praag.co.za

Tag: Merkel

  • Media spring op Arktiese ysberg om ‘klimaatontkenners’ te verskree

    Media spring op Arktiese ysberg om ‘klimaatontkenners’ te verskree

    ‘n Reuse ysberg in die Antarktika, met ‘n oppervlakte van 5 800 km2, het op 10-12 Julie 2017 losgeskeur. Omdat die ysberg heeltemal van die Larsen C  ysbank losgekom het, het sommige Trump-kritici die “klimaatontkenners” blameer.

    Volgens die New York Times bevestig hierdie nuus die voorspelling van die Amerikaanse navorser John H. Mercer, wat in 1978 in Nature gepubliseer is. Die Noordpool, ‘n yslaag, gaan verdwyn omdat die klimaat warmer word. Ysbanke is uitgestrekte stukke ys wat op die see dryf, honderde meter dik, aan die rand van gletsers.

    Die New York Times het vergeet om te noem dat hierdie gebeurtenis niks buitengewoon is nie. In 1956 is ‘n ysberg ses keer die grootte van die onlangse een waargeneem wat van Antarktika afbreek het en in 1927 het ‘n ander ysberg vier keer die volume van die onlangse ysbank gebreek.

    Die hoofstroommedia se fopnuus het het aan die skree gegaan oor die “klimaatontkenners” nadat president Trump sy land van die Parys-klimaatooreenkoms onttrek het, maar ook in 1995 en 2002 is soortgelyke waarnemings oor ysbanke gemaak.

    Dan McGrath, ‘n gletserkenner aan die Colorado State University, het gesê dit is ‘n natuurlike verskynsel. “Dit is dus ‘n baie natuurlike deel van die proses wat ons hier sien.” McGrath het verskeie seisoene op die Antarktiese Skiereiland, spesifiek op Larsen C, in 2011 deurgebring.

    “Dit op sigself … hierdie potensiële uitkalwingsgebeurtenis is nie direk gekoppel aan klimaatsverandering nie,” het McGrath gesê. “Dit is nie direk gekoppel aan die verwarming van atmosferiese temperature in die atmosfeer van die skiereiland nie.”

    Aangesien daar geen data beskikbaar is vir die vorige eeue nie, is dit maklik om te beweer dat “mensgemaakte aardverwarming” te blameer is. Die NYT het die President Trump gekritiseer nadat hy van die Paryse-ooreenkoms onttrek het.

    Trump is sterk gekant teen die finansiële stelsel van ‘n steenkoolbeurs. Sy besluit is dus nie gefokus op die omgewing nie, maar op die finansiële stelsel wat in die naam van “klimaatsverandering” opgestel word. David Blood, ‘n voormalige direkteur van die beleggingsbank Goldman Sachs, en Al Gore, voormalige Amerikaanse vise-president, het die Carbon Exchange opgestel.

    Scott Pruitt, EPA-administrateur, het hierdie maand kritici van president Donald Trump se klimaatbeleid as geveinsdes afgemaak. Pruitt het die naam van die Duitse kanselier Angela Merkel spesifiek genoem. As die vermindering van koolstofdioksieduitset “so belangrik vir jou is, Mev die kanselier, hoekom raak jy ontslae van kernkrag? Toe ek die laaste keer gekontroleer het, is dit redelik skoon op CO2,” het hy gesê. Merkel is een van die mees geharde openbare ondersteuners van die Parys-klimaatveranderingsooreenkoms.

    Die VSA se onttrekking uit die Parys-klimaatooreenkoms is in werklikheid die Amerikaanse onttrekking uit die Koolstofwisselkredietstelsel wat sy uitvinders as ‘n geldmakende foefie ontwerp het om hulself te verryk. Die steenkoolbeurs wat deur Blood en Gore [sic] geskep het, se statute is opgestel deur niemand anders as Barack Obama nie, voordat hy president geword het.

    Pruitt meen die EPA moet by sy kernfunksies bly, insluitend die vermindering van lugbesoedeling, die skoonmaak van giftige afvalsterreine, die regulering van chemikalieë en die verbetering van watergehalte.

    Hy het gevra vir ‘n openbare televisie-debat oor klimaatswetenskap en bewerings verwerp dat hy ‘n “klimaatontkenner” is. “Wat beteken dit selfs? Dit is wat ek daaraan dink. Ek ontken die klimaat? Regtig? Wow, OK. Dit is gek, volgens my,” het hy gesê.

  • Wat wou die oproeriges in Hamburg regtig bereik?

    Wat wou die oproeriges in Hamburg regtig bereik?

    Kanselier Angela Merkel het haar besluit verdedig om die G20-byeenkoms in Hamburg te hou. Nadat gewelddadige botsings die byeenkoms lamgelê het en donker rookwolke bo die Schanzenviertel gehang ​​het, was dit hoegenaamd nie duidelik wat die oproeriges wou bereik nie.

    Katja Kipping, mede-voorsitter van die Linkse party, het Saterdag by op ‘n optog aan die betogers gesê die polisie het sowat 50 000 mense vir die Solidariteit Sonder Grense se protes beraam, terwyl organiseerders die getal op meer as 75 000 geskat het.

    Merkel het gesê haar regering sal besighede vergoed vir eiendomsbeskadiging in die nasleep van plundery en oproer deur Antifa-aktiviste. Gewelddadige botsings het meer as 200 polisiebeserings veroorsaak en ongeveer 260 betogers is in hegtenis geneem. Merkel hoop vir herverkiesing in September, vir ‘n vierde termyn, iets wat Zuma nie eers gegun word nie.

    “Ek veroordeel in die sterkste terme die ongekende geweld en ongebreidelde brutaliteit waarmee die polisie herhaaldelik tydens die G-20 gekonfronteer is,” het Merkel aan Bloomberg gesê terwyl polisiehonde op die agtergrond onophoudelik bly blaf en helikopters oorvlieg. “Blykbaar is daar mense wat geen belangstelling het in die kwessies nie, maar eerder ‘n verwoestingstog van blinde vernietiging in hul eie omgewing wou sien. Harde polisiemaatreëls is die enigste reaksie daarop.” Oor die Antifa se oogmerke was Merkel tjoepstil en niemand wou “kwessies” bevraagteken nie.

    Die Duitse polisie was nie geamuseerd nie. Een beampte het die kanselier gevra of sy voel dat die beraad die moeite werd was. Duitsland se anti-kapitalistiese linkse partye, Turkse en Koerdiese dissidentgroepe, asook arbeids- en omgewingsorganisasies het hul almal by die optogte aangesluit.

