ontvoering – praag.co.za

Bloemfontein: Polisie waarsku enkel-drawwers

Die polisie in Bloemfontein het ‘n waarskuwing aan drawwers gerig om versigtig te wees as hulle alleen gaan draf.

Dit kom nadat ‘n 20-jarige vrou vermoedelik in die Universitas-omgewing deur twee booswigte aangeval is terwyl sy gedraf het.

Vrystaat polisiewoordvoerder, Maselela Langa sê die twee mans, wat in ‘n silwer Opel Corsa gery het, het die vrou vermoedelik probeer ontvoer. Hulle het haar glo geskop, gekrap en in die motor probeer dwing.

Langa sê die vrou kon egter daarin slaag om weg te hardloop. Dit is onbekend of enigiets gesteel is.

Langa sê die vrou het nie ‘n saak by die polisie oopgemaak nie. Hy sê hy het egter die vrou se ma gekontak en haar aangemoedig om na die polisiekantoor te gaan om die voorval aan te meld.

Hy vra dat die gemeenskap dadelik enige verdagte aktiwiteite by die polisie aanmeld.

“Op die huidige oomblik kan ons nie sê dat hierdie tipe voorval meer voorkom as voorheen nie. Omdat dit gebeur het, neem ons dit baie ernstig op. Ons wil graag die gemeenskap waarsku, as hulle gaan draf moet hulle dit nie alleen doen nie. Moenie jouself in ‘n situasie vind waar jy alleen draf nie,” sê Langa.

Bron: OFM

Ontvoerde Suid-Afrikaner in Nigerië se lot onbekend

‘n Suid-Afrikaner, twee Australiërs en twee Nigerië is volgens AFP in Akpabyuo, Nigerië ontvoer.

Hulle werk almal vir ‘n Australiese myn- en ingenieursmaatskappy.

Twee van die buitelanders wat in Nigerië ontvoer is, het intussen daarin geslaag om te ontsnap.

‘n Voormalige Suid-Afrikaner wat nou in Nieu-Seeland woon, twee Australiërs en twee Nigeriërs is ontvoer nadat die bestuurder van hulle voertuig naby die hoofstad van die Cross River-staat, Calabar, doodgeskiet is.

Dit is nog nie bekend of die oud-Suid-Afrikaner een van die mans is wat ontsnap het nie.

Die mans werk vir Macmahon, in Perth. Die vyf mans is volgens ooggetuies op ‘n boot gelaai.

Luidens ander berigte is sewe mense ontvoer.

Vermeende ontvoerder weer voor

‘n Vermeende swart misdadiger, Fannie Mathebula, wat aangekeer is nadat hy glo ‘n skoolkind in Glen buite Bloemfontein ontvoer het, verskyn na verwagting Maandag weer in die Bloemfonteinse landdroshof.

Mathebula het vroeër in die hof verskyn in verband met ‘n gesteelde motor.

Daar word beweer dat Mathebula op 10 Junie die skoolkind ‘n rygeleentheid skooltoe aangebied het. Hy het begin jaag en ‘n verkeersbeampte het tot die kind se redding gekom.

Mathebula word van ontvoering, roekelose bestuur en die beskadiging van staatseiendom aangekla. Hy bly in aanhouding.

Twee polisielede vas vir roof en ontvoering

Die geloofwaardigheid van die polisie het opnuut onder skoot gekom.

Dit volg na ‘n verslag van die navorsingsmaatskappy Futurefact waarin bevind is dat 76 persent van Suid-Afrikaners van mening is dat baie polisielede self misdadigers is.

Net meer as drieduisend mense het aan die meningspeiling deelgeneem.

Twee polisielede, onderskeidelik 35 en 44 jaar oud, is intussen op Pongola in die noorde van KwaZulu-Natal vasgetrek op aanklagte van roof en van ontvoering, het RSG berig.

Daar word beweer dat hulle onder ‘n groep mans was wat veiligheidswagte by ‘n winkel vasgebind, hulle in ‘n suikerrietland agtergelaat en toe die winkel gaan beroof het.

