Anglo Platinum, Impala Platinum en Lonmin en verteenwoordigers van die vakbond Amcu kon nie ‘n hul verskille oor salarisverhogins oplos nie.
Na die derde vergadering tussen die mynmaatskappye en Amcu is geen ooreenkoms bereik nie.
Amcu het die werkgewers se aanbod verwerp om salarisse oor ‘n tydperk van 5 jaar tot R12.500 te verhoog deur byvoordele en toelaes met verdrag aan te pas.
Die staking die platinumbedryf duur al sedert Januarie.
Die staking het die drie maatskappye en die mynwerkers na beraming sowat R21 miljard aan verlore inkomste en salarisse gekos.
Die maatskappye het Donderdagaand ‘n einde aan die samesprekings gemaak nadat geen ooreekoms bereik kon word nie.
Die platinumbedryf se onderhandelaars het Amcu-leiers aangeraai om hul lede te oorreed om die aanbod te aanvaar.
Hulle het aangedui dat hulle self die werkers sal probeer oorreed om die aanbod te aanvaar.
Anglo American se tussentydse bestuursverklaring vir die Maart-kwartaal toon verhoogde produksie in al sy mynbedrywighede, behalwe vir platinum, waar die produksie is erg geraak deur word die staking.
In die verklaring wat Donderdag uitgereik is, sê Anglo American platinumproduksie het gedaal met 39% tot 357,000 onse.
Gewelddadige oproer het Woensdag daartoe gelei dat die R28 tussen Uncle Harry’s en Randfonteinweg gesluit moes word. Motoriste is gewaarsku om die gebied te vermy.
Die polisie het die R28 tussen die R41 en Randfonteinweg vir verkeer gesluit nadat pogings om geweld te bekamp nie geslaag het nie.
Die oproer in Randfontein en Brandvlei het later Woensdag egter weens reën wat uitgesak het, bedaar en die pad is weer oopgestel.
Oproerige inwoners het die paaie met brandende bande afgesper en verbygaande voertuie met klippe bestook.
Die Randfontein Herald het ook berig dat ‘n vragmotor aan die brand gesteek is deur die oproeriges.
Die polisie moes van rubberkoeëls gebruikmaak en talle mense is vir openbare geweld in hegtenis geneem.
Volgend die Herald is ‘n gesin deur die oproermakers in hul huis naby die Brandvleikruising vasgekeer, terwyl gewelddadige betogings buite beheer in die straat net meters weg gewoed het.
Die huiseienaar en sy gesin was glo vreesbevange. Hy het glo per teksboodskappe laat weet dat hulle wegkruip en buite sig bly. Daar was ook kinders en onderwysers in die huis vasgekeer.
Nadat die reën opgeklaar het, het die Herald verneem dat die gewelddadige oproer langs die R28 in Randfontein meer algemeen is as wat aanvanklik gemeen is.
Volgens berigte het die betogers chaos veroorsaak langs die R28 vanaf Uncle Harry’s tot sover as by Westonaria.
By die Brandvleikruising het die betogers ‘n vragmotor aan die brand gesteek en voertuie met klippe bestook ten spyte van pogings van die polisie om die oproeriges uitmekaar te jaag.
’n Ma van twee is in ’n kritieke toestand in die hospitaal nadat ’n gasbottel van ’n braaier Maandagmiddag in Amberfield ontplof het, het die Centurion News berig.
Die gesin was glo besig om vleis te braai toe ’n 9kg gasbottel in die agtertuin ontplof het, het Johan Pieterse van Tshwane nooddienste gesê.
Die voorval het omstreeks 16:00 plaasgevind. Mense in die omliggende area het ’n harde slag gehoor. Volgens Sean Palmer, het sy gordyne geruk van die skok.
Die 44-jarige vrou het ernstige brandwonde opgedoen en haar seun en dogter, albei in hul laat tienerjare, is ook ernstig beseer. Hulle is per ambulanse na Unitas-hospital geneem.
Die man was glo in die huis en het geen beserings opgedoen nie, het Pieterse bevestig.
Volgens Pieterse is die oorsaak onbekend, maar die vervaardiger van die gasbottel sal moontlik ondersoek instel. “Die regulasies op gas is baie streng,” het hy bygevoeg.
Volgens Braam Kruger van Emer-G-Med nooddienste, het die gasbottel gelek en die gas het glo onder die houthuisie ingeloop.’n Vuur het eers binne in die houthuisie ontstaan voordat die gasbottel ontplof het.
