praag.co.za

Tag: kernkrag

  • Media spring op Arktiese ysberg om ‘klimaatontkenners’ te verskree

    Media spring op Arktiese ysberg om ‘klimaatontkenners’ te verskree

    ‘n Reuse ysberg in die Antarktika, met ‘n oppervlakte van 5 800 km2, het op 10-12 Julie 2017 losgeskeur. Omdat die ysberg heeltemal van die Larsen C  ysbank losgekom het, het sommige Trump-kritici die “klimaatontkenners” blameer.

    Volgens die New York Times bevestig hierdie nuus die voorspelling van die Amerikaanse navorser John H. Mercer, wat in 1978 in Nature gepubliseer is. Die Noordpool, ‘n yslaag, gaan verdwyn omdat die klimaat warmer word. Ysbanke is uitgestrekte stukke ys wat op die see dryf, honderde meter dik, aan die rand van gletsers.

    Die New York Times het vergeet om te noem dat hierdie gebeurtenis niks buitengewoon is nie. In 1956 is ‘n ysberg ses keer die grootte van die onlangse een waargeneem wat van Antarktika afbreek het en in 1927 het ‘n ander ysberg vier keer die volume van die onlangse ysbank gebreek.

    Die hoofstroommedia se fopnuus het het aan die skree gegaan oor die “klimaatontkenners” nadat president Trump sy land van die Parys-klimaatooreenkoms onttrek het, maar ook in 1995 en 2002 is soortgelyke waarnemings oor ysbanke gemaak.

    Dan McGrath, ‘n gletserkenner aan die Colorado State University, het gesê dit is ‘n natuurlike verskynsel. “Dit is dus ‘n baie natuurlike deel van die proses wat ons hier sien.” McGrath het verskeie seisoene op die Antarktiese Skiereiland, spesifiek op Larsen C, in 2011 deurgebring.

    “Dit op sigself … hierdie potensiële uitkalwingsgebeurtenis is nie direk gekoppel aan klimaatsverandering nie,” het McGrath gesê. “Dit is nie direk gekoppel aan die verwarming van atmosferiese temperature in die atmosfeer van die skiereiland nie.”

    Aangesien daar geen data beskikbaar is vir die vorige eeue nie, is dit maklik om te beweer dat “mensgemaakte aardverwarming” te blameer is. Die NYT het die President Trump gekritiseer nadat hy van die Paryse-ooreenkoms onttrek het.

    Trump is sterk gekant teen die finansiële stelsel van ‘n steenkoolbeurs. Sy besluit is dus nie gefokus op die omgewing nie, maar op die finansiële stelsel wat in die naam van “klimaatsverandering” opgestel word. David Blood, ‘n voormalige direkteur van die beleggingsbank Goldman Sachs, en Al Gore, voormalige Amerikaanse vise-president, het die Carbon Exchange opgestel.

    Scott Pruitt, EPA-administrateur, het hierdie maand kritici van president Donald Trump se klimaatbeleid as geveinsdes afgemaak. Pruitt het die naam van die Duitse kanselier Angela Merkel spesifiek genoem. As die vermindering van koolstofdioksieduitset “so belangrik vir jou is, Mev die kanselier, hoekom raak jy ontslae van kernkrag? Toe ek die laaste keer gekontroleer het, is dit redelik skoon op CO2,” het hy gesê. Merkel is een van die mees geharde openbare ondersteuners van die Parys-klimaatveranderingsooreenkoms.

    Die VSA se onttrekking uit die Parys-klimaatooreenkoms is in werklikheid die Amerikaanse onttrekking uit die Koolstofwisselkredietstelsel wat sy uitvinders as ‘n geldmakende foefie ontwerp het om hulself te verryk. Die steenkoolbeurs wat deur Blood en Gore [sic] geskep het, se statute is opgestel deur niemand anders as Barack Obama nie, voordat hy president geword het.

    Pruitt meen die EPA moet by sy kernfunksies bly, insluitend die vermindering van lugbesoedeling, die skoonmaak van giftige afvalsterreine, die regulering van chemikalieë en die verbetering van watergehalte.

    Hy het gevra vir ‘n openbare televisie-debat oor klimaatswetenskap en bewerings verwerp dat hy ‘n “klimaatontkenner” is. “Wat beteken dit selfs? Dit is wat ek daaraan dink. Ek ontken die klimaat? Regtig? Wow, OK. Dit is gek, volgens my,” het hy gesê.

  • Eskom sal kernuitbreiding bestuur

    Eskom sal kernuitbreiding bestuur

    Die Minister van finansies, Pravin Gordhan het Woensdag bevestig in sy mediumtermyn-begrotingsraamwerk dat Eskom die betwiste kernverkrygingsprogram van die land sal bestuur.

    “Binne die raamwerk van die Geïntegreerde Hulpbronplan, is dit bevestig dat Eskom die voortou in die kernkraginisiatief sal neem,” het Gordhan gesê in die Parlement.

    Hy het bygevoeg dat die nasionale tesourie die verkrygingsproses sal monitor om te verseker dat dit deursigtig is en die belange Suid-Afrika dien.

    “Die Tesourie sal saam met die departement van [Openbare Ondernemings] Minister Lynne Browne werk om te verseker dat die skaal en infasering van die program in die beste belang van Suid-Afrika is en dat die reëlings van verkryging deursigtig is en in ooreenstemming met die wet.”

