Suider-Afrika – Bladsy 3

Regering veroorsaak vreemdelingehaat

“Die aanvalle deur plaaslike inwoners op vreemdelinge in die De Doorns-gebied is te wyte aan die regering se optrede. In die afgelope 15 jaar het die ANC-regering Suid-Afrika se grense swak gepatrolleer, toegang tot die land makliker gemaak met spesiale visums en nie toegesien dat die aantal asielsoekers in Suid-Afrika behoorlik gemonitor word nie,” het dr. Corné Mulder, die VF Plus se hoofwoordvoerder oor Binnelandse Sake, gesê in reaksie op geweld wat gister in die De Doorns-gebied uitgebreek het.

“Dit is onverstaanbaar hoe nagenoeg 3 500 buitelanders in ‘n klein dorpie soos De Doorns kan woon. Daar is skaars genoeg werk vir plaaslike seisoenale werkers op plase in die gebied, wat die vraag laat ontstaan hoekom buitelanders die werk van plaaslike arbeiders kry. Seisoenale plaasarbeid in die gebied vereis nie hoogsopgeleide vaardighede nie. Indien werkers van Zimbabwe en Lesotho wel werkspermitte het, soos hulle beweer, moet die Minister van Binnelandse Sake en haar departement ‘n ondersoek gelas na die toekenning van werkspermitte aan vreemdelinge wat die werk van ongeskoolde arbeiders in Suid-Afrika kom oorneem. Hierdie land het ‘n oorvloed van werklose, onopgeleide werkers en kan dit nie bekostig om werk aan buitelanders te gee wat Suid-Afrikaners self kan doen nie,” het dr. Mulder bygevoeg.

“Die ANC-regering het sedert hulle aan bewind gekom het die land die moeilikheid in regeer. Dienslewering vind nie plaas nie, staatsdepartemente is vol korrupte amptenare, die land se infrastruktuur, soos Eskom en staatshospitale, is onvoldoende om in die behoeftes van die land se burgers te voorsien omdat die regering die land se grense oopgegooi het vir buitelanders. Ongelukkig dra die vreemdelinge nie by tot die belastingfonds nie en neem werk weg van Suid-Afrikaners wat die werk wel kan doen. Dis tyd dat die regering fortuinsoekers en ander onwettige buitelanders verhoed om die werk en dienste van Suid-Afrikaners hier te kom wegneem,” het dr. Mulder bygevoeg.

купити іграшки

Zille bring hulde aan Progressiewes

Me. Helen Zille, leier van die DA, het gister hulde aan die Progressiewe beweging in Suid-Afrika gebring, wat vanjaar 50 jaar oud is en waarvan sy reeds veertig jaar lid is. In 1959 het ‘n groep van twaalf Verenigde Partylede uit die destydse opposisie weggebreek om die meer liberale en anti-Afrikaanse Progressiewe Party te stig.

Zille beweer dat die Progressiewes nog altyd die swart Amerikaanse burgerregteleier Martin Luther-King se gedagte gevolg het, naamlik dat “mense eendag op die inhoud van hul karakter beoordeel sal word en nie op velkleur nie”. Sy het benewens haar huldebetuiging aan Jan Steytler, Helen Suzman, René de Villiers, Zach de Beer, ook die ontslape miljardêr Harry Oppenheimer van Anglo American en De Beers uitgesonder as iemand wat die Progressiew Party aan die gang gehou het toe dit min steun onder Suid-Afrikaanse blankes geniet het.

Tydens die eerste verkiesing ná die twaalf Progressiewes weggebreek het, het elf van hulle hul setels verloor en het slegs mev. Suzman, danksy Joodse steun in die Houghton-kiesafdeling, haar setel behou. Mev. Suzman het jare lank as enkele Progressiewe LV die Nasionale Party in die destydse Volksraad gekasty en ongemaklike vrae oor die regering se rassebeleid gevra.

Vandag het die wiel egter gedraai en mnr. Ton Vosloo, die voormalige redakteur van Beeld, oudvoorsitter van die Broederbond en huidige voorsitter van Nasionale Pers het onlangs in Rapport insgelyks sy dank en bewondering teenoor mev. Helen Suzman uitgespreek.

Ten minste onder die blanke bevolking van Suid-Afrika, het die ultraliberale idees van die Progressiewe Party geseëvier, met tagtig of negentig persent van sowel Engelse as Afrikaners wat die Demokratiese Alliansie by die stembus ondersteun.

Volgens Helen Zille het die Demokratiese Party tydens sy samesmelting met die Nuwe Nasionale Party, die Oudnasionaliste tot die Progressiewe en liberale waardestelsel bekeer. “Toe die Demokratiese Alliansie gevorm is, wat die NNP en die DP bymekaar gebring het, het vele mense gesê dat ons ons siele verkoop het. Maar ons het voortgegaan in die geloof dat, ten einde ‘n mededinger in die stryd om mag te word, ons na mense moes uitreik wat ons nooit tevore ondersteun het nie en hulle tot ons saak moes bekeer, eerder as wat ons ‘n eiegeregtigde, geslote kringetjie moes bly. Ons het die belang – en die risiko’s – van groei verstaan. Vandag, dink ek sou ons almal kon sê dat dit die moeite werd was.

“Dit is hierdie standvastigheid van geloof en aanpasbaarheid in ons strategie in die aangesig van teenkanting wat ons deur die afgelope vyftig jaar gedra het en wat ons sal aanhou dra oor die volgende halfeeu.”

