veiligheid – praag.co.za

Brief: Plaasmoorde: Ons is op ons eie

Oor die afgelope 20 jaar is veels te veel landbouers op plase en kleinhoewes in SA aangeval en wreedaardig vermoor. Oor dieselfde tydperk is baie beloftes oor hulle beveiliging gemaak, strategiese beplanningsessies en dinkskrums is gehou. Baie nuwe ministers en kommissarisse van polisie het gekom, beloftes gemaak en toe weer verdwyn. In parlementêre debatte oor die probleem is daar nie na oplossings gesoek nie maar beledigings en beskuldigings geslinger. Meer mense is gedood. Dinge het net erger geword. Dit is ‘n skande dat die regering mbv 50 miljoen mense, wat afhanklik is van voedsel verbou deur vyftiger duisend boere, hulle nie behoorlik kan beskerm nie terwyl daar ‘n grondwetlike plig is om dit te doen.

Die Grondwetlike Hof-uitspraak (Mashonwa versus PRASA – saak CCT 03/15 gedateer 26 November 2015) is belangrik, beskou teen die breë agtergrond van ons landbouers se veiligheidsituasie. Die Grondwetlike Hof het PRASA, as een van die organe van die staat, verantwoordelik gehou vir die veiligheid van passasiers op hul treine. Die SAPS en SANW is ook organe van die Staat – in beheer van die veiligheid van ‘n baie groter “trein” – die RSA en sy mense ingevolge artikels 7.2, 11, 12(1)(c) en andere van ons Grondwet, 1996. PRASA se “late” (opsetlik of nalatig) is deur die Grondwetlike Hof bestraf en PRASA moes betaal.

Ingevolge die PRASA-beslissing behoort landbouers ook ‘n aksie en eis teen die Staat te hê omdat sy organe (SAPS en SANW) wat vir hul veiligheid verantwoordelik is nie ontplooi word (soos van PRASA-sekuriteit verwag was) om die landbouers te beskerm nie. ‘n Verdere probleem is die liberale wetgewing en hofpresedente mbt borgtog vir diegene wat gevang word.

Nou is daar ‘n nuwe minister en hy maak nuwe beloftes terwyl hy sydelings, eintlik as verskoning vir die regering se onvermoë en weiering om daadwerklik boere te beskerm, na sekere boere verwys as “rotten potatoes”. Hy seg wel meeste boere is nie “a bunch of racists” nie. Tog versuim die regering sy konstitusionele plig om hulle (die nie-rasiste) te beskerm deur die polisie asook die weermag te ontplooi. Ons beleef ook aanvalle van buitelanders op ons landbouers en dis die weermag se plig om ons mense teen hulle aanvalle beskerm al is dit nie buitelands georkestreerd nie. In ‘n groot aantal gevalle is daar Zimbabwiese, Lesothose en/of Mosambiekse burgers verantwoordelik vir aanvalle wat uitgevoer word, met weermagtipe wapens, met feitlik militêre presisie.

Ek het 10 jaar terug, toe beloftes en beloftes deur regeringspolitici gemaak is, geskryf ons mense is op ons eie. Ons is en sal waarskynlik nieteenstaande die nuwe minister se beloftes steeds grootliks op ons eie wees omdat die kommandostelsel afgeskaf is en niks doeltreffends in die plek daarvan ingestel is nie. Al bestee boere honderde duisende rande, wat baie nie het nie, aan sekuriteit en plaaswagstelsels sal die aanvalle waarskynlik nie ophou nie. Die aanvalle is feitlik deurgaans dodelik teen baie ou mense en andere wat meestal snags oorval word omdat hulle nie ‘n eerstelinieverdediging het nie. Heinings, kameras en “strale” werk nie eintlik nie. So ook nie paniekknoppies nie want as die hulp opdaag, is mense reeds dood. Die aanvalle word net meer gesofistikeerd en deur groter bendes uitgevoer. Om dit die hoof te bied, benodig landbouers eerstelinieverdediging wat 24 uur per dag oë op die horison en ore teen die wind het.