    Eskom se uitvoerende hoof, Brian Molefe, is ‘n voorstander van kernkrag en het in die afgelope weke gewaarsku dat Suid-Afrika nog ‘n verlammende tekort aan elektrisiteit sal ervaar binne ‘n dekade, tensy die program binnekort afskop.

    Hy het hernubare energie as ‘n geskikte alternatief verwerp en gesê dit kan nie aan basisaanvraagvereistes voldoen nie.

    Maar die nasionale tesourie het Molefe weerspreek in die mediumtermynbegrotingsrede.

    “Geïntegreerde hulpbronplanbeplanning moet rekening hou met die dalende koste van volhoubare energie en die moontlike gebruik vir die opwekking van basisaanvraagelektrisiteit,” luidens die dokument wat Gordhan ter tafel gelê het

    Nasionale Tesourie het opgemerk dat gevallestudies wat in Australië, Denemarke, Portugal en Brittanje gedoen is, bevind het dat dit haalbaar is om in die vraag na energie te voorsien deur hernubare bronne. Plaaslike studies het tot dieselfde gevolgtrekking gekom, het hy bygevoeg.

    “Hoewel wind en sonkrag-tegnologie in die algemeen krag voorsien in die tussenposes, kan dit oorkom word deur die koppeling van geografies verspreide aanlegte aan die netwerk. Buigsame tegnologie soos gasturbines kan gebruik word om die gapings te vul.”

  • Nigerië teken kernooreenkoms met Rusland

    Nigerië teken kernooreenkoms met Rusland

    Nigerië het `n kernkragooreenkoms met Rusland onderteken. Die koste van die projek is nie bekend gemaak nie.

    Die projek sal ook as `n veelvuldige toets vir navorsing met `n reaktor-kompleks dien.

    Nigerië sê die projek sal help met die gebruik van kerntegnologie op die gebiede van wetenskap, medisyne en landbou.

    Die direkteur-generaal van Nigerië se kernkrag-kommissie, Franklin Osaisai sê Rusland sal die kompleks ontwerp, bou en bedryf. Die reaktor by die stad Sheba-Abuja sal slegs tien megawatt krag opwek.

    Hy het opgemerk dat Nigerië, met sy groot bevolking, dit nie kan bekostig om die huidige geleentheid te laat verbygaan nie.

    Hy het ook erken dat die projek teen ‘n groot koste van $80 miljard sal opgerig word, maar het bygevoeg dat die koste nie met skoon energie en voldoende elektrisiteit kan vergelyk nie.

    Hoewel Nigerië ander bronne van energie het, sê Osaisai dat “gebalanseerde en gediversifiseerde energievoorsiening” noodsaaklik is “want dit is omgewingsvriendelik en lei tot ‘n beter bewaring van ander bronne”.

    Nigerië was eerste in Afrika om ‘n ondersoekreaktor te bou in 2004, een van Chinese-oorsprong by Ahmadu Bello Universiteit.

    ‘n Militante-groep het intussen vir die derde keer in ‘n week ‘n olie- en gasaanleg in Nigerië se toenenemd geweldgesteisterde en olieproduserende suide van die land aangeval.

    Nigerië se olie-infrastruktuur word met bomme gesaboteer wat veroorsaak het dat produksie van 2,2 miljoene vate per dag tot 1,4 miljoen vate per dag – die laagste in 20 jaar – gedaal het.

  • ANC Gauteng enigste wat Zuma wil uit hê

    ANC Gauteng enigste wat Zuma wil uit hê

    Die ANC in Gauteng onder aanvoering van Ronnie Kasrils, is klaarblyklik die enigste ANC-provinsiale streek wat pres. Zuma se bedanking eis.

    In Limpopo, Kwa­Zulu-Natal, Mpumalanga en die Vrystaat het die party egter hul steun vir Zuma bevestig.

    David Mabuza, premier van Mpumalanga, het volgens City Press se webwerf ook sy steun vir Zuma bevestig.

    ANC-lede sal Zuma selfs help om die Nkandla-geld terug te betaal as hy nie self kan nie.

    Geen ANC-tak in die Vrystaat sal ooit teen president Jacob Zuma gaan nie en vra hom om te bedank nie,” het die provinsiale woordvoerder, Thabo Meeko, Dinsdag gesê.

    Hy het gesê die party is nie geraak deur opposisiepartye se oproep aan Zuma om te bedank nie.

    “Opposisiepartye is gefrustreerd en bankrot en hul enigste program is om anti-ANC te wees. President Jacob Zuma is ontplooi deur die ANC en hy sal verwyder word deur die ANC en die mense van Suid-Afrika, nie opposisiepartye nie,” het hy gesê.

    Hy het gesê Zuma sal die land lei tot die volgende verkiesing.

    ANC-ondersteuners wat in Bloemfontein vergader het, het Zuma se lof besing en gesê hulle sal voortgaan om hom te ondersteun.

    ‘n Lid van die provinsiale uitvoerende komitee en die LUR vir onderwys, Tate Makgoe, het Zuma as ‘n leier met integriteit en nederigheid beskryf.

    Hy het ook gesê ‘n aanval op Zuma is ‘n aanval op die party.

    Daar was vroeër oproepe vir Zuma om te bedank, insluitend van ANC-lede soos Ronnie Kasrils, Zak Yacoob, Ahmed Kathrada, Cheryl Carolus en Trevor Manuel.

