Etiket: NAVO

Islamitiese front teen Iran met min entoesiasme begroet

Saoedi-Arabië het glo ‘n militêre koalisie op die been gebring wat uit 34 lande bestaan met vae beloftes om “terro­risme” te bekamp.

Die alliansie se hoofkantoor sal in Riaad wees om militêre operasies te koördineer en te ondersteun, het die Saoedi-Arabiese nuusagentskap berig.

Intussen het belangrike “deelnemers” Pakistan, Maleisië, Libanon en Indonesië aangedui dat hulle nie deel is van die koalisie nie, ten spyte van die aankondiging.

Die koalisie sal “die Islamitiese wêreld se probleem met terrorisme takel en ’n vennoot wees in die wêreldwye stryd teen die vervloeking,” het die Saoedi-minister van verdediging, prins Mohammad bin Salman Al Saud, op ’n nuuskonferensie in Riaad gesê.

Die Koninkryk wil glo internasionale pogings steun om terrorisme te bekamp en internasionale vrede en veiligheid te bevorder.

Afrikalande soos Mali, Tsjad, Somalië en Nigerië wat deurgeloop het onder militêre aanvalle is ook lede.

Saoedi-Arabië se mededinger in die streek, Sjiitiese Iran, is nie deel van die koalisie nie. Saoedi-Arabië en Iran ondersteun opponerende kante in die oorloë wat in Sirië en Jemen woed.

Ontleders meen dat Saoedi-Arabië genoodsaak is om ‘n duur sjarme-offensief te loods omdat hulle ten nouste betrokke is by die befondsing van die Islamitiese staat, tesame met Turkye.

“Hierdie [koalisie]lande het prosedures wat hulle moet volg om by die koalisie aan te sluit, maar uit geesdrif om so gou as moontlik die koalisie op die been te kry, is dit vroeg aangekondig,” het die Saoedi-­minister verduidelik.

Amerika het vir breër internasionale deelname aan die stryd teen die Islamitiese Staat (ISIS) in Irak en Sirië gevra en gesê Turkye moet beter beheer op die grens met Sirië handhaaf, maar het nog self nie veel gedoen om ISIS te stuit nie.

Amerikaanse wapens en hulp aan sogenaamde “gematigde rebelle” het voorheen direk in die hande van ISIS beland. Amerikaanse mediabronne beskryf ook die konflik in Sirië as ‘n “burgeroorlog” terwyl dit in werklikheid ‘n NAVO-inval is.

Die Saoediese minister wou homself nie verbind aan ‘n stryd teen ISIS as sodanig nie en gesê die koalisie sal optree “teen enige terroriste-­organisasie wat te voorskyn kom”.

Hy het waarskynlik bedoel dat die koalisie ‘n front teen Iran sal vorm.

Woedende Poetin veroordeel Turkse ‘rugstekers’

President Wladimir Poetin het Turkye “rugstekers” genoem nadat Turkye ‘n Russiese vegvliegtuig in Sirië neergeskiet het.

‘n Sigbaar woedende Poetin het gesê dit is ook verbasend dat Turkye daarna nie met Rusland wou skakel oor die voorval nie, maar dadelik NAVO genader het oor ‘n “krisis” asof dit Rusland was wat ‘n vegvliegtuig van ‘n vriendelike bondgenoot afgeskiet het.

Turkye is ‘n lid van NAVO. Finland en Australië het egter voorheen na die Turkse president Erdogan as ‘n “diktator” verwys.

Een vlieënier is dood en terroriste het die tweede vlieënier gevange geneem. Die Associated Press het Dinsdag berig dat die een Russiese vlieënier doodgeskiet is voordat hy met ’n valskerm in Sirië geland het.

Die Russiese vlieënier se lyk is deur ‘n opgewonde horde wat daarop toegesak het, afgeneem en die gru-getuienis is dadelik op YouTube geplaas. Die horde om die man se bebloede lyk jil voortdurend “Allah is groot” in die film.

Terroriste wat pres. Bashar al-Assad se bewind wil omverwerp, het glo ook ‘n Russiese hulphelikopter aangeval met ‘n Amerikaanse TOW anti-tenkmissiel, maar die geredigeerde beeldmateriaal kon nie bevestig word as outentiek nie.

Intussen het die Noord-Atlantiese Verdragsorganisasie (NAVO) ’n noodvergadering belê vir Dinsdagmiddag in Brussel om Turkye se vyandigheid te bespreek.

Turkye gee tans noodsaaklike ondersteuning aan diegene wat verantwoordelik was vir die slagting in Parys.

Daar is dus waarskynlik net een rede waarom Turkye die Russiese vegvliegtuig afgeskiet het: Pure frustrasie met die Russiese ondersteuning vir Assad en die Russe se sukses om ISIS af te takel.

