NRO’s om die krisis te skep.

Hierdie syfer sluit slegs diegene wat amptelik geregistreer is deur Italiaanse amptenare of NRO’s en nie die massiewe golf van immigrante wat onwettige toegang verkry het nie.

Die oorgrote meerderheid van buitelanders in die EU is onwettige, ongedokumenteerde immigrante, want in 2016 is slegs 2,65 persent van die immigrante in Italië asiel as vlugtelinge toegeken, oftewel 4 808 gevalle.

Die leier van die Noordelike Liga, ‘n nasionalistiese politieke party, Matteo Salvini, het aangekondig dat hy ‘n saak teen regeringsleiers sal bring vir die bevordering van onwettige immigrasie in die land.

“Dit is nou duidelik dat onwettige immigrasie georganiseer en gefinansier word. Daarom het ons besluit om ‘n saak teen die regering, die president van die Raad, die ministers en die bevelhebbers van die vloot en die kuswag aanhangig te maak,” het Salvini gesê.

‘n Beroemde Italiaanse aanklaer het die regering in die openbaar beskuldig dat hulle “mensehandelaars help” om die land se ekonomie te ondermyn. Carmelo Zuccaro, het aan Rai 3, ‘n staatsbeheerde TV-kanaal, gesê dat nie-regeringsorganisasies met hul soek-en-redding-sendings onwettige immigrasie uit Libië aanmoedig.

Zuccaro is ‘n swaargewig in Italië, wat georganiseerde misdaad daadwerklik bestry. Hy het van Italië se mees berugte Mafia-misdadigers lewenslank tronk toe gestuur, ‘n dapper daad te midde van doodsbedreigings, moorde op sy kollegas asook sy familie.

Zuccaro het in ‘n onderhoud met die koerant La Repubblica Vrydag gesê die bewerings het van geloofwaardige bronne gekom en het politici aangespoor om dadelik op te tree. Salvini het Zuccaro geprys en gesê dat NRO-werknemers wat betrokke is by die soek-en-reddingsdienste “gearresteer moet word” en hul skepe “gesink” moet word.

Verlede jaar het Salvini gekla dat die dele van Italië se mees bevolkte stad “nie Italië of Europa meer is nie” as gevolg van die “georganiseerde inval” in Milaan. “Ek het vanoggend in Milaan geloop, en sommige dele van die stad is nie Italië of Europa nie. Dit word heeltemal beheer deur immigrante.

“Die probleem is om ‘n georganiseerde inval wat die etniese suiwering van Italianers en Europeërs veroorsaak, te stuit. In ‘n jaar sal ons praat oor honderde duisende mense wat aankom.”

Die helfte van die immigrante wat in Italië aangekom het, sowat 90 000, het nooit om asiel gevra nie, en het as ongedokumenteerde immigrante verdwyn, wat in Italiaans as “clandestini” bekend staan.

Ten spyte van die feit dat die oorgrote meerderheid immigrante in Italië asiel geweier is, is minder as 5 000 in 2016 gedeporteer.

Die eerste kwartaal van 2017 het ‘n toename van 30 persent in instromers getoon vergeleke met dieselfde tydperk in 2016. Italië het in ‘n enkele naweek meer as 8 500 migrante oor Paasfees ontvang.

Meer as 140 000 immigrante is verlede jaar in Italiaanse skuilings gehuisves, ‘n sewevoudige toename van 2013, met die immigrantekrisis nou in sy derde jaar.

Intussen het ‘n ekonomieprofessor in Duitsland bevestig dat twee derdes van vlugtelinge wat in die EU aankom, ongeletterd is, sonder die vermoë om werk te vind en sodoende die land se ekonomie saboteer.

Ludger Woessmann, ‘n professor in ekonomie aan die Universiteit van München, het aan die Duitse tydskrif Zeit gesê 65 persent van Siriese vlugtelinge is ver onder internasionale standaarde wat basiese lees- en skryfvaardighede betref, en kan werkloosheidskoerse deur die dak dwing asook die vraag na maatskaplike welsynstoelaes.