Me. Zille meen verder dat die onderhandelings by Kodesa in die vroeë negentigerjare “‘n oorwinning vir ons intellektuele tradisie” was. Volgens haar is die Kodesaplan en die huidige SA grondwet “sy wortels in die Molteno-kommissie wat deur die Progressiewe Party in 1961 opgerig is, waarvan Colin Eglin lid was. Dit het ‘n nasionale konvensie voorgestel, asook ‘n beskermde grondwet, ‘n handves van regte, ‘n gemeenskaplike kieserslys, ‘n gedefinieerde rol vir die provinsies en ‘n onafhanklike regbank. Soos ‘n joernalis onlangs geskryf het, ‘Indien dit alles bekend klink, behoort dit so te wees: dit is presies waaroor by Kodesa in die vroeë negentigerjare ooreengekom is.'”

Die leier van die amptelike opposisie meen dat die ANC en die Nasionale Party van destyds eintlik twee kante van dieselfde munt is. ANC-beleid “het sy wortels in die apartheidsregime en is geesdriftig deur elemente in die regerende party aangeneem in wat dalk die grootste ironie van ons tyd is. Dit is die geslote, baantjies-vir-boeties-samelewing met al die kenmerke van die apartheidstaat: diegene met politieke konneksies word voorgetrek, onafhanklike instellings word ondermyn in diens van die ‘nasionale belang’ en mense word na gelang van rasseverdelings gemobiliseer om die buitensporighede van die bewind te legitimeer. Vele in die regerende party hou dié mening voor en definieer dit op lagwekkende wyse as progressief.”

In weerwil van haar kritiek op die ANC as ‘n pseudo-progressiewe party, meen sy tog dat haar mede-Engelssprekende in die ANC, Barbara Hogan, “se toespraak (Vrydag) in die parlement toon dat daar diegene in die ANC is wat konstitusionalisme op dieselfde manier as ons verstaan. Sy is nie die enigste nie: net die mees aktuele voorbeeld.”

Sy bepleit ‘n herskikking van die Suid-Afrikaanse politiek om liberales en progressiewes wat in menseregte en grondwetlike regering glo, ook binne die ANC, in een party saam te snoer en diegene wat mense op ‘n rasse- of etniese grondslag wil mobiliseer, op “die teenoorgestelde oewer van Suid-Afrika se politieke rivier te laat”.

raider tomb

Uhuru Guru vrygelaat

Te midde van ‘n storm wat PRAAG se berig oor die inhegtenisname van Uhuru Guru, webmeester van South Africa Sucks, veroorsaak het, is hy so pas vrygelaat, volgens ‘n sms wat van sy regsverteenwoordiger vanaf die Randburgse landdroshof ontvang is.

Blykbaar was die saak nie eens op die rol nie en is geen klag teen hom gelê nie. Hy het egter die nag in die selle van die Lindense polisiestasie deurgebring en is vanmore saam met die ander verhoorafwagtendes geboei en na die hof vervoer.

Sy vrylating kom ná PRAAG vanmore ‘n veldtog op tou gesit het, met mediaverklarings en oproepe aan invloedryke persone. “Ons was reg om ‘n internasionale veldtog vir sy vrylating op tou te sit. Dit lyk egter asof die polisie besef het dat hulle geen saak het nie,” het Dr. Dan Roodt van PRAAG gesê.

“Die feit dat so iets kon gebeur, toon egter dat alles nie pluis is nie. Die staat het duidelik sy mes in vir die onafhanklike webwerwe wat aan die ANC se oorhoofse beheer ontkom,” het hy gesê.

Ystervuis teen webwerwe

Die inhegtenisname van die bekende Johannesburgse “blogger” Uhuru Guru van die woernaal South Africa Sucks het gister skokgolwe deur Suid-Afrika se internetgemeenskap gestuur. Oënskynlik het die ANC-bewind op die vooraand van die Wêreldsokkerbeker tot hardhandige optrede oorgegaan teen webwerwe wat die land se probleme soos misdaad en verdrukking van minderhede aan die groot klok hang. Daar is ook die afgelope dae ‘n veldtog deur anonieme briefskrywers op LitNet, ‘n webwerf in die Media24-stal, gevoer teen die misdaadberigte wat South Africa Sucks gewoonlik met kommentaar aanbied.

Die voordeur van Uhuru Guru is gisteroggend om 6:30 deur ‘n “taakmag” van die polisie afgeskop en hy en sy gesin is hardhandig uit die bed gepluk. Sy vrou is nie toegelaat om enige oproepe te maak nie en selfs sy dogtertjies se selfone is gekonfiskeer, tesame met alle rekenaartoerusting in die huis. Die taakmag, wat uit lede van die polisie, veiligheidspolisie en verskeie spesialiseenhede soos kubermisdaad bestaan het, het die webmeester ook oor PRAAG en dr. Dan Roodt ondervra, wat moontlik kan veroorsaak dat die polisie se veldtog na hierdie webwerf kan uitbrei.

Uhuru Guru, wat tans om sakeredes verkies om anoniem te bly, is agterna na ‘n Johannesburgse polisiestasie geneem waar hy tans in aanhouding verkeer. Volgens sy regsverteenwoordiger is daar duidelike pogings deur die staat om die regsproses te vertraag ten einde hom vir die maksimum periode vir ondervraging aan te hou. Die klagtes teen hom is onduidelik, maar daar word gepraat van crimen injuria, asook ‘n insident tydens 1993 toe een van sy werknemers gesteelde goedere ter waarde van enkele honderd rand op sy perseel versteek het. Dit wil voorkom asof die polisie dié klag wat sestien jaar gelede teruggetrek is, op hul rekenaar opgespoor het ten einde ‘n verskoning te vind om hom in hegtenis te neem.