Turkye het ook die eerste geleentheid om die situasie te eskaleer benut, in die hoop dat NAVO gemobiliseer kan word teen Rusland.

Skermgrepe van ‘n video wys die vegvliegtuig in vlamme waar dit in ‘n bergagtige gebied in die noorde van Sirië neergestort het en twee valskerms wat oopmaak.

Die Dogan-nuusagentskap het berig dat die vliegtuig aan die Siriese kant van die grens neergestort het, en dat die twee vlieëniers daarin kon slaag om met valskerms uit te skiet.

Rusland se ministerie van verdediging sê dit is nie duidelik waar presies die twee vlieëniers hulle tans bevind nie. Hulle het geen kontak met die twee nie.

Die Amerikaanse departement van verdediging glo die Russiese Su-24 bomwerper is afgeskiet binne die Siriese lugruim, het Reuters berig.

“Die Verenigde State is van mening dat die Russiese vegvliegtuig wat afgeskiet is deur Turkye Dinsdag, getref is binne die Siriese lugruim na ‘n kort deurvlug deur die Turkse lugruim,” het die amptenaar gesê op voorwaarde van anonimiteit.

Volgens die bron, is die assessering gegrond “op opsporing wat die hittebeeld van die vliegtuig volg”.

Beeldmateriaal wat deur die Anadolu-nuusagentskap uitgereik is, wys hoe die twee vlieëniers met valskerms grond toe daal.

Dit word deur Europese waarnemers as onwaarskynlik beskou dat die Turke sal slaag met hul plan om ‘n NAVO-aanval teen Rusland te bewerkstellig, anders as om karakters soos Senator John McCain, Pole of die Baltiese state, se openlike goedkeuring te kry.

NAVO sukkel om sy bestaan in Europa te regverdig nadat die Warskouverdragslande ontbind het, en probeer voortdurend twis saai.

Die Amerikaanse president, Barack Obama, het intussen “Turkye se reg verdedig om sy lugruim te beskerm” en daarmee sy teenkanting teen internasionale terreur onder verdenking geplaas.

Hy het by ‘n gesamentlike nuuskonferensie met die Franse President, François Hollande, in Washington herhaal dat daar “gematigde” terroriste is wat ‘n burgeroorlog in Sirië dryf met buitelandse steun.

Obama sê Rusland moet mede-verantwoordelikheid vir die voorval aanvaar.

Hy sê die Russe vlieg baie naby aan die Turkse grens en val “opposisiegroepe” aan wat nie net deur Turkye nie, maar ook ander lande gesteun word.

Die VSA probeer steeds voorgee dat daar ander groepe in Sirië is wat gekant is teen Assad, maar dit is reeds bekend dat ISIS die enigste “opposisie” verteenwoordig.

Turkye sorg dat die olie wat ISIS in Sirië steel, op die internasionale mark verkoop word. Met dié inkomste, het ISIS tot ‘n gedugte internasionale terreurorganisasie gevorder wat onlangs ‘n Russiese passasiersvliegtuig afgeskiet het, asook ‘n massaslagting in Parys gereël het.

Poetin het lugfoto’s van die ongehinderde ISIS-oliekonvooie by die pasafgelope G20-beraad vertoon en gesê lede van die G-20 steun internasionale terreur.

Belgiese polisie vra Twitter vir katte

Die polisie in België het Twittergebruikers gevra om foto’s van katte te twiet ipv inligting oor ‘n uitgebreide anti-terreuroperasie.

Sestien mense is in 22 klopjagte in hegtenis geneem in verband met die beplanning en uitvoering van die Parys-terreuraanvalle.

Die owerhede het ‘n man van medepligtigheid aangekla in die aanvalle in Parys meer as tien dae gelede waarin 130 mense dood is.

Die man is nie geïdentifiseer nie, maar is een van vyf mans wat Sondag tydens klopjagte in hegtenis geneem is.

Vyftien van die mense wat aanvanklik ook vir ondervraging ingeneem is, is vrygelaat.

Salah Abdeslam (26), een van die vermeende baasbreine agter die aanvalle, is nie onder dié wat in hegtenis geneem is nie.

Die polisie vrees dat hy na Brussel teruggekeer het om nuwe aanvalle uit te voer.

Om ‘n aanval soortegelyk aan die een in Parys af te weer, het België die hoogste waaksaamheidsvlak afgekondig, ook in die hoofstad Brussel maar het gesê die metro-stelsel en skole sal Woensdag heropen.

Potensiële teikens blyk inkopiesentrums en openbare vervoer te wees. Die publiek is gevra om plekke soos winkelsentrums, konserte en stasies te vermy waar groot groepe mense gewoonlik byeen is.

België is die hart van die ondersoek na die aanvalle sedert Franse wetstoepassers verklaar het dat twee van die selfmoordbommers daar gewoon het.