    Linkse idiote neem selfies van hul vernietiging in die naam van Merkel se beleid

    Die polisie het gesê sowat 500 aanvallers het ‘n supermark geplunder. Oproeriges het in die winkels ingebreek en goedere gesteel. Peter Altmaier, Merkel se skakelbeampte, het die onluste as “terreur” beskryf. Altmaier het Saterdag die Merkel-regering se grootste belaglikheid getwiet: “Die linkse ekstremistiese terreur in Hamburg was walglik en net so erg soos terreur deur regse ekstremiste en Islamiste.” Maar daar is geen terreur deur “regse ekstremiste” aangemeld nie.

    “Die grootste besorgdheid van die weermag is tans die gebruik van hommeltuie deur [linkse] betogers,” het Der Spiegel berig. “Volgens interne ontledings kan hulle oor die Elbphilharmonie [konsertsaal] of die ontmoetingsplek vlieg met ‘n swerm kommersiële tuie.”

    Die Amerikaanse president Donald Trump is beskryf deur Hans-Georg Maassen, hoof van die Duitse geheime diens, die Verfassungsschutz, as aanhitser van “regse ekstremisme”. Trump het sy eerste ontmoeting met die Russiese president, Wladimir Poetin in Hamburg gehad, terwyl bykans 20 000 polisie eintlik probeer het om… geweld deur linkses te keer.

    Verlede jaar het Maassen in ‘n onderhoud aan Reuters gesê: “Die regs-ekstremistiese toneel is ‘n netwerk op Europese vlak, en in sommige gevalle, met verbindings in die Verenigde State.” Maar daar was geen teken van sulke groepe se teenwoordigheid in Hamburg nie. Inteendeel.

    “Die wreedheid, met die uiters gewelddadige chaos in Hamburg is onbegryplik en verregaande,” het die Duitse minister van binnelandse sake, Thomas de Maiziere, gesê. “Hulle is nie betogers nie, hulle is misdadigers.” Maar die “misdadigers” het dit duidelik gestel dat hulle ‘n politieke doelwit het wat met Merkel s’n ooreenstem: Oop grense en die gepaardgaande wetteloosheid.

  • Migrante moet weggehou word van pro-immigrasie G7-leiers

    Migrante moet weggehou word van pro-immigrasie G7-leiers

    Die leiers van G7-lande neem geen kanse met “vlugtelinge” wanneer dit hul eie veiligheid raak nie.

    Smokkelbote wat migrante in die Middellandse See optel, word verbied om in Taormina waar die G7-byeenkoms op 26-27 Mei gehou word, anker te gooi.

    Die riglyn van die Italiaanse Ministerie van Binnelandse Sake het gelei tot ‘n geleidelike afname in die aantal skepe wat by die hawens van Sicilië aanland, en sal lei tot die volledige sluiting van die hawens vanaf 22 tot 28 Mei.

    Vrees dat migrante die veiligheid van wêreldleiers in gevaar sal stel, is deur die polisiehoof Franco Gabrielli geopper. Hy het gesê dat die Italiaanse veiligheidsdienste ‘n plan aangebied het om die veiligheid van die staatshoofde en die regerings wat tydens die beraad teenwoordig sal wees, te waarborg.

    Die verbod op die aankoms van migrante sal vanaf Maandag in werking tree, terwyl leiers vergader om ekonomiese beleid te bespreek by die San Domenico Palace-hotel op die eiland. Die Libië-Italië-taxi wat deur NRO’s bedryf word om Europa te oorspoel van mense uit die Derde Wêreld, sal na ander hawens gerig word, wat volgens Dokters-Sonder-Grense (MSF) ‘n dag of twee tot die reis kan toevoeg.

    Tommaso Fabbri, hoof van MSF Italië, het gesê hulle is bekommerd oor die migrante: “Ons is bekommerd omdat dit ‘n dag of twee by die seiltyd voeg.”

    Migrantebote dok gereeld in Sicilië om gratis kos en mediese behandeling te ontvang voordat hulle na ander Italiaanse hawens vaar.

    Migrante word ironies genoeg weggehou van die Duitse kanselier Angela Merkel wat ‘n oop grensbeleid met alle mag bevorder. Die res van Europa se kiesers moet daagliks met die risiko leef van migrante, maar anders as gewone mense sal die EU- en ander leiers nie aan dieselfde gevaar blootgestel word nie.

    Die dorp sal vanaf 13 Mei afgesper word, met motors wat verbied is. Inwoners is woedend oor die ongerief maar waarskynlik dankbaar dat die toestroming tydelik gestaak sal word.

  • Trump se dogter kry onwelkome ontvangs in Duitsland

    Trump se dogter kry onwelkome ontvangs in Duitsland

    Ivanka Trump, dogter van die Amerikaanse president, is in Duitsland uitgejou toe sy probeer het om haar pa se verbintenis tot vrouekwessies te verdedig tydens ‘n vrouepaneelvergadering in Berlyn. En dit was tussen haar globalistiese geesgenote, kanselier Merkel en die gewese IMF-hoof Christine Lagarde.

    Die geleentheid is geopen met die eerste dogter wat haar gebrek aan visie as adviseur in die Withuis ontbloot.

    “Jy is eerste dogter – die Duitse gehoor is nie bekend daarmee nie – wat is jou rol – aan wie moet jy verantwoording doen? Jou pa, die Amerikaanse volk of jou sakebelange?” het Miriam Meckel, redakteur van die Duitse saketydskrif Wirtschaftswoche, gevra.

    “Wel, beslis nie laasgenoemde nie, en ek is ook nogal onbekend met hierdie rol, omdat dit vir my baie nuut is,” het die dogter geantwoord. “Dit is nou ‘n bietjie minder as 100 dae, maar dit is net ‘n merkwaardige, ongelooflike reis.”

    Maar Ivanka het nog steeds geen idee wat haar rol moet wees nie, selfs na ‘n honderd dae. “So dit is baie vroeg vir my. Ek luister, ek leer, ek definieer die maniere waarop ek dink ek sal ‘n impak hê,” het sy bygevoeg.

    Die gehoor het tydens ‘n gesprek oor betaalde verlof begin sis en geboe toe sy haar vader as ‘n verdediger vir vroue begin beskryf het.

    In ‘n onderhoud met Today, het die arme siel gesê Siriese vlugtelinge moet in die VSA toegelaat word, in totale teenstelling met haar pa se beleid dat hulle uit die land gehou moet word.

