Militêre veterane kry voortaan gratis dienste

Ter ere van die jeug van 1976, sal alle militêre veterane voortaan op gratis dienste geregtig wees.

Die departement van militêre veterane het ter viering van Jeugdag aangekondig dat veterane voortaan gratis gesondheidsorg, onderrig, behuising en ondersteuning vir sake-ondernemings sal ontvang.

Swart jeugdiges het tydens die Soweto-opstand in 1976 “teen Afrikaans” by vryheidsbewegings soos Umkhonto we Sizwe aangesluit.

Hector Pitso se dood onherkenbaar opgehemel
Hector Pitso se dood onherkenbaar opgehemel

Mbulelo Musi, woordvoerder, het in ‘n verklaring duisende militêre veterane wat gedurende hierdie tydperk 38 jaar gelede aangesluit het, gelukgewens.

Op 16 Junie 1976, het ‘n groep skoolkinders uit Morris Isaacson High School in Orlando, Soweto, oproerig geraak “oor Afrikaans as die medium van onderrig”.

Dié en ander verbeelde griewe teen die apartheidsregering is deur die Afrikaans-vyandige pers kunsmatig opgeblaas tot ‘n “internasionale insident” nadat ‘n foto van ‘n dooie swart kind, Hector Pieterson, internasionale voorblaaie gehaal het.

Die Pieterson-gesin was oorspronklik die Pitso-gesin, maar het glo besluit om die Pieterson-naam aan te neem om te probeer om as Kleurlinge geklassifiseer te word.

Daar word tewens bespiegel dat die 12-jarige deur swartes vermoor is omrede hy nie as swart gesien wou word nie.

Deesdae is daar geen buitelandse koerant wat in die daaglikse oproer, brandstigting, moorde en plundery belangstel nie, alhoewel dit baie meer wydverspreid en sonder ophou plaasvind.

Die dag word steeds gevier as “Jeugdag” onder swartes en wit Mandela-aanbidders.

 

LUR: Wit en swart skole in Gauteng moet saamsmelt

Wit Afrikaanse skole in Gauteng sal aanstons met swart townshipskole moet “saamsmelt” vir “beter integrasie tussen skole” ter bevordering van “nie-rassigheid”.

Die opmerkings deur Panyaza Lesufi, LUR vir onderwys in Gauteng, kom nadat hy reeds ’n tegniese span aangestel het om “sosiale kohesie te bevorder”.

Lesufi het aan Beeld gesê hy wil so ’n splinternuwe stelsel “ondersoek”. Dit lyk op die oog af of Lesufi deur die “onderwysspesialiste” van Section 27 bygestaan word met sy nuwe integrasieplan.

Praag het voorheen berig hoe Section 27 mbv buitelandse “navorsers” – Mark Heywood – en befondsing swartes huur om teen wit skole te gaan betoog.

Lesufi
Lesufi: buikspreker van Section 27

Só ‘n skool sal met een skoolhoof en een beheerliggaam funksioneer, wat waarskynlik beteken dat dit deur ‘n swarte gelei sal word.

“Ek het ’n tegniese span aangestel wat binne ses maande terugvoering aan my sal gee.

“Ek wil hê ons moet ’n nie-rassige atmosfeer skep. Ek hou nie van die huidige toedrag van sake nie. Dis die enigste manier waarop ons ontslae gaan raak van die stereo­tipes in ons samelewing en ons kinders nader aan mekaar gaan bring.

“Die huidige skoolstelsel in die provinsie is oud en moet verander word. Ons lewe nog verby mekaar.

“Ons is dit aan die kinders van 1976 verskuldig om sáám skool te gaan,” het Lesufi gesê.

 

Terreur-selle in SA laat gevaarligte flikker

Die Volksblad berig dat Al-Sjabaab-selle, afkomstig van Somalië, vir Suid-Afrika ‘n bedreiging inhou. Die groep is deur Osama bin Laden in die lewe geroep.

Kenia het sedert verlede jaar alle Somaliërs gebrandmerk ná ’n aanval op ‘n winkelsentrum in Nairobi.

Samantha Lewthwaite, ’n Britse vrou, was glo die baasbrein agter die bomaanval op die winkelsentrum in Nairobi.

Sy is ook bekend as die Wit Weduwee en het in Suid-Afrika gewoon en gewerk voor die aanval op die winkelsentrum in Nairobi.

Tydens die aanval op Westgate-winkelsentrum, het 67 mense hul lewens verloor.

