In ‘n verrassende skuif het die Nobelpryskomitee sy vorige besluit hersien en die 2015 Nobelprys vir Vrede gesamentlik aan die Amerikaanse president Obama en postuum aan Nelson Mandela toegeken.
“Die besluit was nie ‘n maklike een nie,” het ‘n woordvoerder van die Noorse Nobelpryskomitee verduidelik.
“Beide Obama en Mandela het bygedra tot globale vrede!”
‘n Uittreksel uit die lofprysingstoespraak:
Ons bewonder die Amerikaanse president soveel te meer omdat hy aan al die verwagtinge voldoen het wat ons van Obama in 2008 gekoester het.
Om al sy suksesse saam te vat: Daar was die eerste omvattende troeponttrekking uit Afghanistan en Irak, net soos hy belowe het. En daar was die bevryding van Libië, sonder enige ongevalle en sy vredesendings in Sirië en die Oekraïne.
Obama het onlangs oneindig bygedra tot vrede, vryheid en voorspoed in die Midde-Ooste en die Oekraïne. Die belangrikste kwessie vir Obama was om demokrasie en Westerse waardes aan dié lande te bring, en hy het nooit demokrasie versaak nie, ook nie in Suid-Afrika nie.
Obama en Mandela is nou twee van net vyf individue wat die Nobelprys twee keer ontvang het, ‘n buitengewone eer!
Na aanleiding van hierdie kriteria was dit nie moeilik vir ons om ‘n ander kandidaat en mede-wenner van 2015 se Nobelprys vir Vrede te kies nie. Ons het ‘n dapper man postuum in Mandela ontdek.
Verder was hierdie dapper man in staat om ‘n vredesooreenkoms te wring uit ‘n wit Suid-Afrika en dit was slegs moontlik met die energieke ondersteuning van die swart Amerikaanse president Obama.
En die Nobelpryskomitee het beklemtoon dat Mandela opgestaan het teen die voortgesette afskuwelike oorheersing van wittes in die wêreld.
Hy het sy stem hard verhef teen die daaglikse ongekende wreedhede in wit lande.
Mandela kon die maklike pad geneem het en Afrikaners voor die voet uitgewis het, waar dit maklik was om die teenwoordigheid van Amerikaanse militêre teenwoordigheid te demonstreer.
Maar Mandela het gekies vir die moeilike alternatief. Hy het plaasmoorde van stapel gestuur om agteraf van Afrikaners ontslae te raak en hul bates te vervreem.
Hierdie meesterskuif om Amerikaanse satellietfoto’s van landelike Suid-Afrika te laat lyk asof dit afkomstig is van die 60’s van die vorige eeu, was ongetwyfeld die rede hoekom die prys postuum aan hom toegeken moes word.
Misdaad het duisendvoudig toegeneem in Suid-Afrika, maar Mandela kon dit verbloem met swart baasskap, sonder dat ‘n enkele skoot tydens die bevryding geskiet is.
Dit is presies die stoffasie waarvan Nobelprysbekroondes gemaak word!
President Barack Obama sal by die Verenigde Nasies hierdie week sy laaste geleentheid hê om sy globale buitelandse beleid na te jaag, wat tans nuwe uitdagings bied.
Die toenemend komplekse dinamika in die geteisterde Midde-Ooste het Obama se langtermyn beleidsdoelwitte aan byna onoplosbare probleme blootgestel.
Rusland se bewegings in Sirië en Irak sal Obama se drie dae in New York voor die Algemene Vergadering van die VN oorskadu.
Terwyl hy Maandag geskeduleer is om vir die eerste keer in meer as twee jaar met president Vladimir Poetin te ontmoet, worstel hy ook met die Amerikaanse rol in ‘n globale migrantekrisis wat deur Sirië se burgeroorlog geskep is.
Obama se verwagte toespraak sal dien as ‘n padkaart vir hoe hy van voornemens is om die oorblywende 16 maande van sy termyn te benader.
Hy sal na verwagting weer volgende herfs verskyn, maar sal dan slegs ‘n paar maande in die amp oorhê.
Poetin is ook geskeduleer om die Algemene Vergadering Maandag toe te spreek, en die Midde-Ooste sal sentraal tot hoëspanningsgesprekke tussen die VSA en Russiese leiers wees.
Israel, Jordanië en Turkye het reeds die aftog teen Rusland geblaas. Die VSA se militêre magte erken nou, na vele ontkennings, dat sy huursoldate wapens en ander voorrade aan al-Qaeda verskaf.
Daardie feit is ‘n ander argument teen die aggressiewe “kenners” wat met die oorlog oor Sirië wil voortgaan.
Ernstige ontleders het reeds alle vertroue in hul oordeel verloor. Die ongelukkige CENTCOM-bevelvoerder generaal Lloyd Austin sal die prys betaal vir hul mislukte strategie.
