Menings – praag.co.za

Oekraïene kies ongewilde Jats na staatsgreep

Die Oekraïene het na ‘n staatsgreep verlede week ‘n nuwe premier aangewys wat geen steun geniet onder die bevolking nie.

Arsenjie Jatsenjioek – of Jats, soos die Amerikaanse assistent-sekretaris van buitelandse sake Victoria Nuland graag na hom verwys – is aangestel as die nuwe eerste minister van die land.

Die bokser Klitsjko, die EU se voorkeur, is uitgeskakel deur die opkoms van ‘n Nazi-element in die pro-EU-opposisie.

Nuland het vroeër in ‘n telefoongesprek van die bokser se kandidatuur gesê: “F-k die EU”. Sy het ook haar voorkeur vir Jats uitgespreek. Die gesprek is uitgelek.

Jats is die natuurlike keuse vir Anglo-Amerikaanse belange. Hy is ‘n miljoenêr en voormalige bankier, minister van ekonomie, minister van buitelandse sake en parlementêre speaker.

Hy is ‘n lid van Julia Timoesjenkoe se Vaderland Party, dus sal sy deel van die nuwe regering wees, net soos na die vorige staatsgreep – die Oranje-rewolusie – wat sy help reël het.

In 2009 het Jats aangekondig dat hy as presidentskandidaat van die Oekraïene in die verkiesing sal deelneem.

Tydens die verkiesingsveldtog het mede-kandidate herhaaldelik na hom verwys as die “onbeskaamde klein Joodjie” wat “suksesvol in diens van die diewe is wat die Oekraïne besteel en met behulp van kriminele geld die Oekraïne se presidentskap wil oorneem”.

Jats se presidensiële veldtog het na raming byna $70 miljoen gekos. Hy is anti-Russies en beywer hom daarvoor om die Russiese taal as tweede amptelike taal in die land afgeskaf te kry.

Jats sal die Oekraïne uitlewer aan internasionale bankiers.

Switserland het aangekondig dat hy bereid is om enige geld wat die ontsetelde president Wiktor Janoekowitsj van die Oekraïne moontlik in ŉ Switserse bankrekening mag hê, te vries.

Die Switserse regering het “uit beginsel” besluit om enige moontlike rekeninge wat hy in Switserland mag hê, te vries, het ŉ woordvoerder van die buitelandse ministerie, Pierre-Alain Eitschinger, gesê.

Ariel Cohen, senior navorser het reeds die land se ellendige vooruitsigte uitgespel. Cohen, van die Heritage Foundation in Washington, het aan Bloomberg gesê: ” Hervormings in die Oekraïne gaan moeilik wees.”

Die rol van die IMF is van “kardinale belang”, het die Amerikaanse Tesourier Jakob Lew vroeër hierdie week gesê.

Die IMF berei reeds ‘n internasionale hulppakket voor, het MNI News Maandag berig.

Die Oekraïne se korrupte leiers van die verlede en die hede – veral Timoesjenkoe wat tronk toe gestuur is vir korrupsie en diefstal – verryk hulself graag ten koste van die gewone Oekraïners.

Dit is waarskynlik weer die kruks van die ooreenkoms tussen sulke leiers en internasionale banke: Persoonlike belang kry voorkeur bó landsbelang.

Die vrugbare swart grond kon vroeër meer as ‘n kwart van die Sowjet-landbou-uitset lewer, en sy plase aansienlike hoeveelhede vleis, melk, graan , groente en vrugte na ander Sowjetrepublieke uitvoer.

So ook kon gediversifiseerde swaar nywerhede unieke toerusting en grondstowwe na ander streke van die voormalige Sowjet-Unie uitvoer.

Die daling in staalpryse en die Oekraïne se blootstelling aan die wêreldwye finansiële krisis as gevolg van die aggressiewe buitelandse lenings het groei in 2008 gekortwiek en die ekonomie het met meer as 15 persent in 2009 gekrimp, die ergste ekonomiese prestasie in die wêreld.

Met die gastarief wat nie vroeër deur die wettig verkose regering verhoog is nie, het die land weer negatiewe groei getoon in 2011, toe die IMF se ingryping van $15 miljard ingekort is.

Die IMF se swak vertoning het hulle nou genoop om in te gryp om “vinniger te privatseer”, ‘n eufemisme vir batestropery. Swaarkry is dus die inwoners se voorland.

Kommentaar voortaan net vir betalende lede

Tot dusver het praag deur middel van die Disqus-kommentaarafdeling by artikels ‘n ruimte probeer bied vir lesers om op intelligente en beredeneerde wyse kommentaar te lewer en kwessies te debatteer. Ongelukkig is ons kommentaarafdeling toenemend misbruik deur buitestaanders wat daarop uit is om onmin te saai, lasterlike bewerings te maak, te vloek en te skel, en dies meer.

Tans lui ons kommentaarbeleid só:

U gebruik die Disqus-kommentaarafdeling op eie risiko en praag, die redaksie of enige verwante persone of entiteite aanvaar geen verantwoordelikheid vir u kommentaar en watter gevolge ook al daaruit mag voortspruit nie. Terselfdertyd vereis ons dat u ter wille van beskaafdheid, redelikheid en die gerief van ander gebruikers, u sal weerhou van kwetsende taalgebruik, vloekwoorde, persoonlike aanvalle op medegebruikers, twissoekery en algemene “trol”-gedrag. Enigeen wat só ‘n laspos word, sal summier verbied word en sy IP-adres sal insgelyks versper word. Ons sal ook nie huiwer om, waar nodig, kriminele klagte aanhangig te maak teen individue wat hulle aan dreigemente, teistering of intimidasie skuldig maak nie.

Kennelik het vele gebruikers nie hierop ag geslaan nie, want ons ontvang steeds klagtes van lesers en ons modereerders dat dié beleid daagliks geskend word.

Daarom word ons verplig om deelname aan die kommentaafafdeling voortaan slegs vir betalende praag-lede of intekenare beskikbaar te stel. Die stelsel sal oor die volgende paar dae in werking gestel word.

Die minimumbydrae per maand wat nodig is om aan Disqus deel te neem, is R30 per maand per debietorder of PayPal-subskripsie. Mense sonder PayPal kan steeds via hul kredietkaart ‘n PayPal-subskripsie betaal, aangesien PayPal daarvoor voorsiening maak.

Sluit hier aan.

Nie-intekenare sal steeds briewe aan PRAAG kan rig om hul menings te lug.

– Die redaksie

Draai die horlosie dertig jaar terug

‘n Afgestofde grappie lui dat die kaptein van ‘n vlug uit die buiteland kort voor die landing op OR Thabo-lughawe die passasiers soos volg inlig: “Ons land binnekort op OR Thabo-lughawe, Suid-Afrika. Draai u horlosies dertig jaar terug, en pas die horlosies en ander besittings goed op tydens u verblyf.”

Word na die politieke toneel in verskeie belangrike lande gekyk, lyk die land wel deeglik uit pas met die jongste verwikkelings.

Oor minder as twee maande gaan die Amerikaners stembus toe en word vir ‘n groot deel van die kongres gestem. Vergelykings word reeds met 1994 getref toe die Republikeine groot winste getoon het, hoewel min mense nou heeltemal dieselfde winste vir die Republikeine, ook bekend as die Grand Old Party, GOP, verwag.

