korrupsie

SA polisie verkoop hul uniforms, ammunisie aan skelms

Daar moes onlangs dringend opgetree word om te verhoed dat polisieklere en -wapens in die verkeerde hande beland, het die Bellvillese Gespesialiseerde Handelsmisdaadhof Maandag in Kaapstad aangehoor.

Kaptein Cathline Jephta van die polisie se taktiese reaksie-eenheid het aan die hof gesê: “Toe ons hoor dat ‘n polisiebeampte by die onwettige verkoop van polisie-uniforms betrokke was, moes ons vinnig optree.

“Al wat ons geweet het, is dat ‘n polisiebeampte besig was om uniforms te verkoop, maar ons het geen idee gehad wie hy of sy was nie.”

Sy het getuig in die saak teen kaptein Esmareld Bailey (44) wat op 8 aanklagte tereg staan: een van korupsie, een van die onwettige besit van ammunisie, asook ‘n derde klag van die besit of gebruik van dwelms en 5 klagtes van dwarsboming van die gereg.

Sy het onskuldig voor landdros Sabrina Sonnenberg gepleit.

Op ‘n vraag van die aanklaer, Xolile Jonas, het Japhta aan die hof verduidelik dat haar werk misdaadvoorkoming behels, met die klem op dwelms en bendelede.

Sy het bygevoeg: “Ons bedryf operasies onder dekking, waartydens ons mense bel en voorgee dat ons dwelms by hulle wil koop.

Volgens haar het ‘n Informant in Desember 2011 laat weet dat daar “iemand was wat polisieklere en -wapens wou verkoop”.

“Vanweë die sensitiwiteit van die inligting – daar is beweer dat die persoon ‘n polisiebeampte was – het ek die inligting deurgegee vir ons span se intelligensiehoof, en het toe die kolonel in beheer van geheime operasies gekontak.

“Vanweë die dringendheid van die saak, het ek elektroniese magtiging verkry om so ‘n operasie van stapel te stuur.”

Sy het gesê die operasie het behels om ‘n manlike polisiekonstabel as die koper uit te stuur, aan wie R500 in R100-note gegee is om ‘n polisie-uniform en ammunisie mee te koop. Die note is vooraf eers gefotokopieer.

Die konstabel is eers na ‘n vulstasie in Brooklyn geneem, waar hy deur twee mans in ‘n wit sedan opgelaai en na ‘n blok woonstelle geneem is.

Sy het voortgegaan deur te sê dat sy in ‘n ongemerkte voertuig gevolg het, en dat sy en die konstabel met behulp van sms-boodskappe in verbinding gebly het.

Een van die mans in die wit motor, Waleed Diedericks, is op na die vyfde vloer van die kompleks en het met ‘n rooi reissak teruggekom.

Nie lank daarna nie, het sy ‘n sms van die ‘koper” ontvang om te sê dat die transaksie afgehandel is.

Japhta het aan die hof gesê: “Ek het vinnig na Diedericks gegaan en myself voorgestel.

“Die konstabel het die rooi sak aan my oorhandig en het gesê dat hy so pas R500 vir die inhoud betaal het.

“Ek het die sak oopgemaak, en dit het ‘n polisiepet, twee pare blou polisiebroeke, ‘n polisiehemp met ‘n wapen daarop geborduur, asook ‘n oranje en geel polisieweerkaatsingsbaadjie en ‘n banksakkie met ammunisie bevat.

“Die konstabel wys toe na Diedericks en sê hy het die geld.”

Jephta sê sy was by toe ‘n ander polisieman die geld vanuit Diedericks se broeksak verwyder het .Sy het toe vir Hendricks gesê dat hy in arres was vir die verkoop van ‘n polisie-uniform aan polisiebeamptes onder dekking.

Al het sy vir Diedericks gesê dat hy nie onder ‘n verpligting was om enigiets te sê nie, het hy gesê dat hy die uniform by ‘n kaptein gekry het en het hulle toe na Bailie se woonstel toe geneem.

Diedericks is laas jaar vir sy aandeel aan die transaksie gevonnis, maar het n opgeskorte vonnis gekry omdat hy teen Bailey getuig het. – Sapa

LUR verdink top politici, polisie van bendebetrokkenheid

Die Wes-Kaapse LUR vir Gemeenskapsveiligheid, Dan Plato, het ‘n herrie laat losbars oor ‘n plofbare beëdigde verklaring deur ‘n selferkende bendeboef.

