kernwapens – praag.co.za

Turke laat gevangenes vry om plek te maak vir ideologiese vyande

Turkye het Woensdag nagenoeg 38 000 gevangenes ingevolge strafregtelike hervormings vrygelaat.

Turkse gevangenisse is onder kwaai druk sedert duisende mense ná verlede maand se mislukte staatsgreep aangekeer en aangehou is.

Die hervormings is Woensdag by wyse van twee dekrete aangekondig. Geen redes is deur die owerheid verskaf nie, maar dit is duidelik dat die gevangenisse oorvol is na inhegtenisnemings wat op die onlangse mislukte staatsgreep gevolg het.

Turkye se Westerse bondgenote is bekommerd dat pres. Tayyip Erdogan se optrede ná die staatsgreep afvalliges teiken.

Turkse amptenare het woedend gereageer oor kommer oor die stabiliteit van die Noord-Atlantiese Verdragsorganisasie (Navo) en hou vol dat die owerheid bloot van ’n ernstige interne bedreiging ontslae raak.

Joernaliste, onderwysers, prokureurs en regters word tans in verband met mislukte staatsgreep verlede maand aangehou onder die noodtoestand wat afgekondig is.

Minstens 40 000 mense word aangehou, dikwels in sportstadions. sowat 100 media-organisasies is ook gesluit.

Die Amerikaanse lugmag het in ‘n verklaring gesê hulle sal nie hul kernwapenarsenaal verskuif uit die Incirliklugmagbasis in Adana, Turkye nie.

Die Turke het die basis se kragvoorsiening vroeër afgesny en die basisbevelvoerder gearresteer.

Die Amerikaanse lugmagsekretaris, Deborah Lee James sê dit is “kommerwekkend omdat so baie lede van die [Turkse] leierskap weg is, gaan dit hulle tyd neem om nuwe leiers te kweek en te vervang”.

Sy het bygevoeg: “Incirlik is ‘n belangrike plek, en Turkye algeheel is ‘n baie belangrike bondgenoot.”

Noord-Korea meen Trump is ‘n wyse keuse

Noord-Korea het sy steun toegesê aan Donald Trump, wat waarskynlik die Republikeinse Party se presidentskandidaat in vanjaar se presidentsverkiesing in Amerika gaan wees.

Trump sal volgens die Noord-Koreane Amerikaners bevry aangesien hulle daagliks in vrees vir ’n kernbomaanval deur Noord-Korea leef, het Reuters berig.

Op DPRK Today, een van die regering se mondstukke, word Trump as ’n “wyse politikus” en die regte keuse vir Amerikaners op 8 November beskryf.

Hillary Clinton, wat waarskynlik die Demokratiese Party se kandidaat en Trump se teenstander sal wees, is hardkoppig genoem weens haar voorstel om wye sanksies in te stel om die vraagstuk oor kernwapens op die Koreaanse skiereiland op te los.

Trump het vantevore gesê hy is bereid om met Kim Jong-oen, Noord-Koreaanse leier, te onderhandel om ’n einde aan Noord-Korea se kernprogram te maak en dat China ook betrokke moet raak om ’n blywende oplossing te vind.

Die Verenigde Nasies het sanksies teen Noord-Korea weens sy kernwapentoetse ingestel.

Suid-Korea en Amerika het te kenne gegee gesprekke oor die kwessie is nutteloos as Noord-Korea nie stappe doen om sy kerntoetse te beëindig nie.

DPRK Today het ook gesê Trump se voorstel om die VSA se soldate aan Suid-Korea te onttrek, die regte manier is om die twee Koreas te verenig.

“Onderhandeling is die beste opsie. Dit blyk Trump is nie die rowwe, onkundige kandidaat wat hulle sê hy is nie, maar ’n wyse politikus,” het Han Yong Muk, ’n Koreaanse akademikus in China, geskryf.

Noord-Korea se missieltoets misluk

Noord-Korea het verlede week ‘n tweede poging in twee weke aangewend om ‘n kragtige middelafstand ballistiese missiel te toets.

Suid-Korea se ministerie van verdediging sê die toets het egter misluk.

Die Musudan-missiel is sover bekend van Wonsan aan die ooskus van die land afgevuur, maar het sekondes na lansering neergestort.

