minister van Sport – praag.co.za

Statebondspele: Minister mors miljoene

Die Minister van Sport, Fikile Mbalula sê Durban het die bod om die Statebondspele in 2022 aan te bied verloor omdat die Statebondspele-federasie se begrotingsaanvraag “te hoog” was.

Die Statebondspele-federasie het vroeër aangekondig dat Durban nie die Spele sal aanbied nie nadat amptenare glo versuim het om van die spertye te haal.

Mbalula het tydens ‘n mediakonferensie in Durban sy departement se versuim weggepraat. Hy sê die Federasie het gevra dat Suid-Afrika agt miljard bestee om die Spele aan te bied.

Die regering is nou skielik van mening dat die geld aangewend kan word om arm gemeenskappe op te hef, nadat die ANC-kleptokrasie saam met die Ethekwini Metroraad al miljoene uitgemors het op die bod.

Mbalula het die regering se teleurstelling uitgespreek veral ná wat hy beskryf het as die “positiewe terugvoer” van die evaluasiekomitee.

Mbalula het oor die R118 miljoen bestee aan die bod vir Durban om die Statebondspele in 2022 aan te bied om eers heelwat later te ontdek dat dit “te hoog” is.

Daardie miljoene het waarskynlik nie vir armoedeverliging gegaan nie, maar in die sakke van die verkwisters beland.

Mbalula het alle gevaarligte oor die kostes geïgnoreer. Suid-Afrika kon glo net R4 miljard beskostig, wat nie naastenby genoeg was om die geleentheid aan te bied nie, sê die minister nou.

Wat eintlik gebeur het, is dat Durban verskeie spertye, veral rakende finansiële waarborge, misgeloop het. ‘n Nuwe bod is daarna voorgelê met ‘n ononderhandelbare begroting van vier miljard rand, maar die regering het steeds nie van die waarborge gelewer nie.

SASCOC het ook versuim om ‘n behoorlike finansiële impakstudie oor die koste en voordele vir die gasheerstad Durban uit te voer, wat beteken dat Suid-Afrika nie ‘n idee gehad het van wat die ware finansiële impak op die land sou gewees het nie.

Die hele tenderproses was gedoem van die begin af. Suid-Afrika was swak voorberei en ondergefinansier, maar die swart ego’s was te groot om dit met nederigheid te aanvaar.

Mbalula het waarskynlik gedink as ‘n nog ‘n modieuse bril op sy groot neus pas, is hy die man van die oomblik en basta.

Die federasie sê die jongste dokumente verskil te veel van die oorspronklike plan en ‘n alternatiewe gasheer word nou gesoek. Liverpool is die mees waarskynlike kandidaat.

Die Statebondspele het nog nooit in Afrika plaasgevind nie, en dit lyk nie asof dit gou gaan gebeur nie.

Springbokkaptein tree uit

Die Springbokkaptein, Jean de Villiers het sy uittrede uit internasionale rugby aangekondig nadat hy sy kakebeen beseer het.

Hy keer vandag na Suid-Afrika terug en sal waarskynlik ‘n operasie aan sy kaak moet ondergaan.

Suid-Afrika het hul sokkies opgetrek in die Rugby Wêreldbekerkragmeting teen Samoa met ‘n oorwinning van 46-6, maar die 34-jarige De Villiers, wat die Springbokke in 37 toetse gelei het, moes voor die einde van die veld af.

Hy het 109 keer vir sy span uitgedraf, met die tweede meeste toetse van enige kaptein agter die rug en die vierde meeste toetse in die geskiedenis van Suid-Afrikaanse rugby.

De Villiers sê toe hy in Saterdag se wedstryd van die veld afgeloop het, het hy geweet dit is sy laaste keer vir die Springbokke.

Die afrigter van die Springbokspan, Heyneke Meyer, sê De Villiers sal onthou word as een van die beste Springbokke ooit wat altyd sy span voorop gestel het.

Die minister van sport, Fikile Mbalula het intussen sy waardering vir De Villiers se leierskap uitgespreek, en sê hy het sy liggaam vir sy land in die spervuur geplaas.

Mbalula, wat ‘n swart span wil sien, sê hy hoop De Villiers se veggees sal in die Sprinbokkamp voortleef.

