Druk is besig om op te laai teen die stakende Amcu-lede in die platinumbedryf.
Die mynwerkersvakbond, die NUM het die regering se versoek ondersteun om die stakende werkers in die platinumbedryf te vra om na hul werk terug te keer.
President Jacob Zuma en die minister van arbeid, Mildred Oliphant het vroeër ‘n beroep op Amcu gedoen om die staking te beëindig.
Amcu-lede staak al die afgelope drie maande. Die adjunk-president van die NUM, Thamsanqa Matosa sê die stakers wil die ekonomie vernietig.
Matosa sê die NUM het mynmaatskappye versoek om werkers te beskerm wat wil teruggaan werk toe. Hy sê NUM-lede wat werk, word ook geïntimideer.
Intussen het die hoofsekretaris van Cosatu, Zwelinzima Vavi ‘n vraagteken oor eenheid in die drie-party alliansie in die aanloop tot die verkiesing geplaas.
Vavi en adjunk-president Kgalema Mothlanthe was hoofsprekers by die Werkersdagvieringe in Port Elizabeth.
Vavi het gesê die alliansie lyk goed op papier maar ‘n ware alliansie is een waarin mense saamwerk en met mekaar oorleg pleeg.
Hy het gesê niemand behoort in ‘n alliansie gemarginaliseerd te voel nie.
Die adjunk-president van die NUM, Thamsanqa Matosa sê die stakers wil die ekonomie vernietig. Hoor wie praat! Suurdruiwe omdat Amcu-lede weggebreek het van NUM sal ek sê.
Wil die ekonomie vernietig? Nee, die wekkas van beide hierdie kommunistiese instansies het die ekonomie al klaar ‘n massiewe knou gegee. Hoor my woorde – die Suid Afrikaanse ekonomie is ‘n borrel wat binnekort gaan bars
Hoeveel van hierdie myne is binne die gebied wat Front Nasionaal nou opeis?
Ons eis huidiglik in die Oos Transvaal – latere eise mag dalk dele van die Wes Transvaal insluit
Die hele probleem met die stakery wil voorkom of dit die unie is wat die staking so lank uitrek. Die myn het glo volgens ‘n nuusberig op Jakaranda vroeër die week gesê hulle kontak die stakende werkers nou self by middel van SMS en 90% van die wat gekontak is was tevrede met wat die myn aanbied en dat dit die UNIE is wat die probleem blyk te wees. Weereens bewys hoe maklik hulle aan die neus gelei kan word.