nigerië – Bladsy 5 – praag.co.za

Suid-Afrika tref voorsorg teen Ebola

Soos in die meeste gevalle waar ‘n Ebola-epidemie uitbreek, is dit maklik om die oorsprong van die siekte vas te stel.

Die VSA se Centre for Disease Control, CDC sê op hul inligtinstukke oor die oorsprong van die virus dat Ebola van hospitale en inentings kom.

Die CDC feiteblad beweer ook dat Ebolasterftes in 1976 veroorsaak is deur “… [noue persoonlike kontak en deur gebruik te maak van besmette naalde en spuite in] hospitale/klinieke”.

In die tweede Ebola-uitbreking in 1976 in Soedan het 151 mense omgekom, en is die siekte “hoofsaaklik deur noue persoonlike kontak binne hospitale versprei,” sê die CDC.

Suid-Afrika het glo intussen voorsorgmaatreëls getref by lughawens. Volgens die Verenigde Nasies is meer as 887 mense reeds daaraan dood sedert die epidemie uitgebreek het.

In Nigerië is ‘n tweede geval dié week bevestig bevestig. Die dokter wat die eerste geval behandel het, het nou die siekte onderlede. Nog agt van die mediese personeellede wat die pasiënt behandel het, is onder kwarantyn geplaas.

Die departement van gesondheid sê daar is reeds by OR Tambo-lughawe temperatuurskandeerders en isolasiekamers ingerig om passasiers met ‘n hoë temperatuur uit te wys.

Die departement en die burgerlugvaartowerheid sal ook die week met bewusmakingsveldtog vir alle lughawepersoneel by Lanseria begin.

Die oorsprong van die huidige Ebola-epidemie is klaarblyklik die Kenema-staatshospitaal in Sierra Leone.

Die hospitaal huisves ‘n Amerikaanse navorsingslaboratorium wat onder meer deur die Bill en Melinda Gates-stigting asook die Soros Stigting geborg word.

Wetenskaplikes by die laboratorium doen glo sedert 2011 navorsing oor virale koors soos Ebola.

Sierra Leone se enigste Ebola-dokter sterf

Die dokter aan die voorpunt van die stryd teen die Ebola-virus in Sierra Leone, is oorlede aan die siekte.

Net enkele dae nadat hy self die virus opgedoen het, is Sheik Umar Khan dood in die hospitaal waar hy opgeneem is in kwarantyn.

Hy het voor hy siek geword het, gsê hy vrees dat hy die siekte kan opdoen.

Die viroloog het voor sy dood meer as 100 pasiënte by die hospitaal in Kenema, een van die wêreld se voorste Ebola diagnosefasiliteite, behandel.

Die hospitaal word deur Dokters Sonder Grense bedryf.

Kahn was die enigste spesialis die land wat tropiese koorssiektes kon behandel. Die ministerie van gesondheid in Sierra Leone het hom as ‘n nasionale held geprys.

Die uitbreking van ebola in Wes-Afrika het vroeër vanjaar in die buurland, Guinee begin. Dit is die ergste uitbreking sedert die siekte die eerste keer in 1976 waargeneem is.

So ver is meer as 672 mense in Wes-Afrika dood. Dit sluit Sierra Leone, Liberië, Guinee en Nigerië in.

Inwoners wat onder kwarantyn geplaas word is in opstand daarteen en probeer siekes ontset met geweld. In Sierra Leone het ‘n vrou ontsnap en na die besige Freetown gevlug voor sy drie dae gelede dood is.

Twee Amerikaners, ‘n dokter en sendelinge het ook die siekte onderlede.

Zuma na VSA om Boko Haram te bespreek

Pres. Jacob Zuma en ander Afrika-leiers sal volgende week met pres. Barack Obama van Amerika vergader te midde van aanduidings dat Amerikaanse invloed op die vasteland onder druk verkeer.

Die VSA se ondersteuning – die enigste waarop Israel kan staatmaak – vir die aanval op Gasa het Amerika heelwat kritiek op die hals gehaal.

Zuma sal ‘n Suid-Afrikaanse afvaardiging lei na die eerste Amerika-Afrika-leiersberaad (USALS) wat aan die begin van Augustus in Washington plaasvind.

