Suid-Afrika het die oliemaatskappy Shell gekritiseer omdat die maatskappy nie die vliegtuig wou volmaak in Kaapstad van waarin die besoekende speaker van Iran se parlement gereis het nie.
Die regering het gesê die optrede is ‘n verleentheid vir die land.
Die speaker, Ali Larijani, het president Jacob Zuma verlede week tydens ‘n amptelike besoek ontmoet.
Hy moes die volgende gedeelte van sy Afrika-toer afstel toe die Kaapstadse internasionale lughawe geweier het om sy vliegtuig te hervul.
Die Suid-Afrikaanse Vereniging vir die Petroleumindustrie (SAPIA) het gesê die besluit om die speaker van Iran gestrand te laat was weens “globale maatskappybeleid” wat lede blykbaar ten opsigte van Iran moet volg.
“In ooreenstemming met die maatskappy se beperkings was die betrokke SAPIA-lede nie in staat om brandstof te verkoop of te verskaf aan dr Larijani se vliegtuig voor sy vertrek uit Kaapstad op 7 Maart 2014 nie.” het SAPIA in ‘n verklaring gesê.
Iran en die P5+1 [Die vyf permanente lede van die Veiligheidsraad plus Duitsland] hou tans kernsamesprekinge om sanksies teen die land op te hef in ruil vir waarborge oor Iran se kernprogram. Iran is lid van die IAEA en sy kernprogram word internasionaal gemonitor.
Dit wil voorkom asof Shell SAPIA probeer gebruik om die kernsamesprekinge te laat ontspoor deur die 24-uur oponthoud te skep en Larijani te dwing om die volgende been van ‘n beplande Afrikatoer te kanselleer as gevolg van die 24-uur vertraging.
Iran het reeds ‘n tussentydse ooreenkoms in November met die P5+1 gesluit ter verligting van sanksies. Die Suid-Afrikaanse regering het gesê eensydige optrede teen Iran is onvanpas in hierdie situasie.
“Die departement betreur die verleentheid wat veroorsaak is aan die regering van Suid-Afrika en sy gaste deur ‘n eensydige besluit deur Shell SA om nie Dr Larijani se vliegtuie te hervul nie,” het die departement van buitelandse sake in ‘n verklaring gesê.
“Die besluit, oënskynlik as gevolg van eensydige sanksies wat opgelê is teen Iran, is nie gebaseer op feite nie. Ten spyte van die versekering aan die maatskappy deur die departement self asook die ambassadeur van die Europese Unie in Suid-Afrika, het Shell alle versoeke geweier om die vliegtuig te hervul,” lui die verklaring.
Suid-Afrika het ‘n beroep op Shell gedoen om op te tree op ‘n wyse wat toepaslik is “om sy kontraktuele rol na te kom” as ‘n diensverskaffer aangestel deur ‘n agentskap van die regering om brandstof te voorsien aan die vliegtuig op nasionale lughawens.”
Shell SA het nie direk gereageer op versoeke vir kommentaar nie, maar navrae na SAPIA verwys.
Wat weet Shell wat ons nie weet nie?
Shell het sterker rol begin speel onlangs wat insluit ‘fracturing’ in Ukraine en Suid Afrika. Plaaslik het die regering toegelaat dat Sasol inmeng met die Karoo projek en het Shell blykbaar besluit om sabre-rattling te inisieer deur die regering in die verleentheid te stel. Dis egter moeilik om meer inligting te kry.
Ek dink jy het ‘n punt daar beet. Ek kan nie verstaan hoekom een van die oorsese maatskappye nog nie vir SASOL gekoop het nie. Jare gelede weet ek was Chevron en SASOL in onderhanderlinge betrokke en SASOL was hardegat (soos gewoonlik) en toe het die verteenwoordiger van Chevron vir hulle gesê hy het ‘n mandaat om dit te doen as SASOL nie wil saamspeel nie (Blykbaar is SASOL se jaarlikse omset sowat een dag se wins vir Chevron).
Natuurlik is Shell gekant teen kernkrag. Ek kan egter verstaan hoekom hulle nie brandstof wou voorsien nie – In ander lande sou hulle heelwaarskynlik met ‘n boete geklap word omdat hulle hier brandstof voorsien het aan iemand wie hulle nie mag nie.
Op ‘n ander noot – ek het op ‘n skakel afgekom waar Shell wys hoe ons brandstofprys aanmekaar gesit is http:
http://www.shell.com/zaf/products-services/on-the-road/fuels/petrolprice.html
Die ANC moet nie nou kla nie – hulle was gewaarsku maar ore is min as hulle dollars sien! Die lewe bestaan uit meer as geld en aardse besitting – iets wat die ANC nooooooit gaan leer nie want hulle kan nie.
Ek hoop dat die regering en Shell se verhouding so sal versuur dat Shell nie sy weg oopsien om skaliegasontginning in die Karoo te doen nie.
ek dink zums moet die saak beredder en shell house teruggee aan die konings huis van Nederland, boikot die Kase,
Die doek koppe voorsien dan die wereld van olie, kon hulle nie n bietjie saambring nie.