praag.co.za

Tag: AU

  • Islam se greep op AU verstewig na Marokko se hertoelating

    President Jacob Zuma het die Afrika-Unie se besluit om Marokko weer toe te laat tot die organisasie gelate aanvaar.

    Die AU het Dinsdag by sy beraad in Ethiopië Marokko weer as AU-lid bekragtig nadat die land druk uitgeoefen het om weer deel te wees van die AU.

    Marokko was die enigste land in Afrika wat nie ‘n lid van die AU was nie. Die mosie is met 39 teenoor tien stemme aanvaar.

    Volgens bronne aangehaal deur die Associated Press was die nege stemme wat Marokko wou uithou, almal “lande in Suider-Afrika, behalwe Swaziland”. Die SAOG is die enigste gebied op die vasteland wat nie onder Moslembeheer is nie. Afrikanersendelinge het waarskynlik daarvoor gesorg dat Islam nie in Suider-Afrika vastrapplek kry nie.

    Vermoedelik word Swaziland se “mening” gekoop deur dieselfde belange wat Duitse wapenverkope deur die land stuur.

    Marokko het die organisasie in 1984 verlaat, nadat die AU die onafhanklikheid van Wes Sahara aanvaar het, wat Marokko beskou as deel van sy gebied.

    Die minister van buitelandse sake van Tsjad is Maandag verkies as die nuwe voorsitter van die AU Kommissie, met die belofte van ‘n meer vaartbelynde burokrasie en ‘n fokus op Islamitiese ekstremiste.

    Moussa Faki Mahamat het sy “kommer” uitgespreek oor die voortdurende voorvalle van Moslemterreur. Dit sluit lande soos Somalië, Mali, Suid-Soedan en Libië in. Maar waarnemers sê die sogenaamde kommer is ‘n rookskerm.

    Die voorsitter van die AU-kommissie oor veiligheid, Smail Chergui sê hulle sal voortgaan om terrorisme op die vasteland te bekamp.

    Hy sê hulle maak gereed om gebiede in Somalië terug te neem wat deur die militante groep, Al-Shabaab beheer word.

    Somalië se presidensiële verkiesing sal eersdaags gehou word.

  • AU help om al-Sjabaab uit Somaliese dorp te verdryf

    AU help om al-Sjabaab uit Somaliese dorp te verdryf

    Die Somaliese nasionale weermag (SNA), met die ondersteuning van troepe van die Afrika-uniesending in Somalië (Amisom) het Dinsdag die Mir-tugo-nedersetting in die sentrale deel van die Middel-Shabellestreek van Al-Sjabaab militante ingeneem.

    Volgens ‘n weermagoffisier, Abdullahi Mohamed, is geen weerstand van die militante ondervind nie.

    Die jongste militêre verwikkeling kom op die vooraand van verkiesings vir die Somaliese laerhuis van die parlement in die dorp, Jowhar, die hoofstad van die Middel-Shabelle-streek.

    Die Islamitiese Al-Sjabaab is reeds uit belangrike dorpe in landelike gebiede in die suide en sentrale dele van Somalië verdryf, maar voer steeds gereelde aanvalle in die land uit.

    Die Islamiete het ook onderneem om die verkiesings in Somalië te ontwrig. Dit het daartoe gelei dat die gesamentlike magte strenger veiligheidsvoorbereidings by stempunte ingestel het.

    Somalië berei voor op ‘n presidentsverkiesing op 30 November. Parlementêre verkiesings word deurlopend in verskeie dele van die land gehou.

  • Al Sjabaab van AU-basis aan

    Al Sjabaab van AU-basis aan

    ‘n Selfmoordbomaanvaller van Al Sjabaab het met ‘n voertuig vol plofstof gister ‘n militêre basis van die Afrika-unie in sentraal Somalië binnegejaag.

    Volgens veiligheidswoordvoerders is die ontploffing deur swaar geweervuur gevolg. Die voorval het by die Djiboetiese basis in die stad Beledweyne plaasgevind.

    Al Sjabaab, met bande aan Al Kaïda, het via sy Radio Andalus mediaorganisasie, aanspreeklikheid vir die aanval aanvaar en sê “baie soldate is dood en beseer”.

