moord – Bladsy 15 – praag.co.za

Misdaadintelligensiehoof steeds in sy pos

Waarnemende hoof van misdaadintelligensie Chris Ngcobo het nie sy pos verlaat nie, het die SAPD gesê.

“Hy is nog steeds in sy pos, hy het nie uit die posisie getree nie,” het ‘n woordvoerder lt.genl Solomon Makgale gesê.

City Press het berig dat Ncgobo uit sy posisie getree het as ‘n gevolg van ondermyning deur ‘n pro-Richard Mdluli-faksie.

Volgens die koerant is Ncgobo amper ‘n maand gelede uit misdaadintelligensie se hoofkantoor na die veiligheids- en beskermingsdienste .

Ncgobo woon glo nie vergaderings by nie en het die nasionale kommissaris van polisie Riah Phiyega en die toppolisiebestuur ingelig dat hy nie sal terugkeer na sy pos nie.

Ncgobo het oorgeneem nadat Mdluli verlede jaar geskors is te midde van aanklagte van bedrog en korrupsie, asook die moord op sy voormalige vriendin se man .

‘n Geregtelike doodsondersoek het hom van enige betrokkenheid by die dood van sy voormalige vriendin se man onthef. Die aanklagte van bedrog en korrupsie is later almal ook teruggetrek .

Hy is later egter weer geskors in 2012 na sy heraanstelling, in afwagting van ‘n hofaansoek deur die drukgroep Freedom Under Law (FUL) om die onttrekking van die kriminele en dissiplinêre aanklagte teen hom te hersien.

Die Mdluli–geval is ‘n belangrike toets vir die Demokratiese Alliansie se poging om die howe teen president Zuma te gebruik.

Die party voer aan dat die Zuma-administrasie die weg gebaan het vir verpolitiseerde aanstellings, insluitend dié van Mdluli, van die waarnemende nasionale direkteur van openbare vervolging, adv Nomgcobo Jiba, en die hoof van die gespesialiseerde handelsmisdaadeenheid, adv Lawrence Mrwebi. – Sapa

Jeugdige steek vredemaker met bierbottel dood

‘n Swart man is Maandag doodgesteek met ‘n gebreekte bierbottel tydens ‘n argument in Johannesburg, het die polisie gesê.

Ao Xoli Mbele het gesê ‘n 18-jarige man is in hegtenis geneem ná die aanval op die hoek van Kruis- en Pritchardstrate rondom 02:00.

“Daar word beweer dat ‘n verdagte ‘n 29-jarige man met ‘n bierbottel gesteek het,” het hy gesê.

Die 18-jarige swart jeugdige het uit ‘n kroeg met sy vriendin gekom toe hy na bewering begin het om haar aan te rand.

Sowat vyf mans wou die vrou red, en haar vriend het een van hulle, ‘n 29-jarige, in die bolyf met ‘n gebreekte bierbottel aangeval en noodlottig gewond.

Paramedici is ontbied, maar die man is dood verklaar op die toneel. – Sapa

Lyk van negejarige in Knysna moontlik dié van verkragtingslagoffer

‘n Man is in hegtenis geneem in verband met die moord op ‘n nege-jarige meisie in Knysna.

Die Wes-Kaapse polisie sê die 32-jarige man is in hegtenis geneem kort nadat die meisie se liggaam Saternagnag gevind is.

‘n Woordvoerder, Bernadine Steyn sê die meisie het [Saterdag]oggend saam met maats gespeel toe die verdagte hulle te voet genader het en aangebied het om saam met haar na ‘n nabygeleë winkel te loop.

“Die verdagte is alleen gesien op pad terug van die winkel,“ het Steyn gesê.

Die meisie se familie haar as vermis aangemeld in die middag. Sy is met ‘n gapende wond aan haar nek gevind.