    “Ons sal die moontlikheid van ‘n plaasvervanger vir President Jacob Zuma nie oorweeg nie. Dit is nie net swak dissipline nie, dit is ook skelm,” sê die ANC se provinsiale woordvoerder Mdumiseni Ntuli.

    Ntuli het gesê die ANC in KZN weier om deel te wees van ‘n agenda wat bedoel is om verdeeldheid te saai.

    “As ‘n provinsie, is ons verenig agter die ANC en sy leierskap, insluitend president Jacob Zuma,” het Ntuli gesê.

    Saterdag het pro-Britse organisasies, kerke en aktiviste in Soweto byeengekom oor maniere om swartes op te steek sodat Zuma kan bedank.

    Die ANC se nasionale leiers vergader tans in die Oos-Kaap, waar hulle met takke oor die hofuitspraak vergader.

    Die druk op Zuma om te bedank het minder met die Grondwethofuitspraak oor Nkandla te make, as ‘n besluit om voort te gaan met die Russiese kernkragkontrak. Dit sal Suid-Afrika loswikkel uit Brittanje se greep.

  • Terroriste teiken Belgiese kernsentrales

    Terroriste teiken Belgiese kernsentrales

    ‘n Belgiese koerant La Dernière Heure beweer dat Dinsdag se terreuraanvalle oorspronklik by ‘n kernaanleg beplan is.

    Dit blyk dat 11 werkers by die Tihange-kernkragsentrale, 40 myl suidoos van Brussel, se toegangskaarte gekanselleer is.

    Dit het gelei tot spekulasie dat die selfmoordbommers besig was om werknemers binne die sentrale te probeer werf.

    Sewe van die toegangspasse is verlede week teruggetrek, en verlede Vrydag is bykomende soldate ontplooi om die aanleg, wat drie reaktors het, te beskerm.

    ‘n Terreuraanval sou ‘n katastrofe veroorsaak het want dit is geleë in ‘n dig bevolkte gebied binne bereik van Duitsland, Frankryk, Nederland en Luxemburg.

    Claude Moniquet, wat bedreigings ondersoek in die kernsektor in Europa, het aan NBC News gesê: “Die terroristesel het naïef geglo hulle kan iemand gebruik om ‘n laboratorium binne te dring om kernmateriaal te bekom om ‘n vuilbom te maak.”

    Die DH sê ook die teikens is moontlik verander ná inhegtenisnemings in Brussel verlede week.

    Bewyse bestaan dat ISIS ‘n senior Belgiese kernwerknemer reeds geruime tyd dopgehou het.

    Die Belgiese sekuriteitsdienste het in 2009 na agtergrondondersoek voltooi vir ‘n nuwe inspekteur by die Doel-kernkragsentrale, sowat ‘n uur se ry van Brussel.

    Soos ander inspekteurs, het Ilyass Boughalab toegang tot die aanleg se sensitiewe areas gehad. Hy het vir drie jaar as ‘n kerntegnikus gewerk voordat hy na Sirië vertrek het in 2012 om by die terroriste-groep van die Islamitiese staat aan te sluit.

    Hy is twee jaar later dood in gevegte daar om die wettige regering omver te werp.

    Polisielede het kort voor die jongste aanvalle in Brussel tydens ‘n klopjag op gewapende mans in ‘n woonstel afgekom wat in verband met die ondersoek na die Parys-aanvalle deursoek is.

    Een van die mans, ‘n Algerynse burger, is in ‘n skietery met die polisie dood.

    Dit het ook daartoe gelei dat die hoofverdagte in die Parys-aanvalle, Salah Abdesalam, en nog ‘n vermeende militant vasgetrek is.

    Die Belgiese polisie het intussen ses mense in hegtenis geneem in verband met die gekoördineerde terreuraanvalle in Brussel waarin 31 mense dood is.

    Die inhegtenisnemings volg na polisie-klopjagte in drie woonbuurte in die Belgiese hoofstad.

    Sowat 270 mense is beseer in die aanvalle op die Brussel lughawe en treinstasie, waarvoor ISIS verantwoordelikheid aanvaar het.

    In Frankryk is ‘n man ook in hegtenis geneem, wie volgens die polisie ‘n komplot beplan het wat reeds in ‘n gevorderde stadium was.

    Die Franse minister van binnelandse sake, Bernard Cazeneuve, sê ‘n Franse burger, wat aan ‘n militante netwerk behoort, is in hegtenis geneem vir ‘n beplande aanval in die land.

    Hy sê die inhegtenisname het die komplot gefnuik.

    Franse polisie sê ‘n klopjag is na die man se inhegtenisneming op ‘n woonstelgebou in die Argenteuil-woonbuurt in Parys uitgevoer, waar plofstof onder meer gevind is.

  • Pravin Gorhan weer minister van Finansies

    Die eertydse minister van Finansies, Pravin Gordhan sal Maandagoggend om tienuur vir ‘n tweede keer in sy pos ingehuldig word.

    Die huidige minister, David van Rooyen word na Gordhan se ou portefeulje, Samewerkende Regering en Tradisionele Sake verskuif.

    Gordhan was voorheen minister van Finansies van Mei 2009 tot Mei 2014.

    President Jacob Zuma se aankondiging volg na felle kritiek uit alle oorde teen die aanstelling van Van Rooyen.

    Zuma het glo talle voorleggings ontvang om sy besluit te heroorweeg.

    Die rand het na die aankondiging van Gordhan se terugkeer na Finansies met bykans vyf persent gestyg.

