NAVO – Bladsy 4 – praag.co.za

NAVO-lande onttrek personeel uit Libië

In Libië is meer as 97 mense dood en 400 beseer in wekelange gevegte, maar die dodetal mag aansienlik hoër wees.

Die konflik wat twee weke gelede dramaties toegeneem het, gaan tans om beheer oor die Tripoli internasionale lughawe waar strydende faksies poog om dit oor te neem.

Die land se ministerie van gesondheid sê die jongste syfers van die groeiende dodetal is gegrond op verslae van agt openbare hospitale in die hoofstad. Dit sluit nie mediese sentrums buite die stad in nie.

Amerika, Frankryk, Duitsland, Brittanje en Nederland het vroeër hul diplomatieke personeel gevra om die land so spoedig as moontlik te verlaat uit vrees vir hul veiligheid.

Dié lande het vroeër aan die NAVO-geleide aanval op Libië deelgeneem, om wat president Obama genoem het “universele waardes” te vestig.

Libië beskik nie meer oor ‘n weermag nie en die land het na drie jaar sedert NAVO se “humanitêre” ingryping in chaos verval met verskeie militante groepe wat meeding om beheer in die land oor te neem.

Al Kaida, een van die groepe, is deur die VSA befonds.

Intussen berig Algeriese bronne dat die gebied steeds wemel van jihadiste wat benewens wapens ook ‘n BUK-missielstelsel gebuit het.

Die gebuite Libiese toerusting is glo na Mali geneem waar Air Algerie 5017 verlede week neergestort het. Die Amerikaanse Federal Aviation Administration verwys na die gebied as ‘n “hoë-risiko vlugsone”.

Met die ongeluk naby Gao, Mali van Air Algerie is 110 passasiers en bemanning dood, net enkele dae nadat die Oekraïne ‘n Maleisiese vliegtuig, vlug MH17 met meestal Nederlandse passasiers aan boord glo met dieselfde soort missiel afgeskiet het.

Die Air Algerie-vlug was op pad van Ougadougou, Burkina Faso, na Algiers, en die moontlikheid dat BUK-missiele uit Libië is gebruik is om die vliegtuig neer te skiet, kan nie uitgesluit word nie.

In 2013 is so ‘n BUK aangewend in ‘n terreuraanval op die Ain Amena-aardgasaanleg in die Algerynse Sahara. Die jihadiste het 40 Westerlinge en ander gyselaars vermoor.

Een-en-vyftig van die 110 passasiers aan boord Air Algerie 5017 was Franse burgers.

Dertien minute nadat die vlug om 09:17 opgestyg het van Ouagadougou-lughawe, het die Air Algerie vlieënier toestemming van lugverkeerbeheer in Niger versoek om ‘n “vliegtuig” in die gebied te vermy. Die ander “vliegtuig” kon ‘n grond-missiel gewees het.

Die Verenigde State van Amerika bedryf ‘n program met die kodenaam CREEKsand vanaf die militêre kant van Ouagadougou-lughawe sê Franse ontleders. Hulle stuur onbemande tuie vandaar oor die gebied.

Obama en Hillary Clinton se steun vir Libiese jihadistiese groepe in die omverwerping van Moeammar Gadaffi het gelei tot die verspreiding van wapens dwarsdeur die Sahara-streek.

Dié twee en ander lede van die Obama-administrasie dra die volle verantwoordelikheid vir die verspreiding van sulke wapentuig aan radikale groepe, aangesien hulle herhaaldelike waarskuwings daaroor geïgnoreer het.

Dit sluit ‘n paar 480 SA-24 “Grinch” draagbare stelsels, sowel as die BUK-missielstelsel in. Op 22 September 2011, het ‘n senior intelligensie-amptenaar aan The Daily Telegraph gesê: “As die SA-24 missiele in die verkeerde hande kom, sal geen burgerlike vliegtuie in die streek meer veilig teen ‘n aanval wees nie.”

NAVO, VSA waarsku Rusland om nie Russe in Oekraïne te steun nie

Rusland het die Oekraïne gewaarsku dat enige militêre optrede in die suide en ooste van die land tot ‘n burgeroorlog kan lei.

Russies-sprekende inwoners het Maandag onafhanklikheid van die Oekraïne verklaar en staatsgeboue in verskeie stede in die ooste van die land oor die naweek beset.

Die sekretaris-generaal van die Noord-Atlantiese Verdragsorganisasie, Anders Fogh Rasmussen het op sy beurt gewaarsku dat daar ernstige gevolge vir die organisasie se betrekkinge met Rusland sal wees indien Rusland nie na NAVO se pype dans nie.

