Kategorie: Internasionale nuus

Nuus oor die wêreld buite Suider-Afrika

Russiese premier sê Navo wil nuwe Koue Oorlog hê

Die Russiese premier, Dmitri Medwedef, het Saterdag gesê ‘n nuwe Koue Oorlog met die VSA en dié se bondgenote dreig.

Dit was ‘n bedekte hou in die rigting van die VSA wat steeds ‘n oplossing in Sirië bemoeilik.

Hy sê die spanning duur voort vanweë die konflik in Oekraïne, Rusland se ondersteuning van die Siriese regering en wat hy noem ‘n onvriendelike Navo-beleid teenoor Rusland.

Medwedef het ‘n veiligheidskonferensie in München in Duitsland toegespreek. Hy het Navo en die Europese Unie ook gekritiseer vir hul betrokkenheid in Oos-Europa in weerwil van beloftes tot die teendeel.

Die sekretaris-generaal van Navo, Jens Stoltenberg sê Rusland, die Verenigde State en ander nasies moet voortgaan om te fokus op hul doelwitte in Sirië.

Die VSA sal glo Awacs-vliegtuie stuur omdat enige direkte ingryping op die grond heeltemal uitgesluit is, sê waarnemers.

Die sterk moontlikheid bestaan dat die VSA “gematigde rebelle” dus slegs indirek sal ondersteun dmv ‘n Arabiese invalsmag om Sirië te probeer verdeel in ‘n oostelike sowel as ‘n westelike deel.

Só ‘n stap sal Turkye en Saoedi-Arabië dwing om alleen verantwoordelikheid vir hul troepe in Sirië te aanvaar, sonder direkte Amerikaanse ingryping.

Stoltenberg het gesê bomaanvalle teen opposisiegroepe in Sirië wat die regering tot ‘n val wil bring, moet tot ‘n einde kom en ‘n ooreenkoms bereik word.

Stoltenberg het by die Veiligheidskonferensie in München teruggeval op die supermoontheid-retoriek van die vorige eeu, en gesê Rusland gebruik sy kernarsenaal om Europa te intimideer.

Rusland, Europa en die VSA sê hulle poog om ’n einde aan die Siriese ­konflik te bring, die spanning in die ooste van die Oekraïne te verlig en saam te werk om Europese ­ekonomiese sanksies teen Rusland te lig.

“Maar Navo se politieke houding teenoor Rusland bly maar onvriendelik en geslote,” het Medwedef in sy toespraak gesê. “Ek kan dit nie sterker stel nie: Ons is nou in die era van ’n nuwe Koue Oorlog.”

Jens Stoltenberg, sekretaris-generaal van Navo, het in sy toespraak gesê die Russiese president, Wladimir Poetin, moet ophou om lande wat aan sy land grens met sy kernwapens te dreig, maar nie kommentaar gelewer op die feit dat die VSA wapens en troepe mobiliseer dmv Navo nie.

Die VSA het reeds elke belofte om Navo nie uit te brei na voormalige Warskou-verdraglande nie, gebreek.

In Genève het Rusland en die Verenigde State egter vroeër ooreengekom dat enige skietstilstand nie jihadiste en hul bondgenote sal insluit nie, in ‘n poging om Siriese opposisiegroepe wat hulself nie wil losmaak van al-Qaeda en ISIS nie, as wettige teikens te maak.

Onluste ontsier Chinese Nuwejaar in Hong Kong

Beijing se verteenwoordigers in Hong Kong het radikale onafhanklikheidsvoorstanders die skuld gegee vir onluste wat uitgebreek het in die voormalige Britse kolonie byna ‘n week gelede.

Dit is die ergste geweld sedert anti-Chinese betogings dele van die Asiatiese finansiële sentrum in 2014 verlam het.

Meer as sestig mense is in hegtenis geneem in verband met die geweld, waartydens betogers die polisie met klippe bestook het en vullisdromme in Mong Kok aan die brand gesteek het.

Dit is ‘n rowwe, werkersklaswoonbuurt net oorkant die hawe van die finansiële distrik.

Die polisie het waarskuwingskote geskiet tydens die oproerigheid wat uitgebreek het toe die owerheid probeer het om onwettige straatsmouse te verwyder vir die viering van die Chinese Nuwejaar.

Oproeriges het bakstene uit die plaveisel losgemaak en na die polisie gegooi en ander het straatborde gevandaliseer.

