Kategorie: Nuus

Naspersprokureur pleit dat Dan Roodt tronkstraf kry

‘n Vreemde toneel het hom vanoggend weereens by die Randburgse Landdroshof afgespeel toe ‘n prokureur, Adelé Le Roux, ‘n betoog gevoer het dat dr. Dan Roodt vir “minagting van die hof” tronk toe gestuur moet word. Le Roux tree vir die Naspers-filiaal, Paarl Media op.

In haar betooghoofde wat sy aan die hof voorgelê het, beweer sy dat Roodt “sy hele dag deurbring deur rassistiese, lasterlike artikels vir PRAAG te skryf, of kontraproduktiewe inligting opkyk soos die twiet wat deur hom op 16 Augustus 2014 geplaas is: ‘Wow, I have just spent an hour looking for the Claudia Braude report on ‘Racism in the media’ online, finally found it!'”

Hierdie navorsing is deur Roodt gebruik vir sy eboek, Raiders of the lost Empire: South Africa’s ‘English’ identity. Klaarblyklik mag skrywers nie meer navorsing vir hul boeke doen nie.

Daarom vra Le Roux, namens Naspers, dat Roodt “tot ‘n tydperk van aanhouding in die gevangenis gevonnis word, waarvan die duur in die hande van die Hof gelaat word”.

Die saak is intussen uitgestel. Na afloop van die hofverrigtinge het die Naspers-prokureur dit betreur dat Roodt steeds “op vrye voet” verkeer, maar dat dit “nie meer lank sal wees alvorens hy agter tralies is nie”.

In die litanie van klagte wat Paarl Media teen Roodt opgestel het, tel sy kritiek op Pierre de Vos wat in ‘n rubriek uitgespreek is. Blykbaar mag De Vos en ander polities korrektes nie gekritiseer word nie. Ook Roodt se betrokkenheid by die aksie teen Conrad Koch namens Steve Hofmeyr word deur haar genoem as ‘n verdere grond waarom Roodt gevangenisstraf verdien aangesien hy “misplaaste kommer en inmenging in ander mense se sake voor die hof toon (soos die beskermingsbevel waartydens mnr. Roodt namens Steve Hofmeyr teen Conrad Koch alias Chester Missing opgetree het)”. Blykbaar meen sy dat Roodt PRAAG “se hulpbronne uitput” terwyl hy veronderstel is om alles in sy vermoë te doen om Paarl Media se rekening te betaal.

Volgens Le Roux “word die waardigheid en die doeltreffendheid van die howe doelbewus deur mnr. (sic) Roodt ondermyn. Hy minag hofbevele en beledig of verkleineer landdroste.” Laasgenoemde is blykbaar van toepassing op ‘n frase in ‘n berig wat hier op praag verskyn het en waarin daar na landdros Sewnarain, wat die beslissing in die Steve Hofmeyr-Conrad Koch-saak gevel het, as “‘n landdros van kleur” verwys word. Daarom beveel sy aan dat die enigste oplossing is om Roodt “gevangenisstraf op te lê, aangesien “die krediteur wil toesien dat die reg geskied, op een of ander manier, asook die samelewing”.

Dié beskrywing van die landdros as iemand van “kleur” is deur een van Koch se rare swart ondersteuners self op sosiale media gebruik.

Intussen het dr. Dan Roodt Naspers en sy filiale soos Paarl Media en Media24 by die Mededingingskommissie verkla. “Waaroor dit gaan,” sê hy, “is die monopolie wat Naspers oor veral Afrikaanse media, maar ook die drukkers- en boekbedryf, beskik. Sonder publisiteit in die Naspersmedia kan niemand ‘n boek verkoop of ‘n organisasie soos PRAAG aan die gang hou nie. Boonop het Paarl Media ons daarin gedwing om ‘n veel groter oplaag van die boek te druk as wat ons aanvanklik wou, weens sy oorheersende posisie in die mark.”