‘n Onlangse peiling het 61 persent van die stemme vir die GOP gegee, en 41 % vir die Demokrate van pres. Barack Obama. Dit is die grootste gaping in 60 jaar. Sedertdien fluktueer die peilings erg.

Die GOP speel Donderdag, 20 September ‘n belangrike troef wanneer die party sy regeeragenda bekend stel. Dit word ‘n kontrak met die mense genoem, en simbolies van die voetsoolvlak-ingesteldheid, word dit op die stoep van ‘n ysterwarewinkel in Sterling, Vancouver, uitgereik.

Die Republikeinse party word grootliks gerugsteun deur ‘n sterk belangegroep, bekend as die Tea Party, wat die afgelope jaar nie net ontstaan het nie, maar massiewe openbare steun trek. Dit het al belangrike demokratiese vestings in tussenverkiesings lat tuimel. Die Tea Party kan breedweg as ‘n konserwatiewe beweging beskou word, en Sarah Palin dien as belangrike vaandeldraer. Dit verseker dat die groeiende Christen-fundamentalistiese beweging bykans eenparig by die Tea Party staan. Die Demokrate se teenvoeter, die Coffee Party, blyk nog grootliks ‘n windeier te wees.

Dié aksie het momentum gekry sedert die verkiesing van pres. Obama, wie se verkiesing as ‘n dertigjarige terugslag beskryf is vir die stryd om aborsies op aanvraag weer verbied te kry. Die euforie vir Obama was destyds so groot dat baie mense wat sterk gekant is teen baie van Obama se standpunte, ook vir hom gestem het. Afgesien van die aborsie-kwessie sluit dit sake in soos die wettiging van gay-huwelike, maar ook kwessie soos die omstrede gesondheidsorg-wetgewing en die koers wat ingeslaan moet word vir ekonomiese herstel. Terselfdertyd bly werkloosheid in die VSA hoog, en armoedesyfers is onder veral die swart en Spaanssprekende bevolking baie hoog – tradisioneel die jagveld van die Demokrate.

Op die meer omvattende skaal dui die verkiesingsuitslae van onder meer België, Nederland en nou ook Swede op ‘n groot swaai na regs. ‘n Anti-Islam-houding is dikwels aanwesig, soos in die VSA, waar Obama se hantering van sake oor Islam-kwessies, soos die voorgenome bou van ‘n Islamitiese sentrum naby Ground Zero, ook stemme laat swaai.

En heel uit pas hiermee handel die debat in Suid-Afrika nou, soos met die ANC se kongres in Durban en die vernaamste opposisiepolitiek, hoe links of ver links die land moet wees, en hoe sosialisties die ekonomie gedryf moet word.

Draai die horlosies dertig jaar terug.

светильники на дом

Die gevare van ‘n de facto-eenpartybedeling

Binne die politieke wetenskap doen ‘n sêding die rondte: “Die demokrasie is ‘n gemors, maar dis die beste gemors wat ons het.”

Dat die oë van die land van vandag af vir die duur van die week op Durban gerig is, is tegelykertyd verstaanbaar en hartseer.

Verstaanbaar, omdat die land se regerende party ‘n belangrike beleidskongres hou, maar hartseer omdat die belangrikheid hiervan bykans alle kenmerke van ‘n de facto eenpartystaat dra. In beginsel kan die land nou, afhangende van watter uiteenlopende denkrigting koning kraai, op koers na ‘n kommunistiese ekonomiese bestel geplaas word.

So ‘n situasie ontstaan wanneer die bevolking se beleids- en selfs regeerkeuses hoofsaaklik binne die regerende party afspeel, en nie tydens verkiesings tussen ‘n veelheid partye soos dit in ‘n grondwetlike demokrasie hoort nie. In Suid-Afrika beteken dit tot ‘n groot mate dat opposisiepartye se rol tot dié van drukgroepe gereduseer word, en waarvan die rol boonop ook gereduseer is omdat die grondwetlike liggame, waarna eens as wigte en teenwigte verwys is, disfunksioneel is of as verlengstukke van die regerende party beskou word.

Ook ander instellings wat veronderstel is om die konsep van veelparty-demokrasie te onderskraag, soos die SABC-raad, se lede word effektief deur die regerende party aangewys.

Voeg hierdie die rol van die Progressive Business Forum wat in effek daarop neerkom dat sakelui wat gedagtes met regeringslui wil wissel, hul hand diep in die sak moet steek vir die voorreg om ministers en selfs hul senior staatsamptenare te kan ontmoet – geld wat in die ANC se verkiesingskoffers gestort word.

Die situasie is verder aangehelp deur ‘n groep opposisielede wat onder die vaandel van “ons sal jul stem wees” ‘n mandaat gekry het om van binne die ANC sekotorale belange te bevorder – en sedertdien ‘n baie stil stem geblyk te wees het. Voeg hierby die aksies van die ANC self om alle stemme binne die sogenaamde “broad church” te ondervang, ‘n uitgesproke doelwit toe mnre. Gwede Mantashe, Darryl Swanepoel en Renier Scoeman kort voor die vorige algemene verkiesing samesprekings met Agri SA se hoofbestuurder, mnr. Hans van der Merwe gevoer het. Nie baie later nie, het beide Agri SA en die TLU SA uit ‘n regeringsgeleide kongres oor landbou gestap waar hoegenaamd nie belanggestel is om na die boere se stem te luister nie, en retoriek as feite opgedis is.

Die oë is ook nog meer op die kongres gerig omdat van die belangrikste demokratiese waarborge, mediavryheid en die reg tot inligting, van vandag af ook formeel onder die valbyl gesleep kan word.

Dat die kiesers die demokrasie faal, skyn nog duideliker te wees deur opnames wat toon dat die premier van die provinsie waar munisipaliteite – aldus die Ouditeur-generaal – onder die swakstes in die land vaar, die ekonomie onder die swakstes is en die howe ‘n rits tenders tersyde gestel en selfs hertoegeken het, die gewildste is. Ook toon die peiling dat 68 % van die land se mense nou glo dat pres. Jacob Zuma goed vaar, weliswaar ‘n skerp daling vanaf 77 % ‘n jaar gelede.

In die proses om ‘n kiesersblok teen die ANC te vorm, stem baie mense nou ook vir die DA, al het die party se beleid en dit wat hulle self glo min raakvlakke. In die proses ontkieser baie kiesers hulself ideologies.

Die toets of die land se grondwet so ideaal vir ‘n heterogene bevolkingsamestelling is was graag voorgehou word, dat die grondwet so goed is as wat hoog opgegee word, kom nader.

Eugene de Kock is nie enigste bron nie – repliek aan prof. Piet Croukamp

As ek na die professor se repliek kyk dan verbaas dit my dat ‘n persoon wat veronderstel is om ‘n akademikus te wees en met feite te werk hom op ‘n klomp snert verlaat en aan die hand daarvan wilde bewerings maak wat hy beslis nie met enige feite kan staaf nie.