Die mislukte toets het plaasgevind terwyl die land voorberei vir die kongres van die regerende party, waar die leier, Kim Jong-Un, geloof sal word vir die “nuwe hoogtes” wat die land se kernwapenprogram bereik het.

Toenemende kommer heers dat Pjongjang besig is met voorbereidings van ‘n vyfde kerntoets.

Bestaande resolusies van die Verenigde Nasies verbied Noord-Korea om enige ballistiese missielverwante tegnologie te gebruik.

Kerry vra nie om verskoning vir Hirosjima nie

John Kerry het die week die eerste Amerikaanse minister van buitelandse sake geword om sy respek by die Hirosjima-gedenkteken vir die slagoffers van die 1945 Amerikaanse kernaanval te betoon.

Dit was egter ‘n balanseertoertjie van “respek” en “geen berou” nie.

Hy het die museum bestempel as iets wat “’n mens se maag laat draai” en “‘n herinnering om aan die noodsaaklikheid van ‘n wêreld vry van kernwapens” te werk.

Kerry se besoek is deur vredesaktiviste in Japan beskryf as ‘n vyeblaar vir Amerikaanse planne om hul kernwapenarsenaal op te knap.

Op ’n voorstel van Kerry het die ministers ook ’n impromptu besoek gebring aan die atoombom-koepel, die skeletagtige oorblyfsels van ’n struktuur wat naby die hiposentrum van die bomontploffing was, en nou ’n Unesco wêrelderfenisplek is.

Maar in plaas van die voortsetting van die onderhandelinge met die Russe en ander kernmagte vir die wêreldwye afskaffing van kernwapens, beplan die VSA tans ‘n totale opknapping van sy kernwapenprogram, insluitend nuwe generasies van kernplofkoppe, bomwerpers, landgebaseerde missiele, en duikbote.

Die geprojekteerde van die opknapping oor die volgende 30 jaar word beraam op $1 triljoen.

VSA stel nuwe sanksies teen Iran in

Iran het nuwe Amerikaanse sankies teen die Islamitiese Republiek veroordeel en gesê dit is onwettig.

Die land sal voortgaan om konvensionele militêre toerusting te ontwikkel, het Reuters berig.

Amerika het Sondag sanksies teen 11 maatskappye en individue, wat verskaffers vir Iran se ballistiese missielprogram is, aangekondig onder druk van Israel.

Die aankondiging is met twee weke vertraag om nie die naweek se vrylating van Amerikaanse gevangenes in gevaar te stel nie.

Ondertussen is die lot van die voormalige FBI-agent, Robert Levinson, onbekend nadat hy in 2007 in Iran verdwyn het. Hy was nie deel van die uitruiling van gevangenes tussen Iran en Amerika die naweek nie.

“Die Islamitiese Republiek sal op hierdie verswarende en propagandistiese maatreëls reageer deur sterker as ooit voort te gaan met sy wettige missielprogram en om sy verdedingsvermoë te ontwikkel,” het die ministerie van buitelandse sake in ‘n verklaring gesê.

Iran het in Oktober 2015 missieltoetse uitgevoer wat deur die Verenigde Nasies bestempel is as ‘n verbreking van ‘n resolusie, wat die land verbied om missiele te ontwikkel wat kernplofkoppe kan dra.

Iran hou vol die missiele dra bloot konvensionele wapens.

‘n Woordvoerder vir die buitelandse ministerie, Hossein Jaberi Ansari, sê Washington se verkoop van wapentuig aan sy bondgenote in die Midde-Ooste, ter waarde van miljarde dollars jaarliks, word in “oorlogsmisdade teen Palestyne, Libanese en Jemeense burgers” gebruik.

“Die Amerikaanse sanksies teen Iran se ballistiese missielprogram het geen wettige of morele legitimiteit nie,” het hy gesê.

Die koerante, Kayhan en Vatan-e-Emrooz het die nuus op hul voorblaaie uitbasuin. “Sanksies is terug!” het die opskrif in Kayhan gelui.

In die artikel word Teheran se opperleier, die ajatolla Ali Khamenei, aangehaal wat sê dat nuwe sanksies, onder enige voorwendsel, ‘n verbreking van die kern-ooreenkoms sou wees.

Miljarde Namibiese dollar vloei na Noord-Korea

Die regering van Namibië het klaarblyklik hegte bande met Noord-Korea.