    Die eerste dogter het ook Berlyn se Holocaust-gedenkteken besoek tydens haar eerste internasionale reis as ‘n amptelike adviseur vir haar pa, terwyl hy “Holocaust-ontkenners en antisemitisme” veroordeel het, met sy opmerking tydens die jaarlikse Herdenkingsgeleentheid in die VSA. Ivanka het haarself tot die Judaïsme bekeer voor haar 2009-huwelik met Jared Kushner. Haar man is ‘n senior adviseur van die president.

    Die waarskuwingstekens dat Kushner die voorhoede van die neo-konserwatiewes was, was altyd teenwoordig. Sy media maatskappy, Observer Media, wat die weeklikse aanlyn New York Observer publiseer, het prominent verskeie neo-konserwatiewe skrywers ruimte gegee om hul onheilige menings te verkondig.

    Neocon Paul Wolfowitz is nou terug in die openbare debat, aan die kant van president Trump. Die gruwel van ‘n Wolfowitz het aan die Wall Street Journal gesê Trump moet sy bombardement in Sirië met nog meer aggressie opvolg, en ruil tans privaat e-posse uit met Trump Verdedigingsekretaris Jim Mattis en nasionale veiligheidsadviseur HR McMaster, albei jarelange kontakte sedert Wolfowitz se Bush-dae.

    In ‘n onderhoud met die Duitse nuusblad Der Spiegel in 2016, toe hy gevra is of Donald Trump ‘n veiligheidsrisiko is, het Wolfowitz gesê: “Ja hy is … Hy sê dat hy Poetin bewonder, dat Saddam Hussein terroriste vermoor het, dat die Chinese indrukwekkend was omdat hulle op Tienanmenplein opgetree het. Dit is redelik ontstellend.”

    Wolfowitz sê hy is nou egter bly dat Trump ‘n Amerikaanse strategie van meer betrokkenheid in die Midde-Ooste sal volg. Die oorlogsargitek van die totale ellende wat Irak vandag is, het enkele weke gelede het nog steeds openlik Trump en sy familie as onbevoeg verklaar vir die presidensie.

  • Duitsland wil kindbruide verbied

    Duitsland wil kindbruide verbied

    Na die ontdekking van ten minste 1500 gevalle van kinderhuwelike onder vlugtelinge, het die Duitse regering nou ooreengekom op ‘n voorstel Woensdag om sulke huwelike te verbied.

    Die huidige ouderdom om wettig te trou is 16 in Duitsland, maar sedert die land nie “godsdienstige huwelike,” erken nie, het owerhede nie ingegryp om sulke huwelike te stop nie. Die wetsontwerp sal ook enige pogings om minderjariges in tradisionele of godsdienstige eerder as staatseremonies te trou, onder die loep hou.

    Maar Duitse welsynsamptenare sal nou toegelaat word om minderjarige meisies in die regering se sorg te neem, selfs al is hulle “wettig” in die buiteland getroud. Getroude kinders sal ook van hulle mans geskei word deur die owerhede.

    Angela Merkel se koalisie-regering het alle huwelike gesluit onder die ouderdom van 16 nietig te verklaar. Die wetsontwerp wag op parlementêre goedkeuring in Julie.

    “Kinders hoort nie by die altaar nie, hulle hoort in die skool,” het die minister van justisie Heiko Maas gesê. “Ons kan nie enige huwelike wat dalk skade aanrig aan die natuurlike ontwikkeling van minderjariges duld nie.”

    Die Merkel-administrasie is onder druk om ‘n meer vasbeslote houding teenoor Moslems voor die komende verkiesing te wys. Die immigrante minderjariges met volwasse gades is ‘n Moslem gewoonte en aan die orde van die dag in Islamitiese migrantegemeenskappe.

    Die grootste groep kinderbruide, tot 664 minderjariges, kom uit Afghanistan, Irak, Bulgarye en Sirië.

    Vanaf Julie 2016, is vele kinders met ‘n Islamitiese agtergrond geregistreer as “getroud” in Duitsland, insluitend 361 onder die ouderdom van 14.

    Opvoeders het gewaarsku dat jong meisies dikwels skool verlaat na hulle trou.

  • Duisende immigrante verdwyn in Duitsland

    Duisende immigrante verdwyn in Duitsland

    Die mislukking van Angela Merkel se immigrasiebeleid is blootgelê nadat dit rugbaar geraak het dat een vyfde van derdewêreld aankomelinge verdwyn het in Duitsland. Dis duidelik dat die land onvoorbereid was op die instroming.

    Volgens ‘n berig in Die Welt, is die deelstaatowerhede in Brandenburg “op soek na duisende vlugtelinge” wie se “verblyfplek onbekend” is.

    Duitse amptenare jag nou meer as 3 000 vlugtelinge in een staat alleen wat van die radar verdwyn het. Die meeste het na Duitsland gekom in 2015 via die sogenaamde Balkanroete, en vrese is aan die toeneem dat ‘n aantal ondergronds gegaan het as terroriste vir die Islamitiese staat (ISIS).

    Die vermiste immigrante is aangemeld in die staat van Brandenburg naby die hoofstad Berlyn, toe die kantoor van die staatsaanklaer begin het met terugwerkende regulering van die asielsoekers. “Vyftien tot 20 persent van 18 000 vlugtelinge is skoonveld,” sê aanklaer Ulrich Scherding.

    Amptenare erken dat tydens die chaos van die krisis is die data van duisende immigrante “onvoldoende aangeteken” en diegene wat verdwyn het, wag waarskynlik vir hul jihadistiese betaalmeesters se bevele om terreurdade te pleeg.

    Die meeste in Brandenburg het via Hongarye en Oostenryk in 2015 aangekom, maar hul huidige verblyfplek is onduidelik, erken die staat se adjunk ministerie van binnelandse sake se woordvoerder Wolfgang Brandt.

    ‘N SPD politikus, Brandenburg se minister van binnelandse sake, Karl-Heinz Schröter, het gesê dit is “algemeen bekend dat baie mense wat op die hoogtepunt van die beweging van vlugtelinge na Duitsland aangekom het, later verdwyn het van die radar af,” want die tegnologie om vingerafdrukke van al 47 000 vlugtelinge te neem in 2015, het eenvoudig nie bestaan ​​nie, maar “nou is owerhede toegerus met vingerafdrukstoortegnologie”.

    Dit is dus waarskynlik dat indien die 20 persent “verdwyn” koers regdeur Duitsland van toepassing is, sou dit beteken dat tienduisende immigrante net skoonveld is sedert 2015.

    Verlede week het Angela Merkel herhaal dat dit Europa se plig is om meer migrante te neem, ten spyte van openbare protes. Sy het by die München sekuriteitkonferensie, ook gesê Islam is nie ‘n bron van terreur nie, selfs na ‘n paar dodelike terreuraanvalle in Berlyn, sowel as Parys en Nice.

