Kategorie: Internasionale nuus

Nuus oor die wêreld buite Suider-Afrika

Merkel se herenigingsbeeld deur verdeeldheid gekenmerk

Duitsland se kanselier Angela Merkel is Maandag begroet met vyandige slagspreuke by haar aankoms in Dresden, die geboorteplek van Duitse hereniging en daarom herdenkingsvieringe.

Die woedende skare het plakkate opgehou met “Merkel moet gaan” en “Verrraaier” in die Oos-Duitse stad, waar ‘n 2600 polisielede ontplooi is as ‘n sekuriteitsvoorsorgmaatreël.

Die Duitse leier verkeer onder druk by die huis oor haar liberale vlugtelingbeleid wat verlede jaar gesorg het vir ‘n toestroming van byna 2 miljoen immigrante.

Dresden is gasheer vir die nasionale vieringe na 26 jaar sedert die hereniging van Oos- en Wes-Duitsland.

Die uitjouery het voortgegaan na die diens, toe die kanselier, president Joachim Gauck en minister van Binnelandse Sake Thomas de Maizière uit die kerk gestap het.

Die Duitse media het die aantal betogers, meestal mans, geraam op ‘n “paar honderd”, maar volgens ander skattings was daar etlike duisende.

Merkel staar ‘n politieke omwenteling in die gesig vir haar oop-deur vlugtelingbeleid, met ondersteuning vir die AfD wat regoor Duitsland toeneem.

Alternatiewe vir Duitsland (AfD) het die wantroue in Merkel vir stemwerwing ingespan en sowat 14 persent van die stemme verlede maand in die staat van Berlyn ingepalm.

Anti-immigrasiepartye in Frankryk, Oostenryk en Nederland, asook die Amerikaanse Republikeinse mededinger Donald Trump, is insgelyks besig om veld te wen.

Verlede jaar se aankoms van sowat twee miljoen immigrante, hoofsaaklik Moslemsvlugtelinge van armoede en oorlog in die Midde-Ooste, Afrika en Asië, het verhoogde maatskaplike spanning en kultuurskok meegebring.

Dresden is die wieg van die anti-Islam PEGIDA-beweging, maar ook die stad wat die Berlynse Muur laat val het.

In ‘n kort verklaring, het Merkel vir “wedersydse respek” en “aanvaarding van baie uiteenlopende politieke menings” gevra terwyl drie polisiemotors in die stad aan die brand gesteek is.

Sy het vroeër die “misbruik” deur anti-immigrasie betogers van die frase “Wir sind das Volk” (Ons is die mense) veroordeel. Die slagspreuk is oorspronklik gebruik deur Oos-Duitsers in protes wat gelei het tot die val van die Muur in 1989.

Merkel, wat grootgeword het as ‘n kommunis in Oos-Duitsland, het die “skandelik groot aantal xenofobiese aanvalle” veroordeel, maar versuim om honderde seksuele aanrandings deur immigrante te noem.
 
Verlede week het twee bomaanvalle die stad getref. ‘n Moskee en ‘n internasionale konvensie sentrum in Dresden is aangeval maar niemand is beseer nie.

Colombiane verwerp ooreenkoms met Marxistiese rebelle

Colombia se regering en die Marxistiese Farc-guerrillas het Maandag alles in die stryd gewerp om ’n plan te laat herleef wat ’n einde aan die 52 jaar lange oorlog moet maak.

Dit volg nadat kiesers ’n onderhandelde ooreenkoms tussen die twee partye in ’n referendum verwerp het. Kiesers meen die ooreenkoms is die rebelle te genadig.

Ná die verpletterende politieke nederlaag het pres. Juan Manuel Santos Maandag probeer om ondersteuners van die vier jaar lange onderhandelinge met die Rewolusionêre Gewapende Magte van Colombia (Farc) moed in te praat.

Santos, het met opposisieleiers vergader, en twee kabinetsministers en die hoofonderhandelaar, Humberto de la Calle, aangestel om te poog om die vredesonderhandelings met die FARC-rebellegroep aan die gang te probeer hou.

De la Calle het vroeër aangebied om te bedank.

Die voormalige president wat die leier is van die groep wat onderhandelings teenstaan, het veranderinge in die ooreenkoms met die rebelle geëis. Hy glo soos baie Colombiane dat die regering te veel toegewings gemaak het.

Meer as 220 000 mense is in Latyns-Amerika se langdurigste konflik in meer as ’n halfeeu dood.

“Ek sal nie moed opgee nie. Ek sal aanhou na vrede soek tot die laaste minuut van my termyn,” het Santos gesê, oomblikke nadat die referendum se uitslae Sondag bekend gemaak is.

Rodrigo (Timochenko) Londono, die top FARC-bevelvoerder, het op sy beurt ook die versekering gegee dat die rebelle steeds daartoe verbind is om ’n vreedsame politieke party te word.

