EU – Bladsy 7 – praag.co.za

Nuwe bankreëls verwater Europese soewereiniteit

Die EU se ministers van Finansies het Woensdag ‘n bankunie-ooreenkoms bereik wat Brussel ongekende nuwe magte sal gee om te verhoed dat banke wat ineenstort die ekonomie knou, het amptelike bronne gesê.

‘n Bron binne die Franse ministerie van finansies het gesê ná ‘n lang dag van harde gesprekke, wat gekenmerk is deur skerp verskille oor sleutelelemente van die nuwe regulerende stelsel, is ‘n ooreenkoms bereik.

Die nuwe Enkelresolusiemeganisme sal banke sluit voor hulle die breër ekonomie kan benadeel en saam met ‘n nuwe toesighoudende regime, vorm dit die bankunie.

Volgens die reëls sal die nuwe liggaam banke kan sluit sodat dit nie in duie stort en finansiële krisisse soos in Ciprus, Ierland en Spanje veroorsaak nie.

Dit is opgestel in reaksie op die finansiële en skuldkrisisse wat byna die eurosone op sy knieë gedwing met regerings wat gered moes word ná red hul hul leners te hulp gesnel het.

Die nuwe raamwerk beteken ‘n groot verwatering van soewereiniteit en ‘n groot stap in die rigting van die EU se uitgebreide gesag. Dit verduidelik deels waarom die gesprekke oor ‘n jaar geneem het om tot hierdie besluit te kom.

‘n Belangrike knelpunt, veral tussen Frankryk en Duitsland, was wie die finale sê sal hê in die besluit om ‘n bank te sluit en hoe dit betaal moet word.

Die plan is om die banke te kry om by te dra tot ‘n spesiale fonds vir hierdie doel, ingefaseer oor 10 jaar, sodat die belastingbetaler sal nie meer opdok nie.

Volgens ‘n konsep-dokument kan oorbrugginsfinansiering kom van lidlande van die eurosone of van die EU se eie reddingsfonds, die Europese stabiliteitsmeganisme.

Leiers van 28 Europese Unie-lande is tans vir ‘n beraad in Brussel byeen om die nuwe bankregulasies te bespreek.

Frankryk vorder Europese mag op vir SAR

Nog Europese lande sal binnekort soldate stuur om die Franse Afrikavredesending in die Sentraal Afrikaanse Republiek te versterk.

Dit is deel van Frankryk se pogings om ‘n Europese mag te skep wat die EU voortaan sal kan verdedig.

Sommige ontleders sê die Franse wil NAVO daarmee troef en kritici sê dis ‘n manier vir Frankryk om sy weermag met ander lande se geld te befonds.

Die Franse minisiter van buitelandse sake, Laurent Fabius het hulp versoek om die geweld in die SAR te probeer keer, het RSG berig.

Frankryk het 1.600 soldate in die S.A.R ontplooi om te voorkom dat die geweld tussen die Christen ekstremiste en grootliks Moslem Seleka rebelle verder uitbrei.

Pole, Brittanje, Duitsland, Spanje en België het hulp aangebied. Intussen het Franse soldate vir die tweede keer vanjaar in Mali ingegryp in ‘n poging om insypelaars in die noorde te stuit.

Intussen het die VN berigte ontvang dat tussen 400 en 500 mense in die jongste geweld in Suid-Soedan dood en tot 800 beseer is.

Die regering in Suid-Soedan sê 10 politici is in hegtenis geneem in verband met ‘n mislukte staatsgreep.

Die regering soek nog na die gewese visepresident Riek Machar wat daarvan beskuldig word dat hy die mislukte staatsgreep aangevoer het.

Geweld tussen twee faksies in die weermag het die naweek uitgebreek en die president Salva Kiir het ‘n aandklokreël ingestel.

Die geweld weerspiëel die ernstige verdeeldheid in Afrika se jongste staat, net meer as twee jaar nadat dit van Soedan afgestig het.

Die VSA het intussen sy burgers aangeraai om Suid-Soedan te verlaat en het werksaamhede by sy ambassade in die land opgeskort.

VSA druk vir sanksies teen Oekraïene

Die VSA oorweeg die moontlikheid van sanksies teen die Oekraïne weens beweerde gewelddadige optrede teen opposisie-betogings.

Die woordvoerder van die Amerikaanse departement van buitelandse sake, Jen Psaki sê die VSA is weer in gesprek met Europese lande en die Internasionale Monetêre Fonds oor moontlike optrede.

Sanksies teen die Oekraïene word nie uitgesluit, nie het sy sesê.

