praag.co.za

Tag: reén

  • Waterbeperkings in Gauteng kan opgehef word

    Waterbeperkings in Gauteng kan opgehef word

    Waterbeperkings in Gauteng kan binnekort iets van die verlede wees ná die wydverspreide reën die afgelope twee weke in die provinsie.

    Munisipaliteite in Gauteng het sedert laat verlede jaar 15 persent minder water van Rand Water gekry omdat damvlakke tot slegs 26 persent gedaal het.

    Die Vaaldam, die belangrikste waterbron in Gauteng, is byna 100% vol, het gesê Departement van Waterwese se woordvoerder Maandagoggend verklaar. Maar “ons is steeds in ‘n droogte,” sê die woordvoerder.

    “Vanoggend die Vaaldam was op 97,89 persent vol en nog sluise is oopgemaak. Hulle sal oop wees vir ten minste die volgende twee dae,” het hy gesê.

    Die opheffing van waterbeperkings sal in die Staatskoerant gepubliseer word Maandag met onmiddellike effek.

    “Dit sal uiteensit watter beperkings in Gauteng opgehef word.”

    Sluise is sedert Vrydag by die Bloemhofdam in Noordwes oopgetrek.

    Hoofsaaklik Gauteng, dele van Noordwes en kleiner dele van Mpumalanga en die Vrystaat het droogteverligting gehad..

    Die minister van Waterwese, Nomvula Mokonyane, sê die vlakke van die geïntegreerde Vaalrivierstelsel het aansienlik verbeter, wat die opheffing van waterbeperkings moontlik maak.

  • Lekkerrr nat! Vaaldam kry een Olimpiese swembad per sekonde

    Lekkerrr nat! Vaaldam kry een Olimpiese swembad per sekonde

    Johannesburg Water het ‘n “groot toename” in die Vaaldamwatervlak sedert Dinsdagaand aangeteken, berig The Citizen. Die Vaaldam ontvang nou die volume van amper ‘n Olimpiese-grootte swembad elke sekonde oor die afgelope 24 uur.

    Woensdagoggend, het Johannesburg Water getwiet, “Vaaldam is nou op 71,62 persent. Groot toename sedert gisteraand”

    Dit het toegeneem van net minder as 65 persent Dinsdag, volgens die Stad van Johannesburg.

    Weer SA het bevestig dat die watervlak van die dam bo 70 persent gestyg het Woensdag, tot meer as die afgelope 20 maande se hoogtepunte en die 24 uur invloei is 2237.6m3/s.

    VBHydrology, wat volgens sy Twitter-profiel “hidrologiese inligting aan die Vaal Barrage Reservoir en Vaaldam soos gerapporteer deur die Departement van Waterwese en Sanitasie en Rand Water” verskaf, het ook getwiet dat die dam 71,62 persent vol is en dat die invloei 2 237.6m3 per sekonde is.

    “Mon 22 Februarie Vaaldam Vlak 20m. Volle 71,62%. Invloei 2237.6m3 / s. Ontslaan 14.169m3 / s. River Kleppe Oop 1X100% 1X50%. Hekke open 0, “tweeted VBHydrology.

    Die uitloop is 14.169m3 per sekonde en vir die kleppe is een 100 persent oop en een 50 persent. Geen waterhekke is nog oop nie.

    Woensdag, het The Citizen berig dat die deurdringende reën wat ervaar is in Gauteng sedert Maandag effens sal opklaar Woensdag, maar sal na verwagting terugkeer Donderdag, volgens die Suid-Afrikaanse Weerdiens.

    Teen Woensdag het Johannesburg 109mm reën ontvang, die Vaal het 107mm en Pretoria het 87mm ontvang.

    ‘n Aantal paaie in Noordwes het tydelik gesluit gister weens oorstromings na swaar reën sedert Sondag.