PRAAG is ook besig om om kondonasie aansoek te doen teen die aanvanklike verstekvonnis wat “onder vreemde omstandighede” verkry is. “Van die begin af het ons gesê ons gaan die aansoek teenstaan,” sê Dan Roodt. “Hoe die vonnis in ons afwesigheid verkry is, verstaan ons nie. Solank as wat ons deur die hof daartoe gedwing word, betaal ons egter elke maand ‘n bedrag aan Paarl Media se prokureurs oor. Om een of ander rede is dit nie genoeg nie en word daar nou ‘n heksejag teen my gevoer en gepoog om my tot gevangenisstraf vir my menings te vonnis.”

Roodt en PRAAG eis ook R400 000 van Paarl Media vir die skending van sy taalregte en skade wat weens die onwettige monopolie in die boekbedryf op net een boek gely is.

‘Enige vyand van Dan Roodt is ‘n vriend van my’

Me. Adelé le Roux, met blonde hare, van agter. Links van haar sit Johan Pienaar, met die ligblou hemp en bril tydens verlede week se hofsitting toe die Conrad Koch-Steve Hofmeyr-saak voorgekom het.
Me. Adelé le Roux, met blonde hare, van agter. Links van haar sit Johan Pienaar, met die ligblou hemp en bril tydens verlede week se hofsitting toe die Conrad Koch-Steve Hofmeyr-saak voorgekom het.

Tydens die Conrad Koch-Steve Hofmeyr-saak verlede week op 27 November het me. Adelé Le Roux langs mnr. Johan Pienaar gesit en was druk in gesprek met hom. Toe dr. Dan Roodt Le Roux uitvra wat sy in die hof maak vir ‘n saak wat niks met haar te make het nie en waarom sy met Pienaar praat, het sy omgedraai en gesê: “Enige vyand van Dan Roodt is ‘n vriend van my.”

PRAAG en dr. Dan Roodt word reeds jare lank deur Pienaar geteister, in so ‘n mate dat hy Pienaar op Twitter en Facebook versper het. Pienaar het ook adverteerders van PRAAG gekontak en hulle gedreig om hul advertensies van die praag-webblaaie te onttrek.

“Ons is nou regtig volledig in die Sowjetunie tydens die 1930’s,” sê dr. Dan Roodt. “Nie net word daar heksejagte teen ons gevoer en gepoog om ons finansieel en andersins te ruïneer nie, maar daar word selfs gevra dat ek vir ‘n onbepaalde tydperk gevangenisstraf opgelê word sodat ek tot ander ideologiese insigte kan kom. Ek voel soos Solsjenitsin, wat in ‘n strafkamp aangehou is, onder andere omdat hy ‘n Christen was.”

Sowel Johan Pienaar as Piet Croucamp bedryf ‘n Facebookblad wat as “Afrikaanse ateïste” bekendstaan en waarin daar openlik haatspraak teen Christene gepredik word, tesame met die idee dat hulle soos ander dissidente vervolg behoort te word of gewelddadig aangeval behoort te word.

‘Ek is in opstand teen kommunisme’ – Dan Roodt

“In my jong dae op universiteit was ek ook links, hoewel nooit marxisties nie,” sê Dan Roodt. “Ek het meer in vryheid vir die individu en die gemeenskap sónder staatsoorheersing belanggestel. Toe ek in 1985 in Parys aankom, het ek Tsjeggiese en Russiese vlugtelinge ontmoet wat my van die toestande in hul lande vertel het. Dit het my oortuig dat kommunisme ‘n gevaarlike en bose ideologie is wat menselewens op groot skaal kan vernietig. Dis ook waarom ek die naam PRAAG gekies het, ter herinnering aan die Praagse Lente toe die hele Tsjeggiese hoofstad in 1968 teen kommunisme in opstand gekom het.”

“Nooit het ek kon dink dat dieselfde toestande van heksejagte, onverdraagsaamheid en vervolging van Christene en andersdenkendes in my eie land sou posvat nie,” gaan Roodt voort. “Ek aanvaar dit egter nie. Ek is in opstand teen kommunisme.”