Abdeslam, wat ’n kroeg in die woonbuurt Molenbeek bestuur het, ontwyk die polisie sedert die aanvalle in Parys verlede Vrydag. Molenbeek is ‘n put van anti-wit haat en ontoeganklik vir Belgiese wetstoepassers.

Sy ouer broer, Brahim, het homself opgeblaas by een van die restaurante wat geteiken is.

“Wat ons vrees, is ’n aanval soortgelyk aan die een in Parys, met verskeie individue wat moontlik verskeie aanvalle gelyktydig in verskillende plekke van stapel kan stuur,” het Charles Michel, premier van België, Sondagaand op ’n mediakonferensie gesê.

Die polisie het kort daarna met die klopjagte begin. Hulle het toegeslaan op 19 persele in Brussel en drie in die nywerheidstad Charleroi, 50 km suid van Brussel.

Eric van der Sypt, aanklaer, het egter Maandag verklaar dat geen wapens of ploftoestelle gevind is nie. ’n Regter sou die klagtes teen die 16 aangehoudenes intussen hersien.

“Abdeslam Salah is nie gedurende die klopjagte opgespoor nie,” het Van der Sypt gesê.

Drie mense is tot dusver in België weens hul beweerde betrokkenheid by die Parys-aanvalle aangekla. Volgens die Franse owerhede is die aanvalle in België gereël.

Die EU het Vrydag ooreengekom om hervormings aan die paspoort-vrye Schengen-sone te oorweeg.

Frankryk het intussen ‘n verbod op openbare byeenkomste tot 30 November verleng ter voorbereiding vir die VN se beraad oor klimaatverandering wat dan in Parys begin.

Jan Jambon, Belgiese minister van binnelandse sake, het aan die uitsaaier VRT gesê Abdeslam is nie die enigste veiligheids­bedreiging nie.

“Dit is ’n bedreiging wat verder as net een mens strek.

“Ons kyk na meer (mense). Daarom het ons so ’n konsentrasie van hulpbronne gereed,” het hy gesê.

Streng veiligheidsmaatreëls word tans in Brussel toegepas. Die munisipaliteit, heelwat winkels en skole sal Dinsdag ook gesluit bly. Sommige ondernemings het hul werknemers toestemming gegee om van die huis af te werk.

Die hoofkantore van die Europese Unie en die Noord-Atlantiese Verdragsorganisasie, NAVO, is in Brussel.

Die moltreinstelsel in Brussel, die Belgiese hoofstad, is Saterdag gesluit omdat die owerheid ‘n terreurbedreiging vermoed.

België het ná ‘n vergadering met die polisie, ministers en veiligheidsdienste, sy gereedheidsvlak in die hoofstad tot die hoogste vlak – vlak 4 – verhoog.

Sekuriteit is ook by lughawens in die land verskerp.

Die stad se geskiedkundige “Grand Place”, wat gewoonlik vol toeriste is, was stil met slegs enkelinge wat op straat te siene was terwyl gepantserde voertuie voor die indrukwekkende stadsaal geparkeer was.

Die menseslagting in Parys het die Europese Unie (EU) op sy hoede uit vrees dat ekstremiste wat deur die sogenaamde Islamitiese Staat-groep (ISIS) geïnspireer is, vrylik binne die Unie se paspoort-vrye Schengen-sone kan beweeg.

Hulle het die afgelope weke honderde mense regoor die wêreld vermoor.

In Madrid is ondersteuners van Saterdag se El Clasico-sokkerwedstryd tussen Real Madrid en Barcelona deur snuffelhonde, berede polisie en eindelose identiteitsdeursoekings begroet.

Die Verenigde Nasies se Veiligheidsraad het Vrydag eenparig ’n resolusie aanvaar “om alle nodige maatreëls te tref” om ISIS te beveg.

Kiëf probeer Minsk-vrede ondermyn

Regeringsbronne in Kiëf het bekend gemaak dat ’n soldaat in die konflikgeteisterde ooste van die Oekraïne doodgeskiet is.

Dit is glo die eerste sterfgeval onder regeringsmagte in ’n maand.

Dié nuus kom pas nadat president Hollande van Frankryk verklaar het dat die Minsk-vredesooreenkoms verleng behoort te word. Dit sou strek tot Desember 2015.

Dinsdag het pro-Russiese rebelle op regeringsposisies suid van Avdiivka gevuur, volgens Kiëf. Die dorp is net noord van die rebelle-vesting Donetsk geleë.

Twee ander soldate is in die skietery gewond.

Kiëf en die rebelle het ’n skietstilstandooreenkoms gesluit wat op 1 September in werking getree het.

Op 14 September het regeringsmagte twee sterftes aangemeld en die rebelle het verlede naweek ’n vegter aan die buitewyke van Donetsk verloor.