Volgens Uhuru Guru se regsverteenwoordiger is “die hardhandige en oordrewe optrede deur die polisie… duidelik polities gemotiveer”.

PRAAG het enkele dae gelede vanuit ‘n bron binne die ANC verneem dat daar ‘n groep blanke Afrikaners binne die polisie verkeer wat weens transformasiedruk hul eie poste en begrotings moet motiveer deur op ‘n fiktiewe “regse gevaar” te spioeneer. Die polisie wat gister teen Uhuru Guru van South Africa Sucks opgetree het, was blykbaar deur die bank blanke Afrikaners wat direk aan hoofkantoor rapporteer en nie aan enige plaaslike polisiestasie nie.

Volgens Uhuru Guru se regsvereentwoordiger het hulle ‘n “sinistere indruk gemaak, presies soos die ou Veiligheidspolisie in die tagtigerjare onder die Nasionale Party. Ek was destyds baie links gewees en as ek nie so ontnugter was deur die nuwe Suid-Afrika nie, sou ek seker steeds links gewees het. Daarom moes ek dikwels met die Veiligheidspolisie namens kliënte onderhandel wat in aanhouding was. Gister se ervaring het my ‘n gevoel van déjà vu gegee. Dit was presies dieselfde, dieselfde mense, dieselfde metodes, dieselfde kyk in die oë. Een van: ‘Te hel met jou. Ons maak wat ons wil.'”

Dr. Dan Roodt van PRAAG het intussen verklaar dat “daar geen bande tussen PRAAG en South Africa Sucks bestaan nie. Terwyl South Africa Sucks se hooffokus misdaad en Suid-Afrika se rasseprobleme is, wil praag.co.za ‘n onafhanklike, algemene kuberkoerant wees wat lesers oor allerlei sake inlig en ook onverskrokke, maar beskaafde kommentaar lewer. Hoewel die feite oor misdaad wat in South Africa Sucks vermeld word gewoonlik waar is, handhaaf die blad ‘n polemiese en uitdagende toon wat nie ons styl is nie. Maar dis Uhuru Guru se goeie reg, indien Suid-Afrika wel ‘n demokrasie met spraakvryheid sou wees. Die huidige gebeure laat egter twyfel of Suid-Afrika veel langer op die etiket ‘liberale demokrasie’ sal kan aanspraak maak.”

Dr. Roodt was egter vol moed dat die alternatiewe Afrikaanse media die huidige aanslag van die staat sou oorleef. “Die ANC is ‘n magshonger monster wat geen teenspraak of alternatiewe sienings duld nie. Immers het die beweging sy tande in die ou Oos-Europa geslyp waar totalitêre bewinde alle aspekte van die samelewing beheer het. Daarom, toe ons praag.co.za as ‘n e-koerant gevestig het, het ons die blad se bediener in die VSA opgestel waar ons die beskerming van die Amerikaanse grondwet en wette oor vryheid van spraak geniet. Nóg die ANC, nóg die Veiligheidspolisie wat tans ‘n voorbeeld van South Africa Sucks gemaak het, kan ons stilmaak. Al word ons almal in die tronk gesit weens ons menings teen geweldsmisdaad en meerderheidsoorheersing in Suid-Afrika, beskik ons ook oor mense in oorsese lande wat die webwerf van daar af kan bedryf en aanhou publiseer.”

Charlize veil Mandela op

Die Oscar-bekroonde Afrikaans-gebore aktrise Charlize Theron het erken sy het ’n ontmoeting met oudpres. Nelson Mandela opgeveil sonder dat hy toestemming daarvoor gegee het.

Me. Amanda Silverman, Theron se reklamekonsultant, is soos volg aangehaal: “Charlize het te midde van die opgewondenheid om geld by ’n liefdadigheidsveiling in te samel ’n ontmoeting met Mandela by ’n Suid-Afrikaanse reispakket gevoeg sonder om vooraf toestemming by sy kantoor te vra.”

Dit het daarna geblyk so ’n ontmoeting is nie moontlik nie. “Die skenker wat suksesvol op die pakket gebie het, is nou bewus daarvan dat die ontmoeting met Mandela nie sal plaasvind nie. Almal is egter steeds in die wolke oor die suksesvolle veiling,” het Silverman gesê.

Die internasionale media het vroeër vandeesweek berig dat Theron by ‘n liefdadigheidsveiling ‘n ontmoeting met Mandela in Suid-Afrika opgeveil het, tesame met ‘n reis na die 2010-sokkerwêreldbeker.

Aanvanklik kon Theron die bod net tot R280 000 opstoot, waarna sy die bedrag verhoog het deur ’n soen by die pakket in te gooi. ’n Vrou was bereid om meer as R1 miljoen vir die soen en ’n ontmoeting met Mandela te betaal.

Sowel Silverman as die Nelson Mandela-stigting het gesê dat so ‘n ontmoeting nie moontlik is nie.

Die uitvoerende beampte van die stigting, Achmat Dangor, het op berigte verlede Woensdag gereageer deur te sê dat daar ‘n baie streng proses gevolg word om ‘n ontmoeting met Mandela te verkry.

“Nie eens die liefdadigheidsorganisasies wat Mandela self tot stand gebring het, word toegelaat om tyd met hom op te veil nie,” het Dangor gesê.

Gelykheidshof hoor Malema se argument aan

Die Gelykheidshof in Johannesburg gaan vandag die finale argument in die leier van die ANC-jeugliga, Julius Malema, se haatspraaksaak rondom verkragting aanhoor.

