Regeringsgeboue word verwoes, geplunder. Dit gebeur in Kaïro, Kiev, Bangkok, en nou in Gauteng, Suid-Afrika. Die regerings staan magteloos op die kantlyn en toekyk.
In Suid-Afrika waar die polisie wel ingryp om gewelddadige oproermakers te stuit, word hulle van “brutaliteit” beskuldig deur dieselfde opposisie wat in die eerste plek die opstande gereël het.
Wat gaan aan? Leiers wat deur populêre steun aan bewind gebring is, word deur buitelands gesteunde “opposisie”-bewegings afgedreig om die staat wat in die pad staan te oorhandig. Waar is die mooi praatjies van verkiesings, vrede en stabiliteit?
Onder wit kiesers was die ANC nog nooit gewild nie, maar daar is nie meer ‘n opposisieparty in Suid-Afrika wat uitsluitlik wit kiesers verteenwoordig nie. Onder swartes word die ANC as ‘n legitieme regering beskou wat, al word die land ‘n Zimbabwe, nog steeds legitimiteit sal behou.
Zimbabwe se Robert Mugabe word as ‘n held beskou deur swart mense regoor die kontinent, al laat hy toe dat sy land gestroop word van hulpbronne ten koste van sy eie mense.
Die afgelope tyd beleef ‘n hele paar lande ‘n baie soortgelyke werklikheid as Thailand.
Soewereine verkose regerings is wêreldwyd onder beleg van gewapende boewe, bandiete en anti-sosiale elemente, selfs deur blatante terroriste. In lande soos Zimbabwe het dié wat voordeel trek uit die plundery dit reggekry om hul agenda goed te verbloem. In lande soos Sirië is die aanstigters opsigtelik.
Die sogenaamde vlugtelingkampe wat deur NAVO op die Turks-Siriese grens gebou is, is spesiaal vir Siriese terroriste ingerig, wat gehuisves, opgelei en bewapen word om die regering omver te werp.
Wapens en kontant is daar in oorvloed.
Die terreur wat hierdie mense in hierdie histories vreedsame en verdraagsame deel van die wêreld versprei, kan skaars met woorde beskryf word.
Kinders van ‘n grensdorpie vertel van strooptogte, diefstal en geweld, selfs moord, deur die anti-Assad-“rebelle”.
In die Siriese stad Adra, die stad wat voorheen deur al-Kaida en die pro-Westerse “opposisie” geplunder en verwoes is, is mense na bewering ‘n maand gelede vermoor, gestenig, lewendig in vate verbrand en onthoof.
Maar Washington demoniseer Assad se regering en dreig weer met militêre optrede. Die sogenaamde “elite” van die opposisie is deur die Weste afgekoop sodat hulle met hul plundertog kan voortgaan.
Dít alles het in verskillende grade en met wisselende vlakke van geweld, in Thailand, Egipte, Sirië, die Oekraïne, Brasilië en Suid-Afrika gebeur.
Trouens, dit lyk asof Suid-Afrika regmaak vir ‘n tweede siklus van geweld en opstand. Dié keer oor “ekonomiese vryheid” wat die DA as ‘n “gebrek aan dienslewering” beskryf. Die oorvleueling van die twee begrippe behoort vir enige oningeligte reeds duidelik te wees.
‘n Sin vir alles-kom-my-toe word by die kritici van die regering aangewakker.
Die proses, die taktiek, is byna altyd dieselfde: Westerse media wat verkose, gewilde regerings demoniseer, dan “skandale” skep, ‘n nuwe “opposisie”-beweging bou, boewe uitkies en betaal sodat protes en uiteindelik geweld oorneem.
As die regering nasionalisties en regtig patrioties in sy verdediging van die belange van sy eie mense teen internasionale plundery is, is dit soveel te beter, want dan kan die Westerse media gal braak oor die agterlike nasionaliste wat nie “progressief” wil wees nie.
