EU – Bladsy 6 – praag.co.za

Swartvlek-kwessie oor SA sitrus na WHO

Die krisis wat die EU oor swartvlek by SA se sitrus veroorsaak het, is op hoë vlak met die WHO opgeneem.

Sitrusboere het die stap van die Departement van Handel en Nywerheid verwelkom om die swartvlekkwessie na die Wêreldhandelsorganisasie (WHO) te neem, maar gesê ander EU-kanale moet ook oop bly.

Mnr. Rob Davies, Minister van Handel en Nywerheid, het die kwessie met die sanitêre en fitosanitêre komitee van die WHO opgeneem omdat die Europese Unie dreig om te weier dat sitrusvrugte uit Suid-Afrika die gebied binnekom omdat hulle glo bang is dat die siekte na boorde in die gebied oorgedra kan word.

Davies meen dat die EU se standpunt daarop gemik is om sy lidlande te beskerm deur hoogs mededingende sitrus uit Suid-Afrika te beperk, eerder as wat die unie oor plantgesondheid besorg is.

Hy sê wetenskaplike kennis ondersteun nie die EU se aantyging dat swartvleksiekte Europese boorde kan besmet nie. Volgens hom het die EU ‘n voorstel van Suid-Afrika om die EU in verskillende sones te verdeel en strenger regulasies in te stel vir sitrus wat na sitrusproduserende gebiede in die suide van Europa uitgevoer word, geïgnoreer.

Mnr. Pieter Nortjé, voorsitter van die sitrusprodusentevereniging (CGA), sê hulle verwelkom die stap, maar meen dat die aangeleentheid dalk uitgeklaar kan word vóórdat dit na die WHO gaan. “Daar is reeds gunstige verwikkelinge deurdat Europa ‘n onafhanklike paneel van kundiges saamgeroep het om die feite oor swartvlek om ‘n tafel te bespreek. Indien dit in ons guns afloop, sal die saak nié voor ‘n paneel van die WHO hoef te dien nie.”

Hy glo dat die deurlopende inligting wat hulle aan die Departement van Handel en Nywerheid deurgegee het, verseker het dat die minister baie goed ingelig is oor die aangeleentheid.

Nortjé sê gevestigde en nuwe sitrusprodusente is onder geweldige finansiële, operasionele en administratiewe druk om simptoomvrye vrugte te lewer. “Die sitrusbedryf se koste uit eie sak was vanjaar byna R1 miljard. Die Departement van Landbou, Bosbou en Visserye is onder net soveel druk om die proses te administreer.”

Tog is dit nie net slegte nuus nie. “Die goeie wat hieruit ontstaan het, is dat die sitrusbedryf en Departement van Landbou mekaar gevind en bygestaan het sodat ons nou net ‘n sterker uitvoerder gaan word.”

Bron: landbou.com

EU bemoedig deur Oekraïne-vredespogings

Die Europese Unie het gesê hulle is bemoedig deur onlangse verwikkelinge in die Oekraïne.

EU-ambassadeurs het in Brussel byeengekom om die situasie in die Oekraïne te bespreek.

‘n Woordvoerder sê die EU sal die opheffings van sanksies teen Rusland oorweeg wanneer die situasie in die Oekraïne dit toelaat.

Hulle wil toesien dat die Minsk-vredesooreenkoms tussen pro-Russiese seperatiste en die Oekraïense magte beter afgedwing word.

Die EU het voorts hulpmaatreëls van ongeveer 165 miljoen euro aangekondig vir boere wat geraak word deur ‘n Russiese verbod op die invoer van Europese landbouprodukte.

Die VSA en NAVO het met militêre optrede gedreig en sanksies afgeroep en nadat hulle Rusland sonder enige getuienis daarvan beskuldig het dat hulle ‘n passasiersvliegtuig, die MH17, oor die Oekraïne afgeskiet het.

Dit blyk nou dat die VSA moontlik self die lugramp veroorsaak het van byna 200 Nederlanders se lewens gekos het en dit probeer toesmeer.

Rusland het verlede maand ‘n jaarlange verbod op landbou-invoere uit onder meer die EU asook die VSA ingestel in reaksie op die felle Anglo-Amerikaanse poging om die land te destabiliseer.