Die Mombasa-gebied is volgens prof. Hussein Solomon, ‘n ontleder, die skuilplek vir ekstremiste soos die Wit Weduwee. Volgens kenners praat ‘n hele aantal rebelleleiers Engels met ‘n swaar Britse aksent.

Sy is met die Somaliese Al-Sjabaab-krygsheer Hassan Maalim Ibrahim getroud. Sy word reeds in 200 lande gesoek vir haar aandeel in tientalle terreuraanvalle.

Al-Sjabaab beteken “Die Jeug” in Arabies.

Die heersende xenofobie teen Somaliërs kan lei glo tot terreur ter plaatse, volgens Solomon, ‘n leraar in die departement politieke wetenskap aan die Universiteit van die Vrystaat.

Die Amerikaanse ontplooiing in Afrika, bekend as AFRICOM, se aanvalle op burgerlikes deur onbemande tuie is glo deels die rede vir die toenemende geweld in Kenia.

Prof. Hussein Solomon
Prof. Hussein Solomon

Dié terreurgroep is ook een van talle wat Suid-Afrika glo as ’n basis gebruik om ’n inkomste te genereer om operasies soos dié in die res van Afrika te finansier, sê Solomon.

Solomon sê Suid-Afrika se powere intelligensiedienste weet nie veel van die terreurgroepe binne ons landsgrense nie.

“Ongelukkig is dié dienste deurspek van politieke aanstellings in senior poste. Nie een van hulle weet hoe om ’n situasie te ontleed en daaruit voorspellings te waag nie,” het hy gesê.

Minstens 48 mense is Sondag in Mpeketoni, aan die Keniaanse kus, in ’n aanval gedood.

Die rebelle het twee losieshuise en ’n polisiekantoor aangeval terwyl die inwoners saam na die Wêreldbeker-sokkertoernooi op televisie gekyk het.

Die rebelle gebruik “wit goud”, of ivoorsluikhandel uit die Afrika-bos na Asiatiese stede om hul opstand te finansier.

Andrea Crosta, uitvoerende direkteur van die Elephant Acion League (EAL), wat die afgelope paar jaar ondersoek na al-Sjabaab ingestel het, sê dié handel verloop seepglad.

Hy beweer dat tot drie ton ivoor elke maand verkoop word deur middel van ‘n gekoördineerde ketting.

Aktiviste en natuurbewaarders sê al-Sjabaab ontvang ‘n beduidende gedeelte van sy befondsing van ivoorsluikhandel.

Inligting oor presies hoe dit bereik word is reeds saamgeflans deur wildbewaarders en sekuriteitsdeskundiges.

Volgens ‘n VN-verslag is 22.000 olifante in 2012 deur stropers afgemaai.

 

 

Oproeriges in Soweto bestook motoriste met klippe

Oproermakers in Soweto het Dinsdagoggend begin klipgooi na verbygaande motoriste en motorbande aan die brand gesteek.

“Motoriste word aangeraai om alternatiewe roetes te gebruik. Dit is nie veilig om in hierdie gebied te bestuur nie,” het ‘n woordvoerder van die Johannesburgse metropolisie, ao. Wayne Minnaar gesê.

Die oproerigheid het by die kruising van Mofolo- en Vincent-straat in Soweto begin, het hy gesê.

Dit is nie bekend waaroor die inwoners ontevrede is nie.

‘Zim se geletterdheid hoogste in Afrika’

Die geldeenheid is minder werd as muurpapier
Die geldeenheid is minder werd as muurpapier

Zimbabwe is glo die land in Afrika met die hoogste geletterdheid sê ‘n swart webwerf. Volgens die nuutste opname is die land se geletterdheid 90,7%.

Die land se geldeenheid is egter minder werd as muurpapier.

​New Zi​mbabwe.com, het pres. Robert Mugabe geprys vir Zimbabwe se goeie geletterdheid “omdat hy in 1980 na onafhanklikheid onderwys as ’n basiese mensereg verklaar het”.

Dié prestasie is ten spyte van die vernietigende ekonomiese krisis wat die land teister, behaal.

Volgens die resultate, wat deur The African Economist Magazine publiseer is, is Ekwatoriaal-Guinee in die tweede plek op 87% en Suid Afrika derde op 86,4%.

 

Zuma is perdfris sê Mantashe

Die Parlement, Nasionale Sleutelpunt

President Zuma sal Dinsdag in die Nasionale Vergadering sy staatsrede lewer, het Gwede Mantashe, ANC-sekretaris-generaal, gesê.