Malema staan tereg op klagtes van haatspraak en teistering omdat hy tydens ‘n verkiesingsvergadering in Januarie gesê het dat president Jacob Zuma se beweerde verkragtingslagoffer ‘n “goeie tydjie gehad het”.

Die Sonke-netwerk vir geslagsgeregtigheid het die klag gelê en meen dat die uitspraak baie skadelik was vir verkragtingslagoffers en vroue wat bang is om verkragtingklagtes aanhangig te maak.

Die organisasie versoek ‘n volle verskoning en R50 000 aan skadevergoeding wat aan ‘n sentrum vir mishandelde vroue betaal moet word.

Gedurende die verhoor het Malema homself verdedig deur te sê sy kommentaar was gegrond op ‘n spesifieke voorval en was nie ‘n algemene verklaring nie.

Hy sê dit was gegrond op regter Willem van der Merwe se uitspraak wat Zuma in 2006 van verkragting kwytgeskeld het.

game slots

Cosatu betoog oor ‘Mandela-kaffer’-CD

Betogende Cosatu-lede het gister deur ‘n staalheining gebars en het die hoofingang van die Sun City-dobbeloord versper om ‘n memorandum te gaan oorhandig.

Omtrent 1000 betogers het Saterdag die strate ingevaar om te eis dat Sun International sy kontrak met Falcon-veiligheidsdienste beëindig, nadat een van die firma se werknemers ‘n CD gespeel het met lirieke waarin na die vorige president Nelson Mandela as ‘n “kaffer” en na oudpresident Thabo Mbeki as ‘n “bobbejaan” verwys word.

Die heining is opgerig om die betogers daarvan te weerhou om die hotel se hoofhek te bereik.

“Ons gaan nie die memorandum hier oorhandig nie, ons wil dit by die hoofhek oorhandig,” het provinsiale sekretaris van Noordwes Solly Phetoe gesê alvorens die betogers deur die heining gebars het. Die optoggangers het ook teen die beweerde onregverdige en rassistiese werksomstandighede by die internasionale vakansieoord betoog.

“Daar is rassisme by dié instelling. Die ergste is dat hulle ons internasionale leier, ons vader Nelson Mandela, beledig het,” het Phetoe gesê.

“Oor Nelson Mandela gaan ons geen kompromie tref nie,” het hy gesê. “As hulle nie instem tot ons eise nie, gaan ons by hulle konsert en by die miljoendollargholftoernooi betoog.”

Die Polisie-eenheid vir openbare orde het daarin geslaag om die skare in toom te hou.

Volgens Phetoe is rassisme algemeen by Sun City. Hy het gesê swart werkers word aan poligraaftoetse onderwerp terwyl hulle blanke eweknieë dit nie hoef te ondergaan nie.

Die betogers het ook die onmiddellike afdanking geëis van ‘n blanke bestuurderes wat na bewering aan twee werkers gesê het dat hulle soos bobbejane ruik.

“Sy het na bewering vir hulle gesê dat hulle behoort te bad en as hulle nie reukweerder kan bekostig nie, sy dit met graagte vir hulle sal aankoop,” het Madito Morobalwa, sekretaris van die Moses Kotane-tak van Cosatu gesê.

In die memorandum beweer Cosatu dat ‘n werker, Debra Danke, in ‘n vertrek met slange toegesluit is nadat sy van die diefstal van geld uit ‘n hotelkamer beskuldig is, selfs nadat sy deur ‘n poligraaftoets kwytgeskeld is.

Die federasie beweer swartes word om kleinlike redes afgedank, terwyl blankes in ernstige gevalle met waarskuwings ontkom. Na bewering het ‘n blanke werknemer slegs ‘n waarskuwing ontvang nadat hy R2 miljoen se goedere van die oord verwyder het.

Kurt Peter, afdelingsbestuurder by die oord, wat die memorandum namens Sun City en Sun International in ontvangs geneem het, het gesê hulle verwerp enige vorm van rassisme.

“Ons werk onverpoos om rassisme uit te wis en ons daag Cosatu uit om saam met ons te werk om rassisme uit te roei,” het hy gesê.

Hy het verduidelik dat ‘n indringende ondersoek na die beweerde belediging van Mandela tans onderneem word. Volgens hom is ‘n bestuurder by Falcon-veiligheid afgedank in verband met die voorval en ‘n ander is geskors.

Cosuta het gedreig om by Fifa aan te dring dat Sun International se geriewe nie tydens die 2010-sokkerwêreldbeker gebruik word nie.

“Ons sal die internasionale wêreld versoek om nie sake met Sun International te doen as hulle nie rassisme beëindig nie,” het Phetoe gesê.

Cosatu in die Weskaap het ook gedreig om ‘n veldtog teen Sun International-hotelle in die provinsie, soos Grand West-casino en die Table Bay-hotel, te loods.

Noordwes-Cosatu het gesê indien daar nie op hul griewe teen Maandag gereageer word nie hulle internasionaal sal mobiliseer om sanksies teen Sun International ingestel te kry.

air flow чистка Фильчаков

Supersport dank Joost af

Supersport het die voormalige Springbokrugbykaptein Joost van der Westhuizen as aanbieder afgedank ná sy erkenning dat hy in ‘n seksvideo opgetree het waarin hy insgelyks dwelms gebruik.

Dié bekentenis vind in sy nuwe biografie, “Joost: Spieëlbeeld” plaas.

“SuperSport het na uittrekesels uit Joost van der Westhuizen se biografie gekyk… en gesprekke met hom gevoer,” het ‘n verklaring gelui wat Sondag uitgereik is.

“Na aanleiding van dié gesprekke het SuperSport en Joost gesamentlik besluit om sy vryskut-kontrak te beëindig,” het Supersport se woordvoerder, Clinton van der Berg, gesê.