Sowat 90 mense is beseer en 61 betogers is in hegtenis geneem, het Lo Wai-chung, polisiekommissaris, gesê.

Die polisie het gesê waarskuwing­skote is afgevuur en pepersproei is gebruik.

Die media het beeldmateriaal van bebloede oproermakers en beseerde polisielede op televisie vertoon.

“Ons het ’n verandering in die publiek waargeneem. Hulle is geneig om geweld te gebruik om hul mening uit te druk,” het Lo gesê.

Die optrede van die “radikale onafhanklikheidsvoorstanders neig in die rigting van terrorisme”, het die South China Morning Post berig.

Eiendomspryse in Hong Kong is besig om drasties te daal en een van die grootste banke, HSBC, het aangekondig dat hulle hul hoofkantoor sal verskuif na Londen.

Die polisie moes traangas gebruik het tydens die Mong Kok-oproer en indien nodig betogers doodgeskiet het, sê ‘n Chinese regsgeleerde en distriksraadslid Junius Ho Kwan-Yiu gesê.

Ho het gesê wetstoepassers was “te besadig” toe hulle gekonfronteer is met ‘n straatbendes.

“Die polisie het haelgewere gebruik [gedurende die 1967-onluste] … om die openbare orde te handhaaf, en vir selfbeskerming [vir polisiebeamptes] moet die nodige stappe geneem word,” sê Ho.

Toe Ho gevra is deur ‘n ander deelnemer van die debat, Oscar Lai Man-LOK van studentegroep Scholarism, of hy glo dat moord geregverdig kan word op die stad se inwoners, het Ho geantwoord: “Dit beteken nie die doodmaak van Hongkongers nie. Dit beteken die doodmaak van oproeriges.”

EU wil vlugtelinge terugstuur

Die Europese Unie het ‘n beroep op lidlande gedoen om die hervestiging van migrante en vlugtelinge te bespoedig.

Die EU Migrasie-kommissaris, Dimitris Avramopoulos het aan verslaggewers in Brussel gesê dat slegs 497 mense al hervestig is uit die 160 000 waarop verlede September ooreengekom is.

Hy sê hy het in briewe aan EU-lede ‘n sterk en duidelike boodskap gestuur dat die proses bespoedig moet word.

Hy sê talle migrante sal steeds probeer om Europa te bereik, maar dat dit nie hul keuse is in watter Europese land hulle beskerming geniet nie.

Die Turkse president Recep Tayyip Erdogan verkeer tans onder druk om sy grense vir duisende Siriese vlugtelinge oop te stel ná die jongste gevegte in die Aleppo-provinsie.

Hy is tans in ‘n drukgang geplaas deur die suksesvolle Russiese lugveldtog teen ISIS op sy grens.

Na Amerika se weiering om aan die kant van Turkye toe te tree om die anti-Assad rebelle, ISIS, te steun, is die Turkse president se beweegruimte om die EU af te dreig deur vlugtelinge te stuur, beperk.

Erdogan kla dat die VSA steun aan Koerdiese militante in Sirië verleen en sê die Amerikaners se wanbegrip van die Koerde se rol as terroriste, is besig om die streek in ‘n bloedbad te verander.

Sy klagtes kom te midde van hardnekkige gerugte dat Turkye ISIS ondersteun.

Die Koerdiese kwessie bemoeilik lankal Turkye se koördinering met ander ISIS wat die rebelle téén President Bashar al-Assad steun, meen ontleders.

Kenners sê dit dui slegs op nog verdeeldheid in die streek, waar die jongste poging vir vrede op ‘n dooiepunt uitgeloop het.

Twee Republikeine blaas die aftog

Die Amerikaanse deelstaat New Jersey se Goewerneur Chris Christie en voormalige sakevrou Carly Fiorina het uit die Republikeine se benoemingstryd getree.

Hulle het beide die beëindiging van hul veldtogte vir die 2016 Republikeinse nominasie aangekondig, en ruimte gelaat in die veld van Donald Trump se teenstanders

Dit beteken ook minder mededingers vir Trump in die 8 November presidensiële verkiesing.

‘n Senior medewerker het aan Reuters bevestig dat Christie sal onttrek, ‘n dag nadat die dapper Republikein sesde geëindig het in New Hampshire.

Dit het tot twyfel oor sy lewensvatbaarheid as ‘n kandidaat gelei.