    Al Sjabaab veg om die internasionaal-erkende regering in Mogadisjoe omver te werp en val gereeld basisse van Amisom, die AU-sending in Somalië, aan.

    In onlangse weke het Ethiopiese troepe wat in ‘n nabygeleë gebied ontplooi is, sonder enige verduideliking aan hul posisies onttrek. Ná die onttrekking het Al Sjabaab-vegters die dorpe opnuut beset.

  • Al-Sjabaab keer terug na dorpe waar AU-sending onttrek

    Al-Sjabaab keer terug na dorpe waar AU-sending onttrek

    Honderde Ethiopiese troepe het die week uit ’n dorp in die sentrale deel van Somalië onttrek. Dit is minstens die tweede gebied waaruit hulle in onlangse weke beweeg het.

    ’n Offisier het aangekondig dat die soldate uit El-Ali in die Hiran-streek onttrek het waar hulle diens gedoen het as deel van die Afrika-uniesending, nadat hul basis oornag onder ’n kwaai artillerie-aanslag deurgeloop het.

    Nabygeleë al-Sjabaab militante het daarna die dorp weer ingeneem.

    Die troepe-beweging kom enkele dae nadat Ethiopië se beleërde regering ’n noodtoestand afgekondig het in ’n poging om ’n einde aan ’n ongekende vlaag protesoptredes te maak.

    Uit Somaliese regeringsgeledere word gekla dat die onttrekking van die Ethiopiese troepe ’n vakuum laat, wat militante die geleentheid bied om bevryde dorpe weer in te neem.

  • AU hoop om medisyne deur AMA te reguleer

    AU hoop om medisyne deur AMA te reguleer

    Die Afrika Medisyne Agentskap (AMA), sal uiteindelik geloods word aan die einde van 2018.

    AMA is bedoel as ‘n orgaan van die Afrika-unie, met ‘n wetlike mandaat van die lidstate om ‘n platform vir koördinering en bevordering van inisiatiewe te skep wat medisyne reguleer.

    Die agentskap sal sal hulpbronne saamsnoer en ook plaaslike regulatoriese sentrums ondersteun wat geïdentifiseer sal word deur Afrika Medisyne Regulerende Harmoniseringsprogram.

    Dit sal dien as ‘n katalisator vir ‘n sterker regulatiewe toesig om swak mediese produkte te beperk en hopelik plaaslik vervaardigde medisyne veral vir Afrikasiektes stimuleer.

    Driekwart van die wêreld se bevolking is in ontwikkelende lande. Maar hierdie lande is verantwoordelik vir minder as 10 persent van die globale farmaseutiese mark.

    Tien lande – Algerië, Egipte, Kenia, die Ivoorkus, Libië, Marokko, Nigerië, Suid-Afrika, Soedan, en Tunisië – deel die 70 persent van die $20,8 miljard se farmaseutiese mark.

    As gevolg van ekonomiese groei, sal die mark na verwagting toeneem tot 35 miljard dollar in 2018. Daar word beraam dat ongeveer 95 persent van API (aktiewe farmaseutiese bestanddele) en 75 persent van die finale produkte ingevoer word van buite die kontinent.

    “Sub-optimale belegging in die lewering van gesondheidsorgstelsels gaan voort om vooruitgang in Afrika te belemmer nie net in die ekonomiese potensiaal van gesonde menslike kapitaal nie, maar het ook invloed op ander sektore van reeds brose ekonomieë van lande.”

    Terwyl Afrika verantwoordelik is vir 69 persent van die wêreld se 40 miljoen mense wat met MIV leef, voer die kontinent meer as 80 persent van sy anti-retrovirale middels in.

  • Afrika-paspoort vir vasteland teen 2018?

    Afrika-paspoort vir vasteland teen 2018?

    Die Windhoek-verdrag oor lugvaartveiligheid en fasilitering in Afrika is onlangs in die hoofstad deur belanghebbendes in lugvervoer in Afrika ná die ministeriële konferensie onderteken wat aan die begin van die maand afgeskop het.

    Een van die besluite is die moontlikheid van ’n algemene Afrika-paspoort vir die vasteland teen 2018.

