praag.co.za

Tag: protes

  • Brief: Afrikaner-afgrond?

    Brief: Afrikaner-afgrond?

    Mnr. FW de Klerk en die Nasionale Party het die beloftes oor magsdeling vir die Nuwe Suid-Afrika nie nagekom nie. Daar is swak onderhandel tydens die KODESA-samesprekings en die Afrikaner het na afloop daarvan aan die korste end getrek. Die ANC sou op die basis van een-man-een-stem alle mag in Suid-Afrika inpalm. Die Afrikaner establishment saam met die hoofstroom media het egter die grootste deel van die Afrikaner bevolking gepaai en dit is sonder veel weerstand so aanvaar.

    Die mislukking van hierdie poging tot sogenaamde demokrasie is nou in 2020 vir meeste mense duidelik. As ons kyk hoe die Skepping kreun onder die rommel, die wydverspreide korrupsie en om nie eers te praat van die derduisende mense wat vermoor, verkrag en beroof is sedert 1994 nie, is dit genoeg om in sak en as te wil gaan sit.

    Ons mag egter nie verslaan voel nie. Ja, Mnr. de Klerk en sy gevolg het ons verraai. Ons is gereduseer tot tweedeklasburgers in ‘n derdewêreldland wie se kultuur, taal en bestaan daagliks bedreig word. Wat staan ons nou te doen? Hier is sewe voorstelle.

    1. Fokus op die toekoms. Aan die verlede kan ons niks doen nie. Baie mense is mislei en voel verneuk. Die Groot Regter sal wel eendag kom en daar sal Geregtigheid wees. Dit is ons troos. Weet egter dat u en ek ook onsself sal moet verantwoord. Ons moet hand aan die ploeg slaan en ‘n nuwe dag tegemoet gaan.
    2. Veiligheid. Met ‘n al krimpende ekonomie gaan misdaad net verder toeneem. Ons kan dit egter beperk deur veiligheidstrukture in ons woongebiede op te rig. Óns is nou verantwoordelik vir ons veiligheid. Die staat het daarin gefaal om sy burgers te beskerm. Sluit aan by ‘n buurtwag of plaaswag. As daar nie een is nie, stig een. Die onus rus op jou. Niemand gaan dit doen as jy dit nie self doen nie. ‘n Gemeenskapsveiligheidstruktuur is ‘n wettige manier om jouself en jou geliefdes te beskerm. Vir meer inligting lees gerus Roland de Vries se boek Veiligheid vir die Gemeenskappe.
    3. Ekonomie. Daar lê ekonomiese swaarkry vir ons voor. Veral nou na die staat van inperking. Die skrif is aan die muur. Ons sal ons eie mikro-ekonomieë tot stand moet bring om te kan oorleef. Stig ‘n sakekamer in jou dorp of gemeenskap. Laat die Boerebesighede koppe bymekaar sit en planne maak om te verseker dat die plaaslike ekonomie staande bly of selfs groei. Ondersteun plaaslike Afrikanerbesighede al is hulle bietjie duurder. Ons het mekaar nodig om te oorleef, so probeer om elke Afrikaner op jou dorp te hou. Dit is nie onmoontlik om met inisiatief en ywerige hande armoede hok te slaan nie.
    4. Boikot. Laat hoe en waar ons ons geld bestee ‘n weerspieëling wees van ons waardes. Moenie Groot Besigheid en korporasies ondersteun wat nie jou belange op die hart dra nie. In ‘n gulsige poging om meer wins te maak ondersteun hulle globalisering en multikulturalisme? Dan moet jy nie van hulle produkte en dienste gebruik maak nie. Dit mag dalk minder gerieflik wees, maar darem sal jy nie jou eie ondergang finansier nie. Die laaste ding wat Groot Besigheid wil hê is selfstandige gemeenskappe wat na hulle eie behoeftes omsien. Hulle verkies eerder homogene identiteitlose verbruikers wat hulle maklik kan manipuleer. As jy orals hoort, dan hoort jy nêrens nie en sal jy slegs gedefinieer word deur die handelsmerk wat jy dra. Moenie hulle ondersteun nie. Dieselfde geld vir die media wat jy gebruik. Probeer ‘n radio- of TV-program stadig maar seker vreemde verhoudings te normaliseer? Om eerder hulle eie multikulturele propaganda aan jou op te dis as ‘n eerlike weerspieëling van ons gemeenskappe? Sit dit af. Dit is breinspoeling. Dink jy dit is per ongeluk? Hulle is besig om jou kultuur met ‘n lae dosis gif te vernietig. Moenie dit duld nie! Die internet is ons redding. Daar is baie konserwatiewe alternatiewe op die web. Ondersteun eerder hulle.
    5. Protesteer, Protestant. Protesteer! Die Afrikaner het ‘n ryk erfenis van verset. Skrifgetroue, beskaafde verset. ‘n Nederige weersin in verdrukking. Hetsy ons Europese voorouers wat nie die knie gebuig het voor die Katolieke Kerk nie, hetsy ons Boerevoorouers wat eerder weggetrek het van en later geveg het teen Britse Imperialisme. Nooit het ons gepoog om ‘n bestel omver te werp nie (dit sou teen ons Calvinistiese aard indreun) ons het eerder gepoog om dit te reformeer. Om ons samelewing volgens die Skrif te rig. Daarom maak jou stem dik. As die media weekliks honderde briewe ontvang van Afrikanermisnoeë, sal hulle gehoor móét gee. Ons moenie meer tevrede wees met polities korrekte drek wat in ons keelgate afgedruk word nie. As Afrikaners handhaaf ons ‘n hoër standaard. Laat jou stem geld. Ons moet ook die buiteland oorreed om glad nie meer in Suid-Afrika te belê nie. Hoe minder geld die ANC het om sy oneerlike planne uit te voer, hoe beter.
    6. Organiseer. Sluit by organisasies aan wat Afrikanerbelange bevorder. Moet egter nie dink jy kan net maandeliks ‘n finansiële bydrae lewer en agteroor sit nie. Raak betrokke op grondvlak. Reël self gemeenskapsinisiatiewe om julle woonbuurte skoon te maak van rommel, om by die skool Christelike onderwys te verseker, ens. Wees ook krities teenoor die organisasies wat sê dat hulle Afrikanerbelange bevorder. Strook hulle beleid nog steeds met jou waardes of speel hulle dalk nou ook ‘n politieke spel? Ruk hulle in die bek. Te veel Afrikanerorganisasies beywer hulle nou vir transformasie en wil inklusief vir almal en alles wees
    7. Selfbeskikking. Ondersteun selfbeskikkingsorganisasies soos die Verenigde Vryheids Alliansie (VVA) wat hulle beywer vir die sessering (afstigting) van die minderheidsgroepe in Suid-Afrika. Gee jou mandaat op www.ulacongress.com. As hulle twee miljoen stemme kry, dan maak die internasionale reg voorsiening dat ons kan afstig. Daar is ander organisasies ook. Selfbeskikking sal ons oorlewing verseker.