Dit kom nadat die Weekend Argus met Pierre Wyngaardt, die man agter die beëdigde verklaring gesels het. Hy beweer senior ANC-lede en top polisiebeamptes is in dwelmhandel, geldwassery, OTM-bomaanvalle en korrupsie, betrokke.

Wyngaardt het gesê hy is ‘n “profeet” met ‘n “spesiale geestelike vermoëns”, wat deur die engele gelei is om by ‘n internasionale NGO sy omstrede verklaring te gaan maak.

Hy beweer die polisiehoof, generaal-majoor Jeremy Vearey, ANC provinsiale voorsitter en adjunk-minister van internasionale betrekkinge en samewerking Marius Fransman, en Max Ozinsky, ANC-LPW, is betrokke by kriminele aktiwiteite van die Wes-Kaapse bendes.

Plato het besluit om Wyngaardt se inligting aan die Openbare Beskermer te oorhandig.

Wyngaardt beweer hy het die eerste keer sy beëdigde verklaring na Zille se kantoor geneem.

Intussen het Vearey Plato beskuldig van wat hy noem “wilde vergesogte bewerings” vervat in die beëdigde verklaring.

‘n Woedende Vearey sê die LUR glo nie alleen nie, maar versprei ook ‘n “Alice in Wonderland-sprokie” saamgeflans deur ‘n “skynbaar mal man”.

Vearey het gesê dit is nie verbasend nie dat die NVG-hoof Rodney de Kock die bron van die bewerings as ‘n getuie beskou wat ‘n tekort aan geloofwaardigheid het, en wie se weergawe nie bevestig kan word in enige opsig nie.

Hy het ook gewaarsku teen die “politieke dorpsidiote wat betrokke is in die aanval op my reputasie”, wat hy beweer persoonlik is.

“Ek sien nie enige ander rasionele rede hiervoor nie, behalwe politieke vooroordeel rondom my (ANC) verlede. Ek maak geen verskoning vir my verlede nie.” – IOL

DA gaan Midvaal verloor

Goedkeuring vir die samesmelting van die Midvaal en Emfuleni munisipaliteite in die Vaaldriehoek in ‘n enkele metroraad sal teen die einde van die week afgehandel wees. Die samesmelting sal ook die Sedibeng Distriksraad insluit.

Die Munisipale Afbakeningsraad gaan die saak finaliseer na uitgebreide konsultasies plaasgevind het.

Midvaal is die enigste munisipaliteit in Gauteng wat reeds 12 jaar lank deur die DA beheer word, maar gaan gebuk onder bewerings van korrupsie en wanbestuur wat deur die partyleier Helen Zille geïgnoreer word.

Nast was volgens inligting ook betrokke by die naamsverandering van ‘n oorwegend Afrikaanse skool, en het met stappe begin om, soortgelyk soos ANC-beheerde munisipaliteite doen, die name van verskeie strate en plekke te verander. – See more at: http://praag.co.za/?p=15598#sthash.eI53Xo5V.dpuf

Die burgemeester, Timothy Nast, het onlangs bedank om aan te sluit by die ANC se beplanningsliggaam in Gauteng.

Nast was betrokke by die naamsverandering van ‘n oorwegend Afrikaanse skool, en het met stappe begin om, soortgelyk soos ANC-beheerde munisipaliteite doen, die Afrikaanse name van verskeie strate en plekke te verander.

Die party het belowe om te veg teen die voorgestelde samesmelting.

Die hoofsweep van die Midvaal munisipaliteit, Dennis Ryder sê hulle is teleurgesteld oor die nuus dat daar voortgegaan word met die artikel 21-kennisgewing wat die volgende stap is om ‘n metro tussen Midvaal en Emfuleni tot stand te bring.

Hy sê om die twee gebiede in ‘n metro te verenig voldoen nie aan die kriteria ingevolge wetgewing nie.

ANC herontplooi dislojale, korrupte kaders

Die ANC het regeringslui wat hul poste weens vrae oor korrupsie en lojaliteit jeens pres. Zuma verloor het, is herontplooi.

Die voormalige ministers in die kabinet, Dina Pule en Tokyo Sexwale asook die voormalige premier van Limpopo, Cassel Mathale, dien nou op verskeie parlementêre komitees.

Mathale is voorheen betrek by ‘n korrupsieskandaal waarin Julius Malema tenders bekom het. Sy sakevennoot is aangekla van korrupsie, geldwassery en omkopery.