Psaki sê die Amerikaanse assistent-sekretaris van buitelandse sake Victoria Nuland het die afgelope dae samesprekings gevoer met sowel die betogers as die Okraïense leiers.

Die VSA het reeds herhaaldelik gevra vir dialoog te midde van die toenemende spanning tussen die Oekraïense regering wat Russies-gesind is, en die betogers wat glo Europees-gesind is.

Die betogers word uit die VSA en Brittanje befonds.

Wanneer is terreur geregverdig?

Die terreur wat Mandela teen onskuldige wit burgerlikes waaronder ook kinders, uitgeroep het, is oor die afgelope week of twee as ‘n goeie, regverdige, progressiewe en veral verdedigbare opsie voorgehou.

Is alle terreur dan regverdigbaar? Helaas nee, want in werklikheid is terreur en opstand, volgens die Weste, net goed solank as wat hulle belange daardeur gedien word.

Westerse inwoners mag simpatie met onderdrukte Afrikaners hê, maar hul regerings is min gepla dat hulle die terreur hier aktief aangehelp en befonds het en onskuldiges daarvoor laat boet het.

Twee voorbeelde van hoe terreur deur die Weste beskou word, speel tans voor ons oë af. In voortgesette protes in die Oekraïne en Thailand het betogers in beide lande probeer om regeringsgeboue te bestorm. Die Weste beskou die eerste poging as edel, maar nie die tweede nie.

Volgens CNN word die Oekraïne se polisie van “gewelddadige onderdrukking van pro-EU-protes” beskuldig. Pro-EU-protes sal terloops min oplewer, indien enige iets. Ná die Weste die aftog moes blaas oor hul beplande aanval op Sirië, is Europese uitbreiding na oos effens gestrem.

Die feit is dat die EU baie welklinkende beloftes maak en min doen weens die ekonomiese en finansiële krisis wat die blok teister. Daarbenewens is die ou problematiek van die Koue Oorlog uitgedien aangesien die nuwe entente met Iran die Amerikaanse missielafweerstelsels in Oos-Europa onnodig maak.

Betogers het EU-vlae rondgeswaai en die volkslied gesing. ‘n Honderdtal mense wat betoog het ter ondersteuning van die Oekraïne se Europese integrasie is, volgens ‘n verklaring van Pole se ministerie van buitelandse sake, “wreed onderdruk”. Die ministerie moes baie verlig gewees het dat hulle “bewyse” daarvan kon opspoor.

Die Verenigde State van Amerika veroordeel ook die “geweld teen betogers” in ‘n aanlynverklaring deur die Amerikaanse ambassade in Kiev.

Dit moet reeds heel duidelik wees waarom die VSA, die Verenigde Koninkryk, en die EU, asook die Fortune 500-belange wat die regerings van elkeen rig, agter die betogers sit en letterlik al hulle aktiwiteite befonds.

Die Europese Unie is eenvoudig besig om die tradisionele proteksionisme wat magtige multinasionale maatskappye belemmer, af te water met behulp van Hitler se ou plan om na die Ooste uit te brei.

Beleidmakers met korporatiewe befondsing het die vermoë om ‘n politieke program te skep wat korporatiewe fascisme ‘n werklikheid sal maak.

Sulke planne sal geen snars aan die lewensgehalte in Oos-Europa verander nie, maar sal ‘n paar nuwe verbruikerslawe waarborg wat niks aan hul mismoedige lewensomstandighede sal kan verander nie.

In skrille kontras is die protes teen die regime van Thaksin Shinawatra en sy suster, premier Yingluck Shinawatra vir die Guardian – nog ‘n “betroubare” Westerse nuusbron – net ‘n opstand deur ‘n gewelddadige, ondemokratiese gespuis.

Die regime van Thaksin Shinawatra en premier Yingluck Shinawatra word deur Wallstraat gesteun.

Die Guardian het opsetlik versuim om ten minste 3 sterftes, almal studente, te bevestig in ‘n poging om die betogers as ‘n moorddadige bende uit te beeld.

‘n Bietjie op dieselfde trant as wat Hector Pieterson se dood tot vervelens toe uitgestal word, maar die Kerkstraat- of Amanzamtotibomme is vergete.

In 2004 het Thaksin probeer om ‘n vryehandelsooreenkoms sonder parlementêre goedkeuring deur te druk. Dit het tot sy ongewildheid gelei.

Ingesluit was 3M, Bechtel , Boeing, Cargill , Citigroup , General Electric , IBM, Monsanto, Goldman Sachs en JP Morgan, Lockheed Martin, Raytheon, Chevron, Exxon, BP, Glaxo Smith Kline, Merck, Northrop Grumman, Syngenta , asook Phillip Morris.