Die KwaZulu-Natalse LUR vir Gemeenskapsveiligheid en Skakeling, Willies Mchunu, het die polisie se betrokkenheid by misdadige bedrywighede skerp veroordeel.

Mchunu sè die meerderheid polisielede in die provinsie is nog steeds mense van integriteit wat baie hard werk en hy het die publiek gevra om saam met die lede te werk en diegene te ontbloot wat by misdadige bedrywighede betrokke is.

‘n Woordvoerder van sy Departement, Sipho Khumalo, sè die polisielede sal later vandeesmaand in die landdroshof op Pongola verskyn.

Verskeie polisiebeamptes van die Douglasdale polisiestasie in die noorde van Johannesburg is blykbaar gister ontwapen nadat hulle kollegas gedreig het.

Die polisielede is na bewering op ‘n sloerstaking omdat hulle ontevrede is oor beweerde rassisme by die stasie.

Die Gautengse polisiewoordvoerder, kolonel Noxolo Kweza, wou nie kommentaar lewer nie.

Klagtes van intimidasie, ontvoering, aanranding teen Thandi Modise

Aanklagte van intimidasie, aanranding en ontvoering is ingedien teen twee mense op die plaas van die voorsitter van die Nasionale Raad van Provinsies, Thandi Modise, het RSG berig.

Die uitvoerende direkteur van die Nasionale Dierebeskermingsvereniging, Marcelle Meredith sê die aanklagte is gelê teen Modise se woordvoerder en ‘n persoon wat die plaas in Noordwes bestuur.

Dit hou verband met ‘n voorval op 29 Julie toe DBV-inspekteurs die plaasdiere wou inspekteer.

Modise se woordvoerder, Neo Moepi het na bewering die plaasbestuurder beveel om die inspekteur se voertuigsleutels weg te neem.

Meredith sê Moepi het hulle ook op die eiendom toegesluit en wou hulle nie uitlaat nie.

Die polisie en DBV-inspekteurs het verlede maand op dooie en verwaarloosde diere op Modise se plaas naby Potchefstroom afgekom.

Dekaan van Stellenbosch ontvoer en aangerand

Prof. Mohammad Karaan (46), dekaan van Agriwetenskap aan die Universiteit Stellenbosch is voor sy woonhuis gekaap en na die swart woonbuurt, Khayelitsha ontvoer.

Daar is hy deur sy ontvoerders beroof en aangerand.

Die inligting is bekend gemaak deur kapt. Frederick van Wyk, ’n polisiewoordvoerder in die Wes-Kaap.

Karaan se kaper het hom in die oprit voor sy huis beveel om agter in die voertuig te klim, en hy het gesien drie mans sit in ’n ander voertuig reg agter sy eie.

Die drie mans het met hom na die swart woonbuurt gery, sy persoonlike besittings gevat en hom in ’n plakkershut aangehou.

Terwyl die kapers in ’n woordewisseling was met mekaar, kon hy ongemerk wegraak en kontak maak met ’n polisiebeampte wat op patrollie was.

Die polisiebeampte het hom opgelaai en na veiligheid geneem

Een van die drie verdagtes is in hegtenis geneem, maar die ander twee word nog gesoek.

Dit is nog onduidelik waarom Karaan ontvoer is. – Die Vryburger

Krejcir wil weer vir borg probeer

Die Tjeggiese voortvlugtige en mafiabaas Radovan Krejcir gaan opnuut probeer om borgtog te bekom.

Hy is voorheen borgtog geweier deur die landdroshof sowel as die Suid-Gautengse hooggeregshof weens die feit dat hy ‘n vlugrisiko inhou.

Hy sal in die Palm Court landdroshof redes aanvoer waarom hy op borgtog vrygelaat moet word.

Sy regsverteenwoordiger sê Krejcir sal bewyse voorlê wat aantoon dat hy ‘n geskikte kandidaat vir borgtog is.