Die sowat 1181 polisiereserviste wat nou opgelei staan te word sal waarskynlik nie ‘n druppel in die emmer wees om 50 duisend landbouers te beskerm nie. Indien hulle so hopeloos is soos baie van die permanente lede dan sal die landbouers hulle boonop óók moet beskerm. Die enigste doeltreffende eerstelinieverdediging wat tot dusver in Afrika gewerk het om landbouers te beskerm was die sg. “Bright Light”-sisteem wat in die 70’s noord van die Limpopo in gebruik was. Dit het bestaan uit dienspligtige weermaglede bokant 50 jaar oue wat vir ‘n maand of 6 weke die boer se woning en gesin beveilig het deur om die beurt wag te hou — hoofsaaklik snags. Dit was mense op wie die landbouer kon vertrou. Hulle het vroegtydig onraad gewaar, die boer betyds wakker gemaak en gehelp om baie terroristeaanvalle suksesvol af te weer.

Die nuwe minister met sy beloftes en slim praatjies beïndruk nie. Ons is op onsself aangewese.

— Ben de Ruyter

Lid van Wilders se beskermingseenheid vas na hy inligting lek

Die Nederlandse agent Faris K. wat vir die eenheid gemoeid met die veiligheid van politici en diplomate, insluitend die beskerming van Geert Wilders, gewerk het, is gevang dat hy sensitiewe inligting lek. Die agent is van Marokkaanse afkoms.

‘n Gevestigde bron het aan die Nederlandse AD Nuus vertel dat Faris K inligting aan ‘n Marokkaanse misdaadsindikaat oor die moontlike doen en late van politici, hoë-profiel diplomate en die koninklike familie, kon uitgelek het.

Die veiligheidsdienste sê die agent is nou betrokke by die veiligheid van PVV-leier Geert Wilders, wat onder konstante 24/7 beskerming is ná doodsdreigemente van jihadiste en pogings op sy lewe.

Hoewel Faris K. nie betrokke was by die direkte persoonlike sekuriteit van politici nie, was hy bekend as ‘n “ontdekker”, iemand wat inligting oor plekke versamel waar die teikenpersoon heen reis.

Volgens polisiehoof Erik Akkerboom, weet hulle nog nie wat die omvang van die lekkasies was nie. Dit is bevestig dat Faris K. toegang tot sensitiewe inligting in geklassifiseerde polisielêers gehad het, en daarom kennis van die reisroetes, veilige huise en krisisstrategieë gedra het.

Die eenheid wat getaak is met die persoonlike veiligheid van BBP’s staan bekend as die DBB in Nederlands. Hulle pligte sluit die monitering van Geert Wilders in, het ‘n polisie-bron bevestig.

“As ek nie meer blindelings kan vertrou op die diens (DBB) wat my moet beskerm nie, kan ek nie meer funksioneer nie. Dit is onaanvaarbaar,” het Wilders getwiet. Nasionale polisiewoordvoerder, Dennis Janus het bevestig aan AFP dat ‘n agent in hegtenis geneem is Maandag wat daarvan verdink word dat hy “amptelike geheime geskend het”.

Eerste Minister Rutte neem die bedreiging ernstig sê hy. Hy het ontmoet het met die PVV-leier oor sy veiligheid. Maar hy wou nie kommentaar lewer oor hul bespreking nie. Wilders het ook getwiet dat Rutte die saak as ernstig beskou.

Ander politieke partye eis ‘n verduideliking van die Eerste Minister. “Ons wil ‘n brief van Rutte hê,” sê D66 leier Alexander Pechtold. Hy het die nuus “kommerwekkend” genoem.

Voorsitter Jan Struijs van die Nederlandse polisie-unie sê die lekkasies was te wagte, want “inligting is die nuwe goud”.

NCTV-baas Dick Schoof het gewaarsku onlangs in die Nederlandse media dat, in Nederland, bande tussen misdadigers en jihadiste al hoe nouer raak. Op hierdie manier is spesifieke inligting oor politici soos Wilders baie gesog.

Die agent is intussen van sy pligte onthef. Nederlandse koerante De Telegraaf en NRC Handelsblad en nasionale uitsaaier NOS het die verdagte as ‘n ervare beampte in sy middel-30s geïdentifiseer.

Konserwatiewe politikus Pim Fortuyn is vermoor net nege dae voor die Nederlandse verkiesings in 2002. Die Peilingwijzer opname het getoon dat Wilders voorloop.

Operaster onttrek van Trump-inhuldiging ná doodsdreigemente

‘n Internasionale operaster het doodsdreigemente ontvang omdat hy by die Trump-inhuldiging sou optree.

Operaster Andrea Bocelli sou sing by inhuldiging van Donald Trump maar ná doodsdreigemente onttrek, het The Mail on Sunday berig.

