Iran – Bladsy 3 – praag.co.za

Spioenasie-herrie oor SA se verhouding met Israel, Iran

‘n Spioenasieherrie het losgebars nadat Al Jazeera inligting uitgelek het oor Suid-Afrika se verhouding met Israel en Iran.

In ‘n intelligensieverslag van 128 bladsye, getiteld “Operasionele Doelanalise,” wat deur Suid-Afrikaanse spioene opgestel is, is die profiele van beweerde Iranse netwerke gelys, sowel as die van tuiniers en huiswerkers by die Iranse ambassade.

Dié onthullings kom kort nadat dit rugbaar geraak het dat president Barack Obama ywerig is om ‘n ooreenkoms met Iran te bereik en die Mossad die Israelse premier daarvan beskuldig het dat hy uitsprake maak oor Iran se beweerde kernprogram wat nie deur intelligensieverslae ondersteun word nie.

Right2Know en die DA het die die “buitensporige en onaanvaarbare” geheimsinnigheid van die Suid-Afrikaanse Staatsveiligheidsagentskap (SSA) egter skerp gekritiseer.

Dié groep is skynbaar onbesorg dat buitelandse spioenasie in Suid-Afrika floreer met meer as 140 buitelandse spioene wat in die land bedrywig is.

Al Jazeera, het nogtans die Suid-Afrikaners se gebrek aan geheimhouding ver oortref deur die duisende intelligensiedokumente uit te lap.

Right2Know het dit voorts betreur dat Suid-Afrika se staatsveiligheidstrukture in die toekoms beter beheer oor die vloei van inligting sal uitoefen.

Connie September, voorsitter van die staande komitee oor intelligensie, het gesê die komitee is bekommerd oor die uitlappery van die inligting. Die komitee sal ondersoek instel en “alle betrokke persone sal verantwoordbaar gehou word”.

Mo Shaik, voormalige intelligensiehoof, het gesê dit is ’n verleentheid en owerhede moet alles in hul vermoë doen om die skuldige party vas te trek.

Die doelanalise wys veral op die militêre fokus van Iran. “Die gevorderde vlak van Suid-Afrika se tegnologie in die lugvaartnywerheid, veral in missielstelsels het toenemend ‘n fokuspunt van Iran geword, het ‘n Suid-Afrikaanse spioen vroeër gesê. “Dit word voorsien dat hierdie bedrywe geteiken sal word vir die verkrygingprosesse.”

Suid-Afrikaanse intelligensie-agente het berig dat die Iraniërs ook belangstel in die tegnologie wat gebruik word vir satellietonderskepping, aanlyntoesig en kraakbedrywighede [hacking].

Hulle het ook gesê gereedskap om enkripsiekodes te kraak en beskerming van hul eie geheime aanlyn, was deur die Iraniërs versoek.

Iranse amptenare het die bestuurders van Suid-Afrika se elektroniese onderskeppingsfasiliteit ontmoet by die Nasionale Kommunikasiesentrum in 2005. Iranse afvaardigings het ook glo verskeie ander tegniese fasiliteite, insluitend vervaardigers van onbemande tuie, elektroniese oorlogvoeringstelsels en onderskeppingstegnologie besoek.

Selfs die bloudruk van die Rooivalk-helikopter is deur ‘n buitelandse intelligensiediens gesteel en missielstelsels en intellektuele eiendom het ook in die slag gebly.

Volgens Media24 het die “Suid-Afrikaanse Intelligensiediens Israel gehelp om die omstrede missieldiefstal te probeer toesmeer”. Dit is nie bekend of die planne deur Israel aan Iran oorhandig is nie.

Tom Wheeler, navorsingsgenoot van die Suid-Afrikaanse Instituut vir Internasionale Aangeleenthede, het aan Media24 gesê die inligting wat uitgelek het, is ‘n reuse-verleentheid vir Suid-Afrika. “Dit lê die land se verhoudinge met ’n rits intelligensieagentskappe bloot.”

Suid-Afrika steun die Palestyne, maar werk ook met Israel saam.