Op hierdie foto kan Pienaar gesien word waar hy tussen Charlea Sieberhagen van Beeld en Lourensa Eckhard, tot onlangs van Beeld maar tans by KykNET, sit. Sommige beweer dat sowel Pienaar as Croucamp joernaliste "hanteer" om Afrikanerdissidente en Christene te beswadder en te vervolg.
Op hierdie foto by verlede week se hofsitting tydens die Koch-Hofmeyr-saak kan Pienaar gesien word waar hy tussen Charlea Sieberhagen van Beeld en Lourensa Eckard, tot onlangs van Beeld maar tans by KykNET, sit. Sommige beweer dat sowel Pienaar as Croucamp joernaliste en radio-omroepers “hanteer” om Afrikanerdissidente en Christene te beswadder en te vervolg.

Reserwebank se swart uitnemendheid gevier

Die Suid-Afrikaanse Reserwebank voorsien nie die risiko van ‘n verdere afgradering vir Afrika se mees ontwikkelde ekonomie nie het die nuwe Reserwebankgoewerneur Lesetja Kganyago gesê.

Kganyago het die stelling vroeër gemaak na aanleiding van die vrystelling van die bank se Desember monetêre beleidsoorsig.

Moody’s het Suid-Afrika se kredietgradering in November afwaarts aangepas, met verwysing na swak vooruitsigte vir medium-termyn groei en stygende staatskuld.

Die adjunk-minister van finansies, Mcebisi Jonas, sê sy departement is vol vertroue dat die Reserwebank in staat is om die land veilig deur die huidige ekonomiese krisis te lei.

Hy het Donderdag aan afgevaardigdes by ‘n gala-dinee van die African Business and Professional Alliance gesê die land se fiskale vooruitsig is beperk en dat die ekonomie nie noemenswaardig sal groei nie.

Die alliansie het swart uitnemendheid en die aanstelling van die nuwe president van die Reserwebank, Lesetja Kganyago, gevier.

Jonas sê maatreëls is ingestel om regeringskuld te verminder en om die gaping tussen die regering se inkomste en uitgawes te verklein.

Kaapse prokureur vas oor dwelms

‘n Prokureur van Kaapstad het Donderdag in die Mitchellsplein-landdroshof verskyn nadat sy die vorige dag in dieselfde hof in hegtenis geneem is.

Eric Ntabazalila, woordoerder van die Nasionale Vervolgingsgesag (NVG), het gesê Ursula Vreugde is Woensdag in die Mitchellsplein-landdroshof in hegtenis geneem nadat sy glo 30 pakkies tik aan haar kliënt gegee het.

Ivan Jacobs, Vreugde se kliënt, het in ‘n onverwante saak in die hof verskyn, het Sapa berig.

Volgens Ntabazalila het Vreugde Donderdag op aanklag van die besit van dwelms in die hof verskyn en is sy op borgtog van R1 000 vrygelaat. Die saak is tot 15 Februarie uitgestel.

Swartes min gepla met Mandela-huldeblyke

Aanhangers van Mandela het dié week ‘n veldtog geloods ter ere van die voormalige terroris wat min belangstelling by die swart publiek gaande gemaak het.

Hy is vereer vir die bomme wat hy en sy mede-terroriste geplant het en waarin onskuldige burgerlikes dood is.

Die Nelson Mandela-sentrum van herinnering in Johannesburg het ‘n multi-media uitstalling gehou in een van vele huldeblyke aan hom.

Dit is vandag ‘n jaar sedert Mandela se afsterwe. Die geleentheid is bygewoon deur Mandela se familie en hoogwaardigheidsbekleërs soos die Minister van Wetenskap en Tegnologie, Naledi Pandor, die adjunk-Hoofregter, Dikgang Moseneke, die musikant, Yvonne Chaka Chaka en die uitvoerende hoof van Edcon, Jurgen Schreiber.