Minister van sport tevrede met swak prestasie

Die minister van Sport, Fikile Mbalula, sê die ANC-regering is “tevrede” met swak prestasie op grond van skewe rassekwotas.

Mbalula sê wit en bruin spelers word “regverdig behandel” en kry “genoeg speelkans” in die land se swart nasionale sokkerspan.

Die minister het sportliefhebbers opnuut in sy antwoord op ‘n parlementêre vraag mislei, aangesien daar tans net een wit speler en twee bruines in die Bafana Bafana-groep van 27 spelers is.

Dit is nie ‘n juiste demografies verteenwoordigende span nie.

Daar was ook nog geen ingryping om die span meer verteenwoordigend te maak nie, ten spyte dat die minister verlede jaar die onderneming gegee het om stappe te doen om meer wit en bruin spelers vir die span te laat speel.

Die Springbokke se Wêreldbeker-oorwinning 20 jaar gelede was deur ‘n span behaal waarin wit spelers oorverteenwoordig was.

Die regering het intussen deur politieke inmenging in sportspanne gesorg dat middelmatigheid en verval oorgeneem het.

Wolk hang oor Sepp Blatter

Die president van die sokkerbeheerliggaam, FIFA, Sepp Blatter, het Dinsdag sy bedanking aangekondig.

Bewerings van korrupsie in die liggaam is steeds besig om verder uit te kring. Die 79-jarige Blatter het met die aankondiging van sy uittrede gevra dat ‘n buitengewone kongres belê word om ‘n opvolger vir hom te kies.

Die VSA ontken dat hulle meegewerk het om van Blatter ontslae te raak. Die State Department se senior raadgewer vir strategiese kommunikasie, Marie Harf, het laggend gesê Amerika huldig “geen posisie” oor FIFA nie.

Amerikaanse borge Coca-Cola Co, Visa, Adidas AG en Anheuser-Busch het intussen verklaar dat hulle Blatter se bedanking verwelkom.

‘n Woordvoerder van Visa, Andrew Woodward het gesê: “Die probleem is opgelos. Dit was die groot hindernis.”

Switserse owerhede het gesê Blatter is nie onder verdenking van korrupsie nie.

Blatter is verlede week herkies as President ondanks die feit dat sewe van FIFA se topamptenare twee dae voor sy verkiesing in hegtenis geneem is.

Die Amerikaanse prokureur-generaal ondersoek bewerings dat senior FIFA-amptenare deur die Suid-Afrikaanse owerheid omgekoop is.

Die Amerikaanse Departement van Justisie se ondersoek na korrupsie by FIFA is glo in sy beginfase.

Die departement wou hom egter nie uitlaat oor die uittrede van die president van FIFA, Sepp Blatter so kort nadat hy herkies is nie.

Bronne na aan die ondersoek het wel aan nuusorganisasies onthul dat Blatter ook in die visier is.

Die Amerikaanse departement het verlede week toe amptenare in hegtenis geneem is, gesê dat Blatter nie kwytgeskeld is nie.

Die prokureur-generaal, Loretta Lynch het verlede week verwys na “onbeheerste, sistemiese en diepgewortelde korrupsie” by die organisasie.

Die minister van sport, Fikile Mbalula sal Woensdag ‘n media-inligtingsessie hou om die jongste bewerings van die regering se betrokkenheid by FIFA-omkopery te bespreek.

Mbalula ontken dat enige Suid-Afrikaners omkoopgeld betaal het om te verseker dat Suid-Afrika die bod vir die 2010 wêreldbekertoernooi wen.

Volgens berigte was die regering bewus van ‘n oordrag van sowat R120 miljoen aan ‘n Karibbiese ontwikkelingsfonds.

Mbalula die bewerings as ‘n aanval op Suid-Afrika se soewereiniteit beskryf.

Vroeër het president Vladimir Poetin in ‘n onderhoud gesê die ondersoek na beweerde korrupsie is teen Rusland gemik wat gekies is om die Wêreldbekertoernooi in 2018 aan te bied. Hy het dit ook as ‘n aanval op soewereine lande beskryf.

‘n Brief het egter vandeesweek aan die lig gekom waarin die president van SAFA, Molefi Olifant ‘n versoek aan FIFA rig dat tien miljoen dollar aan die Karribiese Diaspora-fonds oorbetaal word.