    Die ministeriële konferensie is deur meer as 20 ministers van sowat 33 lidlande van die Afrika-unie (AU) bygewoon en is deur die Afrika Burgerlugvaartkommissie (AFCAC) en die Internasionale Handelslugvaart-organisasie (ICAO) onder die vaandel van die AU gereël.

    Volgens die permanente sekretaris van werke en vervoer, mnr. Willem Goeieman, is die doel van die ­algemene Afrika-paspoort deel van Agenda 2063 wat verlede jaar reeds deur die AU aanvaar is. Dit behels dat algemene paspoorte aan inwoners van Afrika teen 2018 uitgereik word, asook dat visums verwyder word.

    “Die finale stappe vir alle dokumen­tasie oor die aksieplan sal aan die kabinet voorgelê word,” het Goeieman tydens ’n hoëvlak vergadering met lugvaartkundiges en die eerste minister, me. Saara Kuugongelwa-­Amadhila, gesê.

    “Die lugvaartkundiges kyk ook na drie dokumente en een van die ­dokumente verwag van lidlande om hulself aan lugvaartveiligheid te verbind, veral met die terroriste-dreigemente en ander uitdagings wat lugrederyveiligheid en reis beïnvloed,” het Goeieman gesê.

    Hy het gesê pres. Hage Geingob sal die Windhoek-verdrag na ’n spitsberaad in Julie neem waartydens Afrika-staatshoofde dit sal bekragtig sodat die implementering daarvan kan begin.

    Die eerste minister het gesê die besluite wat tydens die konferensie geneem is, is baie belangrik, veral vir klein ekonomieë soos Namibië wat van internasionale handel en ekonomiese aktiwiteite afhanklik is.

    “Ons hoop is dat die verdrag wat in ons hoofstad aanvaar is, suksesvol geïmplementeer sal word vir groter voorspoed vir die vasteland. Afrika moet in pas bly met ontwikkelinge in die wêreld, nie net in terme van ­ontluikende vorme van sekuriteit en risiko’s vir lugvaart nie, maar ook in terme van innoverende maniere om hierdie veiligheidsbedreigings te voorkom en dit te hanteer,” het Kuugongelwa-Amadhila gesê.

    Die konferensie se tema was “Ononderbroke toewyding en samewerking in Afrika vir ’n wêreldwye, volhou­bare lugvaartveiligheidstelsel, passasiers- en handelsfasilitering”.

    Bron: Die Republikein

  • AU wil sending na Mali stuur

    AU wil sending na Mali stuur

    Die Afrika-unie sal binne die volgende weke ’n sending na die noorde van Mali stuur, het Reuters berig.

    Die sending sal ondersoek instel na die oprigting van ‘n teenterrorisme-mag om die vredesending van die Verenigde Nasies (VN) te ondersteun.

    Die Bamako-regering asook sommige lede van die VN-magte in Mali (Minusma), het hulp gevra in die stryd teen insurgente met bande aan al-Kaïda, wat ondanks die teenwoordigheid van Franse, Malinese en VN-troepe, toenemend aktief is.

    Franse magte het die djihadiste in 2013 uit die noorde van Mali verdryf, maar hulle het hergroepeer.

    In November 2015 het die insurgente onder die vaandel van ISIS ‘n luukse hotel in Bamako aangeval waartydens 20 mense omgekom het.

  • Geen vredesmag vir Burundi nie, sê AU

    Die Afrika-unie (AU) sal nie ‘n vredesmag na die beleërde Burundi stuur tensy die regering in Bujumbura daartoe instem nie, het dié unie se spesiale verteenwoordiger vir die streek gister aan die Franse radiodiens RFI gesê.

    Burundi is gekant teen die AU se voorgestelde vredesending van 5 000 lede en sê ‘n ontplooiing van troepe sonder toestemming sal neerkom op ‘n “invalsmag”, het AFP berig.

    Die Verenigde Nasies (VN) het gewaarsku Burundi staan gevaar om ‘n herhaling van die 1993-1994-burgeroorlog te beleef, met honderde mense wat sedert April verlede jaar doodgemaak is toe pres. Pierre Nkurunziza aangekondig het hy gaan vir ‘n omstrede derde termyn as staatshoof staan. Nagenoeg 230 000 inwoners het reeds na naburige lande gevlug.