    Ekonome sê die aanstelling van Gordhan as Minister van Finansies gaan help om vertroue in die ekonomie te herstel, hoewel die skade reeds gedoen is.

    Om terug te keer na waar die ekonomie `n week gelede was, gaan volgens ontleders, nie sommer gebeur nie. Vertroue sal eers herstel word as daar `n verandering in leierskap is, meen hulle.

    Die rand het drasties verswak nadat Zuma verlede week aangekondig het dat David van Rooyen in die plek van Nhlanhla Nene aangestel word.

    Die Reserwe Bank sal moontlik nog verplig word om rentekoerse aanstaande jaar te verhoog.

    Die leier van die DA, Mmusi Maimane sê enige minister van Finansies moet kan standpunt inneem teen President Zuma om te keer dat sekere besteding goedgekeur word.

  • Cosatu waarsku David van Rooyen oor kerntransaksie

    Cosatu waarsku David van Rooyen oor kerntransaksie

    Cosatu het Donderdag die nuwe minister van finansies, David van Rooyen, gemaan dat hy nie behoort voort te gaan met die staat se beplande kernkragtransaksie nie.

    Die Franse Areva-kerntender vir Eskom is pas deur ‘n appèlhof ter syde gestel.

    Volgende maand sal die reuse kernkragtender aan die Russe, onder aanvoering van Tina Joemat-Pettersson, die minister van energie, beslis word.

    Joemat-Pettersson sê die tender moet reeds voor die begin van die volgende finansiële jaar in April aan die suksesvolle bieër toegeken word.

    Die vorige minister van finansies Nene was gekant teen die beplande tender en het in ‘n onderhoud gesê die regering se plan om 9,600MW van kernkragkapasiteit te bekom, sal eers goedkeur word as dit bekostigbaar is.

    Ontleders meen Nene is in die pad gesteek oor sy besware. Die waarde van die kernkragtransaksie sal na verwagting tussen R650 miljard en R1000 miljard wees.

    Kommer heers in sekere kringe oor die kernkragplanne wat deur die presidensie ondersteun word, omdat dit reuse geopolitieke implikasies het.

    Gordon Mackay, die DA se woordvoerder oor energie, het Donderdag gesê Zuma se besluit om ontslae te raak van Nene hou direk verband met Nene se teenstand teen die kernkragplanne.

    Die tesouriedokument waarin die finansieringsmodel vervat is, is steeds geklassifiseer sodat die portefeuljekomitee oor energie nog nie insae daarin gehad het nie.

    Die kernkragkontrak wat Suid-Afrika met Rusland wil sluit, sal glo mbv ‘n leningskema gefinansier word.

    Alhoewel die SAL-kontrak van R6 miljard voorgehou word as die rede waarom Zuma van Nene ontslae geraak het, meen ontleders dat die kernkontrak die werklike rede is.

    In ANC-besprekingsdokumente voor sy nasionale algemene raadsvergadering het die party verklaar dat ‘n deursigtige bekostigbaarheidstudie oor kernkrag gedoen behoort te word.

    Wat duidelik is, is egter dat sulke besluite weens politieke oorwegings geneem sal word.

  • Regbank straf Franse Areva oor Eskom-tender

    Regbank straf Franse Areva oor Eskom-tender

    Die Amerikaanse firma Westinghouse se kanse om ‘n reuse Eskom-tender te bekom het aansienlik verbeter nadat die Appèlhof ‘n tender aan die Franse kernmaatskappy, Areva, ter syde te stel het.

    Britse en Amerikaanse invloedsmouse het die beslissing verwelkom wat Eskom se toekenning aan Areva in die wiele ry.

    Die DA het gesê dit is ‘n bewys van grootskaalse “tenderkorrupsie” by die maatskappy, alhoewel dit wil voorkom asof die beslissing dui op ‘n politieke keuse van die regbank teen Frankryk en nie geskoei is op gesonde regsbeginsels nie.

    ‘n Woordvoerder oor Energie, Gordan Mackay, het selfs die besluit van die Appèlhof verwelkom omdat dit die politieke inmenging in die toekenning van tenders aan Hitachi vir die bou van die Medupi kragstasie omkeer.

    Hy het vermoedens bevestig dat die afdanking van Nene as Minister van Finansies verband hou met die staat se kerntenders.

    Die tender van sowat R5 miljard wat Eskom aan die Franse kernmaatskappy Areva toegeken het, is deur ‘n direkte mededinger, die Toshiba-filiaal Westinghouse uitgedaag.

    Eskom wil hê dat Areva die ses stoomkragopwekkers vervang by die Koeberg-kragstasie. Westinghouse was Areva se enigste mededinger, maar het in Maart ‘n hofstryd teen Areva verloor. Hulle het toe teen die beslissing geappelleer.

    Woensdag se uitspraak het gehandel oor Eskom se besluit om weens “strategiese” faktore die tender toe te ken.

    Areva en Westinghouse was die enigste bieërs wat aan die tegniese kriteria kon voldoen, daarom sal Westinghouse outomaties die tender kon ontvang na die jongste uitspraak.

    Eskom het die tender in Augustus verlede jaar aan Areva gegee as gevolg van strategiese oorwegings wat insluit dat Areva die oorspronklike vervaardiger van die toerusting by Koeberg was en oor meer ervaring beskik.