Gaste het na huldeblyke van regoor die wêreld gekyk. Pandor het die hooflesing gelewer, waarin sy gefokus het op die “nie-rassige samelewing” wat Madiba help vestig het, en waar nuwe apartheid ingestel is om ‘n swart meerderheid te bevoordeel ten koste van wit minderhede en die ras van swart misdadigers verswyg word in anti-wit haatmisdade.

Die uitvoerende hoof van die sentrum, Sello Hatang het Suid-Afrikaners nietemin aangemoedig om in Madiba se voetspore te volg.

Die SABC het ook elke geleentheid benut om Mandela en kohorte te prys en op te hemel. Wolfie Kodesh het tydens ‘n dokumentêre uitsending trots vertel hoe hulle onskuldige burgerlikes doodgemaak het.

Die Minister van Verdediging, Nosiviwe Mapisa-Nqakula sal vandag ‘n replika van oudpresident Mandela se Robbeneiland-sel aan die Nelson Mandela Museum in Qunu in die Oos-Kaap oorhandig.

Die terroris het 18 jaar op die eiland naby Kaapstad deurgebring nadat hy die doodstraf vrygespring het.

Die bestuurder van bemarking en kommunikasie, Nokuzola Teteni sê die sel sal leerders en plaaslike inwoners help verstaan wat Madiba tydens sy aanhouding moes deurmaak.

Die Mandela-familie sal intussen verskeie geleenthede die naweek bywoon om Madiba te herdenk. Hulle sal Sondagoggend die naweek met ‘n biddiens in Qunu afsluit om die familie weer bymekaar te bring.

Die tuiste was onlangs in die nuus, nadat die DBV afgekom het op beeste wat van honger en dors op die plaas gevrek het.

Ahmed Kathrada, wat saam met Madiba op Robbeneiland was, lê vanoggend kranse by die Uniegebou in Pretoria.

Die Ahmed Kathrada-stigting is die gasheer van die seremonie by die standbeeld van die oudpresident.

Die standbeeld is op Versoeningsdag onthul met ‘n haas in die oor, waarna die staatsman op Qunu in die Oos-Kaap begrawe is.

Cyril Ramaphosa, waarnemende president, sal Vrydag die spreker by die amptelike herdenking by Freedom Park in Pretoria wees.

Ramaphosa het namens president Jacob Zuma en die Nelson Mandela-stigting ʼn beroep op alle Suid-Afrikaners gedoen om die volkslied te sing na ‘n oomblik van stilte.

Die huidige volkslied bevat ‘n strofe van die Die Stem wat tans as ‘n “rassistiese” blyke van “apartheidsontkenning” beskou word.

 

Numsa opmars na Staatsveiligheid oor ‘vals verslag’

Die metaalwerkersvakbond Numsa beplan om ‘n optog na die departement van staatsveiligheid se hoofkantoor in Pretoria te hou uit protes teen wat hulle noem ‘n “vals intelligensieverslag”.

Die minister van Staatsveiligheid, David Mahlobo het egter die Inspekteur-Generaal van Intelligensie gevra om die bewerings te ondersoek.

In dié verslag word beweer dat Numsa beplan om die regering te destabiliseer.

Die adjunk-hoofsekretaris van Numsa, Karl Cloete het vroeër vandeesweek aan joernaliste gesê dat ‘n vals dokument versprei word as deel van ‘n plan om die vakbond te vernietig.

Die vakbond wil antwoorde hê oor waarom sy leier se selfoon afgeluister word, waarom geheimsinnige motors sy ampsdraers agtervolg en waarom staatsveiligheidagente probeer om Numsa se vakbondverteenwoordigers te werf om binne-inligting te kry oor die beplande United Front-beweging.

In ‘n weerlegging die verslag, wat aan die media uitgelek het, het die vakbond kommer uitgespreek oor die “interessante ooreenkomste” wat die verslag toon met ‘n verklaring van die Suid-Afrikaanse Kommunistiese Party (SAKP) vroeër uitgereik het oor Numsa.

