Karin Roodt – Bladsy 40

Antraks-skok by Sanral

Die Suid-Afrikaanse Nasionale Padagentskap (Sanral) moes sy hoofkantoor in Midrand Dinsdag ontruim na na ‘n vermeende antraks-aanval.

Die Tshwane-eenheid vir gevaarlike stowwe (Hazmat) is na die toneel geroep nadat ‘n “verdagte koevert met ‘n wit stof ” op die perseel gevind is, het die uitvoerende hoof Nazir Alli gesê.

“Ons weet nie wat dit is nie,” het Alli gesê. “Maar ek glo my kollegas by die sentrum het gereageer op die regte manier.” Geen beserings is aangemeld nie.

Sanral het nog nie voorheen bedreigings vir sy veiligheid ontvang nie, ten spyte van die openbare protes met die bekendstelling van die e-tolstelsel in Gauteng.

Alhoewel verslae beweer dat die wit stof antraks is, het Alli gesê Sanral het gereageer op die ontdekking sonder sekerheid van wat dit kan wees.” Ondersoekbeamptes sal bepaal wat dit is wanneer hulle toetse gedoen het.”

Sanral-woordvoerder Vusi Mona het gesê die ontdekking van die koevert het gelei tot die ontwrigting van die sentrum se elektrisiteitsvoorsiening, wat Gauteng se e-tolstelsel beïnvloed.

‘n Woordvoerder van Outa het die insident veroordeel as “sabotasie of terrorisme-tipe gedrag”.

Hy het gesê: “Outa pleit nie vir chaos of anargie nie.:

Sulke gedrag sal voorkom indien die volle steun van die publiek nie agter die projek is nie, het hy gesê .

“Dit is onvermydelik dat indien jy nie die mense agter jou het nie, is dit die weg vir sosiopatiese persoonlikhede.”

IMF: SA-ekonomiese groei afwaarts aangepas

Die Suid-Afrikaanse ekonomie sal volgens die Internasionale Monetêre Fonds se vooruitskatting vanjaar met 2,8% groei.

Die IMF het in sy verslag oor groeivooruitsigte vir die jaar Suid-Afrika se groei afwaarts aangepas van sy vorige projeksie van twee komma nege persent.

Groei in ander ontluikende markte en ontwikkelende ekonomieë sal na verwagting vanjaar tot vyf komma een persent styg, grootliks weens toenemende beleggings en groter uitvoere.

Die hoofekonoom van die IMF, Oliver Blanchard sê lande soos Suid-Afrika sal voordeel trek uit groter groei in ontwikkelde lande, maar sal moeiliker finansiële toestande ervaar weens die normalisering van die Amerikaanse ekonomie.

Die IMF beraam sy groeivooruitsig vir Afrika suid van die Sahara op 6,1 persent. – RSG

Swaarlywige swart nasionalis Mazibuko soek steun

Die swaarlywige parlementêre leier van die DA, Lindiwe Mazibuko, hou gewis nie van Afrikaners nie en sy sê dit hardop.

Die DA gaan ongetwyfeld skrille Afrikanerhaat en anti-wit regstellende aksie as ‘n deurlopende tema in die komende verkiesing aanwend, met waarskynlik verdere funeste gevolge vir misdaad teen wittes en plaasmoorde.

Mazibuko het onomwonde tydens ‘n onderhoud aan Beeld verklaar: “Ons moet ontslae raak van enigeen […] (wat) wit nasionaliste (is). Daar is [swart] mense in die party wat dit wil hê.”

Mazibuko se opmerking dat die DA ontslae moet raak van wit nasionaliste, is benewens die domastrante belediging vir wit kiesers wat die DA as amptelike opposisie ingestem het, ook ‘n duidelike aanduiding van hoe die swart nasionalistiese winde in die party waai.

Haar anti-Afrikaner uitlatings is dié keer teenoor die joernalis Donwald Pressly, skrywer van die boek Owning the Future: Lindiwe Mazibuko and the Changing Face of the DA, gemaak.

Mazibuko betreur ook die feit dat wit kiesers Tony Leon ingestem het omdat dié kortsigtige stap vir die DA op die langtermyn nadelig was.