    Areva het daarbenewens ‘n gedetailleerde skedule vir die voltooiing van die werk met hulle tenderaansoek ingehandig met slegs ‘n drie-maande-marge wat toelaat vir foute, iets wat Westinghouse nie kon ewenaar nie.

  • Begrotingsyfers laat ekonome verward

    Die kans op belastingsverligting vir besighede en individue volgende Februarie lyk bitter skraal.

    Dit is volgens ekonoom André Mellet en volg nadat die Minister van Finansies, Nhlanhla Nene, Woensdagmiddag in die parlement sy aansuiweringsbegroting ter tafel gelê het.

    Volgens Mellet verskil die syfers wat Nene in sy Februarie begrotingsrede vanjaar verskaf het, hemelsbreed met díé wat hy vandag voorgelê het, met die inkomste wat hy voorsien R119 miljard laer as voorheen gaan wees.

    Verder, sê Mellet, verskil sy beramings van uitgawes vir die huidige boekjaar met R105 miljard.

    Mellet meen met dit alles inaggenome, sowel as die druk vanaf die regering om gratis onderwys te verskaf en die gesondheidsektor te finansier, is kanse op belastingsverligting volgende jaar hoogs onwaarskynlik.

    R200 miljoen is opsygesit vir die regering se kernkragprogram omdat elektrisiteitsvoorsieningsprobleme die jaarlikse bruto nasionale produk tot een persentasiepunt aan groei kos, het die minister gesê.

    Nene het gesê Medupi, wat reeds 800 MW aan die elektrisiteitsverskaffingsnetwerk voeg, het die druk intussen verlig.

    Hy het gesê die tesourie en die departement van energie bekyk voorstelle en finansieringsopsies om bykomende kernkragkapasiteit te bou.

    ‘n Samewerkingsooreenkomste is vanjaar met onder meer Rusland se Rosatom gesluit vir kernaanlegte.

    Wetgewing is nodig om voorsiening te maak vir die bestuur van staatsondernemings soos SAL wat in die moeilikheid is, het Nene gesê.

    Die SAL moontlik eers oor 5 jaar winsgewend wees al word al die tesourie se huidige maatreëls om die lugdiens te verbeter suksesvol toegepas.

    Die staat het ’n waarborg van R14,4 miljard aan SAL toegeken waarvan R11,4 miljard reeds opgebruik is.

  • Madelein Louw: Poetin, Zuma en Verwoerd se ‘nukes’

    Madelein Louw: Poetin, Zuma en Verwoerd se ‘nukes’

    Sodra koerante na ‘nukes’ verwys, laat dit lesers aan atoombomontploffings en kernoorlog dink. Daarom gebruik wit beheerde liberale koerante in Suid-Afrika die woord “nukes” met opset wanneer hulle na Poetin en Zuma se kernkragvoorstelle verwys.

    Hoofstroom- wit beheerde koerante in Suid-Afrika, beide Engelse en Afrikaanse meningsvormers, is deurgaans grensloos beledigend anti-Poetin en anti-Zuma. Poetin en Zuma laat hulle egter nooit-ooit onderkry deur liberale politieke opponente nie. Poetin en Zuma het vir verskeie jare onvermoeid saamgewerk aan Suid-Afrika se grootskaalse kernkragprogram.

    Drie persone moet al die krediet kry vir Suid-Afrika se komende kernkragbouprogram. Hulle is Mnr Poetin, Mnr Zuma en Dr Verwoerd.

    Dr Verwoerd het Suid-Afrika se kernnywerheidsbedryf beplan en Zuma se kernprogram moontlik gemaak. Tydens die NP-Broederbondbewind is die eerste twee grootskaalse kernkragreaktore gebou, asook hulle brandstofstaafvervaardigingsaanleg, ook lae- en hoë-uraanverrykingsaanlegte, asook wereldklas- medisinale isotoopreaktors soos SAFARI I en II.

    Danksy Verwoerd en die Afrikanerstaat, is Suid-Afrika in 2015 gereed vir Poetin en Zuma se kernkraguitbreidingsprogram. Alle regulasies, kodes, kundigheid, fasiliteite, prosesse en organisasies is in plek, danksy die bedryf en instandhouding van die NP se Koeberg- en Pelindaba-aanlegte, asook die Afrikanerkernkragkorrelbedprogram. Die gesonde Suid-Afrikaanse kernbedryf se personeelsamestelling voldoen nie aan die ANC se dom regstellende-aksie-kwotas nie, en danksy Zuma word kundige blanke werknemers in spesialisposte beskerm.

    Poetin het in 2005 persoonlik ingegryp by Rusland se kernkragreaktorontwerp. Met behulp van Duitse vriende soos die destydse kanselier Shroeder, het Poetin gesorg vir die modernisering, optimisasie en standardisasie van ‘n Afrika-en Japan-bestande kernkragreaktor, die VVER1200-TOI met vele Duitse tegnologie-insette. TOI staan vir Technology Optimised for Information, en die reaktorbedryf word vanuit Rusland gemonitor, maak nie saak waar op aarde die reaktore gebou is nie.

    Soos wat Verwoerd die vader was van Suid-Afrika se wêreldbeste kernbedryf, so is Poetin die persoonlike vader van die wêreld se beste kernkragreaktor- en kernkragvoorsieningsketting.

