Karin Roodt – Bladsy 43

‘Polisie het nie namens Lonmin by Marikana opgetree nie’

Brigadier Adrian Calitz, het ontken dat die polisie-operasie by op 16 Augustus 2012 te Marikana daarop gemik was om die staking deur Lonmin-mynwerkers te beëindig.

Calitz was die polisie se operasionele bevelvoerder tydens die gebeure naby Rustenburg toe twee twistende vakbonde, Amcu en NUM, mekaar die stryd aangesê het.

Die eerste voorvalle van geweld is aangemeld op 11 Augustus 2012 toe NUM-leiers op hul eie NUM-lede wat wou staak, geskiet het. Hulle wou waarskynlik verhoed dat lede oorloop na hul mededinger Amcu.

Die geweld wat daarna losgebars het, het die daaropvolgende drie dae gelei tot die dood van agt mense, waaronder stakers, polisielede en sekuriteitspersoneel by die myn.

Tydens kruisondervraging deur advokaat Dali Mpofu, ‘n lid van Julius Malema se Ekonomiese Vryheidsvegters (EFF), het Calitz gesê die polisie se enigste doelwit was om openbare orde te handhaaf.

Mpofu is die regsverteenwoordiger van die families van mynwerkers wat in die voorval dood is. Hy verteenwoordig nie die polisielede of sekuriteitspersoneel wat tydens die oproer vermoor is nie.

Mpofu het vroeër aan die kommissie gesê dat daar bewyse is dat die polisie inligting oor die bewegings van die mynwerkers van Lonmin se bestuur en veiligheidspersoneel ontvang het.

Volgens Mpofu het dit die vermoede laat ontstaan dat die polisie met Lonmin saamgewerk het om die staking te beëindig, en nie onafhanklik opgetree het nie.

Die ANC se adjunk-president Cyril Ramaphosa se oproep vir “meegaande optrede” en die weermag se betrokkenheid in die Lonmin-staking was ‘n “eufemisme vir dodelike geweld”, het Mpofu vroeër gesê.

Hy het Ramaphosa se rol belig tydens kruisondervraging van die Nasionale Unie van Mynwerkers (NUM) se president Senzeni Zokwana voor die Marikana-kommissie van ondersoek.

Die dood van 44 mense tydens ‘n onbeskermde staking deur rotsbooroperateurs in diens van Lonmin, word deur sommige ontleders voor die deur van Ramaphosa gelê, aangesien sy maatskappy Shanduka 18% van Lonmin besit.

Mpofu het verwys na ‘n ketting van e-posse waarin Ramaphosa die ontplooiing van die weermag en die polisie vir “meegaande optrede” wat geneem moet word, aanbeveel om die staking te beëindig.

Amcu staak by Ogies-steenkoolmyn

Werkers by die Vlakfontein-steenkoolmyn naby Ogies in Mpumalanga het Woensdag begin met ‘n ondergrondse sitstaking.

Die werkers is aangestel deur die Concor-oopgroefmynmaatskappy, ‘n subkontrakteur vir African Exploration, wat aan die staat behoort.

Die stakende werkers is gekant teen voorgestelde afleggings by die myn.

‘n Leier van die plaaslike tak van die vakbond Amcu, Ernest Mogale sê hulle is bereid om ondergronds te bly tot daar aan hulle eise voldoen word. – RSG

Derde dood in Brits-oproer

Die polisie sê ‘n derde persoon is by Mothutlung, naby Brits tydens die oproer dood nadat hy uit ‘n polisie-Nyala gespring het.

Twee oproermakers is vroeër doodgeskiet deur die polisie nadat inwoners die strate ingevaar het oor ‘n tekort aan water.

Die aangehoudene het glo uitgespring om uit aanhouding te ontsnap. Vroeër is berig dat nog twee mense beseer is tydens die opstand en in die hospitaal behandel word.

Die onafhanklike polisie-ondersoekdirektoraat (Opod) ondersoek al drie sterftes.

Die vakbond Numsa het die voorval veroordeel waar die polisie na bewering op lede van die Mothutlung gemeenskap naby Brits in Noordwes geskiet het.