    “Ek dink dit was swak kommunikasie. Dit was nooit die voorneme van die AU om ‘n vredesmag in Burundi te ontplooi sonder die toestemming van dié land se owerhede nie,” het Ibrahima Fall, AU-verteenwoordiger vir die Groot Mere-streek, gesê. “Dit is ondenkbaar,” het dié Senegalese diplomaat bygevoeg.

    AU-leiers het die naweek die krisis in Burundi tydens ‘n twee dag lange beraad by sy hoofkwartier in Ethiopië bespreek. Die samesprekings is agter geslote deure gehou en dit was gister nog nie duidelik wanneer ‘n finale besluit geneem sal word nie.

    Fall het aan RFI gesê die AU-leiers oorweeg om ‘n “hoëvlak-afvaardiging, maar nie só hoog nie,” na Burundi te stuur vir samespreking met dié land se regering.

    Nkurunziza se veldtog om die mag te behou, het tot weke lange protesoptogte in die strate aanleiding gegee wat wreed onderdruk is, asook tot ‘n mislukte staatsgreep.

    Sedert sy herverkiesing in Julie verlede jaar, het die gevegte tussen lojale regeringsondersteuners en die opposisie toenemend meer gewelddadig geword.

    Die AU-handves, artikel 4(h), gee die Pan-Afrikablok die reg om in te meng in ‘n mede-lidland se huishoudelike sake wanneer “oorlogsmisdade, volksmoord of misdade teen die mensdom” gepleeg word.

    Ontleders sê egter ander Afrikalande is bang om ‘n presedent te skep deur téén die regering se wens in troepe te ontplooi.

    Die VN se sekretaris-generaal, Ban Ki-moon, het dit Saterdag tydens die opening van die beraad duidelik gemaak dat ‘n troepemag nodig is om die geweld in bedwang te bring.

    “Leiers wat toekyk terwyl burgerlikes in hulle naam afgemaai word, moet tot verantwoording geroep word,” het Ban gesê en benadruk die krisis vereis “ernstige en dringende toewyding”.

    Hy sê die VN ondersteun die AU se voorstel om “menseregte-waarnemers te ontplooi en ‘n mag vir voorkoming en beskerming” daarheen te stuur.

  • Dlamini-Zuma oorweeg uittrede as AU-voorsitter

    Suid-Afrika se Nkosazana Dlamini-Zuma oorweeg glo om uit te tree uit haar posisie as voorsitter van die Afrika-Unie Kommissie as haar eerste termyn in Julie vanjaar ten einde loop.

    Op die vooraand van die naweek se beraad is Algerië minister van buitelandse sake Ramtane Lamamra, ‘n voormalige AU-veiligheidskommissaris, die gunsteling om haar op te volg.

    Ontleders sê Lamamra is reeds met steunwerwing besig, maar daar is geen tekens dat Dlamini-Zuma dieselfde doen nie.

    Lamamra het Woensdag geweier om te bevestig of ontken dat hy homself in Julie sal beskikbaar stel toe hy genader is oor die gerugte by die AU se hoofkantoor.

    “Die aanduidings is dat sy sal bedank, deels omdat daar geen waarborge vir haar herverkiesing is nie en deels as gevolg van haar politieke ambisies in Suid-Afrika,” het ‘n ontleder van die ISS gesê.

    Die ontleder het verwys na hardnekkige gerugte dat Dlamini-Zuma beoog om haarself as ‘n kandidaat voor te stel om haar gewese man, President Jacob Zuma op te volg as president van die ANC by die party se verkiesingskonferensie volgende jaar.

    Maar die ISS ontleder, wat anoniem wou bly, het erken dat daar nog heelwat onsekerheid heers oor Dlamini-Zuma se bedoelings.

    Sy het tot Julie vanjaar om te besluit, want dit is wanneer haar termyn by die AU verstryk, het hy gesê.

  • IMF voorspel groei vir Afrika

    Na ramings van die Internasionale Monetêre Fonds (IMF) word groeikoerse van 5,5% oor vyf jaar vir Afrika voorspel. Indien infrastruktuur verbeter, kan dit selfs hoër wees.