“Met twee-derdes as funksioneel ongeletterd beskou in ooreenstemming met internasionale onderwysstandaarde, is dit die nodige opleiding om plaaslike besighede te bestuur wat meestal ontbreek,” sê Woessmann.

“Ons moet onsself voorberei dat die meerderheid jong vlugtelinge sal misluk in hul drie jaar opleidingskursusse wat ‘n hoë vlak van teorie bevat,” sê Woessmann. “Sewentig persent van die vlugtelinge uit Sirië, Afghanistan en Irak wat twee jaar gelede begin het, het reeds uitgeval.”

Die berig wat u hier gelees het is uniek in Afrikaans. Dit is spesiaal nagevors vir PRAAG wat die nasionalistiese tendense in Europa ten nouste volg. Help ons asseblief om dit vol te hou deur aan te sluit!

Le Pen weier ‘oligargiese vadoek’ in die agtergrond

Frankryk se Front Nasional het Woensdag die blou vlag van die Europese Unie ‘n “oligargiese vadoek” genoem en het voorspel dat sy dae getel is, volgens Reuters.

Die partyleier het geweier om op ‘n openbare platform te praat waar die EU-vlag vertoon word.

Die Franse TV-kanaal TF1 het ‘n vlag van die Europese Unie uit sy ateljee verwyder nadat Marine Le Pen daarop aangedring het dat slegs die Franse vlag tydens haar onderhoud met die uitsaaier sigbaar moes wees. Volgens die plaaslike media het TF1 ingestem om die vlag Dinsdagaand te verwyder.

Die verteenwoordiger van die Europese Kommissie in Frankryk, het getwiet: “Trots oor ons vlag, simbool van eenheid, solidariteit en harmonie tussen die volke van Europa. Kom ons steek dit nie weg nie,” nadat Marine Le Pen die blou-en-geelster vlag van die EU geweier het.

Die FN is ook nie geamuseer deur die EU-verteenwoordiger se twiet nie. “Jy sal sien, ons sal binnekort jou oligargiese lap in die kas pak,” het Florian Philippot Le Pen se tweede-in-bevel in reaksie op die EU gesê.

Le Pen het opgemerk dat sy verkies is deur Franse kiesers en nie die Unie nie. “Ek wil die president van die Franse Republiek wees. Ek wil nie president van die Europese Kommissie wees nie. Ek dink die EU het baie skade aan ons land gedoen,” het Le Pen aan TF1 gesê toe sy gevra is om haarself te verduidelik oor die EU-vlag.

Die EU-vlag is gereelde agtergrond op TV.

Meningspeilings is deurmekaar aangesien die gaping met Marine Le Pen se ander aanspraakmakers steeds verander, maar die grootste demografiese blok vir FN-ondersteuning kom van jonger kiesers tussen 18 en 24 jaar, waar Le Pen met 40 persent ondersteun word. In die Verenigde Koninkryk het die anti-immigrasie UKIP net agt persent gemonitor, wat daarop dui dat daar ‘n duidelike ekonomiese rede in Frankryk is vir die werklose jeugdiges om vir Le Pen te stem.

Jean-Luc Mélenchon, die ver-linkse kandidaat, het twiets uitgestuur vir Europa en vir die EU, het AFP berig. ‘N FN-amptenaar Joffrey Bollée het opgemerk dat Mélenchon “inderdaad ‘n agent van die stelsel is net soos die ander”.

Jeugwerkloosheid in Frankryk raak bykans ‘n kwart van werkers, in Duitsland is dit sowat sewe persent en in die Verenigde Koninkryk is dit 12 persent, volgens data wat deur die webwerf Trading Economics ingesamel is.

Dekades van ekonomiese wanbestuur deur sosialiste en sentrumpartye het gelei tot hoë vlakke van jeugdwerkloosheid, min werksversekering en verminderde sosiale mobiliteit. Maandag het Le Pen belowe om alle immigrasie met onmiddellike effek op te skort indien verkies, ‘n voorstel wat nie in haar manifes verskyn nie.

Twee van die mees prominente figure in die Front National, David Rachline en Marion Maréchal-Le Pen, is in hul twintigerjare.