Ek kry die indruk dat Eugene de Kock is die enigste bron waaroor die professor beskik en dat alles wat hy sê as feite aanvaar word en dat dit die grondslag is waarop hy sy standpunte baseer. Die professor mag homself ‘n guns doen om meer geloofwaardige bronne te raadpleeg. Ek verstrek graag die volgende besonderhede wat op feite gebaseer is:

Ek het die getal persone wat deur die Polisie doodgemaak is en ten opsigte waarvan amnestie gevra is, op 200 gestel. Die meeste gevalle is deur lede van die Veiligheidstak doodgemaak. Soos ek reeds by herhaling beklemtoon het, sou baie van hierdie gevalle op noodweer neergekom het. Die enigste wyse waarop hierdie getal noukeurig bereken kan word is om al die relase van die amnestieverhore te raadpleeg wat ‘n uiters moeilike taak gaan wees. Ek was egter in noue voeling met lede van die Veiligheidstak wat amnestie gevra het en het aan die hand van daardie kennis bereken dat die getal hoogstens 200 moet wees. Ek het ook met mnr. Jan Wagener ons prokureur wat tydens die amnestieverhore verreweg die meste lede van die polisie verteenwoordig het, geraadpleeg en hy is ook van mening dat die getal nie meer as 200 beloop nie. Om ruimte te laat vir enige vergissing het ek die getal tussen 200 en 300 gestel. Die verskil raak beslis nie die wese van die argument nie. Ek betwis ten sterkste dat die Polisie duisende persone vermoor het.
Die stelling wat die professor maak dat ek nie weet hoeveel mense deur die apartheidstaat vermoor is nie klink vir my so na goedkoop ANC propaganda en ek hoop werklik nie Eugene de Kock is sy bron nie. Kom ons bepaal ons by feite en ek vra graag die professor (Eugene de Kock kan hom gerus help) om die volgende feite te verstrek :
Benewens die gevalle waarvoor amnestie gevra is en daardie gevalle waar geregtelike doodsondersoeke gehou is, die name van persone wat vermoor is, die datums en plekke waar hulle vermoor is en waarom dit beweer word dat die apartheidstaat hulle vermoor het. Eugene de Kock het alle moontlike inligting waaroor hy beskik aan die Nasionale Vervolgingsgesag beskikbaar gestel.. Ek sal graag by die Nasionale Vervolgingsgesag wil verneem of hierdie sake tans deur hulle ondersoek word of andersins waarom hulle geen stappe gedoen het om die sake te ondersoek nie. Dit is mos hoegenaamd nie denkbaar dat daar soveel persone vermoor is sonder dat die sake behoorlik ondersoek en ale feite blootgelê word nie.
Die name en besonderhede van persone wat vermoor is waarby ekself of ander generaals betrokke sou geweers het waarvoor ek nie amnestie gevra het nie. Ek ontken ten sterkste dat ek by enige sodanige voorvalle betrokke was.
Ek weet nie of Eugene de Kock aan geheue verlies ly en of die professor dalk nie die vermoë het om hom reg te begryp nie. Eugene het tydens elke amnestieverhoor uit sy pad gegaan om die generaals te beswadder. Waar hy kon het hy ‘n generaal betrek en is so ‘n generaal noodwendig deur die WVK kennis gegee dat hy deur Eugene de Kock geïnkrimineer word en dat hy die reg het om homself te verweer. Al daardie gevalle is behoorlik geboekstaaf. Gee Eugene de Kock nou voor dat hy sekere generaals, wat myself insluit, se name doelbewus tydens sodanige verhore verswyg het om hulle te beskerm? Ek kan vir geen oomblik glo dat Eugene de Kock so onnosel kan wees nie, want dit sal ‘n flagrante leuen wees wat met die grootste gemak weerlê kan word.
Dit is duidelik dat Eugene de Kock nooit ‘n ondersoekbeampte was nie en min verstaan van die wesenlike probleme waarmee ons geworstel het om sake voor die hof te bring en te bewys. Dit verduidelik dan ook die professor se skreiende onkunde wanneer hy die vraag stel waarom die persone wat die polisiemanne en hulle gesinne met handgranate wou vermoor nie doodeenvoudig gearresteer en voor die hof gebring is nie. Die Veiligheidstak Oos-Rand het oor ‘n betroubare beriggewer in die geledere van die betrokke studente beskik en dit was inderdaad die enigste getuie waaroor ons beskik het. Benewens die feit dat dit bykans onmoontlik sou wees om aan die hand van ‘n enkele getuie so ‘n aanklag teen die booswigte te bewys, sou die getuie en sy familie sonder enige twyfel die slagoffers van halssnoermoorde geword het. Daar is geen manier waarop ons so ‘n getuie sou beweeg om in die openbaar getuienis te gee nie. Eugene de Kock het ‘n onbenullige rol tydens hierdie voorval gespeel en is daarom nie van al die feite bewus nie. Ek het die lede van die Veiligheidstak by herhaling gemaan dat daar geen uitlokking van enige aard moet plaasvind nie en dat ons bloot die handgranate of ander wapens, wat gemodifiseer sou word, aan die booswigte moes verskaf. Dit moes aan hulleself oorgelaat word om te besluit of hulle die polisiemanne en hulle gesinne wou vermoor.
Ek was en is nog steeds bereid om vir Eugene de Kock in die bres te tree, maar dan op grond van feite en beslis nie aan die hand van sy holrug geryde bewerings dat hy in die steek gelaat is nie. Hy kon dit nooit tydens die amnestieverhore bewys nie en sal dit beslis ook nie in die toekoms kan doen nie. Dit is jammer dat die professor wat eintlik van beter behoort te weet, hom deur Eugene de Kock op sleeptou laat neem en sodoende inderdaad laasgenoemde die geleentheid ontneem om op ‘n geloofwaardige wyse sy saak te bepleit. Dit sal baie help as die professor hom van cliché’s weerhou en sy stellings op feite baseer.

Bymotiewe by Absa se dom skuif?

Hierdie skuif van Absa om teen wit rugbyspeler te diskrimineer, wil al lyk of dit ‘n politieke klank het wat ten hemele stink.

Dit is waar dat Absa, uit Volkskas en Trustbank gebore, hoofsaaklik opgebou is met die Afrikaners se geld uit die destydse Federale Volksbeleggings. En baie Afrikaners is al sedert die jare sestig en sewentig kliente van die bank.

As gevolg van sy verlede en verbintenis met Federale Volksbeleggings was dit sedert 1994 nie die “inding” vir swartmense en regeringsinstellings om rekeninge oop te maak by Absa nie, en suig hulle wat dit betref aan die agterspeen. Baie min, indien enige, regeringsdepartmente het rekeninge by Absa, en daar gaan letterlik miljarde Rande deur daardie rekeninge. Hier en daar is daar munisipaliteite wat rekeninge by Absa bedryf.

Nou, ek glo dit was nog altyd vir die bank se direksie ‘n doelwit om regeringsrekeninge te kry, en hulle het sekerlik nog altyd planne gemaak om hulle beeld by die ANC, die ANC elite, die ANC vetkatte, en Swart bemagtingingsmaatskappye te “verbeter”.