Die minister van waterwese, Edna Molewa, het Dinsdag gesê die gebrek aan water kon doelbewus geskep gewees het.

Tegnici wat gemoeid is met die onderhoud aan die waterpompe het egter aan Praag gesê dat die munisipaliteit nie voorsorg tref om behoorlike instandhouding te doen nie.

‘n Woordvoerder van Numsa, Castro Ngobese sê hulle doen ‘n beroep op die minister van Polisie, Nathi Mthethwa en die nasionale polisiekommissaris,

Veertien mense wat tydens die oproer in hegtenis geneem is, is intussen met ‘n waarskuwing vrygelaat.

Die Noordwes-polisie het gesê die 14 is aangekla van die oortreding van die Nasionale Padverkeerswet.

Hulle het vlugtig in die landdroshof op Brits verskyn. Die saak is tot aanstaande maand uitgestel.

PVV verontwaardigd over afhaken Zuid-Afrika bij Taalunie

De Partij voor de Vrijheid heeft maandag vernomen dat Zuid-Afrika niet langer wil samenwerken met de Nederlandse Taalunie – de verdragsorganisatie tussen Nederland, Vlaanderen en Suriname.

In 2010 ondertekende een Zuid-Afrikaanse minister in Brugge een intentieverklaring met de Taalunie, dit bij het dertigjarig bestaan van de Taalunie. Dat jubileum werd destijds opgeluisterd door Prinses Máxima en Prinses Mathilde.

Sindsdien is niets meer iets vernomen van Zuid-Afrika. Brieven van de Nederlandse Taalunie zijn nooit beantwoord. Zuid-Afrika heeft nimmer enige interesse getoond in samenwerking. Nu heeft Zuid-Afrika laten weten spijt te hebben van zijn handtekening en er onderuit te willen. Dit werd maandag bekend op een vergadering van de IPC van de Taalunie in Antwerpen, na vragen van de PVV.

Martin Bosma (PVV) was de afgelopen twee jaar voorzitter van de Interparlementaire Commissie (IPC) – het Vlaams-Nederlandse ‘parlement’ dat toeziet op de Taalunie.

De Partij voor de Vrijheid is diep teleurgesteld: “Het Afrikaans is nauw verwant aan het Nederlands. De onderlinge banden gaan terug tot Jan van Riebeeck’s aankomst in de Kaap in 1652. De Zuid-Afrikaanse regering heeft geen enkele belangstelling voor het Afrikaans. Het regime staat met zijn rug naar deze taal, alle vrome praatjes over zijn liefde voor de elf officiële talen ten spijt. Het was veelzeggend dat de Zuid-Afrikaanse minister die in 2010 zijn handtekening kwam zetten geen enkel idee had wat hij kwam doen en totaal niet wist wat de Taalunie is.”

Vermeende sluipmoordenaars met gesofistikeerde opspoorsagteware gevang

Gesofistikeerde rekenaaropspoorsagteware en geïnkripteerde iPhones en iPads is verlede week in beslag geneem waarop inligting van ten minste 10 beamptes is wat tans die mafiabaas Krejcir ondersoek.

Dié inligting oor ‘n gespesialiseerde span wat die bedrywighede van die voortvlugtige Tsjeg ondersoek, is in die besit van vier vermeende sluipmoordenaars gevind nadat hul plan om twee van die ondersoekbeamptes te vermoor, gefnuik is.

Siboniso Miya , 32 , Jacob Nare , 28 , Owen Serero , 32 , en sy vriendin Zodumiso Biyele , 23 is die hoofverdagtes van ‘n mislukte moordplan.

Die vier het Dinsdag verskyn op verskeie aanklagte wat verband hou met verlede Donderdag se mislukte aanslag van die polisie misdaadintelligensie-beampte kolonel Nkosana “Killer ” Ximba en ‘n privaat forensiese ondersoeker Paul O’Sullivan .

Die vier is op aanklagte van sameswering tot moord , roof met verswarende omstandighede , motordiefstal en die onwettige besit van vuurwapens en ammunisie vasgevat.