Duitse armoede bereik rekordhoogtepunt veral onder bejaardes

Ten spyte van lae werkloosheid, het Duitse armoede rekordhoogtes bereik.

‘n Nuwe verslag het aan die lig gebring dat meer Duitsers nou armer is as op enige tydstip sedert hereniging.

En die getal van wit Duitse pensioenarisse onder die broodlyn het gestyg met ‘n onrusbarende 49 persent in ‘n dekade, het die Welsynsvereniging bekend gemaak.

Wolfram Friedersdorf, hoof van die Menslike Solidariteitsassosiasie, noem dit ‘n “stortvloed” van bejaarde armoede. Streke wat die meeste geraak word deur swaarkry vir bejaardes, is Berlyn en die Ruhr van Noordryn-Wesfale.

“Met 15,7 persent van Duitsers in armoede, het ons ongelukkig ‘n hoogtepunt bereik sedert hereniging,” het Ulrich Schneider, hoof van die Gelyke Welsyn Assosiasie, verlede week gesê.

Die Vereniging sê dat 12.900.000 mense in Duitsland onder die armoededrempel verkeer het in 2015, en in 2005, 14,7 persent van Duitsers onder dié vlak geleef het.

“Ekonomiese ontwikkeling het al lank nie meer die vermindering van armoede meegebring nie,” het Schneider uitgewys.

Die syfers is gebaseer op die amptelike syfers van die Federale Buro vir Statistiek (Destatis) wat die deel van die bevolking met ‘n inkomste van minder as 60 persent van dié van die gemiddelde Duitse huishoudelike inkomste meet.

Terwyl Destatis mense onder die 60 persent merk klassifiseer as “bedreig deur armoede”, het die Welsynvereniging hulle beskryf as armoedig.

Meer kommerwekkend is dat die toename in armoede kom ten spyte van jare van dalende werkloosheid.

Gordhan kondig minimumloon aan terwyl werkloosheid styg

Die Tesourie het sy steun gegee aan ‘n voorstel dat ‘n nasionale minimumsalaris op R3 500 rand per maand vasgestel word.

Suid-Afrika se werkloosheidsyfer het vir die derde kwartaal van 2016 geklim tot 27,1%, het Statistiek Suid-Afrika vroeër bekend gemaak, ‘n skokkende styging.

Dit sluit nie diegene in wat in die uitgebreide definisie van werkloosheid – dié mense wat opgehou soek het na werk – 36,3%, in die tweede kwartaal bereik het nie, het die statistiekliggaam gesê.

Minister Gordhan het die hoë werkloosheid geïgnoreer en gesê die Nedlac-verslag is ‘n belangrike mylpaal in pogings om lone van werkers te verhoog.

Ondersteuners van ‘n minimumloon sê dit sal groei aanmoedig omdat werkers meer geld sal hê om te bestee en ook ongelykheid verminder.

Kritici dink egter dat dit nog meer werkloosheid kan meebring omdat werkgewers nie hoër lone kan bekostig nie.

Die Reserwebank se monetêre beleidskomitee maak intussen vandag sy laaste aankondiging vir vanjaar oor die rentekoers.

Die Bank het die terugkoopkoers sedert Maart onveranderd gelaat op sewe persent met die prima-uitleenkoers op 10 komma vyf persent.

Vandag se aankondiging sal plaasvind te midde van ‘n steeds trae ekonomie en kommer oor moontlike afgraderings deur kredietgraderingsagentskappe.

Gordhan se aankondiging oor minimumlone in ‘n klimaat van stygende werkloosheid, sal nie die ekonomiese prentjie verhelder nie.

Werkloosheid onder swart jeugdiges neem toe

‘n Verslag deur die Raad vir Geesteswetenskaplike Navorsing het bevind dat werkskeppingsprogramme nie veel uitgerig het nie, het RSG berig.

Dié programme was nie doeltreffend genoeg om groot getalle werklose jeugdiges op te neem nie.

Die verslag oor die Aanbod en Aanvraag van Vaardighede is deur die departement van hoër onderwys en opleiding aangevra.