Eers het hulle van al hulle wit dienspersoneel ontslae geraak, toe Afrikaans as dienstaal, en toe dit nie werk nie, het hulle besluit om hierdie dom skuif in Rugby, wat “Afrikanerheiligdom” is te maak. Dom, baie dom.

En dit net om ‘n paar regeringsrekeninge te kry!!! Ek is seker daar word vanaand 17 September en dwarsdeur hierdie naweek direksievergadering gehou om die nagevolg van hierdie besluit te bespreek.

Ek is ook al 25 jaar ‘n klient van Absa, maar volgende week skuif ek my rekening, en ek hoop dat alle Afrikaners wat kliente is, ook daardie rekeninge wat hulle kan, plus alle beleggings, sal skuif na ander banke.

Фильчаков прокурор

Die rasnorm elders

Op die voorblad van Volksblad vanoggend word berig dat Absa ontsteld is oor die – soos dit gestel is – Saru se ernstige gebrek aan toewyding met transformasie.” Van die Curriebekerspanne is te wit.

Dit klink bykans bisar dat sommige Suid-Afrikaners so bekommerd sal wees oor die kleursamestelling van spanne, terwyl dit elders ter wêreld dikwels oor ‘n maak-of-breek oor lewensmiddele handel.

Vanoggend berig die Nederlandse koerant Trouw dat armoedevlakke in die VSA tot die hoogste vlak – 51 miljoen – in bykans ‘n halwe eeu gestyg het. Dit is ook die hoogste persentasie sedert 1994 en staan nou op 14,3 persent.

Die slotsin lui dat dié armoede swart en Spaanstalige Amerikaners twee maal so hard as hul wit en Asiatiese landgenote tref.

Dit val saam met die VN se voedselorganisasie se syfer dat die aantal hongerlydendes wêreldwyd tot onder ‘n miljard gedaal het. In Afrika Suid van die Sahara styg dit egter, en ly een uit elke drie mense honger.

In Vlaandere broei dit nadat ‘n skool afsonderlike onderrig vir – soos dit gestel word – allochtonen-kinders begin aanbied het. Dit geskied op versoek van die ouers. Die minister is ontsteld, en wil dit ondersoek, en die ouers van die wat nie reeds verskeie geslagte Vlaams is nie, is ontevrede. Hul kinders sit nou in klasse van verskillende nasionaliteite, en die ouers meen dit sal nou moeilik gaan om Vlaams aan te leer.

SA Rugby was al oor transformasie by die Internasionale Rugbyraad in die sop omdat rugby, soos die meeste sportkodes, rassisme verbied. Wat die een as transformasie versuiker, is vir die ander rasgedrewe kwotas, en diskriminasie teen presteerders van die sogenaamde verkeerde ras.

Dit is bykans onmoontlik om werklike nie-rassigheid te bereik so lank as wat rasbeheptheid die ingesteldheid lei. Daar word wel dikwels gehoor dat swart per definisie nie rassisties kan wees nie, dat swart bewussyn ‘n positiewe kenmerk is, maar die teenargument is dat dit juis op ‘n toppunt van rassisme dui.

Die hoopvolle mites van die Afrikaner

Daar is te veel mites wat deur sommige Afrikaners aangehang word, waarmee ons hoopvol passief op uitkoms sit en wag. Daardie mites maak dat ons sit en wag vir iets of iemand om vir ons verlossing soos ‘n geskenkie in ons skote te kom gooi.

Vir te lank is daar mense wat glo dat Vigs die swartmense van Afrika so gaan uitroei, dat die blanke net weer in die ou staatskantore kan instap en aangaan soos alles twintig jaar gelede was. Dit is nie waar nie, en alle mites wat daaroor versprei word, veral onder regse Afrikaners, moet een of ander tyd in perspektief gestel word.

Alhoewel dit steeds ‘n ongeneeslike siekte is wat skrikwekkende gevolge ingehou het vir baie mense en veral die swartmense van Afrika, is dit besig om die normale kurwe van endemiese siektes te volg, en gevolglik is Vigs besig om af te plat.

Volgens die VN se 2008 verslag oor die status van Vigs in die wêreld, is dit die moeite werd om op die volgende te let:

Wêreldwyd het die persentasie mense wat met Vigs leef, afgeneem sedert 2000.
In 14 van 17 lande in Afrika, het die persentasie van swanger vroue van tussen 15 en 24 begin afneem sedert 2000/2001, en in 7 lande het die infeksiepersentasie tot onder 25% gedaal, wat die teiken was vir 2010.
Soos wat toegang tot medisyne verbeter het oor die afgelope 10 jaar, het die verwante sterftes begin daal.
Lande buite Afrika soos Indonesië, die Russiese Federasie en ander hoë-inkomstelande het toenames in Vigsgevalle begin toon.
Sedert 2000 het die persentasie kinders wat Vigs opdoen, afgeneem as gevolg van beter medikasie en voorsorg.
Sedert 2003 het die aantal kindersterftes as gevolg van Vigs begin afneem.
Op ‘n globale skaal het Vigsinfeksies begin stabiliseer.

Goed, genoeg van die statistieke.

Ek is bang dat die Afrikaner na strooihalmpies gryp om hulleself moed in te praat vir die toekoms, en dat alles eendag as gevolg van “sommer net gebeurtenisse” weer sal goed gaan. En die Vigs-mite is een van daardie strooihalms. Dit gaan nie gebeur dat al die swartmense sommer net een oggend almal dood is as gevolg van Vigs nie. Nie in die volgende 500 jaar nie!

As ons ernstig is oor ons toekoms moet ons daardie tipe van naïewe redenasies en valse hoop begin identifiseer en dit sien vir wat dit is – mites en stories. Alhoewel ek ook Adriaan Snyman se boeke oor Siener van Rensburg besit en gelees het, is dit dwaas om te wil glo dat alles sommer net gaan regkom, omdat ‘n Boereprofeet dit voorspel het.

Daar gaan nie binne die volgende 100 jaar ewe skielik drie amptelike briewe van die Duitse kansellier by Tuynhuis afgelewer word, en dan gee die ANC die land op ‘n skinkbord aan ons terug nie. Duitsland is op hierdie stadium een van die mees liberale lande in Europa, sodanig dat die Duitsers in strome na Suid-Amerika emigreer omdat die Turke in Duitsland meer regte en voorregte as inheemse Duitsers geniet.

Ook gaan daar nie ‘n man in ‘n bruin pak die burgers op ‘n koppie noord van Lichtenburg toespreek, en dan saal ons op en neem Pretoria terug nie. Daar is nie eers ‘n koppie noord van Lichtenburg nie!

Een van die mees beskamende oomblikke in my lewe was by ‘n geleentheid in Pretoria, waar Manfred Roeder, die huidige leier van die Nazi Party, ‘n groep Afrikaners toegespreek het. Ná die man se toespraak, staan daar ‘n omie op, en vertel roerend vir Roeder hoe swaar ons Afrikaners nou kry, en hy wil weet wat die Nazi’s of Duitsers gaan doen om ons te kom help. Roeder was openlik stomgeslaan en het baie duidelik gesê dat hulle hulle eie probleme probeer oplos, soos ons ons eie probleme moet oplos. Het ons so lam geword van skok, dat ons nie eers onsself wil of kan help nie?

