Swart tienerbende slaan vroue met gholfstok om hulle te verkrag

Tamari Mnisi, 36, van Freedom Park naby Soweto wys die letsel wat sy opgedoen het toe sy deur die berugte gholfstokbende aangeval is. Sy was een van die gelukkiges wat nie verkrag is nie. Meer as 100 mense is deur die bende aangeval. Foto: Dumisani Sibeko
Tamari Mnisi, 36, van Freedom Park naby Soweto wys die letsel wat sy opgedoen het toe sy deur die berugte gholfstokbende aangeval is. Sy was een van die gelukkiges wat nie verkrag is nie. Meer as 100 mense is deur die bende aangeval. Foto: Dumisani Sibeko

Die Johannesburgse Star se hofverslaggewer berig dat daar uitroepe van ongeloof in die hof was toe ‘n 16-jarige getuie gister beskryf het hoe hy en ander bendeverkragtings op vroue beoefen het nadat hulle met ‘n gholfstok geslaan is.

Die ysingwekkende getuienis was te veel vir Tebogo Manenje, die ma van een van die beskuldigdes, wat in trane uitgebars het.

Die tienergetuie is een van ‘n groep van 17 wat daarvan beskuldig word dat hulle die gemeenskap van Freedom Park, suid van Johannesburg, in 2011 geterroriseer het deur hulle met ‘n gholfstok aan te rand, en dan te beroof en te verkrag.

Hulle staan tereg op verskeie aanklagte, waaronder moord, verkragting, poging tot moord en roof met verswarende omstandighede.

Manenje, Tshepo Makhele, Tumelo Makgatho, Thabo Padi, Thabiso Motau, Lucas Sihle, Thomas Magezi, Donald Tshiboho, Ndivhuwo Matshisa, Mabaso Khosa, Lawrence Hilario, Sifiso Dayi, Mongezi Xaba, Obakeng Buthelezi, Petros Mokoena en Khonjiwe Madonsela pleit almal onskuldig.

Die tienderjarige, wie se naam nie genoem mag word nie omdat hy minderjarig is, tree as staatsgetuie op en daarom is aanklagte teen hom laat vaar. Gister het hy tydens die Palm Ridge-sitting van die Johannesburgse Hoë Hof getuig dat hy eendag terwyl hy in Freedom Park loop ‘n metaalbed raakgesien het wat hy agterna aan ‘n skrootwerf gaan verkoop het.

Hierna kom ‘n aantal mans na hom toe en sê dat hulle weet dat hy hulle bed verkoop het. Dit kan hulle min skeel, maar hulle sê toe hy moet saam na hul kaja toe kom om dagga te rook aangesien hulle weet dat hy dit rook.

Toe hy by die kaja aankom, sê Padi vir hom dat die kaja die “parlement” is, en dat hy voortaan die “president” sou wees. Eendag terwyl hulle by die parlement is, neem Padi ‘n gholfstok van onder sy bed en sê mense behoort daarmee geslaan te word aangesien dit ‘n vinnige en gerieflike instrument is om mense mee te beroof.

Een nag gaan die tiener, Manenje, Padi en Makgatho uit op soek na slagoffers en sien toe ‘n ou vrou wat al singende naderkom. Hulle spat toe uitmekaar en kruip weg.

Die volgende oomblik bekruip Padi die ou vrou van agter af en slaan haar oor die kop met die gholfstok. Sy slaan op die grond neer. Die bende dra haar die bosse in, waarna hulle haar telefoon en geld afneem.

Hierna verkrag die hele bende haar.

“Sy het nie teenstand gebied nie. Sy was stil en magteloos,” sê die tiener in die hof.

Agterna sit hulle almal af na die parlement toe en vind Madonsela, Padi se destydse minnares, daar. Volgens die tiener gee Padi toe vir haar die telefoon om te gaan verkoop.

Die volgende twee slagoffers is meisies. Die tiener, Manenje en Makhele keer een nag terug van die parlement af toe hulle die twee meisies sien naderkom.

Manenje slaan een van die meisies met die gholfstok. Toe gryp hulle hul selfone en neem beurte om hulle te verkrag.

Die tiener, wat op daardie stadium 15 jaar oud is, sê dat indien hul slagoffers vroue was, is hulle nie net beroof nie, maar ook verkrag.

Op ‘n vraag van regter Geraldine Borchers waarom hy verkrag het en of hy seksueel geprikkel was, het die tiener, wat aanstaande maand 17 word, geantwoord: “Ek het nie lus vir seks gehad nie, maar ek kon nie net kyk hoe ander mense seks beoefen nie.”

Die verhoor duur voort.