Mede-Republikein Fiorina, ‘n voormalige uitvoerende hoof van Hewlett Packard, het op Facebook aangekondig dat sy haar veldtog gaan opskort.

Trump se oorblywende teenstanders, die meeste van hulle hoofstroom-Republikeine, sal waarskynlik baat vind by die twee se vertrek, wat sewe Republikeine laat in ‘n veld wat voorheen uit 17 kandidate bestaan het.

Christie het die grootste deel van sy veldtog se hulpbronne in New Hampshire gestort en het ‘n goeie vertoning daar as van kritieke belang gesien.

Hy kon egter net sowat 7 persent van die stemme Dinsdag op homself verening, ten spyte van ‘n veglustige teenwoordigheid in ‘n Republikeinse debat verlede naweek.

‘Nee vir gratis vakansie in Israel’

In Gasa heers hongersnood nie “Hunger Games” nie.

Dit was die reaksie van ‘n Palestynse aktivis wat ‘n beroep op Oscar-benoemdes gedoen het om nie ‘n gratis reis na Israel te aanvaar wat deur die Joodse regering geborg word nie.

Lydia Weitzman, woordvoerder van die departement van toerisme, het gesê Israel sal ‘n gratis vakansie van tien dae aan 26 sterre bied, onder wie Jennifer Lawrence, Leonardo DiCaprio en Matt Damon.

Omar Barghouti, ‘n Palestynse aktivis en medestigter van die BDS, het gesê dat Israel sy “groeiende internasionale isolasie beveg deur omkopery”, eerder as om sy beleid te heroorweeg.

BDS staan vir “Boikot, Disinvesteer, Sanksies” teen Israel.

Die reis is deel van die prys wat sterre by die Oscar-prysuitdeling ontvang, het Reuters berig.

Establishment-nagmerrie: Trump & Sanders wen ver in New Hampshire

Die Amerikaanse politieke establishment is vanoggend vroeg in Suid-Afrikaanse tyd tot in sy fondamente toe geskud toe die twee aweregse, onafhanklike kandidate van beide die Republikeinse en die Demokratiese Partye hul kandidaatsverkiesings in die staat New Hampshire gewen het. Donald Trump het die res van die Republikeinse span ver in die stof agtergelaat, met 34 persent van die stemme teenoor die naaswenner John Kasich se 16 persent.

Mev. Hillary Clinton het reeds toegegee dat sy deur die verlinkse Demokratiese kandidaat, Bernie Sanders, geklop is. Sanders het ‘n beraamde 60 persent van die stemme ontvang, teenoor mev. Clinton se 40 persent.

Die geldmag in die VSA steun óf mev. Clinton óf senator Marco Rubio in die Republikeinse kamp. Rubio het egter Saterdag baie swak in ‘n TV-debat gevaar toe hy skerp deur mnr. Chris Christie aangeval is. Christie, die goewerneur van die deelstaat New Jersey, is insgelyks ‘n aanspraakmaker op die Republikeinse kandidatuur.

Republikeinse kandidate wat groot geld aan reklameveldtogte in die media bestee het, het swak gevaar. ‘n Joernalis van die Weekly Standard, Stephen Hayes, het die volgende bedrae op Twitter bekendgestel.

Die links-liberale webblad, The Huffington Post, het namens die linkse Amerikaanse media die toon aangegee toe hy Donald Trump in sy opskrif as ‘n “rassistiese, seksistiese, xenofobiese demagoog” beskryf het.

In die Afrikaanse hoofstroommedia wat deur die links-liberale Naspersgroep oorheers word, is Trump insgelyks tot dusver as ‘n nar voorgestel wat nie ernstig opgeneem behoort te word nie. Misleide lesers van dié groep se Netwerk24-webblaaie en koerante gaan waarskynlik vanoggend in hul ontbytkoffie stik as hulle agterkom dat die “buitestaander” wat die joernaliste afkraak, die New Hampshire-kandidaatsverkiesing gewen het.

Lees ook die berig op ons Engelse webblad vir meer inligting:
Establishment stunned: Big wins for Trump and Sanders in New Hampshire

Duitse treinramp nie terreuraanslag nie sê polisie

Twee passasiers­treine het in die suide van Duitsland gebots en volgens die polisie is ten minste vier mense in die botsing dood en sowat 100 beseer.