Dan is daar die mite oor die nag van die lang messe. Ek was self betrokke by Militêre Intelligensie in die ou SA, en weet goed hoe teenintelligensie en disinformasie werk. Mense, die nag van die lang messe gaan nie in hierdie tyd en eeu gebeur nie, en ons moet oppas om sommer net sulke stories te glo, net omdat dit ons seer en hartseer, oor dit wat ons verloor het, pas. Sulke stories word geskep en versprei om verwarring en paniek te veroorsaak.

Ek onthou in die ou HNP/KP/NP-politiek, het daar ‘n kastige uittreksel uit Edgars se direksie vergadering “gelek” waar ‘n Joodse vrou sou gesê het dat sy bly is die Afrikaner se mag in SA is besig om gebreek te word, en dat sy spyt is dat die plan in 1901 waar 26 000 van ons “filthy stinking women and children” uitgesterf het nie geslaagd was nie. Die dokument was duidelik ‘n versinsel en sommer op ‘n baie ou misrabele tikmasjientjie getik, maar die stoere Afrikaners was in opstand. Skielik was die Jode weer gehaat en wou almal net Edgars begin boikot.

Maar dit was weereens baie duidelik ‘n geval van disinformasie om paniek en chaos te veroorsaak. Dit is ‘n ou tegniek wat gebruik word om mense se aandag af te lei van ander sake wat nie in die openbare oog moet kom nie. Wie verantwoordelik was, sal mens net kan raai. Mens moet altyd onthou dat Lang Hendrik van den Berg sy opleiding by die CIA in Amerika gekry het. So het ook die ANC se intelligensiemense hulle opleiding by die CIA gekry.

Die Liewe Vader gaan ook nie vir ons sommer skielik uit die hemel ‘n stuk aarde laat val omdat ons nou weer volgens die Ou Testament brandoffers bring, en dan kan ons dit as ‘n beloofde land sommer net in besit neem en begin boer en kerke bou nie. Ek glo dat Hy wil hê dat ons die hande uit die moue steek en iets begin doen.

Daar kan nog baie voorbeelde van mites wat in omloop is genoem word, soos dat ons nie met enige heiden hoef te onderhandel nie. In dié opsig, is dit baie onvanpas om vir Carel Boshoff te probeer vergelyk met Piet Retief, omdat Orania nou vir Zuma ontvang het en oom Carel met Zuma onderhandel het. Ons kan eenvoudig nie glo ons sal nie met die ANC moet onderhandel as ons selfbeskikking en onafhanklikheid wil bereik nie. Daar is geen manier wat ons onderhandelings met die huidige regering, of ons hom erken of nie, kan vermy nie. In die oë van die wêreld is dit die wettige regering en die Afrikaners wat glo dat ons soos ‘n eiland in die wêreld sal kan oorleef sonder om met die “heidene en volksvreemdes” kontak te hê en handel te dryf, is dwaas.

Die Afrikaner moet nou van die ossewa afklim, in sy Toyota Hilux Dubbelkajuit klim en aan die moderne wêreld begin deelneem. Kakiebroeke, velskoene, two-tone hemde en al. Slegs deur middel van slim moderne idees en beplanning sal ons ons vryheid kan verkry. As mens oorsee gaan reis het, besef jy hoe die wêreld werk. Ons sal in daardie idioom moet inpas en optree, anders skiet ons net onsself in die voet. En daarmee sê ek nie dat ons nou ons beginsels en kultuur moet begin prysgee nie.

Die gevolgtrekking is soos volg: Óf ons speel die spel volgens die moderne reëls en ons bereik ons doelwit, óf ons speel volgens die ou uitgediende reëls, en ons bly vir ewig bywoners op ons eertydse plaas.

уличные фонари цена

Om inligting te beperk

In Suid-Afrika, en selfs wêreldwyd, gons dit oor planne van die ANC om wetgewing en maatreëls in te stel wat die vloei van inligting sal beperk, en ‘n mediatribinaal in die lewe sal roep.

Die teenargument is hoofsaaklik dat dit die onthulling van korrupsie baie moeiliker sal maak.

Die argument is egter nie uniek aan Suid-Afrika nie. Planne van die Nederlandse minister van Justisie om sekere inligting en aktiwiteite op die internet te blokkeer en selfs strafbaar te maak, kry nou die wind van voor. Hirsch Balin se planne behels dat amptenare van Justisie die reg verkry om inligting van die internet te verwyder, mense wat nie-openbare inligting uit ‘n rekenaar kopieer om te verkoop kan agter tralies beland, en iemand wat wagwoorde kraak, kan ook met die lang arm van die gereg te make kry.

Die oorhoofse doel is om elektroniese misdaad hok te slaan.

Die teenstanders meen dat die huidige proses om webtuistes te sluit, naamlik dat ‘n bevel van die regbank verkry moet word (die regter-kommissaris), voldoende is en misbruik verhinder. Wat die ander twee sake betref, word aangevoer dat dit die wêreld vir fluitjieblasers en joernaliste te moeilik sal maak.

Nederland was onlangs ook in die nuus toe die land sy eie klein Watergate beleef het met die meeluister van ‘n joernalis se kommunikasie, in ‘n saak wat met die Dalai Lama se besoek en die veiligheidsimplikasies daarvan verband gehou het.

Ysland, aan die ander kant, is deur die mediavryheidsorganisasie, Verslaggewers sonder Grense, geloof oor nuwe mediamaatreëls wat na ‘n onstuimigheid aanvaar is. Dit het gevolg na die banke hulle op bestaande konvensie beroep het om hul bedenklike rol in die Yslandse bankkrisis uit die openbare oog te hou.

Die koppestamp tussen diegene wat groter mediavryheid voorstaan, of minstens nie grond wil afstaan nie, en diegene wat soms geldige redes opper vir ‘n inkorting, is simptomaties van waar die een se regte deur die regte van ‘n ander begrens word. Toe inwoners van Pretoria se oostelike voorstede veiligheidstoegang na dele van woongebiede ingestel het, was daar ‘n groot lawaai van ander wat gemeen het hul reg op bewegingsvryheid word aangetas. Uiteindelik moet getoets word wat die swaarste weeg – die wettige inwoners se reg op veiligheid en selfs lewe, teenoor ander se ongekontroleerde bewegingsvryheid. Verskeie grusame moorde en huisrooftogte in daardie areas het daarop gedui dat die swaartepunt sterk in die guns van die inwoners sou moes weeg.

Iemand wie se wagwoord vir sy bankrekening gekraak, en sy rekening leeg gesteel is, sal waarskynlik minder sentimente hê daarmee dat die kraker tronk toe gaan, as met die kraker se reg om op die internet te kan kattemaai.

Die debat het nog skaars begin. Intussen sal gereeld van die ou tegniek gebruik gemaak word van appels met pere – en heel dikwels selfs donkievye – te vergelyk om ‘n grys area rondom die sinvolle begrensing te trek.

games free casino play free

Die wêreld se hongerpyne

Elke ses sekondes sterf ‘n kind weens ondervoeding, volgens die VN se voedselorganisasie, FAO.

Die goeie nuus is dat die aantal hongerlydendes in die wêreld die afgelope jaar met bykans 100 miljoen afgeneem het, en nou op onder ‘n miljard staan. Die meeste lyers bevind hulle in Afrika en Asië.