“Die pa was in die huis, besig om die brandweer te bel. Ons vermoed die ma en kinders het intussen die vlamme in die houthuisie probeer blus toe die gasbottel ontplof het,” het Kruger gesê.
Volgens Pieterse is daar verder geen skade aan die huis gerig nie. Die houthuis, waar die gasbraaier gestaan het, is egter beskadig.
Die begrafnisdiens vir die wit polisieman van Klapmuts, Steven Britz, word vandag in Brackenfell buite Kaapstad gehou.
Adjudant-offisier Britz is verlede week doodgeskiet terwyl hy alleen aan diens was by die Klapmuts-polisiestasie.
Daar word vermoed dat sy aanvallers bewus was daarvan dat hy alleen op diens sou wees. Wapens, waaronder moontlik aanvalswapens, is ook uit die kluis van die stasie gesteel.
Die Nasionale Polisiekommissaris Ria Phiyega het Woensdag die moord op Britz by `n gedenkdiens skerp veroordeel en gesê daar is steeds baie onbeantwoorde vrae oor die aanval op die polisiestasie.
Een van die drie verdagtes, Luvuyo Ndevu, is ‘n speurder by die Klapmuts-polisiestasie.
‘n Span ondersoekers sal intussen die beweegredes vir die politieke moorde by Umshwathi buite Pietermaritzburg in die KwaZulu-Natalse Middelande probeer oopvlek.
Die Provinsiale Polisie-kommissaris, Mamonye Ngobeni, sê die ondersoek sal handel oor die onlangse moorde op twee ANC-vrywilligers en ander sake in dié gebied.
Ngobeni sê die skuldiges sal aan die pen ry. Sy het `n beroep op alle politieke partye gedoen om met die ondersoekspan saam te werk.
`n Openbare Orde-polisiespan sal intussen in die gebied ontplooi word om die omloop van onwettige vuurwapens te bekamp.
Die minister van sport, Fikile Mbalula, het gesê ʼn kwota van 60% swart spelers in sekere nasionale sportspanne waar Afrikaners verteenwoordig is, sal nie voor die verkiesing afgedwing word nie.
Mabalula het nadat hy Woensdag met die vakbond Solidariteit, die burgerregte-organisasie AfriForum en die Vryheidsfront Plus ontmoet het, klaarblyklik begin bekommer oor eenheid in die ANC.
Dit wil voorkom asof die VF+ en Solidariteit sekere toegewings oor transformasie aan die minister belowe het wat hom van plan laat verander het.
Alhoewel Solidariteit tydens die vergadering ‘n petisie met 52.000 handtekeninge aan Mbalula oorhandig het, het vorige petisies weinig invloed gehad om die doelwit van verswarting te keer.
Die VF Plus se parlementêre woordvoerder oor sport Anton Alberts het trouens na die vergadering verklaar dat ontwikkeling die sleutel is tot die verwesenliking van transformasie in sport.
Hy het daarmee die VF+ se verbintenis tot transformasie beklemtoon.
Suid-Afrika is die enigste land ter wêreld waar sportboikotte teen spelers geld en waar ‘n minderheid “uitgetransformeer” word met die volle samewerking van partye wat sogenaamde minderhede verteenwoordig.
Lande waar openlike menseregtevergrype hoogty vier, burgeroorlog woed, diktature heers en kindersoldate opgelei word, neem die afgelope eeu heeltemal ongehinderd deel aan alle byeenkomste.
Die sporte wat in Suid-Afrika uitgesonder word, is veral sporte waaraan Afrikaners deelneem en presteer.
Nie Solidariteit of die VF+ het hierdie onverkwiklike toedrag van sake verwoord of aangespreek nie, maar hul verbintenis tot “ordelike” transformasie bevestig sonder om die belaglike beginsel of die wenslikheid van algehele verswarting in gewilde wit sporte te toets.
Dit is in alle waarskynlikheid die rede waarom Mbalula bes gegee het om die verswarting van sport tot na die verkiesing uit te stel.
“As ontwikkeling behoorlik gedoen is en die regering stort die behoorlike finansiële bydraes in die regte plekke, sal sportsterre natuurlik ontwikkel en daar sal genoeg talentvolle sportlui in die toekoms wees, ongeag hul velkleur,” het Alberts gesê.
In wese het Alberts dus die toewysing van fondse aan blanke kinders ge-veto.