Hy het gesê dit sal ‘n “geskiedkundige fout” wees as Russiese inwoners nie deel van die Oekraïne bly nie. Hy het bondgenote aangemoedig om meer wapentuig aan te koop.

Die Oekraïne se marionet-regering het intussen Russies verbied asook Russiese TV-kanale.

Rusland se geheime diens het intussen bevestig dat die berugte terroris, Dokoe Oemarof in 2014 gedood is. In die Noord-Kaukasus is honderde militante en hul ondersteuners in hegtenis geneem.

Die hoof van die FBS, Alexander Bortnikof sê die Kaukasiese Emirate se terroristeleier is “geneutralisee” ná ‘n “gevegsoperasie”.

Tsjetsjeense Oemarof is deur Rusland, die VSA en die VN-Veiligheidsraad op ‘n swartlys geplaas vir terreurdade, ontvoering, kontrakmoord en ander ernstige misdade in die Russiese Federasie.

Rasmussen het ‘n beroep op Rusland gedoen om soldate van die grens met die Oekraïne te “onttrek”. Rusland sê die aantal soldate by hul grensbasisse is nie meer as wat voorheen daar gestasioneer was nie.

Die Amerikaanse regering het die Russiese president, Wladimir Poetin, gewaarsku om nie in die oostelike deel van die Oekraïne gehoor te gee aan onafhanklikheidsverklarings nie.

Die regering in Kiëf sê die besetting van openbare geboue in die ooste van die land se nywerheidshartland is ‘n herhaling van die gebeure in die Krim.

Die skiereiland het verlede maand oorweldigend gestem om deel te word van Rusland.

‘n Withuiswoordvoerder, Jay Carney, sê indien inwoners dieselfde roete volg as in die Krim, sal dit ‘n ernstige “skending” wees. Hy het Poetin gevra om nie betrokke te raak nie.

Die VSA het verlede maand oproermakers in die Oekraïne betaal om op inwoners en die polisie te skiet op Maidanplein in Kiëf.

Deur chaos te saai, kon Amerika daarin slaag om die verkose regering mbv ‘n staatsgreep oor te neem.

China vertel Merkel dat Krim hulle nie raak nie

Met Duitsland as ‘n belangrike handelsvennoot van China, het samesprekings tans tussen Merkel en die Chinese president Xi rondom ekonomiese kwessies gehandel.

China het tydens die mediakonferensie herhaal dat hulle neutraal staan teenoor die kwessie in die Krim en dat dit hulle nie raak nie.

China oorweeg egter tans ‘n plan om die hele wêreld met ‘n netwerk van toesigsatelliete te dek.

Meer as 50 waarnemingsatelliete kan binne twee jaar in ‘n wentelbaan om die aarde wees, het die South China Morning Post berig. Dit sal die land se satelliettoesigvermoëns op ‘n gelyke voet, of groter as die van VSA plaas.

China sê die VSA se onvermoë om uitsluitsel te gee oor die verdwyning van die Maleisiese vlug MH370, noodsaak dié stap.

Tydens die Sino-Germaanse gesprekke het Duitse motorvervaardiger Daimler verklaar dat hulle onder meer die produksie van sy gesamentlike onderneming met Beijing Automotive Group sal uitbrei.

Dit is die tweede ooreenkoms van sy soort, in navolging van Daimler se mededinger BMW en sy Chinese vennoot.

Vrydag, het die Bundesbank en die Volksbank van China ingestem om ‘n verklaring van voorneme uit te reik om ‘n yuan-betalingsnodus in Frankfurt tot stand te bring.

Dit was Xi se eerste Europese besoek as president en het swaar gefokus op buitelandse beleggings.

In Frankryk, het hy met die Europese lugvaartreus Airbus ‘n kontrak ter waarde van 10 miljard euro gesluit.

Xi se beplande besoek aan Brussel is ook gesien as ‘n skuif om ekonomiese bande met die EU te versterk.

Duitsland se minister van buitelandse sake, Frank-Walter Steinmeier, het intussen gesê Duitse militêre steun aan oos-Europese lede van die Noord-Atlantiese Verdragsorganisasie of NAVO moet nie tot ‘n eskalasie lei nie.

Duitsland het in reaksie op die Krim-skiereiland se referendum gesê hulle sal AWACS-ondersteuning in Pole en Roemenië verskaf asook opleidingsvlugte in die Baltiese state.