Dit is bekend dat die ISIS-bevelvoeders vlot Turks en Russies praat.
Pres. Barack Obama het Dinsdag weer ‘n woorde-aanval geloods teen Burundi se president.
Die toespraak het aan die einde van Obama se besoek aan Kenia, die geboorteland van sy pa, en Ethiopië gekom, het AFP berig.
Obama is die eerste Amerikaanse president in die geskiedenis wat die Afrika-unie (AU) kom toespreek het.
Albei lande is sleutel veiligheidsbondgenote van Amerika in die stryd teen terreur, maar Obama het sowel Kenia as Ethiopië oor kwessies soos demokrasie, menseregte en korrupsie uitgedaag.
“Afrika se demokratiese vooruitgang word in gevaar gestel deur leiers wat weier om uit te tree nadat hul termyne ten einde geloop het,” het Obama onder luide applous van sekere dele van die gehoor gesê.
“Niemand behoort lewenslank president te wees nie,” het hy gesê en verduidelik dat hy daarna uitsien om oor 18 maande die tuig neer te lê.
“Ek geniet my werk, maar ingevolge ons grondwet kan ek myself nie weer verkiesbaar stel nie. Ek dink dat ek ’n redelike goeie president is. Indien ek weer sou staan vir president kan ek wen, maar ek sal nie.”
“Ek verstaan nie hoekom mense so lank wil aanbly nie, veral as hulle genoeg geld het,” het hy gesê. Hy het ook gesê dat niks Afrika se ekonomiese potensiaal vinniger sou ontsluit as om “die kanker van korrupsie” uit te roei nie.
Obama het Burundi se pres. Pierre Nkurunziza, wie se geslaagde aanspraak op ’n derde termyn weke se onluste in die land ontketen het, uitgesonder as ’n voorbeeld van die gevare om in ’n pos aan te bly en die risiko vir “onstabiliteit en konflik” te loop.
Die Amerikaanse president, Barack Obama het in Ethiopië aangekom vir die tweede been van sy besoek aan Afrika, het RSG berig.
Samesprekings oor terreur in Oos-Afrika gaan na verwagting hoog op die agenda wees, met duisende Ethiopiese soldate wat deel vorm van ‘n vredesmag teen al-Shabaab militante in Somalië.
Dit volg na ‘n ontploffing gister by ‘n hotel in die Somaliese hoofstad Mogadishu, waarin minstens dertien mense dood en meer as 40 gewond is.
Al-Shabaab het aanspreeklikheid vir die aanval aanvaar. Obama het tydens sy besoek aan Kenia die naweek gepraat oor die bedreiging wat die militante groep inhou, en die vordering wat reeds deur Afrika Unie-magte gemaak is.
Obama sal met die Ethiopiese eerste minister, Hailemariam Desalegn en die President, Mulatu Teshome vergader.
Hy gaan na verwagting ook die Afrika Unie se hoofkwartiere in Addis Ababa besoek, en met die voorsitter van die AU kommissie, Nkosazana Dlamini-Zuma vergader.
Obama se reis na Kenia gereis is sy eerste besoek sedert hy president geword het, aan die vaderland van sy beweerde pa.
Hy sal van Kenia na Addis Abeba reis en die eerste Amerikaanse president word om Etiopië te besoek.
“Ondanks vele uitdagings wat die vasteland in die gesig staar, is Afrika ’n dinamiese plek met van die vinnigste groeiende markte in die wêreld en wat uitsonderlike mense het,” het Obama vroeër gesê.
Hy sê die vasteland “het die potensiaal om die volgende sentrum van globale ekonomiese groei te wees”. Obama het gepraat by ’n geleentheid waar die Amerikaanse wet op groei en geleenthede in Afrika (AGOA) herdenk is. Die handelswetgewing is daarop gemik om Afrika te help om vooruitstrewend te raak.
Hy het voorbeelde genoem van prestasies gedurende sy termyn as president wat op beter betrekkinge tussen Washington en Afrika gemik is.
“Ons het Amerikaanse uitvoere vermeerder. Ons het geskiedkundige inisiatiewe van stapel gestuur om handel en beleggings, gesondheid, voedselsekuriteit en landbouontwikkeling te bevorder en elektrifisering uitgebrei,” het Obama gesê.
Obama se besoek aan Afrika die week is sy vierde sedert hy president geword het, meer as enige ander Amerikaanse president. “As jou naam Barack Obama is, dink ek dit maak sin,” het hy geskerts.
In Indië het hulle heilige koeie. In Suid-Afrika los hulle die koeie sonder kos en water soos Madame Thandi Modise, die opkomende boerin, gedemonstreer het. By ons is koeie dus allermins heilig, synde dikwels mishandel. Maar ons het heilige mense! Die Pous en die Katolieke Kerk het hulle nie tot Heiliges verklaar nie, nee, hulle is sommer by geboorte Heilig, met ‘n hoofletter!