Die SAKP is gekant teen pogings van Numsa om ‘n sosialistiese werkersbeweging op die been te bring.

Die departement van staatsveiligheid het intussen enige betrokkenheid by die beweerde komplot ontken.

Die woordvoerder van die departement, Brian Dube sê hulle verwerp die aantygings met die minagting wat dit verdien.

Hy sê hulle is ook besorg oor die verpolitisering van staatsamptenare se werk in sake wat binne die vakbondstrukture val.

Skole: Aanranding, seksuele teistering, patetiese wiskunde

Aanranding en seksuele teistering vier hoogty in Suid-Afrikaanse skole en slegs 3% van Gr 9 leerlinge kry 50% vir Wiskunde volgens die Jaarlikse Nasionale Asseseringsverslag, ANA.

Die Suid-Afrikaanse Raad van Opvoedkundiges sê 346 klagtes is sedert April vanjaar teen onderwysers gelê. Die raad het in November vergader.

‘n Woordvoerder van die raad, Thembinkosi Ndlovu sê die meeste klagtes hou verband met seksuele mishandeling en aanranding tussen kollegas.

Hy het bekendgemaak dat daar 270 ondersoeke teen onderwysers gedoen is, en 50 verhore en drie dissiplinêre verhore het plaasgevind, waarna 31 onderwysers onbepaald geskors is.

Dit is nie bekend of dié onderwysers steeds vergoed word nie.

Die Wes-Kaapse departement van onderwys het skole intussen gewaarsku dat hulle nie leerders se rapporte mag terughou weens wanbetaling nie.

In ‘n verklaring sê die provinsiale minister, Debbie Schafer in vorige jare het sommige skole leerders se uitslae teruggehou indien hul skoolgeld nie betaal is nie.

Schafer sê finansiële redes kan nie aangevoer word om teen leerders te diskrimineer nie.

Sy het ook ‘n beroep op ouers gedoen om alle uitstaande skoolgelde te betaal.

Gauteng-LUR wil Afrikaanse skole vernietig

Die Gautengse LUR vir onderwys, Panyaza Lesufi, het gister ‘n nuwe aanslag op Afrikaanse skole in dié provinsie aangekondig. Hy het die “weerstand” teen die samesmelting van top- Afrikaanse skole met lokasieskole verwerp en gemeen sulke weerstand word “gemobiliseer”.

Lesufi dreig reeds lankal om teen Afrikaanse skole op te tree, nadat sy voorganger, Barbara Creecy, daarmee begin het. Creecy het verskeie skole in Johannesburg en omgewing, soos Randburg, Linden en Florida gedreig dat sy hulle sou verengels deur swart leerlinge in te bus. Die nie-regeringsorganisasie, Section 27, wat deur die marxistiese Brit, Mark Hayward, bedryf word en vanuit die buiteland befonds word, het ook gepoog om onderrig by Fochville-hoërskool te ontwrig deur ‘n honderd swart leerlinge skielik by die skool af te laai en hulle daarna teen die wit Afrikaanse leerlinge op te steek.

Panyaza Lesufi, LUR vir onderwys in Gauteng
Panyaza Lesufi, LUR vir onderwys in Gauteng

Tydens sy aankondiging oor skoolgereedheid vir aanstaande jaar, het Lesufi gesê dat hy teen Januarie die Afrikaanse skole met Engelse lokasieskole wil saamsmelt. Hy beoog ook om dié “beleid” in die Provinsiale Koerant te publiseer en dit so verpligtend vir skole te maak.

Lesufi wil veral die beheer wat ouers tans deur beheerliggame oor die skole uitoefen, ongedaan maak deur die proses te verpolitiseer en beheerliggame met kunsmatige beheerliggame van lokasieskole saam te smelt. Sulke beheerliggame sal na alle waarskynlikheid met anti-Afrikaanse kultuurmarxiste van Section 27 en ander organisasies gepak word. Nie net moet beheerliggame “saamsmelt” nie, maar skole moet ook “kennis en hulpbronne deel” wat kan behels dat ANC-kaders toegang tot Afrikaanse skole se bankrekeninge kan verkry.