“Farc herbevestig sy uitgangspunt om net woorde as ’n wapen te gebruik om ’n nuwe toekoms te bou. Maak staat op ons, vrede sal seëvier,” het Timochenko gesê.

Santos, wat nie wetlik verplig was om ’n referendum uit te roep nie, oorweeg nou sy opsies.

Die vredesooreenkoms wat verlede maand bereik en verlede week onderteken is, bied aan rebelle die moontlikheid om hul wapens aan die Verenigde Nasies te oorhandig, hul misdade te erken en ’n politieke party, gegrond op hul Marxistiese beleid, te vorm.

Farc, wat in 1964 as ’n arbeiders­klas-rewolusie begin het, behoort in staat te wees om aan die 2018-­presidentsverkiesing en die ­verkiesing vir die wetgewende vergadering deel te neem.

Hierbenewens sal die groep van tien ongeopponeerde setels in die land se kongres tot 2026 ­gewaarborg wees.

Dit het ondersteuners van die nee-stem woedend, want hulle meen die rebelle moet gevangenisstraf uitdien en nooit toegelaat word om die politieke terrein te betree nie.

Theresa May belowe Brexit vir Maart 2017

Brittanje se eerste minister, Theresa May, sê sy sal die proses vir Brittanje se uittrede uit die Europese Unie (EU) eers teen die einde van Maart 2017 begin.

Dit was die eerste keer dat sy die sluier gelig het oor die moontlike tydraamwerk vir ‘n breuk tussen Brittanje en sy grootste handelsvennoot.

In ‘n poging om die vrese in haar regerende Konserwatiewe Party te be­sweer dat sy die implementering van Brexit sal probeer vertraag, het May Sondag by die party se jaarlikse konferensie in Birmingham gesê sy is vasbeslote om vorentoe te beweeg en die “regte ooreenkoms” te beding.

Wanneer May artikel 50 van die EU se Lissabon-verdrag in werking stel, sal Brittanje twee jaar hê om die ooreenkoms te heronderhandel.

Haar verskoning tot dusver is dat die ooreenkoms een van die “mees komplekse” in Europa is “sedert die Tweede Wêreldoorlog”.

Hongare stem teen kwotastelsel vir migrante

In Hongarye het die regse eerste minister, Viktor Orban, by die stembus geseëvier om migrante uit sy land te hou.

Hongaarse kiesers het oorweldigend gestem het téén die EU se verpligte migrantekwotas.

Die Duitse leier, Angela Merkel wil EU-lidlande verplig om kwotas te aanvaar en dat elke land deur die Europese Unie daartoe gedwing word om migrante in te neem.

Die uitslag is ‘n sterk genoeg aanduiding dat Hongarye nie die EU se kwota migrante sal aanvaar nie.

Omdat die stempersentasie laag was en slegs sowat ‘n derde van die geregistreerde kiesers aan die referendum deelgeneem het, beweer Angelsaksiese mediabronne dat die stemmery ongeldig verklaar moet word.

Maar Orban het gesê meer Hongare het teen die kwotas gestem as in ‘n referendum vir die 2004-toetrede van Hongarye tot die blok vir lidmaatskap van die Europese Unie.

Sowat 3 249 000 stemme het kwotas verwerp, in vergelyking met 2003 se 3 056 000 stemme.

hongare

Die Hongare het in hul tradisionel drag opgedaag om te gaan stem.

Hongarye is die eerste Europese land om daarteen te stem. Noorweë, Swede, Denemarke en Oostenryk het reeds strenger grensbeheer ingestel na die instroming.

Orkaan Matthew kan Hillary se stigting ook omwaai

Miskien sal Hillary Clinton se ergste mislukking as minister van buitelandse sake binnekort op TV-skerms regoor die wêreld sigbaar wees.

Binne ure sal Haïti, reeds ‘n menslike hel, dalk sorg vir ‘n Oktober-verrassing vir haar teenstander Donald Trump.

Die “verrassing” sal egter meer na ‘n gruverhaal lyk as ‘n verwagte orkaan Haïti tref.

Dié orkaan, Matthew, die kragtigste storm sedert 2007 oor die Kari­biese see, het Saterdagnag selfs kragtiger geword en nader aan Jamaika en Haiti beweeg.

Die orkaan het Donderdagmiddag van ‘n kategorie een-orkaan vinnig na kategorie vier opgeskuif.

Teen laat Vrydag het dit tot ‘n kragtige kategorie vyf versterk. Die nasionale orkaansentrum (NHC) se voorspelling is dat dit teen vandag die suidelike kus van Kuba sal bereik nadat dit verwoesting in Jamaika gesaai het.

Haïti het nooit herstel ná die aardbewing in 2010 nie, ten spyte van die Clinton Foundation se beloftes en sentrale rol destyds om hulp te verleen.

Twee weke gelede het die voormalige Senaatspresident van Haïti, Bernard Sansaricq aan Donald Trump se ondersteuners verduidelik hoe die Clinton-stigting miljarde gesteel het van die Haïti-noodfonds.

