praag.co.za

Zuma stoei weer met Nkandla-vrae

Written by

praag

in

,

Emosies het Woensdag weer hoog geloop in die Nasionale Vergadering toe President Jacob Zuma mondelinge vrae beantwoord het.

Die kwessie oor geld wat aan sy privaatwoning op Nkandla bestee is, is geopper ondanks die feit dat dit nie op die Ordelys was nie.

Na langer as ‘n uur se gekibbel oor of Zuma bykomende vrae moet beantwoord, is ooreengekom dat die saak Donderdag bespreek sal word, wanneer datums vir dié sessies bepaal sal word.

Dit sluit vrae in oor Nkandla wat oorgestaan het weens vorige ontwrigting. Die EFF het tydens Zuma se mondelinge vraesessie daarop aangedring dat hy eers die uitstaande mondelinge vrae van verlede jaar moet beantwoord voordat hy nuwe vrae antwoord.

Dit was die eerste mondelinge vraesessie in die Nasionale Vergadering sedert die sitting op 21 Augustus verlede jaar, wat verdaag is nadat lede van die EFF die Vergadering in ‘n sirkus laat ontaard het.

Zuma het aantygings van die opposisie verwerp dat hy probeer het om vrae in die Parlement te systap.

Hy het gesê hy is bereid om rekenskap te gee oor die staatsgeld wat aan veiligheidsopgraderings aan Nkandla bestee is.

President Zuma het opnuut herhaal dat hy nie die geld sal terugbetaal wat bestee is aan nie-veiligheidsopgradering aan sy privaatwoning op Nkandla nie, totdat ‘n besluit deur die Minister van Polisie, gedoen is.

Die DA se Parlementêre leier, Mmusi Maimane, sê indien die Nasionale Vergadering se Programkomitee nie ooreen kan kom oor ‘n bykomende datum vir die President om uitstaande mondelinge vrae te beantwoord nie, kan dit tot probleme lei by die volgende volle sitting.

Die Programkomitee vergader vandag om die sakelys vir die Nasionale Vergadering se volgende sitting te bepaal.

Maimane sê die komitee moet ‘n datum vasstel vir die uitstaande vrae aan die President.

Comments

8 responses to “Zuma stoei weer met Nkandla-vrae”

  1. Rooikop Avatar
    Rooikop

    Integriteit: Dit is om die regte ding te doen al kyk niemand vir jou nie. – HIerdie het ek êrens gelees. Hier hou almal die president dop en hy doen steeds nie die regte ding nie (wel om die regte ding te doen kan ook seker skulderkenning wees so in die onregstelsel mag hy homself inkrimineer)

    Hy hou vol dat hy “onbewus” was – As jou nommer een verleier so optree, hoe verwag mense dat die res met integriteit gaan optree? Die persone wat die besluite teen hom moet neem is almal of te bang of is sy maatjies.

    Hierdie is die tipiese optrede van ‘n diktator. Hy het vir Mbeki in die pad laat steek toe Mbeki aan die grondwet wou torring om ‘n addisionele termyn(e) te mag dien. Gee kans hy gaan ook die wette so wil laat verander om langer aan bewind te bly. Hierdie leiers sien hulleself as konings wat gedien moet word – hulle sit egter die pot mis want in ‘n regte demokrasie word hulle deur die mense aangestel om die mense te dien, om kollektiewe funksies goed te verrig, om wet en orde in te stel en te handhaaf. ALLES wat die huidige bestel aanvang is teen hierdie beginsels gemik.

    1. Bad moon Avatar
      Bad moon

      Hallo Rooikop,
      Wat my kwel oor die zuma storie en die ander presidente uis dat hierdie ouens deur die anc aangewys word om president te word. Sover ek weet is dit of was dit die taak van die parlement. Daar is die ouens genomineer, gesekondeer en is daar dan gestem vir die president. Dit is ook veronderstel om ook so te wwerk met die Provinsiale lede wat beskikbaar is vir premier. Of sit ek nou die pot mis,

      1. Rooikop Avatar
        Rooikop

        Ek weet nie – dat dit so mag werk is moontlik, maar dan nomineer hulle maar net die wie die ANC gesê het en stem dan net vir daardie persoon.

        1. Bad moon Avatar
          Bad moon

          Dit is so, maar is nie noodwendig dat ‘n anc lid vir die genomineerde salstem nie, veral as dit by geheime stemming kom.

          1. Rooikop Avatar
            Rooikop

            Hoewel ek met jou saamstem dink ek hulle “tow the paty line” – veral omdat die nommer een sorg vir sy vriende. Ek stem jou in sodat ek my plekkie by die trog kan kry. Dit is hoekom daar so baie skommelings is om van mense wat nie saamspeel nie (Thuli Madonsela as voorbeeld) mee by te kom en/of vervang.

  2. Derick Avatar
    Derick

    Daar gaan niks van kom met hierdie ou nie. Hulle het klaar ‘n situasie geskep waar jy net hoef te vat as jy iets wil he.

    http://the-atrocities-perpetrated-against-th.blogspot.com/

  3. Betzie van Rensburg Avatar
    Betzie van Rensburg

    Dié mens behoort nie eers n president genoem te word nie . Soos die klavierbouer , wat na 20 jaar in Suid Afrika nou in Oostenryk woon , vir my gesê het : ” Julle het nie n regering nie . “

    1. eduard Avatar
      eduard

      Wat laat jou dink dat die gedrog ‘n “mens” is, hy is per slot van rekening net ‘n ongekroonde dier van die aarde.

Leave a Reply

More posts