Hulle is in hegtenis geneem ná ‘n dramatiese aanval op die Rivonia Road Lodge in Johannesburg ure voor hulle Ximba en O’Sullivan wou vermoor.

‘n Misdaadintelligensiebron het gesê hulle het van die moord in Desember uitgevind.

Krejcir het verskeie male in Desember verskyn vir beweerde betrokkenheid by die ontvoering en poging tot moord op een van sy sakevennoot se broers .

Die programme op die selfone en rekenaars wat gekonfiskeer is, is hoogs gesofistikeerde sagteware.

Dit kan mense opspoor binne ‘ n paar meter van die plek waar hulle is.

“Hierdie sagteware , in die verkeerde hande , kan dodelik wees … ons verstaan daar is ook ander ondersoekers se name en besonderhede op hierdie toerusting,” het die beampte gesê.

“Daar is inligting wat toon dat hulle in kontak met die selfoon Krejcir was terwyl hy in die tronk was oor die afgelope paar weke.”

Dié gesofistikeerde sagteware is glo slegs beskikbaar vir wetstoepassingsagentskappe.

“Met hierdie sagteware as jy ‘n selfoonnommer invoer sodat jy presies kan sien waar die persoon is, insluitend hul GPS koördinate.

Ondersoekers glo die enigste manier waarop hulle dit kon gekry het is deur korrupte polisielede.

Amerikaanse Senaat gee Israel blanko tjek vir oorlog teen Iran

Die Amerikaanse Senaat sal vandag waarskynlik ‘n blanko tjek aan Israel oorhandig vir oorlog teen Iran.

Die Senaat se wetsontwerp S.1881 lui: As Israel “verplig word tot militêre optrede in wettige selfverdediging teen Iran se kernwapenprogram,” moet die Verenigde State van Amerika “Israel ondersteun en voorsien van … diplomatieke , militêre en ekonomiese steun in die verdediging van sy gebied, mense en bestaan.”

Dié wetsontwerp plaas die besluit vir militêre optrede feitlik uitsluitlik in die hande van die Israelse premier Netanyahu wat op rekord is dat hy gesê het: “Dit is 1938, Iran is Duitsland “

Terwyl die eeufeesvieringe van die Eerste Wêreldoorlog nader, sal ons weereens lees van die baie flaters wat gelei het tot ‘n tragedie vir die Westerse beskawing.

Onder hulle sal die blanko tjek wees wat Keiser Wilhelm II aan Wene oorhandig het ná die moord deur ‘n Serwiese terroris op die Oostenrykse aartshertog Ferdinand Francis.

As julle besluit om die Serwiërs te straf, het die Keiser verklaar, is ons met julle.

Na aarseling wat weke geduur het, het Oostenryk Belgrado gebombardeer. Binne ‘n week daarna egter, was Duitsland en Oostenryk in ‘n oorlog met Rusland, Frankryk en Brittanje betrokke.

Die oorlog in die Persiese Golf, die wêreld se petrolstasie, is dus uitgekontrakteer aan die Likud-regime wie se leiers gereeld Iran met Nazi-Duitsland vergelyk.

Die wetsontwerp beweer herhaaldelik dat Iran ‘n kernwapenprogram bedryf, maar in beide 2007 en 2011 het die Amerikaanse intelligensie verklaar “met ‘n hoë mate van vertroue” dat Iran oor nie ‘n kernwapenprogram beskik nie.

Die Amerikaners word dalk in die duister gehou dat die land afstuur op hul vyfde oorlog in ‘n generasie in die Midde-Ooste.

Dit klink baie soos die misleiding en geliegery oor Irak se wapens van massavernietiging wat toe nooit opgespoor kon word nie.

Selfs die hervormers van Iran se Groen Revolusie van 2009 ondersteun hul land se reg tot ‘n vreedsame kernprogram, wat natuurlik verryking insluit.

Wat Israel betref is verryking egter nie ‘n opsie nie.