Rob Davies, minister van handel en nywerheid, het Maandag in Pretoria gesê “handelsooreenkomste” tussen Suid-Afrika en Amerika sal bespreek word, asook “politiek”.

Dié byeenkoms kom nadat Obama verlede jaar met sy besoek aan Suid-Afrika en Afrika verskeie staatshoofde daarheen genooi het.

Davies het gesê die “politiek van vrede, sekuriteit en demokrasie” sal bespreek word.

“En daar is ‘n aantal bekommernisse wat ons deel. Veral die kwessie van ekstremistiese groepe regoor Afrika, soos Boko Haram in Nigerië.

“‘n Aantal van ons het daarom besluit om die Wêreld Ekonomiese Forum in Abudja [Nigerië] by te woon, as ‘n teken dat ons sake- en ekonomiese kwessies as fundamenteel beskou.

“Ons wou wys dat ons nie afgesit of geïntimideer sal word deur ekstremistiese groepe nie.”

Boko Haram het na bewering skoolmeisies ontvoer wat deur die Amerikaanse mediamonopolie as ‘n dringende kwessie aangegryp is. Dit het later geblyk dat die video vervals is.

Of die ontvoering wel plaasgevind het, is deur sommige mediabronne bevraagteken.

“Ten spyte van al die dringende nuus en voorspraak [vir die meisies wat verdwyn het], egter, is dit die basiese feite wat steeds vermis word. Dit is onduidelik hoeveel meisies ontvoer is, wie hulle is, wie dit gedoen het, op watter tydstip, en presies hoe,” het die Christian Science Monitor vroeër berig.

Intussen is ‘n motorbomaanvaller wat ‘n populêre politieke leier wou vermoor verlede week noord van Abuja aangekeer. Die man wat soos ‘n vrou vermom was, het uit die plofstofbelaaide motor gerol net voordat dit ontplof het en talle lewens geëis het. Die politieke leier was ongedeerd na die aanslag.

Inwoners van die gebied is ontstoke en ontleders meen sy dood sou tot groter geweld kon gelei het, aangesien inwoners president Goodluck Jonathan aanspreeklik sou gehou het.

Die bomaanvaller is deur die owerhede in hegtenis geneem wat gesê het die man was baie professioneel vermom, met ‘n gesig wat ook vir die van ‘n vrou aangesien kan word en allerlei bykomstighede wat besonder goed uitgekies is om te mislei.

Frankryk, Duitsland deur na kwarteindronde van wêreldbekersokker

‘n Groot aantal Amerikaanse TV-kykers word vanaand verwag as die VSA vir België pak

Sowel Frankryk as Duitsland het gisteraand geseëvier in hul uitspeelwedstryde, onderskeidelik oor Nigerië en Algerië, en sal mekaar in die kwarteindronde van die wêreldsokkerbeker in Brasilië ontmoet.

Beide Europese spanne het egter gesukkel om die mas teen hul swakker opponente op te kom. Nigerië se reusesokkerspelers het die baan op en af gehardloop en het by tye die Franse span, wat insgelyks uit ‘n meerderheid swart spelers bestaan, oorheers. Eers toe Frankryk ná rustyd met ‘n behoorlike wedstrydplan vorendag kom, het hulle begin om die doelhok van die Nigeriërs te bedreig. Ná verskeie mislukte pogings het Paul Pogba ‘n kopskoot met slegs 11 minute speeltyd oor, ingekry.

Joseph Yobo van Nigerië het sy span se lot verseël toe hy ‘n eie doel aangeteken het, om Frankryk met 2-0 te laat wen.

Franse sokkerspan vier fees ná die wedstryd teen Nigerië

Die wedstryd tussen Duitsland en Algerië was volgens kenners een van die opwindendstes tot dusver en is eers gedurende ekstratyd beslis. Beide spanne het nie minder nie as 38 keer probeer punte aanteken – 28 keer deur Duitsland. Dit verteenwoordig ‘n rekord vir ‘n wedstryd tydens die huidige wêreldbeker.

Andre Schürrle het kort ná die aanvang van ekstratyd in die 92ste minuut ‘n doel vir Duitsland aangeteken en só verligting gebring. Hy het die bal van Thomas Müller vanaf ‘n kruisskop ontvang en dit toe met sy hak verby die Algerynse doelwagter Rais M’Bholhi in die net ingeskop.