Heiligheid lei altyd tot taalkundige probleme. Hoofletter of kleinletter? Is hulle Heilige Mense of bloot heilige mense? Meer nog, hoe benader ‘n mens dié “heilige grond”, as jy na “hulle” verwys? Sekerlik moet jy jou spykerskoene en rugbystewels maar uittrek en met baie sagte pantoffels en baie eerbiedig naderskuifel. Maar wat noem ‘n mens die heiliges? Soveel mense is reeds à la Sunette Bridges (Skoppensboer se lesers onthou seker nog die “groenie”-debakel) Menseregtekommissie toe gesleep – indien hulle nie met AK-47’s onder ‘n kremetartboom gefusilleer is nie! – dat Skoppensboer liefs nie die verkeerde term wil gebruik nie. ‘n Mens kan deesdae vloek soos jy wil, moffies en letties mag trou, selfs in die konserwatiewe “rooistate” van die VSA, maar jy mag nie ‘n heilige mens met ‘n polities inkorrekte term of toespeling “kwets” nie. Dis die wêreld waarin ons woon. Gewelddadig en barbaars, maar vol subtiele semantiese slaggate.
Die “vrolike” withuis ná die uitspraak van die Amerikaanse Hooggeregshof dat selfdgeslagpare voortaan in al 50 state mag trou, ongeag wat die inwoners dink
Terloops, soos PRAAG onlangs berig het, het Barack Obama, die VSA se eerste “reënboog”-president wat vandeesweek die Withuis heel “vrolik” op sy amptelike Twitter-rekening geverf het, die woord “nigger” in ‘n potgooi-onderhoud met Marc Maron gebruik. Hy mag maar. Die verskriklike N-woord. Hier by ons is daar nog die K-woord. Nou die dag het ‘n Afrikaanse landdros ‘n blanke man vir twee jaar Pollsmoor toe gestuur omdat hy die K-woord teenoor ‘n heilige dame gebruik het. Bid jou dit aan. Skoppensboer sidder by die gedagte. Hy dink nie eens aan die K-woord nie. Njannies kepêla, soos sy oorle vader altyd gesê het.
Daarom het Skoppensboer lank en hard gepeins oor hoe om dié onderwerp te benader, want hy wil veral kommentaar lewer oor meneer, Mijnheer (let op dié eerbiedige aanspreekvorm) Panyaza Lesufi se afdanking van ‘n privaatskoolhoof omdat daar by Curro Roodeplaat ‘n onvermengde skoolbus op ‘n laerskooluitstappie vertrek het. Blykbaar het leliewit graadnulle langs mekaar in die bus gesit, noudat meng verpligtend geraak het. Is dit nie heiligskennis nie? Skoppensboer wil nie vir die heer Lesufi ‘n “swart man” of ‘n “swartman” noem nie, want netnou veroorsaak dit ook ‘n taalkundige probleem. Volgens die AWS (Afrikaanse woordelys en spelreëls) verskil dit in betekenis. Die voorbeeldsinne wat aangegee word is:
swart man (‘n – – van 1,78 m lank), -s
swartman (die geskiedenis van die – in Afrika)
Die (onlangse) geskiedenis van die swartman in Afrika is ‘n bloedige affêre, gedagtig aan Rwanda, die DRK, maar ook die “volksoorlog” in KZN, om van Winnie en haar halssnoermoorde nie te praat nie, dus wil Skoppensboer nie verder so ‘n polities inkorrekte onderwerp aandurf nie. Netnou kom hy in die moeilikheid. Soos so dikwels gesê word, bevind ons ons tans in die Nuwe Tyd, die Jaar Nul: vir diegene wat Piet Haasbroek se gangbare roman oor Pol Pot se Kambodja gelees het. Ons “sien nie meer kleur raak nie”. Of liewer: ons mag nie. Net die regering (of die heiliges) mag dit raaksien. As Nuwe Mens hier in die Jaar Nul – dalk is ons nou al in die Jaar Twintig, maar nog iewers naby aan die Groot Begin – sien Skoppensboer ook nie kleur raak nie. Hy is nie-rassig wedergebore.
Die heer Panyaza Lesufi mag ‘n swartman van Afrika wees, of selfs ‘n swart man van wie weet hoe lank, maar as Nuwe Mens durf Skoppensboer nie so na hom verwys nie. Daarom het hy besluit om ‘n geheel nuwe woord te bedink, wat vir ons Nuwe Tyd gepas sou wees. Daardie woord is: Bafoer. Daar kan seker ‘n lang debat daaroor gevoer word of dit met ‘n hoof- of kleinletter geskryf moet word. Dalk verleen “Bafoer” daardie ekstra tikkie eerbied en sekerlik kan dit soms met ‘n hoofletter gespel word. Maar daar is mos ‘n spreekwoord in Afrikaans wat lui: “Elke ketter het sy letter.” Met sy nostalgie vir die vervloë Rebellie onder Afrikaners, veroorloof Skoppensboer hom egter dié tikkie nonkonformisme, dié sweem van afwykendheid, om “bafoer” met ‘n kleinletter te spel.
Synde ‘n nuutskepping of neologisme – vir diegene wat standerdagt-Afrikaans in die afskuwelike Ou Suid-Afrika deurgekom het – is die woord “bafoer” ontdaan van enige ongewenste rasse- of etniese konnotasies. Dis neutraal. ‘n Bafoer verteenwoordig bloot ‘n meer heilige mens wat dus met die nodige ontsag en vroomheid aangespreek en behandel moet word.
As Nuwe Mens en gereelde leser van Naarperskoerante, Die Huisgenoot en ander polities korrekte publikasies, onderneem Skoppensboer om voortaan die term “bafoer” te gebruik om sy aflegging van alle etnies twyfelagtige idees uit die verre verlede toe die ligte nog gebrand en die kraanwater drinkbaar was, aan te dui.
Dis ‘n ietwat lang inleiding, maar nou verstaan u, liewe leser, dat die heer Panyaza Lesufi, vandeesweek as hoofbafoer vir onderwys in die provinsie Gauteng – Gangsters’ Paradise soos die nommerplate heet – heel befoeterd was oor die Curro-onvermengdegraadnulbusskandaal. Une affaire, soos die Franse sê. Daarom het die hoofbafoer vir onderwys sommer drie onheilige (nie-bafoeriese) leerkragte afgedank of láát afdank en ‘n onderneming van die Curro-groep verkry dat hulle voortaan blitssnel sal transformeer en geen verdere onvermengde graadnulbusritte sal duld nie. Indien u die illustere hoofbafoer vir onderwys misgeloop het, hier is hy op YouTube:
Die bafoer se woord is wet. Van nou af sál die privaatbusse van die privaatskool Curro kwotabusse wees: soveel kindertjies dié kant en soveel daai kant. En wee die onnadenkende graadnul of veral haar onderwyseres wat nie mooi tel en sorg dat elke bussitplek met sy kwota bafoeriese telge vereer word nie. Anders is daar perde en sal die nie-bafoere links en regs die trekpas kry.
Skoppensboer bemerk uit dié affêre ‘n nuwe wet van Transvaal, vir diegene wat onder die indruk was dat privaatonderwys hulle van inmenging deur die bafoere gaan vrywaar. Blykbaar moet ‘n privaatskool oor ‘n “lisensie” beskik om onderwys te mag gee. Soos Lesufi vandeesweek verduidelik het, beskik hy as bafoer oor die mag om so ‘n lisensie toe te staan of terug te trek. Geen wonder dus dat die Curro-groep gevra het: “Hoe hoog?” toe Lesufi sê “spring!” nie. Die onderwysbafoer het spesiaal afgevlieg Kaapstad toe om die direksie van Curro, wat ‘n genoteerde maatskappy is, die leviete te gaan voorlees. Graadnulle wat kontrarevolusionêre gedrag op die bus toon en dalk langs ‘n Afrikaanse maatjie wil sit, sal voortaan “vasgevat” word.
Curro moes láág voor die bafoer gekruip het, daarom het hy besluit om Curro Roodeplaat ‘n “laaste kans” te gee, en om die afdanking van drie personeellede te “aanvaar”. Waarom sou Curro so geredelik tot alles instem en hulle nie tot die howe wend om hulle “vryheid” as privaatinstelling te beskerm nie? Skoppensboer het nogal hieroor gewonder, totdat hy toevallig gesien het watse salarisse en vergoeding die direkteure van Curro verdien, volgens Bloomberg:
Dr. Chris Rudolph van der Merwe, hoofuitvoerendebeampte R35 miljoen p.j.
Mnr. Bernhardt van der Linde, finansiële direkteur R25 miljoen p.j.
Mnr. Andries Jacobus Ferdinandus Greyling, bedryfshoof R25 miljoen p.j.
Mnr. Hendrik Gideon Louw, beleggingshoof R28 miljoen p.j.
Kennelik is daar geld in Engelse privaatonderwys, as ‘n mens so na die vergoedingspakkette kyk. Saam vat die vier hoofde van Curro meer as R100 miljoen per jaar huis toe, dis meer as wat die arme aandeelhouers van “Curro Holdings” verdien. Hierdie manne weet aan watter kant hul brood gebotter is. Hulle sê seker net “Ja, baas, nee, baas” vir Lesufi. Die onderwysbafoer het mos voorheen ook kwytgeraak dat Afrikaanse skole “kleinbase grootmaak” omdat daar nie genoegsame bafoere op die speelgrond baljaar nie.
Die kersie op die koek is dat Curro Roodeplaat ook ‘n “diversiteitsbeampte” in diens neem om te sorg dat die bloedjies by die skool, sowel bafoeries as nie-bafoeries, behóórlik gemeng word. Hiervoor sal die direkteure van Curro Holdings seker aan hulself ‘n bonus toeken. Die kwotas op die bussitplekke sal streng eerbiedig word.