Die vakbond Solidariteit het onderneem om enige kwota in sport in die howe te toets. ‘n Woordvoerder van Solidariteit, sê die partye het ooreengekom het om verdere samesprekings oor kwotas en transfomasie te voer en daarmee het die vakbond ook duidelik die onverkwiklike beginsel van transformasie aanvaar.
Mbalula het voorheen gesê daar moet dringend ’n transformasieplan opgestel word om veral die grootste sportsoorte te verswart.
Prof. Somadoda Fikeni, die voorsitter van ’n spesiale afvaardiging wat handel oor die transformasie in sport in Suid-Afrika, het die voorstel gedoen.
Hy is deel van ‘n afvaardiging van Belangrike Persone wat die transformasie in sport glo ondersoek, maar duidelik op politiek fokus eerder as sport.
Fikile Mbalula, die minister van Sport en Ontspanning, het in 2012 die sogenaamde “afvaardiging” saamgestel om druk toe te pas oor sporttransformasie.
Die afvaardiging het ook in ’n verslag opgestel met redes waarom transformasie nie na wense vorder of toegepas word nie.
Behalwe vir Fikeni, bestaan die afvaardiging ook uit persone soos Ria Ledwaba, ’n sakevrou, Silas Nkanunu, ’n voormalige president van SA Rugbyraad, prof. Tim Noakes, ‘n sport wetenskaplike, dr. Willie Basson, Peter de Villiers, en Sam Ramsamy, die huidige president van die SA Olimpiese Komitee.
Die direkteur van die Amerikaanse CIA, John O. Brennan het onlangs in die geheim na die Oekraïne gereis.
Brennan se geheime besoek aan die Oekraïense hoofstad was om die opstand wat Oos-Oekraïne teister, te bespreek met die staatsgreepleiers, sy bondgenote.
Dit is gerapporteer deur verskeie Europese nuusagentskappe dat Brennan op 12 April in Kiëf aangeland het met ‘n diplomatieke paspoort onder ‘n vals identiteit. Die CIA self wou nie sy besoek bevestig of ontken nie.
Brennan het, na wat berig word, planne bespreek om pro-Russiese Oekraïners in die ooste met uiterste geweld uit te dryf.
Brennan en ander Amerikaanse regeringsamptenare is ook verantwoordelik vir die etiket “terroris” vir diegene wat na onafhanklikheid streef in die ooste van die land.
Dit is deel van ‘n groot Amerikaanse en Westerse propaganda-oorlog teen die oostelike Oekraïene en die Russiese regering.
Die intelligensie vir Brennan se geheime besoek aan Kiëf het glo hoofsaaklik gekom van staatsgreep-lojaliste sowel as die Oekraïense Kommunistiese Party wat nog steeds dien as lede van die Oekraïense parlement.
Dit is ook betekenisvol dat Brennan getroud is met Kathy Pokluda, van Tsjeggiese afkoms.
Brennan se bande met die Tsjeggiese Republiek se huidige leiers wat giftig anti-Russies is, kan ook verduidelik waarom hy so gretig is om spanning met Moskou aan te blaas.
Die voormalige Tseggiese president, Vaclac Klaus, egter, het sy ontsteltenis oor die VSA en Europa se inmenging teen Rusland se grens rugbaar gemaak.
Die Verenigde State en Brittanje noem die leiers van die gewelddadige opstand in Februarie “vryheidsvegters” en “pro-demokrasie kragte”.
Die Weste se “vryheidsvegters” het oudergewoonte ‘n aantal burgerlikes doodgeskiet sowel as polisiebeamptes in die hoop dat dit vyandighede sal skep wat op ‘n burgeroorlog sal uitloop. Dit sou die VSA se verskoning wees om “in te gryp”.
Die CIA, met behulp van George Soros se frontorganisasies en media reik aanmekaar die sogenaamde “talking points” oftewel besprekingspunte uit wat hul bedrywighede as bevorderlik vir die mense van die land uitbeeld. Niks kan verder van die waarheid wees nie.
Brennan se pro-Saoedi bande is ook welbekend. Hy het trouens voorheen die bynaam “Sjeik Brennan” verwerf. Hy het klaarblyklik geen kwellinge oor die ondemokratiese welstand van Saoedi-Arabië nie en ontferm homself slegs oor lande by Rusland se grens.
In reaksie op Brennan se teenwoordigheid in die Oekraïense hoofstad, het die Russiese minister van buitelandse sake Sergei Lawrof ‘n verduideliking van Washington geëis, maar nog geen antwoord ontvang nie.