Intelligensieagentskappe sal miskien in die toekoms twee keer dink voor hulle by Suid-Afrika betrokke raak uit vrees dat inligting wat hulle met Suid-Afrika deel, nie goed bewaak word nie, het hy gesê.

Die dokumente het intussen onder meer onthul dat daar in 2012 ‘n sameswering was om die voorsitter van die Afrika Unie-kommissie, Nkosazana Dlamini-Zuma te vermoor nadat sy die pos aanvaar het.

Suid-Afrikaanse intelligensie-amptenare is glo op 22 Oktober 2012 oor die bedreiging op Dlamini-Zuma se lewe ingelig. Die inligting is na die ambassade in Addis Abeba oorgedra waar bykomende lyfwagte aan haar hotel toegewys is.

Australiese premier tob dat gyselnemer nie terreurlys haal

Die Australiese premier, Tony Abbott het dit bevraagteken dat die man wat verantwoordelik was vir Maandag se gyselaarsdrama in Sydney, se naam nie op die land se terreurlys was nie.

Abbot sê hy wil ook weet hoe Monis, wat op borgtog uit was, daarin geslaag het om ‘n wapen te bekom.

Hy sê die drama is die land se eerste kennismaking met terreur in meer as 35 jaar.

Australiese veiligheidsmagte het in die nag van Maandag na Dinsdag die sestienuur-lange gyselaarsdrama in Sydney beëindig deur die kafee binne te val.

Drie mense is dood gedurende die ontsetting, waaronder die gyselnemer.

Die polisie het Maandag die dood van die 50-jarige Irannese gyselnemer en asielsoeker Man Haron Monis, ‘n 34-jarige man en ‘n 38-jarige vrou bevestig. Daar is ook vier beseerdes gemeld.

In die kafee is ‘n totaal van sewentien mense gyselaar gehou vir langer as 16 uur. Dit aantal mense was lank onduidelik.

Dit kafee is bestorm toe ‘n aantal gyselaars daarin geslaag het om te ontsnap. Volgens polisiekommissaris Andrew Scipione is daar toe geskiet, waarna die polisie die kafee binnegestorm het.

Scipione wou nie sê hoe die slagoffers dood is nie. Dit is nie duidelik of Haron Monis of die polisie hulle doogeskiet het nie.

Hy het egter gesê dat ”as die agente nie ingegryp het op daardie tydstip nie, sou daar baie meer dooies gewees het”.

Die twee slagoffers, ‘n man en ‘n vrou, is in die hospitaal oorlede.

BRICS dring aan op Iran se reg tot kernkrag

Die BRICS-groep (Brasilië, Rusland, Indië, China en Suid-Afrika) het daarop aangedring in sy finale verklaring Dinsdag dat Iran ‘n reg tot vreedsame kernkrag het.

“Ons erken die onvervreembare reg van Iran op die vreedsame gebruik van kernkrag in ooreenstemming met sy internasionale verpligtinge,” lui die nota bekend as die Verklaring van Fortaleza, aangehaal deur die Russiese nuusagentskap ITAR-Tass.

“Terwyl ons weer ons siening bevestig dat daar geen alternatief vir ‘n onderhandelde skikking rakende die kernkwessie is nie, bevestig ons ons steun vir ‘n politieke en diplomatieke en onderhandelde skikking,” sê die teks deur die vyf presidente van BRICS.

Verder het die vyf die “positiewe momentum” verwelkom wat deur dialoog tussen Iran en die Groep 5 + 1 (VSA, die Verenigde Koninkryk, Frankryk, Rusland en China, plus Duitsland) tot stand gekom het.

Die groep het die hoop uitgespreek dat die volle implementering van die aanvanklike ooreenkoms bekend as die Gesamentlike Aksieplan sal volg tussen Iran en die ses lande wat in November 2013 in die Switserse stad Genève bereik is, ten einde ‘n omvattende en volhoubare oplossing vir die kernkwessie vir die Perse te vind.

Tans word die kerngesprekke tussen Iran en die G5 + 1 in Wene, Oostenryk se hoofstad, gehou waar die partye poog om ‘n finale ooreenkoms voor 20 Julie te bereik, wanneer die termyn van die ooreenkoms verstryk.

