Etiket: wanbestuur

Eskom straf Suid-Afrika met deurnagbeurtkrag

Ná jare van korrupsie, plundery en wanbestuur, is Eskom kennelik besig om al hoe verder in duie te stort want die elekrisiteitsverskaffer het gister (Saterdag) deurnagbeurtkrag van 16 tot 17 Maart aangekondig. Terwyl Eskom die Mosambiekse tifoon daarvoor blameer, is dit heel waarskynlik die onbekwaamheid van sy aardig besoldigde en korrupte topbestuur en amptenare wat daarvoor verantwoordelik is.

In ‘n twiet vermeld Eskom in sy gewone ANC-eentalige Engels:

Daar word verwys na ‘n “verlies aan keppêssitie” en die tifoon in Mosambiek. Blykbaar voer Suid-Afrika elektrisiteit van Mosambiek in — seker deel van ‘n korrupte transaksie — terwyl daar al jare lank elektrisiteit gratis of met nie-terugbetaalbare lenings aan die Zimbabwe-monster verskaf word.

Opvallend ook is hoe sekere woonbuurte naby Megawattpark in Sandton, waar die meeste van Eskom se korrupte miljoenêrbestuurders woon wat al jare lank die elektrisiteitsreus besteel, nie deur beurtkrag geraak word nie… Hulle ligte bly aan.

In sy reaksie het dr. Dan Roodt van PRAAG twee twiets in die rigting van Eksdom afgevuur:

Nasionale Gesondheidslaboratoriumdienste ‘stort in duie’

Die Nasionale Gesondheidsdienslaboratoriumdienste het nie meer geld nie weens wanbetaling deur provinsies en “is besig om in duie te stort”. Só het die waarnemende hoof van die NGLD, Shabir Madhi, gister aan die media gesê. Volgens hom is die NGLD, wat al die staatshospitale en -klinieke in Suid-Afrika bedien, die grootste laboratoriumdiens in Afrika en een van die grootstes ter wêreld.

Wanbetaling deur provinsies, veral dié van Gauteng en Kwazulu-Natal, versoorsaak dat die laboratoriumdiens nie meer toerusting kan aankoop nie, asook sy gekwalifiseerde personeel soos patoloë verloor. Personeel van die NGLD het oor die afgelope vyf dae gestaak, maar sal vanoggend terugkeer werk toe waar ‘n opgehoopte werklading hulle in die gesig staar.

Na bewering skuld Gauteng en Kwazulu-Natal die laboratoriumdiens nagenoeg R4 miljard wat weens “wanbestuur” nie aan hulle betaal word nie. Net Gauteng skuld die diens R2,5 miljard. Volgens Shabir Madhi sal dit moeilik wees om die provinsies te dagvaar aangesien beide die NGLD en die provinsies staatsinstellings is. Gauteng betaal tans ongeveer R100 miljoen per maand terwyl hul maandelikse rekening R153 miljoen beloop, iets wat veroorsaak dat die skuld met vyftig miljoen rand per maand ophoop.

 

Die reuse-Baragwanath-hospitaal in Soweto, wat deur die vorige blanke regering gebou is, het gesê dat dit tydens die staking opgehou het om monsters vanaf die 53 klinieke in te neem wat dit veronderstel is om te bedien.

Die sakebestuurder van die NGLD by die hospitaal, Bongiwe Xhakaza, meen dat pasiënte tans onder die staking ly.

“Al die pasiënte wat nie opgedaag het weens die staking nie, gaan waarskynlik nou terugkeer om in te haal met hul behandelings,” sê sy.

‘n Enkele werknemer van die hospitaal het besluit om nie die staking deur die Nehawu-vakbond te steun nie omdat sy nie wou hê dat pasiënte daaronder moet ly nie.

“Stel jou voor dat jou familielid nie oor ‘n privaat mediese fonds beskik nie en hulle lê sterwend in die hospitaal,” sê sy.

Met al die nuwe toetse wat nou gaan instroom, gaan die laboratoriumdiens moeilik die agterstand uit die weg kan ruim.

Lyndenburgse kind doodgeskok agv munisipale wanbestuur

Die Lyndenburgse munisipaliteit probeer hul wanbestuur en gewone onbeholpenheid wegpraat nadat ‘n wit kind deur ‘n ontblote kabel doodgeskok is.

Die Thaba Chweu-munisipaliteit sê hulle is nie aanspreeklik vir die dood van Jaden Landsberg nie.