    Die provinsiale departement van gemeenskapsveiligheid sê die N4 tussen Swartruggens en Rustenburg en die N12 brug wat lei na Wolmaransstad bly vandag gesluit.

    Inligting oor ander paaie in Ottosdal, Leeudoringstad, Delareyville en Orkney word nog ingesamel.

    Voorvalle waarin motoriste moes gered word uit hul voertuie is gister aangemeld. Op die R502 tussen Leeudoringstad en Orkney moes ‘n bestuurder uit sy voertuig gered word toe hy deur oorstromings vasgekeer is. Op die N14 tussen Kuruman en Vryburg het twee mense het ligte beserings opgedoen voordat hulle gered is uit hulle voertuig.

    Polisieduikers soek steeds na ‘n vermiste persoon wat op ‘n plaas naby die Augrabies-watervalle in die Noord-Kaap wat ná swaar reën in die gebied vermis geraak het.

    Die liggame van drie mense wat Sondag saam met die persoon deur vloedwater meegesleur is, is reeds gevind. ‘n Polisiewoordvoerder, Jacques September, sê die vier was in ‘n huis op die plaas toe die Oranjerivier ná swaar reën afgekom en die huis oorstroom het.

    September sê hulle doen alles in hul vermoë om die persoon te vind. Hy sê benewens die polisieduikers wat in die rivier soek, soek die soek-en-reddingseenheid ook op die oewers van die rivier na die persoon.

  • Weerstelsel Dineo verloor woema onderweg na SA

    Weerstelsel Dineo verloor woema onderweg na SA

    Die weerstelsel wat oor Mosambiek beweeg en na Suid-Afrika onderweg is, is na ‘n oorland-depressie afgegradeer en staan nou bekend as ex-Dineo.

    Volgens die Suid-Afrikaanse Weerdiens beweeg die laedrukstelsel op die oomblik teen sowat 80 kilometer per uur. Geen berigte van skade is in die stadium ontvang nie.

    Die stelsel sal glo na mate dit na Suid-Afrika beweeg verder sterkte verloor. Dit sal egter steeds swaar reën in Mpumalanga en Limpopo tot gevolg hê.

    Inwoners is gewaarsku om bedag te wees op oorstromings en nie paaie en brûe oor te steek wat onder water is nie.

    Die polisie in die Vrystaat het ‘n dringende waarskuwing uitgestuur nadat drie swart kinders in die provinsie na reënbuie verdrink het.

    Die jongste voorval is in Dealesville aangemeld. Mpakane sê ‘n sesjarige swart seun het in ‘n steengroef verdrink toe hy saam met ‘n groep swart kinders ná skool daar gespeel het.

    Mandisa Makesini, provinsiale sekretaris van EFF in die Vrystaat, sê hulle gaan die situasie dringend met die Mangaung-metro munisipaliteit bespreek.

    Sterk winde en reën het gisteraand groot skade by Neilersdrift naby Upington in die Noord-Kaap veroorsaak.

    Verskeie boere in die distrik het aan OFM-nuus gesê die erge winde het gisteraand net na 19:00 begin waai, en het etlike kilometers vêr verwoesting gesaai.

    Die winde het ‘n halfuur lank gewaai en het veral in plakkershutte by Leonardsville se dakke afgewaai waar ongeveer 150 mense tans besig is met opruimingswerk.

  • Welkome reën sak oral in SA uit

    Welkome reën sak oral in SA uit

    Uitgebreide reën oor groot dele van die land oor die afgelope 24 uur sal vandag voortduur. Die Suid-Afrikaanse Weerdiens waarsku dat swaar reën oorstromings in verskeie gebiede kan meebring.

    Swaar reën word vir die suidelike dele van Gauteng, die noordweste van KwaZulu-Natal, die suidweste van Mpumalanga en Limpopo, die ooste van Noordwes, die noordoostelike dele van die Vrystaat en in die Wes-Kaapse Overberg- en Eden-distrikte voorspel.