In die 119de minuut slaag Mesut Ozil vir Duitsland met ‘n hoë skop na die dak van die doelhok en laat sy span sodoende met 2-0 voorloop.

‘n Minuut of twee later teken Abdelmoume Djabou ‘n doel vir Algerië aan sodat die Algeryne met eer uit die stryd tree, nadat hulle Duitsland vir twee ure goed besig gehou het.

Vanmiddag om 18:00 speel Switserland teen Argentinië om te bepaal wie na die kwarteind deurdring. Die wedstryd word regstreeks op SABC2 uitgesaai. Switserland, wat vanjaar ‘n baie goeie span het, het nog nooit vantevore teen Argentinië kon wen nie. Beroepswedders stel die kanse vir vanmiddag se wedstryd só:

Argentinië wen: 1/2

Switzerland wen: 13/2

Gelykop: 17/5

Die Argentynse span word aangevoer deur Lionel Messi, wat gewoonlik vir die Barcelona-klub speel en naas Cristiano Ronaldo van Portugal tans as die beste speler ter wêreld beskou word.

In vanaand se tweede wedstryd speel België uit teen die VSA, om 22:00 Suid-Afrikaanse tyd. ‘n Kykertal van tussen 13 en 16 miljoen word op die sportkanaal ESPN verwag en blykbaar raak die Amerikaners ook toenemend sokkermal, veral as hul span op die veld is.

Vrae oor die nuwe Afrika-ekonomie

Hiermee ‘n multi-navraag vir diegene wat my sou kon help met raad en daad asb.

Het iemand al die roete wat die Voortrekkers oorspronklik in hul vasberade gang oor die Drakensberg gevolg het, nagevors en vandag, tersaaklik en ter bemoediging, op foto vasgelê? Dit was darem ‘n groot en merkwaardige struikelblok wat oorkom is, veral in daardie dae se perspektiewe!
Kan iemand my asb. help met mnr. J. Malema se 24-uur-navraaglyn vir kitswerkskepping, gratis ten volle ontwikkelde besighede (dit neem gewoonlik van 3 tot 5 jaar om die hele besigheidsiklus onder die knie te kry, terwyl baie faal) en gratis plaag-, plunder- en siektevrye plase met toerusting, kennis, ondervinding, markte en winste in, om en vanuit SA. Vanoggend om 01:15 bel iemand my om werk te eis. (Nie vreemd nie – ek kry oproepe uit o.a. Malawi, Zambië, Zimbawe en die Kongo, en vonkposse van nog verder uit Afrika.) Ek noem toe geduldig dat SA nou reeds vir 20 jaar onder Afrikabeheer staan, wat spoedig ons SA ekonomie volhoubaar gaan herstel, saam met die nuwe Afrika-ekonomie. Die man (Mohammed) wil toe Malema se nommer ook nog by my vra.
Laastens verneem ek graag wie die nuwe SA-Nigerië (Work in Nigeria) -migrasiekantoor vir die Eksodus na Nigerië se “grootste ekonomie in Afrika” hanteer. Mens kon moontlik die sowat 30 miljoen onwettige immigrante wat ons ekonomie plunder en verswelg wou aanmoedig om Mammon nou weer noordwaarts te volg, of hul sosio-ekonomiese verantwoordelikhede in rentmeesterskap in hul eie lande onder hul eie regerings op te neem.

Met dank en waardering vir u tyd en ons eie doelgerigde ekonomiese herontwikkelingsmomentum.

– Johan Meintjes, Pretoria

Nigerië weet glo waar ontvoerde meisies is

Nigerië se top-militêre bevelvoerder, Alex Badeh, beweer dat hy weet waar die meer as 200 vermiste skoolmeisies, wat in April deur die terroristegroep Boko Haram ontvoer is, aangehou word.

Boko Haram word uit Londen befonds.

Die weermag sê geweld is nie ‘n opsie om die meisies te bevry nie, aangesien die kanse bestaan dat hulle in kruisvuur kan beland.

Badeh het aan betogers in die hoofstad, Abuja, gesê hy kan nie die plek onthul waar die meisies aangehou word nie, maar het belowe om hulle te bevry.