Hy en maats het gaan fietsry toe hy deur ‘n plas water gery het en doodgeskok is deur ‘n beskadigde elektriese kabel wat rondgelê het.

“Iemand” het die kabel met ‘n laaigraaf beskadig en net so gelos. Dié “iemand” is natuurlik ‘n swart werknemer van die hopelose swart munisipaliteit wat in alle tale verswyg word.

Maar soos dit altyd gaan met ANC-bestuur, het die pateties onbekwame munisipaliteitsbestuur nie “rekords” van die opgrawings nie en die beskadigde kabel is nie “aangemeld” nie.

Dis die gewone ou storie van swart wanbestuur: Geen Afrikamens is ooit aanspreeklik vir sy foute nie, iets wat hulle kultureel blykbaar kan regverdig. Afrikaners moet nou al meer as twee dekades lank hierdie kulturele vooroordeel, ook van liberale Engelse en hul Afrikaanse meelopers, opvreet.

Dis jammer dat daar nie meer liberales is wat hieraan blootgestel word nie, aangesien die werklikheid ‘n uitstekende leermeester sal wees.

Kennelik was die vorige bestel die enigste manier om ons teen hierdie dodelike onbekwaamheid te beskerm.

Nou het dit weereens die dood van ‘n onskuldige kind in Graad 5 gekos.

Eskom skakel ses munisipaliteite se ligte af

Ses munisipaliteite in Noordwes en die Noord-Kaap staar van môre af daaglikse kragonderbrekings in die gesig indien hulle nie betalingsooreenkomste met Eskom aangaan nie.

Die munisipaliteite skuld Eskom miljarde rande.

In Noordwes sal daar van môre af kragonderbrekings in die Lekwa-Teemane-, Maquassi Hills-, Madibeng-, en Kgetlengrivier-munisipaliteite wees. In die Noord-Kaap sal daar geen krag in die Ubuntu- en Renosterberg-munisipaliteite wees nie.

Die kragtoevoer sal onderbreek word van Maandae tot Vrydae, soggens tussen ses en agt, en smiddae tussen 5-uur en half-agt. Saterdae en Sondae sal die krag af wees tussen half-nege en 11-uur die oggend en 15:00 en half-ses die middae.

Die kragtoever is reeds van gister af tussen daardie tye na die Ventersdorp- en Naledi-munisipaliteite onderbreek. Die Mamusa-munisipaliteit, wat ook kragonderbrekings in die gesig gestaar het, het egter ‘n ooreenkoms met Eskom aangegaan.

Bron: OFM Nuus

Vrystaatse munisipaliteite het meeste uitstaande skuld

Munisipaliteite in die Vrystaat het die meeste uitstaande skuld in vergelyking met ander provinsies.

Dit is volgens ‘n finansiële verslag, wat die stand van munisipaliteite landswyd soos op 30 Junie 2016, vergelyk. Die verslag dui daarop dat 73.7% van munisipaliteite in die provinsie se skuld aan diensleweraars al vir meer as 90 dae agterstallig is.

Die provinsie met die tweede meeste uitstaande skuld is Mpumalanga met 69.4% en die Noord-Kaap met 66.9%. Die totale uitstaande skuld van munisipaliteite aan diensleweraars het op 30 Junie vanjaar op R38.9 miljard rand gestaan.

Hierteenoor het munisipaliteite in die Vrystaat egter 100% van hulle Landelike Huishoudelike Infrastruktuurtoekenning bestee.

Hierdie toekenning word meestal bestee vir die uitwissing van sanitasie agterstand in gebiede waar grootmaat sanitasiedienste nie beskikbaar is nie.

Bron: OFM

Rou riool vloei deur droogtegeteisterde dorp

Die Mohokare-munisipaliteit in die Vrystaat, wat Smithfield en Zastron insluit, word geteister deur rou riool in die waterkanaal wat in Generaal Hertzogstraat in Smithfield ingeloop het.

Munisipale woordvoerder, Lehlonolo Mafatman, sê hoewel die rioolstelsel herstel word, is daar steeds ‘n krisis met lopende water, maar dit sal die week aandag geniet.

Smithfield gaan gebuk onder ‘n algemene watertekort weens die droogte. Riool het die laaste twee weke in die kanaal beland as gevolg van swak bestuur wat nou aan ‘n “blokkasie” toegeskryf word.

Agt plaaslike munisipaliteite in die Vrystaat se drinkwater-voorsieningstelsels het tans dringend aandag nodig.

Die nasionale departement van waterwese en sanitasie sal onverwyld moet ingryp om krisisse soos in Smithfield die hoof te bied.

Minister Nomvula Mokonyane het in antwoord op ‘n vraag in die parlement gesê ‘n lys van 250 plaaslike munisipaliteite landswyd– wat dringende watervoorsieningsprobleme ondervind – is saamgestel.

Verskeie van die dorpe in die Vrystaat wat reeds vir dae sonder water is as gevolg van die knellende droogte en verouderde infrastruktuur, vorm nie deel van die agt munisipaliteite nie.

Vrystaat premier Ace Magashule het die provinsie maande gelede tot rampgebied weens die droogte verklaar.

Mokonyane sê haar departement het begin om inspeksies by munisipaliteite landswyd uit te voer om die omvang van die probleem vas te stel en ‘n taakspan is reeds in sommige provinsies saamgestel om waterprobleme aan te spreek.

Intussen het haar departement ‘n ooreenkoms met die Deense regering gesluit in ‘n poging om die waterkrisis in die land op te los. Sy sê ingevolge die ooreenkoms gaan daar dringend gekyk word na ‘n langtermynoplossing.

Dit is nie duidelik hoe die Denemarke bevoeg is om ‘n droogteprobleem op te los binne die konteks van voortslepende wanbestuur en korrupsie nie.

Katolieke kla oor Valke-korrupsie

Die hoof van die Valke, Mthandazo Ntlemeza, het Donderdag onderneem om eers in sy eie organisasie korrupsie uit te roei voor die publiek aan die beurt kom.

Hy het nogtans gewaarsku dat die Valke misdadigers dophou.

Ntlemeza het verwys na twee lede van die Valke in Welkom wat onlangs in hegtenis geneem is nadat gesteelde geld in hul besit gevind is.

Hy sê hulle kan nie net op die breë samelewing fokus nie, maar moet ook misdaad binne-in hul organisasie hokslaan.

Ntlemeza was Donderdag in Bloemfontein om met sy provinsiale span te vergader en die pad vorentoe te bespreek.

In Mei vanjaar, het die minister van polisie Nkosinathi Nhleko ‘n taakspan aangestel ter bevordering van die onafhanklikheid van die Valke.

Die taakspan is tot April 2016 gegee vir die voltooiing van institusionele hervorming van die Valke.

Die uitvoering van ‘n besluit van die Konstitusionele Hof vir doeltreffende maatreëls om die onafhanklikheid van die Direktoraat vir Prioriteitsmisdaadondersoeke (die Valke) te verbeter, is intussen deur die Katolieke Kerk gekritiseer.

Die Suider-Afrikaanse Katolieke Biskoppekonferensie (SACBC) het reeds optogte teen korrupsie in Kaapstad en Pretoria gehou, en die regering se erns om korrupsie te bekamp, bevraagteken.

Vrystaatse onderwys gee miljarde onregmatig uit

Die Vrystaatse onderwysdepartement het meer as R2,3 miljard se onreëlmatige uitgawes aangegaan en die meeste daarvan hou verband met die toekenning van tenders.

Dit is volgens die ouditeur-generaal se verslag vir die 2014/2015 boekjaar wat vandag tydens ‘n sitting van die staande komitee vir openbare rekeninge in die provinsiale wetgewer bespreek word.

Die verslag het bevind dat tenders toegeken is aan kontrakteurs wat nie aan die nodige vereistes voldoen nie. Kennisgewings vir die tenderproses is ook in baie gevalle nie betyds geadverteer nie.

Amptenare van die departement het nie persoonlike belang of die van nabye familie of vennote by ondernemings wat tenders gekry het, verklaar nie.

Ernstige kommer is uitgespreek oor dié departement se finansiële gesondheid.

Komiteevoorsitter, Neels van Rooyen, sê hy is bly dat die departement nou met die provinsiale tesourie en die ouditeur-generaal se kantoor saamwerk om die probleem aan te spreek.

Associated Press val Trump se bestuurstyl aan

Donald Trump is in die visier van die Lobby in die VSA, klaarblyklik weens sy stygende gewildheid.

Trump loop los voor in die Republikeine se benoemingstryd.

Die direkteure van ‘n luukse eiendomsontwikkeling wat die Trump-handelsmerk dra, het sy glo maatskappy afgedank oor beweringe van “wanbestuur en oorbesteding asook onbekende bedrae aan bonusse wat uitbetaal is”, het AP eksklusief berig.