Die aankondiging is Dinsdag in die parlement gemaak. Pule en Sexwale wat albei as ministers afgedank is, bly lede van die parlement.

Sexwale dien as lid van die konstitusionele hersieningskomitee terwyl Pule Loretta Jacobus in die vervoerkomitee vervang.

Mathale word lid van die wetenskap en tegnologiekomitee.

Die voormalige hoofsweep van die ANC, Mathole Motshekga wat deur Stone Sizane vervang is, dien op die komitee vir justisie en konstitusionele ontwikkeling.

‘DA Midvaal-burgemeester moes bedank’

Die skielike bedanking van Midvaal se burgemeester, mnr. Timothy Nast, was nie onverwags nie.

Mnr. Corrie Pypers, die Vryheidsfront Plus se raadslid vir Midvaal, sê volgens sy mening het Nast nie ‘n keuse gehad as om te bedank nie.

“In teenstelling met die uitbeelding van Nast as iemand wat Midvaal bo-gemiddeld goed bestuur het, het hy talle foute begaan wat daartoe gelei het dat die VF Plus deurlopend druk op hom geplaas het deur wanbestuur in die munisipaliteit bloot te lê,” sê Pypers.

Volgens Pypers was Nast onder meer instrumenteel in die hersonering van grond, wat aan familielede van hom behoort, langs die R59-snelweg. ‘n Hersoneringsaansoek, wat industriële regte insluit, is deur die burgemeesterskomitee onder sy voorsitterskap goedgekeur slegs tien dae voor die munisipale verkiesings in 2011

Die hersoneringsproses is gekenmerk deur grootskeepse ongerymdhede en die hele aangeleentheid word steeds ondersoek.

Nast was ook instrumenteel in die vervolging van die Meyerton-Gholfklub se bestuur. Dit het gelei tot regskostes van tienduisende rande vir die klub en die stadsraad.

Die grond van die gholfbaan behoort aan die raad en is gesamentlik bestuur deur die raad en die gholfklub sedert die klub se totstandkoming in die jare tagtig.

In ‘n vermoedelik persoonlike vete van Nast teen Pypers, is belastinggeld en amptenare van die raad glo misbruik. Nast, tesame met die raadslede en amptenare van die raad wat by hierdie vrugtelose stryd betrokke was, moet verantwoording doen vir hul optrede en die koste daaraan verbonde.

Die beginsel van wanbesteding van munisipale fondse was onlangs in die kollig met uitspraak in die saak rondom die Tlokwe-raad rakende die ANC-burgemeester wat nie sy kantoor na ‘n mosie van wantroue wou ontruim nie.

Me. Helen Zille, die leier van die Demokratiese Alliansie (DA), het onlangs moontlik lasterlike bewerings rakende Pypers en ‘n voormalige raadslid mnr. Kobus Hoffman op die DA se webwerf geplaas. Die inligting is vermoedelik deur mnr. Nast en sy voorganger Marti Wenger verskaf.

Die optrede van Zille het daartoe gelei dat Pypers en Hoffman‘n regseis vir laster van miljoene rande teen haar ingestel het.

Nast het na bewering nogtans voortgegaan om toe te sien dat raadslede en amptenare wat die waarheid rondom die vals bewerings ontbloot het, afgedank word.

Die vermoede bestaan daarom dat Nast binnekort by die ANC kan aansluit.

Verskeie ander sake met ernstige gevolge vir Nast en die DA, is tans sub judice en sal mettertyd bekend gemaak word. Om hierdie redes het Pypers twee maande gelede aangedring op die bedanking van Nast.

Soldaat voor oor moord op polisiehoof

‘n Weermaglid is een van die vier mans wat daarvan beskuldig word dat hulle die moord op die Johannesburgse polisiehoof maj. genl. Tirhani Maswanganyi beplan het, het die Pretoria-Noord-distrikhof Dinsdag gehoor.

Maswanganyi sou as getuie optree in ‘n belangrike korrupsiesaak en daar word vermoed dat dit die motief vir die moord was.

Ndaedzo Isaac Vele (29), Tshepo Mosai (30), Roger Godfrey Moseki (33), en Nditsheni Daniel Nefolohodwe (32), het vlugtig Dinsdag vlugtig in die hof verskyn voor hul borgtogaansoeke tot Donderdag uitgestel is.

Maswanganyi (51) se lyk is op 17 Junie naby Hammanskraal in ‘n veld, noord van Pretoria, gevind.

Sy hande en voete was vasgebind en sy verlate bakkie is langs die R101 gevind.