BNP Paribas betaal boete van $9 miljard

Soos daar verwag is, word die Franse bank BNP Paribas met $8,9 miljard (ongeveer R100 000 000 000) deur die Amerikaanse regering beboet. Die aankondiging is gisteraand deur die kantoor van die prokureurgeneraal van New York-staat gemaak. ‘n Advokaat van die Franse bank het in die hof skuldig gepleit op aanklagte van vervalsing van handelsdokumente en sameswering. Een van die aanklaers het verklaar dat BNP Paribas aandadig was aan ‘n “langtermynsameswering” wat in “verskeie jurisdiksies” plaasgevind het en die Amerikaanse sanksies teen die Soedan, Kuba en Iran oortree het.’Fout is gemaak’Mnr. Jean-Laurant Bonnafé, die algemene direkteur van die bank, het Vrydag reeds die werknemers van die bank in ‘n memorandum op die ergste voorberei. “Ek wil dit duidelik stel: ons sal swaar gestraf word. Omdat daar wanbestuur was en foute gemaak is.”

Die Amerikaanse ondersoekers het vasgestel dat die bank transaksies ter waarde van 30 miljard dollar uitgevoer en weggesteek het, hoofsaaklik by sy filiaal in Genève, Switserland. Die transaksies het handel in ru-olie met die lande behels.Omdat die ru-oliemark in dollar verhandel, moes BNP Paribas hom herfinansier by die Federale Reserwebank in New York, daarom ag die Amerikaanse departement van justisie dit as sou die transaksies oor sy grondgebied “beweeg” het en behoort die federale wet eerbiedig te gewees het, selfs al was die betalings nie onwettig daar waar hulle plaasgevind het nie: nóg Frankryk, nóg Switserland het tydens dié periode enige sanksies teen die Soedan, Iran of Kuba toegepas.Ander Europese banke was reeds die slagoffers van sogenaamde “dollar-imperialisme”. In 2012 moes die Nederlandse bank ING ‘n boete van $619 miljoen betaal omdat hy transaksies in dollar met Libiese, Birmaanse, Iranese en Kubaanse kliënte aangegaan het. Maar dit was nie naastenby so hoog soos die byna $10 miljard wat van BNP Paribas verlang word nie. Die Franse bank word swaarder as die ander gestraf omdat die bedrae groter was, asook omdat hy nie dié winsgewende handel gestaak het nadat hy deur die Amerikaners in kennis gestel is dat dit onwettig was nie.

‘Goeie nuus vir ons kliënte’

Vir Bonnafé is die ooreenkoms wat daar met die Amerikaanse regering bereik is, “goeie nuus vir al ons spanne en vir ons kliënte aangesien dit die onsekerheid wat op ons groep gerus het, uit die weg ruim”.

Die reuseboete sal nie tot die bankrotskap van die bank lei nie, aangesien dit min of meer ‘n jaar se winste verteenwoordig, maar dit gaan tog die solvensie en kapitaalsterkte van die bank raak. Sy verhoudings met institusionele beleggers mag ook in die gedrang kom. Sekere pensioenfondse mag nie in maatskappy belê wat teenoor die Amerikaanse gereg skuldig gepleit het nie. Dit was juis dié verhoudings waaroor daar nog ter elfder ure onderhandel is.

Buiten die boete, word BNP Paribas verbied om sekere transaksies in dollar uit te voer. Die bank sal vir een jaar nie handel in dollar mag dryf sover dit ru-olie en gas betref nie. Hierdie strafmaatreël sal in Januarie 2015 in werking tree. Intussen sal die bank tyd hê om alternatiewe reëlings te tref deur byvoorbeeld ‘n ander bank te kry wat as tussenganger vir sulke transaksies kan optree.

Shell SA meng in internasionale kernsamesprekinge in

Suid-Afrika het die oliemaatskappy Shell gekritiseer omdat die maatskappy nie die vliegtuig wou volmaak in Kaapstad van waarin die besoekende speaker van Iran se parlement gereis het nie.

Die regering het gesê die optrede is ‘n verleentheid vir die land.