NAVO saboteer vredesproses in Oekraïne

NAVO misbruik die Oekraïense krisis as ‘n verskoning om sy militêre teenwoordigheid nader aan Rusland se grense uit te brei en planne vir ‘n nuwe vinnige reaksiemag sal die vredesproses in die ooste van die Oekraïne saboteer, het die Russiese Federasie gesê.

Rusland se voormalige NAVO-gesant, Alexander Grushko, het NAVO intussen ook daarvan beskuldig dat die VSA “probeer om die finansiële las van die handhawing van NAVO op sy bondgenote af te laai”. Sonder ‘n groot inspuiting van fondse en ‘n nuwe doelwit is NAVO gedoem aangesien die alliansie se bemoeienis met die Midde-Ooste ‘n fiasko gebaar het in lande soos Libië.

Ten minste 4000 troepe sal in die reaksiemag dien wat deur NAVO goedkeur is.

“Die [uitbreiding]planne deur NAVO word al vir ‘n lang tyd voorberei, en die onlangse gebeure het as ‘n verskoning gedien om dit te laat realiseer,” het die Russiese ministerie van buitelandse sake in ‘n verklaring op hul webwerf gesê, na aanleiding van ‘n besluit by die NAVO-beraad in Wallis.

“Saam met die retoriek by die beraad, en die beplande militêre oefeninge voor die einde van die jaar, sal hierdie spanning verhoog, die ontluikende vredesproses destabiliseer, en ‘n verdere uitbreiding van die konflik in die Oekraïne tot gevolg hê,” het die ministerie se verklaring gelui.

“Die bogenoemde is ook bewys van NAVO se onvoorwaardelike steun vir die ekstremiste en neo-fasciste in Kiëf, insluitend die Regse Sektor se politieke beweging,” het hy beklemtoon.

Tydens die twee-dag-beraad, het die 28 NAVO-lidlande op die skepping van ‘n vinnige reaksie-eenheid van ten minste 4000 besluit. Dié mag sal in minder as 48 uur in Oos-Europa ontplooi kan word.

Die primêre rede vir die inisiatief is glo “Rusland se aggressie teen die Oekraïne”. Die Oekraïene was voorheen deel van Rusland en word beskou as die oorsprong van die Slawiese kultuur.

Grushko het die uitgediende “Koue Oorlog-denke” veroordeel en gesê die geskiedkundige 1997-ooreenkoms waarin Moskou en Brussel amptelik verklaar het dat hulle nie meer “teenstanders” is nie, word hierdeur ondermyn.

In ‘n TV-onderhoud, het Grushko gesê dat NAVO ‘n verhoogde teenwoordigheid van NAVO-skepe in die Oossee en Swart See gelas het wat die vlak van vertroue om potensiële brandpunte op te los, vernietig het.

Grushko het ook die beplande NAVO-Oekraïne-oefening ‘n “provokasie” genoem want “buitelandse troepe sal in ‘n land opdaag wat teen sy eie mense veg”.

Die oorlog wat Kiëf teen Russiessprekende minderhede in die land verklaar het, het Rusland vroeër genoop om humanitêre hulpkonvooie na die oorlogsgeteisterde ooste te stuur.

“NAVO moet geen rol in die Oekraïense konflik speel nie,” het die amptenaar gesê aan die Rossiya-24-netwerk.

Verenigde State van Amerika se president het Vrydag gesê dat die VSA en die Europese Unie voortgaan met sanksies teen Rusland ten spyte van die ondertekening van ‘n skietstilstand-ooreenkoms.

Barack Obama het in Newport, Wallis aan die einde van ‘n NAVO-beraad gesê hy is skepties oor ‘n vredesverdrag wat deur verteenwoordigers van Kiëf, Lugansk en Donetsk slegs ure vroeër in Minsk onderteken is, en het gesê die VSA van voorneme is om voort te gaan met nuwe sanksies.

Die aankondiging van bykomende sanksies teen Rusland deur die Europese Unie is ‘n direkte ondersteuning van Kiëf se “Oorlogsparty” het Rusland se ministerie van buitelandse sake Saterdag gesê.

“Die Europese Unie het getoon dat die owerhede steeds in ‘n politieke fantasie leef, en hulle verskaf byna direkte ondersteuning aan die Oorlogsparty in Kiëf, wat nie tevrede is met die uitkoms van die Minsk-vergadering nie,” het die ministerie gesê.