“Die huidige dodetal is vier dood, 15 baie ernstig en 40 ernstig beseer, terwyl’n totaal van 100 passasiers beseer is,” het die polisiewoordvoerder mnr Martin Winkler in die dorp Rosenheim aan AFP gesê.

Die spoorwegmaat­skappy vir die streek, Meridian, het in ’n verklaring gesê “’n tragiese ongeluk het Dinsdagoggend skuins ná sewe-uur op die enkelspoor-roete plaasgevind”.

Die oorsaak van die ongeluk naby Bad Aibling, sowat 60 km suidoos van München is nog nie duidelik­ nie, maar die polisie het verklaar dat hulle dit nie as ‘n terreuraanslag oorweeg nie.

Die streek se polisiemag in Bo-Beiere het getwiet dat honderde noodlenigingswerkers op die toneel in die landelike gebied ontplooi is.

Die treinroete asook twee plaaslike paaie was vir verkeer gesluit.

’n Woordvoerder van die federale polisie, mnr. Stefan Brandl, sê die strook spoorlyn waar die twee treine gebots het, is vasgevang tussen die Mangfallrivier aan die een kant en’n woud aan die ander kant wat die reddingsoperasie erg bemoeilik­.

Brandl het gewaarsku dat dié getal sterftes en beseerdes kan styg.

“Die huidige getal sterftes en beseerdes is net ’n waarneming, dit kan en gaan steeds verander.”

Op ’n vraag wat die oorsaak van die botsing was, het Brandl beklemtoon personeel is steeds “midde die reddingsoperasie” en dit te vroeg is om die oorsaak te bepaal.

Intussen het die operateur van die twee treine wat gebots het, Bayerische Oberlandbahn, op sy webtuiste gesê die treine van die sogenaamde Meridian-roete is albei gedeeltelik ontspoor en inmekaar vasgedruk.

Beide die treine se operateur en die federale polisie in Bavaria het noodnommers vir familie en vriende van die passasiers geopen.

Volgens die polisie is die ongeluk die grootste wat in jare in dié streek voorgekom het.

Franse parlement stem ten gunste van nasionale noodtoestand

Die Franse parlement se laerhuis het ten gunste van ‘n uiteindelike nasionale noodtoestand gestem.

Teenkanting is deur linkse sowel as regse groepe aangeteken wat glo dat die ongewilde president dit kan uitbuit.

President François Hollande het ’n noodtoestand ná die terreuraanvalle verklaar waarin 130 mense in die hoofstad op 13 November verlede jaar dood is.

Dié jongste omstrede wysiging aan die land se grondwet is deur die regering ná November se aanvalle in Parys voorgestel.

Die maatreël sal aan veiligheidsmagte groter magte gee, en is deur 103 teenoor 26 ingestem.

Die nasionale noodtoestand sal aan polisie- en veiligheidsmagte die mag gegee om huise te deursoek en mense sonder geregtelike toesig onder huisarres te plaas.

Die parlement moet tans toestemming vir ’n noodtoestand gee wat langer as 12 dae duur, maar onder die nuwe maatreëls sal dit tot vier maande kan duur, waarna dit deur die parlement hernu moet word.

Internasionale Strafhof laat name van sleutelgetuies uitlek

Die Internasionale Strafhof het om verskoning gevra nadat die name van sleutelgetuies tydens die verhoor van die voormalige president van die Ivoorkus, Laurent Gbagbo, uitgelek het.

Die beskerming van getuies een van die belangrikste beloftes van die Internasionale Strafhof. In sekere gevalle word getuies na ‘n ander land verskuif en ‘n nuwe identiteit gegee.

Die regter het gesê hy weet nie of dit “roekeloosheid, oppervlakkigheid of onnoselheid” was wat die fout veroorsaak het nie.

Voorsittende regter Cuno Tarfusser het bygevoeg dat hy nie wil “spekuleer oor iets anders nie”, waarmee hy opsetlikheid gesuggereer het.

Verslaggewers in Den Haag berig dat die voorval na die openbare galery versprei het en die opname is sedertdien op sosiale media geplaas.

Die hof sê hy het per ongeluk die name van verskeie getuies bekendgemaak wat onder beskerming is.

Die aanklaer het Vrydag egter die name van verskeie getuies onthul wie se identiteit geheim gehou moes word omdat hy glo onder die indruk was dat die mikrofone afgeskakel is.