Die speaker, Ali Larijani, het president Jacob Zuma verlede week tydens ‘n amptelike besoek ontmoet.

Hy moes die volgende gedeelte van sy Afrika-toer afstel toe die Kaapstadse internasionale lughawe geweier het om sy vliegtuig te hervul.

Die Suid-Afrikaanse Vereniging vir die Petroleumindustrie (SAPIA) het gesê die besluit om die speaker van Iran gestrand te laat was weens “globale maatskappybeleid” wat lede blykbaar ten opsigte van Iran moet volg.

“In ooreenstemming met die maatskappy se beperkings was die betrokke SAPIA-lede nie in staat om brandstof te verkoop of te verskaf aan dr Larijani se vliegtuig voor sy vertrek uit Kaapstad op 7 Maart 2014 nie.” het SAPIA in ‘n verklaring gesê.

Iran en die P5+1 [Die vyf permanente lede van die Veiligheidsraad plus Duitsland] hou tans kernsamesprekinge om sanksies teen die land op te hef in ruil vir waarborge oor Iran se kernprogram. Iran is lid van die IAEA en sy kernprogram word internasionaal gemonitor.

Dit wil voorkom asof Shell SAPIA probeer gebruik om die kernsamesprekinge te laat ontspoor deur die 24-uur oponthoud te skep en Larijani te dwing om die volgende been van ‘n beplande Afrikatoer te kanselleer as gevolg van die 24-uur vertraging.

Iran het reeds ‘n tussentydse ooreenkoms in November met die P5+1 gesluit ter verligting van sanksies. Die Suid-Afrikaanse regering het gesê eensydige optrede teen Iran is onvanpas in hierdie situasie.

“Die departement betreur die verleentheid wat veroorsaak is aan die regering van Suid-Afrika en sy gaste deur ‘n eensydige besluit deur Shell SA om nie Dr Larijani se vliegtuie te hervul nie,” het die departement van buitelandse sake in ‘n verklaring gesê.

“Die besluit, oënskynlik as gevolg van eensydige sanksies wat opgelê is teen Iran, is nie gebaseer op feite nie. Ten spyte van die versekering aan die maatskappy deur die departement self asook die ambassadeur van die Europese Unie in Suid-Afrika, het Shell alle versoeke geweier om die vliegtuig te hervul,” lui die verklaring.

Suid-Afrika het ‘n beroep op Shell gedoen om op te tree op ‘n wyse wat toepaslik is “om sy kontraktuele rol na te kom” as ‘n diensverskaffer aangestel deur ‘n agentskap van die regering om brandstof te voorsien aan die vliegtuig op nasionale lughawens.”

Shell SA het nie direk gereageer op versoeke vir kommentaar nie, maar navrae na SAPIA verwys.

Irak koop glo wapens van Iran teen al Kaida-terreur

Die VSA het ‘n verklaring van die Irakse regering geëis na mediaberigte dat die land ingestem het om wapens ter waarde van $195 miljoen van Iran te koop.

So ‘n ooreenkoms sal die wapenboikot wat deur die VN ingestel is, oortree.

Die ooreenkoms is bereik aan die einde van November, volgens dokumente wat Reuters glo gesien het.

Kort voor die transaksie onderteken is, was die Irakse premier Nouri al-Maliki in Washington om hulp te vra om op te tree teen al-Kaida-terroriste.

‘n Woordvoerder van die Irakse eerste minister wou nie die verkope bevestig of ontken nie, maar het gesê dat so ‘n ooreenkoms te verstane sal wees gegewe Irak se huidige veiligheidskrisis.

“Ons het begin met ‘n oorlog teen terrorisme en ons wil hierdie oorlog wen. Niks verhoed ons om wapens en ammunisie van enige party te koop nie en dit is net ammunisie om ons te help om terroriste te beveg,” het die woordvoerder, Ali Mussawi gesê.

Die regering van Iran ontken enige kennis van ‘n ooreenkoms om wapens aan Irak te verkoop.

Dit sal die eerste amptelike wapentransaksie tussen Sjiïtiese Iran en Irak se Sjiïtiese regering wees.