    Noordryn Wesfale, waar ‘n koalisie tussen die SPD en die Groen Party heers, het aangekondig dat alle Afghaanse “vlugtelinge” nie oorhandig sal word aan die sentrale regering vir deportasie nie, selfs al is Afghanistan verklaar as ‘n “veilige” land.

    Schleswig-Holstein het ‘n soortgelyke onsinnige verklaring uitgereik, maar Jutta Cordt, die nuut aangestelde hoof van die Federale Buro vir Migrasie en Vlugtelinge (BAMF), het opgemerk daar “is gebiede in Afghanistan wat relatief veilig beskou word. Daar is binnelandse ontsnappingsalternatiewe.”

    Hierdie berig is uniek in Afrikaans. U sal dit net op Praag lees want ander bronne wil nie dat u dit weet nie. Sluit asseblief aan en ondersteun die harde werk wat ons doen!

  • Merkel maak planne om grense oop te hou vir nog 12 miljoen

    Merkel maak planne om grense oop te hou vir nog 12 miljoen

    Die Duitse kanselier Angela Merkel is nie van plan om die grense van Duitsland gou te sluit nie ten spyte van haar aankondiging van sekere beperkings op onwettige immigrante en familieherenigings.

    Dit het na vore gekom dat Duitsland 300 000 mense per jaar vir die volgende 40 jaar benodig om bevolkingsafname te stop.

    ‘n Verslag van Merkel se regering wat uitgelek het, en gepubliseer is deur die Rheinische Post, verklaar dat Duitsland 12 miljoen immigrante moet inneem oor die volgende vier dekades om Duitsland se bevolkingsgrootte stabiel te hou.

    Die verbysterende syfers sal Duitsers laat voel dat hulle verder oorval word as deur die byna 2,2 miljoen buitelanders wat hul tuiste oorstroom het in 2015 alleen.

    Volgens plaaslike verslae is die nuwe beleid opgestel deur die regering wat erken dat die kwessie van integrasie nie opgelos is nie.

    Die nuwe riglyne oor integrasie van vlugtelinge merk op: “Volgens ons ervaring sal dit [integrasie] nie maklik wees nie en sal dit langer as wat aanvanklik gehoop is, duur.

    “Suksesse sal slegs sigbaar wees in die medium tot lang termyn,” lui die konsepplan.

    Verlede week het Merkel ‘n verbod geplaas op families wat wil herenig want dit kos die staat al 4 miljard euro. Dit beteken dat slegs jong mans sonder hul gesinne in die land toegelaat word.

    Die Bundestag het gestem om deportasie te bespoedig en het verpligte vingerafdrukke ingestel, nadat soveel as drie miljoen immigrante Duitsland tydens Merkel se oop-grens-waansin binnegestroom het.

    Die verbod, wat ook van toepassing is op vroue en kinders en bejaardes uit konflikgeteisterde Moslemlande, is in plek gestel vir die volgende twee jaar.

    Hieruit is dit duidelik dat die kanselier ‘n soort onderklas wil skep waar derdewêreld migrante met Duitse vroue ondertrou, ‘n onverkwiklike sosiogenie-projek om die presterende Duitse volk tot niet te maak.

    Merkel het al herhaaldelik gesê daar bestaan nie iets soos ‘n Duitse volk nie. Behalwe die AfD party se kiesers, glo die meeste Duitsers dit ook.

    U het pas ‘n unieke nuusberig gelees in Afrikaans! Help ons asseblief om sulke belangrike berigte op die lug te hou in belang van Afrikaners. Sluit vandag nog aan by Praag.

  • Duitse redakteur hits moord op Trump aan

    Duitse redakteur hits moord op Trump aan

    ‘n Duitse koerantredaktuer Josef Joffe het homself by die oproepe deur linkses geskaar dat Donald Trump vermoor behoort te word ten einde hom uit sy amp te verwyder.

    Die kriminele voorstel deur Joffe is op ARD – ‘n openbare uitsaaier – op 22 Januarie 2017 gedoen. Joffe het niks oorgekom nie, ‘n aanduiding dat die Duitse owerhede geen probleem daarmee het nie.

    Joffe is die redakteur van Die Zeit, ‘n weeklikse Duitse koerant. Hy is ook ‘n spesiale professor in politieke wetenskap aan die Stanford Universiteit.

    Na ‘n oproeper aan die Duitse besprekingspaneel gevra het of daar “nog steeds ‘n manier is om die Trump katastrofe” uit sy amp te verwyder, het Joffe voorgestel dat iemand in die Withuis hom vermoor.

    Constanze Stelzenmüller, mede-gasheer, het die “bespreking” oor hoe om van Trump ontslae te raak gelei. Dit was meer van ‘n propaganda-oefening want daar is nie ‘n groot kans dat die linkses gaan slaag nie.

    “Daar moet ‘n gekwalifiseerde twee-derde meerderheid van die senaat wees ten einde hom uit sy pos te dwing. Dit is polities en juridies redelik onmoontlik, baie moet nog gebeur, want ons is baie ver daarvan,” het sy gesê.

    Joffe daarna kalm voorgestel dat die aangewese ding is: “Moord in die Withuis, byvoorbeeld.”

    Die vroulike aanbieder het voortgegaan asof Joffe ‘n grap oor die voorgestelde moord gemaak het, maar Joffe was skaars in ‘n vriendelike bui toe hy die misdaad op die lug aangehits het. Joffe was merendeels op die rand van ‘n stuipe tydens die program, behalwe toe hy die oproep om moord gedoen het.

    Dieselfde linkses wat buite hulself van verontwaardiging raak as iemand sinspeel op geweld teen Barack Obama of ander verraaiers, preek gereeld sluipmoorde op Trump en rand sy ondersteuners aan.

    Op die dag voor die inhuldiging, was CNN steeds aan die bespiegel oor wat sal gebeur as Trump vermoor word.

    CNN het ‘n segment vroeër uitgesaai waarin ‘n Trump-ondersteuner voorspel het dat die gewelddadige liberales “hom (Trump) gaan doodmaak” as hy verkies word, wat onmiddellik gevolg is deur ‘n Clinton-ondersteuner wat “bloed in die strate” belowe as hy wen.

    Die hoofstroommedia, Lester Holt, en ander gebruik terme soos “whitelash” om Trump se presidentskap voor te hou as die rede vir ‘n rasse-oorlog in die VSA, maar gaan terselfteryd voort met hul dekking van Black Lives Matter, ‘n gewelddadige swart rassistiese organisasie, terwyl hulle “rassistiese wittes” verantwoordelik hou vir die oorwinning van Trump.