Volgens die koerant, Der Spiegel, wil Berlyn ‘n meer “aktiewe” internasionale rol speel aangesien Duitsland se internasionale politieke invloed nie ooreenstem met hul handelsinvloed nie.

Volgens Der Spiegel is die ministerie van verdediging gereed om die getal vliegtuie te verdubbel vir versterkte lugpatrollies in dele van Oos-Europa. Frankryk en Denemarke sal ook deelneem.

Die Amerikaanse minister van buitelandse sake, John Kerry, het sy Russiese ampsgenoot, Sergei Lafrof, vir krisissamesprekings oor die Oekraïne in Parys ontmoet.

Lafrof het gesê die Oekraïne behoort ‘n nuwe grondwet op te stel wat minderheidsgroepe wat pro-Russies is, sal beskerm. Rusland wil hê dat die VSA sy imperialistiese militêre opbou in Oos-Europa en die Oekraïne moet staak.

Die vier-ure-lange samesprekings volg op telefoongesprekke tussen president Barack Obama van Amerika en Vladimir Poetin van Rusland.

Venetië stemt over onafhankelijkheid van Italië, de EU en de NAVO

Vanaf vandaag tot donderdag stemmen Venetië en de Venetianen over de onafhankelijkheid van Italië. Tegelijkertijd wordt daarmee beslist over het lidmaatschap van de EU en de NAVO. “Onafhankelijkheid of de dood”, dat is het motto van de initiatiefnemers van het referendum.

Naar het voorbeeld van Kosovo eisen de Catalanen, Schotten, Basken en de Venetianen hun onafhankelijkheid. De roep van de volkeren naar vrijheid en zelfbeschikking gaat door heel Europa en zal weldra overal te horen zijn. De weg naar een onafhankelijkheid is gemakkelijk te begaan. Volgens internationale toestemming is hiervoor slechts de toestemming van de meerderheid van de bewoners van een regio of stad nodig.

Vanaf vandaag tot donderdag willen de burgers van de stad Venetië en van de provincie Venetië stemmen over de onafhankelijkheid van Italië, evenals over de daarmee verbonden EU-uittreding en het lidmaatschap van de NAVO. De wet over het referendum werd al in 2006 aangenomen door de lokale autoriteiten. Duitstalige media hebben een nieuwsblokkade over dit referendum opgelegd. Men vreest hiermee de “doos van Pandora” te openen, zodat de vonk van de vrijheid en de vrijheidsdrang op de volkeren van Europa, vooral op de Duitsers, Zwitsers en Oostenrijkers, overspringt. Alleen Britse kranten berichten hierover.

68% van de 6 miljoen Venetianen en de bewoners van aangrenzende gebieden (viermaal zoveel inwoners als de Krim) zou voor onafhankelijkheid zijn. Uit een enquête, die door het dagblad “Corriere della Sera” in september 2012 werd uitgevoerd, bleek dit percentage zelfs 80% te zijn.

De vraag van het referendum luidt: “Wilt u dat de regio Venetië een onafhankelijke en soevereine republiek wordt?”

Als het referendum wordt aangenomen, dan willen de aanhangers van de onafhankelijkheid onmiddellijk na het einde van het referendum geen belastingen meer afdragen aan Rome.

Het eindresultaat op donderdag wordt met spanning verwacht. Waar moeten de Venetianen rekening mee houden? Zullen de Amerikanen gevechtsvliegtuigen in Oostenrijk en Albanië stationeren of vanaf het grootste militaire Amerikaanse steunpunt in het buitenland, in Kosovo, Venetië aanvallen en bombarderen? Zal de EU er opnieuw massaal politici op uitsturen en ze op het Mercato de Rialto ophitsen tot een staatsgreep?

Wordt het referendum, net zoals op de Krim, onwettig verklaard en komt de VN-veiligheidsraad bijeen? En waar is überhaupt de OVSE om te ijken of het referendum wel goed wordt uitgevoerd?

Rome heeft al aangekondigd het referendum en het zelfbeschikkingsrecht van de volkeren niet te erkennen en gedreigd met consequenties. Zal Poetin dan hulp sturen en de nieuwe Republiek Venetië bescherming aanbieden net zoals aan de bevolking op de Krim?

Het worden spannende dagen. En we kijken allemaal niet meer naar de Krim, maar naar Venetië, een van de mooiste steden ter wereld.