Dit het onder meer ook bevind dat 15 mijoen mense in Suid-Afrika tans werk het, en 7,5 miljoen wat wel voorheen gewerk het, tans nie werk het nie.

Werkloosheid onder die jeug is veral hoog en neem toe.

Ten spyte daarvan hou die ANC-regime vol om arbeid te duur te maak met plaasarbeiders wat reeds byna R3000 per maand verdien en daarmee saam dikwels ook gratis behuising en elektrisiteit ontvang.

Die minister van Arbeid Mildred Oliphant, meen egter dat dit ‘n “morele” besluit is om akute werkloosheid te help skep deur ongeskoolde arbeid te duur te maak, want die “lewenskoste raak hoër”.

Van al die onproduktiewe mense in Suid-Afrika, is negentig persent swart.

Die graderingsagentskap, Standard & Poor’s sê intussen die druk op die Minister van Finansies hou ‘n risiko in vir die land se beleggings-kredietgradering.

Die agentskap se besturende direkteur vir Afrika suid van die Sahara, Konrad Reusson, sê hulle verwelkom die teikens wat die Nasionale Tesourie gestel het.

Reusson het gewaarsku teen die druk op minister Pravin Gordhan by ‘n bankkonferensie in Johannesburg waar hy as spreker opgetree het.

Die agentskap het Suid-Afrika se trippel B gradering in Junie op ‘n negatiewe vooruitsig gelaat.

Maar Gordhan het voorheen verkiesingspraatjies die skuld gegee vir die land se ekonomiese vooruitsigte en in Junie gesê hy sal werkskepping bevorder.

Onder sy leiding is dit kennelik nie besig om te realiseer nie.

Munisipale verkiesing 2016 ‘n referendum vir Zuma

Wit Suid-Afrikaners het Woensdag in munisipale verkiesings gestem in die hoop om die regerende ANC ’n gevoelige slag te kan toedien.

Die verkiesing word as ’n soort referendum oor Zuma gesien, wat verswak is deur korrupsieskandale, hofsake en treurige ekonomiese data, insluitende ’n werkloosheidsyfer van 27 persent en nul persent groei in die bruto binnelandse produk.

Die media het ‘n vroeër ‘n venynige veldtog teen die president geloods.

Ten spyte van sommige meningsopnames dat die ANC die gevaar geloop om beheer oor sleutelstede soos Pretoria, Johannesburg en Port Elizabeth te verloor, loop die party steeds voor.

Ontwikkeling in Suid-Afrika was sedert die eerste veelrassige verkiesings in 1994 onbenullig, met baie swart gemeenskappe wat steeds swak behuising, onvoldoende onderwys en ’n gebrek aan geleenthede ondervind, maar dit pla swart kiesers min.

Met die ekonomie wat tot stilstand gekom het en werkloosheid wat rekordhoogtes bereik het, hoop die belangrikste opposisieparty, die Demokratiese Alliansie (DA), en die radikale linkse Ekonomiese Vryheidsvegters (EFF) om steun te wen.

In Johannesburg se Soweto-woonbuurt het inwoners van vroegdag af in rye gestaan om te gaan stem.

“Ons is moeg vir hierdie selfdienende leierskap. Mense is moeg vir hulle en selfs oumas is siek en sat vir hierdie regering,” het Nathi Mulaudzi, ’n 40-jarige werklose vragmotorbestuurder aan AFP gesê.

Tog geniet pres. Jacob Zuma steeds wye steun, veral in landelike gebiede, en die ANC se sterk netwerk en diep beursies kan dit help om beheer oor die meerderheid van die 278 munisipaliteite te behou.

“Daar is baie negatiewe dinge wat oor die ANC gesê word, maar ek bly dink aan waardeur Mandela onder apartheid gegaan het, dus doen ek dit vir hom,” het Lebogang Maponyane, ’n 43-jarige werklose vrou van Soweto gesê, nadat sy vir die ANC gestem het.

Dan Roodt: Rekenaars vir alle Afrikaners?