Terugvoer vanaf Afrikaanse skole is oorwegend negatief en Lesufi het gister gekla dat “die meerderheid van die Afrikanerskole nie met ander skole wil saamsmelt nie”.

“Wanneer jy die een skool raadpleeg en na die ander skool gaan om hulle te raadpleeg, word dieselfde bekommernisse as by die eerste skool gelug. ’n Mens kan agterkom iemand het die skole gemobiliseer om weerstand te bied,” meen Lesufi.

Tydens ‘n vergadering het twee voorsitters van Afrikaanse skole se beheerrade glo “uitgeloop”.

Lesufi is egter nie daaroor bekommerd dat hy op die duur daarin sal slaag om Afrikaanse onderwys af te takel nie. “Ek het geweet dit sou nie maklik wees nie. Die kwessies wat hierdie skole het, is geldige bekommernisse,” het hy aan die media gesê.

Onder andere vrees die skole sterk dat hul bankrekenings deur kaders geplunder mag word as hulle “binnegedring” word. In ‘n poging om vrese te besweer, het Lesufi volgens berigte gesê:

“Ek het dit duidelik gestel: dit sal nie die geval wees nie. Ek het wel ’n probleem wanneer ’n skool met ’n reklamebord langs die hoofweg R1,4 miljoen daaruit maak. Daardie skool behoort aan die staat. Álmal in Suid-Afrika moet voordeel trek.

“Wys my ’n townshipskool met ’n aktuaris, ’n regter of ’n rekenmeester in die beheerraad.

“As dié vaardighede gedeel word, sal dit net goed wees.

“Dit is nie ’n maklike pad wat voorlê nie, maar ek is nie bereid om nou kop uit te trek nie.”

Indien die skoolhoofde en beheerrade nie voor hom buig nie, dreig hy om hofsake teen hulle te bring. “Sê my watter hof gaan sê die bates wat aan die staat behoort, behoort nie aan al sy mense nie?”

Lesufi wou egter nie die name bekendmaak van skole wat weerstand bied nie.

Die model wat die Gautengse onderwysdepartement volg, is reeds met sukses deur Kader Asmal op die Afrikaanse universiteite toegepas toe hy hulle met sukkelende swart universiteite en kolleges saamgesmelt het. Die voormalige Randse Afrikaanse Universiteit is byvoorbeeld volledig verengels en verswart.

In sy kommentaar het dr. Dan Roodt van PRAAG gesê:

Die LUR vir opvoeding in Gauteng, Panyaza Lesufi, wil Afrikaanse skole met lokasieskole saamsmelt, volgens berigte in die media. Vele ouers kan nie eens meer die skoolfonds in Afrikaanse skole bekosting nie, nou wil dié meneer skole saamsmelt sodat hulle die laaste paar rand kan plunder soos in elke samesmelting (munisipaliteite, universiteite, ens.) sedert 1994 gebeur het.

FW de Klerk het gesê hy gaan namens ons onderhandel, toe gee hy sommer oor aan Oemkoentoe. Die ANC het al herhaaldelik gesê dat ons “verower is”. Indien dit wel die geval is, kan ons ons steeds beroep op die tweede protokol van die Geneefse Konvensie wat in artikel bepaal:

3. Children shall be provided with the care and aid they require, and in particular:

(a) they shall receive an education, including religious and moral education, in keeping with the wishes of their parents, or in the absence of parents, of those responsible for their care;

Met ander woorde, hulle het nie die reg om ons skole van ons weg te vat nie, selfs al bevind ons ons onder militêre besetting deur Oemkoentoe, die terroristeweermag van Joe Slovo en Ronnie Kasrils! Al wat in ons pad staan, is die “ekskuus-baas”-houding van al die oud-NP’s en diegene wat ***kruip in die verlede hul beroep gemaak het – en steeds maak.