Die konflik het begin toe NAVO ‘n destabiliseringsoefening van stapel gestuur het in die Oekraïne. Meer as 8 000 mense is reeds dood en 1,5 miljoen haweloos gelaat in die konflik.

Na ‘n referendum in die Krim-skiereiland in Maart 2014 is dit as ‘n selfregerende gebied deur Rusland verklaar.

MH17-verslag vrygestel

Die verslag oor Vlug MH17 van die Maleisiese lugdiens, wat verlede jaar neergestort en die dood van 298 mense veroorsaak het nadat dit neergeskiet is deur ‘n Buk-missiel, is dié week vrygestel maar dit is nie bekend wie die missiel afgevuur het nie.

Só het Tjibbe Joustra, ‘n Nederlandse militêre inligtingsoffisier, by die bekendmaking van die Nederlandse Ondersoekverslag die week verklaar.

Nederland het die ondersoek gelei omdat die meeste van die slagoffers Nederlanders was.

Joernaliste kon geen vrae aan Joustra stel oor die bevindinge nie. Kwelvrae oor die afwesigheid van lugfoto’s wat die ligging van die missielstelsel sou kon opklaar, is dus nie toegelaat nie.

Die vliegtuig wat van Amsterdam na Kuala Lumpur op pad was, is afgeskiet in ‘n lugruim wat veronderstel was om gesluit te wees.

Die plofkop het omtrent ’n meter van die stuurkajuit ontsteek en honderde stukke metaal losgeruk wat die Boeing 777 laat opbreek het, het Joustra, gesê.

Die missiel is van binne ’n gebied van 320 km² afgevuur in die ooste van die Oekraïne, het Joustra gesê, maar die Oekraïne moes die lugruim bo die oorlogsone gesluit het.

Op 17 Julie, die dag van die voorval, het daar 160 vliegtuie oor dié gebied gevlieg.

Hy het nie tydens die perskonferensie enige aanduiding gegee of die missiel deur Russies-­gesinde rebelle of regeringsmagte afgevuur is nie.

Almaz-Antey, die Russiese vervaardiger van die Buk missielstelsel, sê die missiel is afgevuur vanaf Zarosjtjenskoje, ‘n nedersetting suid 7 kilometer Sjakhtorsk, wat beheer was deur die Oekraïense weermag.

Almaz-Antey het hul teleurstelling uitgespreek dat die Nederlandse ondersoekspan nie kennis geneem het van die skrapnelpatroon van die missiel nie wat daarop dui dat selfs NAVO-lande oor sulke wapens beskik.

Daar is nog tot twee weke gelede wrakstukke opgetel en nog stukke kan in die toekoms gevind word, hoewel dit nie die raad se bevindings sal verander nie, het Joustra gesê.

Die rekonstruksie van die vliegtuig met dele wat op die toneel gekry is, was “gekompliseerd” omdat die wrakstukke in ‘n oorlogsgebied bymekaargemaak moes word, het hy verduidelik.

Volgens hom was die doel van die ondersoek nie om iemand vir die voorval te blameer nie, want die voorval word ook strafregtelik deur Nederland ondersoek.

Die kwessie rakende is die skuldige party is sentraal tot die ondersoek aangesien die EU sanksies teen Rusland gestem nog voor daar vasgestel is wie verantwoordelik gehou moet word vir die afskiet van die passasierstraler.

NAVO kla luidkeels oor Russiese veldtog teen ISIS

Die sekretaris-generaal van die Noord-Atlantiese Verdragsorganisasie, Jens Stoltenberg, het Donderdag in Brussel gesê ministers van verdediging van die NAVO-alliansie moet NAVO se eie veiligheid oorweeg midde die “kommerwekkende toename in Russiese militêre aktiwiteite” in Sirië.

Hy sê Navo is gereed om, indien nodig, magte te ontplooi om die alliansie-lid, Turkye, te verdedig. Turkye is een van die lande wat ISIS steun.

Russiese vegvliegtuie het Woensdag ­missiele afgevuur in die eerste gekombineerde offensief met troepe van die Siriese regering sedert Moskou verlede week met sy militêre veldtog in Sirië begin het.

NAVO het verlede naweek herhaaldelike skendings van Turkye lugruim deur Russiese vegvliegtuie aangemeld, maar die Turkse premier Ahmet Davutoglu het aan joernaliste gesê die voorvalle het nie betrekkinge tussen die twee lande aangetas nie.

Volgens Davutoglu, het Moskou Ankara verseker dat sodanige voorvalle in die toekoms uitgeskakel sal word.

NAVO het intussen Maandag nietemin in ’n verklaring geëis dat die skendings moet end kry.

Rusland het voorvalle in die Turkse lugruim toegeskryf aan grensbewaking.

Brittanje se minister van verdediging, Michael Fallon, het Rusland daarvan beskuldig dat die land se betrokkenheid in Sirië nie soseer teen die Islamitiese Staat-groep (ISIS) gemik is nie, maar eerder om die regering van pres. Bashar al-Assad by te staan.