Die vermoede bestaan dat dié vriendskap om Namibië se uraanneerslae gesmee is.

Namibiese dollar, miljarde daarvan, vloei jaarliks uit die staatskas na die Noord-Koreaanse wapenvervaardiger KOMID se verskansingsmaatskappy, Mansudae Overseas Project Group of Companies.

Dié belegging is gemaak in weerwil van ‘n Veiligheidsraad-resolusie wat bepaal dat alle lidlande van die VN bates van individue en maatskappe betrokke by Noord-Korea se wapenprogramme bevries.

Trouens, nie alleen verontagsaam Namibië die Veiligheidsraadresolusie nie, maar twee van KOMID se base woon ondanks die reisverbod teen hulle, in Namibië.

Noord-Korea is weens sy kernarsenaal deur wêreldleiers veroordeel, maar die Namibiese regering verkies om diplomatieke betrekkinge vol te hou.

Dit is nie seker hoe Namibië se belegging in KOMID die SAOG-streeksooreenkomste soos SIPO II betreffende veiligheid in Suider-Afrika raak nie.

Noord-Korea se leier, Kim Jong-un, se verbintenis aan kernwapens en herhaaldelike dreigemente om dit aan te wend, is rede tot kommer.

‘Roei 8 miljoen Russe met kernwapens uit’

Julia Tiemoesjenkoe wil Russe met kernwapens uitroei

Nadat die oproep tussen die Amerikaanse assistent-sekretaris van buitelandse aangeleenthede, Victoria Nuland en die Amerikaanse gesant na die Oekraïne, Geoffrey Pyatt, uitgelek het waarin Nuland sê “F*k die EU”, is ‘n nuwe opspraakwekkende telefoongesprek na die media gelek.

Dié gesprek bevestig weer opnuut dat dit die VSA was wat die toutjies getrek het om die verkose regering in ‘n gewelddadige staatsgreep omver te werp en van die Oekraïne se president Janoekowietsj ontslae te raak.

Die nuutste telefoongesprek, hierdie keer tussen die parlementariër Nestor Shufrych en voormalige premier en ideologiese leier van die Oekraïne se “Oranjerevolusie” Julia Tiemoesjenkoe, is nie alleen onthullend nie, maar ontstellend.

Die mees waarskynlike toekomstige president van die Wes-Oekraïne, Tiemoesjenkoe, maak allerlei nuwe dreigemente teenoor etniese Russe, waaronder ook om 8 miljoen met kernwapens uit te wis.

Nadat die parlementariër haar tydens die gesprek bekommerd vra: “Wat moet ons nou doen met die 8 miljoen Russe wat in die Oekraïne oorgebly het? Hulle is uitgeworpenes…”, antwoord sy kil en saaklik, blykbaar onbewus dat dit ‘n retoriese vraag was.

“Hulle moet doodgemaak word met kernwapens,” sê Tiemoesjenkoe doodluiters. Die rolstoelgekluisterde Tiemoesjenkoe wat gemaklik rondloop as sy nie voor ‘n skare verskyn nie, braak dan verder gal oor ‘n verskroeide aarde-beleid wat sy “namens die hele wêreld met haar kontakte” teen Rusland wil voer en die eks-president met ‘n “masjiengeweer in sy kop skiet”.

Dit is die duidelik namens wie sy die Russe wil uitwis nie, aangesien die Neo-Cons se oorlogsugtige beleid baie ongewild is by gewone Amerikaners wat die Obama-administrasie van “red-baiting” [alarmisme oor die Rooi Gevaar] en opportunistiese McCarthyisme verdink.

Dit is dus duidelik dat die Russe in Oos-Oekraïne nie ‘n kat se kans staan teen die Amerikaanse invallers en hul plaaslike handpoppe nie.

Dié gesprek gee president Poetin die voordeel dat hy wel die onafhanklikheid van die Krim ter beskerming van etniese Russe oorweeg het, presies soos hy gesê het.

Die Oekraïne se sogenaamde “regering”, ‘n stel marionette wat Washington aangewys het, voel niks vir etniese minderhede in die ooste nie en dit is duidelik dat hulle dink dié mense verdien nie om beskerm te word nie, maar verkieslik uitgewis moet word.

Tiemoesjenkoe het tronkstraf uitgedien vir korrupsie nadat sy ‘n gasvoorsieningsooreenkoms onregmatig geteken het wat die land se gasvoorsiener Naftogaz $170 miljoen dollar gekos het.