Agang sê SA moet Zanufikasie keer

Mamphela_RampheleAgang se leier Mamphela Ramphele het Woensdag gesê dat Suid-Afrika die “Zanufikasie“ van die land by die 2014 algemene verkiesing moet keer.

Ramphele het gereageer op die onlangse verkiesings in Zimbabwe, waar Robert Mugabe en sy Zanu-PF-party klou aan mag.

“Ons moet seker maak dat dit wat in Zimbabwe gebeur het, nie hier gebeur nie,” het Ramphele volgens TimesLive gesê.

“Ons moet saamwerk met die Onafhanklike Verkiesingskommissie om geloofwaardige verkiesings te verseker.” Sy het nie uitgebrei

Ramphele het gepraat by ‘n geleentheid by die Universiteit van Johannesburg en het bygevoeg dat haar “jong partyvars nuwe idees” verteenwoordig.

“Agang sal gaan in die volgende jaar se verkiesings met hierdie nuwe idees en beleid ‘n beter Suid-Afrika bou,” het sy gesê.

Mandela glo by sy bewussyn

Jo Seoka
Jo Seoka

Oudpresident Nelson Mandela sal nou sy derde maand in die hospitaal deurbring. Hy is glo by sy bewussyn en reageer op vrae wat aan hom gestel word.

Dit is die reaksie van die president van die Suid-Afrikaanse Raad van Kerke, Joe Seoka, wat die bejaarde staatsman in die hospitaal in Pretoria besoek het.

“Hy kan elke woord wat met hom gepraat word, hoor en hy reageer wel op wat hy hoor.”

Seoka en ander geestelikes van die Suid-Afrikaanse Raad van Kerke het ná die besoek die media te woord gestaan.

Die groep sê hulle het Madiba nie self gesien nie, maar in ‘n aangrensende vertrek vir hom gebid.

Seoka sê volgens die hospitaal is hy steeds in ‘n kritieke toestand, maar stabiel.

Polisielede werk ten spyte van duur siviele eise

Nathi Mthethwa
Nathi Mthethwa

Die minister van Polisie, mnr. Nathi Mthethwa, sê sedert 2009 is geen klagtes van wangedrag teen enige lid van die Polisie ingestel waar howe siviele eise teen die Polisie toegestaan het nie. Dit blyk uit ‘n antwoord van die minister van Polisie, mnr. Nathi Mthethwa, op ’n vraag van Pieter Groenewald van die Vryheidsfront Plus in die parlement.

“Hierdie is een van die groot redes vir swak dissipline en hoekom daar ’n toename in brutaliteit en onregmatige optrede deur polisielede is. Dit beteken ’n polisielid kan hom/haar skuldig maak aan wangedrag, die siviele eis slaag teen die Polisie, die belastingbetaler moet opdok, maar die lid is skotvry en gaan eenvoudig voort om te werk asof niks gebeur het nie. Dit is net logies dat sulke polisielede dink hulle is verhewe bo die reg en onaantasbaar. Dit is skandalig en die minister moet volle verantwoordelikheid aanvaar vir die swak bestuur in die Polisie. Onmiddellike dissiplinêre stappe moet teen die skuldige lede ingestel word,” sê mnr. Pieter Groenewald, hoofwoordvoerder oor Polisie vir die Vryheidsfront Plus.

Uit ’n vroeëre vraag van Groenewald vanjaar het die minister gesê uitbetaling van siviele eise wat howe teen die Polisie toegestaan het, het sedert 2009 met meer as 100% toegeneem. Howe het in 2008/2009 R50,1 miljoen se siviele eise teen die Polisie toegestaan, teenoor R108,5 miljoen in 2011/2012. Die helfte van die eise in 2011/2012 was as gevolg van onregmatige arrestasies (R53,7 miljoen).

“Belastingbetalers moes die afgelope vier jaar R137,2 miljoen opdok net vir onregmatige arrestasies. Die eise was ook weens ernstige wangedrag wat aanranding insluit. Die minister sê geen stappe is teen die skuldige lede geneem nie en dit is totaal onaanvaarbaar,” het Groenewald gesê.

‘Geweld in Fochville bedreig die demokrasie’: ANC-LUR

Die geweld wat met diensleweringsbetogings gepaardgaan in Kokosi, die lokasie van Fochville, bedreig die demokrasie. Só het die LUR vir menslike nedersettings in Gauteng, Ntombi Mekgwe, gister verklaar.

“Geweld op hierdie stadium van ons demokrasie kan slegs die winste van ons demokrasie omkeer,” het sy in ‘n mediavrystelling gesê.

“Die eindresultaat van dié ongewenste en verkeerde optrede is dat, nadat eiendom en infrastruktuur verwoes is, ons mense slegter daaraan toe is, en nie andersom nie.”

