Die Windhoek-verdrag oor lugvaartveiligheid en fasilitering in Afrika is onlangs in die hoofstad deur belanghebbendes in lugvervoer in Afrika ná die ministeriële konferensie onderteken wat aan die begin van die maand afgeskop het.
Een van die besluite is die moontlikheid van ’n algemene Afrika-paspoort vir die vasteland teen 2018.
Die ministeriële konferensie is deur meer as 20 ministers van sowat 33 lidlande van die Afrika-unie (AU) bygewoon en is deur die Afrika Burgerlugvaartkommissie (AFCAC) en die Internasionale Handelslugvaart-organisasie (ICAO) onder die vaandel van die AU gereël.
Volgens die permanente sekretaris van werke en vervoer, mnr. Willem Goeieman, is die doel van die algemene Afrika-paspoort deel van Agenda 2063 wat verlede jaar reeds deur die AU aanvaar is. Dit behels dat algemene paspoorte aan inwoners van Afrika teen 2018 uitgereik word, asook dat visums verwyder word.
“Die finale stappe vir alle dokumentasie oor die aksieplan sal aan die kabinet voorgelê word,” het Goeieman tydens ’n hoëvlak vergadering met lugvaartkundiges en die eerste minister, me. Saara Kuugongelwa-Amadhila, gesê.
“Die lugvaartkundiges kyk ook na drie dokumente en een van die dokumente verwag van lidlande om hulself aan lugvaartveiligheid te verbind, veral met die terroriste-dreigemente en ander uitdagings wat lugrederyveiligheid en reis beïnvloed,” het Goeieman gesê.
Hy het gesê pres. Hage Geingob sal die Windhoek-verdrag na ’n spitsberaad in Julie neem waartydens Afrika-staatshoofde dit sal bekragtig sodat die implementering daarvan kan begin.
Die eerste minister het gesê die besluite wat tydens die konferensie geneem is, is baie belangrik, veral vir klein ekonomieë soos Namibië wat van internasionale handel en ekonomiese aktiwiteite afhanklik is.
“Ons hoop is dat die verdrag wat in ons hoofstad aanvaar is, suksesvol geïmplementeer sal word vir groter voorspoed vir die vasteland. Afrika moet in pas bly met ontwikkelinge in die wêreld, nie net in terme van ontluikende vorme van sekuriteit en risiko’s vir lugvaart nie, maar ook in terme van innoverende maniere om hierdie veiligheidsbedreigings te voorkom en dit te hanteer,” het Kuugongelwa-Amadhila gesê.
Die konferensie se tema was “Ononderbroke toewyding en samewerking in Afrika vir ’n wêreldwye, volhoubare lugvaartveiligheidstelsel, passasiers- en handelsfasilitering”.
Bron: Die Republikein
Afrika paspoort sonder visums dus word dit net makliker vir afrika om afrika te beset – dit beteken meer nigeriërs, somaliërs, kongolese, angolese, mosambiekers ens op ons voorstoep.
Voorstoep? Eerder in jou sitkamer
Voorstoep? Meer soos sekuriteits hek 🙂
Ek dink dis ‘n vrek goeie idee.
More xenophobia & civil wars based on tribal divisions too.
Nou sal dit nóg moeiliker wees vir ons om buite Afrika te reis.
Een stappie nader aan die een wêreld regering. RFID chips binne twee/drie dekades.
Dit sal, en kan werk in Europa omdat EU rots, orde en struktuur as inherente kulutuureienskappe het. Dit ontbreek in Afrika en daarom sal dit nooit werk.
Oja, en kyk ‘n keer na Afrika2063-promo clip. Dit is één stuk ‘liberation struggle’ propaganda. Compleet met verheerliking van persoon cultus. Kortom, ‘n pot k@k.