Dié transaksie sal, indien bevestig, die groeiende band tussen die twee groepe aandui in die twee jaar sedert die vertrek van Amerikaanse troepe uit Irak.

‘n Woordvoerder van die Amerikaanse departement van Buitelandse Sake sê indien die berigte waar is, is dit kommerwekkend.

“Enige oordrag van wapens van Iran na ‘n derde land is ‘n direkte skending van resolusie 1747,” het die Amerikaanse woordvoerder vir buitelandse aangeleenthede, Jan Psaki, gesê.

‘n Amerikaanse amptenaar het gesê so ‘n transaksie kan Washington se benadering tot onderhandeling oor Iran om internasionale sanksies oor sy kernprogram op te hef, verder bemoeilik.

HETN eis dat PUK onder administrasie geplaas word na Nazi-saluut

irannazi — Die Nazi-saluut in Iran, in gebruik sedert die begin van die eeu

Die Hoër Onderwys transformasie-netwerk (HETN) eis dat die wit bestuur van die Noordwes Universiteit summier afgedank word.

Die HETN het hul kommer uitgespreek teenoor die premier van Noordwes, Thandi Modise oor die beweerde massa-Nazisaluut wat by die Noordwes-Universiteit (NWU) plaasvind.

Die woordvoerder van die netwerk, Hendrick Makaneta het ‘n beroep op die minister van Hoër Onderwys, Blade Nzimande gedoen om dringend die instelling onder administrasie te plaas.

‘n Veldtog teen die wit bestuur NWU is verlede week deur Naspers van stapel gestuur.

Die HETN het glo “grafiese bewyse” wat deur Beeld op 21 Februarie 2014 gepubliseer is van die gebruik van ‘n Nazi-saluut by die Universiteit se Potchefstroom-kampus tydens ontgroening.

Verskeie slagspreuke soos “heil Hitler” is blykbaar ook gebruik tydens ontgroenigsrituele.

Volgens die HETN het hulle reeds herhaaldelik gewaarsku oor die verspreiding van rassistiese praktyke wat by die NWU floreer, op die wit Potchefstroom-kampus en in die werkplek van dieselfde instelling.

Die HETN het die “voortgesette skynheilige ontkennings deur die visekanselier van die NWU, dr Theuns Eloff in die aangesig van die naakte waarheid soos uitgebeeld in die foto’s sowel as die platoniese verskoning aangebied deur die rektor van die NWU Potchefstroom, prof Herman van Schalkwyk” rakende die saluut op sosiale media, betreur.

Die gebruik van die Nazi-tipe saluut is ‘n “internasionale misdaad” in Duitsland, Oostenryk en die Tsjeggiese Republiek en is onaanvaarbaar vir gebruik in ‘n staatsbefondsde instelling “in ons demokrasie”, het die HETN in ‘n verklaring gesê.

In een foto in die besit van die HETN “so vroeg as Desember 2013” is NWU Potchefstroom se rektor, prof Herman van Schalkwyk, “duidelik sigbaar te erken waar hy die beweerde Nazi-saluut van studente in die dieselfde wyse as tydens Hitleristiese tye beantwoord”, het die HETN gesê.

“In ‘n poging om bogenoemde beweerde praktyke, insluitend die summiere afdankings en viktimisering van swart werknemers en studente weg te steek, het die NWU Potchefstroom se elite gekies om geregtigheid en die waarheid te ontduik met ‘n oneerlike interdik teen die netwerk, met oneerlike bedoelings om ons te keer om die waarheid rugbaar te maak.”

Die HETN het ernstige beswaar gemaak teen die “misbruik van staatsbefondsing deur ‘n oneerlike kliek akademici en hul rassistiese makkers wat in stryd is met die letter van die Grondwet” asook die “diep rassisme steeds verskans in die hoër onderwys”.

Die premier van Noordwes, Thandi Modise sê die provinsiale regering sal die verwikkelinge monitor.

Iran, een van Suid-Afrika se bondgenote, gebruik dikwels dieselfde Nazi-saluut in die openbaar. Suid-Afrika en Iran bedryf saam die multimiljoerand Aryasasolpolimere-maatskappy.