    Die hele linkse oefening is dus klassieke rasbytery.

    Anti-Trump protes ná die verkiesing is georganiseer selfs voor Trump nog enige uitvoerende bevel onderteken het, wat daarop dui dat die betogings nie teen enige spesifieke beleid is nie, maar teen wit Trump ondersteuners oor die algemeen.

    In die VSA word die afgeleefde ou sanger Madonna nou ondersoek nadat sy gesê het sy wil die Withuis “opblaas” het Breitbart berig.

    U lees op PRAAG nuus in Afrikaans wat u nêrens anders te lese sal kry nie. Dit verg baie navorsing en heelwat werk om u ingelig te hou. Ondersteun ons asseblief!

  • Trump gee Navo en Merkel twee ken-opstoppers

    Trump gee Navo en Merkel twee ken-opstoppers

    In twee afsonderlike onderhoude met Duitsland se Bild en Londen se Sunday Times, het Donald Trump uit sy hoek van die internasionale bokskryt gestorm gekom, met verreikende beleids- en strategie-aankondigings oor NAVO en Merkel.

    Trump het aan die Times gesê baie lande gaan die Europese Unie verlaat, as gevolg van die skade wat aangerig is deur die migrasiekrisis. “Ek dink dit is baie moeilik,” het hy gesê. “Mense, lande wil hul eie identiteit behou en die Verenigde Koninkryk wou sy eie identiteit hê.”

    Trump het NAVO beskryf as uitgedien, en voorspel dat ander lede van die Europese Unie die Unie binnekort gaan verlaat.

    Hy het ook gepraat oor sy standpunt oor Rusland en voorgestel dat hy dalk ekonomiese sanksies teen Vladimir Poetin as hefboom in gesprekke oor kern-ontwapening sal gebruik. Navo, het hy gesê, “het probleme”.

    “[NAVO] is uitgedien, eerste, want dit is ontwerp baie, baie jare gelede,” het Bild Trump aangehaal. “In die tweede plek betaal lande nie wat hulle moet nie” en NAVO “het niks teen terrorisme gedoen nie”.

    Maar sy mees neerhalende opmerkings was gemik teen die EU en Merkel, wie se oop-grens-beleid ‘n “katastrofiese fout” was volgens hom. Hy het die EU as ‘n instrument van Duitse oorheersing voorgehou met die doel om die VSA te klop in internasionale handel. Om dié rede, het Trump gesê staan hy afsydig ​​teenoor lande wat nie die Unie wil verlaat nie volgens Bild.

    Merkel staar ‘n ongekende uitdaging in die gesig van die anti-immigrasie Alternatief vir Duitsland as sy ‘n vierde termyn aanpak, in navolging van vele Afrika diktators wat wil bly klou aan mag.

    Trump het opgemerk dat sy Duitsland seergemaak het deur die inlaat van “al hierdie onwettiges” in haar land.

    Bloomberg berig dat Trump se kommentaar “min twyfel laat dat hy sal vashou aan veldtogposisies en in sommige gevalle dekades van Amerikaanse buitelandse beleid gaan omkeer, om hom fundamenteel in stryd te bring met die Duitse kanselier Angela Merkel oor kwessies wat vrye handel en vlugtelinge asook sekuriteit en die EU se rol in die wêreld insluit”.

    Toe hy gevra is oor die vooruitsig van ‘n vermindering in kerngereedheid teenoor Rusland, het Trump aan die koerant gesê: “Vir een ding, dink ek kernwapens moet baie minder word en aansienlik afgeskaal, dit is ‘n deel daarvan.”

    Die nuwe Amerikaanse president het gesê hy wil met Brittanje ‘n “billike” handelsooreenkoms binne weke sluit om te help met Brexit, ‘n “groot ding”. Hy het die Britte geprys dat hulle die EU verlaat het. Mense en lande wil hul eie identiteit behou en wil nie buitestaanders laat instroom om alles te “vernietig” nie, het hy gesê.

  • Merkel-beleid het terreuraanval van Berlyn moontlik gemaak

    Merkel-beleid het terreuraanval van Berlyn moontlik gemaak

    Angela Merkel gaan nie ‘n groot politieke aanslag vermy om haar leierskap te sink oor haar ondeurdagte beleid om Duitsland se grense oop te gooi nie.

    Die terroris wat onskuldige mense by ‘n Kersmark doodgery het, was ‘n migrant wat danksy Merkel se onbesonnenheid ingelaat is. ‘n AfD-segsman, Marcus Pretzell het gesê Merkel is verantwoordelik vir die slagting.

    ISIS het vroeër verantwoordelikheid vir die aanval aanvaar wat gepleeg is deur ‘n verdagte wat Duitsland as ‘n “asielsoeker” binnegekom het en reeds aan veiligheidsowerhede bekend was. Die terroris was selfs op die VSA se vlugswartlys oor sy kommunikasie met die Islamitiese staat – maar is herhaaldelik deur die Europese owerhede oorgesien en vrygelaat.

    Net soos met die massaverkragtings in Keulen met Nuwejaar, hou die elite hulle hulle koppe in die sand en sensureer hulle liewer alle nuus wat Moslems in ‘n negatiewe lig stel en nie polities korrek genoeg na hulle smaak is nie.

    Die Duitse federale vervolgingsgesag het ’n beloning van tot €100 000 uitgeloof vir inligting wat tot die inhegtenisneming van Anis Amri (24) kan lei. Hy is die hoofverdagte wat Maandagaand met ‘n vragmotor in ‘n besige Kersmark in Berlyn ingejaag het. Twaalf mense is in die terreuraanval dood en 45 mense is beseer van wie 12 in die hospitaal behandel word, sê die polisie.

    Terwyl Duitse beroepspolitici probeer voorgee die aanval het niks met Islam en migrante te make nie, het dit sedertdien bekend geword dat die verdagte reeds aangehou is in verband met terreur en toe sommer weer vrygelaat is.

    Amri het Tunisië het Tunisië sewe jaar gelede as ’n onwettige immigrant verlaat en het tronkstraf in Italië uitgedien nadat hy ‘n skool afgebrand het.

    Ralf Jäger, ’n minister in die Duitse deelstaat Noord-Rhyn-Wesfale (NRW), sê Amri het blykbaar in Julie verlede jaar in Duitsland aangekom en sy aansoek om asiel is van die hand gewys. Nadat sy asielaansoek van die hand gewys is, moes hy gedeporteer gewees het, maar hy kon glo nie na Tunisië teruggestuur word “sonder dokumente nie”.