Die onderwêreldbaas is verlede jaar in hegtenis geneem op aanklagte van ontvoering en poging tot moord.

Hy het meer as agt jaar gelede uit die Tjeggiese republiek gevlug nadat hy skuldig bevind is aan bedrog en korrupsie.

Hy het Suid-Afrika met ‘n vervalste paspoort vanuit die Seychelles binnegekom.

Die miljardêr Krejcir besit ‘n paleis in Cernosice naby Praag in Tsjeggië met goud krane, geheime gange en ‘n haai in ‘n vistenk.

Die paleis sou verlede jaar op ‘n veiling verkoop word.

‘Saak teen Krejcir is waterdig’

Die minister van polisie, Nathi Mthethwa sê intussen hy’s vol selfvertroue dat die saak teen Radovan Krejcir waterdig is.

Hy het tydens ‘n New Age sake-toespraak in Midrand noord van Johannesburg gepraat. Mthethwa sê goeie werksverhoudinge tussen speurders het belowende uitslae opgelewer.

Die Tsjeggiese voortvlugtige en sy vennoot sal binne minute in die Palm Ridge landdroshof aan die Oos-Rand op aanklagte van poging tot moord en ontvoering verskyn.

Sy regspan het intussen ‘n klag van poging tot moord teen die polisie aanhangig gemaak. Hulle voer aan dat Krejcir gemartel is nadat hy Vrydagaand by sy huis in Bedfordview in hegtenis geneem is.

Uitspraak sal teen laatoggend in die Suid-Gautengse hooggeregshof gelewer word oor ‘n aansoek om Krejcir na ‘n hospitaal te verplaas.

Ná sy hofverskynings vandag is Krejcir se probleme met die Suid-Afrikaanse gereg nog nie verby nie.

Hy het ses jaar gelede met ‘n vervalste paspoort uit die Seychelle in die land aangekom.

Hy veg tans om nie na die Tsjeggiese Republiek uitgelewer te word nie, waar hy ‘n elf-jaar tronkstrafvonnis moet uitdien.

Die Suid-Afrikaanse Inkomstediens het ook twee weke gelede Krejcir se bates onder kuratorskap geplaas.

Die hooggeregshof in Pretoria het Krejcir tot volgende Maandag tyd gegun om ‘n saak te stel oor waarom sy bates nie permanent in beslag behoort te bly nie. – RSG

Voormalige polisieman ontvoer kind, eis R1,5 miljoen losprys

‘n Voormalige polisiebeampte is in hegtenis geneem in verband met die ontvoering van ‘n negejarige seun van Lyttelton Manor in Pretoria.

Die man wat voorheen ‘n konstabel was by Lenasia se Speurtak vir handelsmisdaad, is in Johannesburg in hegtenis geneem nadat die seun Dinsdag by sy laerskool vermis geraak het.

Hy het ‘n losprys van R1,5 miljoen van die seun se ouers geëis wat hy later na R250.000 en ‘n motor, verminder het.

Die verdagte sal binnekort in die hof verskyn. – RSG

Ontvoerde vrou uit kattebak gered

‘n Vrou wat Dinsdag tydens ‘n rooftog in Randfontein aan die Wes-Rand ontvoer is, is gered het Johannesburg se metropolisie gesê.

Wayne Minnaar, polisiewoordvoerder, het gesê die vrou is uit ‘n motor se kattebak gered en drie swart mans is in verband met die voorval in hegtenis geneem.

“Die motor is met behulp van ‘n opsporingstoestel in Brixton gevind en die drie verdagtes is in hegtenis geneem,” het Minnaar gesê.

Hy het bygevoeg dat twee ongelisensieerde vuurwapens, drie selfone en juweliersware ook in die mans se besit gevind is.

“Die vrou het geen beserings opgedoen nie, maar sy was getraumatiseer,” het Minnaar gesê.