Bron: www.schweizmagazin.ch

VSA en VK destabiliseer die hele wêreld

Regeringsgeboue word verwoes, geplunder. Dit gebeur in Kaïro, Kiev, Bangkok, en nou in Gauteng, Suid-Afrika. Die regerings staan magteloos op die kantlyn en toekyk.

In Suid-Afrika waar die polisie wel ingryp om gewelddadige oproermakers te stuit, word hulle van “brutaliteit” beskuldig deur dieselfde opposisie wat in die eerste plek die opstande gereël het.

Wat gaan aan? Leiers wat deur populêre steun aan bewind gebring is, word deur buitelands gesteunde “opposisie”-bewegings afgedreig om die staat wat in die pad staan te oorhandig. Waar is die mooi praatjies van verkiesings, vrede en stabiliteit?

Onder wit kiesers was die ANC nog nooit gewild nie, maar daar is nie meer ‘n opposisieparty in Suid-Afrika wat uitsluitlik wit kiesers verteenwoordig nie. Onder swartes word die ANC as ‘n legitieme regering beskou wat, al word die land ‘n Zimbabwe, nog steeds legitimiteit sal behou.

Zimbabwe se Robert Mugabe word as ‘n held beskou deur swart mense regoor die kontinent, al laat hy toe dat sy land gestroop word van hulpbronne ten koste van sy eie mense.

Die afgelope tyd beleef ‘n hele paar lande ‘n baie soortgelyke werklikheid as Thailand.

Soewereine verkose regerings is wêreldwyd onder beleg van gewapende boewe, bandiete en anti-sosiale elemente, selfs deur blatante terroriste. In lande soos Zimbabwe het dié wat voordeel trek uit die plundery dit reggekry om hul agenda goed te verbloem. In lande soos Sirië is die aanstigters opsigtelik.

Die sogenaamde vlugtelingkampe wat deur NAVO op die Turks-Siriese grens gebou is, is spesiaal vir Siriese terroriste ingerig, wat gehuisves, opgelei en bewapen word om die regering omver te werp.

Wapens en kontant is daar in oorvloed.

Die terreur wat hierdie mense in hierdie histories vreedsame en verdraagsame deel van die wêreld versprei, kan skaars met woorde beskryf word.

Kinders van ‘n grensdorpie vertel van strooptogte, diefstal en geweld, selfs moord, deur die anti-Assad-“rebelle”.

In die Siriese stad Adra, die stad wat voorheen deur al-Kaida en die pro-Westerse “opposisie” geplunder en verwoes is, is mense na bewering ‘n maand gelede vermoor, gestenig, lewendig in vate verbrand en onthoof.

Maar Washington demoniseer Assad se regering en dreig weer met militêre optrede. Die sogenaamde “elite” van die opposisie is deur die Weste afgekoop sodat hulle met hul plundertog kan voortgaan.

Dít alles het in verskillende grade en met wisselende vlakke van geweld, in Thailand, Egipte, Sirië, die Oekraïne, Brasilië en Suid-Afrika gebeur.

Trouens, dit lyk asof Suid-Afrika regmaak vir ‘n tweede siklus van geweld en opstand. Dié keer oor “ekonomiese vryheid” wat die DA as ‘n “gebrek aan dienslewering” beskryf. Die oorvleueling van die twee begrippe behoort vir enige oningeligte reeds duidelik te wees.

‘n Sin vir alles-kom-my-toe word by die kritici van die regering aangewakker.

Die proses, die taktiek, is byna altyd dieselfde: Westerse media wat verkose, gewilde regerings demoniseer, dan “skandale” skep, ‘n nuwe “opposisie”-beweging bou, boewe uitkies en betaal sodat protes en uiteindelik geweld oorneem.

As die regering nasionalisties en regtig patrioties in sy verdediging van die belange van sy eie mense teen internasionale plundery is, is dit soveel te beter, want dan kan die Westerse media gal braak oor die agterlike nasionaliste wat nie “progressief” wil wees nie.

President Morsi en sy Moslem-broederskap, was ‘n bietjie te onentoesiasties oor samewerking met die Weste en die IMF. Hulle het nooit regtig “nee” gesê nie, maar die NWO vereis deesdae totale, onvoorwaardelike gehoorsaamheid, en opregte slawe.

Tensy die regerings in ontwikkelende lande soos die Filippyne, Indonesië, Uganda of Rwanda, nie ‘n duidelike boodskap aan Washington en Londen stuur betreffende hul onderdanigheid nie, staar hulle totale uitwissing in die gesig.

Totale verwoesting het Irak, Libië, Afghanistan, Viëtnam, Kambodja en Laos, wat sonder genade tot oorgawe gebombardeer is, tot die steentydperk laat terugkeer.