Nigerië se president, Goodluck Jonathan, is wyd gekritiseer omdat hy nie dadelik gereageer het op die massa-ontvoering nie en eindelik gedwing is om Amerikaanse hulp te aanvaar.

VSA ontplooi troepe ‘om skoolmeisies te soek’

Die VSA het sy troepe in Tsjad ontplooi om glo na die skoolmeisies wat in Nigerië ontvoer is, te help soek.

Die Verenigde State van Amerika sal 80 militêre personeellede en ‘n Predator-tuig na Tsjad stuur as deel van ‘n poging om ‘n vastrapplek in die streek te kry.

Die onbemande verkenningstuig sal aansluit by soortgelyke tuie wat in Niger glo deelneem aan die soektog.

Die Amerikaanse ontplooiing in Tsjad is deur die War Powers Act Woensdag moontlik gemaak.

Tsjad se weermag word beskou as een van die bestoegeruste in sub-Sahara-Afrika. Die land is tans in staat om duur buitelandse intervensies te finansier sonder Westerse hulp danksy sy olie-inkomste.

‘n Resolusie deur die Afrika-unie (AU) het reeds die sukses in Afrika van Tsjad se militêre strategie om homself internasionaal onontbeerlik te maak, geloof. Die AU beoog trouens om Tsjad se kandidatuur vir ‘n nie-permanente setel in die Veiligheidsraad van die VN in 2014/15 te ondersteun.

Alhoewel die Weste steeds ‘n belangrike belegger en handelsvennoot in Tsjad is deur die Tsjad-Kameroenpyplynprojek, het China baie meer langtermyn-ontwikkelingshulp aan die land beskikbaar gestel en die oliesektor aansienlik uitgebrei.

Vir China is Tsjad ‘n belangrike bron van olie en ‘n suksesverhaal van Chinese invloed in die hele streek.

Tsjad se minister van finansies het vroeër aangekondig dat hy verwag dat olie-uitvoere sal verdriedubbel teen 2015.

Die Amerikaanse President, Barack Obama het sy Kongres ingelig dat die gewapende magte betrokke sal wees by intelligensie, waarneming en verkenning ten opsigte van missies in noord-Nigerië en omliggende gebiede.

Hy het aan die Kongres gesê dat die soldate in Tsjad sal bly totdat hulle hulp met die opsporing van die meer as 200 meisies nie meer nodig is nie.

Amerika het vroeër die jongste bomaanvalle in Jos in Nigerië skerp veroordeel waartydens minstens 118 mense dood is.

Die militante groep, Boko Haram, wat glo deur die Weste befonds word, word vir dié terreurdaad verantwoordelik gehou.

Die ontvoerings het straks ‘n handige rede verskaf vir Amerikaanse militêre ingryping in die streek.

Ontploffings ruk Nigerië

Twee ontploffings in die hoofsakesentrum van die Nigeriese stad Jos het die lewens van minstens 118 mense geëis.

Jos lê op die foutlyn tussen die strydende Christelike suide en meestal Moslem noorde. Dis die helfte van Nigerië se bevolking van 170 miljoen Christene.

Nog talle is beseer in die aanval wat volgens die polisie deur die terreurgroep Boko Haram gedoen is. Daar is glo minstens 45 beseerdes.

Die militante groep wat uit Londen befonds word, is tans in die nuus met die ontvoering van meer as 200 skoolmeisies ‘n maand gelede uit ‘n dorp in die noordooste van die land.

Die groep het in April meer as 200 skoolmeisies in Chibok in die noordooste van die land ontvoer en die VSA en sy bondgenote wil die ontvoering as ‘n rede gebruik om Amerikaanse troepe in land te ontplooi.

Die groep se naam beteken: “Westerse onderwys is sondig”, en word deur gematigde Moslems verwerp omdat hulle hulself vir ‘n fundamentalistiese Islamitiese staat beywer.

Boko Haram het plofstofaanvalle verskerp, nadat twee ontploffings ook die hoofstad Abuja geruk het.

President Goodluck Jonathan van Nigerië het die bomontploffings skerp veroordeel.

Jonathan het sy medelye met die families van die slagoffers betuig en Nigeriese burgers verseker dat die regering ten volle daartoe verbind is om die stryd teen terreur te wen.