Gbagbo ontken die aanklagte van oorlogsmisdade en misdade teen die mensdom, na die geweld wat na afloop van die omstrede presidentsverkiesing in 2010 in die land voorgekom het.

Dit is die belangrikste verhoor nog vir die Hof, wat nog net twee mense, beide Kongolese krygshere skuldig bevind het, sedert sy stigting in 2002.

Die Hof verkeer reeds onder groot druk weens ‘n gebrek aan geloofwaardigheid.

Indringers in Calais in kasteel gehuisves

Baie immigrante uit Calais in Frankryk se “Oerwoud” kan uitsien na uitnemende akkomodasie.

Van hulle sal gehuisves word in die kasteel by Tantonville, in die dorp van Haroué, in Meurthe-et-Moselle.

Die Prefek van Meurthe-et-Moselle het aan die einde van Januarie ‘n perskonferensie op die perseel gehou om besonderhede van die aantal “vlugtelinge” te gee en die ontvangsvoorwaardes van immigrante voor te hou.

Al die vlugtelinge in Frankryk is onwettig, maar die owerhede doen niks daaraan nie.

Die burgemeester van Tantonville, Serge Petitdant, het die aangekondiging bevestig en gesê: “Vyftien migrante vanaf Calais sal laat in Januarie by die Chateau du Clos tuisgaan,” het hy verklaar.

In wese is hy deur die Prefek gedwing om die aankondiging te maak alhoewel daar groot ongelukkigheid in sy kanton Haroué heers. Die meeste inwoners is fel gekant teen die indringers en hul luukse huisvesting.

Die Arelia-vereniging sal glo die indringers se hervestiging hanteer na die kasteel in Lorraine, die eerste uit Calais se “Oerwoud”.

Die Sosialiste se besluit is des te meer absurd na ‘n Britse hof se uitspraak dat die indringers uit Calais “nie vlugtelinge is nie”.

Die hof het oor die lot van vier jong asielsoekers beslis dat die meeste buitelanders wat uit Calais aankom met die bedoeling om hulle in die Verenigde Koninkryk te vestig, “nie vlugtelinge is nie”.

Britse regters is van mening dat die meeste ekonomiese migrante is wat probeer om die Engelse Kanaal oor te steek met die hoop om “ekonomiese voordele” in die Verenigde Koninkryk te geniet.

Die regters het in hul hofuitspraak verklaar dat baie van die Calais-immigrante waarskynlik nie vlugtelinge is nie.

“Inteendeel, hulle is immigrante wat weier om aansoek te doen vir die status van vlugtelinge in Frankryk as gevolg van die groter voordele wat hulle hoop om te ontvang in die Verenigde Koninkryk.”

Selfs die verlinkse vise-president van die Europese Kommissie Frans Timmermans het intussen toegegee dat sowat 60 persent van immigrante wat in Desember in Europa aangekom het, ekonomiese migrante is.

In werklikheid het peilings reeds aangetoon dat dit baie hoër is as net 60%. Meer as 90% is migrante wat uit armoede probeer ontsnap.

Flint se waterkrisis ontbloot swart mislukking

Minder as ‘n maand nadat die wit goewerneur Rick Snyder van Michigan ‘n noodtoestand verklaar het, is net een ding duidelik: Die oplossing vir die Flintwaterkrisis sal baie duur wees, ook vir rasseverhoudinge.

“Dit is ‘n misdaad teen die mense van Flint, ‘n misdaad teen die mensdom,” skree prokureur Benjamin L. Crump, wat die families van Trayvon Martin en Michael Brown verteenwoordig het en pas ‘n klas-aksie regsgeding geliasseer het namens die stad se inwoners.

“As ISIS 100,000 Amerikaners vergiftig het, sou ons dit as ‘n daad van terrorisme beskou het!”

Die Flint-waterkrisis het swart mislukking op elke vlak geopenbaar, maar kritici blameer Snyder vir hul tekortkominge.

Die stad se swart burgemeester Karen Weaver het die koste van die verwydering van lood die waterpype van 15.000 huise op $45.000.000 geraam.

Die bekamping van die potensiële impak van loodvergiftiging waaraan 9000 kinders blootgestel word weens besmette water begin by $100,000,000, volgens Mona Hanna-Attisha, ‘n pediater.