Op die vooraand van die militêre staatsgreep wat hom uit die kussings gelig het, het Thaksin letterlik in New York voor die Fortune 500 se Raad op Buitelandse Betrekkinge gestaan om ‘n vorderingsverslag te gee.

Sedert die 2006-staatsgreep is Thaksin deur die Amerikaanse korporatiewe elite verteenwoordig via hul openbarebetrekkingemaatskappye soos Kenneth Adelman van die Edelmanfirma (Freedom House, International Crisis Group , PNAC ) , James Baker van Baker Botts ( CFR ) , Robert Blackwill van Barbour Griffith & Rogers ( CFR ) , Kobre & Kim, en tans Robert Amsterdam van Amsterdam & Peroff ( Chatham House) .

Bykomende ondersteuning vir Thaksin word verskaf deur die US State Department via die National Endowment for Democracy se NRO, by name Prachatai .

Dit is duidelik dat astronomiese bedrae en hulpbronne belê is in die Shinwatra-regime soos die Weste naarstiglik probeer om hul beleggings te beskerm.

In die Oekraïne is stootskrapers gebruik om deur die polisieversperrings te verbreek. Dié barbaarse optrede is nog nie deur die Weste veroordeel nie.

Vir Thai-betogers is dit onwaarskynlik dat hulle sal voordeel trek uit ‘n stootskrapervoorhoede. Waarop die Weste egter geen antwoord het nie, is vreedsame verset.

Betogers het ‘n dag of wat gelede die blitsverkiesing wat die eerste minister, Yingluck Shinawatra se Rooi Hemde uitgeroep het, geïgnoreer en sê sy moet in hegtenis geneem en van hoogverraad aangekla word.

Die betogers het Shinawatra 24 uur tyd gegee om te bedank nadat sy die blitsverkiesing uitgeroep het. Die spertyd het Dinsdagaand verval. Dit was haar laaste troefkaart.

Die leier van die Geel Hemde, die opposisie se Suthep Thaugsuban, het gedreig dat protesoptrede verskerp sal word. Die uitkoms beloof om spannend te wees.

Shinawatra is die tussentydse eerste minister tot die verkiesing op 2 Februarie aanstaande jaar.

EU plaas invoerverbod op Suid-Afrikaanse sitrus

‘n Invoerverbod op Suid-Afrikaanse sitrus is deur die Europese Unie ingestel. Die verbod volg nadat 36 sitrusbesendings uit Suid-Afrika onderskep is.

Die EU het ‘n invoerverbod geplaas op die meeste sitrusprodukte wat in Suid-Afrika geproduseer word.

Die rede wat die EU aanvoer is dat ‘n swamsiekte, Swartvlek of Swartkolsiekte, in van die besendings gevind is.

‘n Ingeligte anonieme bron het gesê die EU-handelshoof Karel De Gucht het reeds aan Suid-Afrikaanse amptenare tydens ‘n besoek aan Johannesburg gesê dat die besmette besendings “ernstig en problematies” is, en dat dit aangespreek moet word.

Suid-Afrika voer jaarliks ongeveer 600,000 ton sitrus vrugte uit na die EU – veral lemoene, suurlemoene, lemmetjies en nartjies – ter waarde van sowat €1000.000.000. Dit is die belangrikste bron van lemoensap wat verbruikers in Brittanje, Duitsland en Frankryk tydens die Europese somermaande nuttig.

Die dispuut kom op ‘n sensitiewe tyd. Die Europese Unie wil Suid-Afrika se ondersteuning verkry om handelsooreenkomste met die sub-Saharastreek te ontsluit .

Tydens die onderhandelinge in Suid-Afrika hierdie week het die EU-amptenare aangebied om die terme van ‘n bilaterale vryhandelsooreenkoms wat dateer uit 1999 aan te pas, om vir die eerste keer aan Suid-Afrikaanse suikerboere tariefvrye toegang na Europa toe te staan.

Die sitrusverbod is grootliks simbolies, want dit is net van toepassing op vanjaar se Suid-Afrikaanse sitrusoes wat in Oktober geëindig het, wat beteken dat die EU-invoere reeds gestop het.

Die blok se studies toon die siekte wel ‘n risiko inhou as dit posvat in Europa se beraamde 500,000 hektaar sitrusboorde.

Die verbod is ingestel op die grootste produserende gebiede in Suid-Afrika en alhoewel dit slegs op die huidige oesseisoen van toepassing is, het amptenare van die EU egter gewaarsku dat die beperkings verleng mag word tot die volgende seisoen.

Duitsland verloor hul swart ANC-vriende

Duitsland is uit die veld geslaan dat hulle moeite om Suid-Afrika te “bevry” nie waardeer word deur die ANC nie.