Lucas Moseki, staatsaanklaer, het gesê die staat sal borg vir die vier beskuldigdes teenstaan.

Die beskuldigdes staan tereg op aanklagte van moord, beplande moord, roof met verswarende omstandighede asook daarvan dat hulle ‘n voertuig sonder die eienaar se toestemming bestuur het.

Vele het in ‘n beëdigde verklaring wat aan die hof voorgelees is, gesê hy is ‘n soldaat. Hy vrees dat hy geskors kan word indien hy vir te lank in aanhouding is. Hy het verder gesê sy verloofde is swanger met hul eerste kind en sal in November kraam.

Vele het ook erken dat hy voorheen veroordeel is op aanklag van verkragting, waarvoor hy ‘n opgeskorte vonnis opgelê is.

Op die dag van die moord het hy sy bevelvoerder by die OR Tambo Internasionale Lughawe opgelaai en daarna ‘n paar goed vir haar gedoen.

Vele se bevelvoerder het in ‘n verklaring bevestig dat hy haar daardie dag by die lughawe gaan haal het.

Die bevelvoerder se verklaring is nie geverifieer nie en kan dus nie ingedien word as bewys nie.

Stander het gesê die borgaansoek kan nie voortgaan totdat dit nie gedoen is nie. – Sapa

Midvaal-burgemeester ‘vat die pad’ onder wolk van korrupsie

Hermène Koorts van COPE sê alhoewel Timothy Nast, Midvaal se DA-burgemeester wat pas bedank het, ‘n briljante man is, kon hy nie staande bly teen diegene wat hom aan die mag geplaas het nie.

Midvaal se burgemeester het intussen “die pad gevat” terwyl ‘n wolk van beweerde korrupsie oor die party hang.

Die Congress of the People (Cope) se verteenwoordiger by die Gautengse Provinsiale Wetgewer sê sy is nie verras deur die bedanking van Midvaal–burgemeester, mnr Timothy Nast nie. Hy het glo intussen ‘n pos by die Gautengse Beplanningskommissie aanvaar.

COPE se woordvoerder, LPW Hermène Koorts sê die nuus het nie gekom as ‘n skok vir haar nie, want gerugte dat hy onder kwaai druk verkeer weens die beweerde korrupsie in Midvaal, sirkuleer al maande lank.

“Die rede vir die bedanking is duidelik. Midvaal–munisipaliteit word deur verskeie bewerings van korrupte amptenare in die verlede geteister, en die Openbare Beskermer het ook verwys na korrupte optrede binne die munisipaliteit van die Demokratiese Alliansie (DA), in beheer in Midvaal. Hoewel dienslewering in Midvaal aanvaarbaar is, het die DA nie opgetree toe DA–lede die beweerde korrupsie jare gelede aan beide die provinsiale en nasionale leiers onthul het nie. In werklikheid, het hulle probeer om die feite weg te steek, wat nooit wou gaan lê nie,” sê LPW Koorts.

Koorts, wat ook woonagtig is in die groter gebied, het bygevoeg dat mnr Nast ‘n briljante man is, maar hy kon nie opstaan teen die mense wat hom an die mag geplaas het nie.

“Die feit dat die burgemeester bedank het laat die DA–raad verdeel en sal ‘n uitwerking hê op hoe die bestuur hanteer sal word in die toekoms,” het sy geëindig.

Louis Trichardt-munisipaliteit ontvang ‘skokkende’ ouditverslag

‘n Ouditverslag oor die Makhado- plaaslike munisipaliteit wat verlede jaar deur die ouditeur-generaal aan die Limpopo-provinsie voorgelê is, is so pas deur die belastingbetalersvereniging van Louis Trichardt vrygestel.

Mnr. Jaap Kelder van die Nasionale Belastingbetalersunie het in ‘n verklaring die ouditverslag as “absoluut skokkend” bestempel. In ‘n boodskap van meegevoel met die plaaslike belastingbetalersunie onder leiding van mev. Inga Gilfillan, sê Kelder: “Dit skrei ten hemele! Ons is van mening dat julle nou behoort te sê: genoeg is genoeg! Dit sou makliker vir die ouditeur-generaal gewees het om te sê wat reg verloop het in die munisipaliteit. Dit sou net een woordjie gewees het: ‘NIKS!'”