    Kwaai donderstorms word ook oor die oostelike dele van die Oos-Kaap verwag.

    Kapenaars is vanoggend na weke van droë en warm met welkome reën begroet wat uitgesak het. Die Midmar-pad in Bellville was onder water.

    Die verkeer het ook baie stadig op die N1-snelweg vanaf Kraaifontein na die stad beweeg.

    Nog reën word vir die res van die dag voorspel. Dit volg nadat Kaapstad Donderdag strenger waterberperkings aangekondig het. Kapenaars sal hul tuine van nou af slegs twee keer per week met ‘n emmer mag natlei.

  • Motoriste gewaarsku oor yslike sinkgat in NK

    Motoriste gewaarsku oor yslike sinkgat in NK

    Die Noord-Kaapse departement van openbare werke en paaie sê hulle werk met verskeie rolspelers om die skade en oorsaak van die sinkgat op die R31 tussen Daniëlskuil en Kuruman te bepaal.

    Die gat het verlede Woensdag in gietende reën op die plaas Mount Carmel ontstaan, waarna die aanhoudende reën dit verder laat inval het.

    Die department het in ‘n verklaring weer eens motoriste aangeraai om van alternatiewe roetes gebruik te maak met 29mm reën wat vir hierdie week in die gebied voorspel word.

    Motoriste word aangeraai om die roete om Postmasburg te gebruik. Padtekens is ook aangebring waarop motoriste gemaan word om hul spoed te verminder.

    Die gat het verlede Woensdag in gietende reën op die plaas Mount Carmel ontstaan, waarna die aanhoudende reën dit verder laat inval het.

    Die sinkgat is op plekke tot 100 meter lank en 30 meter diep en loop tot langs die R31-teerpad.

    ‘n Ingenieur het intussen gewaarsku dat die krag van water nie onderskat moet word nie, en is van mening dat die pad binnekort deel van die sinkgat kan word en dat die situasie baie ernstig is.

    Bron: OFM Nuus

  • Johannesburgse lughawegebou vol water weens stortreën

    Johannesburgse lughawegebou vol water weens stortreën

    Benewens die chaos wat op die N3-snelweg en die R24 na die lughawe deur gistermiddag se wolkbreuk veroorsaak is, het die lughawegebou skade gely. Water het by die dak ingestroom en verskeie vloere van die gebou het plasse water getoon.

    20161109_190040

    Stukke van die dak en plafon het ook plek-plek na benede getuimel. Skoonmaakpersoneel het allerlei houers op die vloere geplaas om van die lekkende water op te vang.

    lughawe2

    Verskeie ingange van die lughawegebou is ook deur die reën beskadig.

    lughawe1_640

     

  • Namibiese grondkonferensie afgestel weens droogte

    Namibiese grondkonferensie afgestel weens droogte

    Die minister van grondhervorming in Namibië, Utoni Nujoma, het Woensdagoggend aangekondig die tweede nasionale grondkonferensie onbepaald uitgestel word.

    Die besluit is geneem in die lig van die geldelike knyptang wat besuiniging deur die staat noodsaak, asook die droogte.

    Die Namibiese regering tot hede reeds 11% van sy begroting aan die landbou en verwante ministeries bestee, luidens die Namibiese Landbou-unie se nuusbrief.

    Dié fondse word aangewend om voedselsekuriteit vir sukkelende gemeenskappe te verseker, maar boere het nog geen droogtehulp ontvang nie.

    In Junie is ‘n noodtoestand in Namibië afgekondig weens die waterskaarste, met sentrale damme wat gesamentlik slegs oor sowat 10% water bevat.

    Die droogte wat tans groot dele van Suider-Afrika in ‘n wurggreep het, het reeds gelei tot ‘n inkrimping van drie komma drie persent op die bruto binnelandse produk in Suid-Afrika.