Daar was onlangs bespiegelinge oor die president se gesondheid, maar Mantashe het die versekering gegee dat hy op die been is tydens ’n inligtingsessie by die parlement.

Mediese besonderhede oor sy toestand is nie bekend nie.

Zuma se staatsrede is vroeër met twee dae vervroeg, en LP’s moes hul reisreëlings inderhaas aanpas.

Zuma sal nie Saterdag die begrafnis van oudpres. Thabo Mbeki se ma, Epeainette, bywoon nie.

Cyril Ramaphosa, adjunk-president sal die begrafnis namens die president bywoon. Ramaphosa neem tans waar as voorsitter van die kabinet se lekgotla wat Vrydag ten einde loop.

Hy moes Saterdag oorneem toe Zuma tydens sy openingsrede ongesteld gevoel het weens pyn in die nek en in die hospitaal opgeneem is. Hy is Maandag ontslaan.

Die president rus tans by Nkandla waar hy gereed maak vir die staatsrede.

Mantashe het ook die voorsitters van die parlementêre portfeuljekomitees aangekondig.

Jackson Mthembu, die ANC se vorige woordvoerder, sal as voorsitter van omgewingsake dien.

Vorige ministers wat nie kabinetposte gekry het nie, sal as komiteevoorsitters dien.

Somaliërs vlug uit Mamelodi, Pretoria

somaliSomaliese winkeleienaars van Mamelodi-Oos, Pretoria is gedwing om uit die gebied te vlug.

Hulle skuil tans in ‘n huis in Pretoria-Wes met skaars genoeg ruimte, eerder as om die dood te trotseer.

Dit volg na xenofobiese aanvalle op hul winkels wat geplunder is. Een van hulle is glo doodgemaak sedert die geweld Saterdag begin het.

Sowat 300 mans, vroue en kinders woon nou saam in die huis wat deur Somaliërs besit word Pretoria-Wes.

“Ons oorweeg dit om terug te gaan na ons oorloggeteisterde land,” het een winkeleienaar gesê.

Hy was een van ‘n groep wat die dood ontsnap het Dinsdagaand in Mamelodi-Oos, nadat ‘n mede-Somali aangeval is deur ‘n groep swart jeugdiges wat ook toegeslaan het op sy spazawinkel en dit leeg gesteel het.

Die groepe van tot 100 jong swartes, plunder die winkels van alles – van kos tot vate paraffien, koeldrank en lugtyd-bewyse.

Die Somaliërs het gesê een eienaar was in Pretoria-Wes toe hy in kennis gestel is dat sy winkel aangeval word. Hy het daarheen gehaas, en is vermoor deur ‘n woedende skare, het hulle gesê.

“Sy gesig was ‘n groot gemors,” het ‘n ander Somaliese man gesê.

“Die stad en die regering het nie ingegryp in die humanitêre krisis nie, miskien is ons beter af as ons teruggaan huis toe,” het een gesê. Hulle sê die polisie ignoreer hulle.

Kapt. Tsekiso Mofokeng het gesê die ondersoek na die aanvalle duur voort.

Gouddiewe wat miljarde steel vas

cattle‘n Multimiljard-rand internasionale gouddiefstal- en smokkelsindikaat is in Johannesburg oopgevlek.

Die diewe het plase, beeste en luukse huise en voertuie gekoop van die geld wat hulle deur hulle buit verdien het. Van die mynwerkers het maand meer as R11.000 verdien.

Maar dié lekker lewe het pas tot ‘n einde gekom.

Valke en mynsekuriteitsamptenare het 18 mynwerkers in ‘n klopjag op ‘n Gauteng-goudmyn  in hegtenis geneem ná ‘n ses-maande-geheime polisie-operasie.

Die mans, wat by Sibanye Goudmyn in Carletonville werk, is glo verantwoordelik vir die diefstal van goud van meer as R2 miljard van die myn in die afgelope jaar.

Die bende het bande met sindikate wat tussen Afrika, die Midde-Ooste en Asië opereer.

Die diefstal het na bewering plaasgevind by die myn se metallurgiese aanleg, waar goudskeiding plaasvind.

‘n Polisiebron het gesê die verdagtes het spesiaal ontwerpte sakke in hul oorpakke gehad waarin die gesteelde materiaal uitgesmokkel is.

