Die badkamer, deur Jean-Philippe Toussaint

Op ’n dag besluit die held van dié modieuse Franse novelle om sy intrek in die badkamer te neem. Soms naak en soms met klere aan, lê hy heeldag in die bad en lees of dink na.

Nóg sy vriendin, Edmondsson, nóg sy ma slaag daarin om hom te oortuig om weer ’n normale lewe te lei. Toe, skielik, vertrek hy met die trein Venisië toe waar hy uiteindelik in die hospitaal — ewe wit en vlekkeloos as sy badkamer — beland.

DIE BADKAMER is byna soos ’n abstrakte skildery wat boek geword het; nogtans verkneukel mens jou in die heerlike humor en Franse ironie.

Uit die oorspronklike Frans vertaal deur Dan Roodt.

Resensente sê:

Die boek getuig van ’n werklik oorspronklike skrywerstalent wat raar is in dié tye van terugkeer na tradisie. — Le Figaro, Parys

Die suggestiewe krag van die vertelling, die filosofiese humor en die bondigheid van die taal maak van dié roman deur Jean-Philippe Toussaint ’n meesterstuk-in-die-kleine. — Die Zeit, Hamburg

Die sentrale humor van die roman kom vanuit die blik self, wat fiksie skep uit die wonderlike koddigheid van die banale. — Times Literary Supplement, Londen

Jean-Philippe Toussaint is in 1957 in Brussel gebore en het reeds 12 boeke gepubliseer, afgesien van sy werk as fotograaf en filmmaker.

As u navraag het of probleme ondervind, kontak ons gerus by inlig@praag.org.

Quantity

Price: ZAR160.00

Shipping: ZAR45.00

Loading Updating cart...