    ‘n Landbou-ekonoom aan die Noordwes-Universiteit se Potchefstroom-kampus, Flippie Cloete, het tydens ‘n diskoersgesprek by AARDKLOP-kunstefees gesê aanplantings van somergraangewasse is vanjaar reeds minder as verlede jaar, toe aanplatings ook weens die droogte in die wiele gery is.

    Nog ‘n spesialisnavorser van droogtetoestande in die landbousektor by Senwes, Thuys Grobbelaar, het oor droogte by die Aardklop-kunstefees in Potchefstroom gepraat en gesê die huidige droogte is een van die ergstes sedert die 1960’s.

    Grobbelaar sê produsente is in kosteknyptang vasgevang want dit raak al duurder om gewasse te plant terwyl die mark al laer pryse vir die produk aanbied.

    Die Departement van Water en Sanitasie het gewaarsku dat die watervlakke in talle damme in Limpopo baie laag is en só ook die watertafel. Dit het daartoe gelei dat die departement en munisipaliteite waterbeperkings ingestel het in alle provinsies wat deur die droogte geraak word.

    Die departement van Water se waarnemende streeksbestuurder in Limpopo, Rex Milne sê die watervlakke in damme in die provinsie staan op sowat 26% en grondwater het ook skerp afgeneem.

  • Warm, droë weer is terug!

    Warm, droë weer is terug!

    Sonskynweer met geen vooruitsigte op reën nie word vandeesweek in die sentrale deel van Suid-Afrika voorspel.

    Hoë dagtemperature in die grootste deel van die Noord-Kaap, Vrystaat en Noordwes voor, met maksimum dagtemperature in die hoë twintigs.

    In dele van die Noord-Kaap en Noordwes sal die kwik selfs styg tot in die lae dertigs wat besonder warm is vir dié tyd van die jaar.

    Alhoewel ‘n frontale stelsel teen Woensdag deur die Wes-Kaap sal beweeg, sal afkoeling beperk wees tot kusgebiede en die aangrensende binneland .

    Dié stelsel kan verligting bring in dele van die Noord-Kaap se weskus en die westelike deel van dié provinsie waar baie warm toestande tans voorkom.

    Dié weerstoestande sal waarskynlik voortduur in die eerste deel van September.

    Reënvaltoestande lyk egter nie gunstig nie weens min beweging in die atmosfeer in die vorm van koue fronte of afsnylae.

  • Wenke vir nat paaie en vloedwaters

    Wenke vir nat paaie en vloedwaters

    ‘n Paar wenke om Praag-bestuurders veilig te hou as ‘n swaar bui uitsak:

    Verminder spoed! Pas spoed en volgafstand aan. Dit moet minstens ses sekondes van die motor voor wees. Maak seker die volgafstand is groot genoeg om gemaklik tot stilstand te kom.

    Skakel altyd die hoofligte van jou voertuig aan in nat weer asook helderder misligte agter vir beter sigbaarheid.

    Bewolkte weer en reën beteken swak sig. Wees veral versigtig wanneer jy verbysteek, en onthou nie alle bestuurders gaan onthou om hul hoofligte aan te skakel nie.

    Maak seker dat jou ruitveërs in ‘n goeie toestand is en behoorlik skoonvee.

    Moenie dat die binnekant van die vensters van jou motor opwasem nie. Dit belemmer veral sigbaarheid. Skakel die vensterverhitter aan en sommer die lugversorging ook sodat die lug binne uitdroog. In hardnekkige gevalle kan ‘n venster op ‘n skrefie oopgedaai word.

    Gaan die loopvlak van jou bande na. Die wetlike minimum is 1mm maar ter wille van veiligheid maak seker dis meer.

    Verslete skok-absorbeerders hou nie die rubber op die padoppervlak nie. Geen kontak = geen ABS = geen greep = beperkte remkrag.

    Vermy skielike versnelling, gerem en stuurbewegings wat kan lei tot ‘n gegly en verlies van beheer.