Jürgen Erich Schrempp, die HUB van Daimler-Benz, en een van Transnet se direkteure, was een van die ANC se grootste ondersteuners. Sy sakevernuf om die Duitse en Amerikaanse motormark saam te smelt het hom egter in die steek gelaat en dit het op ‘n totale mislukking uitgeloop.

Dit lyk asof Duitsland se verhouding met die ANC op dieselfde koers is.

Die nuwe Wet op die Bevordering en Beskerming van Beleggers sal die ANC-regering die mag gee om Duitse bates van eensydig te vervreem.

Die wet is verlede Vrydag in die staatskoerant gepubliseer ten spyte van hewige Europese kritiek. Beleggers is feitlik tans van alle beskerming ontneem vir sover dit bilaterale handelsverdrae aangaan.

Die wet bied gebrekkige beskerming aan huidige beleggers sowel as voornemende beleggers wat die land se ekonomie verder kan knou.

Verhoudinge met die Europese Unie wil nie vlot sedert Suid-Afrika onlangs sy handelsverdrae met België ongedaan gemaak het nie ten spyte van beleggings van miljarde rande.

Drie van die seerste knelpunte is dat indien buitelandse ondernemers van hul bates vervreem word of benadeel word, hulle hulself nie op internasionale bemiddeling en arbitrasie sal kan beroep nie.

Vergoeding met onteiening vereis nie dat markwaarde oorweeg word nie en geen billikheidsbeginsel met vergoeding – wat voorheen in handelsverdrae gewaarborg is – sal in toekomstige verdrae vasgelê word nie.

Kennelik het die wet nou die pad voorberei om beleggers se bates te kan opeis sonder vergoeding wat aan markwaarde gekoppel is.

Die Duitse ambassadeur in Suid-Afrika, dr. Horst Freitag, het gesê Duitsland en Duitse beleggers deel hul diepe pessimisme dat die ANC bilaterale handelsooreenkomste met ‘n sekere onverskillige argeloosheid bejeën.

Snowden vir die Sakharov-prys vir vryheid van spraak benoem

Edward Snowden, die fluitjieblaser wat die VSA se omvattende spioenasieprogram blootgelê het, is Woensdag benoem vir die parlement van die Europese Unie se jaarlikse Sakharov-prys vir vryheid van spraak.

Die 30-jarige Snowden het aansoek gedoen om asiel in Rusland nadat hy weke in die transitodeel van Moskou se lughawe moes deurbring waar hy uit Hong Kong aangeland het na sy plofbare onthullings wêreldnuus geraak het.

Die wenner van die prys word in Oktober aangewys.

Oudpres. Nelson Mandela en dr. Kofi Anan, voormalige sekretaris-generaal van die Verenigde Nasies, is vorige wenners. – AP

Kerry mislei Senaatskomitee oor rebelle

sirieseteregstelling — Die openingstoneel van die video

By die Senaatskomitee oor buitelandse betrekkinge waar Kerry die saak vir president Barack Obama se plan om Sirië aan te val gestel het, het Kerry beweer dat die gewapende opposisie “toenemend deur sy gematigheid en uitgebreide lidmaatskap gekenmerk word, hulle gehoorsaamheid aan demokratiese prosesse, inklusiwiteit en ‘n grondwet wat minderhede beskerm”.

“En die opposisie word sterker by die dag,” het Kerry bygevoeg.

Intelligensiebronne en kundiges oor die Siriese konflik sê dié assessering is nie korrek nie.

Hulle sê Islamitiese groepe soos die Al-Kaida se Nusra Front is beter georganiseer, gewapen en opgelei.

Kerry se opmerkings verteenwoordig ‘n verandering in gesindheid deur die Obama-administrasie, wat vir meer as twee jaar versigtig was om nie aan rebelle Amerikaanse wapens te verskaf nie.

So onlangs as die einde van Julie, op ‘n sekuriteitskonferensie in Aspen, Colorado, het die adjunk-direkteur van die Pentagon se verdedigingsintelligensie-agentskap, David Shedd gesê hy is “baie bekommerd dat die mees radikale elemente sal oorneem”.

Die Amerikaanse en geallieerde intelligensiebronne het egter gesê die soort radikale aanslae waarna Shedd verwys het, het nie verander nie.

In ‘n tweede verhoor Woensdag, is Kerry uitgedaag deur ‘n Republikeinse verteenwoordiger Michael McCaul, Texas .