Obama sê Russiese troepe in die Oekraïne ‘n feit

Die teenwoordigheid van Russiese troepe in die Oekraïne is sonder twyfel waar, het president Barack Obama gesê in die Tallinn Konsertgebou Nordea, in Estland.

“Russiese troepe in die gebied van die Oekraïne is nie ‘n humanitêre of vredesending nie,” het hy gesê. Volgens hom, “dit is die feite wat bewys kan word,” en “hulle kan nie bevraagteken word nie.”

‘n Verteenwoordiger van die Amerikaanse ministerie van buitelandse sake Jen Psaki het gesê dat die Verenigde State van Amerika se State Department geen onafhanklike bewyse het dat die Russiese troepe oor die grens van die Oekraïne beweeg het nie.

Swart vlugtelinge na EU verdrink

Tientalle voornemende swart immigrante is vermoedelik dood nadat nog ‘n boot van Libië aan die Italiaanse kus gesink het, het RSG berig

Dit is die tweede voorval binne dae waar ‘n boot met vlugtelinge van Libië gesink het.

Die naweek het minstens 40 vlugtelinge aan die Libiese kus verdrink. In die jongste voorval is minstens 14 mense se liggame uit die water gehaal nadat hulle boot onderweg na Italië gesink het.

Die Italiaanse vloot sê 200 mense is gered, maar tot soveel 400 mense was op die boot.

Veral asielsoekers van Eritrea, Somalië en Sirië vlug na Italië op soek na ‘n beter lewe

Burgemeester verbied ‘haatfees’

Organiseerders van die Europese Dissidente Kongress sê hul byeenkoms gaan voort nadat die burgemeester van Anderlecht in Brussel dit Sondag verbied het.

Regse persoonlikhede soos die Franse komediant Dieudonne en Alain Soral, sal daar optree

Die besluit kom nadat dit deur Joodse groepe bestempel is as ‘n “anti-Joodse haatfees”.

Die burgemeester het ook alle straatbyeenkomste verbied omdat dit die openbare orde glo sal versteur. Anderlecht se burgemeester Eric Tomas het gesê die verbod sal die orde verseker.

Die Franse komediant Dieudonne M’bala M’bala is reeds vir anti-Semitisme, xenofobie en aanhitsing tot rassehaat in Frankryk voor stok gekry omdat hy die Holocaust bevraagteken het.

Die byeenkoms is ‘n platform vir skrywers, teoretici en propagandiste wat kritiek teen Jode uitspreek.

Die Simon Wiesenthal Sentrum vir holocaust-studies en menseregte is bankvas agter die oproepe vir ‘n verbod.

Die leier van “Debout Les Belges!” ( Staan op, Belge ! ) die regse parlementslid Laurent Louis, het gesê dat die byeenkoms ten spyte van die verbod sal voortgaan.

“Ons gaste het bevestig dat hulle sal kom, en in elk geval – verbod of geen verbod – jy kan hulle ontmoet en ‘n onvergeetlike dag hê,” Louis het op sy Facebook-blad gesê.

Louis het ook gesê die genooides is uitsoekgaste en die dag sal stemmig en rustig verloop.

Die Franse komediant Dieudonne se gebruik van die “quenelle” het tot hewige kritiek gelei. Baie beskou dit as ‘n anti-Semitiese gebaar wat herinner aan ‘n omgekeerde Nazi-saluut.

Op sy Facebook-blad het Laurent Louis gesê dit is belaglik dat sy beweging waaraan talle Arabiere ook deelneem, gesien word as anti-Semities bloot omdat sy lede Dieudonne se handelsmerk “quenelle” aangeneem het.

Vroeër vanjaar is die Franse sokkerspeler Nicolas Anelka beboet en verbied deur die Sokkerassosiasie (FA) vir die gebruik van die gebaar tydens ‘n televisie-wedstryd.

Grace moet saam of Zim boikot EU-beraad

Die Zimbabwiese regering eis dat ‘n visum aan president Robert Mugabe se vrou, Grace, toegestaan word om na België te reis.

Zimbabwe dreig om aanstaande week se beraad in Brussel tussen die Europese Unie en die Afrika Unie te boikot indien ‘n visum nie aan die president se vrou uitgereik word om hom te vergesel nie.