“SuperSport bedank Joost vir sy bydrae as kommentator en aanbieder en wens hom sterkte vir die toekoms toe. SuperSport sal geen verdere kommentaar lewer oor die saak nie,” het hy gesê.

SuperSport het Joost se dienste in Maart opgeskort ná die 24-jarige Marilize Van Emmenis erken het dat sy die vrou was in die seksvideo waarin Van der Westhuizen verskyn het.

In daardie stadium het hy ontken dat dit hy was wat in die video te siene was, en hy het selfs die privaatspeurder Mike Bolhuis ingespan om sy bewering te staaf.

Hy het onlangs egter teenoor Rapport erken dat dit wel hy was in die video. “En ek is baie, baie jammer dat ek gelieg het,” het hy in die onderhoud gesê.

“Vergewe my asseblief,” het hy gevra.

Volgens Rapport gee Joost in sy biografie al die besonderhede van die “hel” waardeur hy sedertdien is, wat hom “van binne opgevreet en verteer” het.

Hy het erken dat hy nie net vir die publiek gelieg het nie, maar ook vir sy vrou, die gewilde sangeres Amor Vittone.

Hy kan doen met sewe miljoen

Die uitgaande openbare beskermer Lawrence Mushwana het ‘n afskeidspakket van byna R7-miljoen ontvang, wat allerweë kritiek ontlok.

Hy word ook daarvan verdink dat hy vergeldingsoptrede teen die hoof van die openbare beskermer se kantoor, Themba Mthethwa, onderneem het omdat dié sy betaling bevraagteken het. Mushwana het Mthethwa geskors toe hy dit gewaag het om vrae daaroor te stel, waarna die geld binne 48 uur in sy rekening inbetaal is.

Die betaling is deur Shirley Thoke gemagtig, wat ses dae as uitvoerende bemapte van die beskermerskantoor waargeneem het, net lank genoeg om die sewe miljoen aan Mushwana oor te betaal. Sy is blykbaar ‘n vertroueling van Mushwana. Daar was voorheen sprake van “nepotisme” teen Mushwana as gevolg van die verhouding tussen hom en Thoke, maar dit is as ‘n “vendetta en ‘n smeerveldtog” teen hom afgemaak.

Volgens Mushwana is hy op so ‘n rojale uitbetaling geregtig omdat sy nuwe pos, voorsitter van die SA Menseregtekommissie, nie oor byvoordele beskik nie. Mushwana het ook met sy vertrek ‘n luuksevertrekvoertuig, ‘n BMW X5 wat as ampsvoertuig vir die openbare beskermer diens gedoen het, saam met hom geneem. Daarom moes die staat vir die nuwe openbare beskermer, Thulisile Madonsela, ‘n motor huur voordat hy ‘n nuwe voertuig sal ontvang.

Mushwana is veronderstel om die voertuig van die staat aan te koop indien hy dit sou wou hou, maar in weerwil van sy sewemiljoenpasella het hy nog niks betaal nie.

Die enorme gratifikasiebedrag wat Mushwana ontvang het, is in die openbare beskermer se jaarverslag opgeneem, wat in September sonder slag of stoot deur die parlement goedgekeur is. Tydens ‘n ondersoek deur die Johannesburgse koerant, die Mail & Guardian, is joernaliste van bakboord na stuurboord gestuur en wou die kantoor van die openbare beskermer, die parlement en die presidensie nie kommentaar lewer nie.

‘n Woordvoerder van die departement van justisie, Tlali Tlali, het gesê die departement beskik oor geen inligting oor Mushwana se gratifikasie nie aangesien die kantoor van die openbare beskermer ‘n onafhanklike grondwetlike liggaam is wat aan die nasionale vergadering verslag doen. Hoofstuk 9 van die SA grondwet maak daarvoor voorsiening.

Volgens Tlali “is dit nie outomaties dat besoldiging en diensvoorwaardes vir alle hoofstuk 9-instellings dieselfde is nie, aangesien elke instelling oor sy eie wetgewing beskik”.

Die voorsitter van die SA Menseregtekommissie (SAMRK) , wat insgelyks ‘n hoofstuk 9-instelling is, verdien effens minder as ‘n adjunkdirekteurgeneraal in die regering – ‘n jaarlikse salaris van R889 000. As openbare beskermer het Mushwana egter dieselfde salaris as ‘n regter verdien, ongeveer R1,5 miljoen.

As deel van sy “goue handdruk” het Mushwana blykbaar R90 000 se verlofgeld ontvang, iets wat nie binne die reëls toelaatbaar is nie.

машинкі на пульту

Wapeneienaars moet lisensies by hul dra

Wapeneienaars wat hul wapens in die openbaar dra, moet ook die betrokke wapenlisensie en hul identiteitsdokument by hulle hê, het die Gautengse polisie Dinsdag gewaarsku.

“Hierdie dokumente is baie belangrik aangesien hulle te eniger tyd deur wetstoepassers gedurende polisiewerksaamhede gekonfronteer mag word,” het superintendent Eugene Opperman gesê.

“… in daardie geval moet hulle dit dan toon. Die lisensie wat hulle dra moet met die spesifieke vuurwapen in hul besit ooreenstem. Die identiteitsdokument is nodig om ‘n persoon se identiteit te bewys aangesien slegs die lisensie nie daardie funksie kan verrig nie.”

Tydens roetine deursoekingsveldtogte wat oor die afgelope 24 uur in die provinsie uitgevoer is, is 13 mense in hegtenis geneem en daar is op agt vuurwapens beslag gelê.