Die polisie ondersoek of die meisie verkrag is voor sy vermoor is. Die verdagte sal eersdaags in Knysna se landdroshof verskyn. – Sapa

Beloon misdaadinligting

“‘n Plan om ‘n belonging te betaal aan mense wat inligting oor beplande misdaad in die Stad Kaapstad aan die polisie verskaf, is positief en kan lei tot pro-aktiewe optrede om misdaad te bekamp,” sê mnr. André Fourie, Vryheidsfront Plus-raadslid vir die Stad Kaapstad.

Hy sê dit was lankal nodig aangesien Suid Afrika se publiek begin om vertroue in die land se veiligheidsmagte te verloor en almal gebuk gaan onder die uiters gevaarlike misdaad-situasie in die land.

Volgens mnr. Fourie skep daaglikse beriggewing oor misdaad die indruk dat mense nêrens meer veilig voel nie, nie eens in die hul eie wonings nie.

“Inbrake, aanrandings, verkragting en moord raak selfs in sogenaamde veilige woongebiede ‘n alledaagse. Voorvalle van klipgooi en die oprigting van padversperrings op openbare roetes kom gereeld voor en paaie, selfs hooftoevoerroetes soos die N2, word meer as ooit om hierdie rede gesluit en herinner byna aan ‘n ‘oorlogsituasie’.

“Die optrede van ontevredenes het selfs al gelei dat ontlasting voor regeringsgeboue en in die Kaapstad Internasionale Lughawe uitgegooi is en brandende motorbande is ‘n gereelde verskynsel.

“Dit voel asof misdadigers ons gyselaar in ons eie land hou.

“Nie eens die stad se burgemeester kon ‘n bevredigende antwoord verskaf oor probleme wat oproermakers op die N2 veroorsaak nie. Dit blyk dat daar bloot nie die mannekrag is om die pad heeltyds te patrolleer nie,” sê mnr. Fourie.

Volgens hom is ’n oplossing hiervoor ‘n inligtingsintelligensie-eenheid wat inligting kan inwin oor probleempunte sodat daar pro-aktief opgetree kan word. Hy sê as die kwaaddoeners drie-uur soggens opstaan, moet die veiligheidsmagte reeds inligting daaroor hê en hulle inwag.

“Maar dit gebeur nie. In baie gevalle word oortreders net verjaag en nie eens aangekeer nie. Die plan on ‘n belonging uit te reik vir inligting oor misdaad kan hier van groot nut wees en kan bydra om weer ordelikheid in Kaapstad te bewerkstellig,” sê mnr. Fourie.

Staat hou vol dat regter met kleefplastiek versmoor is

Thandi Maqubela het glo haar man met kleefplastiek laat versmoor

Die moordsaak van waarnemende regter Patrick Maqubela sal vandag in die Wes-Kaapse hooggeregshof hervat word, nadat regter John Murphy verlede week die aanklagte teen die twee beskuldigdes gewysig het.

Die twee word nou daarvan aangekla dat hulle die dood van die regter veroorsaak het op ‘n sogenaamde “onbekende wyse”.

Maqubela se weduwee Thandi en haar mede-beskuldigde, Vela Mabena staan tereg op die moord in 2009.

Thandi word ook daarvan aangekla dat sy die regter se testament vervals het.

Die staat hou vol dat die beskuldigdes kleefplastiek gebruik het om hom te versmoor. Die verdediging beweer egter dat Maqubela weens natuurlike oorsake dood is. – RSG

Boendoegeregtigheid: beweerde inbreker in KZN gedood

Vier mense is in hegtenis geneem vir die beweerde moord vanoggend op ‘n vermoedelike inbreker in Panorama-tuine, Pietermaritzburg, sê die polisie van Kwazulu-Natal.

‘n 27-jarige man is met veelvuldige beserings is in ‘n afloop gevind waar hy blykbaar gepoog het om by ‘n huis in die buurt in te breek, sê kolonel Jay Naicker.

“Ons doen ‘n beroep op lede van die publiek om enige misdaadbedrywigheid aan die polisie te rapporteer en die gereg toe te laat om sy gang te gaan.”

Die vier sal binnekort in die Pietermaritzburgse Landdroshof verskyn. – Sapa

Swart tienerbende slaan vroue met gholfstok om hulle te verkrag

Tamari Mnisi, 36, van Freedom Park naby Soweto wys die letsel wat sy opgedoen het toe sy deur die berugte gholfstokbende aangeval is. Sy was een van die gelukkiges wat nie verkrag is nie. Meer as 100 mense is deur die bende aangeval. Foto: Dumisani Sibeko

Die Johannesburgse Star se hofverslaggewer berig dat daar uitroepe van ongeloof in die hof was toe ‘n 16-jarige getuie gister beskryf het hoe hy en ander bendeverkragtings op vroue beoefen het nadat hulle met ‘n gholfstok geslaan is.

Die ysingwekkende getuienis was te veel vir Tebogo Manenje, die ma van een van die beskuldigdes, wat in trane uitgebars het.

Die tienergetuie is een van ‘n groep van 17 wat daarvan beskuldig word dat hulle die gemeenskap van Freedom Park, suid van Johannesburg, in 2011 geterroriseer het deur hulle met ‘n gholfstok aan te rand, en dan te beroof en te verkrag.

Hulle staan tereg op verskeie aanklagte, waaronder moord, verkragting, poging tot moord en roof met verswarende omstandighede.

Manenje, Tshepo Makhele, Tumelo Makgatho, Thabo Padi, Thabiso Motau, Lucas Sihle, Thomas Magezi, Donald Tshiboho, Ndivhuwo Matshisa, Mabaso Khosa, Lawrence Hilario, Sifiso Dayi, Mongezi Xaba, Obakeng Buthelezi, Petros Mokoena en Khonjiwe Madonsela pleit almal onskuldig.

Die tienderjarige, wie se naam nie genoem mag word nie omdat hy minderjarig is, tree as staatsgetuie op en daarom is aanklagte teen hom laat vaar. Gister het hy tydens die Palm Ridge-sitting van die Johannesburgse Hoë Hof getuig dat hy eendag terwyl hy in Freedom Park loop ‘n metaalbed raakgesien het wat hy agterna aan ‘n skrootwerf gaan verkoop het.

Hierna kom ‘n aantal mans na hom toe en sê dat hulle weet dat hy hulle bed verkoop het. Dit kan hulle min skeel, maar hulle sê toe hy moet saam na hul kaja toe kom om dagga te rook aangesien hulle weet dat hy dit rook.

Toe hy by die kaja aankom, sê Padi vir hom dat die kaja die “parlement” is, en dat hy voortaan die “president” sou wees. Eendag terwyl hulle by die parlement is, neem Padi ‘n gholfstok van onder sy bed en sê mense behoort daarmee geslaan te word aangesien dit ‘n vinnige en gerieflike instrument is om mense mee te beroof.

Een nag gaan die tiener, Manenje, Padi en Makgatho uit op soek na slagoffers en sien toe ‘n ou vrou wat al singende naderkom. Hulle spat toe uitmekaar en kruip weg.

Die volgende oomblik bekruip Padi die ou vrou van agter af en slaan haar oor die kop met die gholfstok. Sy slaan op die grond neer. Die bende dra haar die bosse in, waarna hulle haar telefoon en geld afneem.

Hierna verkrag die hele bende haar.

“Sy het nie teenstand gebied nie. Sy was stil en magteloos,” sê die tiener in die hof.

Agterna sit hulle almal af na die parlement toe en vind Madonsela, Padi se destydse minnares, daar. Volgens die tiener gee Padi toe vir haar die telefoon om te gaan verkoop.

Die volgende twee slagoffers is meisies. Die tiener, Manenje en Makhele keer een nag terug van die parlement af toe hulle die twee meisies sien naderkom.

Manenje slaan een van die meisies met die gholfstok. Toe gryp hulle hul selfone en neem beurte om hulle te verkrag.

Die tiener, wat op daardie stadium 15 jaar oud is, sê dat indien hul slagoffers vroue was, is hulle nie net beroof nie, maar ook verkrag.

Op ‘n vraag van regter Geraldine Borchers waarom hy verkrag het en of hy seksueel geprikkel was, het die tiener, wat aanstaande maand 17 word, geantwoord: “Ek het nie lus vir seks gehad nie, maar ek kon nie net kyk hoe ander mense seks beoefen nie.”

Die verhoor duur voort.

Claudi van der Merwe keelaf gesny in Breyten

Die 33-jarige Claudi van der Merwe is dood in ‘n waterpyp naby ‘n plaas in Breyten gevind, het die polisie van Mpumalanga vandag laat weet.

‘n Plaaswerker het Saterdagoggend iets gesien in ‘n pyp wat na ‘n mens se arms lyk en het sy werkgewer in kennis gestel, wat toe die polisie ontbied het, het kolonel Leonard Hlathi gesê.

Die polisie het Claudi se halfkaal liggaam, met haar keel afgesny, gevind. Volgens die polisie is twee swart vuilgoedsakke naby haar lyk gebruik om haar daarheen te dra.

Hlathi het verder vermeld dat haar motor, ‘n Kia Picanto, drie kilometers weg gevind is.

Van der Merwe is Vrydag laas by die gastehuis in Hendrina waar sy werk, gesien.

Niemand is nog weens die moord in hegtenis geneem nie. – Sapa

Swart kinderverkragter hang hom net voor hofverskyning

Die polisie het ‘n dossier vir ‘n nadoodse ondersoek geopen nadat ‘n swartman wat daarvan aangekla is dat hy 34 kinders en twee vroue verkrag het, in sy tronksel selfmoord gepleeg het.

Die Mondeor-polisiestasie het ‘n dossier vir ‘n nadoodse ondersoek geopen ná sy dood in sy sel. Hy is in ‘n enkelsel opgesluit aangesien hy ‘n hoërisiko-oortreder was,” sê ‘n woordvoerder van die Gautengse korrektiewe dienste, Ofentswe Morwane.

Sifiso Makhubu, 42, sou vandag op 122 aanklagte in die Hoëhof in Johannesburg verskyn, tydens ‘n sitting in die Palm Ridge-landdroshof.

Hy het hom egter gisteraand (Woensdagnag) met ‘n stuk kombers opgehang. Hy is by die Johannesburgse gevangenis aangehou, wat as “Sun City” bekendstaan.

“Bewaarders het hom vanoggend waar hy in sy sel hang, aangetref toe hulle hom wou gaan haal om hom na die hof te bring,” sê Morwane.

Die aanklagte waarop hy sou teregstaan, sluit in: verkragting, ontvoering, moord, roof, en poging tot moord deur sy slagoffers met MIV te besmet. Die misdade het in die Kathorus-buurt in Vosloorrus gedurende 2006 plaasgevind.

Hy is in 2011 in hegtenis geneem. – praag en Sapa

Naspers klassiek: Raak lief vir Malema

Onderstaande stuk is op 16 April 2010 in al die Naspersdagblaaie se By geplaas, maar het intussen spoorloos verdwyn en is ook nie in enige van hul argiewe te vinde nie! Dit onthul egter iets van die masochistiese voorskrifte wat hulle vir Afrikaners het, gewoonlik met ‘n Christelike sousie daarby: Raak lief vir diegene wat jou aanval. Draai die ander wang. Vergewe die plaasmoordenaars, want hulle weet nie wat hulle doen nie.

Ons herpubliseer dit hier as bewysstuk van die soort etnomasochistiese, Stockholm-sindroom-denke wat by Naspers vaardig is en waarmee hulle ons volk breinspoel. Ene Jan ver Maak, wat dit geskryf het, word as ‘n “vryskut-fotojoernalis” beskryf. Vermoedelik is hy egter ‘n redaksielid van ‘n Naspersdagblad wat onder ‘n skuilnaam sy mening lug.