Die CIA het ‘n lang geskiedenis van inmenging om hul gunstelinge aan die mag te kry, en vanaf sulke pionne se politieke opgang tot hul val gebeur niks toevallig nie.
Voorbeelde soos die diktator Mobutu Sese Seko, die Dominikaanse Republiek se Rafael Trujillo, Panamese diktator Manuel Noriega en Nicaragua se Anastasio Somoza is ‘n paar bekendes wat deurgeloop het onder hul hande.
Kiëf kan begin bekommer want die CIA raak gou moeg vir hul vriende. Die bogenoemdes is almal vinnig uit die samelewing verwyder toe hul nut opgeraak het.
Die Oekraïense Kommunistiese partylid, Vladimir Golub, het aan RIA Novosti vertel dat die geheimediens van sy land pas volledig ‘n eenheid van die CIA geword het.
Brennan, wat bekend is as ‘n “platvloerse straatboef” by sy kollegas, is nie die mees welkome figuur in die Oekraïne as die owerhede daar werklik uitsien na ‘n vreedsame uitkoms nie.
Die VSA het pas aangekondig dat hulle troepe na Oos-Europa gaan stuur, oënskynlik vir “oefeninge”, maar dit is duidelik dat die soldate eintlik bestem is vir die Oekraïne.
Net een van twee gesinne het die wrede aanval op ’n gasteplaas in die Harrismith-distrik Sondag oorleef.
‘n Swart werker van Malawi is in verband met die aanval hegtenis geneem.
Die aanval het in die vroeë oggendure oor die Paasnaweek plaasgevind by die Tweevley-gasteplaas. Die twee egpare was afkomstig van KwaZulu-Natal en Gauteng.
‘n Polisiewoordvoerder, sê die egpaar, Brian en Tillie Pope onderskeidelik 62 en 46, is doodgeskiet gedurende die aanval.
Tillie se broer, Ockert Britz, het dit beskryf as ‘n “heeltemal sinnelose en wrede moord met die uitsluitlike doel om ses onskuldige mense dood te maak”.
Britz het aan die media gesê: “Die eienaar het ons vertel dat hierdie man baie betroubaar was. Hy is al vir vier jaar by die gastehuis werksaam, en die gaste het hom almal geprys. Die eienaar het vir ons gesê hy is baie deurmekaar en het nooit so iets verwag van hierdie man nie.”
Dié egpaar se seun is in die bors met ’n tuinvurk gesteek. Die seun se vrou is in die arm geskiet en met die vurk in die gesig gesteek.
Sy en haar kinders van 4 en 1, het per motor van die plaas gevlug. Die kinders is nie beseer nie.
Haar beseerde man is later per ambulans na Hoogland Mediclinic in Bethlehem gebring.
‘n Boervrou van Ficksburg sal op ‘n klag van poging tot moord in die landdroshof op Ficksburg verskyn nadat sy haar man vier keer geskiet omdat sy hom vir ‘n aanvaller aangesien het.
In ‘n voorval wat baie aan dié van die Ocar Pistorius-skietvoorval herinner, het Karen Fouché 52, ‘n apteker op die dorp, na bewering haar man, Frik 53, Saterdagnag op hul plaas Waterval geskiet.
Hy verkeer in ‘n ernstige toestand in die Hoogland Medi-Clinic op Bethlehem.
Frik kon glo nie sy sleutels kry nie en het die veiligheidsdeurknip met ‘n blaasvlam afgesny.
Karen het die “aanvaller” met die gelisensieërde .38-rewolwer geskiet nadat hy nie homself geïdentifiseer het nie.
Sy vrou het eers besef sy het haar man in die bors en maag geskiet toe sy die ligte aangeskakel het.
Karen Fouché is in hegtenis geneem en het Maandag in die hof verskyn. Sy sal weer Dinsdag verskyn.
Meer as ’n miljoen jeugdiges wat in of ná 1994 gebore is het nie vir die verkiesing op 7 Mei geregistreer nie, het die koerant The Star Dinsdag berig.
Slegs ‘n derde (33,6%) van Suid-Afrika se sogenaamde Born Free-geslag het as kiesers gaan registreer.
Dié syfer is op die Onafhanklike Verkiesingskommissie (OVK) se vergelyking van die aantal geregistreerde kiesers en Statistieke Suid-Afrika se bevolkingssyfer vir dié ouderdomsgroep gegrond.