President Morsi en sy Moslem-broederskap, was ‘n bietjie te onentoesiasties oor samewerking met die Weste en die IMF. Hulle het nooit regtig “nee” gesê nie, maar die NWO vereis deesdae totale, onvoorwaardelike gehoorsaamheid, en opregte slawe.
Tensy die regerings in ontwikkelende lande soos die Filippyne, Indonesië, Uganda of Rwanda, nie ‘n duidelike boodskap aan Washington en Londen stuur betreffende hul onderdanigheid nie, staar hulle totale uitwissing in die gesig.
Totale verwoesting het Irak, Libië, Afghanistan, Viëtnam, Kambodja en Laos, wat sonder genade tot oorgawe gebombardeer is, tot die steentydperk laat terugkeer.
Dan is daar Nicaragua, Grenada, Panama, die Dominikaanse Republiek en Demokratiese Republiek van die Kongo, met sy oorvloed natuurlike hulpbronne.
Maar ten spyte van dít alles het die mense van Thailand gaan stem en handgemeen geraak met diegene wat probeer het om stemlokale te sluit.
En in die Oekraïne, ondersteun die meerderheid nog steeds hul regering.
En die jihadi-kaders is nog nie in beheer van Sirië nie.
In baie dele van die wêreld het hulle reeds besef wie hul werklike vyande is.
Daar is die baie insiggewende insigte van Michel Chussodovsky, sy artikels wat gereeld op Global Research verskyn. Chussodovksy is geen vriend van die “Boere” nie, lees maar wat hy oor ons te sê het ivm die sogenaamde SACADA-projek waarby TLU SA, Constand Viljoen en Dries Bruwer betrokke is of was. Hy voer aan die SACADA-projek is ten behoewe van die korporatiewe elite uitgevoer. Nietemin, Chussodovsky skryf oor ‘n “langoorlog” wat die Amerikaanse regering, deesdae in samewerking met NAVO, al sedert WO2 voer ten einde die Amerikaanse empaaier in beheer van die wêreld te hou. Hy haak ook Israel by die spulletjie aan. Dit vorm alles deel van die sogenaamde Truman-doktrine. Chossudovksy meld vyf (?) internasionale oorlogsteaters nou met Sirië een van die brandpunte. Dit lyk asof ons in die geval van die Suid-Afrikaanse Rewolusie (NDR) van ‘n “lang-rewolusie” sal moet skryf, dit is nou na aanleiding van hierdie “langoorlog” wat die Amerikaners al voor Hirosjima, Nagasaki en Dresden voer ten einde die ekonomiese en politieke oppergesag te behou.
As dit nie polemies is nie wonder ek wat sal wees.
Dankie vir die gepaste artiekel.
Alles begin in die VK, die VSA is net die oorlog masjien van die VK, Die twee lande gaan die wereld na WW3 lei in die baie nabye toekoms, dit gaan n nuke oorlog wees wat Rusland en Sjina en Europa insluit.
VSA met behulp van die slang Kerry en die EU wil op die voorstoep van Rusland uitkamp met missiele, Kiev word in die VSA georkestreer, die westerse media is die wereld se terroriste goed gesind.
Obama is die spreekbuis en verhoog kunstenaar van die tannie in die paleis.
Die kans dat die tannie binnekort gaan aankondig dat ww3 hier is, is baie groot.
http://www.youtube.com/watch?feature=player_embedded&v=ci_ZMzX2S9A
Die bostaande berig het my vermoede bevestig dat iets groter agter hierdie onluste is as wat werklik besef word.
Ek weet nie van ‘n land waar die VSA met hulle kriminaliteit betrokke is / was rehabiliteer het, dat die burgers van daardie betrokke lande beter af is nie.