“Wie is die rebelle? Wie is hulle? Ek vra dit die hele tyd in my inligtingsessies,” het McCaul gevra. “En elke keer word ek ingelig dit is net erger en erger, want die meerderheid van die rebelle – en ek sê hier meerderheid – is radikale Islamiete wat instroom van oor die hele wêreld.”

Kerry het McCaul se stelling probeer afmaak as verkeerd en gesê dat “gematigde” groepe oorneem.

Top Amerikaanse intelligensie en militêre amptenare het onlangs ook ‘n somber openbare evaluering van die relatiewe sterkte van matige en godsdienstige ekstremistiese Siriese rebelle gedoen.

As anekdotiese bewys is ‘n video op YouTube uit Sirië ‘n paar dae gelede gesmokkel deur ‘n voormalige rebel wat die rebelle se laggende bevelvoerder gedokumenteer het in afgryslike toneel.

Dit is met walging begroet en bied ‘n donker insig in hoe baie rebelle ‘n wrede en genadelose houding teenoor gevangenes openbaar.

Hierdie video, geskiet in April, sluit aan by ‘n groeiende aantal bewyse van ‘n toenemend kriminele omgewing bevolk deur bendes van plunderaars, opportuniste, ontvoerders en moordenaars.

VSA, EU twyfel oor Zim-uitslag

Amerika en die Europese Unie het hul twyfel uitgespreek oor die geldigheid van Zimbabwe se presidensiële en parlementêre verkiesing.

President Robert Mugabe en sy ZANU-PF party het as duidelike wenners uit die stryd getree.

Die Amerikaanse minister van Buitelandse sake, John Kerry sê hy glo nie dat die amptelike uitslag die wil van Zimbabwiese burgers weerspieel nie.

Kerry het ‘n beroep op die Suider Afrikaanse Ontwikkelingsgemeenskap en die Afrika-Unie gedoen om in te gryp. Hy het ook die Zimbabwiese regering gevra om ‘n plan te maak sodat Zimbabwiërs hul mees fundamentele demokratiese reg in ‘n vry en regverdige omgewing kan uitoefen.

Die Europese Unie het op sy beurt gesê hy is bekommerd oor die beweerde onreëlmatighede en ‘n gebrek aan deursigtigheid in die verkiesings.

Die EU se uiteindelike besluit oor die verkiesing, sal deurslaggewend wees wanneer besluit word oor die verslapping of verstewiging van sanksies teen Zimbabwe.

Die EU se buitelandse beleidshoof – Catherine Ashton – sê die EU sal die verwikkelinge die volgende paar weke noukeurig dophou.

Volgens die amptelike uitslag het president Robert Mugabe die presidentsverkiesing met 61 persent gewen, terwyl Morgan Tsvangirai van die MDC 33 persent van die stemme op hom verenig het.

Die ZANU-PF-party het vroeër ‘n tweederde-meerderheid in die parlement gekry toe hy 150 van die 210 setels ingepalm het. – RSG

EU plaas Hezbollah militêre vleuel op terreurlys

Die Europese Unie (EU) het die militêre vleuel van die Libanese groep Hezbollah Maandag op sy terreurlys geplaas.

Die EU se 28 ministers van buitelandse sake het die besluit eenparig ondersteun tydens die unie se maandelikse vergadering.

Europese Unie ministers van buitelandse sake se vergadering in Brussel het ‘n einde aan maande se geredekawel oor die besluit om die militêre vleuel van die Libanese Hezbollah op die EU se lys van terroriste-organisasies te plaas.

Die besluit volg op ‘n selfmoordbomaanval waarin vyf Israeliese toeriste in Bulgarye omgekom het. Eerste Minister Benjamin Netanyahu, het Iran dadelik blameer, maar Bulgaarse ondersoekbeamptes het gewaarsku dit sal ‘n “fout” te wees om blaam toe te wys voor die aanval ondersoek kan word.

Israel, saam met die VSA, het die skuld op Hezbollah en dus Iran vir die aanval gepak.

Die aanvalle, het een senior Amerikaanse amptenaar gesê, was in weerwraak vir die moord op Iranese kernwetenskaplikes. Dit was uit weerwraak, het die Amerikaanse amptenaar, wat gepraat het op voorwaarde van anonimiteit omdat die ondersoek nog aan die gang was, gesê.

In skrille kontras, het The Washington Post se Karin Brulliard, uit Jerusalem verslag gedoen, en gesê alhoewel sy kennis neem van die amptelike beskuldigings teen Hezbollah en Iran se verantwoordelikheid, het “Israel geen konkrete bewyse aangebied om die aanval met Iran te verbind nie. Die VSA se intelligensie-amptenare het gesê dit was ‘geloofwaardig’ dat Hezbollah die aanval uitgevoer het, maar ontleders by die CIA en ander agentskappe oorweeg nog steeds die intelligensie rondom die aanval en het nie ‘n gevolgtrekking bereik nie.”