Uiteraard is Naarpers en veral hul noordelike ANC-mondstuk, Beeld, in die wolke oor die befoeterde en bebrilde bafoer “wat sy voet neergesit het”. Adderjan Basson teem gister in sy prawda:
Daarom is dit so jammer dat ’n ondeurdagte, selfs rassistiese, besluit deur een of meer onderwysers geneem is om taalapartheid toe te pas met die vervoer van die gr. 0-klas van 2015.
Daar kan absoluut geen morele regverdiging daarvoor wees om kinders op grond van ras of taal te skei op ’n skoolbus nie.
Dit is hartseer dat ’n skool in 2015 nog verplig moet word om kinders van verskillende rasse en tale toe te laat om ’n skoolbus te deel.
Wees verseker dat die Afrikaanse kinders nie “natuurlik” of “toevallig” besluit het om almal op een bus te ry nie. Die skool het reeds erken hy het sosiale ingenieurswese toegepas en so ’n groep onskuldige sesjariges se kleurblindheid vir ewig vernietig.
Skoppensboer ween saam oor die arme sesjariges wie se kleurblindheid so geskend is. Maar alles is seker nog nie verlore nie. Hulle moet net nog bietjie op die “Towerbus” ry, soos Ken Kesey en sy LSD-benewelde hippies doer in die sestigerjare, iets wat in Tom Wolfe se boek The Electric Kool-Aid Acid Test verewig is. Volgende keer as hulle of hul ouers onder ‘n huisrooftog of ‘n motorkaping deurloop, sal hulle salig kleurblind dié leersame ervaring deurmaak.
President Barack Obama het die woord “nigger” tydens ‘n onderhoud Maandag gebruik om blankes in Amerika aan te val wat nog nie “genees” is van rassisme nie.
“We’re not cured of it. And it’s not just a matter of it not being polite to say nigger in public. That’s not the measure of whether racism still exists or not.”
Obama het dié woorde in ‘n onderhoud vir die potgooi “WTF met Marc Maron” kwytgeraak. Maron, van Joodse afkoms, is ook gemoeid met die lede van die Daily Show – ‘n program wat nuusvervalsings onder die dekmantel van komedie versprei – nadat hy Jon Stewart vervang het op ‘n ander grapjasprogram.
“Dit is nie die maatstaf van of rassisme nog bestaan of nie. Dit is nie net ‘n kwessie van openlike diskriminasie nie. Samelewings verander nie oornag en vee alles heeltemal uit wat gebeur het 200 tot 300 jaar tevore nie,” het Obama gesê.
Die kommentaar kom te midde van die VSA se hernude pogings om wittes swart te smeer met ‘n breë aanklag teen wittes omdat een nege swartes in ‘n kerk in Charleston gaan skiet het.
Sy woorde weerspieël ook ‘n groeiende bereidwilligheid om blankes toenemend kollektief verantwoordelik te hou vir alle boosheid soos sy presidentskap die einde nader.
Swartes in samewerking met ander groepe in Charleston, Suid-Carolina, het intussen openlik wraak gesweer teen blankes.
Die foto van die Charleston-aanvaller, Dylann Roof, wat ‘n baadjie dra met die ou Suid-Afrikaanse en voormalige Rhodesiese vlae, is glo met rekenaarsagteware gemanipuleer.
Die egtheid van die foto sowel as die skieter se vreemde uitlatings en beweerde obsessies is onder verdenking. Die meeste nugter ontleders glo die gebeure is deel van ‘n valsvlag-operasie om blankes te diskrediteer.
‘n Geskiedkundige raamwerkooreenkoms is tussen die sogenaamde P5-moondhede en Iran in Lausanne, Switserland bereik oor ‘n vreedsame kernprogram.
Die voorlopige ooreenkoms tussen die VSA, China, Brittanje, Frankryk, Duitsland, Rusland en Iran is teen Israel se wense.
Die herverkose Israelse premier het die raamwerkooreekoms as ‘n “baie slegte ooreenkoms” gekritiseer. Benjamin Netanyahu het tot dusver alles in die stryd gewerp om die ooreenkoms te keer.
Na al sy luide verontwaardiging, veral voor die Amerikaanse kongres verlede maand en vroeër by die VN se Algemene Vergadering met ‘n tekening van ‘n bom, het die Lausanne-ooreenkoms hom na ‘n ondoeltreffende en gemarginaliseerde speler laat lyk.
Die gesamentlike omvattende aksieplan is ná etlike dae van intensiewe gesprekke tussen Iran en die ses wêreldmoondhede wat verby die sperdatum geloop het, in Switserland ter tafel gelê.