Senaat wetsontwerp S.1881 dreig ook met nuwe sanksies teen Iran by versuim om ‘n finale ooreenkoms te bereik binne ses maande.

Tog weet die Senaat dat Iran tydens onderhandelinge gestem het dat hulle weg van die tafel sal loop as nuwe sanksies dreig.

Dit lyk dus na ‘n doelbewuste poging deur die oorlogsugtige Republikeinse Neo-Cons om die Geneefse samesprekinge tussen Teheran en die VSA te ontspoor.

Indien Afghanistan, Irak, Libië sekere Republikeine nie van oorlogskoors laat afsien nie, moet die party onder kwarantyn geplaas word vir nog vier jaar, sê Pat Buchanan, self ‘n Republikein.

Indien S.1881 slaag, sal Obama sal dit kan veto. Hy behoort die Amerikaanse intelligensiediens te kry om uiteindelik ook die waarheid oor Iran te vertel.

Plaasmoord eis Merino-boer

‘n Groot Merinoboer in die Oos-Kaap is op sy plaas in die Barkley-Oosgebied vermoor.

Sarel Pretorius is laat in die aand om ongeveer 9h30 doodgeskiet op 14 Januarie 2014 deur swart aanvallers

Die polisie sê die 61-jarige Pretorius is doodgeskiet. Sy vrou, Annemarie is vasgebind maar sy is glo nie beseer nie.

Die voorval het op die egpaar se plaas, Platfontein gebeur. Die aanvallers het met geld en wapens weggekom.

Die bende het na bewering ook die plaas van Van Aardt Greyling in die Lady Grey-distrik vroeër aangeval, waar hulle sy geweer en die bakkie geroof het.

Die Dordrecht SAPD het kort daarna opgedaag en jag tans die bende wat beskryf word as uiters gevaarlik en gewapen.

Die SAPD in Dordrecht en Lady Grey se Distrikte het ‘n waarskuwing aan die GPF uitgereik om op die uitkyk te wees vir ‘n gesteelde wit bakkie met ‘n onbekende aantal gewapende swart insittendes.

Dit word beskryf as ‘n wit bakkie met ‘n kap.

Skatryk SA-sakeman se heli stort in Zim neer

Die liggaamsdele van ‘n Suid-Afrikaanse sakeman wat dood is in ‘n helikopterongeluk in Zimbabwe, is tot 30m van die toneel gevind nadat hy glo probeer om te spring van die helikopter, het getuies in Harare gesê.

Christian Malila Ndou , 55 , die skatryk eienaar van ‘n sekuriteitsmaatskappy in Beitbrug, was alleen in die Amerikaanse Robinson R44-helikopter toe dit naby Gwanda onklaar geraak het.

Daar word vermoed dat die helikopter se rotorlemme sy liggaam getref het toe hy uitgespring het en dit het die polisie ‘n paar uur geneem om sy vermiste liggaamsdele op te spoor en te versamel.

Henry Raymond Hollins van Gwanda, wat ook van dié helikopters besit, het gesê dit is baie vreemd dat die helikopter neergestort het.

“‘n R44 sal nie sommer neerstort nie. Ek wonder wat kon gebeur het,” het hy gesê.

Newsday berig dat Malila uit sy helikopter geslinger is nadat dit ‘n meganiese fout ontwikkel het en in die lug omgeslaan het voordat dit neergestort en en uitgebrand het.

Die Chronicle berig dat Malila tyd gehad het om sy bagasie uit die helikopter te gooi voordat hy gespring het.

Getuies sê Malila se klere het van die bome gehang en sy ID- en bankkaarte is gevind in bosse naby die ongelukstoneel.

Oomblikke voor die ongeluk is die helikopter bo Gwanda opgemerk. Getuies sê hy kon op soek gewees het na ‘n plek om te land.

Newsday het onbevestigde berigte aangehaal wat sê dat Malila die Gwanda-polisiekamp wou besoek, maar het ‘n meganiese fout met die helikopter ondervind en besluit om na Beitbrug terug te vlieg.

Swak sig kan ook ‘n faktor wees, volgens die Chronicle.