    Energie en finansiering vir infrastruktuur was Donderdag die oorheersende temas met die Afrika-­beraad van die Wêreld- Ekonomiese Forum (WEF) wat in Kaapstad afgeskop het.

    Minstens ‘n duisend afgevaardigdes, die meeste vir die WEF-Afrika-byeenkoms nog, het ministers van finansies en die hoofde van sentrale banke ingesluit.

    Tans is minder as 13% van die handel in Afrikalande tussen Afrikalande weens gebrekkige vervoerinfrastruktuur en burokrasie.

    Leiers by die beraad het het ‘n beroep gedoen op die Verenigde Nasies om geslagskwessies, kinderregte en die uitwissing van armoede in Afrika teen 2030 as sy hoofdoelwitte vir die Volhoubare Ontwikkelingsdoelwitte vir die vasteland stel.

    Die Volhoubare Ontwikkelingsdoelwitte sal die VN se Millennium-ontwikkelingsdoelwitte vervang wanneer daar later vanjaar in New York daaroor besin word. Twee miljard dollar sal glo oor die volgende 15 jaar aan dié doelwitte bestee word.

    Mynmaatskappye wat die WEF-beraad bygewoon het is gevra om dreigende grootskaalse afleggings in te perk. Die mynbedryf sal na verwagting duisende poste inboet, weens lae kommoditeitspryse en hoë insetkoste.

    Die minister van minerale hulpbronne, Ngoako Ramatlhodi het by die Wêreld Ekonomiese Forum in Kaapstad gesê hy het slapelose nagte oor die bedryf. Hy sê maatskappye moet die regering en vakbonde insluit in enige besluite om hul werkmagte te besnoei.

    Die voormalige presidentsvrou van Suid-Afrika en Mosambiek Graca Machel, het tydens ‘n paneelbespreking by die WEF gesê sy dink nie veel vordering is gemaak deur vroue in Afrika se ekonomieë nie.

    Sy sê Afrika het twee ekonomieë, een formeel en die ander informeel. Die informele sektor word deur vroue oorheers, maar dit is meestal ‘n stryd om oorlewing en nie vooruitgang nie.

    Vroue is grootliks afwesig in die formele ekonomie, het sy gesê.

    Die minister van toerisme, Derek Hanekom het gister by die Wêreld Ekonomiese Forum gesê die regering is besig om die nuwe visum-vereistes vir minderjariges te hersien, te midde van tekens dat dit reeds die toerismebedryf negatief raak.

    Die nuwe visum-regulasies het Maandag van krag geword. Toerisme dra sowat tien persent van Suid-Afrika se bruto binnelandse produk by.

    Net twee Afrika-staatshoofde, pres. Jacob Zuma en pres. Abdel Fattah el-Sisi van Egipte, sal egter die beraad bywoon.

    Na verwagting sal ‘n groter aantal van die vasteland se leiers byeenkom vir die spitsberaad van die Afrika-Unie aanstaande week in Johannesburg.

  • Afrikadag met tuislandstamdanse gevier

    Afrikadag met tuislandstamdanse gevier

    Vandag vier die kontinent “Afrikadag”. Die dag gedenk die stigting van die Organisasie van Afrika-Eenheid in 1963 en die opvolger hiervan is die Afrika-Unie.

    Sewentien lande het onafhanklikheid van Europese koloniseerders tussen 1958 en 1963 bekom, en om hul “bevryding” te vier, het verskeie state begin met die herdenking van “Afrikavryheidsdag”.

    Nie een Afrikaland wat sogenaamd “bevry” is het intussen enige vooruitgang gemaak nie. In die DRK smeek inwoners wit besoekers gereeld dat die wittes moet terugkom.

    Swede het sedert die sestigerjare ‘n aktiewe rol gespeel in die aanhitising van haat teen wittes op die vasteland om hul eie “humanitêre” invloed te probeer uitbou.

    Zimbabwe se lagwekkende karikatuur van ‘n president Robert Mugabe is die huidige voorsitter van die Afrika-Unie. Mugabe leef uitsluitlik van wit skenkershulp maar vind dit nogtans aanvaarbaar om deurentyd teen wittes uit te vaar.