Snowden vrees vir sy lewe na openbare doodsdreigemente

Edward Snowden se Russiese regsverteenwoordiger het Dinsdag gesê die voortvlugtige Amerikaner vrees vir sy lewe.

Openbare doodsdreigemente is onlangs deur ongeïdentifiseerde Pentagon-beamptes gemaak.

Volgens die asielsoeker se regsverteenwoordiger Anatoly Kucherena word Snowden deurentyd deur veiligheidswagte vergesel en oorweeg hy maatreëls om sy veiligheid op te skerp.

“Daar is werklike dreigemente op sy lewe daar buite wat beslis bestaan,” het Kucherena aan Rusland se Vesti 24-nuuskanaal gesê.

“Hierdie dreigemente spel fisieke wraak op Edward Snowden uit,” het hy verklaar.

Die voormalige werknemer van die Nasionale Sekuriteitsagentskap word deur Amerikaanse owerhede gesoek op aanklag van verraad.

Die 30-jarige Snowden het inligting oor omvattende intelligensie-insameling van die Amerikaanse regering – wat miljoene telefoonoproepe en e-posse wêreldwyd sonder toestemming monitor – gelek.

Die Amerikaanse spioenasieveldtog behels onder meer ook die van verskeie staatshoofde wat die VSA goedgesind is.

Een van die Amerikaanse teikens, die Duitse kanselier Angela Merkel, het die meeluistering met dié van die gehate, eertydse kommunistiese Oos-Duitse Stasi vergelyk.

Kucherena het glo verwys na ’n artikel op die webwerf Buzzfeed, getiteld “American Spies Want Edward Snowden Dead”.

In die artikel het ‘n Pentagon-beampte sonder meer verklaar: “Ek sal baie daarvan hou om ’n koeël in sy [Snowden se] kop te jaag.”

“In ’n wêreld waar ek nie daarvan weerhou word om ’n Amerikaner dood te maak nie, sou ek self gaan en hom doodmaak,” het ’n NSA-analis ook gesê.

Volgens een se grafiese beskrywing sou dit goed wees indien Snowden onverhoeds in die openbaar ‘n stadigwerkende gifstof toegedien word en dan mettertyd by sy tuiskoms besef dat hy stadig en pynlik gaan sterf.

Tydelike asiel is in Augustus in Rusland aan Snowden toegestaan, nadat hy eers in Hong Kong aangeland het.

Kucherena het voorheen gesê Snowden werk van die huis af as ’n IT-adviseur vir ’n groot Russiese webwerf.

Regering wil gesprekke oor platinum-loondispuut fasiliteer

Adjunk-president Kgalema Motlanthe het Dinsdag gesê die regering sal wanhopige gesprekke tussen Amcu en platinummaatskappye Woensdag fasiliteer om te verhoed dat ‘n staking die brose sektor lamlê en verdere skade aan die land se reputasie aanrig.

Die minister van Arbeid, Mildred Oliphant voer vandag namens die regering samesprekinge met mynmaatskappye en vakbonde in aanloop tot Amcu se beplande staking wat more begin.

Amcu en mynmaatskappye het Dinsdag samesprekings gevoer in ‘n poging om die staking af te weer, het RSG berig.

‘n Groep ontevrede werkers het geëis dat ‘n werkersvergadering gehou moet word om hulle deelname aan die staking by platinummyne te bespreek.

Een van die maatskappye, Impala Platinum het gesê hy probeer ‘n vergadering met vakbondlede hou om klarigheid oor die griewe te kry.

Anglo American Platinum, Impala Platinum en Lonmin Platinum sê dat Amcu se salariseise onrealisties en onbekostigbaar is.

Die bestuurshoofde van die maatskappye het in ‘n gesamentlike verklaring gesê hulle is bekommerd oor die vakbond se eis van R12.500.

Amcu het Maandag kennis gegee van ‘n staking in die platinum- en goudmynbedrywe.

Goudmynmaatskappye wat lede is van die Kamer van Mynwese doen vandag in die Arbeidshof aansoek om ‘n hofbevel om die staking te verbied.

Anargie, geweld, winste as Amcu-staking misluk

Die komende staking by platinummyne deur die Association of Mineworkers and Construction Union (Amcu) by die platinum- en goudprodusente kan tot geweld lei, skryf ‘n arbeidskenner Jan de Lange in Sake24.