‘n Ooggetuie het gesê dat hulle ‘n harde ontploffing in die lug gehoor het, maar kon skaars die helikopter sien want dit was so mistig.

Miljoen Zimbabwiërs staar honger in die gesig

‘n Miljoen Zimbabwiërs kan honger ly as die VN se Wêreldvoedselprogram (WFP) ingekort word weens ‘n tekort aan kontant.

Tomson Phiri , woordvoerder van die WVP in Zimbabwe , het gesê die land gaan tans die hoogtepunt van die sogenaamde hongerseisoen binne.

Hulle het voedselrantsoene vir ‘n miljoen begunstigdes in die afgelope maande teruggesny en daar sal waarskynlik verdere inkortings volgende maand wees, het Phiri in ‘n verklaring gesê.

Ten minste 2,2 miljoen mense – ‘n kwart van Zimbabwe se landelike bevolking – sal voedselhulp benodig tot die volgende oes in Mei, volgens ramings deur hulpagentskappe en staatsdepartemente.

Voedselpryse het ook verdubbel sedert verlede jaar, volgens die WVP .

Die VN-voedsel-agentskap het $80 miljoen nodig om honger Zimbabwiërs te voed vir die volgende ses maande maar hulle is platsak.

Tot dusver het die WVP net $20 miljoen ontvang.

Verlede week het die bankrot regering van president Robert Mugabe gesê hulle sal 150.000 ton mielies uit buurlande invoer om voedseltekorte te voorkom.

Voedselproduksie het afgeneem in Zimbabwe in die afgelope jaar met die regering wat lae opbrengste op wisselvallige weerpatrone blameer.

Maar kritici sê die tekorte is veroorsaak deur Mugabe se grondgryp wat wit boere van hul plase verdryf het.

Die WVP het in September reeds aan die Guardian gesê meer as twee miljoen mense in die land word deur voedseltekorte bedreig.

Die organisasie AfricaCheck het dié syfer betwis en gesê dit word oordryf.

Skole open vandag regoor die land

Miljoene kinders regdeur die land gaan vandag terug skool toe vir die nuwe akademiese jaar.

Skole in die binneland en aan die kus open vandag vir die eerste keer op dieselfde dag.

Die Departement van Basiese Onderwys het intussen belanghebbendes gevra om kommentaar te lewer oor die reëling om al die skole gelyktydig te laat open.

Die voorsitter van die Federasie van Skoolbeheerliggame, Paul Colditz, sê vir die eerste keer in 20 jaar werk die stelsel behoorlik.

Volgens hom het die stelsel nou volwassenheid bereik en hoewel daar altyd probleme sal wees by individuele skole, is die stelsel gereed vir die nuwe jaar wat betref handboekvoorsiening.

Die Departement van Basiese Onderwys sê hy het van die Poskantoor gebruik gemaak om handboeke af te lewer en alle skole behoort die nodige studiemateriaal te hê.

Adjunk-president Kgalema Motlanthe en die minister van Basiese Onderwys, Angie Motshekga sal vanoggend besoek aflê by die Oracle Ponelopele Sekondêre Skool in Midrand.

In Gauteng gaan premier, Nomvula Mokonyane die Realeboga Primêre Skool in Alberton besoek en in Noordwes gaan die adjunk-minister van Basiese Onderwys, Enver Surty die Holy Family Sekondêre Skool op Mogwase besoek.

Die Wes-Kaapse LUR vir Onderwys, Donald Grant sal graad eens van die Fairview Laerskool in Grassy Park op hulle eerste skooldag besoek. – RSG

Rand op nuwe vyfjaarlaagtepunt

Die rand het ‘n nuwe vyfjaar laagtepunt bereik en kan weens die ekonomie se swak grondslag en dreigemente van stakings in die platinumsektor deur die elf dollarvlak breek.

Die rand was vroeër op R10,82 teen die dollar nadat dit in ‘n stadum by R10,89 gedraai het.

Die vakbond Amcu, sê sy lede het gedreig om by Implats te staak, en dat hulle besig is om werkers by Amplats en Lonmin te werf.

