‘n Uitsettingsoperasie buite Pretoria het dodelik geëindig toe duisende plakkers slaags geraak het met Rooi Miere. Minstens twee is dood en ses ernstig beseer.
Plakkers uit Suurman, buite Hammanskraal, het busse aan die brand gesteek asook vragmotors, en paaie met rommel en brandende bande afgesper.
Drie busse is uitgebrand en inwoners het parte van die voertuie begin steel. Verkeer in die gebied is ook ontwrig.
Burgemeester Ramokgopa het die Hammanskraal geweld veroordeel, maar ook beloof om meer te doen om te verseker dat uitsettings met menslikheid uitgevoer word.
Die Rooi Miere het blykbaar aangekom kort nadat die meeste mense vir werk vertrek het.
Gemeenskapsleier Jakes Maleka het gesê: “Daar was geen waarskuwing nie, net ‘n hofbevel, maar dit dateer uit 2014.”
Terwyl inwoners hul huise Maandagaand herbou het, het hulle gereed gemaak vir die terugkeer van die Rooi Miere.
“Mense is woedend. Ons wag nou. Ons sal onsself bewapen en terugveg. Vier is vandag dood en indien meer terugkom sal hulle weer seerkry.”
Gemeenskapsleiers sê inwoners is die grond deur die tradisionele raad belowe en dat hulle dokumente het om dit te bewys.
Maar ‘n woordvoerder van Tshwane, Selby Bokaba het gesê sowat 16,000 huishoudings beset grond in Hammanskraal en omliggende gebiede onwettig.
Dit blyk die geweldpleging in die land is toenemend besig om dodelike afmetings in te neem. Nog ‘n Zuma-toesprakie of twee om die ekonomie ‘n finale nekslag toe te dien, en wie weet wat aanskou ons dan. In die 50’s en 60’s was faksie-gevegte aan die orde van die dag in die Oos-Kaap (Transkei). As dinge aanhou ekonomies versleg gaan die sogenaamde polisie en weermag nie opgewasse wees teen wat hulle dan in die gesig staar nie.
Daar is beslis méer as twee mense dood tydens die Hammanskraal onluste – volgens die fotos wat deur ‘n privaat veiligheidsmaatskappy geneem is: