Kategorie: Suider-Afrika

Suid-Afrikaanse nuus, d.w.s. sowel nuus uit Suid-Afrika én Suider-Afrika.

Twee Rooi Miere gedood in uitsettingsgeweld

‘n Uitsettingsoperasie buite Pretoria het dodelik geëindig toe duisende plakkers slaags geraak het met Rooi Miere. Minstens twee is dood en ses ernstig beseer.

Plakkers uit Suurman, buite Hammanskraal, het busse aan die brand gesteek asook vragmotors, en paaie met rommel en brandende bande afgesper.

Drie busse is uitgebrand en inwoners het parte van die voertuie begin steel. Verkeer in die gebied is ook ontwrig.

Burgemeester Ramokgopa het die Hammanskraal geweld veroordeel, maar ook beloof om meer te doen om te verseker dat uitsettings met menslikheid uitgevoer word.

Die Rooi Miere het blykbaar aangekom kort nadat die meeste mense vir werk vertrek het.

Gemeenskapsleier Jakes Maleka het gesê: “Daar was geen waarskuwing nie, net ‘n hofbevel, maar dit dateer uit 2014.”

Terwyl inwoners hul huise Maandagaand herbou het, het hulle gereed gemaak vir die terugkeer van die Rooi Miere.

“Mense is woedend. Ons wag nou. Ons sal onsself bewapen en terugveg. Vier is vandag dood en indien meer terugkom sal hulle weer seerkry.”

Gemeenskapsleiers sê inwoners is die grond deur die tradisionele raad belowe en dat hulle dokumente het om dit te bewys.

Maar ‘n woordvoerder van Tshwane, Selby Bokaba het gesê sowat 16,000 huishoudings beset grond in Hammanskraal en omliggende gebiede onwettig.

Zuma verstewig greep op KZN

Ondersteuning vir President Jacob Zuma bly sterk, veral onder sy eie etniese groep.

Zuma se greep op sy tuisprovinsie is verder verstewig ná KwaZulu-Natal se premier, Senzo Mchunu, sy bedanking aangekondig het en ‘n bondgenoot van die president se Willies Mchunu, oorgeneem het.

Die twee is nie verwant nie.

Ander lede van die Mchunu-kabinet wat na verwagting die trekpas sou kry, is behou in nie provinsiale regering.

Die provinsie se ANC-ondervoorsitter en LUR vir vervoer, gemeenskapsveiligheid en skakeling het Maandagaand die leisels oorgeneem.

Die ANC sê Mchunu is gekies vir sy “senioriteit, ervaring en vaardighede wat hy gedemonstreer het in die regering en ons beweging”.

Senzo Mchunu sy bedanking aangekondig ná ‘n vergadering met provinsiale leierskap van die ANC Vrydag, waartydens hy die trekpas gegee is.

Die premier, voorheen ‘n stoere bondgenoot van president Jacob Zuma, het sy setel as provinsiale voorsitter verloor teen Sihle Zikalala in November en sedertdien het Zikalala se ondersteuners hulself openlik beywer om Mchunu te verwyder as premier.

Zikalala en Zandile Gumede as voorsitter van die streek eThekwini met 103 takke, is bekende Zuma-ondersteuners.

Twee Moslems in Ficksburg oorval

‘n Moslempa en sy seun wat ernstig beseer is tydens ‘n huisroof in Ficksburg is steeds in ‘n kritieke toestand in die Dihlabeng-hospitaal in Bethlehem.

Die Vrystaat se polisiewoordvoerder, Phumelelo Dhlamini, sê Yunus Suleman en sy 21-jarige seun Ayaaz het beide skietwonde aan die maag opgedoen toe hulle in hul huis in Ficksburg aangeval is.

Hy sê Yunus het wakker geword nadat hy vreemde geluide in die huis gehoor het.

Hy het gaan ondersoek instel en het glo ‘n verdagte in die gang van sy huis opgemerk.

Die rower het ‘n vuurwapen uitgehaal en Yunus geskiet.

Dhlamini sê in dié stadium is dit nie duidelik wanneer Ayaaz geskiet is nie. Volgens hom was beide pa en seun by hul bewussyn ná die aanval en het daarin geslaag om die polisie te waarsku. Juwele word uit die huis vermis.

Daar word beweer dat die verdagte deur ‘n kombuisvenster toegang verkry het.

Geen arrestasies is nog gemaak nie. Dhlamini sê enigiemand met inligting kan hul naaste polisiekantoor te bel.

Die polisie ondersoek ‘n saak van poging tot moord en huisroof. Die ondersoek duur voort.

Herrie oor minister vrou glo na SA smokkel

Die ministerie van Verdediging het berigte ontken dat die minister, Nosiviwe Mapisa-Nqakula ‘n jong vrou van Burundi met ‘n vervalste paspoort op ‘n staatsvliegtuig in die land ingesmokkel het.

Volgens die Sunday Times het die minister in Januarie 2014 haar invloed gebruik om te verseker dat Michelle Wege uit aanhouding vrygelaat word, het RSG berig.

Wege is in die Demokratiese Republiek van die Kongo aangehou in verband met vervalste reisdokumente wat gebruik is om uit Burundi te reis.

‘n Woordvoerder van die ministerie, Mike Ramagoma sê die jong vrou was ‘n vriendin van die minister se kinders, en het uit Burundi gevlug om weg te kom van haar pa wat haar mishandel het, en haar geldige paspoort gekonfiskeer het.

Volgens Ramagoma was die minister op ‘n amptelike besoek aan die DRK, en het bloot aangebied om die vrou saam met haar na Suid-Afrika te neem.

Hy sê bewerings dat staatshulpbronne misbruik is en dat die vrou gesmokkel is, is ongegrond.

Mapisa-Nqakula het in die DRK met ‘n hoëvlak afvaardiging van meer as vyf amptenare van haar kantoor opgedaag, insluitend ‘n lugmag luitenant-generaal om Wege se vrylating te onderhandel.

Na Wege se vrylating het die groep na Addis Abeba gereis saam met haar om ‘n konferensie by te woon voordat hulle na Suid-Afrika teruggekeer het.

Wege is in hegtenis geneem deur die amptenare by die Internasionale Lughawe van Kinshasa 10 dae tevore, toe sy probeer het om ‘n vlug van die Suid-Afrikaanse Lugdiens na Johannesburg te haal.

Sy is in hegtenis geneem omdat sy dokumente wat vervals was gebruik het.

Die dokumente is na bewering gereël deur Mapisa-Nqakula se suster, Nosithembele Nontobeko Mapisa, wat in die Burundi by die ambassade gewerk het ten tyde van die voorval.

Op die vals paspoort van Wege is sy as ‘n Kongolees by name Amina Yambayamba aangedui. Maar amptenare het onraad vermoed toe sy nie die Franse of enige van die ander plaaslike tale kon praat nie.

Etniese geweld by Garsfontein eis drie

Drie swartes is dood ná etniese geweld Sondagmiddag tussen twee groepe in die ooste van Pretoria uitgebreek het.

Kapt Colette Weilbach het gesê die moeilikheid het omstreeks Plastic View in Garsfontein uitgebreek tussen Basotho’s en Zimbabwiese burgers.

“Daar word beweer dat ‘n groep Basotho mans vandag [Sondag] aangeval is deur Zimbabwiërs terwyl hulle sokker gespeel het,” het sy gesê.

“Die Basotho’s het teruggeslaan en hul aanvallers uit die kamp gedryf,” het Weilbach gesê.

Netcare 911-woordvoerder, Chris Botha gesê sewe Basotho mans het steekwonde opgedoen en een man is gedood.

“‘n Man in sy 20’s was ‘n kritieke toestand terwyl die ander ses beserings opgedoen het wat wissel van ernstig tot klein. Die kritiek beseerde man het dadelik na sy aankoms by die hospitaal aan sy wonde beswyk,” het Botha gesê.

Die ses beseerdes is op die toneel behandel en na ‘n hospitaal vervoer deur provinsiale dienste, het Botha gesê.

Weilbach het gesê die polisie sal die situasie monitor terwyl die leiers van beide groepe oor moontlike oplossings onderhandel.

“Geen arrestasies is nog gemaak nie en Garsfontein-polisie sal gevalle van moord en openbare geweld ondersoek,” het Weilbach gesê.

Vroeër berigte het aangedui dat een man tydens die gevegte omgekom het, maar die woordvoerder van die polisie se spesialis-afdeling het gesê die aanvanklike inligting is spekulatief.

Hy het later bevestig dat twee mense doodgebrand is, benewens die een wat aan sy steekwonde dood is.

Botha het gesê volgens inwoners by die plakkerskamp is nog vier mense ook vermoor, maar vyandige gemeenskapslede, gewapen met stokke en pangas, het geweier om die nooddienste toegang tot die kamp te gee om dit te gaan bevestig.

Weilbach kon ook nie die moorde van die ander vier mense bevestig nie.

Die plakkerskamp is in chaos gedompel en dit lyk asof inwoners hulself regmaak vir nog geweld.

Polisie moet bontstaan om openbare geweld te keer

Die polisie moes plek-plek in Suid-Afrika bontstaan om openbare geweld te onderdruk.

Honderde plakkers van die Tornado-woongebied naby Brits in Noordwes het na die munisipaliteit opgeruk.

Die opmars was glo om ‘n memorandum oor swak dienslewering in die gebied aan die Madibeng-munisipaliteit te oorhandig.

Die munisipaliteit se departement van Water en Sanitasie is vroeër onder administrasie geplaas.

Volgens die plakkers is plaaslike projekte van miljoene rande wat ‘n sportveld, sanitasie en HOP-huise insluit, nooit voltooi nie.

By Dwarsloop buite Bosbokrand in Mpumalanga is die R-40 met twee vragmotors en brandende bande versper.

‘n Polisiewoordvoerder sê hulle probeer om die oproeriges uiteen te jaag. Die oproermakers is vermoedelik ontevrede oor die kandidaat wat as wyksraadslid benoem is.

Die polisie moes motoriste van Acornhoek waarsku om alternatiewe roetes te gebruik.

In Vuwani in Limpopo het onlangse gewelddadige oproer teen herafbakening nog nie bedaar nie.

Vier-en-twintig skole is die afgelope tyd aan die brand gesteek.

Volgens die Tsongas dreig die polisie hulle glo dat hulle ‘n tweede Marikana-slagting te wagte kan wees.

By Vyeboom sê inwoners is die situasie is steeds onveilig vir mense van buite. Daar is steeds slote in die strate.

Die oproer het die ekonomie tot stilstand gebring in Vuwani en omliggende dorpe.

Taxibestuurders se inkomste is negatief geraak daardeur en hulle sê hulle kan nie meer die lenings op hul voertuie terugbetaal nie.

In Kokstad in die suide van KwaZulu-Natal, sê die burgemeester Nosisa Jojozi sê sy vrees vir haar veiligheid.

Oproeriges eis dat sy en die onderburgemeester bedank.

Ontevredenes het ook probeer om die onderburgemeester se huis aan die brand te steek.

Jojozi het ‘n oproep om kalmte gedoen en sê mense moet die regte kanale volg om hulle griewe te lug.

Die polisie probeer steeds om die twee strydende groepe op Kokstad uitmekaar te hou.

Paaie is met brandende bande en rommel versper, winkels is geplunder en skole moes sluit.

Vyftig mense is reeds in hegtenis geneem en van openbare geweld aangekla.

Hulle het in die streekhof op Kokstad verskyn en sal weer aanstaande Donderdag verskyn.

In Sebokeng, suid van Johannesburg het inwoners gewelddadig geraak glo oor die stadige pas van dienslewering.

Hulle het strate met brandende buitebande en klippe versper, Verkeer is ook ontwrig.

Die inwoners wil hê dat die regering kom kyk hoe die omgewing lyk waarin hulle moet leef. Niemand is in hegtenis geneem nie.

Opposisiegeweld breek uit in Kenia

Die polisie in Kenia het Maandag met traangas en knuppels onder oproeriges van die opposisiepartye ingevaar toe hulle die kantoor van die verkie­singskommissie in Nairobi bestorm en aangedring het dat die kommissie ontbind.

Honderde optoggangers is deur die polisie verbied om die kantoor van die Onafhanklike Verkiesings- en Grensekommissie (IECB) binne te gaan. Sommige van die oproeriges het klippe na die polisie gegooi, het AFP berig.

Kenia is die afgelope weke deur soortgelyke oproer geteister. Optogte is ook op die dorpe Kisumu en Kisii in die suidwestelike deel van die land gehou, waar die polisie ook traangas moes gebruik om die skare uiteen te jaag.

“Die polisie gebruik onnodig baie geweld teen vreedsame optoggangers; dit kan nie geregverdig word nie,” het die voormalige premier, Raila Odinga (71), gesê en gedreig om elke Maandag soortgelyke protesoptogte te hou.

Pres. Barack Obama kom glo uit dieselfde stam as Odinga, alhoewel sy Keniaanse herkoms deur sommiges in twyfel getrek word wat sê sy vader was die swart kommunis Frank Marshall Davis.

Ondinga, wat nie in 2013 daarin kon slaag om tydens die presidentsverkiesing verkies te word nie, beskuldig die verkiesingskommissie van partydigheid en sê die kommissie steun pres. Uhuru Kenyatta.

Hy dring aan dat nuwe verkiesingskommissarisse vóór die verkiesing in Augustus 2017 aangestel word.

Die voorruit van Odinga se voertuig is ook tydens Maandag se geweld beskadig, maar hy het later gesê hy was nie in die voertuig toe dit gebeur het nie.

Insp.genl. Geroge Kinoti van die polisie het gerugte ontken dat die polisie op Odinga se voertuig geskiet het. Volgens hom is “net traangas” gebruik om die oproeriges uiteen te jaag en geen “lewendige ammunisie” nie.

Odinga en die burgerlike gemeenskapsgroepe beskuldig die verkiesingskommissie van verskeie “ongerymdhede” en voer aan dit het die uitslag van die verkiesing beïnvloed.

Die verkiesing het egter in teenstelling met die ­gewelddadige verkiesing in 2007, vreedsaam verloop.

Die verwagting is dat Odinga gereed maak om weer tydens aanstaande jaar se verkiesing teen Kenyatta (54) te staan.
Laasgenoemde het onlangs met verskeie van sy getroue partylede vergader oor die moontlikheid om die verkiesingskommissie in die aanloop na volgende jaar te herstruktureer.

Skole, universiteite sien honderde miljoene in rook opgaan

Swart leerlinge wat sedert verlede Donderdag Orlando High School in Soweto in puin gelê het weens ‘n hekel teen die skoolhoof, het glo veroorsaak dat die skool sal moet sluit.

Sedert verlede Maandag, toe leerlinge begin het om boeke te brand en ‘n klaskamer ook uitgebrand is, het die swart leerlinge ook skooleiendom geplunder, insluitend meubels, skoot- en tafelrekenaars.

Volgehoue pogings tot brandstigting het Dinsdag en Woensdag gevolg en Donderdag het die swart leerlinge vensters gebreek en die administratiewe blok binnegeval.

Dit is nie duidelik of die plundery direk verband hou met die 24 skole in Vuwani wat afgebrand is in soortgelyke oproer nie.

Talle ander, ewe verkwistende en sinnelose gevalle elders is ook aangeteken.

Die LUR vir onderwys in Gauteng Panyaza Lesufi het intussen geweier om skade-assessors te stuur na die Orlando-skool, en gesê dit sou geen doel dien om te betaal vir opknapping nie.

Die petrolbomaanval op die Universiteit van Johannesburg (UJ) in die vroeë oggendure Maandagoggend het skade veroorsaak wat geraam word op R100 miljoen, die universiteit gesê.

Brandstigters het ingebreek en die ouditorium by Aucklandpark kampus UJ teen omstreeks 02:00 met ‘n petrolbom verwoes.

Hulle het ook rekenaarlaboratoriums en toerusting wat gebruik word vir loopbaanassessering verwoes, het die universiteit in ‘n verklaring gesê.

Die fasiliteite was vir gradeplegtighede en halfjaarlikse assessering gebruik. Alternatiewe reëlings sal gemaak moet word.

TAC kry skielik toegang tot Vrystaat

Die Vrystaatse provinsiale regering gaan die stand van gesondheidsdienste in die provinsie ondersoek nadat ‘n afvaardiging van die Treatment Action Campaign (TAC) met die provinsiale kabinet vergader het.

Anele Yawa van die TAC sê die tekort aan medikasie, skorsing van gesondheidswerkers en onbevoegdheid van die LUR vir gesondheid, Benny Malakoane, was op die agenda vir die vergadering.

Die ingryping van adjunkpresident Cyril Ramaphosa is klaarblyklik die rede vir die vergadering tussen die Treatment Action Campaign (TAC) en die Vrystaatse regering.

Yawa sê die nie-regeringsorganisasie het Ramaphosa genader om toegang tot die Vrystaat te kry.

Hy sê enkele dae ná dié vergadering het die premier van die Vrystaat Ace Magashule – in sy hoedanigheid as voorsitter van die provinsiale Vigsraad – die TAC genader om probleme in die provinsie te bespreek.

LUR vir Ekonomiese Ontwikkeling en Toerisme, Sam Masinini, het die media ná die vergaderingnamens die provinsiale kabinet toegespreek.

Hy sê in ‘n vergadering wat op 11 Mei plaasgevind het, het dit duidelik geword dat die uitvoerende bestuur op die saak moet begin fokus.

Hy het ontken dat die departement tot dusver nie doeltreffend ten opsigte van die gesondheidskrisis in die provinsie opgetree het nie.

Vuwani, Malamulele steeds uiters onbestendig

Swart onderwysers het nie Dinsdag by skole in Mashau, naby Vuwani in Limpopo vir klas opgedaag nie. Geen van die beloofde mobiele klaskamers is nog afgelaai nie.

Vuwani en Malamulele in Limpopo word steeds as uiters onbestendig bestempel ten spyte daarvan dat die minister van Staatsveiligheid die situasie dmv sekere hoofmanne probeer kalmeer.

By die Maligana Wilson-sekondêre skool het slegs twee van die 23 onderwysers aangemeld. Leerlinge het by skole opgedaag maar kon nie onderrig ontvang nie omdat onderwysers uit vrees vir geweld wegbly.

Sowat 24 skole is die afgelope ruk afgebrand na etniese geweld uitgebreek het oor ‘n besluit rakende die munisipale afbakening van die gebied

Parlementslede het ‘n blitsdebat oor die etniese krisis in Vuwani in die Nasionale Vergadering gehou. Tydens die blitsdebat oor die etniese geweld in Vuwani in die Nasionale Vergadering is die afbrand van skole gekritiseer.

Die minister van staatsveiligheid, David Mahlobo het ‘n streng waarskuwing gerig aan inwoners wat onderwysers in en om Vuwani in Limpopo intimideer.

Tradisionele leiers in die gebied het ook hul kommer uitgespreek. Hoofman Livhuwani Matsila wat Mahlobo vergesel, sê onderwysers het onderneem om aan te meld vir werk.

Matsila sê hulle is teleurgesteld, veral na hul gesprekke met die onderwysvakbond, Sadou en skoolbeheerliggame.

Die OVK het reeds in April ‘n beroep gedoen dat die geweld by sy lokale gestaak word.

Op Vuvani in Limpopo moes nege lokale weens onrus gesluit word.

Die Hoofkiesbeampte, Mosotho Moepya het ‘n beroep op kiesers gedoen om hulle van geweld te weerhou en hulle reg om te stem uit te oefen.

Die EFF se hoofsweep, Floyd Shivambu het die ANC en ‘n tekort aan ekonomiese ontwikkeling die skuld gegee vir die onrus in Vuwani.

Shivambu sê die geweld hou verband met konflik binne die ANC.

Hy beweer die burgemeester van Makhado en sekere raadslede besef dat hulle hulle poste sal verloor indien Vuwani volgens ‘n besluit van die Munisipale Afbakeningsraad by ‘n nuwe munisipaliteit ingesluit word.

EFF weer uitgeboender uit parlement

Die leier van die EFF, Julius Malema het die chaos in die Parlement Dinsdag regverdig.

EFF-LP’s en amokmakers het na bewering personeel met brandblussers gespuit, ‘n glasdeur gebreek en onder meer besemstokke gegooi.

Malema sê egter hulle onderbrekings en ontwrigtings is “vreedsame pogings” om president Jacob Zuma teen te staan.

Hy het na afloop van die hernude chaos toe EFF-LP ‘s uit die parlement gegooi is, weer die geleentheid benut om media-aandag op die EFF te fokus.

Die speaker, Baleka Mbete het veiligheidspersoneel nader geroep nadat die EFF geweier het om die president ‘n geleentheid te gee om die huis toe te spreek.

Die ANC het die EFF-vandale skerp gekritiseer en gesê die parlement sal toesien dat strafregtelike klagte ingedien word teen hulle.

Pres. Jacob Zuma het na die oproer rustig voortgegaan om die geskeduleerde vrae te beantwoord ten spyte van die EFF se aandrang dat nie nie die Nasionale Vergadering mag toespreek nie.

Dit is die vierde keer dat die Withemde, die veiligheidsdiens, EFF-LP’s moes verwyder weens oproerigheid.

Winnie Rust het haar vermeende bruin moordenaar Nigel Plaatjies ‘befonds’

Die beweerde moordenaar van Winnie Rust, die Afrikaanse skryfster, het gister in die landdroshof op Wellington verskyn. Sy naam is Nigel Amos Plaatjies, is 18 jaar oud en het verlede jaar aan die Hoërskool Hugenote gematrikuleer (foto hier bo).

Plaatjies is gister ongesiens na die hof gebring en die media is nie geleentheid gegee om foto’s van hom te neem, soos die gebruik is nie. Blykbaar het hy ‘n swart sweetpakbaadjie met ‘n hoofbedekking aangehad, terwyl hy sy gesig agter ‘n baadjie weggesteek het.

Daar bestaan egter ongeveer sestig foto’s van Plaatjies wat hy self op Instagram gepubliseer het. Dié foto’s is in PRAAG se besit nadat ons dit vanoggend een vir een van dié sosiale platform afgelaai het. Die foto’s vertel ‘n verhaal van ‘n kleurlingtiener wat oral deur blankes op die hande gedra is, handelsmerksportklere dra, asook foto’s van homself met ‘n iPhone neem. Sy Instagram-fotoalbum bevat inskrywings in cliché-Engels met taamlik gereelde spelfoute waarin hy praat van sy “groot droom” om eendag ‘n liggaamsbouer soos Arnold Schwarzenegger te word, asook in sy atletiekloopbaan te vorder.

Volgens berigte het mev. Winnie Rust en haar eggenoot, die afgetrede dr. Manie Rust, ‘n mediese dokter, hom as middelafstandatleet geborg en het hy die gesin dus goed geken. Nadat hy mev. Rust se hande vasgemaak en haar in haar kombuis vermoor het, het hy glo onder andere haar selfoon uit haar handsak geneem en hom daarmee uit die voete gemaak. Dr. Manie Rust was op die boonste verdieping van die huis en het sy bebloede vrou op die kombuisvloer aangetref.

‘n Woordvoerder van die polisie, konstabel Noloviso Rwexana, het in ‘n verklaring gesê dat “verskeie goedere wat aan Rust behoort het in Plaatjies se besit gevind is toe hy die naweek in hegtenis geneem is”.

Die Hoërskool Hugenote was te geskok om oor die voorval kommentaar te lewer, want tot verlede jaar nog is verskeie foto’s van Plaatjies by atletiekbyeenkomste of saam met onderwysers geneem (sien voorbeeld hiernaas).

‘n Tweede verdagte, wat 34 jaar oud is, is reeds in verband met die moord op Winnie Rust aangekeer en sal vandag in die hof op Wellington verskyn. Sy naam is nog nie bekend nie.

Tot dusver het die familie van Winnie Rust hulle nog nie oor die moord of Plaatjies uitgespreek nie. Sy word eerskomende Donderdag ter ruste gelê.

Benewens reise per vliegtuig heen en weer tussen die Wes-Kaap en ander dele van die land om aan atletiekkampe en -byeenkomste deel te neem waar hy veral in die 800m en 1500m uitgeblink het, het Plaatjies ook ‘n aktiewe sosiale lewe gelei, met blanke vriende van sy ouderdom, waaronder sy vriend Tommy “Boy”Watson met wie hy op Hugenote was.

Nigel Plaatjies en Tommy 'Boy' Watson
Nigel Plaatjies (agter) saam met die gesin van sy vriend, Tommy ‘Boy’ Watson (heel regs).

BRICS-geveg kom na SA met sakemense wat EFF steun

Die BRICS-geveg wat ook in Brasilië woed nadat hul president Dilma Rousseff haar amp kwyt is, gaan Suid-Afrika nie gespaar bly nie.

Bemoedig deur die regime-verandering daar, is daar tans groot druk deur die sakegemeenskap op Pravin Gordhan, die voormalige minister van finansies om Zuma aan te vat.

Die Valke en nasionale vervolgingsgesag (NVG) maak egter op hulle beurt volgens berigte gereed om Gordhan en ander voormalige kollegas van die Suid-Afrikaanse Inkomstediens (SAID) vir spioenasie in hegtenis te neem.

Dié afdreiging van Gordhan sal die staat se blootstelling aan BRICS-invloed, of manipulasie deur die Guptas, in die kollig plaas. Indië is ook deel van BRICS en die Guptas het glo daardeur hul greep op Suid-Afrika verkry.

Met Indië wat tans toenadering soek by die VSA, is die anti-Zuma-faksie hoopvol dat hulle regeringsveranderingsplanne sal slaag.

Maar nie net Gordhan nie, ook Trevor Manuel en ander senior SAID-amptenare staan onder soortgelyke verdenking van spioenasie teen Zuma.

Die rand het intussen verder gedaal met die nuus dat Zuma nie gaan bes gee nie, maar met mening gaan toeslaan op die Angelsaksiese faksie wat hom uit die kussings wil lig.

Berning Ntlemeza (Valke), Shaun Abrahams (nasionale direkteur van openbare vervolging) en David Mahlobo (staatsveiligheid) is Zuma se handlangers.

Dit is ook duidelik dat sakemense nie op Gordhan of adj.pres. Cyril Ramaphosa sal kan vertrou om van president Zuma ontslae te raak nie, maar gaan probeer om deur negatiewe marksentiment ‘n klimaat te skep wat dit sal moontlik maak.

Dit sal wit Suid-Afrikaners dalk ontstel, maar sal geen indruk maak op die gewone swart ANC-kieser nie. Inteendeel skep die Angelsaksers eerder ‘n klimaat vir die EFF.

Skrywer jaag Eugene de Kock by boekbespreking uit

‘n Engelse skrywer, Lauren Beukes het Eugene de Kock uit ‘n skrywersvergadering gejaag waar hy opgedaag het om te verneem of sy boek op ‘n pryskortlys aangekondig sal word.

Die biografie, wat Anemari Jansen in samewerking met De Kock geskryf het, is in April benoem vir die Sunday Times Alan Paton-prys.

De Kock, wat sy tronkstraf uitgedien het en sowat ‘n jaar gelede op parool vrygelaat is, was glo ‘n gas van die biografie se uitgewer, Tafelberg, maar Beukes het besluit om hom terstond van ‘n basiese menseregte te ontneem.

Beukes het soos die Engelse gewoonte maar is, haarself aangestel om ‘n paar bonuspunte vir Engelse voortreflikheid te probeer aanteken deur namens swart skrywers en uitgewers verontwaardig te wees.

Volgens haar was die swartes die naweek by die letterkundefees in Franschhoek “verskriklik getraumatiseerd oor De Kock se teenwoordigheid”.

Almal het “gewonder” of hulle die lokaal moet verlaat, sê sy. Niemand het egter uitgeloop uit die bespreking nie.

Toe nie een van die swartes wou loop nie, het Beukes besluit om in te gryp en voormalige Vlakplaas-verhoorde soos ‘n wafferse konsentrasiekampbevelvoerder te gaan verjaag.

Een van die oud-polisieman se paroolvoorwaardes is dat hy nie met die media mag praat nie. Beukes kon die media dus op haar eentjie trakteer oor die gebeure.

Lede wat die paneelbespreking bygewoon het waar Jansen opgetree het, sê hulle was nie bewus van swart ontsteltenis nie.

De Kock was self verbaas om te verneem van die “swart trauma” maar het nie teëgestribbel nie. “Dankie dat jy my gesê het,” het hy gesê en daarna opgestaan en uitgestap.

Hy het Vrydag en Saterdag die letterkundefees bygewoon.