EU-bronne in Brussel het intussen gewaarsku en gesê dat die proses kan nog twee tot drie dae kan duur.

In baie opsigte is dit ‘n historiese oorwinning vir Brittanje en Frankryk, maar dit kan die EU verder verdeel op byna elke aspek van hoe om met die Midde-Ooste te handel, wat Iran, Israel, Palestina, Libanon en Sirië insluit.

Die Verenigde State en Israel het beide druk op die EU geplaas. In ‘n debat wat maande geduur het, het Ierland en Malta vasgeskop, terwyl Oostenryk gevrees het vir die veiligheid van sy troepe as deel van die VN-bedrywighede in Libanon in gebiede wat onder die direkte beheer van Hezbollah staan.

Die politieke vleuel van die Hezbollah is deel van die regering in Libanon en die Libanese regering het amptelik probeer om die EU te weerhou van die neem van so ‘n besluit.

“Ons kan nie toelaat dat die militêre tak van die Hezbollah terroriste-aktiwiteit in die Europese Unie voer nie,“ het Guido Westerwelle, die Duitse minister van buitelandse sake verduidelik.

Hoe om die militêre van die politieke vleuel te skei, gaan egter ‘n moeilike vraag wees om op te los, het EU bronne gesê.

EU skenk miljarde aan Haïti

Die Europese Unie sal nagenoeg R10 miljard aan Haïti in die volgende paar jaar skenk om te help met ontwikkeling.

Catherine Ashton, die EU se hoof van buitelandse sake, sê sy sal hierdie bedrag namens die EU volgende week by ‘n konferensie in New York, oorhandig.

Volgens Ashton benodig dié land langtermyn hulp vir ontwikkeling. Die EU se departement van buitelandse sake het Maandag tydens ‘n vergadering besluit op dié bedrag.

керамические коронки

NAVO en EU moet waak teen kuberaanvalle

Dringende waarskuwings is aan NAVO en die EU gerig om besonder waaksaam te wees oor geheime intelligensiemateriaal nadat kuberaanvalle uit China glo toegeneem het.

Onlangse aanvalle het regerings- sowel as militêre instellings in die VSA geraak en kenners meen die Weste is nie werklik gestaal daarteen nie.

Veral die Europese Unie is kwesbaar as kuberveiligheid aan lidlande oorgelaat word, meen kenners.

Diplomatieke bronne in NAVO sê Chinese aanvalle vind toenemend op ‘n gereelde basis plaas.

In die VSA is ‘n amptelike verslag Vrydag bekend gestel waarin daar geraam word dat die aantal aanvalle op die Kongres en ander regeringsinstansies bykans 1,6 miljard elke maand beloop.

Die Chinese kuberpenetrasie in sleutelposte van die EU en NAVO het die normale vloei van intelligensie streng beperk.

Die Britse Kantoor vir Kuberveiligheid by die Kabinetskantoor in Londen sê daar is twee soorte aanvalle. Die eerste soort is om die stelsel lam te lê en die tweede om te gaan “visvang” vir sensitiewe inligting.

‘n Spesiale kantoor word tans by die Britse hoofkommunikasiekantoor, die GCHQ in Gloucestershire, ingerig om die groeiende bedreiging aan te spreek. Hulle sal teen die einde van die maand operasioneel wees.

Volgens veiligheidskenners kyk die Chinese na sake soos wapenverkope, kernsperinligting, Tibet en energie.

‘n Britse veiligheidkenner meen die traagheid van Europa om inligting met die VSA uit te ruil, maak hulle meer kwesbaar omdat hulle nie op standaard is nie.

Die direkteur-generaal van MI5, Jonathan Evans, het in 2007 gewaarsku dat verskeie lande betrokke is in grootskaalse kuberaanvalle.

Robert Mueller, FBI-direkteur, het verlede week gewaarsku dat Al Kaida in die toekoms ‘n soortgelyke bedreiging kan inhou en sal binnekort “fisiese aanvalle met kuberaanvalle kombineer”.

Die VSA het verlede jaar die Office of Cyber Security opgerig met kubertsaar Howard Schmidt aan die spits om die Amerikaanse regeringsrekenaars te bewaak.

Dit is nie bekend of die Britte deelneem aan kuberaanvalle nie.

Kenners sê daar is ‘n onderskeid tussen sulke aanvalle en die inligtingsoorlog wat daagliks woed.

топкарго

Wilders uit die wildernis?