Die HETN het hulself nie uitgespreek oor die “internasionale” aanvaarbaarheid van die Nazi-saluut in Iran nie.

Iran, P5+1 vergader oor kernooreenkoms

Samesprekinge vind tans plaas tussen Iran en die Veiligheidsraadlidlande Amerika, Brittanje, Rusland, Frankryk en China, plus Duitsland, kortweg bekend as die P5 + 1.

Iran en die P5 + 1 het Dinsdag in Wene, Oostenryk vergader om konflik oor Teheran se kernkragambisies te besleg.

’n Tussentydse ooreenkoms is in Januarie gesluit waarkragtens tydelike beperkinge op Iran se kernkragprogram geplaas is. ’n Finale ooreenkoms moet nog gesluit word.

Die VSA wil toesien dat Iran hul aantal uraanverrykingssentrifuges verminder van 10 000 na tussen 3000 en 4000.

Dit sal beteken dat indien Iran wel ’n kernoorlog wil voer, sy wetenskaplikes ses maande nodig sal hê om die nodige hoeveel uraan te vervaardig.

Iran sal ook versoek word om sy plutonium-aanleg by Arak te herontwerp om te verseker dat alternatiewe metodes in kernwapenvervaardiging nie beskikbaar is nie.

Iran het op sy beurt gevra dat alle sanksies opgehef word, wat sanksies op olie-uitvoere insluit. In Januarie is van die sanksies deels opgehef, maar die ergste olie- en ekonomiese sanksies is steeds in plek.

Met knelpunte in die samesprekings sal die huidige ooreenkoms heel moontlik met nog ses maande verleng word, indien die finale ooreenkoms nie in Junie bereik kan word nie.

Die opperleier van Iran, Ajatollah Ali Khamenei, het gesê alhoewel die samesprekings “na nêrens lei”, hy sal hou by die tussentydse ooreenkoms.

Hy het ook gesê dat hy die diplomasie van pres. Hassan Rouhani ondersteun.

Amerikaanse Senaat gee Israel blanko tjek vir oorlog teen Iran

Die Amerikaanse Senaat sal vandag waarskynlik ‘n blanko tjek aan Israel oorhandig vir oorlog teen Iran.

Die Senaat se wetsontwerp S.1881 lui: As Israel “verplig word tot militêre optrede in wettige selfverdediging teen Iran se kernwapenprogram,” moet die Verenigde State van Amerika “Israel ondersteun en voorsien van … diplomatieke , militêre en ekonomiese steun in die verdediging van sy gebied, mense en bestaan.”

Dié wetsontwerp plaas die besluit vir militêre optrede feitlik uitsluitlik in die hande van die Israelse premier Netanyahu wat op rekord is dat hy gesê het: “Dit is 1938, Iran is Duitsland “

Terwyl die eeufeesvieringe van die Eerste Wêreldoorlog nader, sal ons weereens lees van die baie flaters wat gelei het tot ‘n tragedie vir die Westerse beskawing.

Onder hulle sal die blanko tjek wees wat Keiser Wilhelm II aan Wene oorhandig het ná die moord deur ‘n Serwiese terroris op die Oostenrykse aartshertog Ferdinand Francis.

As julle besluit om die Serwiërs te straf, het die Keiser verklaar, is ons met julle.

Na aarseling wat weke geduur het, het Oostenryk Belgrado gebombardeer. Binne ‘n week daarna egter, was Duitsland en Oostenryk in ‘n oorlog met Rusland, Frankryk en Brittanje betrokke.

Die oorlog in die Persiese Golf, die wêreld se petrolstasie, is dus uitgekontrakteer aan die Likud-regime wie se leiers gereeld Iran met Nazi-Duitsland vergelyk.

Die wetsontwerp beweer herhaaldelik dat Iran ‘n kernwapenprogram bedryf, maar in beide 2007 en 2011 het die Amerikaanse intelligensie verklaar “met ‘n hoë mate van vertroue” dat Iran oor nie ‘n kernwapenprogram beskik nie.