De Lange sê omstandighede by die platinummyne van Anglo American Platinum, Impala Platinum (Implats) en Lonmin, is uniek en verskil van dié by goudmyne.

Die goudmyne waar Amcu gaan staak, is nie marginale myne nie en sluimerende geweld weens ‘n arbeidsgeskil word nie in die vooruitsig gestel nie.

Daarbenewens kan die drie groot platinumprodusente baie baat by ’n uitgerekte staking aangesien dit ‘n geweldige prysstyging op die wêreldmark kan beteken weens die skaarsheid die metaal wat ‘n loondispuut tot gevolg kan hê.

Dit kan selfs die redding vir verliesmakende myne beteken om nie nou te produseer nie omdat ’n staking geen of min lopende koste inhou.

De Lange glo daar is oorgenoeg tekens van ’n “derde mag” wat arbeidsverhoudinge op die platinummyne probeer in die wiele ry en geweld aanhits.

Verskeie sluipmoorde en geïnstigeerde rebellies teen Amcu om NUM se afgang te probeer stuit, kan tot hernieude konflik lei wat die toekoms van die bedryf in die land in die weegskaal kan plaas.

Stakings by platinummyne was lank voor die Marikana-slagting reeds gewelddadig.

Werkers sal waarskynlik nie weer by die NUM aansluit as hulle vertroue in Amcu verloor nie, want die ontnugtering met die NUM is te groot.

Die National Union of Mineworkers (NUM) het ‘n geskiedenis van uitbuiting deurdat hulle werkers by platinummyne al vir dekades lank as kanonvoer vir politieke loopbane en korrupsie misbruik het, skryf De Lange.

Platinummyners voer ’n sukkelbestaan van armoede terwyl hulle een van die waardevolste grondstowwe in die wêreld moet myn.

Amcu eis ’n basiese loon van R12 500 per maand wat deur werkerkomitees ná die Marikana-slagting besluit is.

As Amcu die vertroue van platinummynwerkers verloor, sal dieselfde werkers weer hul eie werkerkomitees vorm, wat tot ‘n bedingingskrisis sal lei.

Werkerskomitees skep anargie want kommunikasie stort daarmee in duie met ‘n kakofonie van stemme en eise wat daaruit opklink.

Die bemiddelaars wat ná die Marikana-slagting met hierdie komitees probeer redeneer het, het dit tot hul skok ontdek. Amcu het juis hierdie anargie gestuit toe hulle op ‘n kritieke tydstip tussenbeide getree het.

De Lange sê ‘n terugkeer na werkerskomitees kan die einde van Suid-Afrika se platinumbedryf beteken.

As Amcu die werkers se vertroue verloor, sal die platinumprodusente ongelukkig ook nie veel slaap daaroor inboet nie. Vir hulle is daar groot winste in die vooruitsig.

Vir die mense in die platimungordel egter, sal dit nag word.

Hoe meer haas, hoe minder spoed…

haasoor — Freudiaanse glips, of ‘n bronshasie wat nie kan teel nie?

Die beeldhouers van die nuutopgerigte standbeeld van Nelson Mandela by die Uniegebou het om verskoning gevra vir die haas op Mandela se beeld, het die departement van kuns en kultuur Dinsdag gesê.

“Ons aanvaar hul verskoning en dat hulle bedoelings eerbaar was,” het die woordvoerder van die departement Josias Pila in ‘n verklaring gesê.

Hy het gesê ‘n meer geskikte kunstenaarshandtekening sou verkieslik gewees het, en dat die departement oorweeg hoe die beeld se integriteit behoue bly deur dit te beskadig.

Andre Prinsloo en Ruhan Janse van Vuuren, wat die nege meter standbeeld gemaak het van oorgeblaasde brons, het aan Beeld gesê die haas is ‘n “klein handelsmerk” van hul werk, want die departement wou nie toelaat dat hulle hul handtekeninge graveer op die standbeeld se broek nie.

Hulle het gesê dit was ook ‘n verwysing na die kort sperdatum waarteen hulle gewerk het. Haas in Afrikaans beteken ook om gou te maak.