Louis Trichardt se belastingbetalers, wat ook ‘n naamstryd teen die benaming “Makhado” voer, weerhou tans meer as R10 miljoen van die munisipaliteit omdat daar soveel wanbestuur plaasvind. Mnr. Jaap Kelder van die NBU het aan Louis Trichardt se inwoners verklaar: “Goddank het julle julle fondse van die munisipaliteit weerhou anders het die R10 miljoen ook nog in die bodemlose put verdwyn.”

In die verslag verklaar die ouditeur-generaal dat hy geen behoorlike rekords oor meer as R1,6 miljard se munisipale bates kon vind nie. Hy het reeds ‘n jaar gelede sulke syfers versoek, maar dit is nog nie beskikbaar nie.

Daar was ook nie gegewens beskikbaar oor meer as R300 miljoen se roerende bates nie.

Benewens probleme met die boekhouding wat BTW betref, het die munisipaliteit ongemagtigde besteding van R57 872 128 aangegaan.

Dié bedrag van byna R58 miljoen wat as ongemagtigde besteding aangegee word, is egter onderskat met meer as… R124 miljoen. Gesamentlik het die munisipaliteit dus ongemagtigde besteding van R182 miljoen aangegaan.

Foute van die vorige jaar wat deur die ouditeur-generaal uitgewys is, is nog nie reggestel nie.

R33 miljoen is aangewend vir ander doeleindes as waarvoor raadsbesluite geneem is.

Die ouditeur-generaal bevind dat die munisipaliteit nie oor die nodige kundigheid of bekwaamheid beskik om die wetlike vereistes vir die bestuur van ‘n plaaslike owerheid na te kom nie.

Ander elemente wat in die ouditverslag uitgelig word, is:

R200 miljoen se goedere en dienste is sonder pryskwotasies aangekoop, wat strydig met die toepaslike regulasies is.
Tenders is toegeken aan persone of entiteite sonder dat hulle verklaar het of hulle in diens van die staat of staatsinstellings is.
Die rekenkundige beampte het nie redelike stappe geneem om ongemagtigde besteding te voorkom soos deur artikel 63(2)(c) van die Wet op munisipale finansies en bestuur vereis word nie.

Vermorsing van geld in die onderwys

Die Vryheidsfront Plus het met skok gereageer op die verslag van die ouditeur-generaal aan die Parlement dat drie onderwysdepartemente nie kon verduidelik hoe R44 miljard deur hulle aangewend is nie. Dit sluit die onderwysdepartemente van die Oos-Kaap en Limpopo in wat die afgelope paar jaar die swakste matrikulasie-uitslae in die land gehad het. Slegs die Wes-Kaap Gauteng en KwaZulu-Natal het ‘n skoon ouditverslag gekry, terwyl die Oos-Kaap, Limpopo en Noordwes uitgesonder is as die swakste bestuurders van die geld wat hulle ontvang het.

Volgens die ouditeur-generaal se verslag kon die onderwysdepartement van die Oos-Kaap nie rekenskap gee van die besteding van R1,5 miljard van die sowat R20 miljard wat aan die departement toegeken is nie, terwyl die onderwysdepartement van Limpopo nie kan verduidelik hoe R1,45 miljard aangewend is nie.

“Hierdie grootskaalse vermorsing van die belastingbetaler se geld dra nie by tot die verbetering van onderwys in hierdie provinsies nie. Die Vryheidsfront Plus dring daarop aan dat die minister van Basiese Onderrig en die betrokke LUR’s die aangeleentheid ondersoek. Die minister behoort meganismes in plek te stel wat sal verseker dat geld aangewend word waar dit die nodigste is en soos daarvoor begroot is om so te verseker dat vermorsing van staatsfondse beperk sal word,” het dr. Snyman-van Deventer, VF Plus-hoofwoordvoerder oor Onderwys, gesê in reaksie op die ouditverslae van die ouditeur-generaal.

“Persone wat verantwoordelik vir die wanbestuur is moet geïdentifiseer word en dissiplinêre stappe moet teen hulle geneem word. Daar moet ook verseker word dat staatsfondse deur provinsiale onderwysdepartemente gebruik word om onderwys in hul provinsies te verbeter. Indien die wanbesteding en verlies van staatsfondse voortduur behoort die LUR en die direkteur-generaal van Onderwys in hierdie drie provinsies aanspreeklik gehou word,” meen dr. Snyman-van Deventer.

Фільчаков прокурор

Bekamping van korrupsie elkeen se verantwoordelikheid

Dit is nie ongewoon dat ‘n enkele koerant tot ses berigte op ‘n dag oor korrupsie dra nie.