Volgens beskikbare statistiek, beskik ongeveer die helfte van Afrikaners nie oor rekenaars nie. Mense het oor die algemeen selfone wat hulle toegang tot die internet gee, maar nie noodwendig ‘n rekenaar nie. Baie gebruik ook rekenaars by die werk.

‘n Idee sou wees om by groot maatskappye hul ou rekenaars in die hande te kry waarvan hulle ontslae raak en hulle bietjie op te gradeer of reg te kry vir arme of werklose Afrikaners sonder rekenaars. Enige rekenaar ná 2005 of so is eintlik goed genoeg, want mens kan ‘n ligte weergawe van Linux daarop laai en dan behoort dit heeltemal goed te wees om aanlyn mee te werk. Ons kan hulle dan gratis versprei of per koerier landwyd laat aflewer teen ‘n minimale koste van ongeveer R100 per rekenaar.

Enigiemand met ‘n rekenaar behoort tussen R5000 en R10 000 per maand van die huis af te kan verdien, want daar is ‘n hele globale wêreld waar ‘n mens jou dienste kan verkoop.

Ons kan ook nuwe aanlynbesighede begin om vir sulke mense werk te skep. Van die besighede kan ook in die buiteland geregistreer wees, dus geen BEE of ander nonsens nie.

Dit kan nog ‘n baie opwindende PRAAG-projek word!

Swart jeug kry nie werk nie ten spyte van rassevoorkeure in hul guns

Ondanks drakoniese regstellende-aksiewetgewing in Suid-Afrika, kry blanke en Indiërjeugdiges steeds meer werk as hul swart en kleurling-eweknieë. Die blanke en Indiëropvoedingsvlakke het ook sedert 1994 toegeneem terwyl dié van swartes afgeneem het, met die implikasie dat die onderwysstelsel vir swartes onder sogenaamde “apartheid” beter was as die huidige mengelmoes van polities korrekte skole en linkse indokrinasie aan die universiteite.

Dié feite is deur die Suid-Afrikaanse regering self bekendgemaak, nie deur ‘n buite-agentskap nie. Die land se swart statistikus-generaal dr. Pali Lehohla, het Maandag aangekondig:

“Meer kleurling- en swart jeugdiges in Suid-Afrika is werkloos, by misdaad betrokke en ongeskool as ander rassegroepe.

“Vir Indiërs en blankes, is die toekoms helder. Vir die kleurling- en swart jeug, is dit nie. Dit neem twee keer soveel moeite vir ‘n swart of kleurlingkind wat aan dieselfde universiteit kwalifiseer om werk te kry,” het Lehohla gesê.

Maatskappye en werkgewers neem regstellende aksie in ag was dit by aanstellings kom, wel wetende dat die punte wat kleurlinge en swartes op universiteit ontvang, kunsmatig deur liberale en linkse professore opgestoot word.

Lehohla het ook die feit beklemtoon dat vele swartes op universiteit uitval, ten spyte van rekordgetalle wat toelating verkry.

“Die aantal swart en kleurlingjeugdiges wat universiteit toe gaan, het toegeneem, op dramatiese wyse. Die probleem is dat hulle nie klaarmaak nie, anders as die blanke studente. Hulle word deur ‘n aantal uitdagings in die gesig gestaar.”

Blanke, Indiër- en Asiese jongmense is ook meer geneig om hoërskool te voltooi as swart en kleurlingleerlinge. Dieselfde geld vir universiteit, waar slegs 10% van swartes in sommige studierigtings ooit hul graadkursusse voltooi.

Volgens Lehohla bestaan 66% van Suid-Afrika se werkloses uit jongmense, waarvan die meeste swartes of kleurlinge is.

Aangesien opvoeding met indiensneming korreleer, vind die blanke en Indiërjeug dit makliker om werk te kry, ondanks die negatiewe wetgewing wat blankes vir “hul ouers en grootouers se rassisme” straf. Maar, Indiërs doen in sommige gebiede selfs beter as blankes omdat hulle oor soortgelyke opvoedingsvlakke beskik, dog steeds vir regstellende aksie kwalifiseer. Sekere banke in Johannesburg neem na bewering slegs Indiërs in diens en byna geen blanke jeugdiges nie. Maar buite die grootmaatskappy-omgewing, lyk dit asof blanke jongmense by klein en mediumgroottemaatskappye in aanvraag is.