Die diefstal het plaasgevind na die aardbewing waarin sowat 316,000 mense dood is. ‘n Uitbreking van cholera het gevolg op die ramp.

Matthew sal waarskynlik verdere katastrofiese lewensverlies veroorsaak wat die Clinton-stigting “hulpwerk”, ten spyte van die ooglopende konflik van belange, in ‘n swak lig sal stel.

Plaaslike inwoners sê dat die Clinton-projekte nooit ten volle gerealiseer het nie terwyl ander verwys na luukse hotelle wat na bewering gebou is met hulpfondse ten einde slegs ‘n paar uitgesoektes te bevoordeel.

Die Clintons het in 2011 gesorg dat Jean-Bertrand Aristide, wat in ballingskap leef in Suid-Afrika sedert ‘n CIA-staatsgreep 2004, nie terugkeer na die politiek nie.

Na Hillary geweier het om toe te laat dat Aristide deelnaam aan die verkiesing 2011, het sy met haar stigting gesorg dat hulpgeld na haar stigting gekanaliseer word.

Inwoners van Jamaika het vroeër na winkels gestroom om genoeg voorraad te koop ter voorbereiding van Orkaan Matthew.

Onrus teister Ethiopië

Die polisie in streek Oromiya in Ethiopië het traangas en waarskuwingskote Sondag geskiet om anti-regeringsbetogers uiteen te jaag.

‘n Stormloop wat daarna gevolg het, het volgens die opposisieparty ten minste 50 mense gedood.

Die regering het nie ‘n presiese aanduiding van die dodetal gegee waar chaotiese tonele tydens ‘n jaarlikse fees afgespeel het nie.

Bywoners het vroeër gedreunsing, slagspreuke teen die regering geskree en ‘n vlag ‘n rebellegroep rondgeswaai.

Volgens amptelike syfers, is Moslems ongeveer 30 persent van die bevolking van Ethiopië.

Die protesbeweging het begin nadat die regering daarop aangedring dat die Hoogste Raad van Islamitiese sake lede van ‘n Islamitiese sekte bekend as al Ahbash aanvaar.

Hulle verwerp die leringe wat sekte aan die Moslem-gemeenskap wil oplê. Die regering het ook glo probeer om die bedrywighede van die Awalia-moskee in Addis Abeba te beïnvloed.

Leslie Lefkow, adjunk-Afrika direkteur van die globalistiese Human Rights Watch het gesê: “Die regering se behandeling van hierdie Moslemleiers dra die kenmerke van ‘n polities gemotiveerde vervolging.”

Sporadiese protes in Oromiya het oor die laaste twee jaar voorgekom, en sedert die einde van 2015, het talle betogers omgekom in die botsings met die polisie.

Hierdie ontwikkelinge bring spanning in die land waar die regering met uitstekende ekonomiese groeikoerse spog, maar kritiek van teenstanders en aktiviste moet verduur dat politieke vryheid “vertrap” word.

Duisende mense was bymekaar vir die jaarlikse Irreecha-fees in die dorp van Bishoftu, sowat 40 km suid van die hoofstad Addis Abeba.

Sommige betogers het die rooi, groen en geel vlag van die Oromo Liberation Front rondgeswaai, ‘n rebellegroep wat as ‘n terroriste-organisasie deur die regering beskou word, het getuies gesê.

Die VSA en die EU het intussen gesê dat opposisielede wat in die omgewing van Ethiopiese ambassades in hul lande oortree, sal aangekla word.

Soedan het intussen verklaar dat ‘n groep Afrika-leiers sal deelneem aan ‘n nasionale dialoog op 10 Oktober in Soedan se hoofstad Khartoem.

Die leiers sluit die presidente van Egipte, Tsjad, Mauritanië en Uganda, sowel as die premier van Ethiopië en die sekretaris-generaal van die Arabiese Liga in, het Soedan se minister van buitelandse sake Ibrahim Ghandour aan verslaggewers gesê.

In Januarie 2014, het die Soedanese president Omar al-Bashir ‘n inisiatief van stapel gestuur om die opposisiepartye en die gewapende groepe tot ‘n nasionale dialoog te roep om krisisse in die land te beëindig.

Dan Roodt tans in Swede vir konferensie en gesprekke

Dr. Dan Roodt van PRAAG het gisteroggend in Stockholm aangekom waar hy vandag (Saterdag) ‘n Europese konferensie oor identiteit sal toespreek. ‘n Verskeidenheid Europese, maar ook Amerikaanse, groepe en individue woon die konferensie by waar die opkoms van nuwe nasionalismes in Europa onder andere bespreek sal word. Die Amerikaanse nuustydskrif Time het so pas ‘n voorbladartikel aan die toename in regse en nasionalistiese steun in Europa gewy, wat aantoon hoe aktueel die tema van Europese identiteit geraak het.