    Dit sal goed wees as lesers nog self ‘n paar voorstelle kan byvoeg. Ons moet saamstaan, ons is Afrikaners! Ek en jy het nie besluit ons gaan Afrikaners wees nie, die Goeie Vader het ons hier aan die suidpunt van Afrika geplaas. Met goeie rede. Ons het ‘n taak om te verrig. Ons moet sorg dat ons gemeenskappe die teelaarde is vir Sy Koningryk. Mag Hy ons genadig wees en ons behoed, sodat ons Sy Wil kan laat geskied, nog vir geslagte aaneen.

    —Albert de Villiers

  • Republikeine ontdek geheime fonds vir linkse pro-immigrasie aktiviste

    Republikeine ontdek geheime fonds vir linkse pro-immigrasie aktiviste

    Opregte linkse selflose voetsool-aktiviste of gewone parasiete? Dit is die vraag wat in opgekom het toe die Amerikaanse kongresondersoekers in Maart vanjaar ontdek het dat die Obama-administrasie miljarde dollars aan linkse aktivistiese organisasies geskenk het deur ‘n korrupte geknoeiery by die Amerikaanse Departement van Justisie.

    “Dit is duidelik dat partypolitiek ‘n rol gespeel het in die onwettige aksies wat begaan is,” het die Republikeinse wetmaker John Ratcliffe van Texas gesê. Hy het aan Fox News gesê: “Die DOJ is die laaste plek wat dit moes plaasgevind het.”

    Die skema is in geheimhouding gehul terwyl fondse in ‘n doolhof van nie-winsgewende fronte gevloei het na die sogenaamde voetsool-aktiviste. Judicial Watch se Tom Fitton het aan Fox News gesê: “Dis afpersing. Dit is korrupsie, suiwer en eenvoudig.” Fitton het gesê voorstanders van groot regering en “progressiewes” het basies die Departement van Justisie gebruik om geld van korporasies te vat.

    Groot banke wat deur die regering gedagvaar word vir diskriminasie of verbandmisbruik, kan hul sake afkoop deur aan derdepartyse nie-slagoffers skenkings te maak. Alhoewel die reëls nie spesifiseer hoe hierdie derdepartygroepe die geld moet gebruik nie, is kritici van mening dat banke aansporings kry om te skenk aan sekere nie-winsgewende instellings eerder as om dit aan verbruikers terug te gee.

    Kongresondersoekers het tot dusver gevind dat $3 miljard aan “nie-slagoffer-entiteite” betaal is.

    Ted Frank, direkteur van die Mededingende Ondernemingsinstituut vir Klas Aksies, het aan Fox News gesê: “Die onderliggende probleem met die fondse is dat ons nie presies weet waar die geld gaan nie.” Maar dit word nog erger, volgens Frank. “Met behulp van die handhawingsgesag wat korporatiewe verweerders afpers, neem die DOJ burokrate miljarde weg van belastingbetalers vir hul troetelprojekte om hul voorkeure te finansier.”

    Volgens Frank moet die geld na die Tesourie-afdeling gaan omdat die proses die wesenlike uitgawes van die wetgewende gesag onderskryf. Die Departement van Justisie beweer dat geld toegelaat word om die Tesourie te omseil omdat die banke se bydraes aan sulke groepe “vrywillig” is.

    Obama-surrogate in die regering se aanspreeklikheidskantoor en kongresnavorsingsdiens het natuurlik tot die gevolgtrekking gekom dat die skikkingsooreenkomste nie die Kongres se mag van die beursie systap nie. Maar Franks stem heeltemal nie saam nie. “Dit is doodgewone korrupsie,” het hy gesê.

    Die linkse fronte wat baat gevind het by die korrupsie staan vir die bevordering van “onwettige immigrasie en voorspraak vir voordele en bestuurslisensies vir ongedokumenteerde immigrante” sodat hulle vir die Demokrate kan stem.

    Senator James Lankford het aan Fox News gesê. “Dit is nie ‘n republikeinse of demokratiese kwessie nie, maar een van goeie regering. Aksies wat deur die federale regering gevoer is, moet teruggaan na die federale regering, terug na die belastingbetaler.”