Alhoewel die EU verlede maand die meeste van die sanksies teen Zimbabwe opgehef het, is dié teen Mugabe behou.

Die presidentsegpaar het voorheen ook albei onder ‘n reisverbod verkeer wat in 2002 deur die EU ingestel is.

Die reisverbod het gevolg ná klopjagte op MDC-opposisielede en die onwettige afsetting van wit boere van hul eiendom af.

Die EU het die visumverbod op Mugabe opgehef nadat hy as onder-voorsitter van die Afrika Unie verkies is.

Venetië stemt over onafhankelijkheid van Italië, de EU en de NAVO

Vanaf vandaag tot donderdag stemmen Venetië en de Venetianen over de onafhankelijkheid van Italië. Tegelijkertijd wordt daarmee beslist over het lidmaatschap van de EU en de NAVO. “Onafhankelijkheid of de dood”, dat is het motto van de initiatiefnemers van het referendum.

Naar het voorbeeld van Kosovo eisen de Catalanen, Schotten, Basken en de Venetianen hun onafhankelijkheid. De roep van de volkeren naar vrijheid en zelfbeschikking gaat door heel Europa en zal weldra overal te horen zijn. De weg naar een onafhankelijkheid is gemakkelijk te begaan. Volgens internationale toestemming is hiervoor slechts de toestemming van de meerderheid van de bewoners van een regio of stad nodig.

Vanaf vandaag tot donderdag willen de burgers van de stad Venetië en van de provincie Venetië stemmen over de onafhankelijkheid van Italië, evenals over de daarmee verbonden EU-uittreding en het lidmaatschap van de NAVO. De wet over het referendum werd al in 2006 aangenomen door de lokale autoriteiten. Duitstalige media hebben een nieuwsblokkade over dit referendum opgelegd. Men vreest hiermee de “doos van Pandora” te openen, zodat de vonk van de vrijheid en de vrijheidsdrang op de volkeren van Europa, vooral op de Duitsers, Zwitsers en Oostenrijkers, overspringt. Alleen Britse kranten berichten hierover.

68% van de 6 miljoen Venetianen en de bewoners van aangrenzende gebieden (viermaal zoveel inwoners als de Krim) zou voor onafhankelijkheid zijn. Uit een enquête, die door het dagblad “Corriere della Sera” in september 2012 werd uitgevoerd, bleek dit percentage zelfs 80% te zijn.

De vraag van het referendum luidt: “Wilt u dat de regio Venetië een onafhankelijke en soevereine republiek wordt?”

Als het referendum wordt aangenomen, dan willen de aanhangers van de onafhankelijkheid onmiddellijk na het einde van het referendum geen belastingen meer afdragen aan Rome.

Het eindresultaat op donderdag wordt met spanning verwacht. Waar moeten de Venetianen rekening mee houden? Zullen de Amerikanen gevechtsvliegtuigen in Oostenrijk en Albanië stationeren of vanaf het grootste militaire Amerikaanse steunpunt in het buitenland, in Kosovo, Venetië aanvallen en bombarderen? Zal de EU er opnieuw massaal politici op uitsturen en ze op het Mercato de Rialto ophitsen tot een staatsgreep?

Wordt het referendum, net zoals op de Krim, onwettig verklaard en komt de VN-veiligheidsraad bijeen? En waar is überhaupt de OVSE om te ijken of het referendum wel goed wordt uitgevoerd?

Rome heeft al aangekondigd het referendum en het zelfbeschikkingsrecht van de volkeren niet te erkennen en gedreigd met consequenties. Zal Poetin dan hulp sturen en de nieuwe Republiek Venetië bescherming aanbieden net zoals aan de bevolking op de Krim?

Het worden spannende dagen. En we kijken allemaal niet meer naar de Krim, maar naar Venetië, een van de mooiste steden ter wereld.

Bron: www.schweizmagazin.ch

Withuis probeer Oekraïne-krisis de-eskaleer nadat China Rusland steun

Die Withuis het ‘n amptelike foto vrygestel van Barack Obama waar hy telefonies met Wladimir Poetin gesels oor die krisis in die Oekraïne. Die gesprek het 90 minute geduur.

Die Amerikaanse president het verkies om met sy naweek-uitrusting van denim heel loslit te poseer.