Die FAO draai nie doekies om nie. Honger is die wêreld se grootste probleem, maar ook grootste skande.

Twee agtereenvolgende jare se goeie oeste van onder meer mielies, koring en rys, en ‘n gevolglike verlaging in voedselpryse het bygedra daartoe dat die wêreldhongersnood effe teruggedruk kon word. Dié wiel het egter reeds begin draai. In Pakistan het vloede 3,4 miljoen hektaar oeste verlore laat gaan, en die droogte in Rusland het reeds daartoe gelei dat dié land graanuitvoere opgeskort het.

Hoewel die FAO regerings loof vir hul bydraes om die hongerpyne te stuit, is die risiko vir die bereiking van doelwitte om dit te verminder steeds baie hoog.

Wat Afrika betref, is die nuus minder goed. Van die bykans 100 miljoen minder hongeres, woon net 12 miljoen in Afrika suid van die Sahara. Een uit drie van die mense in hierdie streek sal steeds honger ly, die hoogste persentasie ter wêreld.

Die FAO se verslag is uiters politiek korrek opgestel, en verwys bloot na die strukturele probleme wat tot die hongersnood aanleiding gee. Dit beteken dat selfs wanneer dit beter met die wêreldekonomie gaan, die aantal honger mense nie afneem nie.

Met ‘n ontleding van spesifieke syfers blyk dit egter dat konflik en korrupsie ‘n groot deel van die blaam moet dra. Die skerpste toename in hongersnood is byvoorbeeld in die DRK waar 69 % meer mense nou honger ly.

Dit is ook nie toevallig nie dat van die wêreld se mees endemiese korrupsie in lande suid van die Sahara voorkom nie.

In Suid-Afrika is beraam dat bykans 100 000 staatsamptenare welsynstoelaes onwettig van die staat ontvang het – in wese gesteel het. Tot dusver is 15 000 reeds aan bedrog skuldig bevind, en hulle moet die geld soos lenings terugbetaal. Nie een is ontslaan nie. Kos word straffeloos uit die monde van die armes gesteel.

Uit ander verslae word op die sosio-ekonomiese en maatskaplike ellende van die vergrote inkomstegaping in groot dele van die wêreld gewys. Volgens beskikbare syfers het Suid-Afrika Brasilië enkele jare gelede as die land met die grootste meetbare gaping verbygesteek, en krimp dié van Brasilië steeds. Brasilië word ook in die FAO se verslag gelys as een van die lande waar baie vordering met die bekamping van hongersnood gemaak is, en die doelwitte reeds byna bereik is. In Suid-Afrika groei die gaping steeds, en gaan die soustreinryers nie net voort om met hul soustrein-buit te spog nie, maar ook om dit heftig te regverdig.

топкарго

‘n Virtuele volk

So ‘n ruk terug het ek en ‘n ou universiteitsvriend ‘n gesprek gehad, oor wat van die Afrikaner gaan word as ons nie ons eie staat kry nie. Die slotsom waartoe hy toe kom, is dat die Afrikaner ‘n virtuele volk gaan word. Synde ‘n unieke konsep wat nie in enige Volkekunde- of Staatsreghandboek te vinde sal wees nie, is dit die moeite werd om hierdie begrip te ondersoek en omskryf, want dit is nie onmoontlik dat daar vir ‘n aantal jare wel ‘n virtuele Afrikanervolk kan bestaan nie.

So, wat word bedoel met ‘n vituele volk? Ons het per definisie uitgekom by die volgende: ‘n Virtuele volk bestaan uit mense wat slegs deur middel van die internet en wêreldwye netwerk met mekaar kontak het, en slegs deur middel van die elektroniese media en kommunikasiemiddele hulle taal en kultuur lewend kan hou.

Die vraag wat nou logies moet volg is; hoe sal so ‘n virtuele volk ontstaan, of wat sal aanleiding gee dat ‘n volk in ‘n toetstand verkeer waar hulle enigste kontak met volksgenote deur die elektroniese media is? Daar is reeds ‘n beraamde 1 miljoen Afrikaners versprei oor die wêreld, wat tans net deur middel van die internet hulle familie en vriendskapsbande in stand hou. Hulle lees die Afrikaanse tydskrifte en koerante, en luister na Afrikaanse radio slegs op of oor die internet.

Soos meer jong mense en gegradueerdes die NSA verlaat om elders hulle heil te gaan soek, begin die Afrikaner in SA minder word, en begin die gemiddelde ouderdom van die plaaslike bevolking hoër raak. Met ander woorde, dit begin ‘n ou bevolking raak wat nie meer teen die groeiverhouding van 2,8 kinders per ouerpaar kan vermeerder nie. Soos die ouer lede van hierdie bevolkingsgroep sterf, word die populasie al minder.

Hoekom sal ons die land in massas wil verlaat?

Dit kan verwag word dat onder die huidige regering en die kommerwekkende geluide wat die ANC maak oor nasionalisering van privaat grond en eiendom, die nasionalisering van myne en banke, die nasionalisering van gesondheidsdienste, plus die media wat gemuilband moet word, al hoe meer boere, gegradueerdes en vermoënde Afrikaners die land sal verlaat, en dit kan binne die volgende twee tot vyf jaar ‘n nuwe golf van emigrasie veroorsaak. Voeg daarby die infrastruktuur en dienste van munisipaliteite in die platteland wat totaal besig is om in duie te stort, en die prentjie is duidelik dat die NSA besig is om net nog ‘n Afrikaland te word.

Om die kersie op die koek te sit, is daar die beleid van swart bemagtiging wat net al hoe meer met erns toegepas gaan word. Die ANC sal nie rus voordat die blankes wat oorbly in hierdie land die houthakkers en waterdraers geword het nie. Hulle verdra ons slegs omdat ons nog meer as 50% van die belastinginkomste bydra. En die grap is op ons, want ons betaal vir ons eie ondergang. Solank as wat ons belasting aan die ANC betaal, finansier ons al die wetgewing en regulasies wat ingestel word, om SA ‘n totale Afrikaland te maak.

En die ergste is dat om en by 30% van alle staatsinkomste as gevolg van korrupsie en bedrog in die sakke van die ANC-elite en hulle vetkatvriende beland. As mens die allokasie van R818 miljard aan die drie vlakke van regering neem vir die 2010/2011 jaar, kom dit op ‘n angswekkende bedrag van R245 miljard uit wat in die sakke van die magsbehepte ANC-lede beland.

‘n Goeie voorbeeld van swak bestuur en dienslewering kan gesien word in die welbekende geval van Sannieshof, waar belastingbetalers self vir hulle dienste opdok. Sannieshof is deel van die Tswaing-munisipaliteit, wat R48 miljoen vir die 2010/11 jaar vanaf die sentrale fiskus ontvang. Hierdie geld word ontvang bo-op die inkomste wat die munisipaliteit self genereer, wat veronderstel is om ten minste die operasionele uitgawes te dek. Die mense van Sannieshof kan met reg vra, waar gaan daardie addisionele geld heen? Munisipaliteite alleen ontvang R260 miljard vanaf die sentrale fiskus, en almal in hierdie land weet wat die vlakke van dienslewering is by rade wat deur die ANC beheer word.