Het dit nie tyd geraak dat ons ons stemme dik maak nie? Gelukkig is my kinders klaar met skool, maar dit gaan ‘n volslae tragedie wees as ons skole tot lokasieskole “getransformeer” word. Ons kan dit nie aan ons mede-Afrikaners en veral ons kinders aandoen nie!

Teenoor ‘n mnr. HJ Bester wat op sosiale media gekla het dat “die swartes eenvoudig ‘n obsessie oor blankes (het) en alles wat deur die blankes bedryf word – waarom ?” het dr. Roodt opgemerk:

HJ Bester, dis nie die swartes wat ‘n obsessie oor blankes het nie; dis ander blankes wat ’n obsessie oor ras het. Mary Metcalfe het eerste hiermee begin, en toe Barbara Creecy, dié vent se voorganger. Dan is daar nog ‘n organisasie soos Section 27 wat deur ’n marxistiese Brit, Mark Hayward, bedryf word en hofsake teen Afrikaanse skole maak of hulle probeer ontwrig deur swartes daarheen te bus en op Engels aan te dring. Die swartes is net pionne of figurante in hierdie Boer-Brit-stryd wat al 200 jaar lank duur. Dis waaroor die stryd tussen my en Steve, aan die een kant, en die Popman Conrad Koch, aan die ander, ook gaan.

 

Derek Hanekom waarsku pop ‘om op te hou twiet aan Dan Roodt’

Derek Hanekom, die minister van toerisme, moes Woensdag inderhaas die lasteraar-buikspreker Conrad Koch se mond snoer, vermoedelik om nie die ANC verder in die verleentheid te dompel oor terreur nie.

Verskeie ANC-figure het Koch teen Steve Hofmeyr ondersteun wat hulle voorgehou het as ‘n apartheid-ontkenner, iets soortgelyk aan ‘n holocaust-ontkenner.

Koch het weer eens die etiket aan dr Dan Roodt probeer plak dat hy apartheid probeer vergoeilik. Sy regspan het dié truuk vroeër uitgehaal om Koch se teisteringsbevel en kriminele rekord ongedaan te maak.

Nadat Roodt Koch herinner het dat hy terreur regverdig, het Hanekom gou-gou ingegryp. Terreur word deur talle internasionale konvensies verbied as oorlogsmisdade.

Die minister het aan Koch gesê dat die “swaksinniges” nie sy aandag verdien nie en dat hy eerder deur sy “oorspronklike komedie” vermaak wil word.

Kennelik kan Koch nie meer onderskei tussen sy “oorspronlike komedie” en lasterlike aanvalle op Hofmeyr en Roodt nie.

 

Hanekom bemoei homself deesdae met toerisme-ooreenkomste betreffende kinderhandel, nie ‘n onderwerp wat ‘n mens sommer met toerisme verbind nie.

Kaapstad, ook ‘n gay-bestemming, gaan swaar gebuk onder seksuele uitbuiting van kinders. Sedert die ANC aan bewind is, het seksuele uitbuiting van kinders dramaties toegeneem.

Byna ‘n kwart van alle kinders in Kaapstad wat op straat is, word seksueel misbruik volgens navorsing.

LP’s eis dat SABC-voorsitter afgedank word

Die parlementêre portefeuljekomitee oor kommunikasie het Woensdag besluit dat Ellen Tshabalala, SABC-voorsitter, uit haar amp verwyder moet word.

‘n Ondersoek deur die komitee of Tshabalala oor haar akademiese kwalifikasies gelieg het, het haar skuldig bevind op twee aanklagte van wangedrag. “Ons beveel aan dat sy uit die SABC se raad as voorsitter en raadslid verwyder moet word,” het Joyce Moloi-Moropa, voorsitter van die komitee gesê.