Rusland se weermag is op versoek van die Siriese president ontplooi teen internasionale terreur, terwyl NAVO oor geen wettige mandaat beskik om die Siriese leierskap omver te werp nie en boonop internasionale terreur stig om dit te bereik in die vorm van ISIS.

Navo-woordvoerders het die vrees uitgespreek dat die situasie kan vererger en “nog gevaarliker” kan word.

VSA voer lugaanvalle teen Taliban/ISIS uit

Amerika het lugaanvalle in die noordelike Afgaanse provinsie Kunduz van stapel gestuur, ’n dag nadat die provinsiale hoofstad deur die Taliban ingeneem is.

Die grootste deel van die suidelik Helmand-provinsie is tans onder Taliban-beheer.

Die val van die stad het paniekbevange inwoners sowel as Afghaanse veiligheidsmagte op die vlug laat slaan.

Dit word as ’n reuseslag vir Afganistan se NAVO-opgeleide veiligheidsmagte beskou.

Afgaanse veiligheidsmagte wat na die nabygeleë lughawe onttrek het nadat die stad geval het, het met ’n teenoffensief begin.

Dit is die eerste keer in 14 jaar dat die Taliban daarin slaag om ’n belangrike stedelike sentrum in te neem.

Kunduz, ‘n groot vervoerpunt, was Maandag die eerste stedelike gebied om te val teen die Taliban sedert 2001.

Intussen kan Amerikaanse en NAVO-troepe nie onttrek uit die land nie.

Sowat 130.000 Amerikaanse troepe is steeds in Afghanistan en alhoewel president Obama verklaar het dat hulle teen 2016 sal onttrek, is dit duidelik dat hulle vasgevang is in die jongste geweld.

Beide Ash Carter, die sekretaris van verdediging, sowel as John Kerry sê die Taliban word deur ISIS oorgeneem, wat sal beteken dat Amerikaanse magte sal moet aanbly.

Zuma, Merkel bameer NAVO vir vlugtelingkrisis

President Jacob Zuma het herhaal dat die aanval op Libië deur ‘n NAVO-geleide koalisie in 2011 tot die huidige vlugtelingkrisis in Europa bygedra het.

Hy het by ‘n funksie by die Verenigde Nasies se hoofkantoor in New York gepraat, waar Suid-Afrika as gasheer opgetree het Vrydag.

Die byeenkoms is gehou om Suid-Afrika se leierskap van die G77 Plus China te vier.

Dié groepering van ontwikkelende lande is deur Zuma aangemoedig om samewerking oor sekere kwessies te bevorder.

Nadat die Veiligheidsraad – ondersteun deur Suid-Afrika – militêre ingryping gemagtig het in Libië, “is onsekerheid geskep in daardie deel van die wêreld, en dit is die rede vir die vlugteling-intog,” het Zuma gesê.

Hy het gesê die vlugtelingkrisis is ‘n “mensgemaakte probleem”. Die G77 Plus China, ontwikkelende lande en die ontwikkelde lande moet “beweeg na ‘n ooreenkoms oor ‘n paar kwessies”.

Die funksie is bygewoon deur verskeie staatshoofde, insluitende die Duitse kanselier Angela Merkel, wat, in teenstelling met Suid-Afrika, teen die Veiligheidsraadresolusie om militêre optrede teen Libië te magtig, gestem het.

Die uitgaande Tanzaniese president Jikaya Kikwete, Lesotho se premier Pakalitha Mosisili, Mosambiekse staatshoof President Filipe Nyusi, Ekwatoriaal-Guinee se President Obiang Nguema, Liberiese president Ellen Johnson Sirleaf en ministers en ambassadeurs van verskeie lande, insluitend van die Afrika-unie self, was teenwoordig.

Hongarye stem strawwer maatreëls teen instroming

Hongarye het drastiese nuwe maatreëls gestem wat die bevoegdhede vir sy weermag sal uitbrei in ‘n poging om die toestroming van vlugtelinge te keer.

Die nuwe maatreëls is met ‘n tweederde meerderheid aanvaar.

Die polisie mag ook voortaan private huise binnegaan om na onwettige migrante te soek sonder ‘n lasbrief.

Honderde duisende mense het reeds vanjaar Europa bereik, met Oostenryk wat net die afgelope naweek sowat 23.000 vlugtelinge geregistreer het.

Fortuinsoekers uit Moslemlande wat deur die VSA en NAVO gedestabiliseer is, is van die een na die ander Balkan-land gestuur, maar het intussen daarin geslaag om die EU-grens oor te steek waar hulle binne die Schengen-gebied vrye beweging geniet.