Die nuus kom in die nasleep van die besluit van ‘n swart sanger Jennifer Holliday om ook te onttrek nadat sy gedreig en gebrandmerk is as ‘n “Uncle Tom”, ‘n swart verraaier wat met wittes heul.

Die blinde tenoor se onverdraagsame linkse aanhangers het gesê hulle gaan sy konserte en opnames boikot as hy sing by die Trump-inhuldiging.

Maar ‘n bron het aan die Britse Daily Mail gesê dat die 58-jarige vasbeslote was om te sing, maar onttrek het op advies van sy sekuriteitspan nadat hy doodsdreigemente ontvang het.

Holliday egter, het in ‘n verklaring om verskoning gevra aan lesbiese, gay, biseksuele en transgender ondersteuners vir die feit dat sy “oningelig” was oor hul griewe.

“My enigste keuse moet nou wees om met die LGBT-gemeenskap saam te staan en onomwonde te stel dat ek nie sal meedoen aan die verwelkomingskonsert of aan enige van die inhuldigingvieringe nie.”

Maar Die Washington Post berig dat Washington DC se veiligheidshoof net dae voor die inhuldiging afgedank is, wat potensieel ‘n groot sekuriteitsprobleem vir die organiseerders skep.

Maj. Gen. Errol R. Schwartz se skok-ontslag kom te midde van vieringe wat geklassifiseer word as ‘n nasionale spesiale sekuriteitsgebeurtenis. Schwartz het maande lank beplan aan die veiligheid van DC vir daardie dag.

Betogers maak intussen reg om groot ontwrigting by die inhuldiging te saai. Die protes sal vandalisme, en eiendomsvernietiging insluit, het ‘n bron met intieme kennis van die protesplanne aan die Daily Caller Vrydag gesê.

Die bron het bygevoeg dat die betogers elke kontrolepunt gaan blokkeer met een of ander liberale grief soos klimaatsverandering of rassisme.

Organiseerders vir #DisruptJ20 is van plan om af te skop op 18 Januarie met ‘n gay danspartytjie buite die huis verkose vise-president Mike Pence.

Schwartz, wat aangestel is deur president George W. Bush in 2008, het gesê sy opdragte kom van die Pentagon, maar dat hy nie weet wie die besluit geneem het nie.

Hy het ook bygevoeg dat geen redes verskaf is oor waarom hy gevra is om te bedank nie. “Ek is ‘n soldaat,” het hy gesê en daarop gewys dat hy bevele volg. “Ek is ‘n presidensiële aangestelling, dus die president het die mag om my te verwyder.”

Anders as in ander Amerikaanse deelstate waar die goewerneur die National Guard se bevelvoerder aanstel, rus daardie plig op die president in Washington DC.

Weereens dui hierdie stap op die begeerte van die Obama-administrasie om ‘n gladde magsoorgang te ontspoor om sodoende Trump te legitimiteit te ondermyn.

Zuma bekommerd oor sy veiligheid

Media 24 berig dat president Jacob Zuma nou deur die polisie se spesialis taakmag-eenheid én swaar gewapende weermagsoldate opgepas gan word.

Dit is glo ‘n aanduiding dat daar kommer heers oor sy veiligheid.

Rapport het berig dat die nuwe veiligheidspersoneel beteken dat Zuma se motorgevolg nou gereeld uit meer as 20 voertuie en motorfietse bestaan.

Volgens die Sondagkoerant se inligting is daar sowat twee maande gelede ’n vergadering by die Waterkloof-lugmagbasis besluit dat die nuwe verskerpte veiligheidsmaatreëls nodig is.

Die motorkade sluit in ‘n ambulans en ‘n aparte voertuig vir Zuma se militêre dokter. Geen vorige staatshoof het nog van dieselfde aantal personeel gebruik gemaak nie.

Weermagwoordvoerder Xolani Mabanga het ná navrae van die koerant gesê die weermag sal nie Zuma se veiligheidsmaatreëls met die media bespreek nie.

Honde-eienaars gewaarsku oor vergiftiging

Die polisie in die Vrystaat en die Dierebeskermingsvereniging (DBV) doen ‘n beroep op honde-eienaars om voorvalle aan te meld waarin honde deur booswigte vergiftig word om makliker toegang tot eiendomme te verkry.