Ontleders meen die foto van die ontspanne das- en paklose leier is gemik daarop om die wêreldkrisis te de-eskaleer, nadat China Rusland teen die VSA oor die kwessie ondersteun het.

Amerika se wêreldleierstatus berus daarop dat hulle lande isoleer. China en Rusland wat saamstaan is ‘n nagmerrie vir die VSA se buitelandse beleid van verdeel en heers.

Die Oekraïne, een van die voorste uitvoerders van koring en mielies op die planeet, staar ontwrigting in die gesig weens die ingryping van sekere Westerse lande met oliebelange wat tot ‘n staatsgreep in die land gelei het.

Dié ingryping kan die opkomende globale voedselkrisis verder vererger.

‘n Gaspyplynkaart illustreer grafies waarom Westerse oliebelange die Russiese energiereus Gazprom as ‘n werklike probleem beskou. ‘n Groot mededingende gasveld loop onder Sentraal-Europa se pyplynnetwerk en boorputte kan onmiddellik gasverkope aan Duitsland en aan ander bestaande Gazpromkliënte beteken. ‘n Prysoorlog sal Gazprom se beheer oor die Europese mark en daarmee Russiese invloed knou.

Die mate waartoe die VSA se multinasionale olie- en gasmaatskappye direk Russiese ondernemings in die verskaffing aan die EU teiken, is merkwaardig. Chevron, Exxon en ander is baie prominent in die opkomende buitelandse skaliespel.

Dat skalie-ontginning onnoembare skade aan waterarm, ongerepte plekke sal aanrig, beteken vir hierdie gulsige multinasionale maatskappye minder as niks.

Die mededinging wat die Oekraïne met skaliegasontwikkeling vir Rusland kan skep, is ‘n faktor wat Anglo-Amerikaanse belange dwing om Oos-Europa te destabiliseer.

Poetin se streeksambisies word gerugsteun deur ‘n sterk energiediplomasie. Sy binnelandse politieke posisie berus op stabiele pryse om die staat se begroting te finansier.

Daarbenewens beskik hy oor ‘n revolusionêre konserwatiewe ideologie met ‘n yslike internasionale aantrekkingskrag in verskeie godsdienstige, politieke en ekonomiese sfere. Barack Obama beskik tans oor sy slagoffervelkleur en sy ondersteuning vir gayregte.

Poetin het sy internasionale status verder verhoog deur sy onlangse diplomatieke oplossing vir Sirië. Russiese sagte mag berus ironies genoeg vandag op al die fondamente waarop goeie Westerse waardes geskoei is.

Rusland het nie troepe ingestuur in die Oekraïne nie. Poetin maak gebruik van kontraktniki (goedbetaalde professionele vrywilligers) om ‘n greep op die situasie te behou.

Dieselfde hoogsopgeleide kontraktniki is die mense wat die Moslemopstand in die Kaukasus met groot sukses onderdruk het.

Poetin sal nie sommer openlik ingryp in die Oekraïne nie, maar onder druk van die nasionalistiese Russe se eie interne politiek sal die Krim se mense ook nie aan hul eie lot oorgelaat word nie.

Oekraïene kies ongewilde Jats na staatsgreep

Die Oekraïene het na ‘n staatsgreep verlede week ‘n nuwe premier aangewys wat geen steun geniet onder die bevolking nie.

Arsenjie Jatsenjioek – of Jats, soos die Amerikaanse assistent-sekretaris van buitelandse sake Victoria Nuland graag na hom verwys – is aangestel as die nuwe eerste minister van die land.

Die bokser Klitsjko, die EU se voorkeur, is uitgeskakel deur die opkoms van ‘n Nazi-element in die pro-EU-opposisie.

Nuland het vroeër in ‘n telefoongesprek van die bokser se kandidatuur gesê: “F-k die EU”. Sy het ook haar voorkeur vir Jats uitgespreek. Die gesprek is uitgelek.

Jats is die natuurlike keuse vir Anglo-Amerikaanse belange. Hy is ‘n miljoenêr en voormalige bankier, minister van ekonomie, minister van buitelandse sake en parlementêre speaker.

Hy is ‘n lid van Julia Timoesjenkoe se Vaderland Party, dus sal sy deel van die nuwe regering wees, net soos na die vorige staatsgreep – die Oranje-rewolusie – wat sy help reël het.