“Een so ‘n voorval Maandag het die inhegtenisname van vier verdagtes behels nadat inligting ontvang is dat die mans ‘n gewapende huisroof in Alberton beplan,” het Opperman gesê.

“Die voertuig wat deur die verdagtes gebruik is, is op die ou Vereenigingpad in Alrode-suid voorgekeer. Toe die voertuig deur die polisie deursoek is, is ‘n gesteelde rewolwer gevind. Al vier mans is in hegtenis geneem.”

In ‘n onverwante voorval, het die Springs-polisie ‘n beweerde ontvoeringsaak ondersoek en na ‘n adres in Derdestraat gegaan. Toe die perseel deursoek is, is ‘n onwettige vuurwapen gevind wat tussen die matras en die basis van die bed weggesteek is.

Een persoon is in hegtenis geneem, het Opperman gesê.

no deposit win топкарго кидалы

Blanke oudstryders deur SANW afgejak

Oud-lede van ‘n peloton wat met onderskeiding aan die Grensoorlog deelgeneem het, is toestemming geweier om hulde aan gevalle makkers in Bloemfontein te bring. 1 Suid-Afrikaanse Infanteriebattaljon in Tempe, Bloemfontein, het aanvanklik onderneem om ‘n dinee vir die peloton tydens hulle 25-jarige reünie aan te bied. Hierdie reëling is onverwags eensydig deur die SANW gekanselleer. Die peloton het wel Vrydagmiddag ‘n welwillendheidsbesoek aan die eenheid gebring, maar is van die gronde verdryf toe hulle toestemming gevra het om na die Muur van Herinnering te gaan om veral die herinnering van hulle toenmalige pelotonsersant, Pierre Digue, te eer.

Volgens majoor John Meyer van 1 SAI, is die peloton se versoek om hulle dinee in die eenheid se klub te hou, deur generaalmajoor TM Nkabinde, van die Infanterieformasie in Pretoria gekanselleer. Hy sê die peloton het ‘n uiters eerbiedige brief aan die eenheid gerig waarin hulle vra om die dinee daar te hou en selfs so ver gegaan het om hulle krygsdeskundigheid tot die eenheid se beskikking te stel. Generaalmajoor Nkabinde het gesê dat die peloton nie die regte kanale gevolg het nie.

“Natuurlik het ons die regte kanale gevolg,” het ‘n ontstoke meneer Paul Stone, hoofaankoper van ‘n nasionale sporttoerustingmaatskappy, gesê. “Ons het op die regte plek begin. Ons het die eenheid gekontak en twee van ons lede het selfs ‘n afspraak gemaak en daarheen gery vir ‘n vergadering. Waar wil die generaal hê moet ons begin?”

Hierdie twee lede is hoflik deur majoor Meyer en sammajoor van Helden ontvang en planne vir die dinee, waarvoor die peloton sou betaal, is gesmee.

Die gort was behoorlik gaar toe die peloton eers ingelig is dat ‘n staptoer deur die eenheid goedgekeur is en binne minute daarna meegedeel is dat die eenheidsbevelvoerder, luitenantkolonel Baker, hulle beveel het om die terrein te verlaat. Dit is veral toe hulle verbied is om die Muur van Herinnering met die naam van Sersant Digue daarop, te besoek.

“Al hulde wat ek aan hom kon bring, was om die plaatjie met sy naam daarop in die HK met my duim skoon te vryf,” het ‘n bewoë meneer Charles Dunstan van Pretoria gesê. “Twee van ons pelotonlede het gehelp om hom te begrawe, en nou word ons verbied om voor die Muur te vergader om sy herinnering te eer.”

Gustav Venter, Praag-rubriekskrywer en lid van die peloton, sê hy het geen twyfel oor wat die rede agter die weiering is nie: “Dis skreiende rassisme, niks anders nie. As dit ‘n swart peloton was wat daar wou vergader, sou die generaal inskiklik gewees het. Maar ons is wit en hulle is bang vir ons. Ons het die vyand in 1984 onder die blaker geskop en dit ontsenu hulle.”

Die peloton, bekend as die Hoof van die Leër se Peloton, het met welslae aan Operasie Askari in 1983 deelgeneem. Volgens die destydse Hoof van die Leër, generaal Jannie Geldenhuys, het die Suid-Afrikaanse Weermag tydens dié operasie verskeie lankgekoesterde gebooie van gemeganiseerde oorlogvoering herskryf, veral in die manier waarop die hoogs mobiele, maar relatief dun gepantserde Ratel-infanteriegevegsvoertuig, gebruik is om Russiese tenks te vernietig. “Voor dít gebeur het,” het generaal Geldenhuys gesê, “was dit ‘n onbetwyfelde gebod dat slegs ‘n tenk ‘n ander tenk kan vernietig.”

Die peloton het besluit om die terrein vreedsaam te verlaat. “Ek het respek vir majoor Meyer en die manier waarop hy ons ontvang het, “ het mnr. Venter gesê. “Dit is die enigste rede hoekom ek ingestem het om die eenheid vreedsaam te verlaat. Maar ek was gereed om die plek af te breek. En moenie fout maak nie, met hierdie peloton agter my, selfs na 25 jaar, kon ons dit gedoen het.

Nkabinde is net nog ‘n senior offisier wat sy rang aan vergeldingsaksie te danke het. Het hy ‘n dag se behoorlike basiese of ander opleiding ontvang? Ek glo nie. As hy het sou hy die basiese beginsels van militêre hoflikheid verstaan het. Dis as gevolg van sulke arrogansie en onbeholpenheid dat die nuwe weermag so ‘n patetiese grap is.”