Ten minste 45 mense is vandeesweek in verband met openbare geweld in die gebied in hegtenis geneem.

Volgens Mekgwe bestaan daar “opportunistiese elemente”, sowel polities as misdadig, wat die probleme van die Kokosi-gemeenskap uitbuit.

‘n Aantal vergaderings is reeds met inwoners gehou om die ontwikkeling van die buurt te bespreek en dienste is reeds op grond in uitbreiding ses aangebring, waar huise gebou sou word.

Mekgwe het gesê dat dit na vore gekom het dat die grond onwettig aan die munisipaliteit verkoop is.

“Hierdie ontstellende feit, asook die hofsaak wat daaruit voortspruit, het die program opgeskort.”

Sy het ‘n beroep op inwoners gedoen om geduldig te wees en die plaaslike en provinsiale regerings tyd te gee om die grond terug te kry.

Mekgwe beweer dat betogers klippe na die LUR vir gemeenskapsveiligheid, Faith Mazibuko, gegooi het.

Vroeër het luitenantkolonel Katlego Mogale gesê dat 45 mense Maandag en Dinsdag weens openbare geweldpleging gearresteer is.

Inwoners het paaie met klippe en brandende buitebande versper.

“‘n Spaza-winkel, ‘n drankwinkel en ‘n huis, wat vermoedelik aan ‘n raadslid behoort, is aan die brand gesteek,” het sy gesê.

Dinsdag sou die burgemeester van Mazibuko- en Merafong-munisipaliteit, Maphefo Mogale sud eLetsie, die inwoners ontmoet om hul kwellinge te bespreek, maar die vergadering moes ontbind toe betogings uitgebreek het.

Diegene wat in hegtenis geneem is, sal vandag in die Carletonville-landdroshof verskyn. – Sapa

ANC maak feitlik skoonskip in Noordwes-tussenverkiesings

ANC2Terwyl die hoofstroommedia so te sê die ondergang van die ANC vier, het die party gister ‘n stewige vertoning in Noordwes-tussenverkiesings gelewer deur almal behalwe een te wen. In die Potchefstroomse verkiesing waar vooraf hoë verwagtinge geskep is dat die DA die ANC in die Tlokwe-tussenverkiesing sou troef, het die ANC in kiesafdeling 9 met 735 stemme voorgeloop teen ‘n onafhanklike kandidaat wat 504 stemme aangeteken het.

Die laaste telling wat vir die DA in kiesafdeling 9 van Tlokwe aangegee is, was 196 stemme, Nietemin het die DA dit in ‘n verklaring as “massiewe groei” bestempel, wat die party persentasiegewys as 13,47% aagedui het.

Die enigste uit tien tussenverkiesings wat die ANC verloor het, was in Mahikeng se kiesafdeling 4 waar ‘n onafhanklike kandidaat gewen het.

Volgens die ANC in Noordwes bly die party “die onbetwisbare eiendom van die Suid-Afrikaanse nasie en die resultate van dié tussenverkiesings is ‘n testament vir dié onweerlegbare werklikheid”. – praag, sapa en ANC-verklaring

Wildstropers bedreig aasvoëls

vulturesWildstropers wat die karkasse van trofeediere met gif laai is ‘n groot bedreiging vir aasvoëls in Namibië.

Mnr. Peter Bridgeford van Vultures Namibia is as Walvisbaaier een van die grootste navorsers en bewaarders van Namibië se aasvoëls. Met Walvisbaai as die basis van Vultures Namibia konsentreer hy op die skaars swartaasvoëls van die Namib, maar aanmeldings van witrugaasvoëls in ander dele van die land kan ook by hom gedoen word. Enkele witrugaasvoëls kom wel in die Namib voor.

Hy sê minder aasvoëlvrektes word deur roofdiere soos jakkalse en rooikatte veroorsaak. Oor die optrede van wildstropers en die gevolglike uitwissing van aasvoëls het hy ‘n onlangse voorval in Caprivi genoem. Daar het wildstropers ‘n olifant onwettig geskiet. Aasvoëls dien as klikkers van sodanige voorvalle deurdat hulle bo die karkas rondsweef.

Dit kan die gereg na die diewe en hul prooi lei. Gevolglik word die karkas met gif gelaai. In die genoemde voorval het blykbaar tot driehonderd aasvoëls aan vergiftiging gevrek.

Verdoemende bewysstukke wat dié week op die ministerie van landbou, water en bosbou se proefplaas Omatjene buite Otjiwarongo gevind is, toon intussen dié regeringsplaas is ‘n nes van onwettige jagbedrywighede.

Die moontlikheid is nie uitgesluit dat regeringsbeamptes kop in een mus met die wilddiewe is nie.