Die ooreenkoms sal Iran se vermoë om kernkrag op te wek aanmoedig, in ruil vir die verslapping van Westerse sanksies wat die land se ekonomie al ‘n dekade lank negatief raak.
Iran beplan om sy kernprogram vir vreedsame doeleindes aan te wend, waaronder kragopwekking en mediese toepassings.
Die voorlopige ooreenkoms sal waarskynlik tot ‘n finale en meer omvattende ooreenkoms lei wat voor ’n sperdatum van 30 Junie vanjaar tussen die betrokke lande gesluit moet word.
Dit behels onder meer dat die land sy verrykte uraanvoorraad oor die volgende 15 jaar verminder, asook sleutel-kerntoerusting.
Inspeksies deur die Westerse kernwaghond, die IAEA, word reeds deur Iran toegelaat.
Pres. Barack Obama het verklaar dat hy vol vertroue is dat die ooreenkoms Iran se kernwapenprogram sal beperk.
Betogers in Tokio, Japan, het plakkate uit protes teen die gebruik van kernkrag opgehou. Die land se regering onderspeel die skade wat die ramp veroorsaak het.
Duisende beswaardes het tydens hul optog ’n beroep op die regering gedoen om kernkrag in hul land te staak.
Die optog volg op die vooraand van die vierde herdenking van die 11 Maart-aardbewing en tsoenami wat verskeie ineenstortings by die Foekoesjima Dai-itsji-aanleg veroorsaak het.
Ten spyte van Japan se kernramp het sy regering vroeër besluit dat kernkrag as bron van elektrisiteitvoorsiening sal voortgaan.
Verskeie kernkragreaktors wat sluimerend was, is weer aangeskakel. Die land se minister van handel en nywerheid het verlede jaar aan verslaggewers gesê dat die regering “realistiese en pragmatiese energievoorsiening” beoog.
Japan het voor 2011 se Foekoesjimakernramp ongeveer 30% van die land se totale kragvoorsiening van kernkrag ontwikkel.
Ten minste 23 reaktors in die VSA is dieselfde generasie foutiewe General Electric-model wat misluk het in Foekoesjima.
Die Obama-administrasie word intussen daarvan beskuldig dat hulle die gevare van die reaktor se ontwerp onderbeklemtoon.
Tot nou toe, is dit geheim gehou dat General Electric die ses kernreaktors ontwerp het wat beskadig is en gesmelt het in 2011.
In werklikheid, het GE ook drie van die ses vervaardig, terwyl Toshiba twee gebou het en Hitachi een.
Die ontwerp van vyf van die ses reaktors is die GE Mark I model, terwyl die sesde die GE Mark II weergawe verteenwoordig.
Beide modelle is gekritiseer in die 1960’s as gebrekkige ontwerpe.
Byna vier dekades gelede het Dale G. Bridenbaugh en twee van sy kollegas by General Electric hul werke bedank nadat hy al hoe meer oortuig geraak het dat die kernreaktorontwerp so gebrekkig is dat dit kan lei tot ‘n verwoestende ongeluk.
Vrae oor die vermoë van die Mark 1 om die geweldige druk te hanteer wat wat opbou indien die reaktor sy verkoelingskrag verloor, het nooit opgehou nie en is ongelukkig deur die uiteindelike ramp te laat beantwoord.
GE en sy voorsitter Jeff Immelt persoonlik is albei rojale donateurs van Barack Obama en die Demokratiese Party.
Regter Ruth Bader Ginsburg van die Amerikaanse hooggeregshof het gesê sy het ’n baie goeie rede waarom sy op pres. Barack Obama se staatsrede verlede maand ingedut het: “Ek was nie 100% nugter nie.”
Die 81-jarige Ginsburg het op 20 Januarie op die gesamentlike sessie van die Kongres en die Huis van Verteenwoordigers openlik gesit en slaap, het Reuters berig.
By ’n gespreksbyeenkoms op die kampus van die George Washington-universiteit verlede week, het sy op ’n vraag van die moderator vertel dat ’n paar regters tradisioneel voor die staatsrede vir ’n ete bymekaarkom.
En regter Anthony Kennedy het vanjaar glo “’n uiters gawe Kaliforniese wyntjie, genaamd opus iets” saamgebring.
“Ek het my voorgeneem om vanjaar by die vonkelwater te hou en weg te bly van die wyn. Maar op die ou end was die ete so heerlik, ek moes net wyn ook hê,” het Ginsburg verklaar.
Die “skinkbord”, nagebootste teregstellings en slaapversteuring: Dít is van die “meedoënlose, maar ondoeltreffende” marteltegnieke wat die Amerikaanse Intelligensiediens, die CIA, sedert 9/11 op tot 100 terreurverdagtes toegepas het.
Getuienis oor dié martelings is vervat in ’n 500 bladsy lange opsomming van ’n verslag van die senaat se intelligensiekomitee wat Dinsdag uitgereik is.
Die verslag verwys na voorvalle ná die 9/11-aanvalle in 2001 tot 2009.