Tshabalala het 14 werksdae om te reageer op ʼn verslag wat die komitee se bevindinge en aanbevelings bevat. Die verslag en Tshabalala se repliek sal aan die Nasionale Vergadering gestuur word vir goedkeuring.

Slegs president Zuma kan haar uiteindelik afdank.

Intussen sal LP’s die speaker versoek om Zuma skriftelik te vra om haar onmiddellik te skors.

Die komitee het sy beslissing gemaak nadat ‘n UNISA-amptenaar aan die ondersoekspan dokumente voorgelê het oor die gebrek aan Tshabalala se akademiese prestasie.

Sy het vir ‘n BComm-graad en ‘n diploma in arbeidsverhoudinge geregistreer, maar het geen van die kwalifikasies behaal nie.

Jan van Wyk, uitvoerende direkteur van Unisa, het getuig dat Tshabalala in 1988 en 1996 vir haar BComm-graad geregistreer het, maar nie haar studies voltooi het nie. Volgens UNISA het sy in 1995 vir ʼn diploma in arbeidsverhoudinge geregistreer.

Tydens haar akademiese jaar het sy twee modules geslaag, twee gedruip en nie eksamen afgelê vir twee van die modules nie.

In Januarie 1996 kon sy aan ʼn hereksamen deelneem vir die twee modules wat sy nie die vorige jaar afgelê het nie.

Sy het 13% behaal vir die menslikehulpbronne-module en 35% vir arbeidsverhoudinge. Unisa het toe ‘n brief aan haar geskryf om aan te dui dat sy nie kwalifiseer om weer die kursus te doen nie. “Die brief sê dat sy so swak gevaar het dat sy nie weer toelating sal kry nie,” het Van Wyk uitgewys.

Tshabalala is skuldig bevind op twee aanklagte van wangedrag. Die een klag hou verband met inligting op haar CV dat sy die twee kwalifikasies behaal het toe sy aansoek gedoen het vir haar pos as voorsitter van die SABC.

Die tweede klag is in verband met ‘n beëdigde verklaring wat sy afgelê het en by die parlement ingedien het waarin sy beweer haar kwalifikasies is tydens ‘n diefstal uit haar huis gesteel. Sy was nie Woensdag by die ondersoek teenwoordig nie.

Michael Tillney, vir Tshabalala, het vroeër sy kliënt se verklaring aan die komitee voorgehou waarin sy “prosedurele onbillikheid” as rede vir haar afwesigheid aanvoer.

Sy het onskuldig gepleit, maar dit is van die hand gewys.

Eskom waarsku hele land oor kragonderbrekings

Eskom het kragverbruikers gewaarsku dat beurtkkrag van Donderdag asook oor die naweek ingestel kan word.

Die waarskuwing is Woensdag uitgereik dat beurtkrag weer ingestel kan word indien die druk nie op die kragnetwerk verlig word nie.

“Ons gebruik tans ons noodreserwes,” het Andrew Etzinger, woordvoerder van Eskom, gesê. “Na verwagting gaan die noodreserwes voor die einde van die week uitgeput wees wat ekstra druk op die kragnetwerk gaan plaas en die kans op beurtkrag kan verhoog.”

Die hele land word geraak deur die kragprobleme.

Eskom sukkel om aan die vraag na elektrisiteit te voldoen, gedeeltelik weens probleme by die Majuba-kragstasie in Mpumalanga.

Intussen sê Eskom hy verwag dat eenheid ses van die nuwe Medupi-kragstasie binnekort in werking gestel sal word.

Die kragverskaffer het egter gewaarsku dat dit nie die einde van die kragprobleme sal beteken nie.

Instandhouding by die Cahora Bassa-aanleg in Mosambiek plaas glo bykomende druk op kragvoorsiening.

ʼn Steenkoolsilo het verlede maand by die Majuba-kragstasie in Mpumalanga ineengestort en landswye kragonderbrekings tot gevolg gehad.

Die silo het meer as 10 000 ton steenkool geberg en die voorraad na ses ander eenhede by die kragstasie beïnvloed.