Drie Suid-Afrikaanse weermaglede is tydens ‘n aanval in die ooste van die Demokratiese Republiek van die Kongo gewond. Een verkeer in ‘n ernstige toestand.
Die twee anders sterk goed aan in ‘n hospitaal in Goma, volgens die SANW
‘n Woordvoerder van die departement van verdediging, Jaco Theunissen, sê een van die gewapende rebellegroepe in die DRK het in die vroeë oggendure ‘n Suid-Afrikaanse basis aangeval. Die soldaat wie se beserings as ernstig beskryf is, is stabiel.
Nog ‘n soldaat is deur skrapnel getref en ‘n derde soldaat het sy enkel in die skermutseling geswik.
Daar word geglo dat die rebelle gekoppel is aan die Mai Mai.
Die drie soldate is gewond in Nyabondo sowat 70 km noord van Goma in die oorloggeteisterde provinsie Noord-Kivu.
Die drie is deel van ‘n ontplooiing van 3000 soldate van Suid-Afrika, Malawi en Tanzanië, wat deel uitmaak van die VN-stabiliseringsending in die Kongo.
‘n Honderd Suid-Afrikaanse soldate uit ‘n 1000 in die DRK is by die Nyabondo-basis ontplooi, het kaptein Theunissen gesê.
Theunissen sê die soldate is aangeval deur ‘n geskatte 4500 rebelle in hul basis.
‘n Militêre kenner blameer die aanval op die Alliansie vir ‘n vrye en soewereine Kongo.
“Daar word geglo dit is Mai Mai. Hulle kom van Uganda na die DRK, want M23 is onlangs verslaan,” het hy gesê.
Die alliansie bestaan vermoedelik uit sowat 500 man, byna uitsluitlik lede van die Hunde-stam .
Die groep is betrokke in gewelddadige en uitgerekte grondgeskille met die Tutsi’s in Noord- Kivu.
Die Mai Mai is oënskynlik gevorm om die inval van Rwandese magte en geaffilieerde Kongolese rebellegroepe te weerstaan, maar daar word vermoed dat die groep spanning in die oostelike streek van die DRK uitbuit tot sy eie voordeel.
Theunissen het gesê die SANW het uitstekende werk gedoen in ‘n skoonmaakoperasie ná die aanval.
Met vandag se opleiding en fisiese toestand van die troepe is dit nie verbasend dat SA soldate soos vlieë afgemaai sal word nie.
Ek dink die spul aan die oorkant is met die Rooivalk afge-Mai Mai soos vlieë.
Wat soek die sogenaamde soldate in die DRK ? Hulle het seker weer soos laast keer met kindersoldate baklei. Laat hulle huis toe kom en met Bafana sokker speel.dit sal veel geld en verleentheid bespaar !
Stem! Die een het sy enkel geswik – en hospitaal toe daarvoor?! Nou watse “wond” is dit?!
Seker dit “opgedoen” – toe hulle weg gehardloop het… – reguit in mekaar se arms vas!
Los hulle ss dat hulle daar omkom.