“Ek dink dis belangrik dat Afrikaners deelneem aan die nuwe Europese identiteits- of identitêre beweging,” het dr. Roodt op die vooraand van sy Sweedse besoek gesê. “Vir ons is dit ‘n nuwe beweging wat alle mense van Europese afkoms, waaronder ook Noord-Amerikaners en Suid-Afrikaners, wil saamsnoer in ‘n front om die afgang van die Europese beskawing te stuit. Afrikaners het geweldig gely onder die soort linkse hegemonie van die sewentiger- en tagtigerjare toe verskeie Westerse lande ons geboikot en selfs terreur teen Suid-Afrika befonds het. Tans sien ons die teenoorgestelde gebeur, waar regse partye en politieke groepe sterk steun in Europa, asook in die VSA met Donald Trump, begin monster. Suid-Afrika was tot 1994 nog altyd ‘n Westerse land met ‘n aansienlike Europese bevolking, daarom spreek dit vanself dat ons deel van die debat moet word. Ook moet die skade wat die Europese sosialiste en kommuniste ons aangedoen het, ongedaan gemaak word. Deur hul steun vir terreur en die marginalisering van Afrikaners, het hulle eintlik ‘n soort volksmoord teen ons ontketen wat vandag nog aanhou.”

Binne hierdie eeu gaan Europeërs wêreldwyd ‘n demografiese inploffing belewe wat hulle minder as vyf persent van die wêreldbevolking gaan maak. Daarteenoor voorspel demograwe van die Verenigde Nasies dat die swart bevolking van Afrika tot meer as vier miljard mense gaan styg en dat die helfte van kinders op aarde swart gaan wees. “Europeërs besef toenemend dat hulle ‘n ramp in die gesig staar indien die afgang op soveel gebiede nie gestuit word nie,” gaan dr. Roodt voort. “Vanweë ons ervaring as onderdrukte blanke minderheid in Suid-Afrika, bring ons ‘n belangrike element na die debat. Soos Martin Bosma van die Nederlandse PVV gesê het, is ons die ‘kanarie in die steenkoolmyn’. As ons uitsterf, mag alle Europeërs of blankes uitsterf.”

Vanaf links word enige vorm van Europese, Westerse of blanke identiteit skerp aangeval. Daar word gepraat van “rassekapitalisme” wat deur Noord-Europeërs geskep is om die hele planeet te onderdruk. Nou word daar vergelding gevra, presies soos wat apartheid in Suid-Afrika vergeld moet word. “Dit het my nie eens verbaas om nou die dag in die linkse dagblad Beeld ‘n artikel deur twee swart professore van UNISA te lees waarin Noord-Europa vir al die boosheid op aarde verantwoordelik gehou word nie,” sê dr. Dan Roodt. “Beeld beskuldig ons daarvan dat ons Europeërs onbeskaafd is en dat ons die swartes se biblioteke afgebrand het. Watter biblioteke? Dit is hierdie soort ekstremistiese antiblanke sienings waarvan Europeërs op hoogte gestel moet word. Nie net ons is in die visier nie, maar almal wat van die suksesvolle Noord-Europa afkomstig is. Soos Jakes Gerwel gesê het toe hy direkteur van Naspers was: ‘die Europese Renaissance neig na apartheid en rassisme.’ Die aanklag teen Europese en Westerse identiteit is totaal.”

By die konferensie in Stockholm sal daar ook boeke verkoop word wat deur PRAAG gepubliseer is.

Ns. Die uitspraak in Beeld deur prof. Sabelo J. Ndlovu-Gatsheni en dr. Everisto Benyera waarna Dan Roodt verwys, verskyn in ‘n artikel met die titel Studente-smeltkroes:

Cecil John Rhodes het nie net kolonialisme en rassisme verteenwoordig nie, maar ook, soos treffend verwoord is deur Njabulo Ndebele, skrywer en kanselier van die Universiteit van Johannesburg (UJ), “the uncivilised that is buried ­deeply in the heart of the ­self-proclaimed civilised”.

Die Europeërs se onbeskaafde streep het neerslag gevind in hul gebruik van vuur om biblioteke wat deur ander gebou is, af te brand.

Clinton se gunstelingleier is… Merkel!

Hillary Clinton het anders as Gary Johnson, wel ‘n gunsteling wêreldleier: Angela Merkel.

Die Demokratiese presidensiële kandidaat het Donderdag oor Merkel, wat uiters ongewild is in Duitsland, gekoer.

Johnson, die Libertariese kandidaat en selfverklaarde daggakop, kon onlangs nie ‘n enkele wêreldleier opnoem nie. Voorheen het hy ook gesê hy het nog nooit van Aleppo gehoor nie.

Johnson sal Clinton help om stemme te verdeel deur anti-establishment kiesers se stemme te trek wat aanvanklik vir Donald Trump sou stem. Om dié rede probeer Clinton aan Johnson publisiteit gee.

Anders as die meeste Duitsers, was Hillary vol lof vir die Duitse kanselier se “leierskap en stabiliteit” en “haar dapperheid in die aangesig van die vlugtelingkrisis”.