Let wel, dat hy nie letterlik sy dankbaarheid oor die gruwelike moord op Eugene Terre’Blanche uitspreek nie. Maar hy sê darem die volgende: “Die Afrikaner behoort fees te vier dat ‘n simbool van daardie deel van sy geskiedenis wat die meeste Suid-Afrikaners en gans die mensdom verfoei het, uiteindelik tot rus gekom het.” Die afleiding dat ons eintlik ET se moordenaars moet “bedank”, is dus nie so vergesog nie…

Raak lief vir Malema

Afrikaans kan glo enige dag uitsterf, Eugène Terre’Blanche is vermoor en Julius Malema hou Robert Mugabe as ‘n held voor.

Dié nuusgebeure, die een smartliker as die ander, val my tuis ten oor ná ‘n onlangse besoek aan Zimbabwe.

Sedert apartheid se amptelike oorlye is die dood al soveel keer oor Afrikaans uitgespreek dat hierdie woorde wat ek tik en as Afrikaans op die rekenaarskerm voorkom, my skyn ‘n wonderwerk in die kleine te wees.

Of is ons al in die hel, die enigste plek in die kosmos waar ons geliefde moedertaal nog ‘n kans op oorlewing het?

Die afgelope nege maande het ek ongeveer die helfte van die tyd in Mosambiek, Namibië en Zimbabwe rondgereis.

Dáár is Afrikaans gelukkig nog nie aan’t stuiptrek nie. I

n die vertes van Mosambiek kom jy nog af op bordjies soos “Hout te koop”, in ‘n gehuggie in Ovamboland is daar ‘n Wag Biekkie Bar, in Hwange waar feitlik geen toeriste meer uitkom nie, vra ‘n beampte toe ons aangestap kom en hy hoor ons is Afrikaans: “Hoe gaan dit, meneer?”

Maar terug op eie bodem maak ons al reg vir begrafnis! Indien dan voorlopig nog nie Afrikaans s’n nie, minstens Terre’Blanche s’n.

‘n Stortvloed emosies word op elke denkbare plek op die web uitgestort. Die Afrikaner is kwáád, soos ‘n woedende leeu, erger as Andries Treurnicht se destydse tier.

Die vraag ontstaan watter doel hierdie uitinge van frustrasie, rassisme, haat en bitterheid het. Kan ‘n mens enigiets bereik deur so in die kuberruimte te kere te gaan?

Soms word meer as ‘n honderd gevoelens binne enkele ure afgelaai na aanleiding van ‘n berig of brief wat in ‘n koerant verskyn het.

Lengte, taalgebruik en spelling is nie ter sake nie, ook nie identiteit nie. Alle skrywers is adresloos, die meeste gebruik skuilname en hul kommentaar word ongeredigeer geplaas.

Bitter min van dié skrywes sal ooit die gepubliseerde weergawe van die koerant haal.

Die internet het duidelik ‘n uitlaatklep vir Afrikaner-ontsteltenis geword en skynbaar word alle menings toegelaat, hoe lasterlik of haatdraend dit ook al mag wees.

Soms wonder ek of Naspers se base ooit bewus is van hierdie golf van negatiwiteit wat ongestuit op hul kuberblaaie aangerol kom.

Die sogenaamde webredakteur het oornag in die hartjie van sake beland en speel ‘n verrassend magtige rol.

‘n Ernstiger vraag is: Hoekom het soveel Afrikaners die behoefte om gif te spoeg? Gaan dit werklik so sleg met hulle?

Terre’Blanche se familie het vanselfsprekend alle reg om gekrenk te voel oor sy dood, maar aan die ander kant slaan Max du Preez in verlede week se By (“Basta met dié helde”) die spyker op die kop wanneer hy Terre’Blanche onder meer as ‘n skobbejak, karikatuur en harlekyn beskryf.