    Die senator het die Stop Settlement Slush Fund Act van 2017 ingestel om die misdade deur Obama se Departement van Justisie te beëindig om geld na hul linkse troetelprojekte te kanaliseer.

    “Die protes is so organies soos ‘n plastiekbeker,” het Fitton spottend gesê. “Daar is ‘n massiewe linkse infrastruktuur in plek om die monsterregering wat deur die Obama-administrasie geskep is, te beskerm.”

  • Kind gewond na polisie en gemeenskap slaags raak

    ‘n Elf-jarige swart kind is gewond, terwyl 19 winkels wat aan buitelanders behoort, beskadig is nadat die polisielede en die gemeenskap naby Wesselsbron in die Vrystaat Saterdag slaags geraak het.

    ‘n Polisiewoordvoerder, Montantsi Makhele, sê die polisie was besig met ‘n roetine-operasie by ‘n plaaslike taverne omstreeks 19:00, toe lede van die gemeenskap begin toi-toi het. Hy sê lede van die gemeenskap was blykbaar nie tevrede is met die optrede deur die polisie nie, waarna ‘n ernstige konfrontasie gevolg het.

    Polisievoertuie is met klippe bestook, terwyl 19 winkels beskadig is in die proses. Makhele sê die kind se beserings het gekom nadat die polisie rubberkoeëls gebruik het om die skare uiteen te jaag.

    Nege mense is in hegtenis geneem op aanklagte van openbare geweld.

    Intussen hou verkeersbeamptes ‘n wakende oog op die N2 naby Borchard Quarry naby die Kaapstad Internasionale Lughawe waar swart amokmakers ook vroeër oproerig geraak het.

    Dit volg nadat protesoptrede vroeër in die gebied uitgebreek het. Die snelweg is weer vir verkeer oopgestel, maar die verkeerspolisie is nog op die toneel.

    ‘n Voetganger is glo op die N2 naby Spineweg dood. Die voorval, wat kort ná middernag plaasgevind het, word ondersoek.

    Motoriste word ook aangeraai om die omgewing van Riverlea, wes van Johannesburg, te vermy.

    Swart inwoners in die gebied het het oproerig geraak en verskeie paaie afgesper. Die rede vir die protesoptrede is nog onduidelik. Die verkeersvloei op Hoofrifweg word ernstig belemmer.

  • Vakbonde gaan by studente-oproer aansluit

    Vakbonde gaan by studente-oproer aansluit

    Vakbonde gaan na verwagting aansluit by swart studente se betogings oor gratis tersiêre onderrig. Ten minste 52 arbeidersvakbonde is genader om deel te neem.

    Die studente-aktivis en leier van die “FeesMustFall”-veldtog, Mcebo Dlamini, het Maandag honderde studente by die Universiteit van die Witwatersrand in Johannesburg opgeroep om aan ‘n betoging Woensdag deel te neem.

    Hy het beklemtoon dat vakbonde se deelname hulle veldtog sal verskerp.

    Verskeie universiteite moes reeds lesings opskort na studente-onluste en intimidasie.

    Studente van die Universiteit van die Vrystaat sê die voorgestelde verhoging van tot agt persent in klasgeld vir 2017 is onaanvaarbaar vir arm studente.

    Hulle het gesê hulle sal nie ophou om aktiwiteite op die kampus te ontwrig nie.

    Die swart studente by die universiteit is steeds besig met protesaksies sedert die FeesMustFall-veldtog begin het.

    Oproeriges het Dinsdag toetslokale binnegestorm en studente uitgejaag as eis dat geen verhogings ingestel word nie.

    Volgens hulle sal `n verhoging van agt persent beteken dat hul registrasiegeld R14 000 beloop. Swart amokmakers het gisteraand ‘n nagwaak op kampus gehou en daarna lesingslokale beset.

  • Nog onluste dreig by kampusse

    Nog onluste dreig by kampusse

    Die minister van Hoër Onderwys en Opleiding, Blade Nzimande het weer beklemtoon dat die regering nog nie besluit het oor klasgeld vir studente in 2017 nie.

    Dit volg terwyl studente weer dreig met klasboikotte en betogings omdat die regering glo reeds ‘n besluit oor klasgelde geneem het.

    Volgens berigte kan protesoptogte al vandag begin, het RSG berig.

    PRAAG is reeds meer as ‘n maand lank bewus van die dreigemente van onluste by die Universiteit van die Witwatersrand. Studente is voor die Julievakansie al vertel dat hulle klasse in Augustus ontwrig gaan word.

    Nzimande het in `n verklaring sy kommer uitgespreek oor dié dreigemente.

    Hy sê nadat hy die verslag van die Raad op Hoër Onderwys ontvang het, het hy besluit om verdere standpunte van alle rolspelers te kry.

    Die Raad op Hoër Onderwys stel voor dat klasgelde met ses persent verhoog word nadat die Tesourie gewaarsku het dat daar groot druk op staatshulpbronne sal wees indien studentegeld weer nié verhoog word nie.

    Volgens Nzimande sal hy ook eers met sy kabinetskollegas samesprekings voer voordat `n besluit geneem sal word.

    Intussen moes die wit dekaan van die Universiteit van KwaZulu-Natal se Nelson Mandela-mediese fakulteit, Professor Richard Hift uittree om blykbaar “ander verpligtinge” op te volg.

    Die universiteit se studenteraad het onlangs gevra dat hy vervang moet word. Die studente eis ‘n swart dekaan sodat “transformasie” in die instelling kan “voortgaan”.