‘n Mynontleder, Kobus Nel, sê indien al drie platinummynhuise hulle bedrywighede staak, sal produksie en inkomste daaronder ly.

Hy sê wat betref inkomste is dit moontlik dat tussen 115 en 200 miljoen rand per dag verlore sal gaan.

Indien werkers ingevolge die geen-werk-geen-betalingsbeginsel hanteer word, sal dit hulle swaar tref wat betref uitstaande skuld en daaglikse lewenskoste. – RSG

Peiling wys ANC sal skoonskip maak in meeste provinsies

Die African National Congress (ANC), sal na verwagting ‘n duidelike meerderheid in ses van die nege provinsies in die komende algemene verkiesing inpalm.

Dit is volgens ‘n onlangse opname wat deur die marknavorsingsmaatskappy, Ipsos gedoen is.

Die opname het bevind dat die Demokratiese Alliansie (DA) waarskynlik die meerderheid stemme sal trek om beheer te hou oor die Wes-Kaap.

Die opname het voorts getoon dat die Demokratiese Alliansie (DA) se steun buite die Weskaap slegs in Gauteng en die Noord-Kaap lê.

Ander opposisiepartye mag egter magsdelingsalliansies oorweeg ten einde hierdie provinsies te beheer wat die DA se kanse verder verskraal.

Die Ekonomiese Vryheidsvegters (EFF) gelei deur die voormalige ANC-jeugligaleier Julius Malema, kan die amptelike opposisie na die verkiesing in beide Limpopo en die Noord-Wes word.

Meer as 3000 mense het aan die opname deelgeneem. Die opname is tussen 22 Oktober – 21 November 2013 gedoen.

Padongelukke eis ekwivalent van drie Boeings wat neerstort

Die werklike dodetal weens padongelukke is pas bevestig: Die afgelope Feesseisoen het meer as 1.500 lewens op die paaie geëis.

Dipuo Peters, die minister van vervoer, het vroeër gesê die slagting op die land se paaie was die ekwivalent van drie Boeing 747’s wat in Suid-Afrika verongeluk.

“Stel jou voor wat sal gebeur as drie vliegtuie van die grootte neergestort het in Suid-Afrika. Dit sal ‘n katastrofe wees,” het sy gesê.

Peters het gesê die Departement van Vervoer en sy agentskappe is verbind tot Verenigde Nasies se doelwit om padsterftes teen 2020 te halveer.

KwaZulu-Natal was heel bo-aan met 307 sterftes, gevolg deur Gauteng met 302.

Drank en spoed was die hoofoorsake van die sterftes, het ‘n woordvoerder van die Padverkeersbestuurskorporasie, Thato Mosena, gesê .

Sy sê daar is 1.287 noodlottige ongelukke aangemeld, wat tot 1.537 sterfgevalle gelei het.

Die minste padongelukke het in die Noord-Kaap, waar die paaie minder besig is, voorgekom. Daar was slegs 49 sterftes.

Mosena het ook ‘n beroep op motoriste gedoen om die padreëls na te kom.

Bekkersdal smeul oor leë beloftes

Swart inwoners van Bekkersdal aan die Wesrand kan binnekort weer begin protesteer, hangende die besluit wat Donderdag by ‘n openbare vergadering geneem word.

Bekkersdal is aan die einde van verlede jaar deur gewelddadige protesaksie geskud vir meer as ‘n maand lank.

Meestal jong kinders was op die voorpunt van die oproer.

Die woordvoerder vir die groter Westonaria se Concerned Residents’ Association Thabang Wesi sê frustrasies het kookpunt bereik as gevolg van die leë beloftes van regeringsamptenare.

Inwoners het geëis dat die Westonaria Plaaslike Munisipaliteit onder administrasie geplaas word en beskuldig die burgemeester Nonkoliso en ander senior amptenare van wanadministrasie en nepotisme .

Wesi het aan die Citizen gesê.dat hulle geen ander opsie het as om te betoog as beloftes nie nagekom word nie.