Oor-en-weer beskuldigings word rondgeslinger ná die voorval Vrydag waartydens ‘n Franse seun deur ‘n tier aangeval is op ‘n wildplaas in Heilbron in die Vrystaat.
Die 10-jarige seun se pa hou vol dat die Tau Thaba-lodge nalatig was, terwyl die eienaar, JC Pretorius aanvoer dat die seun herhaardelik gewaarsku is dat hy te naby aan die heining gestaan terwyl hulle foto’s geneem het van die diere wat agter ‘n heining toegesluit was.
Pretorius het aan OFM-nuus gesê hy het die plaas al 24 jaar en dat dit die eerste keer is in 16-jaar, sedert hy die tiere aanhou, dat so iets gebeur.
Die seun is in die Milpark-hospitaal in Johannesburg opgeneem nadat hy deur ‘n plaaslike dokter na ‘n plastiese chirurg verwys is.
Pretorius sê sy permit is in Januarie vanjaar hernu nadat al sy kampe en veiligheidsmaatreëls deur Natuurbewaring goedgekeur is.
Hy sê die seun het erge snye aan sy arm en boude opgedoen. Die name van die seun en sy pa is nie bekend gemaak nie.
Wye hoek lens. Die tier lyk net ver.
Ek het al mense by sulke plekke dopgehou. Hulle hou nie daarvan dat die heining in die foto is nie en probeer dan na genoeg kom om tussen die drade deur af te neem. Die probleem word vererger dat veral buitelanders die regte diere met Disney sprokieskarakter verwar. So kom hulle te naby en dan doen die (geïrriteerde) diere hul ding.
Verseker. Walt Disney sit invloedryk agter die tipe gebeurtenis. Die personifisering van diere lei tot die tipe van fataliteit, diere-regte, vegetarianisme, en vrouens wat meer tyd vir hul troeteldiere as hul mans het.
Ag asseblief, as jy nie wil hoor nie moet jy maar voel. Die pa kon mos ook vir homself dink dat die kind nie te naby aan die draad moet staan nie. Dit behoort nie eens vir die lodge se mense nodig te gewees het om hulle te waarsku nie