‘n Verdere aspek wat die ANC se magslus uitbeeld, is die feit dat hulle nou die provinsies wil her-indeel om die Ooskaap en die Weskaap saam te voeg, en daardeur die DA se mag in die Weskaap te breek. Die Weskaap is die enigste provinsie wat presteer, en dit is vir die ANC ‘n bitter pil om te sluk. Dus het ons as blankes alle rede om nie meer deel van die NSA te wees nie, of om die land te wil verlaat.

Die terugtrek van die Groot Trek

Die feit is, dat as ons nie nou begin om die moeilike pad van selfbeskikking aan te pak nie, gaan die Afrikaner wel oor die aardbol verstrooi raak en gaan ons, tot ons in die nuwe lande van verblyf geassimileer raak, ‘n virtuele volk word. Die skrikwekkende werklikheid is, dat ons binne een geslag van nou af ‘n virtuele volk kan word, en binne drie geslagte, kan ophou bestaan as ‘n identifiseerbare volk.

Ons moet nou die Groot Trek omkeer en vir ons ‘n eie “lebensraum” gaan skep. Dit is ‘n feit dat demografie ‘n groot rol speel in die opeis van staatstatus deur enige erkende volk. Terwyl ons nog as volk erkenning geniet, en ons ‘n kans het om te keer dat al hoe meer Afrikaners hulle heil elders gaan soek, moet ons dus nou die nodige doen om ‘n gebied te identifiseer, en planne te maak hoe om in groot getalle daar eiendom te kan bekom.

Die gevaar is dat ons reeds so deur die NSA verarm is as gevolg van sogenaamde regstellende aksie en die geweldige belastinglas, dat dit al hoe moeiliker raak. Ons kan dus nie volgens die normale markkragte of reëls vir soveel as moontlik Afrikaners eiendomsreg voorsien nie. Daar sal slim te werk gegaan moet word, sodat mense wat ‘n ondergemiddelde inkomste verdien, ook ten minste ‘n erf daar kan bekostig. Miskien is dit die begin van Siener van Rensburg se tentjies wat hy in die veld opgeslaan sien?

‘n Goeie begin, wat reeds met sukses bekroon word, is moontlik Orania. Oom Carel Boshoff het ware visie aan die dag gelê, om ‘n plek te begin, wat as hartland vir die Afrikaner kan dien. Met die ontstaan van die Afrikanervolk, het ons voorvaders as Vryburgers hulleself tot ‘n volk begin boer uit die klippe van die Karoo. Ons kan en sal dit weer moet doen. Ons sal weer Vryburgers moet word, en soos ons voorvaders buite die onderdrukking van die magsbehepte VOIC hulle vryheid gaan soek het, sal ons nou ons eie heil buite die onderdrukking van die magsbehepte ANC moet gaan soek.

Die tyd is nou, nie later nie.

(Titel met erkenning aan AHM Victor, Langberg Uitgewers, 1979)

Bekamping van korrupsie elkeen se verantwoordelikheid

Dit is nie ongewoon dat ‘n enkele koerant tot ses berigte op ‘n dag oor korrupsie dra nie.

‘n Tipiese voorbeeld: In ‘n berig vra Volksblad vandag vrae oor wat van ‘n voltooide polisiedossier geword het wat oor die besoedeling van die Valsrivier by Kroonstad geword het. Daarnaas is ‘n berig oor vermeende korrupte aanstellings in die Weermag, en daar bo ‘n berig oor die regering wat uiteindelik verskeie myne wat glo landswette oortree, gewaarsku het. Die media berig al maande lank oor verdagte mynbedrywighede.

In nog ‘n berig op dieselfde bladsy blaas Cosatu vuur oor wat hy die grootste korrupsie oor die lug noem, oor belastingbetalersgeld wat vir ‘n radioprogram oor dienslewering in die Wes-Kaap gebruik is, en eis ‘n verskoning van mev. Helen Zille.

Op ‘n ander bladsy waarsku Martin Weltz, redakteur van Noseweek, dat Suid-Afrikaners heeltemal te verdraagsaam oor korrupsie geword het. Hy meen die grootste vrees is dat bedrog so alledaags geword het dat die publiek dit nie meer vreemd vind of bevraagteken nie. In die berig daarnaas beskuldig Cosatu die ANC daarvan dat dit nie die nodige erns of dringendheid aan die dag lê om te keer dat ‘n magtige roofdier-elite die land leegtap nie.

In die redaksionele hoofartikel meen Volksblad dat die wapenskandaal-klug voortduur, en verwys in dié verband na die flou Valke. Die sub-hoofartikel handel oor krieketknoeiery.

In die sake-gedeelte verskyn ‘n berig oor die mededingskommissie se verhoor van die sogenaamde pypkartel, en die eerste getuie is ‘n fluitjieblaser wat afgedank is.

Nog ander berigte sou ook by die lys toegevoeg kon word.

Verskeie onheilspellende aspekte word uitgelig: Weltz is reg as hy meen verdraagsaamheid oor korrupsie hou ‘n groot gevaar in. So lank as wat die staat nie fluitjieblasers behoorlik beskerm nie, soos wat die wet vereis – gaan baie mense weens hul blootgestelde posisies ‘n blinde oog op die euwel werp.

Dat korrupsie die omvang kon aanneem sonder dat die regering lank reeds in ‘n verkiesing getuimel het, is ‘n aanklag op die politieke volwassenheid van die kieserskorps.

Ten slotte, dit onderstreep die belangrikheid van uitdrukkingsvryheid en mediavryheid. So lank as wat die media as die gewete van die land kan optree, kan die kiesers nie die skouers optrek en sê hulle het nie geweet nie.

Nie in ‘n land waar sowat tagtig persent van die inwoners aandui dat hulle Christene is nie.

мокрый ротор купить топкарго

Turkse referendum van teenstrydighede

Die Turke het gister stembus toe opgeruk om hul kruisies in ‘n referendum te gaan trek. Formeel handel dit oor grondwetlike hervorming wat die weg moet baan vir toetrede tot die Europese Unie. Die Europese Unie se saakgelastigde vir Turkye, Ria-Oomen-Ruijten, het haar ontsteltenis uitgespreek omdat opposisiepartye hul ondersteuners oproep om nee te stem.

Daar is egter soveel distels in die duiwehok, dat die ware rede vir die referendum aan die stief-agterspeen moet suip.

Onder die vernaamste teenstrydighede is dat die Koerde, wat op die oog af die meeste voordeel uit deelname aan die Europese Unie sal trek, volgens berigte teen ‘n ja-stem gekant is. Baie stem nee, ander boikot die referendum en daar was gevalle van intimidasie en geweld, en talle is aangekeer.

