Brandbestyders werk onverpoosd om ‘n groot brand by die Jomo Kenyatta lughawe in Kenia onder beheer te bring.
Die brand wat ongeveer vyfuur vanoggend in die vertreksaal uitgebreek en na die aankomsaal versprei het, het tot die sluiting van dié lughawe gelei wat een van die besigste vervoersentrums in Oos-Afrika is.
Die aksynsvrye-deel van die lughawe is in puin gelê, berig CNN.
Vlugte sal na Mombasa, Entebbe-lughawe in Uganda en Kigali-lughawe in Rwanda herlei word.
‘n Amptenaar van die ministerie van Binnelandse Sake en Nasionale Koördinering sê alles moontlik word gedoen om ‘n krisis af te weer.
Die oorsaak van die brand is nog nie bekend nie. Die brand volg minder as 48 uur sedert ‘n foutiewe brandstofpomp tot groot vertragings by die lughawe gelei het.
Well done!
Sorry, misunderstood the comment section. This is a disaster!!!
Brandbestryders.??
Die bradweerwa was seker leeg, pap battery, niks brandstof, geen personeel,pap wiele
ens.
Daar is mos nie elke dag ‘n brand nie. Ons ken mos die Afrika manier.