Die drie verdagtes sal binnekort in die hof verskyn. – Sapa

Bebloede lyk van 11-jarige in plakkershut gevind

Die bebloede lyk van ‘n 11-jarige meisie is die afgelope naweek in ‘n plakkershut in Limpopo gevind, het die polisie Dinsdag gesê.

Die meisie se vriendin, wat aan ernstige beserings ly, is ook in die plakkershut gevind.

Kol. Ronel Otto, polisiewoordvoerder, het in ‘n verklaring gesê ‘n 27-jarige man sal Dinsdagoggend in die Bolobedu-landdroshof verskyn in verband met die voorval.

Otto het gesê die 11-jarige Hermanda Masia en haar vriendin het by nóg ‘n vriend en ‘n 20-jarige vrou in Bokhuta gaan kuier.

“Die 20-jarige vrou het die huis vroeg Sondagoggend verlaat om kerk toe te gaan, maar toe sy terugkeer, was die huis se deur afgebreek en albei meisies was vermis.

“Nadat sy rondgevra het, het sy inligting ontvang dat die meisies in dieselfde gebied by die plakkershut van die 27-jarige verdagte gesien is.”

Toe die vrou by die plakkershut ingaan, was albei meisies vol bloed en het nie beweeg nie.

Hermanda is later dood verklaar en haar vriendin is na ‘n hospitaal geneem.

Die eienaar van die plakkershut staan tereg op aanklagte van moord, ontvoering en huisbraak.

‘n Nadoodse ondersoek sal gedoen word om vas te stel of die kind ook verkrag is.

Die meisie wat die aanval oorleef het, sal ondervra word sodra sy met die owerhede kan kommunikeer. – Sapa

Vermiste kind: Twee aangekeer

Die polisie het twee verdagtes in hegtenis geneem in verband met die verdwyning van die vierjarige Shaskia Michaels van Mitchells Plain in die Wes-Kaap.

“Terwyl die soektog na Shaskia voortduur het die polisie Sondag twee mans, onderskeidelik 41 en 21 jaar oud, in hegtenis geneem op ‘n klag van ontvoering in verband met haar [Shaskia] verdwyning,” het André Traut, polisiewoordvoerder, gesê.

Shaskia is verlede Donderdag laas buite haar ouma se huis in Tafelsig gesien.

Kaapstad se burgemeester, Patricia de Lille, het ‘n beloning van R50 000 aangebied vir inligting oor die kind. – Sapa

Swart kinderverkragter hang hom net voor hofverskyning

Die polisie het ‘n dossier vir ‘n nadoodse ondersoek geopen nadat ‘n swartman wat daarvan aangekla is dat hy 34 kinders en twee vroue verkrag het, in sy tronksel selfmoord gepleeg het.

Die Mondeor-polisiestasie het ‘n dossier vir ‘n nadoodse ondersoek geopen ná sy dood in sy sel. Hy is in ‘n enkelsel opgesluit aangesien hy ‘n hoërisiko-oortreder was,” sê ‘n woordvoerder van die Gautengse korrektiewe dienste, Ofentswe Morwane.

Sifiso Makhubu, 42, sou vandag op 122 aanklagte in die Hoëhof in Johannesburg verskyn, tydens ‘n sitting in die Palm Ridge-landdroshof.

Hy het hom egter gisteraand (Woensdagnag) met ‘n stuk kombers opgehang. Hy is by die Johannesburgse gevangenis aangehou, wat as “Sun City” bekendstaan.

“Bewaarders het hom vanoggend waar hy in sy sel hang, aangetref toe hulle hom wou gaan haal om hom na die hof te bring,” sê Morwane.

Die aanklagte waarop hy sou teregstaan, sluit in: verkragting, ontvoering, moord, roof, en poging tot moord deur sy slagoffers met MIV te besmet. Die misdade het in die Kathorus-buurt in Vosloorrus gedurende 2006 plaasgevind.