“Dit [die materiaal] staan ​​bekend as ‘n konsentrasie,” sê die bron.

“Hulle het dit verwyder uit die myn en na ‘n geheime plek geneem vir die gedeeltelike verwerking voordat dit deur ander lede van die sindikaat geskuif is.

“Beramings toon dat gemiddeld R200 miljoen se goud elke maand gesteel word uit die myn. Dit werk uit as miljarde rande per jaar.

“Dit is ‘n hoogs georganiseerde sindikaat, met dié myn wat nie die enigste een is wat geraak word nie.”

‘n Sekuriteitskoördineerder van die Suid-Afrikaanse Kamer van Mynwese, het in 2013 gesê onwettige mynbou het die ekonomie byna R8 miljard gekos aan inkomste.

Nog ‘n polisie-bron het gesê die mynwerkers het die geld gebruik vir duur huise in die Oos-Kaap en KwaZulu-Natal.

“Hulle koop plase, groot troppe beeste, duur motors en ander luukshede, almal leef duidelik ver bokant hul inkomste.”

Die diefstal is opgemerk in November.

Woordvoerder van die Valke, kapt. Paul Ramaloko het gesê twee mynwerkers is tydens ‘n operasie naby die myn in Desember in hegtenis geneem.

Ramaloko het geweier om te sê waar en hoe die goud verkoop word.

“Die ondersoek is sensitief. [Die goud] is bestem vir die swartmark. Dit is al wat ek kan sê.”

Die verdagtes sal in die Oberholzerlanddroshof, naby Carletonville, verskyn op aanklagte van diefstal en handel in goud-draende materiaal, het Ramaloko gesê.

Zuma belowe Nkandla-verslag binne 30 dae

zuma2President Zuma het belowe om die finale Nkandla-verslag binne 30 werksdae bekend te maak.

Hy het reeds die voorlopige Nkandla-verslag van die spesiale ondersoekeenheid (SOE) ontvang.

Zuma het Woensdag aan die speaker van die nasionale vergadering (NV) bevestig dat die verslag uitgereik sal in ‘n brief wat in die parlement ter tafel gelê is.

In die brief sê Zuma dat die nodige inligting bekom is om verder oor die hantering van die kwessie te besluit.

“Hoewel die verslag voorlopig is, gee dit my die insig wat ek nodig het om die saak te oorweeg, met gelyke oorweging van die ander verslae waarna ek in my vroeëre korrespondensie verwys het.”

Dit sluit die SOE-verslag tesame met die OB-verslag en ’n Nkandla-verslag van die ministeriële taakspan in.

Die president sou in April die openbare beskermer (OB) se Nkandla-verslag aan die parlement voorlê.

Hy het toe aangedui dat hy vir die SOE-ondersoek sal wag om afgehandel te word voordat hy volledig aan die parlement terugvoer gee.

Beurtkrag laat verbruikers bibber

EskomDie koue front het veroorsaak dat beurtkrag is Woensdagaand in dele van die land ingestel is weens die druk op Eskom se kragnetwerk.

Talle verbruikers moes Woensdag ure lank bibberend sonder krag die winter aandurf.

Eskom se beurtkrag-skedule kan by http: www.loadshedding.eskom.co.za besigtig word.

Eskom het Woensdagmiddag in ’n verklaring gewaarsku dat die netwerk Woensdag en Donderdag tussen 17:00 en 18:30 kwaai druk sal ervaar.

Hoë kraggebruik en opwekkingseenhede wat nie funksioneer nie, is aangegee as redes vir die besluit.

‘n Woordvoerder, Andrew Etzinger, Woensdag aan News24 gesê het twee eenhede by die Duvha- en Kendal-kragstasies buite werking is en Cahora Bassa se invoer uit Mosambiek, was nie beskikbaar nie.

Etzinger het gesê beurtkrag sal slegs vir ’n uur geld weens die onbeskikbaarheid van opwekkers, maar dele van Krugersdorp en Johannesburg het Woensdagaand gekla dat hul krag langer as ‘n uur lank af was.

Eskom het geen kragonderbrekings vir Donderdag in die vooruitsig gestel nie, maar sal weer die toevoer afskakel as probleme opduik.

Verbruikers is gevra om verwarmers, geysers, swembadpompe en ander nie-noodsaaklike toerusting af te skakel.

Eskom se kommersiële kliënte, waaronder winkelsentrums en kantoorgeboue, kan egter die grootste verskil maak deur hul kragverbruik te verminder.