Dit kom nadat voorvalle van vergiftiging sedert die begin van die jaar in Welkom, Virginia en omliggende gebiede toenemend voorgekom het. Polisiewoordvoerder, Stephen Thakeng, sê nog niemand is in hegtenis geneem in verband met die mees onlangse voorval waarin vier honde op ‘n erf in Bedelia in Welkom vergiftig is nie.

Daar is in die motorhuis ingebreek en ‘n motorfiets is gebuit terwyl die eienaars geslaap het. Hulle het eers die volgende dag op hul dooie honde afgekom. Hy sê sodra eienaars vermoed hul honde is vergiftig, moet dit aangemeld word sodat dié woongebiede onder meer intensief gepatrolleer kan word. Die voorsitter van die DBV se Virginia-tak, Thea Smit, sê sedert Januarie is sowat 50 voorvalle in dié gebied aangemeld.

Smit beaam Thakeng se versoek dat voorvalle van vergiftiging aangemeld moet word. “Laat weet ook jou bure, want in baie gevalle word jou honde vergiftig, omdat hulle ook ‘n lawaai gaan maak as daar by jou bure ingebreek word.” Sy sê daar moet rekord gehou word van die voorvalle sodat statistieke beskikbaar is. Honde is nie slegs daar om eiendom te beskerm nie, hul veiligheid moet ook in ag geneem word.

Sy beveel aan dat honde veral snags, indien moontlik, in die huis slaap of in ‘n buitekamer wat nie aan die straat grens nie. Dit kan voorkom dat honde vergiftig word. Sy glo honde is meer werd as hulle in die huis is, want hulle kan hul eienaars waarsku as daar indringers is.

Thakeng sê mense moet juis na só ‘n voorval hul veiligheid ook opskerp. Plaaslike buurtwagte en veiligheidsmaatskappye moet in kennis gestel word. ‘n Klag van opsetlike saakbeskadiging kan by die polisie aangemeld word wanneer honde vergiftig word.

Smit sê huiseienaars kom in sommige gevalle eers die volgende oggend op hul vergiftigde honde af. Dan is daar in buitekamers of motorhuise ingebreek. In ander gevalle is honde vergiftig sonder dat daar ingebreek is. Daar was dalk elders in die straat ‘n inbraak. Sy sê honde word hoofsaaklik snags vergiftig. Die gevreesde, dodelike Two-Step word in onder meer rou vleis versteek en vir honde gegooi om te vreet.

Vergiftigde honde moet spoedig na ‘n veearts of die DBV geneem word. Honde kan simptome soortgelyk aan ‘n epileptiese aanval toon. Dit sluit in die swaar beweging van ledemate, braking en speeksel uit die hond se mond. Geaktiveerde houtskool of ‘n lakseermiddel kan help, sê sy. Dit is egter uiters noodsaaklik om steeds mediese hulp te kry.

Intussen sê Reinette Meyer, ’n senior inspekteur van die Bloemfonteinse DBV, sover bekend was daar nie onlangs enige soortgelyke voorvalle in Bloemfontein nie. Die polisie het dit ook bevestig. Meyer sê dit is egter belangrik dat inwoners ingelig word oor hierdie tipe misdaad.

Bron: OFM

Wildpark ontken nalatigheid na tieraanval

Oor-en-weer beskuldigings word rondgeslinger ná die voorval Vrydag waartydens ‘n Franse seun deur ‘n tier aangeval is op ‘n wildplaas in Heilbron in die Vrystaat.

Die 10-jarige seun se pa hou vol dat die Tau Thaba-lodge nalatig was, terwyl die eienaar, JC Pretorius aanvoer dat die seun herhaardelik gewaarsku is dat hy te naby aan die heining gestaan terwyl hulle foto’s geneem het van die diere wat agter ‘n heining toegesluit was.

Pretorius het aan OFM-nuus gesê hy het die plaas al 24 jaar en dat dit die eerste keer is in 16-jaar, sedert hy die tiere aanhou, dat so iets gebeur.

Die seun is in die Milpark-hospitaal in Johannesburg opgeneem nadat hy deur ‘n plaaslike dokter na ‘n plastiese chirurg verwys is.

Pretorius sê sy permit is in Januarie vanjaar hernu nadat al sy kampe en veiligheidsmaatreëls deur Natuurbewaring goedgekeur is.

Hy sê die seun het erge snye aan sy arm en boude opgedoen. Die name van die seun en sy pa is nie bekend gemaak nie.