    ‘n Woordvoerder van die universiteit, Lisiba Seshoka sê Hift sal deel bly van die universiteit en het nie bedank nie.

    Volgens Seshoka sal hy ook van die doelwitte van die fakulteit aandryf.

  • Betogers bestorm Senate House by Wits

    Die universiteitsraad van die Universiteit van die Witwatersrand sou studente vanmiddag toespreek, maar het daarteen besluit nadat betogers Senate House bestorm het.

    Die Raad sê die optrede is strydig met ‘n ooreenkoms wat vroeër bereik is.

    Wits het intussen besluit om studente kwyt te skeld van die deposito wat hulle moet betaal wanneer hulle inskryf.

    Die Raad het ook besluit om besnoeiingsmaatreëls in te stel om te verseker dat alle universiteitsgeld behoorlik benut word.

    Die visekanselier, Adam Habib het aangekondig dat hy afstand doen van sy prestasiebonus.

    Die Raad het in ‘n verklaring gesê verhoogde universiteitsfooie wat selfs die inflasiekoers troef, is problematies.

    Swart studente het daarna Empireweg in Johannesburg versper en ‘n motoris wat dit te naby gewaag het, moes vlug nadat die betogers die motor omgekeer het en die voertuig se vensters stukkend geslaan het.

    Studentebetogings by die Kaapstadse en Rhodes universiteite duur intussen voort.

    By die universiteit van Kaapstad is ‘n student tydens die betoging oor verhoogde klasgeld beseer. UK is die duurste universiteit in die land wat registrasiefooie betref, met gelde wat byna twee keer hoër is as die res.

    Die polisie is ontplooi by UK waar studente al die ingange na die universiteit versper het.

    Volgens studente word hulle toegang tot die Bremner-gebou geweier waar hulle met die universiteitsbestuur wou vergader.

    Die universiteit het hulle gereed gemaak vir ‘n betoging wat vir môre beplan is. Die waarnemende kanselier van die universiteit, professor Francis Petersen het vroeër gesê die universiteit is daartoe verbind om te verseker dat universiteitsgeld nooit in die pad van arm studente staan nie.

    Hy het egter daarop gewys dat vryheid van uitdrukking ‘n reg én ‘n verantwoordelikheid is.

    Intussen sê die studentegroep “Open Stellenbosch” dat hulle Woensdag op die hoofkampus van die Universiteit Stellenbosch teen verhoogde universiteitsgeld gaan betoog.

    By Rhodes is samesprekings tussen die studente en die universiteitsbestuur opgeskort nadat hulle nie tot ‘n vergelyk kon kom oor die betaling van ‘n aanvanklike bedrag voor registrasie nie.

    Ingange na die Universiteit word versper.

  • Dan Roodt: NG Kerk: Gebruik homo-kwessie om APK en NGK te herenig

    Dan Roodt: NG Kerk: Gebruik homo-kwessie om APK en NGK te herenig

    Die nuus dat die NG Kerk se Algemene Sinode onder druk van ‘n linkse faksie van kultuurmarxistiese akademici besluit het om homoseksualiteit vanuit die Bybel te regverdig, het skokgolwe deur die kerk gestuur en vrese vir skeuring word deur verskeie predikante geuiter. Dié stap van die NG Kerk verteenwoordig net nóg ‘n mislike stasie op die voortsnellende revolusionêre trein wat Suid-Afrika en die Afrikaner uiteindelik gaan vernietig.

    Die akademiese teoloë hoop om hul loopbane aan die universiteite te bevorder deur ekstreme standpunte af te dwing. Nie net is ons geagte minister van hoër onderwys die leier van die Kommunisteparty nie, maar aan die universiteite het die kultuurmarxisme van die Italiaanse kommunis, Antonio Gramsci, asook die Duits-Joodse “Frankfurt-skool” omtrent alle dissiplines oorgeneem, ten minste in die geesteswetenskappe. Die handjie vol akademiese teoloë wat die NG Kerk al verder na links druk sover dit homoseksualiteit en die bevrydingsteologiese “Belhar-belydenis” betref, is bereid om ‘n miljoen gelowiges op te offer om hul eie selfsugtige kripvretery in die universitêre burokrasie te bevorder.

    Sover ek dit verstaan, is elke NG-gemeente outonoom en beskik oor sy eie bates, soos vaste eiendom. Daarom staan dit elke gemeente vry om uit die NG Kerk te stap en byvoorbeeld by die meer behoudende Afrikaanse Protestantse Kerk (APK) aan te sluit. Hierdeur kan ‘n nuwe eenheid onder Afrikaanse gelowiges ontstaan, ná die verdeeldheid wat die ekstremistiese marxiste en bevrydingsteoloë soos André Bartlett, Chris van Wyk, Johann Ernst, Monty Sahd en ander veroorsaak het.

    Eintlik beskik Suid-Afrika en veral die Afrikaner oor weinig tradisies van sekulêre denke. Ons enigste wysbegeerte is dié wat hand aan hand met die teologie geloop het. Amptelik bestaan 75% van die Suid-Afrikaanse bevolking uit Christene. Vandaar dan ook die mislukking van die marxisme-leninisme van Joe Slovo, Ahmed Kathrada, Jeremy Cronin, Albie Sachs en ander leiers van die Kommunisteparty. Nie eens die sg. “swart werkersklas” wat vir hulle die “enjin van die geskiedenis” sou wees, was vatbaar vir die klassieke, ateïstiese kommunisme soos dit in die voormalige Oos-Europa en veral die Sowjetunie beoefen is nie. In daardie lande, veral natuurlik in Rusland, is miljoene ortodokse Christene vermoor, gemartel en vervolg omdat hulle nie die “nuwe evangelie” van kommunisme wou aanvaar nie.