Baie goed raakgevat. Die politieke en ekonomiese onstabiliteit, plaaslik en internasionaal, vind nie toevallig plaas nie. Dit is maar net die resultate van fyn uitgewerkte planne om die wereld bevolking, as ‘n geheel, in ‘n nuwe tydperk van ongekende slawerny in te lei. Enigiets wat net ruik na nasietrots, onafhanklikheid of selfstandigheid, sal summier vernietig word. Selfbeskikking sal nooit kan verwesenlik in die huidige politieke klimaat nie, al gryp sommige na strooihalm voorbeelde soos Suid-Soedan om die teendeel te probeer bewys. Geforseerde samesmelting (bv. multi kulturele samelewings) is eerder op die agenda.
Die nuwe slawemeesters is natuurlik terdee bewus dat daar groot teenkanting teen die implementering van hulle planne in die verskillende lande sal wees, maar net soos wat die prooi van ‘n luislang ook futiel probeer veg teen die krag in daardie kronkelende lyf, so sal dit ook vir die opstandiges wees wat hulle probeer verset; futiele pogings
Dit wat om die draai wag, kan met niks vergelyk word uit die verlede nie; jy sal smeek vir die dood, maar die dood sal nie kom nie.
Westerse media wat verkose, gewilde regerings demoniseer, dan “skandale” skep, ‘n nuwe “opposisie”-beweging bou, boewe uitkies en betaal sodat protes en uiteindelik geweld oorneem. – Dis hoekom ek Pres Jacob wil ondersteun, Karin.
In baie dele van die wêreld het hulle reeds besef wie hul werklike vyande is. – Maar nie ons in SA nie. Alle Afrikaners ook anti-Zoeloe Zuma.
Dat die VK en veral die VSA die wêreld destabiliseer ten einde in die troebel waters te kan visvang is seker. Tog is daar sosiale en politieke onrus EN sosiale en polititeke onrus en almal kan nie oor dieselfde kam geskeer word nie. In ‘n derde wêreldland soos Suid-Afrika is politieke onrus dikwels net ‘n rookskerm vir hordes barbare om te plunder en te roof. Nietemin is daar wel tekens dat die swartes soms tog ook betoog en agiteer vir geregverdigde griewe bv. oor die powere dienslewering van korrupte plaaslike regerings soos ook duidelik bleik uit talle praag berigte.
In baie Europese lande is daar toenemde verset teen ‘n opeenvolging van hulpelose en hopelose regerings wat hulle bevolkings bedrieg en uitmergel ter bereiking van bedenklike en fantasmagoriese ideologiese oogmerke en hulle lande in ‘n toenemende ekonomiese, sosiale en politieke chaos dompel. Instede van hulle besig te hou met die haglikse ekonomiese situasie in hulle lande, asook met die grootskaalse immigrasie van fortuinsoekers en “asielsoekers”met die gepaardgaande aberrasies van mensehandel, prostusie, dwelms en allerlei kriminalitiet, bemoei Europese regerings hullle met sake soos homoseksuele huwelike, aborsie, surogaatmoederskap vir homoseksuele, proefbuisbabas vir lesbiërs, en werklike of vermeende “rasssime” en “anti-semitisme”. Groot dele van die Europese samelewing is gewoon sat hiervan, is in verset hierteen en gee dit te kenne deur middel van, grootliks beskaafde, agitasie in die vorm van ondermeer massabetogings . Hier is daar weinig sprake van ‘n ” beleg van gewapende boewe, bandiete en anti-sosiale elemente en selfs blantante terroriste “.
Ditr is natuurlik so dat daar in Europa wel ook grootskaalse vandalisme voorkom van (meesal derdewêreldse ) barbare wat op groot skaal motorkarre verbrand op Kersfees en Nuwejaar, winkelvensters breek en beroof, maar dis iets heeltemal anders.
Ook moet in belang van objektiwiteit opgemerk word dat van die politieke en sosiale agitasie wat wêreldwyd geskied en waarvan in in die artikel melding gemaak word, geskied teen bewinde wat inherent korrup, selfverrykend en onderdrukkend is. Die Suid-Afrikaanse regering is een hiervan. U sou tog nie beswaar hê dat teen die Suid-Afrikaanse regering geagiteer word nie!