Die Afrikaner behoort fees te vier dat ‘n simbool van daardie deel van sy geskiedenis wat die meeste Suid-Afrikaners en gans die mensdom verfoei het, uiteindelik tot rus gekom het.

Hoekom kan ons egter nie vorentoe beweeg nie? Hoekom moet ons die vrot verlede bly uitkots en boonop almal se aandag daarop vestig met die swaai van vlae wat in museums hoort?

‘n Kopskuif rakende die nuutste vergestalting van die swart gevaar – Malema – is ook moontlik. Is daar enige verskil tussen hom en die Nelson Mandela van vyftig jaar gelede?

As die internet toe bestaan het, sou nóg meer Afrikaners hul absolute hoon verkondig en vurig gepredik het dat hy en sy kommunistiese trawante in die tronk wegkwyn.

Net soos Terre’Blanche lief was om uit die Bybel aan te haal, asook die dominee op sy begrafnis én daarna Stofsuier Hofmeyr, kan ek dit ook doen: “Jy moet jou vyand liefhê soos jouself.”

Dít is natuurlik effe te veel gevra. Malema liefhê?

My vraag is: Waarom nie? Hy is bloot ‘n produk van omstandighede, iemand wat ly as gevolg van die wond in sy psige wat deur wit bevoorregting veroorsaak is.

Omhels hom, nooi hom om by jou te kom kuier, stort aalmoese uit na hom. Wat kan jy verloor? Wat kan jy wén?

Ook in verlede week se By (“Liefdesland”) kom Eben Venter tot die gevolgtrekking dat daar “doodgewoon geen bevredigende antwoord is” op die hedendaagse problematiek in Suid-Afrika nie. Regtig?

Hoeveel van ons het al werklik probeer om enigsins ‘n antwoord te vind?

Nie met woordspeletjies of die klap van jou vingers nie, maar met opoffering, met die deel van jou rykdom, met die deel van jou menswees. Geen openbare verhoog of erkenning is nodig om ‘n positiewe bydrae te lewer nie.

Wanneer laas, byvoorbeeld, indien ooit, was jy in jou huishulp se pondok? Wanneer laas het jy haar kinders se skool besoek, selfs hulp aangebied met die onderrig van Afrikaans?

‘n Gemeenskapsvergadering in die township bygewoon? Enkele woorde van ‘n swart taal aangeleer?

Een van die werkloses op die straathoek ‘n werkie aangebied, of net ‘n paar vrugte? Sy pyn, per slot van rekening, is groter as joune.

Nee, ná sestien jaar van demokrasie wil ons liefs kritiseer: swak dienslewering, die toestand van paaie, die ganse ANC, korrupsie, Eskom, FW de Klerk – hoe verder ons van 1990 af wegbeweeg, hoe groter word sy statuur as volksverraaier …

Ons “pet hate” bly egter geweld.

Kyk hoe word ons uitgemoor! Sóveel duisend boere, sóveel duisend vroue en kinders, net soos in die konsentrasiekampe van honderd jaar gelede (iemand hou tred van die getal net soos ‘n tellinghouer in ‘n eindelose krieketwedstryd).

Die verlede en die hede is vir ons ewe afskuwekkend, laat staan nog die toekoms.

Hoekom laat ons geheue ons in die steek dat ons heeltemal vrywillig bly in Afrika, die swart vasteland? Wanneer het ons dan vergeet dis nie ‘n plek, soos hulle sê, vir sissies nie?

Of die jagter nou ‘n roofdier in die donker bos is, of ‘n moordenaar in jou huis, jy gaan die aanval net oorleef mits jy immer waaksaam is. Wat is so erg daaraan? Bitter min het sedert 1652 verander.

G’n wonder nie die skedel van ons verre voorsaat, Australopithecus sediba, word op ons drumpel uitgegrawe en wêreldwyd op TV-skerms vertoon net toe Terre’Blanche se verminkte skedel laat sak word.

Hoe lank nog? Oorlogspraatjies, wraakgedagtes en ‘n obsessiewe fokus op die slegte is ‘n kortpad.