Die Amerikaners word dalk in die duister gehou dat die land afstuur op hul vyfde oorlog in ‘n generasie in die Midde-Ooste.

Dit klink baie soos die misleiding en geliegery oor Irak se wapens van massavernietiging wat toe nooit opgespoor kon word nie.

Selfs die hervormers van Iran se Groen Revolusie van 2009 ondersteun hul land se reg tot ‘n vreedsame kernprogram, wat natuurlik verryking insluit.

Wat Israel betref is verryking egter nie ‘n opsie nie.

Senaat wetsontwerp S.1881 dreig ook met nuwe sanksies teen Iran by versuim om ‘n finale ooreenkoms te bereik binne ses maande.

Tog weet die Senaat dat Iran tydens onderhandelinge gestem het dat hulle weg van die tafel sal loop as nuwe sanksies dreig.

Dit lyk dus na ‘n doelbewuste poging deur die oorlogsugtige Republikeinse Neo-Cons om die Geneefse samesprekinge tussen Teheran en die VSA te ontspoor.

Indien Afghanistan, Irak, Libië sekere Republikeine nie van oorlogskoors laat afsien nie, moet die party onder kwarantyn geplaas word vir nog vier jaar, sê Pat Buchanan, self ‘n Republikein.

Indien S.1881 slaag, sal Obama sal dit kan veto. Hy behoort die Amerikaanse intelligensiediens te kry om uiteindelik ook die waarheid oor Iran te vertel.

Israel herhaal oorlogsdreigement teen Iran

Israel se eerste minister, Benjamin Netanyahu, het ‘n ooreenkoms tussen Iran en ses wêreldmagte oor Iran se kernprogram veroordeel.

Volgens Netanyahu is dit ‘n “historiese fout” wat Iran in staat sal stel om kernwapens te vervaardig.

Israel is fel gekant teen die opheffing van sanksies teen Iran.

Netanyahu het aan sy kabinet gesê dat sy regering nie gebind word deur die ooreenkoms in Genève nie.

Hy het die dreigement van militêre optrede teen Iran herhaal.

Volgens die VSA het die ooreenkoms ‘n einde gemaak aan alle vordering aan Iran se kernprogram. Die ooreenkoms gaan ook blykbaar Iran se uraanvoorraad neutraliseer.

President Barack Obama het Netanyahu intussen geskakel, om hom te probeer paai oor gevoelens dat dié land Israel verraai het. Israel is afhanklik van Amerikaanse hulp. – RSG

Iran, VSA bereik kernooreenkoms

Iran en ses wêreldmoondhede het ‘n ooreenkoms bereik oor Teheran se omstrede kernprogram, na vyf dae van intensiewe onderhandelinge in Geneve in Switserland.

Die doel van die samesprekings was om ‘n tussentydse ooreenkoms vir ses maande op te stel, om alle partye tyd te gee om te onderhandel vir ‘n volledige skikking.

Israel het die verwikkeling skerp gekritiseer.

Volgens die ooreenkoms sal Iran sy kern-aktiwiteite verminder in ruil vir beperkte en geleidelike vermindering van sanksies. – RSG

Israel, Saoedi-Arabië beplan aanval op Iran

Israel is besig met die koördinering van planne vir ‘n militêre aanval op Iran. Hulle werk saam met Saoedi-Arabië.

Riyadh sal taktiese ondersteuning bied aan Jerusalem, het ‘n Britse koerant berig vroeg Sondag.

Saterdag het Bibi Netanyahu aan die Franse dagblad Le Figaro oor die situasie verklaar dat Israel en die “voorste lande in die Arabiese wêreld ” saamstem wanneer dit kom by Teheran en sy kernvermoëns.

“Ons almal dink dat Iran nie toegelaat moet word om die kapasiteit te hê om kernwapens te maak nie,” het hy gesê. “Ons glo dat as Iran was kernwapens bekom, dit kan lei tot ‘n kernwedloop in die Midde-Ooste, en sal die die Midde-Ooste in ‘n kernkruitvat verander.”

Volgens die Sunday Times, het Riyadh ingestem om Israel toe te laat om sy lugruim in ‘n militêre aanval op Iran te gebruik en saam te werk oor die gebruik van reddingshelikopters, brandstofvliegtuie en onbemande tuie.