Merkel het die krisis egter eiehandig geskep en poog nou om met Facebooksensuur die werklikheid van die kultuurbotsing tussen Duitsers en ongeskoolde Moslemmans weg te steek.

Trump het voorheen vir Merkel gekritiseer en gesê die instroming van vlugtelinge na Duitsland onder haar toesig, is ‘n ramp.

“Hillary Clinton sal Amerika se Angela Merkel wees, en ons het gesien hoeveel misdaad en hoeveel probleme sy veroorsaak het vir die Duitse volk,” het Trump in ‘n toespraak verlede maand in Charlotte, Noord-Carolina gesê nalv Hillary se voorgenome beleid om Amerikaanse grense oop te gooi.

Intussen moes een van die skewe mediabronne waarop Clinton staatmaak, BuzzFeed, ‘n presidensiële peiling inderhaas afhaal omdat hulle agtergekom het die resultate pas hulle nie.

Trump het 97% teenoor Hillary se 1% behaal in hul peiling. Die meeste ander peilings selfs op linkse webwerwe het Trump as die voorloper aangewys na die eerste debat.

Die rede wat hulle aanvoer is dat die peiling “nie meer akkuraat die menings van regte mense weerspieël nie”. “Regte mense” is klaarblyklik linkses.

Trump het Woensdag die partydige moderator asook die opsetlike swak klankkwaliteit van sy intervensies uitgewys as nog goeie voorbeelde van hoe angsvallig die hoofstroommedia probeer om hom by te kom en skaamteloos optree as handlangers vir Clinton.

Ten spyte daarvan het hy uitstekend gevaar en kalm gebly teen die bitsige Clinton en bevooroordeelde hoofstroommedia wat haar ondersteun.

“Google se soekenjins onderdruk slegte nuus oor Hillary Clinton,” het Trump later opgemerk.

“Deur in te tik ‘Hillary Clinton’ in ‘n Google-soekfunksie kom ‘n mens nie af op enige van die belangrike kwessies wat met haar verband hou nie soos ‘e-pos’ ‘skandale’ ‘n ‘leuenaar’ nie.”

Ook nie “gesondheid” word aan Hillary so verbind nie.

Clinton het intussen alle wit Amerikaners as “rassiste” uitgekryt.

Clinton se pogings om terug te slaan dat Trump se aanmerkings oor vroue kru is, het ook misluk nadat dit aan die lig gekom het dat Mej Heelal, Alicia Maciado, seks gehad het in die openbaar en ‘n kind het by een van die wreedste Meksikaanse dwelmbaronne, iets wat sy eers ontken het.

Trump het na Maciado as “Miss Piggy” verwys.

Hy het aan Clinton ‘n C+-simbool toegeken.

Rusland gaan voort met Siriese lugaanvalle

Die regering van Rusland sê hulle sal voortgaan met lugaanvalle op die ooste van die stad Aleppo teen ISIS-simpatiseerders.

Die lugaanvalle in Sirië is op stellings wat deur militante na aan ISIS beheer word.

Amerika eis dat die lugaanvalle dadelik gestaak word, vermoedelik omdat hul proksiemagte onder beleg is.

‘n Woordvoerder van die regering, Dmitry Peskov sê egter dit is meer as ‘n jaar sedert Rusland begin het met sy militêre ingryping om die Siriese weermag te steun en dat hulle daarmee sal voortgaan.

Amerika en Rusland het vir maande lank onderhandel om ‘n skietstilstand in werking te stel.

Die jongste skietstilstand-ooreenkoms het verlede week geëindig soos ooreengekom en sal nie verleng word nie omdat die VSA nie die ooreekoms nagekom het nie.

Daar is met die skietstilstand ooreengekom dat Amerika hul steun aan ISIS-simpatiseerders onttrek. Rusland sê dit is nie nagekom nie.

Die Amerikaanse minister van Buitelandse Sake, John Kerry het vroeër gewaarsku dat Amerika dit sterk oorweeg om samesprekings met Rusland oor Sirië op te skort.

Die Verenigde Nasies se humanitêre hoof, Stephen O’Brien het toestande in Aleppo as ‘n “humanitêre ramp” bestempel.

Die toestand in Sirië is egter sedert die Amerikaans-geleide inval ‘n humanitêre ramp.

Franse skoolstelsel in krisis weens ‘apartheid’ en ‘ongelyke prestasie’

Volgens ‘n onlangse verslag wat deur die Raad op die evaluering van die Franse skoolstelsel vrygestel is, “produseer die stelsel self ongelykheid” en is die prestasiegaping tussen meesal blanke middelklas-Franse en gekleurde immigrante “besig om te vergroot”. Die beleid om meer geld aan “prioriteitskole” met nie-Franse, immigrante- of gekleurde kinders te bestee, word ook as ‘n mislukking beskou aangesien die prestasie van sulke skole konstant afneem. Trouens, die meer geld wat sulke skole van die staat ontvang, veroorsaak volgens die verslag dat hulle “gestigmatiseer” word en dat ouers nie graag hul kinders na sulke skole wil stuur nie.

