Brittanje se eerste minister, Theresa May, sê sy sal die proses vir Brittanje se uittrede uit die Europese Unie (EU) eers teen die einde van Maart 2017 begin.
Dit was die eerste keer dat sy die sluier gelig het oor die moontlike tydraamwerk vir ‘n breuk tussen Brittanje en sy grootste handelsvennoot.
In ‘n poging om die vrese in haar regerende Konserwatiewe Party te besweer dat sy die implementering van Brexit sal probeer vertraag, het May Sondag by die party se jaarlikse konferensie in Birmingham gesê sy is vasbeslote om vorentoe te beweeg en die “regte ooreenkoms” te beding.
Wanneer May artikel 50 van die EU se Lissabon-verdrag in werking stel, sal Brittanje twee jaar hê om die ooreenkoms te heronderhandel.
Haar verskoning tot dusver is dat die ooreenkoms een van die “mees komplekse” in Europa is “sedert die Tweede Wêreldoorlog”.
Leave a Reply
You must be logged in to post a comment.