Onderhoud met Steve Hofmeyr oor dreigemente teen hom op Ermelo

Wie dink jy sit regtig agter die veldtog teen jou op Ermelo?

Ek was verbaas om die http://www.satirenews.co.za-artikel as verspreide pamflet oral oor Ermelo te sien. Dis moontlik nie hulle nie, maar genoeg om halsoorkop-brandstigters aan te por tot enigiets. Ek word reeds nasionaal geboikot oordat ek kastig “rassisties” sou wees.

Het Naspers of Media24 iets daarmee te doen?

Ek het geen bewyse van wie die samesweerders sou wees nie, maar dis heel maklik om sirkels om my antagoniste te trek. Ek is ‘n dr*l in die drinkwater van die linkse narratief dat wit, Afrikaans en Westers taboe is en dat hulle alleen die juk moet dra van elke historiese nederlaag suid van die Sahara.

Is daar ‘n algemene anti-Afrikaanse veldtog in Suid-Afrika aan die gang, byvoorbeeld aan die universiteite, by die Woordfees (wat jy ook noem), ens.?

Deur die studente wat brand en breek met progressiewe handskoentjies te paai, skep ‘n heerlike platform vir anargie. Ermelo (asook Tukkies en Kovsies) het reeds gewys dat dit nie oral so maklik gaan wees om Afrikaans af te skaal, Afrikanererfenis te vandaliseer en “wit” leergewoontes en orde te ontwrig nie. Ek voorsien ook hofsake van hier af aan in dié verband.

Die stroom van die tydgees loop nie net teen ons in nie, maar inspireer ‘n skuim-om-die-mond-selfgeregtigheid onder swartes wat stadig besig om sy morele hoëgrond prys te gee.

Wie het aan jou ekstra veiligheid op Ermelo voorsien?

Ermelo was nie enige Boerepaartie nie. Verskeie sekuriteitsfirmas het vrywillig en gewapend opgedaag om ons te beskerm. Boere het van heinde en verre ingery, meesal ook gewapen. G’n wonder daar was geen rooi of geel trui in sig nie. Ek vermoed die Afrikaners sou mý skiet as ek nié Die Stem gesing het nie. Gelukkig was die ANCJL se ultimatum dat ek nie “die volkslied (De la Rey)” mag sing nie. Toe die skou hulle daarop wys dat dit eintlik ‘n Bok van Blerk-lied was, was die jeugliga se pertinente antwoord: “Do you think we are stupid?”

Lees ook: Swart ‘bloedbad’ teen Steve Hofmeyr-konsert op Ermelo met kulpamflet aangehits

Video: Swart student val blanke veiligheidsbestuurder by Tuks aan

In nog ‘n geweldsvoorval op die kampus van die Universiteit van Pretoria, het ‘n swart student ‘n veiligheidsbestuurder van agter af aangeval, soos op die kort video hier onder te siene is. ‘n Hele groep van die swart veiligheidsbeamptes probeer agterna die belhamel aankeer.

Bestuur van Unilofts ontken enige diefstal of plundery by studentekompleks

Die bestuur van Unilofts, die gebou met studentewoonstelle in Hatfield, Pretoria, ontken dat enige woonstelle in sy kompleks geplunder is of dat daar misdaadvoorvalle tydens studentebetogings plaasgevind het. Volgens mnr. Jan Botes, die uitvoerende beampte van Legprop, eienaars van Unilofts, is die inligting in Praag se berig “kwaadwillig en totaal onaanvaarbaar”. Hy eis ‘n regstelling van die feite wat ons oorspronklik van studente ontvang het en tot dusver nie self kon kontroleer nie.

Hoewel voertuie elders voor die Uniegebou verbrand is, “is geen voertuie egter tydens die protes beskadig voor of binne Unilofts Pretoria nie”.

Aangaande diefstal of plundery, sê mnr. Botes in sy verklaring:

Daar was absoluut geen plundery hoegenaamd by Unilofts Pretoria nie – nog nooit nie nie eens ‘n poging daartoe nie.

Studente by Unilofts is ook nie beperk tot diegene wat nie tot koshuise toegelaat word nie.

Unilofts… verskaf verblyf aan studente wat privaat wil bly en nie noodwendig net dié wat nie koshuis-verblyf kry nie. Unilofts is ‘n gesogte en baie gewilde studentveblyfkompleks en elke jaar sover 100% beset met studente van alle rassegroepe. Besoek gerus ons webtuiste by www.Unilofts.co.za.