    Poetin het persoonlik seker maak dat die veilige VVER1200 vinnig en foutloos opgerig kan word. Europese maatskappye soos Outokumpu verkies nou Poetin se reaktor bo die duur EPR1500 van die Europese Areva. Areva is bankrot en sonder nuwe reaktorbestellings. Met die EPR1500 het Areva al die konsepsuele fout gemaak wat Poetin spesifiek vermy het met sy VVER1200. Vir Poetin was ‘n internasionaal suksesvolle VVER1200 persoonlik lewensbelangrik, asook ‘n vereiste vir die ekonomiese oorlewing van Rusland.

    Poetin bied verskeie finansieringsmodelle aan kliënte. Dit is ‘n feit dat laertemperatuurstoom en laerdrukstoomkernaanlegte se basisladingkrag vir die eerste 20 jaar 20% duurder is as die meer effektiewe superkritiese-stoommynmondsteenkoolaanlegte soos Medupi en Kusile, maar vir die volgende 40 jaar daarna is hulle 50% goedkoper.

    Suid-Afrika se kusstede het nie steenkoolmyne nie, en daarom het Verwoerd en die Nasionale Party vir Kaapstad, Bantamsklip naby PE, en Gansbaai gesoneer om basisladingkrag aan kusstreke te lewer.

    Met die ultrahoëspanninglangafstandkragtransmissiekabel wat die NP-regering tussen die Kaap en Transvaal gebou het, kan kernkragaanlegte aan die Kaapse kus ook nou krag na die binneland van Afrika uitvoer teen wins.

    Poetin het aan Zuma ‘n wêreldbeste aanbod gemaak. Suid-Afrika word nou reeds deel van Rusland se globale kernvoorsieningskanaal, en agent vir VVER-aanlegte in Afrika. Boonop sal Poetin vir Zuma help om weer kernbrandstof in Pelindaba te vervaardig, asook om Suider-Afrikaanse uraan weer in Pelindaba te verryk.

    Vir Zuma en sy Zoeloe-binnekring van Zoeloeland in hulle strategies geleë KZN-magsbasis, is dit van absolute langtermynoorlewingsbelang om nie soos Gadaffi van Libië weerloos teen VSA-bomdreigemente te wees nie.

    Iran het nou deur sy Russies gesteunde kernkragprogram bewys dat dit moontlik en relatief maklik is om Libië-tipe bombardemente en regeringsomverwerping deur die VSA en Europa te vermy.

    Danksy Verwoerd en Afrikanerkundigheid, en danksy Poetin, gaan Zuma probeer om van Zoeloeland en D’Urban ‘n langtermynmagsbasis in Suider-Afrika te maak.

    Alhoewel meer kernkragstasies langs die koue kus die DA in die Kaap op die lange duur onafhanklik van Eskom-steenkoolkrag uit die ou Transvaal maak, en die ou Kaapkolonie dus polities onafhanklik van die ANC kan maak, stry die DA en hulle liberale Afrikanerondersteuners in die Wes-Kaap tans kortsigtig teen basisladingkernkrag.

    Zuma het egter die kernkragprogram met Poetin meesterlik hanteer, en selfs die Chinese aanbod van Amerikaans gelisensieerde reaktore getroef, deur China ook in die Zuma-Poetinprogram vir Afrika in te lyf. Poetin het die konsep van ‘n globale voorsieningsketting briljant vir bemarking gebruik. Dit is ‘n wen-wen-wenprogram vir Zuma, Poetin en Xi, en verloor-verloor vir Europa en Amerika.

    Wat sou Verwoerd hiervan gedink het?

    Tydens Verwoerd se bewind het Frankryk se soewereine president, Charles de Gaulle, ‘n anti-Amerikaanse en anti-NAVO-beleid gevolg, en die NP-Suid-Afrika met onder meer kernkragtegnologie gehelp. Koeberg is een gevolg daarvan.

    Sonder enige twyfel sou Verwoerd vandag ook ten nouste met Rusland se Poetin saamgewerk het.

    En wat sou Verwoerd van die tradisionele Zoeloe Zuma se kernkragprogram gedink het?

    Weens Harry Oppenheimer en Harry Shwarz se invloed oor en advies aan Buthelezi, het Zoeloeland nooit staatstatus en internasionale erkenning bereik nie. Hierdie feit kan gesien word as die rede vir die mislukking van Groot Apartheid as veelvolkige konfederasie en geïntegreerde kontinentale superstreeksmag. Hierdie einste mislukking het gelei tot ‘n traumatiese groot magsvermindering van Zoeloemag in Zoeloeland-KZN, wat geëindig het in die Tweede Zoeloeburgeroorlog van die 1990’s met tienduisende ongevalle.

    Jacob Zuma self was deurslaggewend in die beëindiging van die Tweede Zoeloeburgeroorlog, en die herrysing van Zoeloeland-KZN as ‘n Suider-Afrikaanse magsbasis.

    Histories, van die 19de tot die 21ste eeu, en geopolities gesien, sedert die dae van Andries Pretorius, deur na HF Verwoerd, FW de Klerk en tot vandag toe, is Zoeloemag gelyktydig gekorreleer met Afrikanermag en omgekeerd.

    Rusland en Poetin beteken vandag meer vir Afrikanerpolitiek as Rusland tydens die ABO. Zuma en Zoeloeland se soewereiniteit en langtermynoorlewing is afhanklik van Denel se winsgewende Afrikanerwapentegnologieverkope en NECSA se Afrikanerkernkragkundigheid.