‘n Tipiese voorbeeld: In ‘n berig vra Volksblad vandag vrae oor wat van ‘n voltooide polisiedossier geword het wat oor die besoedeling van die Valsrivier by Kroonstad geword het. Daarnaas is ‘n berig oor vermeende korrupte aanstellings in die Weermag, en daar bo ‘n berig oor die regering wat uiteindelik verskeie myne wat glo landswette oortree, gewaarsku het. Die media berig al maande lank oor verdagte mynbedrywighede.

In nog ‘n berig op dieselfde bladsy blaas Cosatu vuur oor wat hy die grootste korrupsie oor die lug noem, oor belastingbetalersgeld wat vir ‘n radioprogram oor dienslewering in die Wes-Kaap gebruik is, en eis ‘n verskoning van mev. Helen Zille.

Op ‘n ander bladsy waarsku Martin Weltz, redakteur van Noseweek, dat Suid-Afrikaners heeltemal te verdraagsaam oor korrupsie geword het. Hy meen die grootste vrees is dat bedrog so alledaags geword het dat die publiek dit nie meer vreemd vind of bevraagteken nie. In die berig daarnaas beskuldig Cosatu die ANC daarvan dat dit nie die nodige erns of dringendheid aan die dag lê om te keer dat ‘n magtige roofdier-elite die land leegtap nie.

In die redaksionele hoofartikel meen Volksblad dat die wapenskandaal-klug voortduur, en verwys in dié verband na die flou Valke. Die sub-hoofartikel handel oor krieketknoeiery.

In die sake-gedeelte verskyn ‘n berig oor die mededingskommissie se verhoor van die sogenaamde pypkartel, en die eerste getuie is ‘n fluitjieblaser wat afgedank is.

Nog ander berigte sou ook by die lys toegevoeg kon word.

Verskeie onheilspellende aspekte word uitgelig: Weltz is reg as hy meen verdraagsaamheid oor korrupsie hou ‘n groot gevaar in. So lank as wat die staat nie fluitjieblasers behoorlik beskerm nie, soos wat die wet vereis – gaan baie mense weens hul blootgestelde posisies ‘n blinde oog op die euwel werp.

Dat korrupsie die omvang kon aanneem sonder dat die regering lank reeds in ‘n verkiesing getuimel het, is ‘n aanklag op die politieke volwassenheid van die kieserskorps.

Ten slotte, dit onderstreep die belangrikheid van uitdrukkingsvryheid en mediavryheid. So lank as wat die media as die gewete van die land kan optree, kan die kiesers nie die skouers optrek en sê hulle het nie geweet nie.

Nie in ‘n land waar sowat tagtig persent van die inwoners aandui dat hulle Christene is nie.

мокрый ротор купить топкарго

Laat in die Thabo Mbeki-era het die ANC met ‘n veldtog begin om ‘n saak uit te maak dat dit eintlik die vorige bedeling was wat korrup was. Feitlik niks of niemand nie, van Anglo-American tot die Afrikanerbond, is ontsien nie. Dit het ook die kern uitgemaak van die destydse adjunk-minister van Landbou en Grondsake, Dirk du Toit, se toespraak by ‘n drie-in-een-landboukonferensie in Bloemfontein. Volgens du Toit kon die korrupsie binne die nuwe bedeling nie opweeg van dit wat onder die oue plaasgevind het nie.

Uiteraard was daar korrupsie onder die ou bedeling. ‘n Voormalige minister het tronkstraf uitgedien en nog een se aspirasies vir eersteministerskap het in die stof gebyt toe transaksies rondom besproeiingskemas aan die lig gekom het. Die lys is langer, en nie almal het aan die pen gery nie.

Sedert die bewindaanvaarding van pres. Jacob Zuma – eintlik van hy tot leier van die ANC verkies is, word gereeld ander geluide gehoor. Daar is klaarblyklik ‘n groter mate van erkenning van die korrupsieprobleem tydens die Mbeki-era. Van tyd tot tyd maak Zuma sterk geluide teen korrupsie, en soms doen van sy senior ondersteuners dit ook – al word daar dan vir hulle gelag. Soms is skynbaar ‘n bietjie volstruispolitiek hieroor gespeel soos tydens Zuma se staatsrede.

Tussen die uitsprake en die gevolge was daar egter ‘n groot verskil. Waar kaders wél in die slag gebly het, is hulle gewoon herontplooi, of het reuse skeidingspakette ontvang, of beide.