Nagenoeg 20 draadstrikke is gevind nadat die Otjiwarongo Buurtwag, vergesel van polisiereserviste en ‘n natuurbewaarder, deur ‘n boer op een van die buurplase daarheen ontbied is.

Die strikke is by veeposte gestel en moeite is nie eens gedoen om dit te versteek nie. Mnr. Eben du Plessis, sekretaris van die buurtwag, sê volgens werkers op die regeringsplaas word die veeposte weekliks gepatrolleer.

Hy sê hulle is ontbied nadat die boer wie se plaas aan Omatjene grens, honde op die regeringsplaas hoor blaf het toe hy besig was om aan ‘n waterpomp te werk. Hy het gaan ondersoek instel en op ‘n regeringsbakkie van die proefplaas afgekom.

“Die boer het die bakkie gestop en agterop was die skedel van ‘n koedoebul, ‘n dooie vlakvark met letsels van ‘n draadstrik om sy lyf en ‘n hondeketting,” sê Du Plessis.

“Een van die mans van die proefplaas het die plek gaan uitwys waar die bosvark die oggend in ‘n strik gevind is.”

By die betrokke veepos het die buurtwag en polisiereserviste nog ses draadstrikke gevind en verwyder. Daarna het hulle elf draadstrikke by twee ander waterposte gekry.

“Die strikke was duidelik sigbaar. Hierdie poste word volgens die werkers van Omatjene weekliks gepatrolleer, maar geen poging is aangewend om die strikke te verwyder nie. Dit dui daarop dat hulle moontlik by die onwettige jagtery betrokke was,” sê hy.

Hy sê die vermoede bestaan dat honde vir die onwettige jagtogte op Omatjene ingespan word.

“Hoewel die boer nie die honde gesien het nie, het hy hulle hoor blaf. Ons het ook ‘n halsband en ketting gevind waarmee die honde vermoedelik agterop die bakkie vasgemaak word.” – Die Republikein

Koue kom, krag beur

koueRampbestuur in die Suid-Kaap en Klein Karoo is op ‘n hoë gereedheidsgrondslag na waarskuwings van swaar reën en sneeu in die streek.

Die nasionale weerkantoor het ‘n waarskuwing uitgereik van ongunstige weerstoestande in die Wes-Kaap oor die volgende paar dae.

Eskom sê die vraag na elektrisiteit was Dinsdagaand baie hoog weens die koue weerstoestande.

Kragverbruik gaan na verwagting vir die res van die week hoog wees as gevolg van ‘n kouefront wat die suide van die land vandag tref.

Huishoudings word gevra om elektrisiteit spaarsaam te gebruik in die spitstydperk tussen vyfuur en nege-uur elke dag.

Eskom stel voor dat inwoners nie die ketel vol maak nie, maar net genoeg water kook vir ‘n koppie koffie of tee.

Kenia-lughawe in ligte laaie

kenialughaweBrandbestyders werk onverpoosd om ‘n groot brand by die Jomo Kenyatta lughawe in Kenia onder beheer te bring.

Die brand wat ongeveer vyfuur vanoggend in die vertreksaal uitgebreek en na die aankomsaal versprei het, het tot die sluiting van dié lughawe gelei wat een van die besigste vervoersentrums in Oos-Afrika is.

Die aksynsvrye-deel van die lughawe is in puin gelê, berig CNN.

Vlugte sal na Mombasa, Entebbe-lughawe in Uganda en Kigali-lughawe in Rwanda herlei word.

‘n Amptenaar van die ministerie van Binnelandse Sake en Nasionale Koördinering sê alles moontlik word gedoen om ‘n krisis af te weer.

Die oorsaak van die brand is nog nie bekend nie. Die brand volg minder as 48 uur sedert ‘n foutiewe brandstofpomp tot groot vertragings by die lughawe gelei het.

Swart verdagte wat 3-jarige verkrag vas

shack‘n Swart man is Dinsdag in hegtenis geneem omdat hy na bewering ‘n drie-jaar-oue dogtertjie in Ipeleng, naby Schweizer Reneke, in Noordwes, verkrag het, het die polisie gesê.

Die 37-jarige man, wat die kind se buurman is, het haar na ‘n nabygeleë plakkershut ontvoer waar hy haar verkrag het Maandag, het kaptein Pelonomi Makau gesê.

“Die polisie is na die toneel ontbied nadat die gemeenskap na bewering die verdagte aangerand het. Die verdagte is na die hospitaal geneem met beserings en is onder polisiebewaking,“ het Makau gesê.

Die man is ontslaan en in hegtenis geneem Dinsdag en sal na verwagting binnekort in die Schweizer Reneke-landdroshof verskyn. – Sapa