Wat veiligheid oor die algemeen by die gebou betref, verklaar die maatskappy:

Unilofts het seker die beste sekuriteit van alle studentebehuisingskomplekse en daarop is ons baie gesteld en ons is ook tans besig om dit nog verder op te gradeer tot die voordeel van ons inwoners en die eienaars. Daar was selfs addisionele sekeriteitswagte aangestel die dae van die betogings. Daar het nie een van betogers in ons kompleks ingekom nie! Daar is nie een deur afgebreek of in enige woonstel eenheid ingebreek nie want hulle was glad nie op die perseel nie. Hoegenaamd niks is geplunder of gesteel by Unilofts Pretoria nie – absoluut niks! Ons sekuriteit was op diens saam met ons bestuurder tydens die optogte en by Unilofts Pretoria was daar geen insidente hoegenaamd nie. Ons studente in die kompleks was almal veilig en nooit in enige gevaar nie.

Daar was geen plundery en geen artikels van enige iemand was gesteel nie. Die stelling dat ons veiligheidswagte aan sulke bedrywighede verbind word is total absurd en ‘n leuen, hulle was juis besig om die gebou op te pas om te verseker die eiendom word beskerm en dat ons huurders veilig is. Waar studente in die omgewing aan sulke snert kom sal nugter weet! Daar is geen konflik tussen ons veiligheidswagte en inwoners nie.

‘n Groep betogende swart studente het wel verby die gebou beweeg, maar die perseel self is nooit betree nie en daar is nie by die gebou deur stropers ingebars nie. Mnr. Botes sê:

Die betogers het voor die Universiteitshekke vergader en wel verby Unilofts Pretoria in ‘n groep beweeg maar niemand het by Unilofts Pretoria ingebars en al die skade en stelery aangerig soos beweer word nie. Ons sekuriteit was op hulle pos en alles het goed en ordelik by Unilofts Pretoria verloop. Miskien was dit ‘n ander studentekompleks met ‘n soortgelyke naam maar definitief nie Unilofts Pretoria nie. Die persoon wat hierdie inligting verskaf het, is heeltemal verward en verkeerdelik ingelig, of net ‘n kwaadstoker of net bloot ‘n leuenaar.

Volgens mnr. Botes sal hy graag die persoon wil ontmoet en ondervra wie se goed by Unilofts gesteel is,

“want ons dra geen kennis daarvan nie en daar is sekerlik niks by ons sekuriteitsarea uitgevat nie. Weereens beklemtoon ek dat daar geen insident by Unilofts Pretoria was nie”.

Tot dusver kon PRAAG nog nie weer die studente wat die bewerings gemaak het, opspoor nie, maar sodra ons oor meer inligting beskik, sal ons hul weergawe van die gebeure, moontlik by ‘n ander woonstelgebou, verder publiseer. Ons wil ook ‘n meer breedvoerige ondersoek na die bewerings van seksuele teistering deur voetgangers in Hatfield doen, wat video-onderhoude met damesstudente mag insluit.

Totale migrasie-ramp tref Duitsland

Dat zich in Zuid-Duitsland door de massale illegale immigratie een ramp voltrekt, dringt nog niet tot iedereen door. Politici in Berlijn proberen de indruk te wekken dat Duitsland de komst van een miljoen asielzoekers dit jaar wel kan verwerken. “Wir schaffen das”, zei bondskanselier Angela Merkel (CDU): “Het gaat ons lukken”.

Maar dit is helemaal de vraag. Kijk naar een huilende vrouwelijke afgevaardigde uit Beieren, de zuidelijke regio die de zwaarste klappen moet opvangen. Op een bijeenkomst van haar sociaal-democratische partij, de SPD, in Berlijn, waar zo’n driehonderd regionale en lokale SPD-politici hun hart kwamen luchten over de onhoudbare toestanden in hun gemeentes en regio’s, deed een moedige Brigitte Meier behalve emotionele ook zeer verontrustende uitspraken. “De openbare veiligheid is in het geding!”, zegt zij, nee, roept zij naar de zaal.

Kijk en huiver. Dit is een opname van een besloten SPD-bijeenkomst in de Rijksdag. Die vrou is in trane!