Die opknapping van Flint se waterverspreidingstelsel, indien nodig, kan meer as $1 miljard kos, ‘n bedrag wat net die Amerikaanse federale regering kan betaal.

Die krisis spruit uit ‘n besluit van April 2014 deur die swart noodbestuurder Darnell Earley om geld te spaar deur watervoorsiening in die stad uit die Flintrivier te kry.

Earley is aangestel oor die burgemeester en die stadsraad.

Die reeds sukkelende Flint kon selfs geld gespaar het sonder die gebruik van korrosiewe rivierwater.

Sowat 40 persent van die inwoners, hoofsaaklik swart, leef onder die broodlyn, en die mediaan huishoudelike inkomste is minder as die helfte van die bedrag wat ‘n tipiese Amerikaanse gesin verdien.

Kritici kla nou dat die deelstaat misluk het om te verseker dat die stad se swart bestuurders anti-roes chemikalieë bygevoeg het vir die nuwe watervoorsiening, wat tot die krisis gelei het.

Byna onmiddellik na die omskakeling na rivierwater, het gebruikers begin kla van stinkende, verkleurde water, en ‘n paar inwoners het vreemde uitslag ontwikkel.

Sewe en tagtig mense het siek geword van loodvergiftiging en 10 sterftes is aangemeld.

Flint het daarna teruggeskakel na Detroitwater in Oktober, en kundiges probeer nou om die pype met chemikalieë te smeer. Tot dusver het dit nie gewerk nie. Waterfilters word tans gratis vir die hele stad versprei.

Grootliks arm en Afro-Amerikaans, ding die stad mee met Detroit en ‘n aantal ander swart stede vir die twyfelagtige onderskeiding van die mees gewelddadige stad in Amerika.

Duisende reg oor Europa ruk op teen Islam

Duisende Europeërs het Saterdag opgeruk teen die Islamisering en immigrasie in verskeie Europese stede asook Australië.

Botsings met die polisie of teen-betogers is aangemeld te midde van groeiende spanning oor die massiewe instroming van asielsoekers na wit lande.

Onluspolisie het gebots met betogers in Amsterdam nadat ondersteuners van die anti-Islam groep PEGIDA probeer het om hul eerste protesvergadering in die Nederlandse hoofstad te hou.

Die PEGIDA-ondersteuners is deur die polisie en gillende linkse betogers oorrompel: “Vlugtelinge is welkom, fasciste is nie!”

Nederlandse onluspolisie het ‘n paar mense in hegtenis geneem toe berede beamptes tussenbeide getree het om die twee groepe betogers te skei. Dit was nie onmiddellik duidelik hoeveel mense is in hegtenis geneem is nie.

Polisiebeamptes is gewone drag is ook ontplooi om geweld te probeer voorkom in wat duidelik ‘n kopseerprotesoptog was vir die owerhede.

In Duitsland, het 8000 mense deelgeneem aan ‘n PEGIDA-saamtrek in Dresden, volgens die onafhanklike groep Durch Bezahlt, wat bywoningsyfers monitor.

Net 3500 mense het deelgeneem aan ‘n teen-betoging aan die ander kant van die Elberivier wat die stad verdeel, het hulle gesê.

Die hoofstroommedia het die bywoningsyfers weer eens verkeerd gerapporteer met die Britse Daily Mail wat berig het dat slegs 2000 mense die PEGIDA-optog in Dresden bygewoon het.

Geen voorvalle is aangemeld by die geleentheid nie. Dresden is steeds die sentrum van pro-wit sentiment in Duitsland.

In die noordelike Franse stad Calais, het die polisie die anti-Islamprotesoptog met traangas uitmekaar gejaag ná botsings met betogers. Verskeie “verregses” is glo aangehou volgens die owerhede.

Onder hulle is genl. Christian Piquemal, ‘n afgetrede lid van die Franse Vreemde Legioen. Hy is vermoedelik gearresteer omdat hy ‘n te hoë profiel aan die optog verleen het.

Frankryk het ‘n verlinkse regering wat uiters ongewild is. Die skare het die polisie uitgejou toe hulle die generaal wegsleep. Hy moet Maandag voor die hof verskyn.

Die oud-valskermsoldaat het aan Le Monde gesê: “Daar is dinge wat gerespekteer moet word, insluitend die volkslied – die Marseillaise – wanneer dit gesing word.”