Venter en mnr. Stone het wel instruksies verontagsaam en in ‘n paar oomblikke van stilte hulde aan hulle gevalle kameraad by die Muur van Herinnering gebring.

‘Opkomende boere’ mors R100 miljoen

‘n Bedrag van R100 miljoen wat vir swart bemagtiging in die Landbou (AgriSEB) bestem was, is glo gebruik om spogmotors en huise te koop.

Die AgriSEB-fonds is bedoel vir landbouprojekte, waaronder ‘n ondersteuningsgroep wat beplan om kos te kweek vir MIV/vigs-lyers en weeskinders.

Die geld is deur die department van landbou na die Landbank oorgedra.

‘n Som van R87.7 miljoen is uit ‘n “spesiale rekening” aan projekte in 2007 en 2008 uitbetaal.

Die Sunday Times berig dat die geld gebruik is om luuksemotors en huise te koop vir individue wat polities aan dié organisasie verbind word.

Die departement van landbou, polisie en die Landbank het nog nie ‘n formele klag aanhangig gemaak of op enige eiendom beslag gelê nie.

Maar Musa Zondi, ‘n woordvoerder van die Valke, het gesê hulle is besig om verklarings by die Landbank te neem.

“Dié saak gaan nie onder die mat gevee word nie.”

social media

Polisieminister mors R578 000 in hotel uit

Die minister van polisie, Nathi Mthethwa, het nog ‘n geweldige hoë hotelrekening laat oplui, dié keer vir meer as R570 000 in Durban, het die Sunday Independent gister berig.

Tussen 19 Desember en 25 April, het Mthethwa by tye in die vyfster-Hiltonhotel saam met lede van sy BBP-beskermingseenheid teen ‘n koste van R578 499 tuisgegaan.

‘n Woordvoerder vir die geagte minister, Zweli Mnisi, het nie oor die syfer kommentaar gelewer nie, maar bloot gesê dat Mthethwa gedurende Desember in Kwazulu-Natal “op amptelike sake” was en aan aanbiedings deelgeneem het wat op die vermindering van Kersseisoenmisdaad gemik was. Gedurende April het hy weer by die Hilton ingetrek weens die nasionale verkiesings.

“Die provinsie is as ‘n potensiële warm sone (vir misdaad) geëien. Dit was alles amptelike programme wat daarop gemik was om plaaslike belanghebbendes in die stryd teen misdaad te betrek, waaronder raadpleging met plaaslike owerhede as deel van die voorbereiding vir die verkiesing,” het hy in ‘n verklaring gesê.

Volgens die Sunday Independent se afskrif van die rekening, het Mthethwa sowel Kersfees as Nuwejaar in die hotel deurgebring. Gedurende ‘n ononderbroke verblyf van 17 dae vanaf 19 Desember, is hy nie deur enige lyfwagte vergesel nie en het die rekening op net bokant R86 000 te staan gekom.

Op die vooraand van Valentynsdag op 14 Februarie, het Mthethwa by dieselfde hotel geregistreer, dié keer met vier van sy wagte, teen ‘n koste van R28 516. Van 19 tot 25 April, het hy by die hotel met twee wagte ingewoon. Hierdie rekeing het R89 000 bedra.

Die Hiltonrekening is gelykstaande aan dubbel die bedrag wat belastingbetalers vir Mthethwa se verblyf van 17 dae in Kaapstad se vyfster-Table Bay-hotel vroeër vanjaar moes opdok. Mthethwa het by in die hotel gebly teen ‘n koste van R235 000 terwyl sy huis ná vloedskade opgeknap is.

Mnisi het gesê die minister het voorheen beweer dat hy onbewus was van die hoë pryse wat deur die Kaapstadse hotel gevra word.

Opposisiepartye het met woede oor Mthethwa se jongste “spandabelheid” gereageer.

Die Kongres van die Mense het gesê Mthethwa het óf vir die ANC ‘n politieke veldtog gevoer óf hy het eenvoudig huis toe gegaan en die regering vir sy verblyf gefaktureer.

Die Demokratiese Alliansie het gesê die departement van polisie se lang lys weeldevergrype is nie net teenstrydig met president Jacob Zuma se oproepe om besuiniging en versigtigheid nie, maar druis ook in teen gesonde verstand en die verbintenis om die publiek se belang bo persoonlike bevrediging te stel.

“As ‘n mens die hotelbuitensporighede by die motors tel wat vir Mthethwa en sy adjunk, Fikile Mbalula gekoop is, dan bedra dit R3,7 miljoen van openbare geld wat op persoonlike vertoon uitgegee is,” het die skaduminister van polisie, Dianne Kohler Barnard, in ‘n verklaring gesê.

Sy het gevra hoe Mtethwa sy gedrag kon regverdig terwyl polisiebeamptes wat dikwels hul lewens waag elke maand ‘n karige salaris huis toe neem.

Die Onafhanklike Demokrate het hul “afkeer” uitgespreek.

“In die lig van die feit dat dit die tweede sodanige onthulling oor Mthethwa binne twee weke verteenwoordig, kan woorde nie uitdruk met watter afkeer die OD vervul is nie,” het die party se woordvoerder vir polisie, Haniff Hoosen, in ‘n verklaring gesê.

“Die kabinet se magte om die handboek te magtig, moet weggeneem word. Voordele, voorregte en toelaes vir ministers behoort deur ‘n soortgelyke proses bepaal te word as die Moseneke-kommissie wat met die ondersoek na vergoeding vir openbareposbekleërs belas is.”

review the secret history

Zimbabwe maak gereed vir nuwe choleravlaag

Werkers strompel deur stinkende modder in ‘n sloot waarin skoon drinkwater en rou riool syfer in een van Harare se buurte wat verlede jaar die ergste deur die cholera-epidemie getref is.