Aan die stuur van die “Oranjerewolusie” wat Tiemoesjenkoe gelei het, het die land verder agteruitgegaan en dieper in korrupsie verval. Sy het as premier tussen 2007-2010 gedien.

Goldman Sachs, wat namens die Neo-Cons in die VSA die druk op Rusland probeer verhoog, het “voorspel” dat die kapitale uitvloei vanjaar 130 miljard dollar kan haal. Die aksepbank het intussen hulle kliënte met ywer bearbei om hul beleggings uit Rusland te onttrek.

Volgend Goldman Sachs sal Rusland in ‘n resessie verval as hulle hul beleggers oorreed om hulle geld aan die land onttrek, met groei wat waarskynlik gaan verlangsaam namate die kapitale uitvloei die $100 miljard bereik.

Rusland se grootste bank, Sberbank, sê kapitaal het uit die land gevloei en aandele en die roebel het gedaal nadat die Krimgebied oorweldigend gestem het om van die Oekraïene af te stig.

Sberbank sê die situasie het ‘n negatiewe uitwerking op die wêreldwye ekonomie.

Ontleders sê die stappe wat Rusland gedoen het om te keer dat die roebel nog verder daal deur rentekoerse te verhoog, kan die land in ‘n resessie dompel.

Iran, P5+1 vergader oor kernooreenkoms

Samesprekinge vind tans plaas tussen Iran en die Veiligheidsraadlidlande Amerika, Brittanje, Rusland, Frankryk en China, plus Duitsland, kortweg bekend as die P5 + 1.

Iran en die P5 + 1 het Dinsdag in Wene, Oostenryk vergader om konflik oor Teheran se kernkragambisies te besleg.

’n Tussentydse ooreenkoms is in Januarie gesluit waarkragtens tydelike beperkinge op Iran se kernkragprogram geplaas is. ’n Finale ooreenkoms moet nog gesluit word.

Die VSA wil toesien dat Iran hul aantal uraanverrykingssentrifuges verminder van 10 000 na tussen 3000 en 4000.

Dit sal beteken dat indien Iran wel ’n kernoorlog wil voer, sy wetenskaplikes ses maande nodig sal hê om die nodige hoeveel uraan te vervaardig.

Iran sal ook versoek word om sy plutonium-aanleg by Arak te herontwerp om te verseker dat alternatiewe metodes in kernwapenvervaardiging nie beskikbaar is nie.

Iran het op sy beurt gevra dat alle sanksies opgehef word, wat sanksies op olie-uitvoere insluit. In Januarie is van die sanksies deels opgehef, maar die ergste olie- en ekonomiese sanksies is steeds in plek.

Met knelpunte in die samesprekings sal die huidige ooreenkoms heel moontlik met nog ses maande verleng word, indien die finale ooreenkoms nie in Junie bereik kan word nie.

Die opperleier van Iran, Ajatollah Ali Khamenei, het gesê alhoewel die samesprekings “na nêrens lei”, hy sal hou by die tussentydse ooreenkoms.

Hy het ook gesê dat hy die diplomasie van pres. Hassan Rouhani ondersteun.

IAEA stem Arabiese resolusie oor Israel se kernwapens af

Lidlande van die VN se kernagentskap het ‘n Arabiese-gesteunde resolusie teen die Joodse staat afgestem om sy geheime kernarsenaal vir inspeksie oop te stel.

Een-en-vyftig lande het teen resolusie gestem en 43 lande het daarvoor, in wat beskou word as ‘n oorwinning vir die Verenigde State van Amerika, wat gekant was teen die inisiatief.

Arabiese state, gefrustreerd oor die onbepaalde uitstel van ‘n internasionale konferensie verlede jaar oor die verbod op kernwapens in die streek, het by die jaarlikse lidstaatbyeenkoms van die VN se Internasionale Atoomenergie Agentskap (IAEA) dié plan voorgestel.

Indien goedgekeur, sou Israel verplig gewees het gewees om by die Kernsperverdrag aan te sluit en sy kernfasiliteite vir IAEA monitering oop te stel. Diplomate het ‘n naelskraapoorwinning met die stemmery verwag.