Hy is in 2011 in hegtenis geneem. – praag en Sapa

Praat is klaar

Liewe mede-nie-liberale Afrikaner. Min van ons mense besef die uiterste gevaar waarin ons ons tans bevind. Selfs ons kinders se veiligheid is nou radikaal in gedrang. Die ANC-regime het inderdaad ons eie kinders van ons vervreem; hulle het ons geskiedenis uit hul boeke gehaal en verdwaal sonder riglyne gelaat. Die volgende generasie gaan nie eens weet wie hulle is of was nie en dit word erger.

Elke soort openbare diens is reeds in duie of is spoedig afgrond toe. Die kommerwekkendste is natuurlik ons land se veiligheidsdiens. Om korrupsie toe te smeer, is vir die kommunistiese regime baie belangriker as nasionale veiligheid. Daar bestaan reuseleemtes in ons nasionale veiligheidstelsel. Die nuutste wat kop uitsteek, is die ontvoering en uitvoer van jong wit dogters; my dogter is jou dogter as dit by hulle veiligheid kom. Ons as verantwoordelike mens behoort hulle ten alle koste te beskerm.

Daar is skielik ‘n hewige styging in dié gruwelike misdaad, ons kinders wat as prostitute uitgevoer word. Dit is so verskriklik, dit maak my naar. Dink tog daaraan: dit kan jou dogtertjie wees wat volgende is. Om staat te maak op die polisie vandag is ‘n hopelose saak en onverantwoordelik. Tog sit ons terug en wag op beter dae. Elke dag wat verbygaan, is soos ‘n dier wat brandsiek is; hy sal nie vanself beter word nie.

Het Retief nie met sy bloed aan ons gewys dat jy nie met hulle kan onderhandel nie; waarom probeer al die Afrikanerorganisasies nog? Die tyd van praat is inderdaad verby. Daar is maar een oplossing: Ons moet ons veiligheid in ons eie hande neem. Dit is nie ons reg nie maar ons plig! Paraatheid en selfbeskerming was nog altyd ‘n tradisie onder ons mense, wat die afgelope tyd verwaarloos is.

Ons sal lewe, ons sal sterwe, Ons vir jou Suid-Afrika. Dit het ons herhaaldelik gesing en tog net daar laat staan. Kom ons staan tog vir eenmaal op en beskerm ons vrouens en kinders. Kom ons hou op praat en wys die vyand en die wêreld dat ons nog ‘n volk is. Kom ons maak ons voorvaders trots op die feit dat hulle geveg nie tevergeefs was nie. Dit is tyd dat ons wapens opneem en onsself beskerm teen ons vyand, ons geskiedenis terug eien en ons deur ons eie mense gelei word.

Soos Prediker 3:1-8 lui:

1 Elke ding het sy vaste tyd, elke ding in hierdie wêreld het sy tyd:

2 daar is ‘n tyd om gebore te word, ‘n tyd om te sterwe, ‘n tyd om te plant, ‘n tyd om plante uit te trek,

3 ‘n tyd om ‘n lewe te neem, ‘n tyd om ‘n lewe te red, ‘n tyd om af te breek, ‘n tyd om te bou,

4 ‘n tyd om te huil, ‘n tyd om te lag, ‘n tyd om te treur, ‘n tyd om van blydskap te dans,

5 ‘n tyd om klippe weg te gooi, ‘n tyd om hulle bymekaar te maak, ‘n tyd om te omhels, ‘n tyd om weg te bly van omhelsing af,

6 ‘n tyd om aan te skaf, ‘n tyd om te laat wegraak, ‘n tyd om te spaar, ‘n tyd om weg te gooi,

7 ‘n tyd om te skeur, ‘n tyd om toe te werk, ‘n tyd om stil te bly, ‘n tyd om te praat,

8 ‘n tyd om lief te hê, ‘n tyd om te haat, ‘n tyd vir oorlog, ‘n tyd vir vrede.

Die Afrikanerhaters sal my nooit onderkry nie; ek sal veg tot ek my laaste asem uitblaas.

ротор купить topcargo отзыв