    Die media kon egter Amri se gesin in Tunisië binne minute opspoor na die nuus van sy inhegtenisname bekend geraak het.

    Tunisië het sy dokumente eers ‘n dag na die aanval op die Kersmark deurgestuur, sê Jäger.

    Hy het glo verskillende name gebruik en volgens veiligheidsagentskappe was hy in verbinding met ’n Islamitiese netwerk wat lede vir ISIS gewerf het.

    Hy het sedert Februarie in Berlyn gewoon, maar was onlangs in NRW, sê Jäger.

    Die 25 ton vragmotor, gesteel van ’n Poolse vragvervoermaatskappy, het by die mark in die houthutte waar Kersgeskenke, glühwein en wors verkoop is, ingejaag.

    Die Poolse bestuurder van die gekaapte vragmotor is met ‘n enkele kopskoot dood in die kajuit gevind.

    DNA-bewyse het bevestig dat Amri in die vragmotor was. Amri se ouers self het aan die New York Times gesê dat Amri ‘n “gewelddadige”, dwelm-kop en moeilikheidmaker was voordat hy onwettig na Europa gemigreer het.

    “Hy het vier jaar in die tronk in Italië deurgebring waar hy met ekstremistiese groepe deurmekaar geraak het wat hom gewerf het,” het sy pa bevestig.

    Amri het Tunisië in Maart 2011 verlaat tydens die “al Horqa” ‘n golf van onwettige immigrasie kort ná die begin van die Soros-operasie, ‘n reeks beplande Islamitiese rewolusies by name die “Arabiese Lente”. Hy het in Lampedusa, Italië beland en ‘n humanitêre permit is aan hom toegestaan ondanks sy valse verklarings.

    Duitse intelligensie was glo bewus van Amri se vergadering met ‘n djihadis in Dortmund en in Duisburg-Rheinhause wat gekoppel is aan talle Islamitiese aanvalle. ‘n Teenterrorisme ondersoeker het Bild gesê dat Amri ook na bewering probeer het om ‘n pistool te koop van ‘n geheime polisiebeampte.

    Hy is ondersoek sedert 14 Maart deur die Duitse aanklaers wat ingelig is deur intelligensiedienste dat Amri ‘n rooftog beplan om geld te kry om ‘n outomatiese wapens te koop “moontlik om ‘n aanval op ‘n later datum met mede-oortreders” te pleeg.

    Sy telefoonoproepe is gemonitor, maar in September is die meeluistering beëindig. Duitsland het sy asielaansoek verwerp, maar hy het desnieteenstaande in Berlyn voortgegaan om sy bose daad te beplan.

    Uit vrees vir soortgelyke aanvalle, het Frankryk “voorkomende inhegtenisnemings” uitgevoer asook grensbewaking opgeskerp.

  • Vragmotor ploeg in skare by Duitse Kersfeesmark en dood 12

    Vragmotor ploeg in skare by Duitse Kersfeesmark en dood 12

    ‘n Vragmotor het in mense by ‘n Kersfeesmark in die weste van Berlyn ingeploeg en verskeie mense gedood en beseer, het die plaaslike media berig.

    “Die polisie bevestig dat ‘n vragmotor by ‘n Kersfeesmark in Breitscheidplatz in Berlyn-Charlottenburg ingeploeg het,” volgens ‘n plaaslike koerant die Berlynse Morgenpost. Minstens twaalf mense is dood en 48 is beseer, sommiges ernstig.

    Duitse media het met verwysing na plaaslike sekuriteitsbronne, gesê ‘n verdagte uit Afghanistan of Pakistan is in hegtenis geneem. Hy het Duitsland in Februarie as ‘n vlugteling binnegekom dansy Angela Merkel se oopgrens-beleid.

    Berlyn se polisie het op Twitter gesê hulle ondersoek toon dat die vragmotor gesteel is van ‘n konstruksieterrein in Pole.

    Mense was besig om glühwein en wors te geniet aan die voet van die Kaiser Wilhelm gedenkdienskerk in die hart van die voormalige Wes-Berlyn, toe die voertuig op die sypaadjie geswenk het en mense teen ‘n hoë spoed afgemaai het, het ooggetuies aan CNN gesê.

    Hulle het gesê die vragmotor het die mark van Budapester Strasse genader, aan die noordekant, voordat dit in die stalletjies en mense ingejaag het.

    Duitsland se minister van binnelandse sake Thomas de Maiziere het gesê dit “lyk” soos ‘n terroriste-aanval, maar probeer om die gevolgtrekking te vermy, en bygevoeg dat die omstandighede van die ongeluk nog nie duidelik is nie: “Ek wil nie die woord ‘aanslag’ gebruik nie.” Maar Berlyn se polisie sê hul ondersoek werk met die aanname dat die vragmotor doelbewus in die Kersmark ingejaag het.

    Die polisie het op Twitter gesê hulle het een verdagte in hegtenis geneem en dat ‘n ander passasier in die vragmotor dood aangetref is. Hulle het bevestig dat die man wat dood aangetref is in die vragmotor, geïdentifiseer is as ‘n Poolse burger, maar dit was nie die persoon wat dit in die mark ingery het nie. Die vragmotor was gekaap en die Pool is vermoedelik vermoor deur die aanvaller.

    Hoofstroomnuusbronne, insluitend The Telegraph, het probeer om verwarring te saai oor die godsdienstige en etniese identiteit van die moordenaar, deur aan te voer dat hy “Pools” kon gewees het.

    Die voorval is soortgelyk aan ‘n aanval in Nice in Julie vanjaar waar 86 mense gedood is deur ‘n vragmotor wat bestuur is deur ‘n ISIS-terroris en wat ook doelbewus mense omgery het. Maandagaand het die Duitse polisie plaaslike inwoners gewaarsku om binnenshuis te bly.

    Die nuwe Amerikaanse president Donald Trump het die aanval veroordeel en dit gekoppel aan “Islamitiese terroriste”. Duitse intelligensie het ‘n paar aanduidings van ‘n dreigende aanval op ‘n mark ontvang voor die gebeurtenis, volgens Die Welt koerant.

    Kanselier Angela Merkel het haar ongewild oopgrens beleid nogtans verdedig in die afgelope maande, ná haar party verliese in plaaslike verkiesings gely het.

    ook Maandag, het Switserse Blick tydskrif berig dat drie mense beseer is tydens ‘n skietery by ‘n Islamitiese sentrum in Zurich. Die gebied rondom die skietery is afgesper deur die polisie nadat skote in ‘n Moslem-sentrum in die Militärstrasse/Eisgasse gehoor is.