Die Verenigde State het gesê die skuif sal breër diplomatieke pogings om wapens van massavernietiging te bekamp in gevaar stel. Israel het gesê dit sal pogings om streeksveiligheidsamesprekings op dreef te kry, ondermyn.

Ten spyte van dié waarskuwings, het ambassadeur Ramzy Ezzeldin Ramzy, hoof van die Arabiese Liga-groep by die IAEA, vroeër gesê die ontwerp-resolusie moet voortgaan.

Moondhede het in 2010 tot ‘n Egiptiese plan ingestem wat bedoel is om die grondslag te lê vir ‘n Midde-Ooste sonder wapens van massavernietiging.

Die VSA, mede-borg van die destydse vergadering, het gesê dat dit nie sal nie meer plaasvind soos geskeduleer in Desember verlede jaar nie maar het nie tot ‘n nuwe datum ingestem nie.

Die kern van die kernkwessie

Dat die spanning opbou in die Midde-Ooste is nie te betwyfel nie. Beide die VSA, Brittanje en Frankryk, asook Saoedi-Arabië beman die oorlogsteater van Iran vir die jongste opvoering van oefeninge wat daarop gemik is om die Straat van Hormoez te beskerm.

As dié seestraat gesluit moet word, is dit nag vir die wêreldekonomie, aangesien ‘n groot gedeelte van die wêreld se ru-olie daardeur vervoer word.

Die Pentagon het in die verlede ‘n verslag vrygestel waarin die 563 kernfoute, wanfunksies, en vals alarms oor die jare gelys word. ‘n Riller van ‘n verslag, want dit bring die leser onder die indruk van hoe naby die wêreld al talle kere op die rand van ‘n baie lelike konflik beweeg het met vals alarms.

Dan is daar die ongelukke, te veel om te noem. Kernduikbote van die soort wat nou in die Persiese Golf rondvaar en bots met ander skepe, is nie raar nie. Ten minste agt kernduikbote (een Frans, twee Amerikaans en vyf Russies) lê en vrot op die bodem van die see, waar hulle uraan en plutonium lek. In 2003 het die U.S.S. Hartford, ‘n kernaangedrewe duikboot, ‘n rots getref by ‘n klein eiland noord van Sardinië. Die gebied is nou hoogs radioaktief. En dit was nie eens vir ‘n oorlog nie.

In 1961 het ‘n Amerikaanse B-52 met twee atoombomme aan boord oor Faro, Noord-Carolina verongeluk. Een van die bomme, met ‘n valskerm om dit te vertraag, is gevind. Vyf van die ses sekerings wat ontwerp is om volle kernontploffing te voorkom, het misluk. Die ander atoombom is 6 meter diep in die grond begrawe.

Die militêre owerhede het besluit dis te moeilik om uit te grawe en dit daar gelaat. En daar sit dit tot vandag toe nog. Hierdie klein “ongelukkie” behels bomme wat elk 250 keer die krag van die Hirosjimabom dra. Die bevelvoerder het heel ernstig verklaar dat die bom ‘n hawe in NC sou skep en dat dit amper-amper was.

In 1956, en 1958, het twee vliegongelukke kernwapens ter plaatse gelaat en op 17 Januarie 1966, het ‘n Amerikaanse B-52 twee van vier waterstofbomme radioaktiewe deeltjies oor Palomares, Spanje in ‘n ontploffing gestrooi. Die Verenigde State het 1400 ton van radioaktiewe Spaanse grond opgegrawe en na Aiken, Suid-Carolina gestuur, waar die Savannah River Site die vervaardiging van kernwapens met die afval onderneem het.

Dit was net na die U.S.S. Ticonderoga uit Vietnam weggevaar het na Japan met ‘n kernbewapende vliegtuig aan boord en per ongeluk die vliegtuig in die see laat val het, kompleet met ‘n atoombom en vlieënier, tot op die bodem van die see, waar hulle tot vandag toe bly.

In 1968, het ‘n ander Amerikaanse B-52 met vier atoombomme neergestort in Groenland. Drie van die bomme het ontplof, terwyl die vierde nog soek is. Dit is onder die 11 kernbomme wat die Verenigde State erken dat hy oor die jare verloor het.

Dit is nog benewens die gebruik van wapens wat met arm uraan toegerus is, wat waarskynlik bygedra het tot duisende sterftes en geboorte-defekte. Behalwe die VSA, het 29 ander lande ook sulke wapens aangekoop.