Mense is steeds onder die puin vasgekeer en die dodetal sal na verwagting nog verder styg.

Die ontploffings het by ‘n busterminaal en ‘n besige mark plaasgevind.

Die voormalige goewerneur van die Abia-staat, Dr Uzor Kalu, het ‘n beroep op die Federale Regering van Nigerië gedoen om saam te werk met die Mosad, die Israeliese geheimediens, en die CIA.

Die voormalige goewerneur het die oproep gedoen by die internasionale vleuel van die Murtala Muhammed Lughawe (MMA), in Lagos die naweek voor joernaliste, het die Nigeriese Daily Independent berig.

Hy het aangevoer dat daar geen manier is waarop Nigerië terrorisme alleen kan beveg nie, en bygevoeg dat dit is hoog tyd dat die Federale Regering met die Mosad, die CIA en ander lande wat ervaring het van die stryd teen terreur, saamwerk.

“Enigiemand wat dink dat Nigerië ‘n vyand van Amerika sal wees, is ‘n grap. Dit is die belangrikste land in die wêreld en hulle moet ons beste vriend op aarde wees as ons wil vorentoe beweeg,” het hy gesê.

Lees verder hier en hier.

Meeste Moslems verwerp terreurgroep

Nigerië se president Goodluck Jonathan het Boko Haram se aanbod om swart skoolmeisies vir gevangenes uit te ruil, verwerp.

Die skoolmeisies is vroeër deur die terreurgroep ontvoer.

Boko Haram is ‘n groep Takfiri-militante, vermom as Moslems, wat misdade in verskillende dele van die wêreld pleeg in ‘n poging om Islam swart te smeer.

Net soos al-Kaida, geniet dié ekstremiste min steun onder gewone Moslems.

Ontleders sê die Takfiri’s wat uit Londen befonds word, is ‘n groot openbare betrekkinge-veldtog om Islam in ‘n slegte lig te stel.

Hulle sê Takfiri-groepe huur naïewe, goedgelowige, dikwels jong, geesdriftige Moslems, maar Takfiri ekstremistiese groepe word nie werklik as deel van Islam beskou nie.

This notion that only people of absolute pure belief are right and everybody else should have their head cut off declared as Kafirs and so on, is a modernist heresy [of Islam]. And if we want to talk about where this comes from, it really came from this infiltration of the Islamic world by the West during the time of imperialism with the British making common cause with the Wahhabis of Saudi Arabia and using them against the Islamic empire at the time, the Ottoman Empire. In Islam, we say Prophet Mohamad (PBUH) said to seek knowledge all the way to China. All forms of knowledge and education are not forbidden, they are mandatory in Islam. The ink of a scholar is more precious than the blood of the martyr. This notion of running around, burning down schools, burning all the books, except for those your own particular narrow sect of Islam says you should read, is absurd and it’s completely un-Islamic. Nobody in the great periods of Islamic empires and Islamic learning would have had anything to do with that. If learned people of the greatest golden ages of Islam could look at these groups and see what they are doing, they would be shaking their heads that these are the people that are claiming to be the real Muslims today. This obscurantism, this fanaticism, this tendency towards violence, towards violence against civilians, towards legitimating violence against people who simply believe something that is different from what you do – none of this is part of Islam. This is all a modernist heresy and it’s been encouraged and funded by the enemies of Islam to create these public relations operations like the one in Nigeria today.

Brittanje se minister belas met Afrika, Mark Simmonds, het na samesprekings met Jonanthan in Abuja gesê die president het dit duidelik gemaak dat daar geen onderhandelinge met Boko Haram sal wees oor ‘n uitruil nie.

Die groep wat meer as 200 meisies aanhou, het ‘n video-opname vrygestel en aangebied om hulle vry te laat in ruil vir gevangenes wat deur die Nigeriese regering aangehou word.

Die ontvoerings word deur die VSA, Brittanje, Frankryk en Israel voorgehou as ‘n “internasionale krisis” en selfs Michelle Obama het op Moedersdag ‘n emosiebelaaide openbare boodskap oor die aangeleentheid opgeneem.

Daar is egter min entoesiasme om die meisies op te spoor, aangesien sulke ontvoerings algemeen in Afrika voorkom, ook in lande soos Suid-Soedan.