“Die Born Free-geslag maak 2,5% van die 25 miljoen geregistreerde kiesers uit,” het die koerant berig.
Sowat 60% van Suid-Afrikaners in hul twintigs, en 90% van mense ouer as 30 is geregistreer om te stem.
Die DA se niksseggende slagspreuk, “Saam vir verandering” het betekenis gekry met die leier wat aandui watter soort verandering sy in gedagte het.
‘n Foto van Zille waar sy ‘n swart werker met mening op die lippe soen, is klaarblyklik die soort “verandering” wat die party in gedagte het.
Vir die gemiddelde wit stemmer is dit juis wat hulle nie wil sien gebeur nie.
Daar is iets soos gesonde verskille tussen mense, anders het medici gate gegrou en werkers het breinoperasies gedoen.
Ongelykhede het met meriete en goeie waardes waardes te make.
Dit is daarom nie verbasend dat Zille se party Breë Swart Ekonomiese Bemagtiging en Regstellende Aksie voorstaan nie. Immers is meriete vreemd aan dié twee beleidsrigtings aangesien dit nie ‘n gelykmaking na onder veronderstel nie.
Oor grondhervorming is daar nie meer enige beweegruimte vir foute nie. ‘n Gesaghebbende internasionale studie het bevind dat duurder kos sonder uitsondering aanleiding gee tot opstand. Die Arabiese Lente was uit hoë kospryse gebore.
Dit is dus ‘n resep vir rewolusie wat welbeproef is.
In Suid-Afrika wil dit voorkom asof die grondgrypsug bestuur word na een of ander opstand.
Met die Amerikaanse president Barack Obama en die Britse koningin wat sulke rolmodelle soos Robert Mugabe net verlede week ondersteun het, kan ‘n mens heel onrustig begin slaap.
Aandeleskemas vir swart werkers op plase, die nuutste foefie, werk met die veronderstelling dat die swart werkers nie hul eie voordeel sal miskyk nie.
Julius Malema se gewildheid kan dié veronderstelling dadelik te ruste lê.
Dit is tyd dat wit kiesers hul stemme dik maak vir die behoud van eiendomsreg en Marxisme na die asblik verban waar dit hoort.
Hillary skree dat 4 dooie Amerikaners in Benghazi ‘geen verskil’ maak nie
Die speaker van die Parlement in Sirië sê ‘n presidensiële verkiesing sal op 3 Junie gehou word, ten spyte van ‘n insurgente-oorlog wat nou al vir drie jaar lank woed en waarin talle Christene gedood is.
President Bashar al-Assad kan selfs die enigste kandidaat in die verkiesing wees as die ander partye weier om deel te neem. Assad se gewildheid is tans hoër as ooit.
Assad het ‘n week gelede aangedui dat sy weermag besig is om die oorlog teen die rebelle wat van buite befonds word, te wen.
Dit het onlangs aan die lig gekom dat die CIA wapens uit Libië deur Turkye smokkel om ‘n insurgensie teen die verkose Assad te help.
Die openbare verhore oor die Benghazi-skandaal in Libië waarin ‘n Amerikaanse ambassadeur en drie ander Amerikaners dood is in 2012, het gelei tot die gevolgtrekking dat die VSA betrokke was by die smokkel van wapens na rebelle om Assad uit die kussing te lig.
Die Benghazi-skandaal kan Hillary Clinton se ambisie om president te word, kelder. Dit het aan die lig gekom het dat sy gelieg het oor die rol wat die VSA gespeel het om ‘n smokkelnetwerk te bedryf om ‘n opstand in Sirië te bewerkstellig.
Die ondersoekende joernalis Seymore Hersh het onlangs onthul dat die gifgasaanval ‘n swart operasie deur die rebelle was met die doel om ‘n Amerikaanse aanval op Assad te loods.
Die Turkse regering, ‘n Amerikaanse bondgenoot en NAVO-lid, het die Saringas vervaardig en aan jihadi-ekstremiste gegee tesame met die opleiding om die gifgasaanval in Damaskus uit te voer, terwyl dit moes lyk asof Assad daarvoor verantwoordelik was.
Hersh sê selfs dit was genl. Martin Dempsey wat president Barack Obama enkele dae voor die beplande Amerikaanse aanval op Sirië oortuig het om terug te staan omdat die getuienis nie sterk genoeg was om ‘n so ‘n aanval te regverdig teen die Siriese regime nie.