    Al is Afrikanerkultuurskeppers- en waardeerders vandag magteloos en staatloos, dit wil sê sonder die vermoë tot effektiewe aksie, beënvloed hulle verlede vandag steeds die geskiedenis, grotendeels deur middel van Zuma as tradisionele Zoeloe wat van Zoeloeland-KZN ‘n politieke magsbasis gemaak het – dít wat apartheidteenstanders en Afrikaneropponente juis wou verhoed.

    Vir tradisionele Westerlinge wat glo aan identiteitslewe na die dood, sou mens kon skryf dat Verwoerd en PW tans waarneem: Zoeloe Zuma doen nou presies wat ons as Afrikaners ook sou gedoen het.

  • DA wil Russiese kernooreenkoms teenstaan

    Die Demokratiese Alliansie is van plan om die kernooreenkoms teen te staan. Die party het Sondag op ‘n nuuskonfrensie na die federale vergadering in Durban, onderneem om op hernubare energie te fokus.

    Die leier van die DA, Mmusi Maimane sê Suid-Afrika moet begin om in alternatiewe energie te belê.

    Onafhanklike kragvoorsiening sal egter die noodsaaklikheid van die Russiese triljoenrand-kernkragooreenkoms knou.

    Kenners meen die Russiese kernooreenkoms is bloot gemik op ANC-kaderverryking op ’n skaal wat die wapenskandaal en Nkandla na kinderspeletjies sal laat lyk.

    Die departement van Energie weier steeds om te reageer oor vroeëre berigte dat president Jacob Zuma die beheer oorgeneem het van ‘n kernooreenkoms van een-triljoen rand met Rusland.

    Die ooreenkoms is regstreeks met Rusland se president Vladimir Putin beding en die minister van Energie, Tina Joemat-Pettersson, het glo opdrag gekry van die president om dit te onderteken.

    Volgens die DA sal kompetisie vir Eskom die ANC se kaderverrykingskemas, wat afhanklik is van die yslike bouprojekte by Medupi- en Kusile-kragsentrales, in die wiele ry.

    Mededinging van alternatiewe kragvoorsieners sal die ANC se frontmaatskappy, Chancellor House, se beleggings namens Eskom ook ondermyn.

    Chancellor House kon reeds honderde miljoene van belastingbetalers se geld vir die ANC afskep deur sy aandeelhouding in Hitachi, kontrakhouer vir die vervaardiging van stoomketels vir die mega-kragopwekkers.

    President Zuma het op 12 Februarie in sy staatsrede ’n 9-punt-plan aangekondig tot 2019, wanneer sy tweede termyn eindig, wat as handleiding vir sy administrasie sal dien wat onder meer sy verbintenis tot die Russiese kernkontrak insluit.

    Eskom se monopolie sal behou word weens die Wysigingswetsontwerp op die Ontwikkeling van Minerale en Petroleumbronne wat ter tafel gelê is.

    Dié wetsontwerp sal gas-eksplorasiepogings smoor en sodoende die noodsaak vir sluiting van die Russiese kernooreenkoms versterk.

    Volgens die DA is die uitstaande kenmerk van 9-punt-plan die groot aantal beslissende take wat aan “maatskappye in staatsbesit” toegeken sal word.

    Onder die dekmantel van ’n “ontwikkelingstaat” en “energiebehoeftes” word geleenthede vir kaderverryking dus vermenigvuldig.

    Die leier van die EFF, Julius Malema het die ANC intussen skerp aangeval.

    Hy het duisende EFF-ondersteuners gister toegespreek tydens die party se tweede bestaansjaarvieringe by ‘n saamtrek in Rustenburg.

    Adjunkpresident Cyril Ramaphosa het ook onder skoot gekom. Malema het voorts beweer dat die Eskom-krisis, wat tot gereelde beurtkrag lei, opsetlik veroorsaak word.

    Malema het beurtkrag as een van die ANC-regering se mislukkings beskryf.

  • SA reg vir nuwe kernbouprogram sê Necsa

    Suid-Afrika sal sy kernbouprogram, wat groot kapitaalbeleggings in kernkragsentrales beteken, met behulp van sy bestaande vermoëns uitbrei.

    Die Suid-Afrikaanse Kernenergiekorporasie (Necsa), sê hulle is gereed om die nuwe kernbouprogram vir Suid-Afrika te steun.

    Die adjunk-direkteur-generaal van die Departement van Energie belas met kernkrag, Zizamele Mbambo, het dit bevestig tydens ‘n besoek saam met die portefeuljekomitee rakende energie wat die Suid-Afrikaanse Kernkorporasie naby Atteridgeville in Pretoria besoek het.

    Die komitee wil die gereedheid van die korporasie vasstel voor die inwerkingstelling van die kernbouprogram.

    Die bodproses vir die transaksie, wat honderde miljarde rand kan beloop, sal die maand nog begin.

    Mbambo sê die regering se kernkragplanne word vervat in die kernenergiebeleid van 2008 waarvolgens die land beoog om selfonderhoudend ten opsigte van kernkrag te wees.

    Necsa het gesê dat die nuwe kernbouprogram sal nie alleen bydra tot energiesekuriteit nie, maar ook ekonomiese groei, die ontwikkeling van infrastruktuur, asook die ontwikkeling van vaardighede en werkskepping.

    “Die belangrikste is, en in lyn met die huidige wêreldwye konsensus, dat kernkrag sal bydra tot die vermindering van Suid-Afrika se koolstofvoetspoor. Kernkrag is die sleutel in die stryd teen klimaatverandering.”