Politici in Hongarye, wat verlede week sy grens met Serwië gesluit het, het nuwe wetgewing bekragtig wat die weermag toelaat om grensbeheer toe te pas mits hulle op ‘n nie-dodelike wyse optree.

Intussen blyk dit dat vals paspoorte deur mensesmokkelaars op Facebook geadverteer word.

EU vrees tweede ‘Somalië’ in Libië

Verskeie Europese lande en Amerika het Maandag ’n gesamentlike verklaring onderteken waarin die “barbaarse” dade veroordeel word wat deur die Islamitiese Staat-groep (ISIS) in Libië uitgevoer word.

Italië se minister van buitelandse sake, Paolo Gentiloni, sê indien vredesamesprekings nie daarin slaag om ’n einde aan die burgeroorlog in die land te maak nie, “sal ons nog ’n Somalië twee tree van ons kus” hê.

ISIS-militante het in Junie beheer oor die afgesette leier, Moeammar Ghaddafi se vesting, Sirte oorgeneem en 12 plaaslike milisielede onthoof en hul liggame gekruisig.

Senator John McCain het vroeër gereageer op ‘n gerugte dat die ISIS-teregstellingsvideo wat pro-Russiese kuberkrakers skynbaar op een van sy medewerkers se elektroniesetoestelle ontdek het, ‘n “geklike samesweringsteorie” is.

CyberBerkut het die video vrygestel, wat hulle beweer bewys dat die VSA ISIS ondersteun en moontlik self verantwoordelik is vir die vervaardiging en vrystelling van dié omstrede videos.

CyberBerkut het voorheen NAVO-webtuistes gekraak en korrespondensie van binne die Amerikaanse ambassade in die Oekraïne gesteel.

Die groep het daarop aangedring dat die materiaal op een van McCain se assistente tydens ‘n reis na die Oekraïne onderskep is, maar kon nie verder bewys lewer van hul bewerings nie.

Wat wel ironies is, is dat McCain vergadering het met ‘n individu wat nou die leier van ISIS-magte in Libië is – Abdelhakim Belhadj – en wat direk betrokke was in die omverwerping van kolonel Gaddafi saam met Amerikaanse en NAVO-magte.

VSA stook oorlog in Europa

Die Amerikaanse minister van verdediging, Ash Carter, het vrese dat sy land ‘n oorlog aanmoedig verhoog met ‘n aankondiging oor die militêre opbou in NAVO-lande wat aan Rusland grens.

Carter sê die VSA sal militêre toerusting, insluitende oorlogstenks en artillerie in die drie Baltiese state sowel as Pole, Bulgarye, Roemenië en Duitsland stasioneer.

Rusland het intussen gesê enige pogings om sulke toerusting in sy buurstate te stasioneer, sal beskou word as ‘n daad van aggressie.

Carter sê Amerika en sy alliansievenoote staan saam en hoewel hulle nie enige konfrontasie met Rusland wil hê nie, sal hulle hulle vennote verdedig ter wille van ‘n beter toekoms vir almal.

Ontleders meen Amerikaanse eskalasie geskied weens kommer dat nuwe inligting oor die MH17-ramp Amerikaanse sanksies teen Rusland kan knou.

In Junie het die Russiese wapenvervaardiger Almaz-Antey onthul dat hul eie ondersoek toon dat die aard van die BUK-missiel wat na bewering afgevuur is op vlug MH17 nie meer in Rusland vervaardig is sedert 1999 nie, terwyl dit steeds in diens in die Oekraïense weermag ontplooi is.

Vlug MH17, vanaf Amsterdam na Kuala Lumpur, is afgeskiet oor die Oekraïne se oostelike streek van Donetsk op 17 Julie 2014, en het die lewens van 298 mense aan boord geëis. Ten minste 193 passasiers was Nederlanders.

Die VSA het dadelik die skuld op Rusland probeer pak, sonder enige getuienis.

WikiLeaks het intussen onthul dat die VSA op drie Frans presidente gespioeneer het, te wete Jacques Chirac, Nicolas Sarkozy en Francois Hollande.

Die Franse president Hollande sal ‘n noodvergadering met sy Veiligheidskomitee hou oor die verslag van WikiLeaks later Woensdag, volgens Agence France-Presse.

Estland se minister van verdediging Sven Mikser gesê die Baltiese leiers soek ‘n afskrikmiddel teen Rusland.

“In globale terme is Rusland nie konvensioneel opgewasse teen die VSA of NAVO nie,” het Mikser gesê en bygevoeg dat Estland gretig en gereed is om die toerusting te aanvaar.

Intussen het die Duitse intelligensiediens het sy kommer uitgespreek oor die planne van Kiëf om navorsing oor kernwapenontwikkeling te hervat.

Die geheimediens het ‘n dokument aan die Duitse kanselier oorhandig wat gerig is aan die Amerikaanse generaal Philip Breedlove, die geallieerde bevelvoerder van NAVO in Europa.