Pas is ‘n paar reuse ondersoeke aangekondig waar miljarde rande genoem word. Dit sny oor verskeie staatsdepartemente en provinsies. Dit klink na goeie nuus, maar verskeie staatsdepartemente en veral provinsies wat luidens berigte maar ewe wild met andermansgoed omgaan, is nie op die lysie wat ondersoek word nie. Die Openbare Beskermer het pas ‘n verslag voltooi waarin ‘n minister by tenderpreneurskap geïmpliseer word maar daar is geen teken dat dié minister enige teenspoed te wagte kan wees nie.

Boonop dryf die ANC nou verskeie maatreëls wat die gevaar inhou om Suid-Afrika van sy grondwetlike mediavryheid te stroop, en sodoende die mees potente middel om korrupsie aan die kaak te stel in die slag kan laat bly.

Minstens is daar nou uitsprake oor korrupsie. Die jongste is die minister van Behuising, Tokyo Sexwale, wat meen dit het endemiese afmetings aangeneem – ‘n term wat baie kenners lank reeds gebruik. Zwelinzima Vavi, hoofsekretaris van Cosatu, het gewaarsku dat Suid-Afrika binne die volgende vyf jaar soos die korrupte gemeenskappe van Angola of soos Nigerië sal word as korrupsie nie binnekort hokgeslaan word nie. Hy meen dit gaan uitloop op ‘n toestand “waarin daar net een manier is om te oorleef: Om ‘n posisie in die staat te kry waar jy ook uit die krippie kan eet.” Jay Naidoo, eerste hoofsekretaris van Cosatu en latere minister van telekommunikasie, het gesê: “Hierdie is roofdier-vuilgoed wat ‘n kanker in ons gemeenskappe is en wat die korrupsie in ons land aandryf. Dit is kêrels wat rondloop met sakke vol geld wat die stemme in konferensies koop. Hulle steel lisensies en verkoop tenders. Dit is mense wat van skoolvoedingsprogramme steel en toelaes steel wat bedoel is vir oumense en bejaardes. Dit vernietig die maatskaplike weefsel van ons gemeenskap. Die werklike vyand in ons land vandag is hierdie verdomde elites wat militante taal gebruik, maar vir wie dit net gaan om nog krippe te skep waar hulle kan gaan vreet en ons regte steel.”

Omdat Zuma egter self nooit sy dag in die hof gekry het nie, sal die vermoede altyd bestaan dat daar selektief met die probleem omgegaan sal word. Indien dit die geval is, is die aanslag teen korrupsie prinsipieel ook korrup.

Uitspraak vandag in Selebi-verhoor

Uitspraak in die verhoor van die nasionale polisiekommissaris Jackie Selebi se korrupsieverhoor word vandag in die Suid-Gautengse Hooggeregshof gelewer.

Selebi staan tereg op korrupsie in verband met tot R1,2m wat hy na bewering van verskeie mense in ruil vir gunste ontvang het, asook aanklagte van dwarsboming van die gereg.

Gedurende die finale argumente vroeër in Junie, het die staatsaanklaer Gerrie Nel gesê dat die staat Selebi se skuld bokant redelike twyfel bewys het, terwyl die verdedigingsadvokaat Jaap Cilliers gepoog het om twyfel oor die getuienis van Glen Agliotti, die staat se hoofgetuie, te saai.

Nel het gesê dat alhoewel Selebi verseker het dat geen papierspoor bestaan van die omkoopgeld wat hy van Agliotti en die Kebble-mynfamilie ontvang het nie, die staat nietemin sy skuld bewys het.

Cilliers het getuienis uitmekaar geskeur wat deur Agliotti gelewer is en gesê die staat het sy hele saak gegrond op ‘n “oneerlike, gevaarlike man” en “valse beweringe teen Selebi”.

Selebi het skuld op al die aanklagte teen hom ontken.

мультики машинки прокурор Фильчаков

Afganistan ryk aan minerale

Afganistan is ryk aan minerale – ongeveer $1 000 miljard ryk, volgens Amerikaanse geologiese spanne wat die land se minerale potensiaal vasgestel het. Dit sluit groot reserwes koper, yster, litium, niobium en goud in. Trouens, Afganistan hou die potensiaal in om een van die rykste mineraalproduserende lande ter wêreld te word, berig die New York Times.

Maar, waarsku kenners, Afganistan het ook die gene om ‘n tipiese voorbeeld van ‘n land van ‘n hulpbronnevloek te wees – ‘n land waar die minerale ontgin word, maar die mense van die land steeds krepeer.