Vertaling uit Duits:

“Er moet iets veranderen. Stelt u zich voor wat dit veiligheidstechnisch allemaal betekent. Het Oktoberfeest begint, met 7 miljoen bezoekers – Ik heb het hier over een acuut veiligheidsprobleem! – dit kan het hoofdstation van München helemaal niet meer aan!

Er kwamen de afgelopen twee weken 55.000 mensen naar München, 55.000, en we konden de treinen niet meer doorsturen omdat jullie, uit de andere regio’s, die vluchtelingen weigerden. Op Nedersaksen en Noordrijn-Westfalen na! Dank daarvoor!

Als dit zo doorgaat dan kunnen we de openbare veiligheid niet meer garanderen. Als het ons niet gaat lukken… We hebben ons al afgevraagd bij Sociale Zaken in München of we misschien de noodtoestand moeten uitroepen, net als bij overstromingen. Maar dat was al nutteloos geweest in dit geval, dat stadium zijn we al voorbij. Alle hulpdiensten waren al gemobiliseerd, misschien hadden we nog twee dagen nieuwe bedden en tenten kunnen krijgen.

Zelfs dat helpt ons dus niet meer. Daarom zijn we zo ongeduldig.

De vraag hier is: erken wat zich in Passau, Rosenheim en München afspeelt! Kom zelf kijken wat er bij ons aan de hand is. De situatie in het zuiden van deze republiek zal snel veiligheidstechnisch buiten controle raken. We wilden de Olympiahal openen, maar we wisten niet eens hoe en met wat. Er waren geen bedden en dekens, we zochten al naar luchtbedden, we hebben via vrijwilligers die spullen bij elkaar moeten zoeken.

En met wie? Het Technisches Hilfswerk, het Duitse Rode Kruis, ze konden niet meer, die mensen waren aan het einde van hun krachten, We hebben notabene het leger in moeten schakelen!

Dat is de stand van zaken in Beieren, overal. In Passau, in Rosenheim en München.”

Gebreke in Koeberg se noodplan

’n Noodplan-oefening by die Koeberg-kernkragstasie aan die Kaapse weskus is Donderdag gehou wat gebreke in die plan uitgewys het.

Ongeveer ‘n honderd 100 reddingsvoertuie en meer as 400 lede van onder meer die polisie, verkeersdepartement, nooddienste, die weermag, omgewingsdienste en busdienste het daaraan deelgeneem.

‘n Rampbestuur-woordvoerder, Elmien Steyn, het aan Die Burger gesê in ’n noodgeval moet mense in ’n radius van nul tot vyf kilometer van Koeberg binne vier uur ontruim word, en dié wat in ’n radius van vyf tot 16 kilometer woon, binne 16 uur.

Minstens 100 sirenes in die omgewing van Koeberg én op plase daar naby sal in ’n noodgeval afgaan.

Die jaarlikse oefening toets die stad se rampbestuur wat betref sy gebeurlikheidplanne in die geval van ‘n kernramp.

‘n Woordvoerder, Charlotte Powell het vroeër gesê die sentrum sal openbare veiligheid tydens die oefening monitor en bystand bied indien dit benodig word.

Kaapstad het ná afloop van die oefening gesê sekere gebiede is uitgewys wat moet verbeter.

Die burgemeesterskomiteelid vir veiligheid en sekuriteit, JP Smith, sê hoewel die oefening ‘n sukses was, het sekere gebiede bykomende opleiding nodig.

Smith sê hulle kon al die beskermende optrede implimenteer insluitende skuilings, dekontaminasie, massa sorgsentrums en om die ontruimings na te boots.

Die gebiede waarop verbeter kan word, hou hoofsaaklik verband met nuwe rolspelers wat nog nie vertroud is met die oefeninge nie, en meer opleiding sal moet ondergaan.

Zuma stoei weer met Nkandla-vrae

Emosies het Woensdag weer hoog geloop in die Nasionale Vergadering toe President Jacob Zuma mondelinge vrae beantwoord het.

Die kwessie oor geld wat aan sy privaatwoning op Nkandla bestee is, is geopper ondanks die feit dat dit nie op die Ordelys was nie.

Na langer as ‘n uur se gekibbel oor of Zuma bykomende vrae moet beantwoord, is ooreengekom dat die saak Donderdag bespreek sal word, wanneer datums vir dié sessies bepaal sal word.

Dit sluit vrae in oor Nkandla wat oorgestaan het weens vorige ontwrigting. Die EFF het tydens Zuma se mondelinge vraesessie daarop aangedring dat hy eers die uitstaande mondelinge vrae van verlede jaar moet beantwoord voordat hy nuwe vrae antwoord.