Die agentskap het gewaarsku dat Breedlove die de facto bedoeling het om die status van ‘n nie-kern staat te skend en het versoek dat Duitsland druk op die Oekraïnse regering plaas.

Duitse opposisiepolitikus Oskar Lafontaine het bloed geruik en Dinsdag op sy Facebook-bladsy onder die konfliksaaiers ingeklim.

Die Amerikaanse sekretaris van “verdediging”, dit wil sê, minister van oorlog is in Berlyn. Hy wil ‘n beroep op Europa doen om Russiese “aggressie” teen te werk. Maar in werklikheid, is dit Amerikaanse aggressie waarteen Europeërs moet opstaan.

Die Grootmeester van die Amerikaanse diplomasie, George Kennan beskryf die uitbreiding na die ooste van NAVO as die grootste Amerikaanse buitelandse beleidsfout sedert die Tweede Wêreldoorlog, want dit sal lei tot ‘n nuwe Koue Oorlog.
 
Die Amerikaanse diplomaat Victoria Nuland sê ons het $5 miljard spandeer om die Oekraïne te destabiliseer. Hulle stook die vlamme al hoe hoër, en Europa betaal daarvoor met verminderde handel en werksverliese.
 
Nuland sê “Fok die EU”. Ons het ‘n Europese buitelandse beleid nodig wat oorlogsugtige Amerikaanse imperialisme stop.
 
Fok Amerikaanse imperialisme!

Die Pentagon het pas ‘n handboek van instruksies vrygestel oor die “Wette van oorlog,” waarin “aanvaarbare” maniere van moord op die vyand behandel word.

Die handleiding verklaar dat joernaliste gemerk kan word “onbevoorregte kwaadsoekers” [unprivileged belligerents], ‘n onbekende term wat “vyandelike soldaat” vervang het.

Poetin waarsku VSA teen uitbreiding in Europa

President Wladimir Poetin van Rusland het aangekondig dat 40 nuwe interkontinentale ballistiese missiele tot sy kernwapen-arsenaal gevoeg gaan word.

Poetin het die aankondiging saam met die Finse president Sauli Niinisto by die opening van ‘n wapenskou naby Moskou gedoen tydens ‘n gesamentlike nuuskonferensie.

Rusland sal ook ‘n nuwe mikrogolfwapen bekendstel wat onbemande tuie sal kan afskiet. Die Armata-tenk sal ook by die skou te siene wees.

Poetin se opmerkings volg ‘n dag nadat Russiese amptenare ‘n Amerikaanse plan, om swaar wapentuig in NAVO-lande aan die Russiese grens te plaas, veroordeel het, as die mees aggressiewe optrede sedert die Koue Oorlog.

Poetin sê die weermag sal ook begin om sy nuwe langafstand vroeë waarskuwingsradarstelsel te toets, wat ten doel het om die westelike rigting te monitor ná die Pentagon die naweek uitbreidingsplanne in Oos-Europa in die New York Times aangekondig het.

Pole en Litoue het reeds aangedui dat hulle Amerikaanse wapens sal inneem en stoor.

Die betrekkinge tussen Rusland en die Weste het die afgelope tyd ‘n laagtepunt bereik, nádat die VSA Rusland sonder getuienis daarvan beskuldig het dat die Russe ‘n passasiersvliegtuig vol Nederlandse burgers, die MH17, oor die Oekraïene afgeskiet het.

Rusland het intussen data vrygestel oor die vliegramp wat toon dat die junta in Kiëf aanspreeklikheid behoort te aanvaar.

Die Westerse media probeer tans naarstiglik die kwessie begrawe aangesien hulle die junta steun en fokus op Rusland se “anneksasie” van die Krim.

Die Krim het in ‘n nasionale referendum vreedsaam gestem om by Rusland ingesluit te word. Die VSA en Brittanje beskou die referendum as ‘n “oortreding van die internasionale reg”, in teenstelling met hul eie bemoeienis in Kososvo.

Oop grense: ‘n Ongeluk wat wag om te gebeur

Katie Hopkins, ‘n Britse rubriekskrywer vir die Murdoch-poniekoerant The Sun, is diep in die sop weens ‘n ruwe rubriek oor swart migrante.

Enkele dae voordat ‘n boot van sodanige immigrante in die Middellandse See gesink het en ten minste 700 van hulle verdrink het, het Hopkins presies geskryf wat sy dink oor die spul uit die suide wat hulp in Europa kom bedel.

Die toeval is vreemd want op dieselfde oomblik in Suid-Afrika het plaaslike swartes met mening op buitelanders toegesak in wat Zimbabwiese diplomate ‘n “grys gebied” van sterftes genoem het. Amptelik het sewe mense omgekom, maar Zimbabwiese koerante beweer daar is meer sterfgevalle.