    Pleks van kommunistiese ateïsme met geweld af te dwing, het plaaslike marxiste met die diaboliese plan vorendag gekom om die kerk self as ‘n Trojaanse perd vir hul idees te gebruik. Nadat marxisme-leninisme en sy werkerskultus skipbreuk gely en die “kultuurmarxisme” die heersende ideologie geword het, het dit veral sin gemaak. Dit is deel van die “lang opmars deur die instellings” waarvan Gramsci gepraat het. Benewens die skole en universiteite, wat reeds voertuie vir marxistiese breinspoeling geword het, bied die kerk toegang tot volwassenes wat nie meer deur opvoedkundige instellings beïnvloed word nie.

    Indien enigeen twyfel aan wat ek hier sê, gesels met enige ondergraadse student aan ons sg. “Afrikaanse universiteite” in ‘n geesteswetenskaplike rigting waar marxisme, feminisme, witskuld en die haat vir die blanke man verpligtend geword het. Die Rooi Kommissaar vir Ideologie en Geestelike Beheer, André Bartlett, klap nou die sweep vanaf Tukkies tot in die Algemene Sinode waar ‘n klimaat van onverdraagsaamheid en vervolging van nie-marxiste reeds heers. Binnekort sal die NG Kerk self van “afvalliges” wat nie die Rooi Evangelie en die verguising van die blanke, heteroseksuele man deel nie, gesuiwer word, indien die huidige poging slaag.

    Inderdaad gaan dit weinig oor homoseksualiteit en meer oor die vestiging van kulturele marxisme in die kerk. In elk geval was Afrikaners nog altyd verdraagsaam teenoor homoseksuele in die onderwys, staatsdiens, letterkunde, kunste, toneel en waar hulle ook al aangetref word. Wat nou gebeur, is dat hierdie verdraagsaamheid beantwoord word met onverdraagsaamheid teenoor hoofstroom-Christene, asook man-vrou-en-kind-gesinne. Die revolusie is meedoënloos en duld geen teëstand nie. Terwyl die minderheid “progressiewe”, linkse, dekadente teoloë nie oor die demokratiese steun van die lidmate beskik nie, wil hulle beheer neem oor die magshefbome en voorste gestoeltes in die NG Kerk ten einde hul revolusie of “transformasie” van ons gesinslewe te volvoer. Die parlement, die staatsdiens, die weermag, die polisie en die onderwysdepartement is reeds in die hande van die kommunistiese marionetmeesters wat hul kultuurmarxisme op die hele samelewing afdwing. Ook die hoofstroommedia en die joernaliste praat die revolusionêre in hul oorlog teen blankes en heteroseksuele mans na. Dis net ons privaatwonings wat nog effens teen die totale aanslag bestand is. En ja, die aanslag is totaal, allesomvattend, radikaal, meer nog as in die ou Sowjetunie waar Stalin se Russiese nasionalisme dit nog getemper het! Suid-Afrika het die proefkonyn vir totale revolusie geword: biologies, geslagtelik, beskoulik, kultureel, talig (die vernietiging van Afrikaans).

    Binne die marxistiese denke moet alle instellings of “produksiemiddele” waar konserwatiewe denke of houdings “gereproduseer” word, vernietig word. Juis daarom is die “normale” gesin van heteroseksuele man en vrou, wat die onding begaan om kinders binne ‘n huislike omgewing groot te maak, in hul visier. Dit gaan nie oor die homo’s (kan ons maar afsien van die afskuwelike anglisisme “gays”?) nie, dit gaan oor die vernietiging van gesinne binne die totale revolusie. Marx en Engels se kreet in hul Kommunistiese Manifes van 1848, dat kinders deur die staat grootgemaak moet word, is steeds lewendig!

    Die koorsdroom van die Suid-Afrikaanse kommunis, dat alle blankes in ‘n triomfantelike bloedbad uitgewis sou word, is nie bewaarheid nie. Daarom wil die revolusie hom nou op ons kinders wreek. As die man-vrou-gesin tot niet gemaak is, sal kinders tegelyk beskikbaar wees vir pedofiele én die staat om van hulle soldate, nie vir Christus nie, maar vir die marxistiese beweging te maak.

    Dít is die nagmerrie waarop ons afstuur: nie meer die “rooi” kommunisme van die ou Sowjetunie nie, maar ‘n nuwe “pienk” kommunisme, ‘n pornokrasie waar ons almal tegelyk die slawe én die prostitute van die staat sal wees.

    Het ons mense nog die moed om nee te sê vir fanatisme? Of is hulle al so vuisvoos en vertrap dat hulle die oorheersing van grootbek-ekstremiste met hul selfvoldane “progressiewe” slagspreuke gedwee aanvaar?

    Eens het ons voorouers uit Europa gevlug voor die vervolging van die Roomse Kerk. Hulle het trou gebly aan hul protestantse geloof en aan die drie sleutelbelydenisskrifte: die Nederlandse Geloofsbelydenis, die Heidelbergse Kategismus en die Dordtse Leerreëls.

    Vandag word ons deur die ANC-SAKP en hul meelopers soos André Bartlett en sy trawante vervolg. As ons ons nie tot Homoseksuele Liefde en Haat vir die Blanke Man bekeer nie, sal ons weereens as ketters in die beskuldigdebank staan.

    Die wortel van die woord “protestant” is “protes”. Het dit nie tyd geword dat die Afrikaner weer die waarde van “protes” besef nie?