Soos om ‘n kind ‘n oorveeg te gee. Die langer pad, weg van die doodloopstraat, bly immer een van geduld, beswering van diepgewortelde vrees en die uithou van ‘n hand van vriendskap.

Julius Nyerere, ‘n diktator in eie reg, het gesê die een sonde waaraan ‘n Afrikaan hom nie skuldig durf maak nie, is wanhoop.

Jan ver Maak is ‘n vryskut-fotojoernalis.

Afrikanerman (67) wreed vermoor in Middelburg

Mnr. Johannes Jakobus (Jan) du Toit is vanoggend in sy huis deur twee mans met ‘n mes aangeval en vermoor. ‘n Foto van die plas bloed is intussen op Facebook geplaas (hiernaas).

Mev. Anna Maria du Toit is insgelyks aangeval en is in die Midmed-hospitaal opgeneem. Volgens bure van die egpaar het honde in die buurt deur die nag geblaf en daar is ook vreemde swartes in die straat opgemerk. Die bure het ook agterna harde slae soos plofgeluide gehoor. Volgens ‘n ooggetuie het een van die aanvallers oor ‘n muur gespring.

Die moordenaars het deur ‘n venster aan die voorkant van die huis ingebreek. Gerugte in die dorp wat per selfoon versprei het, wil hê dat mev. Du Toit ook baie wreed aangerand is en dat albei haar ore afgesny is. Tans is sy egter buite gevaar in die Midmed-kliniek en daar word bloot van ‘n “wond aan haar oor” gepraat.

Die aanval het in die vroeë oggendure in die voorstad Dennesig plaasgevind. Daar was ‘n hewige worsteling alvorens die aanvallers oor die voorste muur gevlug het.

Sedertdien is die hele Middelburg in rep en roer en blykbaar is alle mobiele alarms op die dorp uitverkoop.

Familie en vriende van die egpaar wat die huis gaan skoonmaak het, het die foto op Facebook geplaas.

Фільчаков прокурор

Alyssa Botha (13) vermoor deur lid van geheime krygsmag – vrygelaat deur polisie

Tydens die ondersoek na nog ‘n skietery gisteraand op bure van die Bothas te Muldersdrift wie se dogter Alyssa (13) verlede week vermoor is, het aan die lig gekom dat haar moordenaar ‘n lid van die geheime jeugkrygsmag is waaroor PRAAG vroeër vandag berig het. Gister is hy en nog vier verdagtes egter deur die Suid-Afrikaanse polisiediens vrygelaat, waarna hulle die tweede aanval slegs drie huise van Alyssa s’n gepleeg het.

‘n Bron binne die SAPD het teenoor PRAAG bevestig dat twee van die vyf verdagtes wat gister deur die SAPD vrygelaat is, by die jongste skietery op ‘n buurman betrokke was. Hulle het blykbaar dieselfde wapens gebruik, dus het die polisie nie eens hul wapens afgeneem nie.

Ten minste een van die twee aanvallers is as lid van die jeugkrygsmag, die “Task Desk” by die Tempe-weermagbasis in Bloemfontein opgelei.

Die besluit om die verdagtes in die Alyssa Botha-moordsaak vry te laat, is deur ‘n swart vroue-offisier, luitenantkolonel Katlego Mogale, geneem. Sy het gister beweer dat die polisie “geen getuienis” kon vind wat die verdagtes met Alyssa se moord verbind nie, hoewel een van die verdagtes ‘n geheuekaart van een van die Botha-dogters by hom gehad het.

Die ander drie verdagtes is Zimbabwiërs wat die vermoede laat ontstaan dat hulle reeds oor die grens gevlug het.

Dit is nog nie bekend in watter toestand die man wat gister deur hulle geskiet is, verkeer nie. Hy is na die Chris Hani-Baragwanath-hospitaal vervoer.