Daar was selfs stemme in die ANC wat na ‘n “derde mag” verwys het, maar die regime het nogtans hul verbintenis tot oop grense, wat aanleiding gegee het tot die tragedie, herbevestig.

Hopkins het die aspirant-bedelaars beskuldig van ‘n “hardnekkige lewenskragtigheid wat met dié van kakkerlakke vergelyk”, en voorgestel dat hulle ter see afgeskrik word deur kanonbote eerder as wat hulle deur reddingswerkers opgepik word.

Verskeie aanlynpetisies met duisende handtekeninge het The Sun intussen gevra om Hopkins af te dank, terwyl die Vereniging van Swart Prokureurs poog om haar vir die aanhitsing van rassehaat te vervolg.

Maar die poniekoerant byt steeds vas en het nog nie geswig voor die geweldige druk om van hulle rubriekskrywer ontslae te raak nie.

Hier is nog ‘n oorspronklike uittreksel uit Hopkins se stuk:

No, I don’t care. Show me pictures of coffins, show me bodies floating in water, play violins and show me skinny people looking sad.

I still don’t care.

Because in the next minute you’ll show me pictures of aggressive young men at Calais, spreading like norovirus on a cruise ship.

Watching them try to clamber on to British lorries and steal their way into the UK, do I feel pity? Only for the British drivers, who get hit with a fine every time one of this plague of feral humans ends up in their truck.

Die dag nadat Hopkins se stuk verskyn het, het Le Figaro, die sentrum-regse Franse koerant wat min of meer tot dieselfde gehoor as die Wall Street Journal in die VSA spreek en nie as “ver-regs” sal kwalifiseer nie, ‘n stuk deur Hervé Juin die lig laat sien.

Die skrywer is bekend vir sy prominente, anti-globalistiese polemiese artikels oor die “ekologie van beskawings”.

Juin se uitstekende argument, in dié stuk asook elders, is dat die ideologie van individuele regte, in samewerking met die meedoënlose opmars van globale kapitalisme, tot die vernietiging van diversiteit van beskawings sal lei.

Volgens skattings wag daar ‘n miljoen voornemende Afrikane om in Europa aan wal te gaan met EU-wette en veral die Lissabonverdrag wat lidlande dwing om humanitêre hulp aan hulle te verleen en menselewens te red.

In Libië, Noord-Afrika, waar NAVO die eens welvarende land met lugaanvalle tot ‘n terreurnes verdoem het, wag daar vandag die meeste onwettige migrante om te vertrek.

Onder die voorwendsel dat hulle asielsoekers is, kan ISIS-elemente tans maklik die vasteland binnedring, ‘n kopseer vir sowel amptenare as politici.

Meer as 1750 migrante het reeds sedert die begin van die jaar in die Middellandse See omgekom. Dit is meer as 30 keer hoër as in dieselfde tydperk van 2014, sê die Internasionale Organisasie vir Migrasie.

Gaan Europa, wat fel gekritiseer word deur veral linkse Amerikaanse, sogenaamde menseregtegroepe, bes gee?

Die VSA, wat as ‘n immigranteland tot stand gekom het, is die dryfveer van die ideologie van multikulti, meng en morele verontwaardiging, asook die destabilisering van Noord-Afrika wat direk vir die stormloop verantwoordelik is.

Brittanje wil militêr uitbrei op Falkland-eilande

Brittanje het aangekondig dat hulle hul omstrede militêre teenwoordigheid op die Falkland-eilande sal uitbrei.

Rusland is na bewering ook besig met ‘n transaksie om langafstand bomwerpers aan Argentinië te verhuur.

Argentinië hou vol dat Las Malvinas, soos hulle die eilande noem, aan hulle behoort. Brittanje is al vir byna twee eeue heerser oor die sowat 3000 inwoners.

Die herlewing van die Falkland-vraagstuk kom net ses weke voor ‘n Britse algemene verkiesing in waarin uitgawes vir wapentuig ‘n verkiesingskwessie is.

Fallon se Konserwatiewe Party is onder druk omdat die verdedigingsbegroting volgens militêre leiers en Brittanje se belangrikste bondgenoot, die Verenigde State van Amerika, krimp.

Die VSA het hierdie maand aangedui dat hy “baie bekommerd” is oor wapenuitgawes te midde van vrese dat dit onder ‘n NAVO-teiken van twee persent van staatsbesteding kan daal.

Meer as 30 jaar het verloop vandat Argentynse magte die eilande in 1982 beset het en Brittanje ‘n militêre mag gestuur het om die eilande terug te neem.

In die blitsoorlog wat gevolg het, is meer as 600 Argentyne en 255 Britse soldate gedood.

Die Britse minister van verdediging, Michael Fallon, sê hulle sal die reg van die eilandbewoners verdedig teen bedreigings om hulle toekoms te bepaal.