“Die tydfaktor was groot en by tye moes ons baie hard werk,” het Prinsloo gesê.

Hy het gesê die “klein simbool” is in die oor weggesteek en doen nie afbreuk aan die beeld nie.

“Jy moet ‘n lang lens of ‘n verkyker hê om dit te sien,” het hy gesê.

“Gedurende die gietproses het baie mense die standbeeld gesien van naby en niemand het dit opgemerk nie.”

Die departement het Dinsdag gesê hulle was nie bewus van die beeldhouers se voorneme om ‘n haas binne die oor van die standbeeld te plaas nie.

“Dit is jammer dat die beeldhouers … verkies het om ‘n voorwerp in die standbeeld te plaas sonder die medewete van diegene wat hulle opdrag gegee het,” het die minister van kuns en kultuur, Paul Mashatile gesê in ‘n verklaring.

ANC skop burgemeester, speaker en sweep van Madibeng uit

Die ANC se provinsiale Werkkomitee in Noordwes het drie amptenare aangestel om waar te neem as burgemeester, speaker en hoofsweep in die Madibeng-munisipaliteit in Brits.

Die burgemeester Popi Magongwa, die speaker Buti Makhongela en die hoofsweep Solly Malete is van hulle poste te onthef.

Die ANC se provinsiale sekretaris Dakota Legwete het die aankondiging gedoen by ‘n mediasessie in Brits, het RSG berig.

Die drie is afgedank omdat die munisipaliteit nie die verslag van die voormalige minister van Samewerkende Regering, Richard Baloyi in werking gestel het nie.

Die verslag het aangedui dat grootskaalse korrupsie en wanadministrasie in die munisipaliteit voorkom.

Verlede week is vier mense dood in skermutselings met die polisie tydens betogings oor die gebrek aan water by Motlutlung en Damsonville.

Cosatu in Noordwes het verklaar dat die polisie wat na bewering in Mothutlung naby Brits op betogers geskiet het, nie kon opgetree het sonder dat dit deur senior persone beveel is nie.

Volgens Cosatu moet die voorval deeglik ondersoek word.

Die vakbondfederasie sê hy is geskok dat die dodetal tydens betogings oor watertekorte, gestyg het.

‘n Vierde persoon is gister by die George Mokhari-hospitaal in Garankuwa oorlede.

Enoch Seimelane is volgens berigte verlede week Maandag geskiet in botsings tussen die betogers en polisie.

Poppy Magongwa was verlede jaar in die moeilikheid oor ‘n water krisis wat gemeenskappe in die gebied teister.

Na ‘n noodvergadering tussen waarnemende LUR vir plaaslike regering en tradisionele sake Paul Sebegoe , die burgemeester en raadslede oor besoedelde water wat die afgelope drie jaar nie aangespreek word nie, is ‘n vinnige reaksiespan aangewys om die waterprobleem te takel.

“Die watersuiweringsaanleg in die gebied sal opgegradeer word . Gesteelde elektrisiteit transformators in waterpompstasies sal vervang word en die [pompe] wat nie werk nie sal herstel word om genoeg waterkapasiteit te verseker na reservoirs,” het Sebegoe gesê.

“Ons doen ‘n beroep op gemeenskappe nie hierdie fasiliteite te steel nie want dit ontneem gemeenskappe die reg aan water.”

Inwoners het toe gesê hulle is vol vertroue dat die nuutgestigte span die waterprobleem sal oplos.

Rykstes op aarde pas almal maklik in dubbeldekkerbus

doubledecker — Die heel rykstes kan maklik almal inpas

Die wêreld se 85 rykste mense het soveel geld soos die 3,5 miljard armste mense op die planeet, of die helfte van die wêreld se bevolking .

Dit is volgens Oxfam se jongste verslag oor die risiko’s van die kloof tussen die superrykes en die armes.

Die verslag is Maandag vrygestel en is saamgestel deur Oxfam, ‘n internasionale Britse organisasie wat teen armoede en ongelykheid agiteer.

Die dokument fokus op die omvang van wêreldwye ekonomiese ongelykheid wat glo veroorsaak word deur die vinnig groeiende welvaart van die rykste mense.