Met die oë van die wêreld steeds op die aardbewingramp in Haïti gerig, bied ‘n gebeurtenis wat hom van vandag af in Nederland afspeel, in daardie land sterk kompetisie vir nuus uit die rampgebied.

Die verhoor van Geert Wilders, leier van Partij voor de Vrijheid, begin vandag. Die naaste raakvlak met die Suid-Afrikaanse reg sou daarop neerkom dat hy van haatspraak jeens Moslems aangekla word.

Terwyl Nederlanders die naarheid in is, getrou aan Wes-Europese tradisie, oor elf Nederlanders wat steeds in Haïti vermis word, steel Wilders se saak vanoggend die kollig.

Terwyl dit wat Wilders oor die Moslems en die Koran kwytgeraak het, soos om na die Koran as ‘n fascistiese boek te verwys, erg is, is die gevoel nogtans wyd dat sy vervolging eerder polities as juridies is. Die praktyk lyk wel effens anders – die Openbare Ministerie het geweier om hom te vervolg, en die vervolging geskied nou in opdrag vanuit die regbank self.

Wilders self verwag vryspraak. Of sy verwagtinge met die werklikheid strook, is ‘n ander vraag.

Tot sy krediet moet vermeld word dat hy ten spyte van sy vry sê nog nooit geweld teen die teikens van sy argwaan geuiter het nie.

Trouens, Wilders se saak kom te midde van ‘n redelike wye verset teen Moslems se skynbare aandrang op gelyke regte geskoei op iets wat op iets hoër as gelykheid neerkom. Pas het ‘n Moslemparty in Nederland gevra dat afsonderlike swemtye by openbare plekke vir mans en vroue ingestel word, omdat dit Moslemtradisie is.

Die reaksie was min of meer: As jy ‘n Nederlander wil wees, val jy by Nederlandse tradisie in.

Die Nederlandse regering is ook getrou aan sy eie grondwet. Toe Brittanje aanvanklik besoekregte aan Wilders geweier het, het Nederland sy rug styfgemaak. Toe Turkye langlippie raak oor Wilders se insluiting in ‘n parlementêre afvaardiging wat Turkye gedurende die Kersvakansie sou besoek, is die besoek afgelas eerder as om Wilders uit die afvaardiging weg te laat.

Intussen het Wilders se party in gewildheid gegroei, en is volgens peilings nou die tweede sterkste party in die land. Die verwagting is dat die hofsaak sy gewildheid gaan versterk.

Die Nederlanders wil nie vreemdelinge in hul eie land word nie, en nog minder deur Moslemgebruike gyselaar gehou word. Wilders se saak het reeds in simboliese waarde sy belang op die ontwikkeling van regspraak oor die sensitiewe immigrantekwessie geword.

Terwyl die debat waarskynlik nog sterk deur ‘n tradisie van sensitiwiteit oor politieke korrektheid oor die saak geïnhibeer word.

Volkstaat kan ‘n Zimbabwe-eindspel verhoed

Beeld het vandag ‘n verkorte weergawe van my brief in antwoord op Pieter du Toit se Volkstaat hou g’n heil in gepubliseer. Hier is die volledige brief, wat ek intussen ‘n bietjie bygewerk het. (Ek dink Beeld is gister oorval deur briewe, want vele mense in die Vryheidsfront het ook skrywes aan die koerant gerig, wat uiteraard nie almal geplaas is nie.)

Pieter du Toit maak die gedagte van ‘n Afrikanervolkstaat op stereotipe wyse af as ‘n plek waar “gedwonge segregasie” sal geld en wat bewoon sal word deur bejaarde en bebaarde mense.

Die soort volkstaat waarvoor ek, die Vryheidfront Plus en baie ander denkende, moderne en ingeligte Afrikaners ons beywer, sal egter ‘n plek wees sónder gedwonge segregasie waar Afrikaners ‘n meerderheid sal vorm. Dieselfde streng, maar billike maatreëls teen onwettige immigrasie sal geld wat in enige ontwikkelde land, hesy in die EU, hetsy in Noord-Amerika, Australië of waar ook al toegepas word.

Afrikaners sal oplaas ná eeue van vlug, swerf en stryd omdat ons deur Katolieke Spanjaarde, moordlustige Britte en nou rassistiese Afro-Saksers verdruk is, vryheid smaak.

Ons eis ‘n derde van die land in ‘n strook wat loop van Pretoria-Oos tot anderkant Witbank met Jan Smuts-lughawe en die meeste kragsentrales, asook suidwaarts ‘n groot deel van die Oos-Vrystaat tot in die Suid-Kaap met die kusgebied tussen Port Elizabeth en Mosselbaai daarby ingesluit.