Die verslag veroorsaak konsternasie in die geledere van Frankryk se sosialistiese elite wat reeds jare lank die opvoedingstelsel oorheers, met die meeste onderwysers wat vir die Sosialistiese Party stem. Sosialistiese regstellende-aksie en diskriminasie teen blanke Franse het meer ongelykheid veroorsaak as wat daar andersins in die stelsel sou gewees het.

Die links-liberale koerant Le Monde het gister ‘n pleidooi vir gedwonge integrasie gelewer en betreur dit dat “die stryd ten gunste van meer (rasse-)vermenging grootliks oor die afgelope dertig jaar afwesig was”.

Daar bestaan de facto-apartheid of segregasie in Franse skole, en die verslag meen dat enige beleidsverandering “ondoeltreffend sal wees solank as wat die mees gesegregeerde skole en junior hoërskole nie meer maatskaplike vermenging instel nie”.

Die beleid om meer geld aan ‘n skool te bestee sodra daar 30% of meer nie-Franse of gekleurde kinders in die skool is, het volgens die verslag skouspelagtig misluk. Sulke skole wat as “ZEPs” bekendstaan (zone d’éducation prioritaire) en dus as “prioriteitskole” beskou word, toon groot dissiplineprobleme sodat onderwysers veel minder tyd aan onderwys kan bestee. Die studie bevind dat onderwysers in ZEP-skole ongeveer 21% van skooltyd aan dissipline of aan “die handhawing van ‘n gunstige klimaat bestee”, teenoor 16% in gewone skole en 12% in privaatskole. In die derde jaar (vanaf matriek, want Franse skole klassifiseer leerlinge omgekeerd in jare wat voorlê voor hul matriekjaar, wat as die “terminale jaar” bekendstaan) is leerlinge veronderstel om 4 uur Frans per week te ontvang, maar in ZEP-skole word dit slegs 2 uur en 30 minute, teenoor 2 uur 45 minute in nie-prioriteitskole en 3 ure in privaatskole. Volgens die verslag, “weeg dissiplineprobleme, maar ook skorsings, en die afwesigheid van leerlinge en onderwysers swaar op die rooster”.

Afgesien van die verminderde tyd wat vir onderrig in die grootliks nie-blanke skole beskikbaar is, is die gehalte ook laer. Die verslag vermeld:

“Leerlinge uit agtergeblewe gebiede het nie toegang tot dieselfde onderrigmetodes as diegene uit bevoordeelde gebiede nie,” sê die sosioloog Nathalie Mons wat aan die studie deelgeneem het. “In wiskunde, byvoorbeeld, is die take minder ambisieus, die verwagtinge laer, die onderrigomgewing minder belowend.”

une-situation-qui-se-degrade-en-france_0fa8c116abe6f8bf088dbfc250b323c3Waarskynlik weens die groot aantal gekleurdes wat uit voormalige kolonies na Frankryk toe stroom, is die gaping tussen “bevoordeelde” en “benadeelde leerlinge” in die land die hoogste van al die ontwikkelde lande van die OESO (Organisasie vir ekonomiese samewerking en ontwikkeling, sien bogaande grafiek). Ook Swede, waarvan die onderwysvlak eens van die hoogste ter wêreld was, sukkel vanweë immigrasie deesdae met “benadeeldes” wat nie die mas opkom nie, en dus met ongelykheid wat opvoeding betref. Swede het egter volgens bogaande grafiek ‘n effense verbetering in die wiskundevaardighede van “benadeeldes” behaal, teenoor Frankryk waar daar geen verbetering in agtergeblewenes se wiskunde te bespeur is nie.

Trump wen debat loshande, Netwerk24 lieg skaamteloos

Die eerste debat tussen die presidentskandidate van die Republikeinse en Demokratiese party in Amerika, Donald Trump en Hillary Clinton, Dinsdagaand is loshande deur Trump gewen.

Netwerk24 het egter skaamteloos daaroor gelieg en één bron aangehaal: CNN. Maar CNN se “peiling” was naakte propaganda én hulle is boonop uitgevang daarmee.

Alhoewel CNN probeer voorgee het dat Clinton beter gedoen het, het selfs Time se meningspeiling getoon dat Trump voorloop.

Die “Don” sal genoeg stemme trek om die presidentskap te wen in die kieskolleges wat gebaseer is op UPI/CVoter se meningspeiling wat Maandag vrygestel is.

Trump sal 292 stemme kry en Clinton net 246 uit die 270 wat nodig is om die Ovaalkantoor te beset.

Die mees bespreekte oomblik van die eerste televisiedebat tussen die twee kandidate in die Amerikaanse presidentsverkiesing op sosiale media, is toe Donald Trump sy temperament as sy sterkste bate gelys het.

Daarmee het hy ‘n veldtog gedryf wat hom heelwat minder miljoene uit die sak gejaag het as vir Hillary.