Die herstelwerk verteenwoordig ‘n wedloop om die stad se rioolstelsel te probeer herstel voor die reënseisoen in November begin, wanneer gesondheidswerkers vrees dat die watergeleide siekte weereens kan uitbars.

Die drie meter diep sloot loop deur Usuf Austin se inrypad en strek die lengte van sy blok, wat die gesin dwing om oor die gat te spring om in hul huis te kom.

Maar hy is heel tevrede om die span werkers die stukkende pype te laat herstel wat verantwoordelik gehou word vir die epidemie wat meer as 4 200 mense doodgemaak het en byna 100 000 laat siek word het.

“Die riool het daaglikse, 24 uur per dag, uitgelek” toe cholera vir die eerste keer in Augustus 2008 toegeslaan het, sê hy.

“Die rioolwater meng met die reënwater gedurende die reënseisoen,” voeg hy by.

Die epidemie het verlede jaar uitgebreek toe náverkiesingsgeweld deur die land versprei het, wat die ekonomiese krisis weens die grondhervorming teen blanke boere van die outokratiese president Robert Mugabe, verder vererger het.

Die land se vervallende openbare infrastruktuur het die konstant oorlaaide rioolstelsels en watertekorte laat vererger.

Dit het op sy beurt vrye teuels aan cholera gegee. Dié siekte, wat diarree veroorsaak, is maklik voorkombaar met skoon water en behoorlike riolering, maar gedy in plekke sonder behoorlike higiëne.

Die span werkers in Austin se straat is een van dosyne wat die strate rondom die Zimbabwiese hoofstad, waaronder groot dele van die middestad, opgrawe in ‘n poging om die ergste rioolprobleme uit te skakel.

Ironies genoeg word dié herstelwerk deur blanke, Westerse skenkers gefinansier, diegene teen wie Mugabe gereeld as “die vervloekste wittes” uitvaar.

Straaltjies rou riool loop steeds langs die strate in werkersklasbuurte soos dié, maar met die koms van reënbuie kan dié stroompies maklik in strome verander.

Die swartes werk hard in die somerson van Zimbabwe, soos wat die groep met pikke en grawe die slote grawe, sonder enige beskermende handskoene of maskers.

“Ons moet na mense se huise gaan om vir handskoene en selfs grawe te vra,” sê Titus Sibanda, 35, die groep se voorman. “Al die mense op straat help ons.”

Zimbabwe het einde Julie vanjaar verklaar dat die cholera-epidemie beëindig is en slegs vyf gevalle is sedertdien aangemeld in ‘n plattelandse distrik waar periodieke voorvalle gereeld voorkom.

Wat verlede jaar anders was, was die episentrum van cholera in Harare waar die meeste slagoffers voorgekom het.

‘Harare gaan weer herstel’

Inwoners van die hoofstad was tot verlede jaar gewoond aan betroubare, skoon drinkwater weens die infrastruktuur wat in die tyd van blanke regering opgerig is en moes nog nooit maatreëls teen cholera neem nie.

Maar stukkende pype het veroorsaak dat rou riool in die watervoorraad ingelek het.

Hope vullis, wat elke dag meer word, is deesdae ook algemeen aan die buitewyke van die meeste arm buurte omdat die owerheid nie oor brandstof of voertuigonderdele beskik om vullisvragmotors op die pad te hou nie.

Zimabwe se ekononiese ineenstorting verlede jaar het hospitale en klinieke sonder fondse vir basiese medisyne en voorrade gelaat, terwyl dokters en verpleegsters begin staak het omdat hulle lone nie meer betaal is nie.

Die gevolg was die ergste cholera-epidemie in ‘n dekade wat enige plek ter wêreld plaasgevind het.

Reaksie het grotendeels van Westerse hulpagentskappe gekom, wat waterbehandelingstablette en medisyne ingevlieg het, asook choleranoodklinieke opgerig het.

Die VN se Kinderfonds het gewaarsku dat ‘n nuwe uitbreking “byna onafwendbaar” is as die reënseisoen in November begin, aangesien ses miljoen Zimbabwiërs min of geen toegang tot veilige water en riolering het nie.

“Ongelukkig glo ons dat cholera endemies aan Zimbabwe geword het,” het UNICEF se gesondheidshoof Mickey Chopra onlangs gesê.

“Daar was nie genoeg tyd om daardie infrastruktuur te herstel nie, dus maak ons gereed vir ‘n cholera-uitbreking tydens die reënseisoen.” Maar Zimbabwe se gesondheidsminister Henry Madzorera het gesê Zimbabwe is vanjaar beter voorberei. Dokters en verpleegsters is weer op hul poste, dus werk die klinieke weer. Opvoedingsveldtogte het beklemtoon dat dit belangrik is om water te kook, jou hande te was en ander voorkomingsmaatreëls te tref.

“U sal in Harare opmerk dat daar baie opgrawings plaasvind. Die watertoevoer gaan verbeter,” het hy aan AFP gesê.

“Ons wil mense aanmoedig om higiëne toe te pas,” het hy gesê. “Maar die reënseisoen is op pad, daar mag enkele probleme wees.”

Hoewel al die pype wat herstel moet word nooit voor die reën reggemaak sal word nie, beklemtoon die voorman in Highfields die belang daarvan dat die publiek moet sien dat daar gewerk word.

“Mense moet elke sien hoe ons werk,” sê Sibanda.

“Harara gaan weer herstel.”

deposit 10 прокурор Фильчаков