Die gebeure in Sentraal-Amerika se grootste gebouekompleks, Panama City Trump Ocean Club, het nie veel met die Republikeinse party se voorloper in die wedloop om nominasie as presidents­kandidaat te make nie, maar volgens ene Jeff Horwitz is dit ‘n “klad” op Trump se bestuurstyl.

Terwyl die kompleks probleme ervaar het in 2007 met die wêreldwye resessie, het Trump nogtans ‘n wins van $20 miljoen gewys. Trump was klaarblyklik ook nie die ontwikkelaar van die projek nie, ten spyte van Horwitz se vele insinuasies.

In ’n onderhoud het Trump se seun, Eric, die beweringe van wanbestuur afgemaak en dit bestempel as ’n poging om Trump se reputasie skade te berokken.

Alhoewel Trump afgedank is deur die bestuur van die eiendom, wil hulle graag sy naam behou vir die ontwikkeling.

Al Monstavicius, ‘n afgetrede mediese dokter van Nevada wat ‘n luukse dak-suite in die kompleks gekoop het, sê die naam is ‘n magneet vir baie mense.

Polisiekantoor wat plaasaanvalle moet keer onbeman

Die waarnemende polisiekommissaris vir Noordwes, Jacob Tsumane het vandag die situasie by die Assen-polisiekantoor in die verre oostelike deel van die provinsie, sterk veroordeel.

Dit volg nadat die kantoor Dinsdagmiddag glo onbeman aangetref is. Die stasie bedien hoofsaaklik landbougemeenskappe.

Tsumane het vanoggend in ‘n verklaring gesê die stand van sake is onaanvaarbaar. Hy het opdrag gegee dat die groepsbevelvoerder ‘n formele ondersoek begin.

Afsonderlike voorvalle in Coligny en Vrede hierdie afgelope maand het intussen weer die kollig op plaasaanvalle geplaas.

Agri-Noordwes se Boeta du Toit sê met dit in gedagte, moet daar streng opgetree word teen skuldige partye.

Eise teen SAPD kos belastingbetalers R860 miljoen

Belastingbetalers moes die afgelope ses jaar al meer as R860 miljoen opdok vir siviele eise teen lede van die Suid-Afrikaanse Polisiediens (SAPD).

As die skikkingsooreenkomste wat die SAPD sedert 2011 aangegaan het ook bygereken word, styg die bedrag tot meer as R1,04 miljard.

In 2009 is slegs sowat R80 miljoen vir sulke eise uitbetaal, het Netwerk24 berig.

Gareth Newham, senior navorser van die Instituut vir Sekerheidstudie, het aan Netwerk24 gesê die stygende eisuitbetalings toon dat siviele eise gewilder is by die publiek eerder as om by die onafhanklike polisie-ondersoekdirektoraat (Opod) te gaan kla waar ondersoeke lank kan sloer.

Die SAPD se jaarlikse gebeurlikheidsbegroting vir siviele eise wat moontlik nog in die toekoms ingestel kan word, het in die afgelope boekjaar meer as R312 miljard beloop.

Die SAPD se jaarverslae en parlementêre antwoorde van Nathi Nhleko, minister van polisie, wys voorts die polisie het in die 2009-’10-boekjaar regskoste betaal van sowat R89 miljoen.

Teen Maart vanjaar was die bedrag reeds ‘n yslike R278 miljoen.

Die jaarverslae wys ook die meeste van die eise wat teen die polisie ingestel is, was weens algemene polisie-optrede wat byvoorbeeld gedrag tydens inhegtenisnemings insluit, skietvoorvalle en motorongelukke.

In 2012 is berig ’n interne SAPD-oudit het gewys meer as 27 000 polisielede uit nagenoeg 157 000 wat toetse afgelê het om vuurwapens te hanteer, het gedruip.

In die 2010-’11-boekjaar toe die rybewysvereiste vir nuwe rekrute geskrap is, was dié eisuitbetalings nagenoeg R10 miljoen. Dié vereiste is intussen heringestel weens die groot eisuitbetalings agv motorongelukke.

Die SAPD se jaarverslag vir die 2011-’12-boekjaar het gewys van die grootste eisuitbetalings (R12,7 miljoen) was weens skietvoorvalle.

Daar is vandag 1 448 veroordeelde misdadigers wat in die polisiemag dien.