Soos dr. Willem van Heerden in sy boek Hartland van die Afrikaner aangetoon het, word hierdie gebied reeds in ‘n hoë mate deur Afrikaners beset en sou ons kort ná afstigting daar ‘n demografiese meerderheid kon verkry, veral as die diaspora-Afrikaners kan terugkeer.

Uiteindelik sal die twee buurlande van Mzanzi (“Suid-Afrïka” is in elk geval ‘n apartheidskonsep wat moet ophou bestaan) en die te stigte Afrikaanse Republiek se bevolkings vanself op grond van taal en kultuur segregeer, net soos wat Duitsers nie in Frankryk wil gaan bly nie en andersom, al is grense in die EU lank reeds afgeskaf.

Swartmense en vele Engelssprekende blankes verkies die huidige regeringsvorm met sy welvaartstaat, misdaad, Engels, regstellende aksie, omgewingsbesoedeling en korrupsie wat ons tegelyk woedend en moedeloos maak.

Net so sal hulle waarskynlik ontuis voel in ‘n land met wetstoepassing, Afrikaans en hoë opvoedkundige standaarde waar niks op ‘n skinkbord verkry word nie. Dit sal egter ordelik, skoon en veilig wees met die helfte van Suider-Afrika se BNP en Afrikaans as enigste amptelike taal.

Vryheid in ‘n eie staat is waarvoor ons voorouers uit Nederland, Frankryk en Duitsland die seë aangedurf het, waarvoor hulle oor die Drakensberg getrek en twee Vryheidsoorloë geveg het.

Dat Beeld-lesers ook hierdie ideaal koester, is iets om oor opgewonde te raak. ‘n Afrikanervolkstaat kan die hele Suider-Afrika van ondergang red soos wat ‘n Zimbabwe-eindspel in ons land vermy word. Vele swartmense sal dit ook só sien.

Die multikulturele Afro-demokrasie wat ons in 1994 gekry het, het grotendeels misluk. Die hoofrede daarvoor is dat die argitekte daarvan soos ambassadeur Renwick van Brittanje, die destydse Broederbond, FW de Klerk en Roelf Meyer, die rol van etnisiteit in Afrika totaal onderskat of gewoon geïgnoreer het. Net vanmôre luister ek na ‘n onderhoud met Deon Theron van Zimbabwe se Commercial Farmers Union. oor Radio Pretoria Volgens hom, “gaan die hele proses van grondhervorming oor ras. Daar word reguit gesê dat ‘ons nie meer witmense in die land wil hê nie'”. Selfs hervestigde swart boere wat hul grond aan wittes wil verhuur, word gedreig en geïntimideer om dit nie te doen nie. Indien so ‘n “nuwe (swart) eienaar” sy plaas aan ‘n blanke sou verhuur, word hy op sy beurt “onteien” of beset.

Dan bekla Theron dit dat die Suid-Afrikaanse regering niks doen om Suid-Afrikaanse grondeienaars in Zimbabwe te help nie. ‘n Brief in dié verband is onlangs aan die Suid-Afrikaanse ambassade in Harare gerig, maar dit is nie eens oopgemaak nie en heeltemal deur “ons” ambassadeur in Zimbabwe geïgnoreer. Dit is helder en duidelik dat die ANC die proses van etniese suiwering van blankes in Zimbabwe goedkeur en waarskynlik dieselfde hier ter plaatse beplan sodra omstandighede dit toelaat.

Op die duur verdra die swartman in ‘n magsposisie geen ander rasse in sy grondgebied nie. In Zimbabwe word dit openlik gesê en geen ANC-woordvoerder het nog dié beginsel teëgespreek nie. Sónder ‘n volkstaat is die blanke Afrikaner aan hierdie oeroue logika van “Afrika vir die Afrikaan” uitgelewer.

Die rampspoedige gevolge vir die subkontinent as die Afrikaner met sy landbou- en tegnologiese kundigheid uit Suid-Afrika verdryf word, gaan deur 200 miljoen mense gevoel word en die internasionale gemeenskap sal nie die hongersnood en verval op ‘n baie groter skaal as in Zimbabwe kan hanteer nie.

‘n Tuiste vir die Afrikaner waar hy aan die rasselogika van “Afrika vir die Afrikaan” kan ontkom, is dus onontbeerlik indien die ekonomiese stelsel wat hoofsaaklik in Gauteng gesetel is, gered wil word. Dit verklaar ook waarom die hoofstad van die Afrikaanse Republiek nie in Orania gesetel moet wees nie, maar in Pretoria en die omliggende stedelike gebiede waar die meeste Afrikaners tans woon.

free downloads casino Данильченео