Die African National Congress (ANC), sal na verwagting ‘n duidelike meerderheid in ses van die nege provinsies in die komende algemene verkiesing inpalm.
Dit is volgens ‘n onlangse opname wat deur die marknavorsingsmaatskappy, Ipsos gedoen is.
Die opname het bevind dat die Demokratiese Alliansie (DA) waarskynlik die meerderheid stemme sal trek om beheer te hou oor die Wes-Kaap.
Die opname het voorts getoon dat die Demokratiese Alliansie (DA) se steun buite die Weskaap slegs in Gauteng en die Noord-Kaap lê.
Ander opposisiepartye mag egter magsdelingsalliansies oorweeg ten einde hierdie provinsies te beheer wat die DA se kanse verder verskraal.
Die Ekonomiese Vryheidsvegters (EFF) gelei deur die voormalige ANC-jeugligaleier Julius Malema, kan die amptelike opposisie na die verkiesing in beide Limpopo en die Noord-Wes word.
Meer as 3000 mense het aan die opname deelgeneem. Die opname is tussen 22 Oktober – 21 November 2013 gedoen.
Weereens kan mens die gevolgtrekking maak dat die stemmery eintlik maar net ‘n rassesensus is soos baie al in die verlede gesê het. Dit wil nou voorkom of dit dalk ook ‘n stamsensus word met Malema wat baie steun wen in sy geboorteprovinsie en Noordwes.
Wonder hoe voel Wiekus Kotze by sy nuwe EFF tuiste? Miskien voel hy op sy gemak wanneer Malema grond wil vat sonder vergoeding.
Hoe dan anders? “it is not the voter that counts, it is the one that counts the votes”
Die O.V.K. se werknemers…is almal…….?? watse party? Zums gaan regeer totdat die wereld eindig….
Na aanleiding van (veral) die matriek slaagsyfer en ander statistieke, vind ek dit bitter moeilik om enige syfer wat in die pers bekend gestel word te sluk. Wat my wel ontsettend kwel is dat die ouens wat gaan tel, JUIS ‘n trots Suid-Afrikaanse matriek sertifikaat het!