Prasa ontken dat nuwe treine te hoog is

Die Passasierspooragentskap van Suid-Afrika (Prasa) het berigte ontken dat 13 nuwe lokomotiewe wat vanaf Spanje ingevoer word, te hoog is vir plaaslike spoortoestande, het RSG berig.

Prasa het gereageer op Sondagkoerantberigte dat die diesellokomotiewe ten bedrae van 600 miljoen rand, oorhoofse elektriese kabels kan beskadig.

Die lokomotiewe is na bewering gekoop ten spyte van waarskuwings dat dit nie geskik is vir Suid-Afrika nie.

Prasa se woordvoerder, Moffet Mofokeng sê die bewerings is onwaar en hy daag die joernalis, wat die berig geskryf het, uit om bewyse voor te lê.

Mofokeng sê die lokomotiewe voldoen aan al die vereistes.

Die Suid-Afrikaanse Instituut van Elektriese Ingenieurs (SAIEE) het egter bevestig hulle bewus is van die hoogteprobleem en dat hulle besig is om te soek vir “tegniese oplossings”.

Die dertien Afro 4000 diesel lokomotiewe wat tot dusver aan Prasa oorhandig is, vorm deel van ‘n groter R3,5 miljard tender vir 70 nuwe lokomotiewe.

Die lokomotiewe het ‘n dakhoogte van 4 264mm, terwyl die maksimum hoogte van die diesel lokomotiewe nie meer as 3 965mm mag wees nie, het senior spooringenieurs met eerstehandse kennis aan Rapport gesê.

Prasa wil die lokomotiewe vir sy langafstand Shosholoza Meyl passasiersdiens aanwend.

Senior ingenieurs en bronne met eerstehandse kennis van die saak het Prasa glo gewaarsku dat die nuwe diesel lokomotiewe van die Spaanse vervaardiger Vossloh España te hoog is vir plaaslike gebruik.

Noord-Kaap vir mediese nalatigheid gedagvaar

Die Noord-Kaapse gesondheidsdepartement staar ‘n R32 miljoen mediese nalatigheidseis in die gesig nadat ‘n baba met serebrale gestremdheid gediagnoseer is nadat hy by een van die provinsie se fasiliteite behandel is.

Die departement voer aan dat een van die grootste uitdagings is om mediese personeel na die provinsie te lok. Die tekort aan verpleegsters is veral die probleem.

Die hoof van dié departement, Gugulethu Matladpane, sê die dagvaarding is verlede maand ontvang. Dit is die jongste in ‘n reeks eise teen die departement van sowat R102 miljoen.

Matladpane het tydens ‘n sitting van die Nasionale Raad van Provinsies se Sosiale Dienste Komitee ‘n voorlegging gedoen waarin dié eise aan die lig gekom het.

Vrae oor die dekade-lange konstruksie van die omstrede psigiatriese hospitaal in Kimberley, wat ‘n groot hap uit die provinsiale begroting geneem het, is ook geopper.

Luidens ‘n verslag van die provinsiale tesourie oor provinsiale departemente se ongeouditeerde inkomste en uitgawes het die gesondheidsdepartement se onreëlmatige uitgawes van R20 miljoen in die 2013/14 boekjaar tot R526 miljoen in die vorige boekjaar gestyg.

Vrae rondom Vrede-suiwelprojek raak al meer

Vrae rondom die multi-miljoen rand omstrede Vrede-suiwelprojek van die Vrystaatse provinsiale regering raak al meer.

Dit volg nadat die Vrystaatse ontwikkelingskorporasie (VOK) – wat die projek bestuur – gesê het, dat hulle as deel van hulle jeugontwikkelingsprogram jongmense as begunstigdes van dié projek gaan registreer.

Die aankondiging is tydens ‘n sitting van die portefeuljekomitee van ekonomiese ontwikkeling van die provinsiale wetgewer gemaak.

Dít terwyl die provinsiale departement van landbou sê 80 inwoners in die omgewing van die projek is reeds as begunstigdes geregistreer.

Dit is glo nie die eerste aanduiding dat die VOK nie bewus is van die lys van begunstigdes nie.

OFM Nuus het verlede maand berig dat die nasionale departement van landbou befondsing vir die projek terruggetrek het, omdat die departement nie oortuig was dat die proses wat gevolg is met die samestelling van die lys van 80 begunstigdes regverdig en deursigtig was nie.