    Laat ons ten sterkste beswaar maak teen die kaping van die NG Kerk vir die pienk revolusie. Ek kan nie sien waarom die meerderheid behoudende NG gemeentes nie met die APK en ander Afrikaanse kerke kan herenig nie. Op sy minste behoort daar gesprekke in dié rigting plaas te vind en as PRAAG so iets kan fasiliteer, sal ons maar te bly wees.

    Laat die marxistiese teoloë hul eie paadjie onder hul pokgesigbaas, Blade Nzimande, loop. Sónder die gemeentes. Hoe gouer die gemeentes ook nie meer die kwalifikasies aanvaar van sekere teologiese skole wat Belhar en die bevrydingsteologie aanhang nie, hoe beter. Verwerp die links-ekstremistiese teoloë net soos hulle ons en ons gesinne verwerp.

    Trek die volle wapenrusting van God aan, sodat julle staande kan bly teen die liste van die duiwel.

    Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.

    Daarom, neem die volle wapenrusting van God op, sodat julle weerstand kan bied in die dag van onheil en, nadat julle alles volbring het, staande kan bly.

    Staan dan vas, julle lendene met die waarheid omgord, met die borswapen van die geregtigheid aan, en as skoene aan julle voete die bereidheid vir die evangelie van vrede.

    Behalwe dit alles neem die skild van die geloof op waarmee julle al die vurige pyle van die Bose sal kan uitblus.

    En neem aan die helm van verlossing en die swaard van die Gees — dit is die woord van God

    – Efésiërs 6: 11-17

    PRAAG is die enigste Afrikaanse organisasie wat die heersende marxistiese en kultuurmarxistiese ideologie op ‘n ingeligte wyse beveg. Steun ons in dié lewensbelangrike taak!

  • Rubberkoeëls, skokgranate om swart opmars by PUK te stuit

    Rubberkoeëls, skokgranate om swart opmars by PUK te stuit

    ‘n Protesoptog deur beswaarde swart studente op die Potchefstroom-kampus van die Noordwes-Universiteit, het Donderdag hande uitgeruk.

    Prof. Dan Kgwadi, die visekanselier, het glo toestemming verleen dat die optog gehou kon word.

    Sowat 180 swart studente van al drie NWU-kampusse het Donderdag opgeruk na die administrasiekantoor, maar optoggangers is glo nie deur die staalhekke op die kampus toegelaat nie.

    Die polisie moes rubberkoeëls en skokgranate gebruik om die skare onder bedwang te bring.

    Kgwadi het glo toestemming gegee vir die opmars om die swart studente se beswaarskrif in ontvangs te kan neem.

    Intussen is bewerings dat swart personeel van die Noordwes-Universiteit glo verhinder is om gebruik te maak van ‘n hysbak in die Over-de-Voor-manskoshuis op die Potchefstroomkampus, as versinsels veroordeel.

    Kampuswoordvoerder, Johan van Zyl sê die koshuis het nie eens ‘n hysbak nie.

    Van Zyl het gereageer op bewerings deur swart ondersteuners van ‘n derdejaarstudent Lerato Phoofolo, ‘n inwoner van Over-de-Voor, wat na bewering medestudent Hendri van Dyk met ‘n skêr aangeval het en steeds in aanhouding is.

    Phoofolo beweer nou dat hy baie “rassistiese dade” by die universiteit opgemerk het.

    Van Zyl sê iemand wat kennis dra oor sulke rassisme moet dit rapporteer.

    Intussen sal Phoofolo, wat veronderstel was om Donderdag in die Potchefstroom-landdroshof te verskyn, eers Maandag verskyn.

    ‘n Administratiewe fout het daartoe gelei dat hy nie vervoer kon word na die hof nie.

  • ESB-opening lei tot geweld in Duitsland

    Onlustepolisie in Duitsland moes dié week bontstaan toe skares opgeruk het om teen besuiniging te betoog. Geweld het uitgebreek naby aan die stad se Alte Oper konsertsaal enkele ure voor ‘n nuwe bankgebou se amptelike opening.

    Ondersteuners van die sogenaamde “Blockupy”-alliansie bestaande uit ­maatskaplike bewegings, aktiviste, vakbonde en politieke partye, het betogings teen besuinigingsmaatreëls en die magte van die ­Europese sentrale bank beplan vir wanneer die bank se nuwe hoofkantoor die week amptelik sou open.

    Verskeie polisievoertuie is aan die brand gesteek op die openingsdag van die Europese sentrale bank in Frankfurt am Main.

    ‘n Skare van sowat 10,000 mense het buite die nuwe hoofkwartier van die Europese Sentrale Bank wat teen ‘n astronomiese koste van $1.4 miljard langs die rivier opgerig is, gedreunsing.

    Die ESB is sedert sy die begin van sy bestaan in die Duitse stad, maar die nuwe duur toringgebou wat die bank pas betrek het, het tot hewige teenkanting gelei.

    Talle Duitsers wat opgedaag van regoor die land, is ontevrede oor ‘n ekonomiese beleid wat diep sny aan openbare besteding en werkloosheid vererger.

    Sowat 14 polisiebeamptes en 21 betogers is beseer nadat wegbreekbetogers met die polisie gebots het. Volgens die owerhede is 350 mense in hegtenis geneem.

    Die polisie het gekla dat meer as 80 van hul lede met pepersproei aangeval is en moes behandeling ontvang.

    Die polisie het ‘n kordon om die bank gevorm nadat bande en vullis ook aan die brand gesteek is.