“Die Saudies is woedend en bereid om aan Israel al die hulp wat hulle nodig het te gee,” het ‘n anonieme diplomatieke bron aan die koerant gesê .

Die verslag kom te midde van Netanyahu se blitsbesoeke om steun te probeer werf teen ‘n internasionale alliansie wat sal toelaat dat Iran uraan sal verryk.

Iran het egter herhaaldelik gesê dat hulle nie belangstel in kernwapens nie.

As die eerste minister van Israel, het hy beklemtoon, moet hy sorg vir “die oorlewing van my land”.

CNN berig dat Netanyahu ook gesê het in die onderhoud dat hy sal doen wat dit nodig is om te doen om Israel te beskerm.

Indien ‘n ooreenkoms bereik word by gesprekke wat in Genève Woensdag hervat, volgens die Israeliese diplomatieke bron, is ‘n militêre opsie terug op die tafel.

Saoedi-Arabië se taktiese ondersteuning, in plaas van rugsteun van die Pentagon, sal deurslaggewend wees vir ‘n langafstand aanval op Iran se kernprogram .

Stuxnet het waarskynlik nog kernraanlegte besmet

Sekuriteitskenners het gewaarsku die berugte Stuxnetvirus waarskynlik verskeie kernfasiliteite buite Rusland en Iran besmet het.

Kundiges sê die aard van Stuxnet beteken dat kernaanlegte kwesbaar is vir die virus.

Die Internetsekuriteitsdeskundige Eugene Kaspersky beweer ten minste een Russiese kernsentrale is reeds besmet.

“[Die lid van die personeel het aan ons gesê] hul kernkragsentrale se netwerk, wat van die internet ontkoppel is [ …] is erg besmet deur Stuxnet,” het Kaspersky tydens ‘n toespraak voor die Australiese Nasionale Persklub 2013 gesê.

Stuxnet is ‘n sabotasievirus wat oorspronklik gefokus het op Windows-stelsels in Iran se kernfasiliteite in 2010 en is na bewering deur die VSA en Israel versprei.

Die virus is glo oorspronklik ontwerp om Iran se kernindustrie te teiken, maar het daarna daarin geslaag om homself te versprei op onvoorsiene maniere.

Ontleders sê Stuxnet se onvoorspelbare natuur beteken dat dit waarskynlik versprei het na ander installasies buite die sentrale waarna Kaspersky verwys.

“Dit het nie versprei via die internet nie. Dit versprei as gevolg van ‘n fout via USB. Gegewe die gemeenskap sou ek nie verbaas wees as ander lande se kernkragsentrales met besmette rekenaars sit nie,” het een gesê.

“Baie van hierdie stelsels is nie verbind tot die internet nie, want hulle is so oud en delikaat. Diegene wat aanvalle loods besef nie die gevaar wat dit inhou vir die Internet en die onvoorsiene gevolge nie.

“Alles wat jy doen kan boemrang. Dit kan terugkom na jou,” het die stigter van Kaspersky Lab gesê.

“Dit is die kuberruim, daar is nie grense nie.”

Stoei terug vir 2020 Spele

Een van die wêreld se oudste sporte, stoei, het sy plek op die Olimpiese Spele se Sportrooster behou nadat die sportliggaam oorweeg het om dit af te haal vir 2020.

Ná ‘n stemmery deur die Internasionale Olimpiese Komiteelede in Buenos Aires in Argentinië is besluit om dit wel in te sluit as item. Die IOK het groot kritiek uitgelok deur sy besluit.

Stoei, wat een van die min sportsoorte is wat in die antieke sowel moderne Olimpiese Spele aangebied is, het 49 van die 95 stemme gekry. Druk deur Iran en Rusland het vir die oorwinning gesorg.

Bofbal en Sagtebal se gesamentlike bod was tweede met 24 stemme terwyl muurbal 22 stemme gekry het.

Dit beteken dat stoei by sowel die Somerspele in 2020 in Tokio en die Spele in 2024 te sien sal wees.