Die tegnieke was glo baie erger as wat aan die administrasie van oudpres. George W. Bush vertel is.
Die VSA het talle internasionale konvensies en verdrae oortree waarvan hulle ondertekenaars is deur aangehoudenes te martel.
Dit het in die Amerikaanse aanhoudingsentrum Guantánamo Bay in Kuba of geheime CIA-tronke gebeur.
Die voormalige Poolse president Aleksander Kwasniewski het erken dat sy land ‘n geheime gevangenis op sy grondgebied bedryf het waar aangehoudenes gemartel is.
Kwasniewski het voorheen ontken dat Pole gasheer vir ‘n geheime CIA gevangenis was.
Die marteltegnieke het ingesluit om kos fyn te maak en anaal toe te dien. Dit is “die skinkbord” genoem. Aangehoudenes moes ook hoor hul kinders sal aangerand word en hul ma’s sal seksueel aangerand of keelaf gesny word.
Daar was ook watermarteling en slaapversteurning.
Dianne Feinstein, komiteevoorsitter, het gesê die CIA het dikwels foutiewe inligting deur dié martelings verkry, maar dit dikwels nie besef nie.
Die komitee en die CIA is al tien maande lank in ’n stryd gewikkel om groot dele van die verslag van die publiek weg te hou – met die goedkeuring van pres. Barack Obama.
Feinstein se komitee sou die verslag reeds in April uitgereik het, maar moes eers met die Withuis onderhandel oor sekere feite wat om nasionale veiligheidsredes uitgelaat moes word.
Obama het Dinsdag in ’n verklaring gesê die martelings druis teen Amerikaanse waardes in.
“Dit het nie ons stappe teen terreur of ons nasionale veiligheidsbelange gesteun nie. Dit het wel Amerika se statuur in die wêreld se oë verlaag.
“Dit is waarom ek marteling verbied het. Ons doeltreffendste maatreëls teen terreur is om getrou aan ons ideale te bly,” het Obama gesê.
Die moord op die Suid-Afrikaners in Kaboel, Afghanistan, kom enkele dae voor ‘n NAVO-skenkersbyeenkoms in London.
Die nuwe president van die land, Asjraf Ghani, is pas aangewys in die plek van president Karzai en sal vandag na Brussel en Londen reis om samesprekinge met NAVO-amptenare te voer oor skenkings.
Afghanistan is ‘n dwelmuitvoerland. Dwelmuitvoere het dramaties gestyg sedert die VSA die land mbv NAVO aangeval het.
Bronne beweer dat Ghani omgekoop is deur die VSA is nadat hy intussen talle beperkings op NAVO-bedrywighede afgeskaf het.
Die New York Times het verlede week onthul dat Obama ‘n geheime bevel onderteken het om aanvalstroepe in Afghanistan te vermeerder in 2015.
Alhoewel daar beweer word dat die moorde ‘n geteikende selfmoord-bomaanval was, het die Kaboelse polisiehoof sy bedanking direk na die aanval ingedien.
Die 46-jarige Werner Groenewald, sy 17-jarige seun Jean-Pierre en 15-jarige dogter Rodé is Saterdag in die aanval dood.
Groenewald was deel van die Amerikaanse nie-regeringsorganisasie, Partnership in Academics and Development. Sy vrou, ‘n mediese dokter, het die aanval vrygespring.
Hannelie Groenewald het enkele jare gelede in ’n onderhoud met Beeld gesê hulle is die enigste voltallige Suid-Afrikaanse gesin in Kaboel.
Die aanval was ’n dag nadat Hannelie op haar Facebook-blad ’n liedjie aangehaal het: “Life as we know it is going to change soon.”
Die NG gemeente Moreletapark in Pretoria het in Sondag se erediens die familielede sterkte toegebid.
Volgens bronne het die drie ‘n grumoord gesterf gedurende die aanval wat drie uur geduur het. Die slagoffers het glo versmoor terwyl hulle doodgebloei het, het Media24 berig.
Amerikaanse nuusbronne het nie die nasionaliteit van die Groenewalds bekendgemaak nie.
Die direkteur van die Amerikaanse geheimediens Julia Pierson, het bedank te midde van toenemende kritiek oor haar hantering van veiligheidsprobleem by die Withuis en bewerings van misleidende openbare verklarings.
Omar Gonzalez, ‘n oorlogsveteraan word daarvan beskuldig dat hy die Withuis op 19 September betree het sonder toestemming.
Regslui vir Gonzalez sê hy ly aan post-traumatiese stresversteuring wat hy as sluipskutter in Irak opgedoen het.
Gonzalez word met drie misdrywe belas: Onregmatige betreding, met ‘n dodelike wapen, en die besit van ammunisie sonder registrasie. Ammunisie is in sy motor gevind.