    Moenie deur baie diep water ry nie. Dit kan jou motor beskadig en moontlik jou jou lewe kos.

    As jy het geen ander keuse het as om deur dieperige water te ry nie, ry dan stadig in ‘n lae rat, en hou die stuurwiel bestendig.

    ‘n Rit in swaar reën beteken jy moet jou remme toelaat om droog te word, veral as jou voertuig dromremme het.

    Indien jou ryding onklaar raak, skakel die noodligte aan en probeer om heeltemal van die pad af te beweeg. As dit moontlik is, gebruik ‘n reflektiewe waarskuwingsdriehoek ‘n entjie agter jou voertuig.

  • Vloede en storms teister Wes-Europa

    Vloede en storms teister Wes-Europa

    Vloede en storms het die lewens van minstens vier mense geëis in Duitsland.

    Drie mense is in vloede in die suidwestelike Baden-Wuerttemberg-deelstaat van Duitsland dood en ’n jong meisie is deur ’n trein doodgery toe sy onder ’n treinbrug skuiling teen die reën gesoek het.

    ’n Man is dood in ’n ondergrondse parkeergarage toe die gebied vol water gestroom het voor hy in staat was om te ontsnap.

    Saterdag het swaar weerlig in die noorde van Frankryk en suidweste van Duitsland nege mense ernstig beseer.

    Stortreën in Noord-Europa het oral oorstromings in Frankryk, België en Duitsland veroorsaak.

    Die rivier Seine in Parys het sy walle oorstroom, en die Franse Ope tennistoernooi in die stad moes vir ‘n tweede dag weens die miserabele weer uitgestel word.

    In die middel van die land is ‘n gevangenis ontruim, met aangehoudenes wat aangery is na ander fasiliteite.

    Op die Frans-Belgiese grens, het ses weke se reën binne 24 uur uitgesak.

    Talle dorpe is onder die water en weervoorspellers het meer reën vir Woensdag in die vooruitsig gestel.

  • Koue, nat naweek wag

    Koue, nat naweek wag

    Nog koue en nat weerstoestande word vir groot dele van die Noord-Kaap, Vrystaat en Noordwes voorspel. Gauteng kan ook koeler, bewolkte weer te wagte wees teen Saterdag.

    Die Bloemfonteinse weerkantoor sê dié weerstoestande met lae temperature gaan môre voorkom weens ‘n afsnylaag wat ontwikkel en die sentrale deel van die binneland teen môre sal bereik.

    Die afnsylaag sal die sentrale deel van die Noord-Kaap bereik en teen Saterdag in die westelike deel van Noordwes voorkom.

    Weens die laagdrukstelsel in die bolug kan koue bewolkte toestande met ‘n 60% kans op buie en donderbuie in die sentrale binneland voorkom. Temperature hoër as tien grade Celsius word vir Saterdag voorspel.

    Temperature gaan na verwagting teen Sondag na normaal terugkeer en sonnige toestande word vir die res van volgende week voorspel.

  • Milde reën oppad

    Milde reën oppad

    Groot dele van die Noord-Kaap, Vrystaat en Noordwes kan vanaand en môre na reën uitsien.

    Tonie Rossouw van die Bloemfonteinse weerkantoor het aan OFM gesê daar is vandag ‘n 30%-kans op buie en donderbuie in die sentrale deel van die binneland.

    Dit weens ‘n frontale stelsel wat suid van die land inbeweeg. Daarmeesaam is daar ‘n goed ontwikkelde bolaagtrog voor dié frontale stelsel wat die styging van lug veroorsaak.

    ‘n Wolkband beweeg van die westelike deel na die ooste. Hy sê daar is vanaand ‘n 60%-kans op reën in die Vrystaat en die Noord-Kaap wanneer die stelsel deurbeweeg.