  • Zille gekap oor gebrek aan mediavryheid

    Die Suid-Afrikaanse Nasionale Redakteursforum (Sanef) het Maandag gesê die Wes-Kaapse regering se beroep op alle provinsiale departemente om nie hul subskripsie vir die Cape Times te hernu nie, is afstootlik.

    “Sanef vind dit afstootlik dat die uitvoerende komitee van die Wes-Kaapse regering, onder leiding van ‘n voormalige joernalis, Helen Zille, op dié vlak by provinsiale departementshoofde se sake inmeng,” het Mpumelelo Mkhabela, voorsitter van Sanef, gesê.

    Bert Gerber, direkteur-generaal, het glo die onderskeie departemente opdrag gegee om nie hul subskripsies te hernu nie. “Die kabinet het met kommer die toenemende afname in die gehalte van verslaggewing in die Cape Times bespreek,” het Gerber geskryf.

    Mkhabela het gesê die provinsiale regering kon die kwessie anders hanteer. “Indien die Wes-Kaapse regering ‘n probleem het met die gehalte van die Cape Times se inhoud, kon hulle dit met die redakteur van die koerant opneem of deur middel van die persombudsman oplos en nie deur ‘n boikot van die Cape Times te versoek nie.”

    Sanef se bestuurskomitee het intussen gesê hy sal ‘n protesbrief aan die Wes-Kaapse regering stuur en versoek dat die besluit herroep word.

    Helen Zille, premier van die Wes-Kaap, meen egter hulle het niks verkeerd gedoen nie. “Geen koerant het die reg om te eis dat enigiemand by hulle moet inteken nie. Almal, insluitend regerings, het die reg om ingeligte verbruiksbesluite te maak.”

    Zille het gesê die provinsiale kabinet het ‘n eenparige besluit geneem om nie hul subskripsie te hernu nie en dat dit geen bedreiging vir mediavryheid inhou nie.

    Dié stap is geneem nadat die Cape Times nie aan die DA besonderhede wou gee oor ‘n baba wat aan fetale alkoholsindroom ly nie. Zille het daarna gesê die nuusberig oor die baba is geplagiariseer. Dit het glo eers op ‘n sosialitiese webwerf verskyn, die World Socialist Website in Augustus 2012.

    Zille wou glo die besonderhede oor die baba hê om die kind te red, aangesien die ouers glo deur die apartheid-dopstelsel daartoe gedwing is om alkohol te misbruik.

    Maar ten spyte van haar kruistog om ‘n voorkombare plaag van breinskade onder die bruin bevolking hok te slaan, het Zille op net een enkele geval gefokus en vreemd genoeg nie op 6% – ‘n wêreldrekord – van die bevolking in haar provinsie wat daaronder ly nie.

    Zille beweer dié een geval van Thomas, die baba, is al toegang wat die provinsie het tot die probleem.

    Kennelik is sy met een of ander agenda doenig, want sulke uitlatings, ontdaan van enige logika, spreek van ongekunsteldheid.

  • Is stygende protes ‘rebellie van die armes’?

    Suid-Afrika se gewelddadige betogings het in 2014 ‘n hoogtepunt bereik, volgens ‘n verslag deur die Multilevel Government Initiative by UWK se Gemeenskapsregsentrum.

    “Beide die aantal burgerlike protesoptredes sowel as die voorkoms van geweld het toegeneem in 2014,” het die sentrum Donderdag in ‘n verklaring gesê.

    “In 2007, het minder as die helfte van die protesoptredes met geweld gepaardgegaan, maar in 2014 is geweld by byna 80 persent van protesoptredes betrokke in een of ander vorm.”

    Dit is volgens die Civic Protes Barometer (CPB) wat verskillende tendense in protesaksies in Suid-Afrika, meet, lui die verslag.

    Dit het getoon dat daar in 2014’n toename in die aantal protesaksies was, ‘n ommekeer van die afwaartse tendens wat na 2009 opgemerk is.

    “Die aantal betogings in 2014 het ‘n hoogtepunt van 218 bereik. Die vorige maksimum was 204 in 2009 (wat ook ‘n verkiesingsjaar was) bereik,” het die sentrum gesê.

    “Die toename in 2014 is slegs deels te wyte aan die verkiesing, maar byna net soveel protesaksies (28) het in Augustus drie maande na die verkiesing uitgebreek.”

    Tussen 2012 en 2014, het Gauteng meer protes as enige ander provinsie beleef. Sedert 2007 styg Gauteng se deelname in sulke optrede vinniger as enige ander provinsie.

    Kaapstad is die munisipaliteit wat die meeste onder protesaksie gebuk gaan, met 84 betogings, gevolg deur Johannesburg, eThekwini, Tshwane en Ekurhuleni. Hierdie vyf munisipaliteite is verantwoordelik vir die helfte van alle protes wat aangeteken word.

    “Kwessies met betrekking tot munisipale dienste en die administrasie van munisipaliteite word meer dikwels aangehaal as die oorsaak van protes as al die ander griewe saam,” lui die verklaring.

    Die Gemeenskapsregsentrum stel belang daarin om met behulp van die studie te toets of daar wel tans ‘n “rebellie van die armes” gevoer word.

    Die CPB dek die tendense in die aantal betogings, geografiese verspreiding van protes, tendense in gewelddadige burgerlike protes en die griewe agter protes tussen 2007-2014.

    Intussen het Namibië ‘n “dramatiese­ afname” in ongelykheid en armoede oor die afgelope 20 jaar beleef, sê ‘n beduidende aantal inwoners van die buurland.

    Hulle het nooit enige tekorte aan kos, water of krag oor die afgelope twee jaar ondervind het nie.