Dit mag ook wees dat die VSA hul eie spore probeer doodvee deur die skuld op Turkye af te stoot.
Indien Assad verkies word sal dit vir ‘n derde sewe-jaar termyn wees, al dring opposisie-partye daarop aan dat hy geen rol in ‘n oorgangsproses in die land kan speel nie.
Volgens berigte het rebelle bomme laat ontplof slegs meters van die Parlement af, kort voordat die verkiesingsdatum aangekondig is.
Twee mense is in die ontploffing dood, en ‘n aantal is beseer.
Die Ekonomiese Vryheidsvegters sê hy sal koalisies met ander partye oorweeg, mits hulle die EFF se beleid oor grondonteiening sonder vergoeding en die nasionalisering van myne omarm.
Die EFF se premierskandidaat vir die Wes-Kaap, Nazier Paulsen sê die party is oorgehaal om die oorsake van ongelykheid, naamlik eiendomsreg en grondbesit, uit te skakel.
Hy meen die EFF sal in dié provinsie goed vaar en minstens 22 setels in die provinsiale parlement inpalm.
Intussen het die EFF se leier min gesig gewys in die Wes-Kaap. Julius Malema het voorheen nie opgedaag by ‘n verkiesingveldtog in Kaapstad nie.
Malema was nie by ‘n nuuskonferensie ‘n week of wat gelede in Manenberg nie.
Manenberg is ‘n berugte bendetuiste en een van die oorsake van die Wes-Kaap se besonder hoë misdaadsyfer.
Malema het ook nie vroeër in Mfuleni opgedaag nie.
Sameroeper Nazier Paulsen het Malema se afwesigheid verdedig en gesê dit bewys dat die EFF nie ‘n “eenman-party” is nie.
Paulsen het gesê die premier van die provinsie het ook al geweier om in Manenberg op te tree.
‘n Manenbergse gemeenskapswerker het haar teleurstelling uitgespreek oor Malema se afwesigheid.
“Dit is hoe die woord versprei het dat Julius Malema self hier gaan wees, nie sy voetsoldate nie,” het sy gesê.
‘n Wit polisieman is aan diens by ‘n polisiekantoor doodgeskiet deur misdadigers wat die stasie van vyf vuurwapens beroof het.
Die twee verdagtes wat in hegtenis geneem is in verband met die moord op ‘n polisieman by die Klapmutspolisiestasie buite Stellenbosch, verskyn vandag in die Paarl Landdroshof.
Een van die verdagtes is ‘n polisiebeampte by die polisiestasie. Volgens die polisie is agt ander mans vir ondervraging in verband met die saak aangekeer.
‘n Groep, vermoedelik swart en bruin, het die polisiestasie verlede week besoek, en gemaak of hulle ‘n klag wil lê toe hulle die 44-jarige adjudant-offisier Steven Britz doodgeskiet het. Die motief vir die moord is nog nie bekend nie.
Die getroude pa van twee het gesterf in ‘n poel van sy eie bloed op die vloer van die klein aanklagkantoor.
Ao Britz was alleen in die aanklagkantoor met die laatnagskof want ‘n beampte van sy vier-lid skof was met verlof.
Die Wes-Kaapse provinsiale kommissaris, luitenant-generaal Arno Lamoer het gesê die voorval “moet baie kommerwekkend vir die hele Suid- Afrika wees” as kriminele goedsmoeds by ‘n polisiestasie inloop, ‘n polisielid doodskiet en met vuurwapens wegkom.
Britz het 22 jaar se diens in die polisiemag gehad.
Wapens van ‘n swaar kaliber soos haelgewere en R5-aanvalsgewere was opgesluit by die aanklagkantoor. Die SAPD wou nie uitbrei oor die wapens wat gesteel is nie.
‘n Sigbaar ontstelde Lamoer het die Klapmuts-polisiestasie verlede Donderdag besoek.
“Dit is te veel. Dit kan nie so aangaan nie,” het Lamoer gesê.”
Lamoer het gesê die Klapmuts-polisiestasie het 40 lede, met vier aan diens per skof. Hulle bedien ‘n gemeenskap van sowat 15.000 mense.
Lamoer wou nie kommentaar lewer oor die moontlikheid dat die aanvallers geweet het daar sou slegs ‘n enkele polisieman aan diens wees Woensdagnag nie.
Anglo Platinum, Impala Platinum en Lonmin en verteenwoordigers van die vakbond Amcu kon nie ‘n hul verskille oor salarisverhogins oplos nie.