    Hy het sy land grondig vernietig met beleidsrigtings wat tot hiperinflasie gelei het onder aanmoediging van Brittanje wat Mugabe se anti-wit, Marxistiese projek met oorgawe gesteun het.

    Die Afrika-Unie het amptelik in Durban, Suid-Afrika, in 2002 tot stand gekom, en 10 jaar later het die voormalige minister van buitelandse sake Nkosazana Dlamini-Zuma die eerste vrouevoorsitter van die AU-kommissie geword.

    Die kommissie is die administratiewe liggaam van die AU. Dlamini-Zuma het die voorsitterskap van Jean Ping afgeworstel omdat Ping glo te veel na China se pype gedans het. Dit blyk egter dat Dlamini-Zuma self onder Chinese invloed gekom het.

    Suid Afrika is ‘n stigterslid van die Afrika-Unie en die organisasie se hoofkwartier is in Addis Abeba, maar die die wetgewende liggaam, die Pan-Afrika Parlement (PAP), is in Midrand.

    Die tema vir 2015 is “Ons is Afrika” wat Sondagaand met tuislandstamdanse op SABC1 gevier is. Dr Hendrik Verwoerd sou trots gewees het op die skouspel waar die klem op kultuurverskille en swart identiteit was.

    Die ANC het klaarblyklik nog nie verstaan dat die Weste assimilasie voorstaan en geen kultuurverskille duld nie.

    Die profiel van die AU is met Suid-Afrikaanse geld verhoog om Dlamini-Zuma ‘n geleentheid te gee om haar eie profiel internasionaal uit te bou.

    Omdat president Zuma volgens die Grondwet nie ‘n derde termyn mag dien nie, word Dlamini-Zuma volgens ingeligte bronne voorberei om die leisels van haar voormalige eggenoot oor te neem in die volgende verkiesing.

    Zuma het Suid-Afrikaners aangemoedig om die amptelike lied van die AU te leer en te sing asook om die groen AU-vlag oral langs die Suid-Afrikaanse bont vlag te hys.

    Dié lied sal vermoedelik in Engels gesing word:

    AU Anthem
    Let us all unite and celebrate together
    The victories won for our liberation
    Let us dedicate ourselves to rise together
    To defend our liberty and unity

    O Sons and Daughters of Africa
    Flesh of the Sun and Flesh of the Sky
    Let us make Africa the Tree of Life

    Let us all unite and sing together
    To uphold the bonds that frame our destiny
    Let us dedicate ourselves to fight together
    For lasting peace and justice on earth

    O Sons and Daughters of Africa
    Flesh of the Sun and Flesh of the Sky
    Let us make Africa the Tree of Life

    Let us all unite and toil together
    To give the best we have to Africa
    The cradle of mankind and fount of culture
    Our pride and hope at break of dawn.

    O Sons and Daughters of Africa
    Flesh of the Sun and Flesh of the Sky
    Let us make Africa the Tree of Life

    auflag

  • Burundi se president ignoreer VSA, Brittanje se waarskuwings

    Nagenoeg 2 000 mense het gister in ’n woonbuurt van Burundi se hoofstad, Bujumbura, betoog. Dit was ’n dag nadat die regering ’n verbod geplaas het op alle straatprotes teen pres. Pierre Nkurunziza se poging om vir ’n derde termyn verkies te word.

    Die president sê “buitelandse magte” hits die betogers aan en probeer van hom ontslae raak.

    ’n Klein groepie mans het voetgangers en voertuie deursoek wat na die betoging onderweg was.

    Nkurunziza se regering het alle staatsamptenare opdrag gegee om terug te keer werk toe en skole moes ook gister heropen het.

    Burundi se grondwet bepaal ’n president kan net vir twee termyne van vyf jaar verkies word. Nkurunziza hou egter vol dat hy die reg het om vir ’n derde termyn te staan.

    Hy voer aan die parlement het hom die eerste keer verkies en hy was nie regstreeks deur die bevolking aangewys nie. Betogings duur nou reeds weke.

    België, die oud-koloniale mag, het intussen hulp opgeskort aan die land.