Dan is daar Nicaragua, Grenada, Panama, die Dominikaanse Republiek en Demokratiese Republiek van die Kongo, met sy oorvloed natuurlike hulpbronne.

Maar ten spyte van dít alles het die mense van Thailand gaan stem en handgemeen geraak met diegene wat probeer het om stemlokale te sluit.

En in die Oekraïne, ondersteun die meerderheid nog steeds hul regering.

En die jihadi-kaders is nog nie in beheer van Sirië nie.

In baie dele van die wêreld het hulle reeds besef wie hul werklike vyande is.

VSA druk vir sanksies teen Oekraïene

Die VSA oorweeg die moontlikheid van sanksies teen die Oekraïne weens beweerde gewelddadige optrede teen opposisie-betogings.

Die woordvoerder van die Amerikaanse departement van buitelandse sake, Jen Psaki sê die VSA is weer in gesprek met Europese lande en die Internasionale Monetêre Fonds oor moontlike optrede.

Sanksies teen die Oekraïene word nie uitgesluit, nie het sy sesê.

Psaki sê die Amerikaanse assistent-sekretaris van buitelandse sake Victoria Nuland het die afgelope dae samesprekings gevoer met sowel die betogers as die Okraïense leiers.

Die VSA het reeds herhaaldelik gevra vir dialoog te midde van die toenemende spanning tussen die Oekraïense regering wat Russies-gesind is, en die betogers wat glo Europees-gesind is.

Die betogers word uit die VSA en Brittanje befonds.

Korrupsie bedreig VN-vredesendings

Korrupsie bedreig die sukses van die Verenigde Nasies se vredesendings regoor die wêreld, volgens ‘n nuwe verslag.

Die verslag van Transparency International identifiseer gebiede waar korrupsie alledaags geword het, veral met in die veld bedrywighede .

Dit verwoord ook die noodsaaklikheid vir die organisasie en die lidlande vir ‘n ernstige bespreking oor hoe om die probleem aan te spreek.

Die verslag identifiseer 28 tipes van korrupsie wat dreig om vredesendings te kelder, met die klem spesifieke gevalle van omkopery, die onreëlmatige verkryging en verkoop van bates, bedrog, diefstal en selfs seksuele aanranding gepleeg deur VN-personeel.

Die Programdirekteur van Transparency International Mark Pyman sê hulle wil die stryd teen korrupsie deur die Veiligheidsraad van die resolusies aanvoer.

Die voorsitter van die raad van direkteure Haguette Labelle verduidelik dat die risiko van korrupsie hoog is as groot hulpbronne betrokke is sowel as druk om vinnig te lewer.

Die skrywers van die verslag sê die onderwerp kry nie genoeg aandag op die oomblik nie en dat ‘n blinde kol oor korrupsie ‘n ernstige fout is.

Die verslag doen ‘n beroep vir die aanstelling van senior personeel in al missies om verantwoordelikheid vir die integriteit waar nodig te aanvaar, asook ondersoekbeamptes in groter missie soos die DRK waar kwessies wat ontstaan dadelik hanteer kan word.

Sir Stewart Eldon, voormalige Britse ambassadeur in Noord-Atlantiese Verdrag Organisasie ( NAVO ) en ‘n senior adviseur vir Transparency sê: “Die veranderende karakter van internasionale konflik en die probleme wat deur die internasionale gemeenskap in die gesig gestaar word, toon vir ons dat korrupsie word toenemend ‘n belangrike onderliggende element in baie van hulle, so die onderwerp is die moeite werd om aan aandag te skenk in die konteks van vrede en ander internasionale ingrypings.”

Libië staar oor die afgrond

‘n Bietjie minder as twee jaar gelede het Philip Hammond, die Verdedigingsekretaris, Britse sakemanne uitgenooi om te deel in die heropbou van Libië en die verwagte aanvraag in natuurlike hulpbronne te ontgin .

Libië het egter intussen feitlik heeltemal die produksie van olie laat vaar omdat die regering beheer verloor het oor groot dele van die land .

Muiters het die olieterminale op die Middellandse See oorgeneem en verkoop ru-olie op die swart mark in weerwil van die regering se dreigemente dat hulle enige tenkers wat dit dra, sal bombardeer.

Die wêreld se aandag is gefokus op die staatsgreep in Egipte en die gifgasaanval in Sirië oor die afgelope twee maande. Libië wat tans gedompel is in sy ergste politieke en ekonomiese krisis sedert die nederlaag van Gaddafi twee jaar gelede, is heeltemal vergete.