Die kernramp in Japan het honderde duisende mense verplaas. Voor hierdie ramp, het die reguleerders in Japan gesê hulle het alle moontlike veiligheidsmaatreëls in plek. In die VSA staan 104 verouderde kernkragaanlegte, waarvan 23 volgens die dieselfde gebrekkige ontwerp as in Fukushima opgerig is.

Kernaangeleenthede van watter aard ook al, moet met die grootste versigtigheid hanteer word. Ongelukke maak dit al moeilik, maar ‘n dreigende oorlog maak dit dringend.

Finale bewys dat Iran kernwapens ontwikkel

Vertroulike dokumente wat deur die The Times In Londen verkry is, toon dat Iran weliswaar die finale komponent van ‘n atoombom wil toets. Die nota’s van Iran se mees sensitiewe militêre projek, beskryf die land se vierjaarplan om ‘n neutroninisieerder, die snellerkomponent vir ‘n kernontploffing, te toets.

Die intelligensieverslag is glo deur ‘n Asiese bron bevestig wat meen dat Iran kernwapenbedrywighede in 2007, spesifiek aan ‘n neutroninisieerder, onderneem het.

Die dokumente in die dagblad se besit is tegnies van aard en beskryf die gebruik van ‘n neutronbron, uraandeuteried, wat volgens kenners geen ander burgerlike of militêre aanwending het as slegs vir ‘n kernwapen nie.

Dit is dieselfde materiaal wat die Pakistanse bommakers gebruik het wat die bloudruk vir Iran se bom verskaf het.

David Albright, fisikus en voorsitter van die Instituut vir Wetenskap en Internasionale Veiligheid in Washington, wat al honderde bladsye van die Iranse kernprogram onder oë gehad het, sê dit is ‘n baie sterk aanduiding van wapenbedrywighede.

Verskeie intelligensieagentskappe van Westerse moondhede, asook die IAEA, die Internasionale Atoomenergieagentskap het die bestaan van die dokument bevestig.

Israel het ook hulle kommer oor die dokument uitgespreek.

Mark Fitzpatrick, senior navorser vir die Internationale Instituut vir Strategiese Studies in Londen, sê die mees verdoemende gevolgtrekking is dat indien die program in 2007 begin het, dit as ‘n casus belli gereken kan word. “As Iran aan wapens werk, kan daar nie ‘n diplomatieke oplossing wees nie.”

Die Times het die dokumente wat in Farsi was, laat vertaal en daarna deur twee verskillende onafhanklike vertalers laat verifieer.

Die inhoud van die dokumente is plofbaar aangesien Washington tans uitreik na Teheran. Vrae oor president Obama se doelwitte met sy grondverskuiwende aankondiging dat hy in gesprek gaan tree met Iran, gaan beslis geopper word.

Die dokumente bevat die bewys dat Iran reeds sedert 2003 aan wapens werk en waarskynlik is hulle steeds besig met die vierjaarplan wat in die stukke vervat is.

Die VSA het in 2007 beweer dat Iran waarskynlik hulle wapenprogram opgeskort het, ten spyte van Brittanje, Duitsland en Frankryk se aandrang tot die teendeel.

In die dokumente is ook planne oor hoe om die spore van uraan wat tydens ‘n ontploffing vrygestel word, te verbloem sodat die buitewêreld nie bewus word daarvan nie. Sulke spore kan omuitwisbare bewys wees van Iran se voorneme om ‘n kernmoondheid te word.

Fitzpatrick het die dokumente as die finale bewysstuk vir Iran se kernwapenideaal beskryf.

русские печи

Die VSA dring by Teheran aan om kernaanbod te aanvaar

‘n Senior Amerikaanse amptenaar het gister by Iran aangedring om “in te skakel” by die Weste oor sy kernprogram, nadat ‘n Iranse militêre hoof gewaarsku het dat ‘n aanval op hulle kernterreine verpletter sal word.

“Ons sal verkies dat die Iranse regime werk van die geleentheid om in te skakel, sal maak,” sê Ellen Tauscher, Ondersekretaris vir Wapenbeheer en Internasionale Sekuriteit by die VSA se Staatsdepartement.