Verteenwoordigers van Facebook sê Trump het 79 persent van alle Facebook-besprekings oorheers, teenoor die 21 persent van Clinton.

‘n Woordvoerder vir Twitter sê Trump was die onderwerp van bespreking van 62 persent van twiets. Die debat is die mees bespreekte onderwerp op Twitter sedert die diens se ontstaan in 2006.

In die eerste van drie 90 minute lange presidensiële debatte tussen die Republikeinse en Demokratiese kandidate by die Hofstra Universiteit in New York, het meer as 100 miljoen TV-kykers aangeskakel.

Talle het egter nie hele debat gekyk nie, want dit was duidelik dat die debatsopset Trump wou benadeel. Hillary het ook te vals voorgekom met haar te wye oopmondlaggies.

Trump moes teen twee siele debatteer, te wete Clinton en die bruin moderator, Lester Holt. Holt het alle pretensies van onpartydigheid laat vaar en Trump van stryk probeer bring, maar sonder veel sukses.

Meer as ‘n derde van kiesers is nou bekommerd oor Clinton se gesondheid, het die AP-GfK-peiling gewys ná die debat. Clinton is duidelik nie gesond nie en kiesers betwyfel of sy die stamina het om die pos te beklee.

Gedurende die debat, het Clinton teruggekap dat sy bewys het dat sy gesond genoeg is ná 112 buitelandse reise as sekretaris van buitelandse sake en elf ure se ondervraging deur die Kongres oor haar eposbediener.

Trump het haar egter daaraan herinner dat sy voorgee om “nuwe oplossings” vir Amerika se probleme te hê, maar in dertig jaar in die politiek het sy reeds gewys dat sy geen oplossing vir enige kwessie het nie.

Daar was geen vrae aan Hillary oor die Clinton Foundation se korrupsie, die moorde in Benghazi, of hoogverraad deur haar gebruik van ‘n privaatbediener om staatsgeheime per epos te deel nie.

CBS News se nuusman, Bob Schieffer meen die presidensiële debat Maandagaand kon geen kiesers oorreed om vir Hillary te stem nie.

“Sy het gepreek vir haar koor hier,” het Schieffer gesê.

Naspers se mees ongekunstelde Neocon-skoothondjie, Arrie Rossouw, het natuurlik dadelik ‘n prul die lig laat sien waarin hy ook “onwetenskaplike” peilings voorgehou het as die onbetwisbare bewys dat Hillary die debat gewen het.

“Waarnemers was dit grootliks eens dat Clinton waarskynlik daarin sal slaag om Trump se momentum voor die volgende debat op 9 Oktober te stuit,” was Rossouw se oor-optmistiese taksering.

Daar is geen sulke waarnemers behalwe miskien Soros en sy trawante nie, wat hoop dat die soort “joernalistiek” wat mense soos Rossouw beoefen hulle gaan help om die miljardêrsklub se kandidaat, Clinton, in die stoel te kry.

Iemand moet intussen die arme Rossouw dalk daarop attent maak dat sy smousery met die Soros-agenda ‘n bietjie te deursigtig geraak het.

Die CNN/ORC-peiling wat kort na die debat bevind het dat Hillary ‘n “duidelike oorwinning” oor haar teenstander behaal het, het een probleem: Die opname monster 41% Demokrate in vergelyking met net 26% Republikeine.

Daarom het sogenaamd 62% van die respondente gesê Hillary is voor terwyl 27% gesê Trump is. Die vraag is nou hoe Rossouw geweet het om juis na hierdie bekookte peiling te verwys as hy nie raad gehad het van sy Soros-handlangers nie?

Tifone woed weens veranderende weerpatrone oor Stille Oseaan

Die hewige tifoon Megi het Taiwan Dinsdag met stormwinde en swaar reën in geteister waarin vier mense reeds omgekom het.

Dit is die derde storm in twee weke wat die eiland tref ná die supertifoon Meranti, die sterkste storm in 21 jaar, en tifoon Malakas vroeër vandeesmaand.

Meer as 250 000 huishoudings is sonder elektrisiteit. Altesaam 346 vlugte is gekanselleer of vertraag en die treindienste is ook buite werking.

Alle skole is gister deur die regering gesluit.

‘n Vrou is selfs van haar bromponie afgewaai tydens die storm in die ooste­like stad van Hualien waar die tifoon eerste land getref het. Honderde mense is ook beseer.

Die tifoon is oppad na China.

Megi, wat opgegradeer is van ‘n tropiese storm na ‘n tifoon Saterdagmiddag, het miljarde se skade aangerig aan landbou en infrastruktuur.

Die owerhede het voorheen gesê dat ‘n seewaarskuwing vir Megi, die 17de storm van die tifoonseisoen in die Stille Oseaan, Maandag uitgereik sal word op die vroegste.

Ses tifone het vanjaar ook die Japannese eilandgroep getref, om 2016 die onderskeiding van die tweede ergste jaar in terme van direkte tifone in die moderne tyd te maak.