Dit was die eerste mondelinge vraesessie in die Nasionale Vergadering sedert die sitting op 21 Augustus verlede jaar, wat verdaag is nadat lede van die EFF die Vergadering in ‘n sirkus laat ontaard het.

Zuma het aantygings van die opposisie verwerp dat hy probeer het om vrae in die Parlement te systap.

Hy het gesê hy is bereid om rekenskap te gee oor die staatsgeld wat aan veiligheidsopgraderings aan Nkandla bestee is.

President Zuma het opnuut herhaal dat hy nie die geld sal terugbetaal wat bestee is aan nie-veiligheidsopgradering aan sy privaatwoning op Nkandla nie, totdat ‘n besluit deur die Minister van Polisie, gedoen is.

Die DA se Parlementêre leier, Mmusi Maimane, sê indien die Nasionale Vergadering se Programkomitee nie ooreen kan kom oor ‘n bykomende datum vir die President om uitstaande mondelinge vrae te beantwoord nie, kan dit tot probleme lei by die volgende volle sitting.

Die Programkomitee vergader vandag om die sakelys vir die Nasionale Vergadering se volgende sitting te bepaal.

Maimane sê die komitee moet ‘n datum vasstel vir die uitstaande vrae aan die President.

Amerikaanse ambassadeur in Suid-Korea aangeval

Die Amerikaanse ambassadeur in Suid-Korea, Mark Lippert, is op sy gesig en arm Donderdag in Seoul deur ‘n mesaanvaller gesteek wat gekant is teen voortgesette Amerikaans-Koreaanse militêre samewerking.

Die Verenigde State van Amerika het die “daad van geweld” veroordeel en het gesê dat president Barack Obama met sy verteenwoordiger gepraat het. Die bebloede ambassadeur is na die hospitaal gehaas.

Getuies beskryf hoe ‘n man met ‘n mes in sy regterhand versteek oor ‘n tafel na Lippert geduik het by ‘n ontbytfunksie by die Sejong Kulturele Instituut.

Lippert, 42, is na die hospitaal gehaas. Die Amerikaanse ambassade het gesê hy verkeer in ‘n “stabiele” toestand.

Polisie het die aanvaller as Kim Ki-Jong, 55, geïdentifiseer en het gesê hy was in “nasionalistiese” drag geklee, naamlik in tradisionele Koreaanse klere en het slagspreuke geskree teen gesamentlike militêre oefeninge tussen die VSA en Suid-Korea.

Kim het Dinsdag gesê die militêre samewerking tussen Suid-Korea en die VSA verhoed die hervatting van ‘n dialoog tussen Noord- en Suid-Korea.

Sekuriteitspersoneel en polisiebeamptes het Kim oorrompel en in hegtenis geneem.

‘n Woordvoerder van die Koreaanse Raad vir Versoening en Samewerking, wat as gasheer vir die ontbytfunksie opgetree het, het om verskoning gevra vir die gebrek aan sekuriteit by die geleentheid.

Die jaarlikse militêre oefening het vroeër hierdie week afgeskop en hernude spanning met Noord-Korea veroorsaak.

Byna 30 000 Amerikaanse troepe is permanent in Suid-Korea gestasioneer en die Verenigde State van Amerika sal die operasionele bevel in die geval van ‘n gewapende konflik met die Noorde behartig.

Boer morsdood geskiet in plaashuis

‘n Boer van Natal is Dinsdagaand op sy plaas, Mashonisa, in KwaZulu-Natal doodgeskiet in die jongste plaasmoord.

Terrence “Terry” Rizzato, ŉ 62-jarige boer van Hluhluwe is in die bors geskiet deur swart aanvallers.

‘n Polisiewoordvoerder, het sê werkers is Woensdag met vuurwapens aangehou en van hul selfone beroof.

Die aanvallers het daarna die slagoffer se huis binnegeval waar hulle hom in sy bors geskiet het. Hy is volgens die polisie op die toneel dood verklaar.

Die verdagtes het met kontant en die boer se bakkie van die toneel gevlug.

‘n Saak van huisroof en moord word ondersoek.

Niemand is nog in verband met die voorval in hegtenis geneem nie. Die voertuig, ‘n sjampanjekleurige Toyota Hilux word steeds vermis.