Die werklike dodetal weens padongelukke is pas bevestig: Die afgelope Feesseisoen het meer as 1.500 lewens op die paaie geëis.
Dipuo Peters, die minister van vervoer, het vroeër gesê die slagting op die land se paaie was die ekwivalent van drie Boeing 747’s wat in Suid-Afrika verongeluk.
“Stel jou voor wat sal gebeur as drie vliegtuie van die grootte neergestort het in Suid-Afrika. Dit sal ‘n katastrofe wees,” het sy gesê.
Peters het gesê die Departement van Vervoer en sy agentskappe is verbind tot Verenigde Nasies se doelwit om padsterftes teen 2020 te halveer.
KwaZulu-Natal was heel bo-aan met 307 sterftes, gevolg deur Gauteng met 302.
Drank en spoed was die hoofoorsake van die sterftes, het ‘n woordvoerder van die Padverkeersbestuurskorporasie, Thato Mosena, gesê .
Sy sê daar is 1.287 noodlottige ongelukke aangemeld, wat tot 1.537 sterfgevalle gelei het.
Die minste padongelukke het in die Noord-Kaap, waar die paaie minder besig is, voorgekom. Daar was slegs 49 sterftes.
Mosena het ook ‘n beroep op motoriste gedoen om die padreëls na te kom.
Ek het op een van die ander webwerwe kommentaar gelees oor die feesseiseon dat daar in elk geval ongeveer 1200 sterftes op ons paaie per maand is. Dan is die 1537 nie so buitensporig nie. Daar was ook oor die radio kommentaar dat die syfers weereens gekook word (hoër as die werklikheid) vir politieke gewin (Dit was op die liberale Classic FM).
Hierdie minister en haar trawante voer ‘n verlore stryd teen die hoë padsterftes. As gekyk word in watse toestand party van die voertuie is wat die snelwee gebruik en hopeloos oorlaai is en party se aggressiewe bestuursvernuf is hierdie syfers nog laag. Wat kan verwag word waar korrupsie by party toetssentrums hoogty vier.