Hiervoor is daar net te veel redes. Korrupsie is so diep gewortel en endemies dat dit bykans ondenkbaar is dat transaksies beklink sal kan word waar die bevolking, eerder as die maghebbers, dit in klinkende munt sal beleef.

Minerale rykdomme sal byna verseker tot grondtwiste tussen strydende etniese stamhoofde lei – en in Afganistan is ‘n drosterkameel genoeg rede vir ‘n stamoorlog, laat staan nog mineralerykdomme. Boonop, grondtwiste oor wat onder die grond aangaan, gaan ook bogronds neerslag vind waar papawerlande, wat in opiumrykdomme gemeet word, in die spervuur kan beland.

Net om sake nog komplekser te maak, is heelwat van die verborge skatte in gebiede waar die Taliban sterk staan. Dit is uiters onwaarskynlik dat die Taliban handjies gevou sal toekyk hoe die bevolking onder hul neuse welvarend word, en hul oorlugslus verdamp.

Hierdie soort mineralerykdomme hou die potensiaal vir tienduisende werksgeleenthede in.

Vat sommer die hele jaar vakansie!

Die skielike aankodiging dat môre ‘n vakansiedag gaan wees, toon in welke mate die sokkerwêreldbeker besig is om die land se produktiwiteit en eerlikheid, wat reeds onder verdenking staan, verder te ondergrawe. Intussen het die ANC-minister van finansies volgens ‘n berig in gister se Business Day, aangekondig dat die aankoop van sokkerkaartjies deur staatsdepartemente indruis teen die wet en staatsamptenare aan vervolging weens die misbruik van openbare fondse mag blootstel. Blykbaar het sulke aankope van kaartjies en vermaakpakkette rondom die sokkertoernooi in die staatdiens geweldige afmetings aangeneem.

Ons kan egter nou al voorspel dat geen van die aardig besoldigde hoëlui in die staatsdiens wat soos wafferse korporatiewe grootmenere hul plesier en sake graag meng, vervolg sal word nie. Inteendeel, die manier waarop die ANC reeds party en staat met mekaar verwar, asook die staatskas en die eie beursie, gaan deur die sokkerkoors net ‘n verdere hupstoot kry.

Die vraag is waarom die hele staatsdiens en groot maatskappye soos die banke wat hul kliënte uitbuit om agterna groot sokkerborgskappe aan ANC-verwante klubs en sportorganisasies te betaal, nie sommer die hele jaar moet afvat nie? Die res van ons wat ons brood in die spreekwoordelike sweet van ons aanskyn moet verdien, sal waarskynlik nie die verskil agterkom nie. Hiervan kan enigeen getuig wat al probeer het om ‘n staatsdepartement of jou plaaslike tak van ABSA te bel. Ons betaal net meer en meer belastings en bankfooie om die ANC en sy handlangers se permanente partytjie te finansier. Dan praat ‘n mens nie eens van die ANC se kiesers waarvan 15 miljoen toelaes ontvang waarvoor die steierende middelklasbelastingbetaler insgelyks moet goed staan nie.

Eintlik het Suid-Afrika in 1994 ‘n aristokrasie, weliswaar ‘n swart aristokrasie, ontvang. Soortgelyk aan die Britse aristokrasie wat ons vermaak met hul seksskandale en familierusies, volg ons die skandes en manewales van die Azaniese aristokrasie waarin die geelpersjoernaliste soveel belangstel en dit as hul patriotiese plig beskou om ons oor in te lig.

Terwyl sommige Afrikanerskape ook onderbroekvlaggies op hul motors aanbring en moontlik in dieselfde dronkenskap en sokkergefuif as die res van hierdie droewe land gaan verval, sal sommige van ons verplig wees om in hierdie tyd te werk.

Hoe gouer ons egter kan ophou om belastings te betaal aan die wonderstaat sonder werkende mense wat hul vermaak, drankies, partytjies en hotelverblyf met belastinggeld vereffen, hoe beter.

Slegs onafhanklikheid en ‘n volkstaat sal ons van die huidige klug verlos. Die Afrikaner se ekonomiese en produktiewe aandeel aan hierdie land word in elk geval deur sowel die ANC as die Angel-Saksiese moondhede soos Brittanje en Amerika op nul geskat, dus sal die partytjiegangers nie eens ons afwesigheid by die makietie opmerk nie.

jewellery for прокурор Фильчаков