Die Franse polisie-unie het intussen ‘n klag gelê teen Calais wat munisipale beamptes ontplooi het teen die optoggangers, iets wat buite hul posbeskrywings val.

Die anti-immigrasie groep PEDIGA het Saterdag slagspreuke laat opklink soos: “Ons moet nie toelaat dat Calais sterf nie!”

Calais is ‘n fokuspunt vir immigrante wat wil deurglip na Brittanje deur die Tonnel. Etlike duisende woon daar in krotbuurte vir maande voordat hulle die kans kry om die VK binne te dring. Die gebied gaan tans gebuk onder erge misdaad.

PEGIDA, die Duitse afkorting ​​vir “Patriotiese Europeërs teen die Islamisering van die Weste, is ‘n magneet vir pro-wit anti-immigrasiesentiment sedert dit twee jaar gelede gestig is in Dresden.

Na ‘n effense daling in bywoning verlede jaar, het die groep se ondersteuners intussen skerp toegeneem omdat gewone mense kwaad is oor vir die ongekende toestroming na Europa van vlugtelinge uit Afrika, Asië en die Midde-Ooste.

Afgesien van sy nasionalistiese en anti-Islam houding, het die groep ook sterk kant gekies vir Rusland. Verskeie Russiese vlae is Saterdag in Dresden opgemerk, saam met baniere waarop “Vrede met Rusland” en “Stop die oorlog teen Sirië” gepryk het.

PEGIDA-protesoptogte het ook plaasvind in Frankryk, Brittanje, Pole, die Tsjeggiese Republiek, Ierland, Denemarke, Finland en Estland.

In Australië het wit regse patriotiese ondersteuners voor die regeringsgeboue in Canberra byeengekom. Blair Cottrell, leier van die United Patriots Front het mense toegespreek oor die gevare van Islam.

Siriese vredesonderhandelinge tydelik gestaak

Die Verenigide Nasies (VN) se afvaardiging na Sirië het aangekondig dat die vresamesprekings in Genève, Switserland, tydelik gestaak word.

Dit sal glo later vandeesmaand hervat word.

Te midde ’n toename in die felheid van gevegte in dié land, is Rusland besig om Westerse ISIS-jihadiste op die slagveld te verdryf.

Die suksesvolle Russiese lugveldtog is tans besig om die gang van die onderhandelinge te bepaal, iets wat die VSA tot dusver wou vermy.

Steffan de Mistura van die VN het ná ’n vergadering met opposisieleiers aan joernaliste gesê “dit is nie die einde nie and dit beteken nie die samesprekings het misluk nie”.

Hy sê beide kante stel belang “om die politieke proses aan die gang te kry” en dat hy 25 Februarie as datum vir hervatting van die vredesamesprekings gekies het.

Die aankondiging kom slegs twee dae nadat De Mistura vir die eerste keer in twee jaar met die hervatting van die samesprekings begin het.

Dis daarop gemik om ’n einde te bring aan die vyf jaar lange oorlog waarin 250 000 mense gesterf het en tot die ontheemding van 11 miljoen mense gelei het.

Obama besoek moskee

President Barack Obama het Woensdag vir die eerste keer ooit ’n besoek aan moskee in die VSA gebring en ’n versoek tot Amerikaners gerig om groter verdraagsaamheid teenoor die miljoene Moslems in dié land te toon.

Hy het gevra dat inwoners hulle vooroordele en stereotiperings konfronteer wat midde ’n toename oor teenterrorisme praatjies in die presidentsveldtog aan die oplaai is.

Hy het by die Islamitiese Vereniging van Baltimore, ’n voorstedelike kampus met ’n moskee en skool, gesprekke gevoer met die Moslem-gemeenskap oor godsdiens-verdraagsaamheid en -vryheid.

Hy het ook later die dag ’n toespraak gelewer oor hoe die VSA ekstremisme kan takel deur met Moslems saam te werk, pleks van die vyand te sien.

Sy besoek was vir Moslem-kampvegters ’n lank verwagte gebaar. Die feit dat hy dit tot sy laaste jaar as staatshoof uitgestel het, is ‘n bewys dat die kwessie van toenadering nie gewild is onder kiesers nie.

Die VSA het reeds honderdduisende Moslems van kant gemaak in Noord-Afrika en die Midde-Ooste met militêre optrede vir oliebelange.

Getuienis is aan die oplaai dat Amerika selfs jihadiste in Sirië befonds.