Hulle hou volgens Oxfam ‘n bedreiging in vir “menslike vooruitgang”.

‘n Totaal van 210 mense het miljardêrs geraak verlede jaar en hulself by die bestaande 1426 miljardêrs met ‘n gesamentlike netto waarde van $5,4 triljoen gevoeg.

Volgens die Oxfam-data het die rykste 1 persent van mense regoor die wêreld 65 keer die totale rykdom van die onderste helfte van die planeet se bevolking.

Dit bied ‘n aansienlike bedreiging vir inklusiewe politieke en ekonomiese stelsels, lui die verslag.

In die 21ste eeu kan die buitengewone klein elite almal gemaklik op ‘n dubbeldekkerbus inpas, ” het Oxfam hoof uitvoerende Winnie Byanyima by ‘n nuuskonferensie gesê .

Die verslag sal by die Wêreld Ekonomiese Forum in Davos wat later hierdie week begin, voorgelê word.

Sedert die laat 1970’s, het die belastingkoers vir die rykste gedaal in 29 uit 30 lande waarvoor data beskikbaar is, volgens Oxfam.

‘n Opname in ses lande, waaronder die VSA, die Verenigde Koninkryk, Spanje, Brasilië, Indië en Suid-Afrika het getoon dat ‘n meerderheid van mense glo dat die wette ten gunste van die rykes geld en dat hulle te veel invloed het.

Glibberige Otter glip van DA na EFF

Die DA-burgemeester van Kaapstad, Patricia de Lille se voormalige woordvoerder Steven Otter, is glo lid van die EFF.

Otter was De Lille se woordvoerder as leier van die OD voordat sy in Augustus 2010 na die DA oorgeloop het.

Die glibberige wit Otter ontken dat hy by die EFF-saamtrek was, ten spyte daarvan dat hy oor die naweek in Khayelitsha opgemerk is kompleet met rooi beret en revolusionêre ywer.

DA-lede het met skok gereageer op Otter se bedrywighede.

Maar Otter hou vol dat dit ‘n geval van ‘n verkeerde identiteit is, en sê hy was 68 kilometer ver van Khayelitsha in Bettiesbaai.

Hy werk tans vir die DA-stadsraad as ‘n woordvoerder vir die vervoerdirektoraat.

Die DA se parlementêre woordvoerder Phumzile van Damme het die foto van Otter aan haar volgelinge uitgestuur, met die toevoeging van “interessant”.

Otter het later die aand ‘n Twitterrekening geopen, in reaksie op Van Damme en Mazibuko en ontken dat hy by die saamtrek was, ook in ‘n SMS aan De Lille.

De Lille het ontken dat haar voormalige woordvoerder na die EFF oorgeloop het en gesê dit was ‘n geval van ‘n verkeerde identiteit .

“Hy was in Bettiesbaai met sy vrou en kinders, ” het De Lille volgehou.

EFF-ondersteuners het egter gesê dat dit wel Steven Otter was wat by hulle saamtrek opgedaag het.

‘Bafana-Bafana is nikswerd verloorders’

President Jacob Zuma het die uitbarsting van die minister van Sport, Fikile Mbalula weerlê dat iets drasties verkeerd is met die land se nasionale sokkerspan.

Die Bafana-Bafana is in die groepfase van die Afrika Kampioenskapsbeker uit die toernooi geskakel na hulle teen Nigerië met 3 -1 verloor het.

Mbalula het gesê dis nie die afrigting nie, maar die gehalte van die groep wat veel te wense oorlaat. “Ons het ‘n krisis van monumentale proporsies,” het hy gesê.

Hy wou hulle nie eens gaan groet na afloop van die wedstryd nie, het hy gesê.

Hy het die spelers uitgekryt as nikswerd verloorders voor ‘n groot skare verslaggewers.

Die president van SAFA, Danny Jordaan het gesê die spankultuur moet in sy geheel hersien moet word. Hy het geskimp dat die afrigter die trekpas moet kry.

Die president het in ‘n onderhoud op ‘n SAUK-radiostasie gesê die span het drasties verbeter en het die land se steun nodig.

Hy het ook sy steun aan die beleerde afrigter, Gordon Igesund, gegee.