    Die nuutste bevindinge van die Afrobarometer­ oor opvattings oor geslagsgelykheid, geslagsgeweld en ’n lewe in armoede is verlede Vrydag in Windhoek vrygestel.

    Daarvolgens sê 88% van die deelnemers aan die opname dat hulle nooit of slegs een of twee kere sonder water moes klaar kom, of nie mediese dienste kon kry nie.

    In die opname wat deur die Instituut­ vir Openbare Beleids­navorsing­ (IPPR) gedoen is, sê 90% hulle het nog nooit ’n tekort aan krag vir kookdoeleindes ervaar nie en 58% sê hulle het nog nooit nie ’n kontantinkomste gehad nie.

    Mans in stedelike gebiede is meer geneig om te sê dat hulle nooit sonder kos hoef te gaan nie.

    Bykans 1 200 Namibiërs het aan die opname deelgeneem wat tussen Augustus en September­ verlede jaar gedoen is.

  • Amerikaanse polisiegeweld lei tot wit skuld-orgie

    Kort nadat ‘n besluit van die groot jurie bekend geword het om nie ’n ­polisiebeampte te vervolg vir die dood van Eric Garner in Julie vanjaar nie, het honderde ­betogers by die Rockefeller-­sentrum en in New York se Times Square byeengekom en die slagspreuk “Geen geregtigheid, geen vrede” begin skree.

    Dit was ook die slagspreuk nadat ‘n ander groot jurie verlede week besluit het om nie die wit polisieman te vervolg wat ’n ongewapende swart tienermisdadiger, Michael Brown, in Ferguson, Missouri doodgeskiet het nie.

    Dit is die vyfde dag dat betogings oor rasse-ongelykheid in die VSA gehou word. In Chicago, Miami en Philadelphia het kerke die massa-aksie gesteun.

    Daar is reeds 300 mense in hegtenis geneem vir openbare geweld regoor die land. In Kalifornië moes die polisie klipgooiers met traangas verwilder.

    Die polisie het Woensdagnag nagenoeg 30 mense in New York in hegtenis geneem, het die polisiebevelvoerder van die stad, Bill Bratton, gesê. Vroeg Donderdagoggend het die protes nog voortgeduur.

    ‘n Reeks klein protesbyeenkomste­ het saamgekom en tot ’n opmars van byna 5 000 mense in Broadway-­rylaan tot by Times Square gelei.

    Motorbestuurders wat in yslike verkeersknope vasgesit het, het hul toeters geblaas. Organiseerders het die getoet as ‘n teken van solidariteit verklaar.

    Albei gevalle, saam met die dood van ’n 12-jarige swart seun wat deur polisie doodgeskiet is toe hy ’n speelgoedpistool in ’n speelpark uitgehaal het, het die ou debat in Amerika oor rassebetrekkinge weer laat opvlam.

    Alhoewel wit wetstoepassers daarvan beskuldig word dat hulle Afro-Amerikaners met oor-aggressiewe polisiëring teister, is die protesoptogte gemik daarop om wit skuld uit te buit.

    Sedert Brown geskiet is, is daar meer as 900 mense in Chicago doodgeskiet, meestal in swart-op-swart geweld.

    Ná Woensdag se juriebesluit, het die prokureur-generaal, Eric Holder, gesê die Amerikaanse departement van justisie sal ’n federale burgerregte-ondersoek gelas na die saak van Eric Garner, 43, wat dood is nadat hy deur ’n New Yorkse polisieman, Daniel Pantaleo, in ’n wurggreep vasgehou is.

    Garner is aangekeer na vermoed is dat hy sigarette waarop nie belasting betaal is nie, op Stateneiland verkoop het.

    Die bruin komediant Trevor Noah – terloops erg ongewild by die meeste swart Suid-Afrikaners – het as gas op die Daily Show gegrap dat die VSA met swak rasseverhoudinge spog sonder dat hulle apartheid daarvoor kan blameer.

     

  • Marikana Steungoep dreig met openbare protes

    Marikana Steungoep dreig met openbare protes

    marikanaDie Marikana Steungoep dreig met openbare protes as hulle nie hulle sin kry nie.

    Hulle het die President gevra om ‘n geskrapte klousule ter herstel wat die Marikanakommissie opdrag gee om die rol van staatsdepartemente in die skietery by Marikana op 16 Augustus 2012 te ondersoek.

    RSG berig dat ‘n woordvoerder, Trevor Ngwane, gesê het hulle wil ook hê die kommissie van ondersoek se termyn moet met nog ses maande verleng word in plaas van 34 dae.

    Ingevolge die jongste verandering word die kommissie se werk tot 31 Julie verleng met hulle verslag wat ses weke later ingehandig moet word en word ‘n klousule oor die omvang van die ondersoek se werk verwyder.

    Ngwane sê indien die versoek geïgnoreer word, sal hulle die openbare mening inspan om betogings te hou.

  • Polisie waarsku motoriste om R55 te vermy

    Polisie waarsku motoriste om R55 te vermy

    oproerDie Tshwane metropolisie het motoriste gewaarsku teen gewelddadige oproer wes van Pretoria.

    Dit is nie bekend waaroor die protesoptrede gaan nie.

    Die metropolisie het motoriste afgeraai om die R55 tussen Pretoria-wes en Sandton te gebruik en gewaarsku om alternatiewe roetes te kies.

    Die pad is tydelik gesluit nadat oproerige inwoners van Olievenhoutbosch, suid van Pretoria motoriste bedreig het.

    Die polisie is in die gebied ontplooi.