    Een van die skuldiges is op vrye voet, volgens die Switserse owerhede.

    Beide gebeure het plaasgevind net oomblikke nadat die Russiese ambassadeur in Turkye by ‘n foto-tentoonstelling doodgeskiet is deur ‘n sluipmoordenaar wat geskree het “Allahu Akbar”.

  • EU, Merkel verklaar oorlog teen sosiale media, Rusland

    EU, Merkel verklaar oorlog teen sosiale media, Rusland

    Terwyl Merkel ‘n oorlog aangekondig het teen Europa se “valse nuus” – eintlik ware verhale oor die lot van gewone Duitsers in die aangesig van die migrantevloed – is Europa se burokrate besig om ‘n stryd teen Rusland van stapel te stuur.

    Woensdag het die EU Parlement gestem oor ‘n resolusie waarin gevra word dat die EU “reageer op inligtingsoorlogvoering deur Rusland”. Russiese nuuswebtuistes soos RT en Sputnik-nuusagentskap is na bewering een van die mees gevaarlike “werktuie van Russiese propaganda”, en ‘n beroep op die EU-lidlande is gedoen om finansiering vir teen-propaganda projekte te verhoog.

    ‘n Totaal van 691 wetgewers het deelgeneem aan die stemming: 304 het gestem ten gunste van die resolusie by name “strategiese EU kommunikasie teen propaganda deur derde partye”, 179 stemme daarteen en 208 het buite stemming gebly. Skrywers van die dokument het die “werktuie van Rusland” met Daesh terroriste vergelyk.

    Die dokument plaas dus Russiese media-organisasies saam met terreurgroepe soos die Islamitiese staat (ISIS).

    As ‘n resultaat van die stemming, word Rusland nou beskuldig van “inligtingsoorlogvoering,” dmv RT se TV-kanaal, Sputnik-nuusagentskap, Rossotrudnichestvo federale agentskap en die Russkiy Mir (Russiese Wêreld) fonds wat onder die mees gevaarlike propaganda “gereedskap” blyk te wees.

    Duitse nuus is berug daarvoor dat dit beheer word. Dr. Udo Ulfkotte, die redakteur van die Frankfurter Allgemeine Zeitung, een van die grootste koerante Duitsland, het gesê die doel van die grootste deel van die misleiding was om lande in die rigting van konflik te stuur.

    Ulfkotte, 55, voorheen ‘n adviseur vir die Duitse kanselier Helmut Kohl, sê die korrupsie van joernaliste en die groot nuusafsetpunte deur globaliste is roetine, aanvaarde optrede, en wydverspreid in die Duitse media.

    Sy boek, wat tans slegs beskikbaar is in Duits, “Gekaufte Journalisten” (Kopp 2014) het ‘n blitsverkoper in Duitsland, maar in ‘n bisarre wending wat Ulfkotte sê kenmerkend is van die kognitiewe dissonansie van die Weste, kan die boek nie bespreek word nie.

    “Nee, Duitse hoofstroomjoernaliste word nie toegelaat om verslag te doen oor [my] boek nie. Anders sal hy of sy afgedank word. So ons het ‘n blitsverkoper wat geen Duitse joernalis oor mag skryf of praat nie.”

    Die omstrede EU verslag dui daarop dat Moskou finansiële ondersteuning aan opposisiepartye en organisasies in EU-lidlande verskaf, wat disintegrasie binne die blok veroorsaak.

    Geskryf deur ‘n Poolse lid van die Europese Konserwatiewe en Hervormers (ECR) se groep, Anna Fotyga, beweer die verslag dat Moskou ten doel het om “vrees en verdeling van Europa aan te hits,” en doen ‘n beroep vir die vestiging van maatreëls om die vermeende Russiese propagandabedreiging aan te pak.

    Sputnik het intussen ‘n beroep gedoen op die Verenigde Nasies, die Organisasie vir Veiligheid en Samewerking in Europa (OVSE) en ‘n aantal organisasies en nie-regeringsorganisasies van internasionale joernaliste, insluitend Verslaggewers Sonder Grense, om maatreëls te tref om die inmenging in vryheid van toespraak in die EU te staak.

    Die vernederde Amerikaanse hoofstroommedia het intussen ‘n nuwe bekeerling bygekry: Angela Merkel. Die Duitse kanselier het uitgevaar teen die mag van sosiale media om korrupsie van die elite te ontbloot, en vervaardigde stories en gesensorde inligting uit te snuffel.

    Merkel het in die Duitse parlement gepraat vir die eerste keer sedert haar aankondiging Sondag dat sy ‘n vierde termyn beoog en het gewaarsku dat die openbare mening “gemanipuleer” word op die internet. Sy het gewaarsku dat “populisme en politieke uiterstes in Westerse demokrasieë groei”.

    “Iets het verander – soos globalisering voortsnel, [politieke] debat vind plaas in ‘n heeltemal nuwe media-omgewing. Menings word nie op dieselfde manier gevorm waarop hulle 25 jaar gelede gevorm is nie,” het sy gesê.

    Aangehaal deur France24, het sy verklaar dat “ons vandag valse webwerwe, bots, trolle het. Dinge wat hulself herstel, die bevordering van menings met sekere algoritmes en ons moet leer om dit te hanteer”.

    Die kanselier gesê die uitdaging is om mense “te bereik en te inspireer” … met sensuur. “Ons moet hierdie verskynsel te konfronteer en indien nodig, dit reguleer,” het sy verduidelik.

    ‘n Goeie voorbeeld van haar “haatspraak” sensuur was toe die duisende verkragtings en seksuele aanrandings in Köln op Nuwejaar deur die polisie en die media toegesmeer is sodat gewone Duitsers nie moes uitvind hoe haar immigrasie-beleid die land vernietig nie.

  • Duitsland se ‘anti-Trump’ soek vierde termyn

    Duitsland se ‘anti-Trump’ soek vierde termyn

    Die Duitse kanselier Angela Merkel het Maandag aangekondig dat sy vir ‘n vierde termyn sal staan in 2017 om “waardes” te verdedig, by die hoofkwartier van haar Christen-Demokratiese Unie (CDU) party.

    Merkel het “populisme” uitgesonder as haar grootste uitdaging. Die woord verwys na gewone kiesers wat geïnspireer is deur Brexit en Donald Trump. Sy verteenwoordig die ekonomiese mag in Europa wat sy regeer met die hulp van koalisies, ‘n kenmerk van die Duitse politieke landskap.

