praag.co.za

Groot storms op pad

Written by

Karin Roodt

in

,

rampgebiede1Navorsing wat vandeesmaand in die International Journal of Climatology gepubliseer is, toon dat Suid-Afrika verhoogde reënval en meer oorstromings te wagte kan wees.

Die studie is deur ‘n Wits PhD-student onderneem. Die bevindings weerspreek egter die gewilde klimaatsveranderingoortuiging dat warmer oseane tot meer orkane lei.

Wanneer ‘n orkaan se vernietiging nuus maak, soos in die geval van die VSA se Katrina of die tifoon Haiyan in die Filippyne, word gesê dat klimaatsverandering meer storms veroorsaak.

Maar Professor Stefan Grab en Witsstudent Jennifer Fitchett van die universiteit se Skool vir Geografie, Argeologie en Omgewingstudie, wat siklone in die Suidoos-Indiese Oseaan oor 161 jaar bestudeer het, het bevind dat daar “geen duidelike tendens” van meer of minder storms is nie.

Fitchett gesê stormopsporingsmetodes het verbeter, wat gelei het tot ‘n persepsie van meer storms.

“Van 1940 af was daar ‘n groot toename in waarnemings as gevolg van lugverkenning en satellietbeelde.”

Nog ‘n faktor was meer mense wat op die kuslyn woon en dus bewus raak van die uitwerking van siklone.

Grab en Fitchett het ontdek dat siklone suid beweeg – en nader aan Suid -Afrika – wat lei tot hoër reënval en meer kanse van oorstromings.

Die wetenskaplikes was verras deur hul ontdekking.

Siklone – wat in die Indiese Oseaan ontstaan – of orkane – wat hul oorsprong in die Atlantiese Oseaan het – het ‘n seewateroppervlaktemperatuur van 26 of 27 grade Celsius nodig om te vorm.

Fitchett verduidelik dat omdat die oseane warmer word, word die paaie wat siklone kies breër en dus nader aan Suid-Afrika.

Dit beteken dat siklone wat Madagaskar sou getref het nou waarskynlik Suid-Afrika kan tref.

“Ons het reeds gesien toe ‘n tropiese sikloon suid getrek in 2007 was daar groot vloede in Limpopo, Mosambiek en die noorde van KwaZulu-Natal,” sê Fitchett.

 

Comments

13 responses to “Groot storms op pad”

  1. Willy Avatar
    Willy

    Kan jou nou meer dat ek die bevindings van ‘n Wits student interessant vind.
    Hier is maar net weer ‘n bewys Wie onderhou die Skepping.
    Hier is streke in die land wat mildelik geseën word met baie reën waarvoor soveel dankbaarheid is.

  2. StalinX Avatar
    StalinX

    Solank die Empire net sommer saam sink, dan gaan dinge al klaar beter gaan!

    1. Trippie Avatar
      Trippie

      Stem, mag hiermee saam ook winde van verandering kom …

  3. Adrenalien Avatar
    Adrenalien

    So, daar is weer ‘n geleentheid vir die ANC en DA om komberse en kospakkies gratis uit te deel, daar is mos diegene wat net een breinsel meer as *&^%$**&$ het, ondanks voortydige vloed-waarskuwings.

  4. Riempies Avatar
    Riempies

    Amper 7jaar gelede toe ons uit die Transvaal na n kusdorpie in die Wes Kaap getrek het was die gematigde dag en nag temprature een van die faktore wat ons laat besluit het om hier vas te skop.

    Dit is n winter reënvalstreek met sagte deurdringende reën en heerlike sonnige dae in die somer met n koel briesie.

    Die laaste 3 jaar het die weerpatroon baie verander – mens sien amper nie meer die son in die somer nie want dit reën nou in die somer en swaar weer wat ons laaste in die Transvaal ervaar het het steek nou gereeld kopuit. Dit is ook opmerklik dat die boere nie meer Canola en koring plant nie – net so hier en daar nog sulke lande ek raai asgevolg van die veranderde weerpatroon en nou eerder groot met skaap boer. Dit alles in n 3jaar periode.

  5. JAVR Avatar
    JAVR

    Duimsuiger in “training”! Hulle KAN NIE voorspel wat met die weer gaan gebeur nie en dit is al oor en oor bewys.

    1. Kalium_Chloraat Avatar
      Kalium_Chloraat

      Daar was in die verlede al groot sukses met die voorspelling van weer. Weermodelle is deterministies en die akkuraatheid word bepaal deur hoe volledig die huidige data is. Die weermodel word egter al onakkurater soos die beplanningshorison (lengte van voorspelling) toeneem. Data en kennis sal egter altoos onvolledig wees, dus sal weervoorspelling nooit 100% akkuraat wees nie. Voorspelde stormsterkte is al akkuraat aangepas (waar dit sal tref en die sterkte) deur net die addisionele inligting van 1 skip op die oseaan in die model in te voer.

  6. Arnieann Avatar
    Arnieann

    Dit sal altyd weer reën, en die wind sal altyd waai, en die son sal altyd skyn.
    Wie wil wed???

    1. Willy Avatar
      Willy

      Sulke groot bemoedigende woorde Arnie.

    2. Kalium_Chloraat Avatar
      Kalium_Chloraat

      Al onderbreking sal wees op daardie Dag wat dit eers teen die aand sal lig word, ne Arnieann.

      1. Arnieann Avatar
        Arnieann

        Dìt is eers wanneer sekere mense se oë oopgaan Kalium.
        Tot dan loop hulle in die donker van leberale satanisme soos nou.

    3. Dolk Avatar
      Dolk

      Ek wed jou enige dag…

      En toe bid iemand… Dat God die Hemel soos ‘n koper-koepel maak… Droog – soos die Sahara-son se karos-kombers… Dat daar geen reën sal val nie…

      Wie kan onse Skepper keer?

      (~;

  7. Kalium_Chloraat Avatar
    Kalium_Chloraat

    Bestaande weerdata ondersteun geen gevolgtrekking oor weertendense nie. Gegewe die laaste honderd of so jaar is daar ‘n waarneembare styging in temperatuur die laaste paar jaar, maar daar is nie genoeg data om te toon of dit siklies, toevallig of as gevolg van die opbou van CO2 is nie. Die CO2 model se ontwerpers het erken dat die model nie-linieer is, daar is dus nie ‘n verhoudelike verwantskap tussen die model se inset en uitset nie. Die ontwerpersvan die model weier ook om dit te publiseer en dit maak my ERG agterdogtig. Ander dinge wat rondom die CO2 model gebeur is nog meer verdag soos die sameswering ‘n paar jaar terug waarvan die e-posse uitgelek het. Dit lyk my na ‘n manipulasie met onbekende (?) doelwitte.

    ‘n Klomp jare terug het ek te doen gehad met boere wat soos een man beweer het dat reënval verander (dit reën nie meer so baie soos toe ek jonk was nie). Dept Landbou het gaan kyk na die reenvaldata en volgens die 115 jaar se data kon die tendens wat die boere beskryf het nie gesien word nie. Weidingsmodelle wat aangepas is om oorbeweiding te simuleer het egter die tendens getoon wat die boere waargeneem het, dit was dus nie reën val wat afgeneem nie, maar veld wat meer oneffektief gegroei het weens oorbeweiding. Anekdotale data is van die onbetroubaarste wat jy kan kry, want persepsie is onvolledig en geheue verander oor tyd. So onthou mense gewoonlik net uiterste omstandighede.

Leave a Reply

More posts