Lehohla het gesê dat tweederdes van Suid-Afrika se werkloses in 2014 uit jongmense bestaan het. In die ouderdomsgroep 25 tot 34, het slegs een uit elke drie oor ‘n betrekking in 2014 beskik.

Vele blanke Suid-Afrikaners emigreer omdat hulle glo dat hul kinders nie werk sal kry nie as gevolg van die ANC-SAKP-bewind se rassistiese antiwit beleid as dit kom by die regulering van die arbeidsmark. Dog in die regte wêreld kom dit voor asof vaardighede steeds oor regstellende aksie en rassesosiogeniëring triomfeer.

Asielmigranten: langdurige werkloosheid en criminaliteit

Er dreigt een nieuwe onderklasse van vluchtelingen te ontstaan in de Nederlandse samenleving, waarbij werkloosheid en criminaliteit een grote rol spelen.

Een snelle integratie van asielzoekers voorkomt niet alleen langdurige werkloosheid en criminaliteit, zij stimuleert juist ook terugkeer naar het land van herkomst. Dat is de conclusie van een nieuw onderzoek naar de integratie van de vorige grote groep asielmigranten.

Daarvoor waarschuwen onderzoekers van het Wetenschappelijk Onderzoek- en Documentatie Centrum (WODC) van het ministerie van Justitie, het Sociaal en Cultureel Planbureau en de Wetenschappelijke Raad voor het Regeringsbeleid.

Ze doen dit op basis van een studie naar de integratie van 33 duizend asielmigranten die in de jaren tachtig en negentig naar Nederland kwamen en een verblijfsvergunning hebben gekregen. Een groot deel daarvan is langdurig werkloos. De onderzoekers vinden dat de overheid veel meer moet doen om de huidige asielmigranten sneller aan werk te helpen zodat kan worden voorkomen dat ook zij massaal en langdurig in de bijstand blijven.

De integratie van asielmigranten verloopt veel langzamer en stroever dan die van arbeidsmigranten, blijkt uit de omvangrijke studie. De lange wachttijd op een status en een woning, plus de ‘verloren tijd’ in de opvangcentra, zetten deze groep op grote achterstand en vergroten de kans op langdurige werkloosheid. Ook is de criminaliteit onder deze groep hoger dan gemiddeld.

Vijf jaar na hun aankomst in Nederland had een kwart van de asielzoekers uit het onderzoek een betaalde baan van meer dan 30 uur. Na vijftien jaar was dat nog maar 35 procent. Bij de arbeidsmigranten is dat 65 en 50 procent. Asielmigranten met weinig opleiding, zoals die uit Somalië, vinden het moeilijkst werk. Hoger opgeleiden, zoals de vluchtelingen uit Joegoslavië, doen het op de arbeidsmarkt het best.

Bron: de Volkskrant

ANC wil provinsies afskaf

Volgens die Sunday Independent beplan die ANC om sekere provinsies af te skaf.

Die afskaffing kan lei tot groter magte vir betrokke munisipaliteite.

Dié voorstelle is vervat in ‘n verslag wat in Julie by die party se vergadering besluit is en intussen na provinsiale strukture uitgestuur is.

Die ANC se sekretaris-generaal, Gwede Mantashe, het by dié geleentheid ook verklaar dat oplossings gemik op werkloosheid, armoede en ongelykheid nog geen vrugte afgewerp het nie.

Mantashe meen die ANC moet eerder op grondhervorming, mynboubelange en breëband fokus.

Die party beplan glo ook om senior staatsamptenare se persoonlike uitgawes en magte te ondersoek.

Zoeloes verjaag buitelanders

Grootskaalse plundery in Durban se lokasies het verlede nag uitgebreek soos spanning aangevuur deur xenofobiese retoriek en werkloosheid oorgekook het.

Verskeie mense is dood en duisende is uit hul wonings gejaag in die mees gewelddadige onlangse aanvalle teen buitelanders wat steeds in ‘n deel van KwaZoeloe-Natal voortduur.