Nigerië steek SA verby as grootste Afrika-ekonomie

Nigerië het Suid-Afrika verbygesteek as Afrika se grootste ekonomie nadat die land syfers oor sy bruto binnelandse produk bekendgemaak het.

Volgens Nigerië se minister van Finansies was die BBP vir 2013 gelykstaande aan 510 miljard dollar, het RSG berig.

Dit is 40 persent meer as die vorige berekening van 292 miljard dollar. Suid-Afrika se BBP staan op 353 miljard dollar.

Nigerië sluit nou bedrywe in soos telekommunikasie, inligtingstegnologie, musiek, lugrederye en rolprentproduksies wat voorheen nie deel van die berekeninge was nie.

Nigerië se onlangse groeikoers van ses persent is ook ver beter as Suid-Afrika wat sukkel om ‘n groeikoers hoër as drie komma vyf persent te bereik.

Waarnemers het egter gewaarsku dat die syfers misleidend kan wees.

Die BBP per kapita is in Suid-Afrika aansienlik hoër en dat die verspreiding van welvaart in albei lande uiters oneweredig is.

Vars menskoppe op die spyskaart

Twee vars mensekoppe is in ‘n Nigeriese hotelrestaurant in Onishta te ete aangebied. Die dis is as “geroosterde kop” op die spyskaart aangedui, het die International Business Times berig.

Die polisie het op die hotel se restaurant toegeslaan ná gerugte dat mensvleis daar bedien word. Hulle het afgekom op twee vars mensekoppe, deurdrenk van die bloed en toegedraai in sellofaan.

Inwoners is glo nie verbaas deur die restaurant se aanbieding nie, want die omgewing is glo die uithangplek van onverkwiklike siele.

‘n Pastoor was nogtans geskok om te ontdek dat hy mensvleis geëet het.

“Ek het gedink die vleis is baie duur, maar ek het nie besef dis omdat dit mensvleis was nie.”

Dié afskuwelike vonds het na die sluiting van die restaurant in die Nigeriese staat van Anambra gelei.

Beslag is ook gelê op twee AK-47-gewere, ander wapens, ammunisie en verskeie selfone.

Daar is voortdurend berigte van kannibalisme in Nigerië, maar dis die eerste keer dat ‘n restaurant betrap is dat hy mensvleis op die spyskaart aanbied.

In 2012, is Joshua Akindele, ‘n 56-jarige, in hegtenis geneem nadat hy by die polisie aangemeld is omdat hy na bewering kannibalisme beoefen.

Tydens sy ondervraging, het Akindele erken dat hy kannibalisme beoefen en menslike liggaamsdele vir rituele doeleindes verkoop.

Hy het beskryf hoe hy sy niksvermoedende slagoffers oor die kop geslaan het en hulle liggame in ‘n gat gesleep het wat gedien het as sy skuilplek.

Hy het die menslike verkoop aan sekere kerke gereelde kopers en sommer self daarvan geëet. Hy het ook vertel dat mensvleis duur is.

Ander kannibale het vertel dat hulle die dele van politieke en godsdiensvyande eet uit weerwraak.

In een onlangse geval in die Sentraal-Afrikaans Republiek het ‘n man sy slagoffer van die bus getrek, geslaan, gesteek en aan die brand gesteek nadat hy petrol oor hom uitgegiet het.

Daarna het hy sy been in die openbaar geëet. Die voorval is afgeneem deur omstanders met hul selfone, maar niemand het Ouandja Magloir probeer keer nie.

‘n Vorige diktator van die SAR vanaf 1966 tot 1979, Bedel Bokassa, was ook ‘n mensvleisliefhebber.

MRK onthuts oor Nigeriese anti-gay wette

Die Suid-Afrikaanse Menseregtekommissie (MRK) het Woensdag gesê Suid-Afrika moet Nigerië berispe sodat die land wetgewing teen gays kan hersien.

Talle oorteders is sedert 18 Januarie in Nigerië in hegtenis geneem ingevolge ‘n nuwe wet wat gay seks verbied. Die nuwe wetgewing verbied ook huwelike tussen paartjies van dieselfde geslag.