    “Hierdie verkiesing sal moeiliker as enige vorige een wees, ten minste sedert die hereniging” in 1990,” het sy gesê en sonder ironie gekla oor die “polarisasie van ons samelewing”.

    Die Duitse kanselier, langsdienende leier van die EU het aan AFP gesê “baie leiers” steun op haar om populisme teen te werk, wat daarop dui dat sy van voorneme is om voort te ywer in diens van die liberale Atlantiese agenda. Duitsland stel nie perke vir leiers op termyne nie, al sedert 2005.

    Haar aangeplakte skaamheid oor die eretitel “leier van die vrye wêreld”, is verloën deur haar oop-grensbeleid en haar gekruip by Obama.

    Die CDU se Saksiese premier Stanislaw Tillich het die kruiperige Merkel ten hemele geprys: “Sy is basies die anti-Trump,” het hy aan die koerantgroep Redaktionsnetzwerk verklaar. Obama het Merkel verlede week eweneens as ‘n “uitstaande vennoot” gevlei.

    Haar party glo sy is hul beste kans om die Europese Unie te red. Op die Duitse televisiekanaal ARD, het Merkel beloof om ‘n “sterk Europa” te bou nadat Brittanje gestem het om die blok te verlaat. CDU-leiers het haar aankondiging met “dawerende applous” verwelkom, het bronne gesê.

    “Ons staan ​​voor stryd in Europa en internasionaal vir ons waardes en ons belange en, eenvoudig gestel, vir ons manier van lewe,” het Merkel, 62, aan verslaggewers gesê, maar het nie bygevoeg dat sy eiehandig verantwoordelik is vir die krisis wat haar land nou in die gesig staar nie.

    Merkel is die eerste voormalige Kommunis om die herenigde land te lei en om sowat twee miljoen asielsoekers oor die afgelope twee jaar te verwelkom, maar haar party vrees die regse Alternatiewe vir Duitsland party (AfD), wat wydverspreide kommer oor immigrante uitbuit.

    ‘n Opname het gister getoon dat 33 persent van Duitse kiesers Merkel se konserwatiewes steun, nege punte laer van die laaste nasionale verkiesing in 2013. Die AfD het opgekom van​​uit nêrens tot 13 persent, volgens ‘n onafhanklike meningnavorsingsinstituut Emnid.

    Volgens Spiegel Online ly die CDU aan “Merkel-moegheid”. “Selfs al is daar geen Trump in sig in Duitsland nie, het die VSA het getoon dat die ondenkbare waar kan word,” het die aanlynwebblad gesê.

    Die voormalige lid van die Kommunistiese Jeugbeweging, is berug vir haar ‘n gebrek aan patriotisme. Op ‘n verkiesingsoorwinningviering van haar eie party in 2015, het Merkel die enigste Duitse vlag teenwoordig op die verhoog gegryp, met ‘n vies gesigsuitdrukking haar kop geskud en dit weggesmyt.

    In 2016, tydens ‘n besoek aan president Erdogan, het sy die Duitse vlag laat vervang deur ‘n Turkse een, sodat daar twee Turkse vlae op die agtergrond agter haar verskyn het.

    Soos met die meeste ander Duitse politici, erken Merkel nie Duitsers as ‘n volk nie. In ‘n oordrewe poging om te verhoed dat sy “rassisties” genoem word en om te vergoed vir “die verlede se misdade van Duitsland”, benadeel baie van haar liberale ideologiese standpunte Duitsers.

  • Merkel se herenigingsbeeld deur verdeeldheid gekenmerk

    Merkel se herenigingsbeeld deur verdeeldheid gekenmerk

    Duitsland se kanselier Angela Merkel is Maandag begroet met vyandige slagspreuke by haar aankoms in Dresden, die geboorteplek van Duitse hereniging en daarom herdenkingsvieringe.

    Die woedende skare het plakkate opgehou met “Merkel moet gaan” en “Verrraaier” in die Oos-Duitse stad, waar ‘n 2600 polisielede ontplooi is as ‘n sekuriteitsvoorsorgmaatreël.

    Die Duitse leier verkeer onder druk by die huis oor haar liberale vlugtelingbeleid wat verlede jaar gesorg het vir ‘n toestroming van byna 2 miljoen immigrante.

    Dresden is gasheer vir die nasionale vieringe na 26 jaar sedert die hereniging van Oos- en Wes-Duitsland.

    Die uitjouery het voortgegaan na die diens, toe die kanselier, president Joachim Gauck en minister van Binnelandse Sake Thomas de Maizière uit die kerk gestap het.

    Die Duitse media het die aantal betogers, meestal mans, geraam op ‘n “paar honderd”, maar volgens ander skattings was daar etlike duisende.

    Merkel staar ‘n politieke omwenteling in die gesig vir haar oop-deur vlugtelingbeleid, met ondersteuning vir die AfD wat regoor Duitsland toeneem.

    Alternatiewe vir Duitsland (AfD) het die wantroue in Merkel vir stemwerwing ingespan en sowat 14 persent van die stemme verlede maand in die staat van Berlyn ingepalm.

    Anti-immigrasiepartye in Frankryk, Oostenryk en Nederland, asook die Amerikaanse Republikeinse mededinger Donald Trump, is insgelyks besig om veld te wen.

    Verlede jaar se aankoms van sowat twee miljoen immigrante, hoofsaaklik Moslemsvlugtelinge van armoede en oorlog in die Midde-Ooste, Afrika en Asië, het verhoogde maatskaplike spanning en kultuurskok meegebring.

    Dresden is die wieg van die anti-Islam PEGIDA-beweging, maar ook die stad wat die Berlynse Muur laat val het.

    In ‘n kort verklaring, het Merkel vir “wedersydse respek” en “aanvaarding van baie uiteenlopende politieke menings” gevra terwyl drie polisiemotors in die stad aan die brand gesteek is.

    Sy het vroeër die “misbruik” deur anti-immigrasie betogers van die frase “Wir sind das Volk” (Ons is die mense) veroordeel. Die slagspreuk is oorspronklik gebruik deur Oos-Duitsers in protes wat gelei het tot die val van die Muur in 1989.

    Merkel, wat grootgeword het as ‘n kommunis in Oos-Duitsland, het die “skandelik groot aantal xenofobiese aanvalle” veroordeel, maar versuim om honderde seksuele aanrandings deur immigrante te noem.
     
    Verlede week het twee bomaanvalle die stad getref. ‘n Moskee en ‘n internasionale konvensie sentrum in Dresden is aangeval maar niemand is beseer nie.