    Die AU-voorsitter Nkosazana Dlamini-Zuma het Brittanje en die VSA se waarskuwings herhaal dat ‘n verkiesing nie in die huidige klimaat gehou sal kan word nie.

    Burundi is een een van 15 lande in Afrika waar die staatshoof al langer as 15 jaar regeer.

  • AU wys Grondgryp-Bob as voorsitter aan

    Die regerende Zanu-PF in Zimbabwe het die Afrika Unie intussen geloof vir sy besluit om President Robert Mugabe as AU-voorsitter aan te wys.

    Mugabe het verlede week by die AU-beraad in Addis Abeba gesê dat die res van die vasteland moet Zimbabwe se grondgrypvoorbeeld volg.

    Die party sê die besluit weerspieël Afrikaleiers se gehegtheid aan die negentigjarige staatsman.

    Die party-woordvoerder, Simon Moyo sê Afrika sal vir ewig Mugabe se heldedade koester, ondanks die Weste se negatiewe siening van hom.

    Honderde wit boere is van hul plase afgegjaag wat tot die ineestorting van die land se eens florerende landboubedryf en hongersnood gelei het.

    President Jacob Zuma het die Suid-Afrikaanse afvaardiging in Addis Abeba, Ethopië, by die pasafgelope beraad verteenwoordig.

    Van die kwessies wat bespreek is, is die toename in terreuraanvalle in Afrika en die AU se reaksie op ebola in Wes-Afrika.

    Suid-Afrika sal die gasheer wees vir die vyf-en-twintigste beraad van die AU wat vandeesjaar in Johannesburg plaasvind.

  • Swart SA jeugaktivis in Marokko aangehou

    Die Departement van Internasionale Betrekkinge sê die Suid-Afrikaanse jeugaktivis en skrywer, Malaika Mahlatsi, wat na bewering in Marokko in hegtenis geneem is, is net vir ‘n “kort rukkie” op die lughawe in Cassablanca aangehou.

    Mahlatsi het onlangs die Marokkaanse regering gekritiseer weens hul houding teenoor die onafhanklikheidstrewe van die Wes-Sahara.

    Die departement beweer sy en ander het sonder visums in die land aangekom.

    Mahlatsi se ma het egter gesê dat die visa-kwessie nie sin maak nie, want haar dogter reis as ‘n lid van die AU wat haar reisagenda bepaal. Marokko is nie deel van die AU nie.

    “Malaika is baie versigtig oor die beeld wat sy uitstraal. Dit is nie moontlik nie. Sy is altyd op reis. Die AU reël altyd hulle reise,” het haar ma gesê.

    Mahlatsi is verbied om oproepe te maak en die departement het glo eers 24 uur later van die inhegtenisname verneem.

    Haar moeder het gesê sommige amptenare by die departement het haar ingelig dat hulle die saak probeer oplos en dat hulle met die minister vergader het.

    ‘n Woordvoerder van die Departement, Clayson Monyela, sê hulle het probeer om met Mahlatsi se familie in aanraking te kom.

    Monyela het gesê volgens die Suid-Afrikaanse sending in Marokko is sy nie in hegtenis geneem nie.

    Sy en haar geselskap het sonder visums uit die Verenigde Arabiese Emirate in die land aangekom en gesê hulle is in die land om ‘n konferensie by te woon.

    Die Marokkaanse owerhede het hulle toe op die lughawe aangehou terwyl hulle met die organiseerders van die konferensie in verbinding was om vas te stel of hulle wel gaste by die konferensie is.

    Intussen het die ANC-jeugliga ‘n beroep op die Marokkaanse regering gedoen om haar vry te laat.

    “Die ANC-jeugliga hoop dat die regering van Marokko nie Malaika vir haar siening aanhou nie. Ons kan geen ander geloofwaardige of regverdigbare rede vir die onregverdige optrede vind nie.”

    Die liga het gesê Mahlatsi is bekend as ‘n uitgesproke jong persoon wat onlangs haar mening uitgespreek oor die Marokkaanse regering en die onafhanklikheid van die mense van die Wes-Sahara.

    “Ons het ook ‘n beroep op ons regering gedoen om haar onmiddellike vrylating te eis.”