Regeringsgesag is besig om te disintegreer in alle dele van die land.

Stellings deur Amerikaanse, Britse en Franse politici dat NAVO se militêre optrede in Libië in 2011 ‘n uitstekende voorbeeld van ‘n suksesvolle buitelandse militêre ingryping is wat in Sirië herhaal behoort te word, klink teen hierdie agtergrond waansinnig.

Libië se gesogte hoëgehalte ru-olie het van 1,4 miljoen vate per dag vroeër vanjaar tot net 160,000 vate per dag teruggesak.

Libiërs is toenemend aan die genade van krygshere wat optree buite die wet oorgelaat.

Die internasionale gemeenskap ïgnoreer die toenemende geweld. Die buitelandse media, wat eens die hotelle van Benghazi en Tripoli volgepak het, het heeltemal belangstelling verloor in die naderende ineenstorting van die sentrale regering.

Buitelanders het gevlug uit Benghazi sedert die Amerikaanse ambassadeur, Chris Stevens, vermoor is in die Amerikaanse konsulaat verlede September toe hy wapens na Sirië probeer smokkel het.

Anargie heers oral in die hoofstad. Die regering het ‘n beroep op die Veiligheidsmagte gedoen, bestaande uit voormalige anti-Gaddafi-groepe om orde te herstel.

Diplomate het reeds onder skoot gekom in Tripoli met die EU-ambassadeur se konvooi wat in ‘n lokval gelei is buite die Corinthiahotel op die waterfront . ‘n Bomaanval het die Franse ambassade vernietig.

Een van die talle mislukkings van die post-Gaddafi regering is sy onvermoë om die sterwende ekonomie te laat herleef. Libië is geheel en al afhanklik van sy olie- en gasinkomste en sonder hierdie sal die owerheid nie in staat wees om sy staatsamptenare te betaal nie.

‘n Lid van die parlementêre komitee oor energie, het aan Bloomberg gesê dat “die regering op sy reserwes staatmaak. As die situasie nie verbeter nie, sal hulle nie in staat wees om salarisse te betaal teen die einde van die jaar nie.”

VSA probeer burgerlike sterftes in Afghanistan bekamp

Die bevelvoerder van Amerikaanse en NAVO-troepe in Afghanistan het nuwe reëls bekendgemaak nadat spesmagte in ‘n reeks mislukte operasies die lewens van talle burgerlikes geëis het.

Twee verwagtende vroue en ‘n tienermeisie is onlangs in ‘n nagaanval gedood deur Amerikaanse spesiale magte.

Generaal Stanley McChrystal het toegegee dat troepe wat aan verskillende bevelstukture onderworpe is, soms in mekaar se pad kom.

Hy het aan The New York Times gesê almal probeer hul bes, maar dikwels is die uitkoms nie die gewensde een nie.

Die meeste spesiale troepe sal voortaan onder dieselfde beheer staan. Hy sal ook die verantwoordelikheid aanvaar vir missies wat tot burgerlike sterftes lei.

NAVO meen Generaal McChrystal se inisiatief sal tot beter koördinasie lei.

Generaal David Petraeus was tot op hede die bevelvoerder van die spesmagte wat hulle skuldig gemaak het aan die ergste vergrype.

Die nuwe reëls sal slegs op militêre personeel van toepassing wees.

Die CIA sal, soos voorheen, direk aan Langley in Virginia, die VSA-hoofkantoor van die organisasie, rapporteer.

Sal die NAVO-inisiatief werklik kernwapens verminder?

NAVO se sekretaris-generaal Anders Fogh Rasmussen glo Rusland moet deelneem aan die Konvensionele Magteverdrag. KMV, in Europa.

Rasmussen wil dié kernsperinisiatief met 28 lede van die Alliansie bespreek. Die verdrag sal volgens NAVO die volume kernwapens in die wêreld verminder na wat aanvaarbare vlakke vir hedendaagse bedreigings is.

Die KMV is op 19 November 1990 in Parys onderteken tussen NAVO en die Warskou-pakt wat ondertussen ontbind is.

Dié dokument het die aantal wapen tussen die twee strydende blokke beperk na nie meer as 40,000 tenks, 60,000 gepantserde voertuie, 40,000 swaar artilllerie-eenhede, 13,600 vegvliegtuie en 4,000 aanvalshelikopters nie. Die getalle is daarna weer gedurende dieselfde dekade hersien.