Hoewel oor 26 sake gestem word, staan twee soos die spreekwoordelike pale bo die water uit. Dit behels onderskeidelik die inperking van die magte van die hoë regters en die weermag. Die senior regters se magte is aan die bod geplaas omdat hulle soveel mag gehad het, dat hulle hul opvolgers uit dieselfde dampkring aangewys het. Die plan met die referendum is dat die politici en junior regters ook inspraak sal hê by die aanwys van senior regters. Teenstemmers meen weer Erdogan se party, ‘n Moslemparty wat homself as die Moslem-weergawe van die Europese Christen-demokratiese partye beskou, mik om die sekulêre regswese aan te tas. Dit verklaar miskien deels die sekulêre opposisie, wat normaalweg sterker as die regerende party oor lidmaatskap van die EU sou voel, se teenkanting teen ‘n ja-stem. Baie kommentators meen ook die referendum kom op ‘n stemming tussen die Islam en die sekularisme neer, maar nou bepleit die twee kante in baie opsigte dat hul ondersteuners vir die teenoorgestelde as hul eie standpunte moet stem.

Die weermag word ook as ‘n staat binne die staat beskou, waar die generaals bykans onaantasbaar is, en selfs vir kriminele oortredings voor hul kollegas tereg moet staan. Die gedagte met die referendum is dat ook hulle nou voor die burgerlike regbank tereg sal moet staan vir misdade teen die staat, en dat magsmisbruik so ingeperk word. Hul amnestie vir die 1980-staatsgreep sal ook verval.

Hierdie boodskap agter die boodskap is kwalik verskuil. Die referendum is op dieselfde dag gehou as wat die laaste militêre staatsgreep plaasgevind het, in ‘n land waar die weermag sedert 1960 vier keer die verkose parlementêre bewind omvergewerp het. Heelwat van die outoritêre maatreëls is steeds as oorblyfsels van die laaste staatsgreep in die grondwet veranker, en nog slagoffers van die arrestasies en mishandeling word vermis. ‘n Grondwetlike vasvat van die weermag sou in baie mense se oordeel gewild wees. Ja-ondersteuners het ook die afgelope paar dae van die martelinstrumente wat na die staatsgreep ingespan is uitgestal. Altesaam 650 000 mense is destyds aangehou, 171 het weens marteling gesterf, en 49 mense is tereggestel, waaronder ‘n 17-jarige seun wat nou materlaarstatus geniet.

Hoekom die Koerde teen die ja-stem stemming maak is moeilik om te begryp. Die Europese Unie stel as voorwaarde vir Turkse lidmaatskap dat die Turke meer selfbeskikking aan die Koerde en ander minderhede moet toestaan. Trouens, hierdie vereiste het al heelwat vir die Koerde in die sak gebring van ‘n posisie slegs enkele jare gelede waar hul taal effektief verbied is en hul stede Turkse name gekry het.

Koerdies is ook ‘n ‘n Indo-Germaanse taal, anders as Turks. Hoekom juis hulle teen iets wat skynbaar in hul belang is sal stem, bly vir die buitestander Turks.

Terwyl die referendum aan die gang was, was dit egter geen uitgemaakte saak dat die Ja-stem sou sultan kraai nie. Met 70 % van die stemme reeds getel waarvan 60 % “ja” was, was dit egter reeds duidelik dat kommer dat die Turke “nee” sou stem, onnodig was.

Vir baie Turke was die referendum bloot die geleentheid om ‘n mosie van wantroue in die Turkse premier, Tayyip Erdogan, te stel. Soveel nee-stemmers, soveel redes is daar hoekom Erdogan ongewild is. Baie beskou hom as ‘n toekomstige diktator, en die voorkeur wat hy en sy Sanhedrin vir gesluierde vroue het, laat die geëmansipeerde vroue in hierdie Moslem, maar tegnies sekulêre staat, swart sluiers sien.

Baie van die 50 miljoen kiesers weet skynbaar nie presies waaroor hulle alles stem nie, en gee ook nie ‘n dooie kurusj – ‘n Turkse duit – om nie.

Erdogan moet homself ook blameer dat hy juis nou sy beeld as toekomstige diktator versterk het. Minder as ‘n maand gelede het hy die grootste Turkse sake-instelling, TUSAID, gedreig om standpunt vir of teen die ja-stem in te neem, of geëlimineer te word. TUSAID het dit duidelik gemaak dat hy hom nie laat afdreig nie, maar Erdogan het waardevolle vriende verloor. Om die saak te vererger het die Turkse hoof-onderhandelaar by die EU glo gesê hy sal die geestegesteldheid en patriotisme van enige nee-stemmer onder bevraagteken.

Selfs die Turkse president, skynbaar self sonder om sonder om sy eie voorkeur uit te spel, het beide kante van die debat gemaan om ordentlik te bly. Hy het ook ‘n beroep op die kante gedoen om in hul verkiesingsreklame aan kiesers te verduidelik waaroor die referendum handel.

pearl jewellery for

Só word die land geplunder

Ek het vanoggend met ‘n baie goeie vriend wat op die Natalgrens woon, gehoor hoe die land geplunder word tot op die laagste vlak! Hy vertel my dat omdat ons in die stad woon, en nie een van die swart tale magtig is nie, besef ons nie hoe hulle skelmstreke werk nie. Wanneer dit by skelmstreke kom, dan het die swartes dit al klaar haarfyn uitgewerk!

Die land het net ongeveer 5,5 miljoen belastingbetalers, maar daar is 11 miljoen wat uit die staatskoffers toelaes kry in een of ander vorm. Vir elke kleintjie wat die swartes teel, is hulle geregtig op R250-00 toelae, maar dit is nie die einde nie. Die skoolkinders sien hierdie as ‘n bron van inkomste en dan word hulle swanger om die R250-00 toelae te verkry. Maar, dit is nie die einde nie! Die pa, ma en die ganse familie woon saam onder een dak in een woning. Dan, registreer die ma haar telg om die toelae te kry en die pa, wat ‘n ander van as die ma het, registreer ook dieselfde telg vir die R250-00 Staatstoelae (Social Grant). Dus kry hulle nou R500-00 vir dieselfde kind.

Dit eindig egter nie daar nie! Nou kom die werklose oumas van beide die pa en die ma van die kind, en vra vir ‘n “Foster Grant” vir dieselde kind, want die pa en die ma is glo in die stad en hulle is werkloos en moet vir die kind sorg. Nou ontvang hulle elk ‘n “Foster Grant” van R850-00 vir dieselfde kind. Dit beteken nou dat hulle R2200-00 kry vir elke telg wat hulle het. In die meeste gevalle bly hulle net teel vir die inkomste en as daar bv 5 kleintjies is, dan is die inkomste aansienlik.

As een van die kinders dalk sterf, dan bly hulle voortgaan om die toelae te trek, of hulle registreer net die dood van “een” kind, alhoewel hulle twee toelaes kry vir dieselfde kind.

Ek het ook gehoor hoe van die bekendste firmas wat gebottelde water verkoop, se water vermoedelik alles behalwe suiwer is. Die waterbronne is in Paulpietersburg en daar word dit by die bron gebottel en na die kleinhandelaars vervoer. Maar, net bokant die waterbronne waar dit gepomp word, sit die Dumbe Township. Daar is geen munispale rioolstelsel nie en net “longdrop”-atrines. Die vraag is: Hoeveel van Dumbe se riool sypel in daardie waterbronne? Ek glo niemand ken die antwoord nie, want soos ons almal weet, is daar amper glad nie meer monitering en inspeksies van gesondheidswette nie!