FIFA het dit duidelik gestel dat die versoek van die Suid-Afrikaanse regering af gekom het, maar het geen name genoem nie.

Verskeie Amerikaanse nuusorganisasies berig intussen dat die president van FIFA, Sepp Blatter wel ondersoek word. Hulle haal wetstoepassers in die land aan wat sê dat Blatter verdink word van ongerymdhede.

Dié onthulling volg ure nadat Blatter sy uittrede aangekondig het, en slegs dae nadat hy vir ‘n vyfde termyn herkies is.

Volgens bronne van die New York Times en andere, hoop die Amerikaanse ondersoekers om ‘n saak teen Blatter te bou met behulp van diegene wat reeds aangekla is. Veertien mense is al in FIFA se korrupsieskandaal aangekla.

Blatter het deur ‘n tolk gesê hy sal aanbly as president totdat ‘n nuwe een gekies word.

FIFA se sekretaris-generaal, Jerome Valcke, het sy reis na Kanada vir die opening van die Vroue-Wêreldbekertoernooi gekanselleer te midde van die huidige ondersoek na korrupsie in wêreldsokker.

‘n Woordvoerder, Delia Fischer, sê weens die huidige situasie sal Valcke nie die naweek se openingswedstryd tussen Kanada en China in Edmonton bywoon nie

VSA loods aanval op FIFA oor Rusland

Amerikaanse senatore het ‘n oproep gedoen dat FIFA-baas Sepp Blatter moet bedank.

Die VSA probeer om Blatter te ontsetel as die hoof van die sokkerorganisasie weens sy steun vir Rusland om die volgende Sokkerwêreldbekertoernooi aan te bied.

Die Amerikaanse mislukking om kleurrewolusies in Europa, soos in die Oekraïne en nou Macedonië te laat slaag teen Rusland, het vermoedelik tot dié stappe teen die Europese FIFA gelei.

Blatter se ondersteuning van Vladimir Poetin het voorheen hewige kritiek in die Verenigde State van Amerika ontlok.

Die VSA self is nommer 22 op die globale korrupsie-indeks tussen Uruguay en Chili, en speel ‘n baie marginale rol in internasionale sokker.

Tog het hulle die FIFA-aanval geloods en ten minste 10 top-amptenare op aanklagte van korrupsie in hegtenis laat neem ‘n paar dae voor die leierskapsverkiesing.

Ná die arrestasies van sy sewe amptenare in Swede, het FIFA op ‘n perskonferensie laat blyk dat die 2018- en 2022-toernooie steeds gehou sal word in Rusland en Katar.

Die federasie, wat al geruime tyd gebuk gaan onder beskuldigings van korrupsie, het gesê hulle sal ten volle met die ondersoekers saamwerk.

Blatter het vroeër in ‘n verklaring onderneem om korrupte amptenare uit die sport te skop.

Tot dusver het net Europese sokkeradministrateurs gevra dat more se presidentsverkiesing uitgestel moet word. Uefa sê in die lig van die jongste onthullings kan die verkiesing in ‘n klug ontaard.

Dié samewerking om korrupsie uit te roei, sal die VSA se planne om die Wêreldbeker in 2018 in Rusland te kelder, bemoeilik.

Intussen het die Suid-Afrikaanse minister van sport, Fikile Mbalula, gesê hy sal later reageer op bewerings dat Suid-Afrika se bodproses om die 2010 sokkerwêreldbeker aan te bied, ondersoek word.

Dit volg na bewerings dat een van die mense wat in die jongste korrupsie-ondersoek betrek word, Jack Warner, by omkopery in Suid-Afrika se bod betrokke was.

Die Suid-Afrikaanse sokkervereniging, Safa, het vroeër gesê die ondersoek na Suid-Afrika se bodproses is bloot bewerings. ‘n Woordvoerder van Safa, Dominic Chimhavi sê niemand in Suid-Afrika word by die ondersoek betrek nie.

Blatter sal Donderdag sy eerste openbare verskyning maak sedert strafregtelike aanklagte teen veertien voormalige Fifa-amptenare ingedien is.