Met die ontbinding van die Sowjet-Unie is ‘n nuwe verdrag in 1992 onderteken wat Rusland beperk het tot 6,400 tenks, 11,480 pantsers, 6,415 artilleriestelsels, 3,450 vliegtuie and 890 helikopters.

Alhoewel Azerbaijan en Georgië die verdrag onderteken het, het Litoue, Letland en Estland dit nie bekragtig nie.

Intussen het Pole, Tsjeggië en Hongarye ook by NAVO aangesluit, ten spyte van beloftes dat NAVO nie oos sal uitbrei nie.

Dit het veranderinge in die KMV meegebring wat tydens ‘n spitsberaad op 19 November 1999 in Turkye besleg is.

Daarmee het NAVO-lidlande se kwota wapentuig aansienlik toegeneem, terwyl Rusland s’n dieselfde gebly het.

NAVO-lede kon 19,096 tenks, 31,787 pantsers, 19,529 artilleriestelsels, 7,273 vliegtuie and 2,282 helikopters aanhou.

Dit is later verhoog toe Bulgarye, Roemenië, die Baltiese state en Slovenië by NAVO aangesluit het.

Die Baltiese state weier steeds om die KMV te bekragtig wat kan veroorsaak dat hulle as wapenstore kan gebruik word met onbeperkte wapentuig en dit binne ‘n reikafstand van 500km van Moskou en slegs 200km van St Petersburg.

Die besluit van die VSA in 2007 om ‘n missielafweerstelsel bykomend in Pole en Tsjeggië op te rig, het dus konsternasie in Rusland veroorsaak.

Dié verwikkelinge het Rusland in 2007 laat onttrek uit die KMV aangesien dit duidelik was dat sekere lede van die verdrag nie van plan was om daarby te hou nie.

Rusland het intussen ‘n nuwe verdrag voorgestel, een wat meer ewewigtig is, maar dit is deur NAVO afgewys wat aandring op die ou ooreenkoms.

лестницу на

NAVO en EU moet waak teen kuberaanvalle

Dringende waarskuwings is aan NAVO en die EU gerig om besonder waaksaam te wees oor geheime intelligensiemateriaal nadat kuberaanvalle uit China glo toegeneem het.

Onlangse aanvalle het regerings- sowel as militêre instellings in die VSA geraak en kenners meen die Weste is nie werklik gestaal daarteen nie.

Veral die Europese Unie is kwesbaar as kuberveiligheid aan lidlande oorgelaat word, meen kenners.

Diplomatieke bronne in NAVO sê Chinese aanvalle vind toenemend op ‘n gereelde basis plaas.

In die VSA is ‘n amptelike verslag Vrydag bekend gestel waarin daar geraam word dat die aantal aanvalle op die Kongres en ander regeringsinstansies bykans 1,6 miljard elke maand beloop.

Die Chinese kuberpenetrasie in sleutelposte van die EU en NAVO het die normale vloei van intelligensie streng beperk.

Die Britse Kantoor vir Kuberveiligheid by die Kabinetskantoor in Londen sê daar is twee soorte aanvalle. Die eerste soort is om die stelsel lam te lê en die tweede om te gaan “visvang” vir sensitiewe inligting.

‘n Spesiale kantoor word tans by die Britse hoofkommunikasiekantoor, die GCHQ in Gloucestershire, ingerig om die groeiende bedreiging aan te spreek. Hulle sal teen die einde van die maand operasioneel wees.

Volgens veiligheidskenners kyk die Chinese na sake soos wapenverkope, kernsperinligting, Tibet en energie.

‘n Britse veiligheidkenner meen die traagheid van Europa om inligting met die VSA uit te ruil, maak hulle meer kwesbaar omdat hulle nie op standaard is nie.

Die direkteur-generaal van MI5, Jonathan Evans, het in 2007 gewaarsku dat verskeie lande betrokke is in grootskaalse kuberaanvalle.

Robert Mueller, FBI-direkteur, het verlede week gewaarsku dat Al Kaida in die toekoms ‘n soortgelyke bedreiging kan inhou en sal binnekort “fisiese aanvalle met kuberaanvalle kombineer”.

Die VSA het verlede jaar die Office of Cyber Security opgerig met kubertsaar Howard Schmidt aan die spits om die Amerikaanse regeringsrekenaars te bewaak.

Dit is nie bekend of die Britte deelneem aan kuberaanvalle nie.

Kenners sê daar is ‘n onderskeid tussen sulke aanvalle en die inligtingsoorlog wat daagliks woed.