Teheran het “vir betrokkenheid van die Verenigde State gevra. Hulle het dit nou. Wat gaan hulle nou doen? Gaan hulle opstaan en sê hulle aanvaar ons aanbod… of gaan hulle een of ander flou verskoning gebruik om dit te ontduik?” wou sy weet.

“Indien oorreding nie werk nie, gaan druk die volgende metode van optrede wees.”

Tauscher het nog ‘n rondte sanksies teen Iran voorgestel.

Sy het by die Halifax Internasionale Sekuriteitsforum gepraat en gesê die Verenigde State gaan voort om “beduidende” kommer oor Iran se kernambisies te hê.

Maar sy het bygevoeg: “Ek glo nie militêre optrede teen Iran is nou op die tafel nie.”

Intussen het ‘n bevelvoerder van die elite Rewolusionêre Wag gesê dat Iran se lugverdediging Israeli-vegvliegtuie sal uitwis indien hulle sou aanval.

topcargo отзывы

VSA-wetgewers beloof optrede teen Iran

Amerikaanse wetgewers het gister onderneem om gou en beslissend teen Iran op te tree. Dit volg op ‘n verslag dat wapendeskundiges van mening is dat Teheran die kundigheid ontwikkel het om ‘n atoombom te bou – en dit terwyl ‘n senior Amerikaanse amptenaar die nuusberig afgemaak het.

‘n Koor van stemme in die kongres, beide Republikeins en Demokraties, het aangedring op harde optrede teen Teheran in die naloop van ‘n New York Times-berig dat die Internasionale Atoomenergieagentskap (IAEA) vasgestel het dat Iran nou “voldoende inligting” het om ‘n kernwapen te bou.

Amerikaanse wetgewers sê dié openbaring regverdig ‘n onmiddellike en streng optrede.

“Die Iraniërs sal ‘n kernwapen hê indien iets hulle nie van gedagte laat verander nie. Ons het streng sanksies nodig. Ons het nodig om dit nou te doen,” het Demokratiese senator, Evan Bayh, “Fox News Sunday” vertel.

Die Republikeinse senator, Lindsey Graham, ‘n voorste stem in die kongres oor verdedigings- en sekuriteitsaangeleenthede, sê hy sal daarvan hou dat die Kongres ‘n week opsy sit om te wy aan ‘n groot aantal nuwe sanksiewetgewings teen die Islamitiese republiek.

“Kom ons hou ‘n Iran-week in die Senaat en kry iets gedoen,” het hy gesê, en voorgestel dat ‘n reeks optredes bespreek word “wat ons president sal bemagtig en ons land gehard sal maak en om daadwerklike optrede agter die woorde te plaas.”

Maar ‘n hooggeplaaste Withuis-adviseur het gister die verslag afgepraat en op Amerikaanse televisie gesê dat Washington “sal staan by verslae wat ons uitgereik het,” aangaande Iran se kernvermoë.

“Of hulle weet hoe om dit te doen of nie is ‘n aangeleentheid van aansienlike raaiwerk,” het hy gesê.

Wetgewers sê hulle ondersteun steeds die VSA se inisiatiewe om Teheran in gesprek te betrek, maar is besig om vertroue te verloor dat blote diplomasie Iran sal dwing om sy beweerde kernwapenprogram te laat vaar.

“Om die dialoog te hê, is goed, maar jy moet hulle by hulle woord hou. Wat op die einde saak maak is nie wat hulle sê nie, maar wat hulle doen,” sê Bayh.

“Ek is bevrees hulle speel vir die horlosie teen ons,” het hy gesê en op ‘n “ware dringendheid” in die kerndooiepunt gewys.

Die Times-verslag volg op openbaringe dat Iran ‘n tweede uraanverrykingsaanleg naby die heilige stad van Qom gebou het, wat verdere agterdog oor die mikpunt van die land se kernprogram laat ontstaan het.

Die verslag beskryf ‘n komplekse program wat volgens aanduidinge in 2002 geloods is en deur die Iranse Verdedigingsministerie bestuur word en wat daarop gemik is om ‘n “kernvrag om deur die Shahab 3 missielstelsel afgelewer word,” te ontwikkel.

“Hulle het ‘n patroon van misleiding, ‘n patroon om verdrae waartoe hulle ingestem het, te verbreek,” sê Bayh. “Hulle respekteer mag en mag alleen.”

Op die spoor van Obama

безмасляный купить