    Rusland se regering sê hulle is gereed om Suid-Afrika se nuwe kernkragsentrales te help finansier – wat na raming soveel as $100 miljard kan kos – indien die staatsbeheerde Rosatom die konstruksietender kry.

    Rosatom het reeds verskeie befondsingsmodelle voorgestel, het Viktor Polikarpof, die streeksvisepresident vir Suidelike Afrika, vroeër gesê in ‘n onderhoud in Kaapstad. Een voorstel is ‘n Russiese lening.

    Die lening sal oor 20 jaar afbetaal kan word en Suid-Afrika sal eers begin terugbetaal wanneer die eerste aanleg in bedryf is, het hy gesê.

    “Die rentekoers wat die [Russiese] regering bied, is nie baie hoog nie, en dit is regtig winsgewend,” het Polikarpof gesê. “Mens sal nie hierdie rentekoers op enige ander plek, by enige ander bank kry nie.”

    Suid-Afrika beplan om 9600 megawatt se kernkrag te voeg by die nasionale netwerk en wil die eerste reaktors teen 2023 in werking stel, ‘n teiken wat Polikarpof sê haalbaar is.

  • Magsbalans in Midde-Ooste verander na Iran-ooreenkoms

    Magsbalans in Midde-Ooste verander na Iran-ooreenkoms

    Die kernooreenkoms wat dié week in Wene deur Iran en ses groot moondhede bereik is, sal waarskynlik die magsbalans in die Midde-Ooste verander.

    Ná ‘n dekade van onderhandelinge wat met tye aan die gang was, maar telkens op ‘n dooie punt uitgeloop het, kon onderhandelaars van die Internasionale Atoomenergie-agentskap ‘n strategiese plan onderteken om lig op huidige en toekomstige uitstaande kwessies te werp.

    Ingevolge die ooreenkoms sal sanksies opgeskort wat deur Amerika, die Europese Unie en die Verenigde Nasies teen Iran ingestel is. Dit is in ruil vir Irak se instemming tot langtermynbeperkinge op sy kernprogram.

    Die ooreenkoms is ‘n groot politieke oorwinning vir sowel pres. Barack Obama van Amerika en Iran se pres. Hassan Rouhani, ‘n pragmatis wat twee jaar gelede verkies is met die belofte om Irak se diplomatieke isolasie te beëindig.

    Albei presidente het te staan gekom voor skeptisisme tuis ná dekades van vyandigheid tussen die lande. Die lande het onder meer na mekaar as “die groot Satan” en “’n lid van die spil van boosheid” verwys.

    Die finale ooreenkoms in Wene volg ná drie weke van intensiewe onderhandelinge tussen Amerika se minister van buitelandse sake, John Kerry, en Irak se minister van buitelandse sake, Mohammad Javad Zarif.

    Westerse diplomate sê ingevolge die finale ooreenkoms het Iran ‘n “terugspring”-meganisme aanvaar waarvolgens sanksies binne 65 dae weer ingestel kan word indien Iran nie die ooreenkoms nakom nie.

    ‘n Wapen-embargo van die VN sal vir vyf jaar duur en die verbod op die aankoop van missieltegnologie sal vir agt jaar van krag wees.

    Teenkanting teen die ooreenkoms van Washington se grootste bondgenoot in die Midde-Ooste, naamlik Israel, was uit die staanspoor te wagte.

    “Hierdie ooreenkoms is ‘n geskiedkundige oorgawe deur die Weste aan die ‘spil van boosheid’ onder leiding van Iran,” het Israel se adjunkminister van buitelandse sake, Tzipi Hotovely, in ‘n boodskap op Twitter gesê. “Israel sal alles in sy vermoë doen om te verhoed dat die ooreenkoms bekragtig word.”

    Die dramatiese verklaring deur Israel se premier Benjamin Netanyahu voor wêreldleiers in 2012 by die VN se Algemene Vergadering dat Iran binne ‘n jaar ‘n kernbom sal vervaardig, is egter weerspreek deur sy eie geheimediens.

  • Ramaphosa na China vir hoëvlakbesoek

    Adjunk-president Cyril Ramaphosa en ’n afvaardiging van ministers en staatsamptenare het op ’n amptelike besoek na China vertrek.

    Hy voer Dinsdag onder meer samesprekings met China se vise-president Li Yuanchao.

    Onder die Suid-Afrikaners is ook die minister van Openbare ­Ondernemings, Lynne Brown, en die minister van Hoër Onderwys, Blade Nzimande.

    Die presidensie sê in ‘n verklaring die besoek sal fokus op ekonomiese en handels-aangeleenthede en spesifiek hoe staatsinstellings gebruik kan word om ekonomiese groei te bevorder en armoede en werkloosheid te verminder.

    Handel tussen Suid-Afrika en China — Suid-Afrika se grootste handelsvennoot — het van 118-miljard rand in 2009 tot 271-miljard rand in 2013 gegroei.

    Dit het in 2014 tot 261-miljard rand gedaal.

    China het intussen aangebied om Suid-Afrika se vaardighede in kerntegnologie sonder enige voorwaardes te ontwikkel.

    Die aanbod is gemaak tydens bilaterale sameprekings in Beijing, met Rusland en China wat as die voorlopers vir ‘n nuwe kernkrag-projek in Suid-Afrika beskou word.

    Die samesprekings het plaasgevind kort voor Ramaphosa se besoek aan die land. Hy sluit Vrydag sy besoek af.