Die wetgewing maak voorsiening vir ‘n maksimun van 14 jaar gevangenisstraf vir oorteders en 10 jaar gevangenisstraf vir enigiemand wat gay-groepe of –klubs ondersteun.

Dié streng, maar gewilde maatreëls word beskou as ‘n vredesbrug tussen strydende Moslem- en Christenfaksies wat albei ewe sterk gekant is teen gays.

Isaac Mangena, woordvoerder van die MRK, het egter in ’n verklaring gesê hulle glo die Suid-Afrikaanse regering moet ander Afrika-lande aanspoor om gays te aanvaar

Die MRK se houding verteenwoordig nie die meerderheid Suid-Afrikaners se siening oor gays nie. Die meeste swart inwoners is erg gekant daarteen dat die LGBT-gemeenskap uit die kas kom.

Die Europese Unie, Kanada en Amerika het die Nigeriese wetgewing gekritiseer en gesê dit druis in teen basiese menseregte.

“Die MRK is bekommerd oor die groei van staatsondersteunde homofobie wat wêreldwyd plaasvind, en veral op die Afrika-vasteland,” het Mangena gesê.

“Ons doen ’n beroep op die Suid-Afrikaanse regering om meer te doen om diplomaties met Afrika-lande in gesprek te tree wat fundamentele vryhede en menseregte onwettig wil maak.”

‘Bafana-Bafana is nikswerd verloorders’

President Jacob Zuma het die uitbarsting van die minister van Sport, Fikile Mbalula weerlê dat iets drasties verkeerd is met die land se nasionale sokkerspan.

Die Bafana-Bafana is in die groepfase van die Afrika Kampioenskapsbeker uit die toernooi geskakel na hulle teen Nigerië met 3 -1 verloor het.

Mbalula het gesê dis nie die afrigting nie, maar die gehalte van die groep wat veel te wense oorlaat. “Ons het ‘n krisis van monumentale proporsies,” het hy gesê.

Hy wou hulle nie eens gaan groet na afloop van die wedstryd nie, het hy gesê.

Hy het die spelers uitgekryt as nikswerd verloorders voor ‘n groot skare verslaggewers.

Die president van SAFA, Danny Jordaan het gesê die spankultuur moet in sy geheel hersien moet word. Hy het geskimp dat die afrigter die trekpas moet kry.

Die president het in ‘n onderhoud op ‘n SAUK-radiostasie gesê die span het drasties verbeter en het die land se steun nodig.

Hy het ook sy steun aan die beleerde afrigter, Gordon Igesund, gegee.

Swart poppe vir swart kinders

Nigerië, wat spog met die meeste swart kinders in die wêreld, weet dat kinders weldeeglik van ras, etnisiteit en velkleur bewus is.

‘n Sakeman het die gaping in die mark ook raakgesien en met min mededinging van buitelandse maatskappye soos Mattel, die uitvinder van Barbie, het hy sy eie besigheid begin.

Hy het die vervaardiging van popdele na China uitgekontrakteer en dan die poppe in tradisionele Nigeriese kostuums uitgedos.

Nou, sewe jaar later kan Taofick Okoya spog dat hy tussen 6 000 en 9 000 van sy poppe per maand verkoop.

“Ek hou daarvan,” sê ‘n vyfjarige wat skaars haar opgewondenheid kan beteuel terwyl sy een van Okoya se poppe in ‘n Lagoswinkelsentrum inspekteer. “Dit is swart, soos ek. “

Terwyl multinasionale maatskappye na Afrika-markte kyk, dui Okoya se ervaring daarop dat daar nog ‘n geleentheid vir plaaslike besighede is om hulself te vestig deur die gebruik van plaaslike kennis.

Wanneer dit kom by die sektore soos drank of selfs sement, is al die internasionale spelers reeds daar.

Nigerië se drie grootste etniese groepe, die Yoruba , Igbo en Hausa vorm deel van die swart poppe-reeks, iets wat internasionale spelers nie kan vermag nie.

Die poppe verkoop vir tussen 3 500 naira ( R235 ) en 500 naira elk, met ‘n winsgrens van ongeveer ‘n derde.

Okoya beplan poppe van ander swart etniese groepe en voer tans samesprekinge met Game in Suid-Afrika om aan 70 winkels regoor Afrika te verkoop.