Twee bedank na handgebaretolk-fiasko

Thamsanqa Jantjie, die nabootser wat homself as gebaretaaltolk voorgedoen het, se werkgewers het bedank.

Cikizwa Xozwa, persoonlike assistent van die ANC-woordvoerder Jackson Mthembu, en haar man, past. Bantubahle Xozwa, hoof van die party se godsdienstige en tradisionele sake, werk nie meer vir die regering nie.

Die egpaar besit glo die maatskappy vir wie Thamsanqa Jantjie gewerk het.

Jantjie het allerlei onsinnige handgebare tydens Nelson Mandela se gedenkdiens gemaak wat gelei het tot wêreldwye verontwaardiging deur gehoorgestremdes sowel as die publiek en hoë lui.

Talle het nietemin dieselfde kwaliteit in Jantjie as in Mandela raakgesien: ‘n Nabootser en swendelaar.

Die twee ANC-werknemers wat verbind word met sy aanstelling het hul bedanking ingehandig.

“Hulle het bedank. Hulle is nooit afgedank nie,” het ’n ANC-woordvoerder Keith Khoza Dinsdag gesê.

“Geen redes is aangevoer nie,” het hy gesê.

Hulle het hul bedankingsbriewe ingehandig in Desember, kort ná die voorval by die gedenkdiens waar Jantjie tydens president Barack Obama se toespraak op die verhoog sy manewales uitgehaal het.

Khoza het gereageer op berigte in die New Age-koerant dat die twee afgedank is.

Jantjie het na die herrie losgebars het beweer hy ly aan skisofrenie. Hy is kort daarna by die Sterkfontein- psigiatriese hospitaal in Krugersdorp opgeneem.

Polisie moet vermeende kinderverkragter teen skare beskerm

‘n Swart verdagte wat aangekla word van die verkragting van ‘n nege-jarige meisie, verskyn vandag in die Bellville landdroshof naby Kaapstad.

Die meisie het die aanval oorleef. Haar aanvaller het haar tussen die bosse langs die R300-snelweg aan die brand gesteek. Sy is Sondag lewend deur familielede gevind.

Die sewe-en-twintigjarige man het glo Saterdag die kind in ‘n oop stuk veld by Delft verkrag en daarna aan die brand gesteek.

Die polisie het die verdagte Sondag in hegtenis geneem nadat die meisie opgespoor is.

Daar was die afgelope paar weke minstens twee voorvalle waar kinders wreedaardig aangerand of vermoor is.

Die Delft-gemeenskap eis dat die regering die veiligheid in die gebied opskerp

Die verdagte word aangekla van verkragting en poging tot moord.

Lede van die buurtwag het ’n burgerlike inhegtenisneming gemaak, maar moes die verdagte toesluit om hom van die woedende Delft-inwoners te beskerm, wat self met die vermeende verkragter wou afreken.

Weste blind vir Nazi’s in Oekraïene

Die Weste hou hulself blind vir neo-Nazi’s wat in Kiëf betoog om by die EU aan te sluit.

Die Oekraïense betogers bots met die polisie in die hoofstad na duisende mense aan ‘n anti-regeringsbetoging oor die naweek deelgeneem het, omdat hulle nie deel wil wees van die Russiese federasie nie.

Die mees aggressiewe groep betogers, wat bekend staan as ultra-nasionaliste, het die polisie met brandbomme en klippe bestook.

Die president van die Oekraïne, Wiktor Yanukowitsj, het ‘n verklaring uitgereik waarin hy die geweld tussen die polisie en teen-regeringsbetogers veroordeel.

Hy sê dit hou ‘n bedreiging vir die hele land in.

Hy het ‘n oproep om vreedsame gesprek gedoen, nadat ‘n vooraanstaande opposisie-figuur, die wêreldberoemde bokser, Witali Klitsjkow alle Oekraïners aangespoor het om by die betoging aan te sluit.

Klitsjkow sê hulle moet veg vir die toekoms van hul land.

Die toneel naby die parlement is steeds gespanne, met skermutselinge tussen die onlustepolisie en betogers.

Skokgranate en rubberkoeëls is vroeër afgevuur, om tussen 200 en 400 vasberade betogers te verwilder.