    Hy voorspel ook ‘n 60%-kans op reën môre in die sentrale en suidelike deel van die Vrystaat, die verre suid-oostelike deel van Noordwes en die oostelike deel van die Noord-Kaap.

    Gunstige reëntoestande verbeter teen vanmiddag. Daar is ‘n goeie kans op buie en donderbuie teen vanaand en môre heeldag in die sentrale binneland.

    Dit sal aanvanklik begin in die westelike deel en deurbeweeg oor die sentrale deel van die Vrystaat, asook die Suid-Vrystaat, na die noord-oostelike deel van die provinsie. Rossouw sê reëntoestande sal teen Vrydag opklaar. Hy voorspel ook geen reën vir volgende week nie.

    Rossouw sê teen Saterdag kan mense in die sentrale binneland sonnige maar koel toestande verwag. Warmer temperature kom eers teen Sondag voor.

  • Trekker in diep modder maak boer se hart bly

    Trekker in diep modder maak boer se hart bly

    ‘n Mielieboer van Bultfontein in die Vrystaat is so dankbaar oor die welkome reën vandeesweek dat hy Maandag met blydskap in sy hart en ‘n hup in sy stap sy trekker, wat in sy nat landerye vasgeval het, uitgetrek het.

    Michris Janse van Rensburg het daarna op sy Facebook-blad ‘n foto geplaas waar hy en een van sy plaaswerkers spook om die trekker uit die modder te kry, het OFM berig.

    Hy sê dit was ‘n droë seisoen waarin hy nie betyds mielies kon aanplant nie. Sedert September verlede jaar tot Woensdag het dit slegs 20mm gereën.

    Janse van Rensburg het verlede week ná ‘n bui reën van sowat 12mm ‘n kans gewaag en 60ha mielies geplant, al was dit té laat daarvoor. Na die bui van 40mm was daar weer hoop. Hy sê al het sy trekker vasgeval, was dié gesukkel die moeite werd.

    “ ’n Mens is amper in trane, want gewoonlik as ‘n trekker vasval, beteken dit moeilikheid.”

    Hy het egter nie omgegee om te sukkel nie en het met ‘n glimlag die foto van sy gesukkel met sy trekker geneem. “Dit gaan oor daai gevoel van blydskap, want nou kan ons die oorlog aanpak.”

    Hy sê voor die goeie bui reën gister was hy op moedverloor se vlakte. Hy het ‘n kans gewaag en mielies geplant, maar diep in sy hart het hy geweet hy maak ‘n fout. Dit gaan egter om geloof, sê hy.

    Janse van Rensburg vertel selfs die plaaswerker wat die trekker bestuur het, was skoon verskrik oor die nat toestande, omdat hulle nie meer gewoond aan reën is nie.

    Hulle het later die trekker met ‘n ander trekker uitgetrek. Janse van Rensburg gaan nou sonneblom aanplant.

  • ‘n Bietjie lafenis vir die Vrystaat en NW

    Groot dele van die Vrystaat en Noordwes het vir die eerste keer vanjaar reën gekry en daar is goeie voortuitsigte vir nog reën in die sentrale deel van die land teen die naweek.

    Die Bloemfonteinse weerkantoor sê daar is Saterdag en Sondag ‘n 60% kans op reën vir die hele Vrystaat, Noordwes en die Noord-Kaap. Hy sê temperature sal ook na verwagting afneem.

    In die oostelike deel van die Vrystaat word ‘n 30% kans op reën teen môre en Donderdag voorspel. Dit sluit gebiede soos Kroonstad, Bethlehem, Senekal en Sasolburg in.

    Enkele buie kan teen Vrydag al in groot dele van die Vrystaat voorkom.

    Sowat 12,6mm is Woensdag in Bloemfontein gemeet en 69mm by Glen, buite dié stad. Ongeveer 14,4mm reën is op Bothaville gemeet, terwyl Nelpoort, in die rigting van Wepener, sowat 23,8mm gekry het.