Sporadiese geweld is veral in Suid-Durban opgemerk. Honderde polisielede is ontplooi in die stad van alle uithoeke van provinsie, terwyl duisende Zoeloes op buitelanders se winkels toegesak het.

Die eThekwini Metro se hele brandweer is na verneem word ontplooi in net KwaMashu alleen, soos plunderaars winkels aan die brand steek asook huise wat aan buitelandse burgers behoort.

Die polisie se Openbare Orde-eenheid het gesukkel om die eiendom van buitelanders te beveilig. Volgens berigte het groepe mense in Umlazi en in KwaMashu van winkel tot winkel beweeg en voedsel gebuit voordat winkels aan die brand gesteek is.

Die sentiment van Zoeloe-inwoners is vervat in kommentaar deur die Zoeloekoning Goodwill Zwelithini, wat voorgestel het dat nie-Suid-Afrikaanse burgers hulle “tasse moet pak” en terugkeer huis toe.

Zwelithini se opmerking volg te midde van die regering se pogings om duisende ontwortelde buitelanders aan te moedig om na hul gemeenskappe terug te keer.

Die vlaag xenofobiese geweld kan toegeskryf word aan buitelanders wat ongehinderd oor Suid-Afrika se grense stroom en meeding om werk in ‘n arbeidsmark waar werkloosheid reeds hoogty vier.

Berigte dat ‘n kind geskiet is, kon nie bevestig word nie.

‘n Groot groep swart mans wat by die Dalton mans-hostel in die Durbanse middestad saamgetrek het, is ook uiteengejaag.

Zuma loof Weermag oor landelike veiligheid

President Jacob Zuma het lede van die Suid-Afrikaanse Nasionale Weermag wat saam met die polisie gewerk het, geloof vir die “sukses” van die Landelike Veiligheidstrategie.

Dié strategie word tans landwyd by 117 polisiestasies geïmplementeer om veiligheid en sekuriteit in landelike gebiede en in die besonder in landbougebiede te bevorder.

Zuma het die Gewapende Magtedag-vieringe in Potchefstroom in Noordwes bygewoon. Die Leër, Lugmag, Vloot en Mediese Gesondheidsdienste was deel van die verrigtinge wat in 2012 as ‘n jaarlikse instelling afgekondig is.

Hy het die bydrae van soldate in anti-misdaad-oorgrensoperasies hoog aangeskryf. Die SANW is in dertien sub-eenhede ontplooi ter ondersteuning van Operasie CORONA in Limpopo, Mpumalanga, KwaZulu-Natal, die Vrystaat, Oos-Kaap, Noord-Kaap en Noordwes.

Zuma het gesê die Operasie is ‘n groot sukses aangesien daar op onwettige wapens beslag gelê is, asook gesteelde voertuie en vee.

Minister Nosiviwe Mapisa-Nqakula het voor die verrigtinge uitgewei oor die weermag se beleidshersiening wat tans sloer.

Sowat R11-miljoen is aan die hersieningsbeleid vir die weermag spandeer. Van die voorstelle wat in die 380-blad verslag gemaak is, is dat die weermag sy begroting verdubbel na R88-miljoen.

Die regering wil die Suid-Afrikaanse Weermag aanwend om werkloosheid onder swartes aan te spreek. Zuma het gesê jongmense word in ‘n verskeidenheid beroepe opgelei wat van ingenieurswese tot kommunikasie insluit.

Die program word in samewerking met die Departement van Landelike Ontwikkeling en Grondhervorming aangebied en staan bekend as die Nasionale Landelike Jeugdienskorps.

Die vieringe is ter herdenking aan 21 Februarie 1917 toe sowat 600 Suid-Afrikaanse soldate dood is toe die hulle skip – die SS Mendi – gesink het. Daar was meestal swart soldate op die skip wat in die Eerste Wêreldoorlog in Frankryk geveg het.

Die SS Mendi het in die Engelse kanaal gesink nadat dit teen ‘n ander skip gebots het. President Zuma het verskeie soldate vereer vir hulle rol in die Weermag en ook in lande soos die DRK en die Kongo.