Die Amerikaanse prokureur-generaal, Loretta Lynch sê korrupte amptenare van die FIFAS-sokkerbeheerliggaam het omkoopgeld tydens die proses geneem en sê 14 senior amptenare en bemarkers is betrokke by sowat twee miljard rand se omkoopgeld.

Mbalula hou aan om SARU af te dreig

Die ANC se planne om sport verder te verswart met hul nuutste kwota-reëls, is steeds op die kaarte, maar sal nie voor Mei gebeur nie.

Die minister van sport hou vol dat hulle sal optree teen “ongetransformeerde” spanne.

Gert Oosthuizen, oud-Broeder en die adjunk-minister, is ‘n lid van die Strategiekomitee in die parlement vir die ANC, en is doodstil oor die jongste anti-wit dreigemente.

Die teiken is ook van toepassing op sportsoorte se bestuurs- en administrasiestrukture.

Fikile Mbalula, die voortvarende minister van sport, en die Suid-Afrikaanse Rugbyunie (Saru) het Maandag kopgestamp oor die persentasieregstelling van swart spelers op nasionale vlak.

Ná ‘n vergadering van drie ure lank tussen die departement van sport by Saskok se hoofkantoor in Olympic House, Johannesburg en die vyf grootste sportbeheerliggame, het die ANC begin terugkrabbel oor die tydskaal.

Maar Mbalula het volgehou dat al vyf unies aan sy transformasieteiken onderwerp word om te verswart.

Mbalula het verlede week gesê nasionale spanne sal uit 60% swart spelers moet bestaan voor die nuwe regering in Mei in werking tree.

Jurie Roux, Saru se uitvoerende hoof, sê hy sal graag saam met die regering werk om transformasie in rugby te bevorder.

Roux weet goed, net soos wit rugby-kykers, dat alhoewel die blokkaartjieverkope by wedstryde deur maatskappye gedek word wat transformasie wil aanmoedig, die DStv-betaalkanaal sal ondergaan as rugby moet verswart.

Wit rugby is die DStv se gans wat die goue eiers lê en Mandela se destydse verskyning in die groen trui was kennelik die enigste verswarting wat Suid-Afrikaanse rugbyliefhebbers in gedagte gehad het.

“Hopelik stem ons almal saam om ’n sinvolle plan te bedink,” het Roux aan Beeld gesê. Die “sinvolle plan” waarna Roux verwys, is duidelik een of ander truuk om die verswarting van rugby effens langer uit te stel om DStv te red.

Mbalula het glo by die vergadering te kere gegaan oor die “mantel van oneerlikheid” van sekere wittes wat beloftes maak, maar te min doen om te verswart.

Hy het verlede week verklaar dat sportsoorte wat weier om te transformeer, verbied sal word om aan internasionale kompetisies deel te neem.

Mbalula het met verwysing na Naspers gesê “die media is ’n spul losers” wat sensasie soek oor transformasie.

Dit lyk dus asof Mbalula nie beïndruk is met Naspers se stadige tempo van verswarting nie, ten spyte van die mediamonopolie se volgehoue verbintenis daartoe.

‘Bafana-Bafana is nikswerd verloorders’

President Jacob Zuma het die uitbarsting van die minister van Sport, Fikile Mbalula weerlê dat iets drasties verkeerd is met die land se nasionale sokkerspan.

Die Bafana-Bafana is in die groepfase van die Afrika Kampioenskapsbeker uit die toernooi geskakel na hulle teen Nigerië met 3 -1 verloor het.

Mbalula het gesê dis nie die afrigting nie, maar die gehalte van die groep wat veel te wense oorlaat. “Ons het ‘n krisis van monumentale proporsies,” het hy gesê.

Hy wou hulle nie eens gaan groet na afloop van die wedstryd nie, het hy gesê.

Hy het die spelers uitgekryt as nikswerd verloorders voor ‘n groot skare verslaggewers.

Die president van SAFA, Danny Jordaan het gesê die spankultuur moet in sy geheel hersien moet word. Hy het geskimp dat die afrigter die trekpas moet kry.

Die president het in ‘n onderhoud op ‘n SAUK-radiostasie gesê die span het drasties verbeter en het die land se steun nodig.

Hy het ook sy steun aan die beleerde afrigter, Gordon Igesund, gegee.