En dit is nog net vir September. Die tifoonseisoen is nie naastenby oor nie en die rekord vir 2004 toe 10 van die onwelkome besoekers Japan verwaai het, gaan beslis val.

Die tifone het ook laat onstaan, ná 3 Julie vanjaar. Weerontleders sê die weerpatrone oor die gebied het verander.

Genadelose Russiese aanslag op djihadi-vestings in Sirië

Russiese vegvliegtuie het ‘n genadelose aanslag op djihadistiese stellings in Sirië voorgesit.

Inwo­ners in die gebiede wat geraak word sê dat hulle ernstige tekorte aan kos en medisyne ondervind.

Die aanvalle teen dagbreek het groot brande in die Al-Mashhad- en Sayf al-Dawla-distrik laat ontstaan.

Dit was die vierde dag van intensiewe lugaanvalle op die stad, sedert die Siriese regering met ‘n hernude aanslag begin het om die hele Aleppo te herower ná die skietstilstandooreenkoms in duie gestort het.

‘n Neocon “menseregte-organisasie” kla dat minstens 128 mense sedert Donderdag dood is van wie “byna almal” burgerlikes was. Hulle kon nie meer besonderhede gee nie.

Tydens ’n noodvergadering van die Veiligheidsraad in New York Sondag het Amerika Rusland van “barbarisme” beskuldig oor die aanvalle teen die ISIS-kliënte.

‘n Diplomatieke oplossing vir die krisis lyk onwaarskynlik, met ­Amerikaanse en Russiese ­diplomate wat oor alles verskil het tydens die vergadering om die geweldpleging te bespreek.

“Wat Rusland doen, is nie om teenterrorisme te steun nie, dit is barbarisme,” het die VSA se ambassadeur by die VN, Samantha Power (foto), aan die 15-lid raad gesê.

“Eerder as om vrede na te streef, maak Rusland en Assad oorlog. Eerder as om te help en lewens­reddende bystand aan burgerlikes te verseker, bombardeer Rusland en Assad humanitêre konvooie, hospitale en eerste respondente, wat desperaat probeer om mense aan die lewe te hou,” het sy gesê.

Die VSA probeer voorgee dat die konflik in Sirië ‘n “burgeroorlog” is, terwyl dit ‘n Amerikaans-geleide inval is.

Die Franse en Britse ­ministers van buitelandse sake was rasend in hul kritiek teen Rusland ­en sê die land is skuldig aan ­”oorlogsmisdade”.

Rusland het sy posisie verdedig en die land se ambassa­deur by die VN, Witali Tsjoerkin, sê daar is honderde gewapende groepe in Sirië met dhihadistiese oogmerke wat ISIS steun.

Die VN se onderhandelaar oor Sirië, Staffan de Mistura, het ’n beroep op die Veiligheidsraad gedoen om met ’n manier vorendag te kom om die skietstilstand af te dwing.

Rusland is egter een van die vyf lede van die Veiligheidsraad met vetoreg, saam met Amerika, Frank­ryk, Brittanje­ en China.

Rusland en China het herhaaldelik die Assad-­bewind beskerm deur ver­skeie voor­stelle vir optrede van die raad te veto.

Switserse kiesers stem vir meeluistering

Kiesers het ‘n wet wat die Switserse intelligensiediens die mag gee om private kommunikasie te monitor in die kuberruim, goedgekeur.

Hulle meen dit is nodig om terroriste-aanvalle te voorkom.

Kritici het gewaarsku teen arbitrêre toesig, maar hulle het ‘n duidelike nederlaag in Sondag se referendum gely.

Meer as 65% van die vyf miljoen kiesers in Switserland het ten gunste van die wet gestem wat aan dié land se nasionale intelligensiediens groter mag sal gee om op terroris-verdagtes en kubermisdadigers te spioeneer.

“Die terreuraanvalle in Europa oor die afgelope paar maande het dit moeilik gemaak vir ons om burgers te oortuig dat meer toesig nie noodwendig hoër sekuriteit beteken nie,” sê Tamara Funiciello, president van die Jong Sosialiste gesê.

Die minister van verdediging, Guy Parmelin het hy gesê hy verwelkom die duidelike resultaat.

“Dit gee Switserland moderne gereedskap om te reageer op die huidige bedreigings,” het Parmelin by ‘n nuuskonferensie gesê Sondag.

Hy het gesê die nuwe wet sal in werking tree in September 2017 want tyd is nodig om nuwe tegnologiese toerusting te evalueer en ‘n bykomende 20 personeellede teen 2019 in diens te neem.

Die wet laat sekerheidsagentskappe toe om onder sekere omstandighede telefoongesprekke af te luister en toegang tot rekenaarnetwerke te kry.

Privaatheid word in Switserland as ’n belangrike reg beskou en intelligensiedienste moes tot dusver op inligting van openbare bronne en ander owerhede staatmaak.