топкарго

Taliban-aanval op Kaboel

Vyf mense, waarvan een ‘n burgerlike kind is, is in ‘n Talibanaanval in Kaboel gedood, asook vier van die aanvallers. Twee was selfmoorbomaanvallers.

Die aanval het gevolg te midde van Amerikaanse voerwerk om die NAVO-magte in Afganistan aansienlik uit te brei, en die inhuldiging van ‘n paar ministers deur pres Hamid Karzai wie se aanstellings deur die parlement verwerp is. Verskeie van die ontploffings en gevegte was in die omgewing van regeringsgeboue, wat die presidensiële paleis insluit.

Bron: Montana Standard

Nederlanders bly gekant teen Navo-missie in Afganistan

Die jongste peiling onder Nederlanders toon dat die persentasie wat die Navo-operasie in Afganistan steun, effens toegeneem het. Altesaam 37 persent steun nou die militêre ekskursie teenoor 33 persent in 2008.

Onlangs is nog berig dat die Nederlandse kabinet erg verdeeld is oor Navo se versoek om meer troepe beskikbaar te stel. Navo het ‘n bykomende 7 000 troepe uit 25 lande (nie almal Navo-lede nie) vir pres. Barack Obama se uitbreidingsplanne van 30 000 troepe beloof.

Associated News Press, wat oor die jongste peiling berig, noem nie hoekom gemeen word dat ietwat meer Nederlanders nou die Afgaanse uitstappie steun nie. Sommige bronne meen dat dit verband hou met die feit dat die vorige meningspeiling in die bewindstyd van pres. George W. Bush gedoen is, en die jongste terwyl die afname in pres. Obama se gewildheid in die VSA nog nie na Europese lande waar sy gewildheid hoogty vier, deurgewerk het nie.

Die peiling toon wel dat hoewel sowat 60 persent Nederlanders teen die oorlogspoging in Afganistan is, is ongeveer net soveel ten gunste van Navo-operasies buite Europa in die algemeen.

сайт детской одежды

‘VSA kan oor twee jaar misluk in Afghanistan’

David Kilcullen, 'n teeninsurgensiekenner, wat as een van generaal Stanley McChrystal se topadviseurs oor Afghanistan dien, is uiters krities oor die hantering van die oorlog.

Hy het Donderdag by die U.S. Institute of Peace kritiek gelewer oor die manier waarop die VSA die oorlog benader.

In 'n verslag wat opgestel is om die stand van die VSA en NAVO se betrokkenheid te ontleed, sê Kilcullen dit kan oor twee jaar duidelik raak of die VSA gaan misluk of nie.

"Ons gaan twee jaar veg en 'n suksesvolle oorgawe sien, of ons gaan twee jaar veg en dan verloor en huiswaarts keer," het hy gesê.

Die oorsig van Kilcullen kan tot verdere druk op Obama lei om nog troepe na Afghanistan te stuur, bykomend tot die groter aantal soldate, 21 000, waartoe reeds hierdie jaar ingestem is. Daar is tans 68 000 Amerikaanse soldate in Afghanistan.

Die Pentagon het reeds, soos die verslag aan die hand doen, weggedoen met die burokrasie en 'n nuwe, uiters veilige oorlogskamer opgerig waar 'n multidissiplinêre benadering geld.

Kilcullen sê die VSA het goeie redes om in Afghanistan te wees, maar om globale terrorisme te stuit is nie een van hulle nie. Die vernaamste rede om te bly is omdat die VSA belowe het om die mense daar te beskerm, om die toekoms van NAVO te verseker en om te verhoed dat Pakistan uiteindelik 'n kernmoondheid word.

Die adviseur het nagelaat om te noem dat die VSA tans presies Brittanje se koloniale strategie wat meer as 'n eeu oud is, in Afghanistan volg. Daarvolgens word die bedreiging steeds in Afghanistan as 'n globale een voorgestel en die gevaar van die Taliban oordryf.

Winston Churchill was die man wat destyds verantwoordelik was vir hierdie benadering. Dat die Taliban hoegenaamd nie met Al Kaida verbind kan word nie, het ook nie die VSA tot dusver gekeer om die stryd buite sy grense voor te stel as sou dit wêreldvrede bedreig nie.

Die Taliban volg, volgens Kilcullen, 'n klassieke insurgensiestrategie waar die swakker mag toeslaan en dan onttrek om direkte konfrontasie te vermy. Dit put die energie en reserwes van die VSA op die lang duur uit.

для бани