Gonzalez is met ‘n Spyderco VG10-mes aan hom gevind toe sekuriteitswagte hom teen die grond gestoei het in die Oos-Kamer van die Withuis. Hy het oor die omheining gekom en vyf lae van sekuriteit en beskerming binnegedring.
Pierson is ironies genoeg in beheer van die geheimediens geplaas in reaksie op ‘n reeks skandale, insluitend die ontdekking van ‘n dronk agent in ‘n hotel saam met die presidensiële reisgroep in Amsterdam en agente wat na bewering prostitute op ‘n besoek aan Colombia saamgenooi het na hulle hotel.
Voorheen het Pierson gewerk as hoof van personeel by die agentskap, wat toesig hou oor nuwe IT-implementering.
Pierson se lot is verseël deur misleidende verklarings waarin sy geïmpliseer het die indringer was ongewapen en het dit nie verder as die voordeur gemaak nie.
Hy was in werklikheid na bewering met ‘n mes gewapen toe hy al ‘n hele ent in die gebou was.
Die Amerikaanse president, Barack Obama, het Woensdag by die VN se Algemene Vergadering in New York gesê die wêreld moet saamstaan teen terreur in Irak en Sirië, Russiese “aggressie” in Europa en ebola in Wes-Afrika.
Al drie probleme is vermoedelik deur die VSA self geskep.
“Ons kan die internasionale stelsel wat soveel vooruitgang geskep het hernu, of ons kan toelaat dat ons teruggetrek word deur ’n onderstroom van onstabiliteit,” het Obama gesê.
“Ons kan ons kollektiewe verantwoordelikheid om wêreldwye probleme te konfronteer herbevestig, of ons kan oorval word deur toenemende manifestasies van onstabiliteit.”
Hy het ’n beroep op die VN gedoen om saam te staan om die “kanker van gewelddadige ekstremisme te verwerp”.
David Cameron, die Britse premier, het Woensdag verklaar dat hy die Britse parlement gaan versoek om aan te sluit by die Amerikaanse lugaanvalle teen die Islamitiese Staat in Irak.
Cameron het dié besluit aangekondig in sy toespraak tydens die algemene vergadering van die Verenigde Nasies.
Dit is steeds nie duidelik of Brittanje gaan aansluit by die Amerikaanse lugaanvalle teen ISIS in Sirië nie.
Die hantering van ISIS het die VN-vergadering wat tans in sitting is, oorheers.
Die Australiese regering het aangekondig dat hy onmiddellik nog geldelike hulp van sowat R60 miljoen gaan stuur vir die internasionale aksieprogram om die ebola-epidemie in Wes-Afrika te stuit.
Australië het voorheen R10 miljoen geskenk.
Julie Bishop, die minister van buitelandse sake, het Woensdag in ‘n verklaring gesê die geld sluit die R20 miljoen in wat Brittanje versoek het om mediese dienste in Sierre Leone te verskaf.
President Barack Obama het Dinsdag aangekondig dat die VSA troepe teen die ebola-virus in Wes-Afrika sal ontplooi.
Om die epidemie te stuit sal 3 000 Amerikaanse weermagpersoneel soontoe gestuur word om ‘n gesondheidsprogram te begin.
Dit sal ‘n gedwonge inentingsveldtog insluit met middels wat glo nog nie voorheen getoets is nie.
UNMIL, die VN se militêre ontplooiing na Liberië is in 2003 op die been gebring om ‘n skietstilstandooreenkoms te versterk na ‘n burgeroorlog wat byna 150,000 Liberiërs – meestal burgerlikes – uitgewis het en nog 850 000 gedwing het om te vlug na naburige lande.
Die missie hou tans 4619 militêre personeel in Liberië. Die Veiligheidsraad het pas ingestem om die sending te verleng tot Desember deser.
Obama gaan na Atlanta reis waar hy die Amerikaanse gesondheidshoofde sal ontmoet. Dit is deel van ‘n wêreldpoging om die epidemie, wat reeds 2 400 lewens geëis het, die hoof te bied.
Dit word beskou as die ergste ebola-epidemie nóg en dit het reeds versprei deur Liberië, Sierra Leon, Nigerië en die Demokratiese Republiek van Kongo.
Die Amerikaanse hulp sal hoofsaaklik gefokus word op Liberië, wat sover die ergste getref is.
Die Verenigde Nasies het Woensdag gesê dat byna $1 miljard vir ‘n uitsonderlike, internasionale reaksie op die ebola-epidemie in Wes-Afrika nodig is.
Die Sekretaris-generaal Ban Ki-moon het verklaar: “Elke dag wat ons terughou, sal die koste en die lyding eksponensieel groei.”
“Dit is nie net ‘n gesondheidskrisis nie, maar dit het ernstige humanitêre, ekonomiese en maatskaplike gevolge wat ver buite die betrokke lande kan versprei,” het die sekretaris-generaal gesê op ‘n perskonferensie by die VN se hoofkwartier.