In 2009 het Jats aangekondig dat hy as presidentskandidaat van die Oekraïene in die verkiesing sal deelneem.

Tydens die verkiesingsveldtog het mede-kandidate herhaaldelik na hom verwys as die “onbeskaamde klein Joodjie” wat “suksesvol in diens van die diewe is wat die Oekraïne besteel en met behulp van kriminele geld die Oekraïne se presidentskap wil oorneem”.

Jats se presidensiële veldtog het na raming byna $70 miljoen gekos. Hy is anti-Russies en beywer hom daarvoor om die Russiese taal as tweede amptelike taal in die land afgeskaf te kry.

Jats sal die Oekraïne uitlewer aan internasionale bankiers.

Switserland het aangekondig dat hy bereid is om enige geld wat die ontsetelde president Wiktor Janoekowitsj van die Oekraïne moontlik in ŉ Switserse bankrekening mag hê, te vries.

Die Switserse regering het “uit beginsel” besluit om enige moontlike rekeninge wat hy in Switserland mag hê, te vries, het ŉ woordvoerder van die buitelandse ministerie, Pierre-Alain Eitschinger, gesê.

Ariel Cohen, senior navorser het reeds die land se ellendige vooruitsigte uitgespel. Cohen, van die Heritage Foundation in Washington, het aan Bloomberg gesê: ” Hervormings in die Oekraïne gaan moeilik wees.”

Die rol van die IMF is van “kardinale belang”, het die Amerikaanse Tesourier Jakob Lew vroeër hierdie week gesê.

Die IMF berei reeds ‘n internasionale hulppakket voor, het MNI News Maandag berig.

Die Oekraïne se korrupte leiers van die verlede en die hede – veral Timoesjenkoe wat tronk toe gestuur is vir korrupsie en diefstal – verryk hulself graag ten koste van die gewone Oekraïners.

Dit is waarskynlik weer die kruks van die ooreenkoms tussen sulke leiers en internasionale banke: Persoonlike belang kry voorkeur bó landsbelang.

Die vrugbare swart grond kon vroeër meer as ‘n kwart van die Sowjet-landbou-uitset lewer, en sy plase aansienlike hoeveelhede vleis, melk, graan , groente en vrugte na ander Sowjetrepublieke uitvoer.

So ook kon gediversifiseerde swaar nywerhede unieke toerusting en grondstowwe na ander streke van die voormalige Sowjet-Unie uitvoer.

Die daling in staalpryse en die Oekraïne se blootstelling aan die wêreldwye finansiële krisis as gevolg van die aggressiewe buitelandse lenings het groei in 2008 gekortwiek en die ekonomie het met meer as 15 persent in 2009 gekrimp, die ergste ekonomiese prestasie in die wêreld.

Met die gastarief wat nie vroeër deur die wettig verkose regering verhoog is nie, het die land weer negatiewe groei getoon in 2011, toe die IMF se ingryping van $15 miljard ingekort is.

Die IMF se swak vertoning het hulle nou genoop om in te gryp om “vinniger te privatseer”, ‘n eufemisme vir batestropery. Swaarkry is dus die inwoners se voorland.

Oekraïene stem in tot skietstilstand na geweld 26 eis

Die president van die Oekraïene, Wiktor Janoekowitsj en drie hoof opposisieleiers het ingestem om te vergader na weke van geweld wat die hoofstad teister.

Die Europese-Unie sal na verwagting Donderdag in Brussel vra vir sanksies teen “diegene wat vir die geweld verantwoordelik is”.

Die EU en die VSA befonds opstande om die Russies-gesinde regering tot ‘n val te bring, wat tot chaos en talle sterftes gelei het.

Dié onverkwiklike inmenging het op die lappe gekom toe ‘n gesprek van die Amerikaanse ondersekretaris belas met buitelandse aangeleenthede, Victoria Nuland, uitgelek het waarin sy te kenne gee dat die opstand doelbewus gestook word om simpatieke Amerikaanse agente in staatsposisies in die land te probeer kry.

Sy het tydens die telefoongesprek gesê: “F-k die EU.”

Partye het tot ‘n sogenaamde “skietstilstand” ooreengekom na twee dae se hernude geweld in Kiev tussen die polisie en anti-regeringsbetogers.

Die land is verdeel tussen die weste wat pro-Europees is en die suide en ooste wat Russies-gesind is.