Roodt spreek skok oor Jackson-moord uit

In sy hoedanigheid as inligtingshoof van die Vryheidsfront Plus in Gauteng het dr. Dan Roodt sy skok en afgryse oor die moord op mnr. Lolly Jackson uitgespreek. Komende ná die noodlottige aanslag op mnr. Eugène Terre’Blanche, wil dit voorkom asof moorde op openbare figure in Suid-Afrika so algemeen geraak het dat die land ‘n rampokkerstaat genoem kan word.

Die Vryheidsfront Plus betuig sy meegevoel met Jackson se gesin, asook sy vele vriende, kennisse en aanhangers wat vandag intens hartseer moet wees oor die wrede heengaan van ‘n kleurryke man.

Volgens dr. Dan Roodt, het hy Jackson onlangs vir die eerste keer by die voorvertoning van die film waarin hy homself speel, ontmoet. “Ongeag sy taamlik immorele sakebedrywighede en spoedoortredings, het Jackson my getref as ‘n intelligente, innemende man wat boonop ‘n patriotiese Suid-Afrikaner was. Hy het trots vertel dat hy in Angola vir die ou Suid-Afrikaanse Weermag geveg het. Lolly Jackson het ook, ongeag sy geboorte in die buiteland, vlot Afrikaans gepraat.”

As iemand wat in die Kongo gebore is en gesien het hoe dié eens welvarende Belgiese kolonie in anargie verval het, was Jackson bekommerd oor die stygende geweld en wanorde in Suid-Afrika. “Tydens ons gesprek by die filmateljee, het Jackson sy kommer teenoor my uitgespreek oor wat ná die Sokkerwêreldbeker kon gebeur. Hy het voorspel dat Suid-Afrika in ‘n spiraal van geweld en etniese konflik sou verval, min wetende dat hy self nog vóór die sokkerskouspel ‘n slagoffer van die anargie sou word,” het Roodt gesê.

Die Vryheidsfront Plus wil weereens ‘n beroep op die publiek doen om die bedreiging van misdaad en aanvalle op lede van minderheidsgroepe baie ernstig op te neem en by gemeenskapsveiligheidsorganisasies betrokke te raak.

“Ons eis insgelyks van die ANC-regering dat die wapenwet hersien moet word en dat wapenlisensies baie vinniger uitgereik moet word om wetsgehoorsame burgers in staat te stel om hulself te beskerm teen die waaragtige oorlog wat misdadigers en rassistiese moordbendes teen hulle voer,” het Roodt gesê.

Is die ‘Wolf! Wolf!’-sms’e beplan?

Daar is net ietsie wat my so ‘n bietjie pla oor die sms van laas naweek waarin swartes opgesweep word om witmense te vermoor. Ek dink almal was verontrus daaroor. Self het ek gewonder hoe die ding sou uitspeel. Kyk, selfs die minister het dan betrokke graak.

Nou is dit ‘n week later. Super 14-rugby ná ‘n week se harde werk om die land se ekonomie darem soort van op koers te hou. Natuurlik het die blankes ook hierdie week deurgeloop onder die, teen hierdie tyd normale, rassistiese aanrandings en moorde wat deur swartes gepleeg word. So miskien het ons al vergeet van hierdie sms wat sommer so as niks afgemaak is.

Tog dwaal daar so ‘n paar vrae in my kop en moontlik ook in ‘n paar ander mense s’n.

Eerstens, wat het die intelligensiediens toe uitgevind? Hoekom is daar so ‘n totale stilte? Het die minister dan nie self opdrag gegee dat die oorsprong van die sms vasgestel moet word nie?

Tweedens, was dit nie ‘n beplande vals alarm nie? Miskien was daar ‘n vooraf boodskap dat hulle eers op die derde of vierde sms moet reageer. Sodoende sus hul die blankes in ‘n ewige slaap in en almal dink dit is maar net nog ‘n vals alarm.

En dan derdens, hoekom is Malema so stil?

дівчачі ігри онлайн topcargo отзыв