Minstens 26 mense is dood en honderde beseer nadat geweld Dinsdag opgevlam het.

Die Amerikaanse president, Barack Obama, het weer die land met militêre optrede gedreig indien die situasie in die Oekraïene nie stabiliseer nie. Hy het nie die rol van die VSA in die destabilisering aangespreek nie.

Die krisis is deur buitelandse agente uitgebuit toe Janoekowitsj besluit het ten gunste van nouer bande met Rusland weens energiebesparings wat dit sal meebring.

EU moedig VSA aan om bande met Kuba te herstel

Die Kubaanse regering sê hy hoop die VSA gaan die voorbeeld van die Europese Unie volg, nadat die EU vroeër aangekondig het dat onderhandelinge met die doel om verhoudings met die eiland te herstel, binnekort sal begin.

In die afgelope maande het Nederland die inisiatief geneem om te druk vir ‘n “nuwe fase” in EU-Kuba-verhoudings.

Kuba se verhouding met die VSA is meer pragmaties as voorheen met amptenare van beide kante wat sê daar is verbetering. Maar Washington het nog nie verder beweeg na hul besluit om Kubaanse reisbeperkinge in 2011 op te hef nie.

Amerika het voorheen druk uitgeoefen op Europa om die Kubaanse regering te isoleer.

‘n Senior amptenaar van die EU wat Amerikaanse amptenare verlede week ingelig het oor Europa se planne, het gesê Washington het “volle begrip” vir die stap.

Die EU-amptenaar het ook ontken dat Brussel probeer om Kuba te “koop”, en gesê die EU-hulp aan Havana sal op die huidige vlakke bly. Hy het nie gesê of die hervormingsvoorstelle gekoppel sal word aan hulp nie.

Die EU verwag om volgende maand met formele samesprekings te begin.

Kuba ontvang oor die 80.000.000 € in ontwikkelingshulp van die EU sedert 2008. Ontleders sê Brussel is gereed om meer hulp te verleen indien die Kuba konkrete stappe in die rigting van “demokratisering” neem.

Na Venezuela, is die EU is Havana se tweede grootste handelsvennoot.

Die Kubaanse minister van Buitelandse Sake, Bruno Rodriguez sê die Amerikaanse president Barack Obama behoort nou ‘n soortgelyke gebaar te maak.

EU hef sanksies teen Zim op

Die Europese Unie sal na verwagting vandeesmaand die meeste van die oorblywende sankiese teen Zimbabwe ophef, het RSG berig.

Die EU se buitelandse beleidshoof, Catherine Ashton sê sanksies sal weer ingestel word indien Zimbabwe menseregte skend.

Die EU het in 2002 sankies teen Zimbabwe ingestel in reaksie op dié land se optrede teen die opposisie en die afsetting van wit boere van hulle plase af.

Ashton sê die besluit om die meeste sanksies op te hef, volg op uitgebreide samesprekings met EU-lidlande en politici in Zimbabwe.

Weste blind vir Nazi’s in Oekraïene

Die Weste hou hulself blind vir neo-Nazi’s wat in Kiëf betoog om by die EU aan te sluit.

Die Oekraïense betogers bots met die polisie in die hoofstad na duisende mense aan ‘n anti-regeringsbetoging oor die naweek deelgeneem het, omdat hulle nie deel wil wees van die Russiese federasie nie.

Die mees aggressiewe groep betogers, wat bekend staan as ultra-nasionaliste, het die polisie met brandbomme en klippe bestook.

Die president van die Oekraïne, Wiktor Yanukowitsj, het ‘n verklaring uitgereik waarin hy die geweld tussen die polisie en teen-regeringsbetogers veroordeel.

Hy sê dit hou ‘n bedreiging vir die hele land in.

Hy het ‘n oproep om vreedsame gesprek gedoen, nadat ‘n vooraanstaande opposisie-figuur, die wêreldberoemde bokser, Witali Klitsjkow alle Oekraïners aangespoor het om by die betoging aan te sluit.

Klitsjkow sê hulle moet veg vir die toekoms van hul land.

Die toneel naby die parlement is steeds gespanne, met skermutselinge tussen die onlustepolisie en betogers.

Skokgranate en rubberkoeëls is vroeër afgevuur, om tussen 200 en 400 vasberade betogers te verwilder.