praag.co.za

Tag: steenkool

  • Ramaphosa se miljardêrmentor deur VSA gedagvaar oor geldwassery

    Ramaphosa se miljardêrmentor deur VSA gedagvaar oor geldwassery

    Mnr. Ivan Glasenberg, wat volgens ingeligte bronne die “sakementor” en vennoot van Cyril Ramaphosa is, is so pas gedagvaar om dokumente in die VSA bloot te lê. Die dagvaarding is onder die land se wetgewing op geldwassery en teenkorrupsie uitgereik.

    Glasenberg, die HUB van Glencore, verskaf ook ‘n aansienlike deel van Eskom se steenkool en is in Switserland woonagtig. Hy beskik oor die grootste aandeel in Glencore, wat hom een van Suid-Afrika se rykste mense maak, hoewel hy in sy kanton in Switserland baie min belasting betaal.

    Ramaphosa, tans leier van die ANC en president van SA, is Glasenberg se swartbemagtigingsvennoot by Glencore, waaronder die maatskappy se mynbedrywighede. Ramaphosa het intussen sy twee maatskappye, Shanduka en Pembani, saamgesmelt.

    Die oorsprong van Ramaphosa se aanvanklike rykdom is duister, maar daar word bespiegel dat Glasenberg daarby betrokke was. ‘n Ander Joodse miljardêr, Brian Joffe, het glo tydens Ramaphosa se onlangse stryd om die ANC by Zuma oor te neem, vir verblyf in vyfsterhotelle betaal sodat ANC-afgevaardigdes vir Ramaphosa by die kongres kon stem.

    Glasenberg mag ‘n baie groot boete van die Amerikaanse regering op die hals haal omdat hy na bewering, tesame met die Israelse miljardêr, Dan Gertler, by omkopery in die Demokratiese Republiek van die Kongo betrokke was. Britse aanklaers is besig om Gertler, wat ‘n bondgenoot van die Kongolese president, Joseph Kabila is, te ondersoek, volgens inligting wat in Mei vrygestel is.

    Glencore se oorspronklike stigter, Mark Rich, was lank voortvlugtig uit die VSA vanweë belastingkwessies en omdat hy met Iran in olie handel gedryf het terwyl daar Amerikaanse sanksies teen dié land bestaan het. Rich het uiteindelik amnestie van Bill Clinton op die laaste dag van sy presidentskap in 2001 ontvang.

  • Verkeer in en om Pretoria staan botstil weens steenkoolvervoerprotes

    Die N1 Noord en ander groot snelweë wat lei na Pretoria is geblokkeer deur ‘n protes van vragmotorbestuurders.

    Volgens ‘n verslag deur EWN, is die Steenkoolvervoer Forum besig met ‘n “ry-stadig” protesaksie nadat president Jacob Zuma gesê het die regering sal onafhanklike kragprodusente kontrakteer.

    Bestuurders is bekommerd dat die gebruik van onafhanklike produsente sal lei tot werkverliese vir die mynbousektor. Die vragmotorbestuurders is ontevrede omdat Eskom klaarblyklik nie meer steenkoolvervoerkontrakte aan vragmotorbestuurders gaan toe ken nie.

    Die verslag het gesê dat sowat 100 vragmotorbestuurders vanoggend na die Uniegebou in Pretoria opruk.

    “Die forum sê hulle gaan nie ‘n snelweg versper nie, maar bloot stadig om Marabastad ry,” het EWN gesê. Dit is onwettig om die pad te versper.

    Groot verkeersontwrigtings kom voor in Pretoria as gevolg van die protes. Verkeer op die hoofroetes van en na Pretoria word ontwrig op die N-1, N-4, N-14 naby Jeanlaan, R-21 en in die middestad.

    Op die R-21 staan die vragmotors botstil vanaf Nelmapiusrylaan tot voor Solomon Mahlangurylaan.

  • Miljardêr het saamgewerk met Zuma en Guptas

    Miljardêr het saamgewerk met Zuma en Guptas

    Glencore het saamgewerk met “belanghebbendes” insluitend die regering om sy Optimum-steenkoolmyn te verkoop, het die Sunday Times vroeër berig.

    ‘n Suid-Afrikaanse minister het Glencore se hoofuitvoerende beampte, Ivan Glasenberg ontmoet voor die verkoop van die myn aan ‘n groep vriende van President Jacob Zuma.

    Glencore se sukkelende myn was reeds oorhandig aan kurators, nadat die myn versuim het om Eskom te oortuig om die terme van ‘n ooreenkoms met Glencore Optimum te heronderhandel.

    Dié ooreenkoms was uiters nadelig vir Eskom.

    Die myn is verkoop aan Tegeta, ‘n maatskappy wat beheer word deur die Gupta-familie. Een van Zuma se seuns sal ook baat by die transaksie.

    “Glencore is besig met die reddingsakeplan van Optimum Coal saam met alle ander belanghebbendes, insluitend die regering” het die maatskappy in ‘n e-pos antwoord op vrae gesê. “Glencore is tevrede met die bepalings betreffende die Tegeta-transaksie.”

    Die Sunday Times het berig dat Mosebenzi Zwane, Suid-Afrika se minister van mynbou, die einde van verlede jaar met Glasenberg by die Dolder Grand Hotel in Zürich ontmoet het om die verkoop van die myn te fasiliteer.

    Intussen probeer opposisiepartye en die Britse pers voorgee dat Glencore nie saamgewerk het om die Zuma-gesin te bevoordeel nie.

    Die Guptafamilie het intussen gesê dit behoort enigiemand vry te staan om op ‘n billike grondslag met enige sake-onderneming mee te ding.

    Hulle maatskappy Tegeta Exploration and Resources sê hy is op soek na nog sakegeleenthede nadat die maatskappy die groenlig gekry het om Glencore se Optimum-steenkoolmyn aan te skaf.

    Opposisiepartye het Zwane oor die kole gehaal omdat hy met Glasenberg in Switserland beraadslaag het.

    Die partye sê dit het die president se seun en die Gupta-familie bevoordeel.

    Die Guptas sê egter hulle het geen bystand van die minister gekry om die transaksie te beklink nie.

    Die miljardêr Glasenberg, Suid-Afrika se rykste man, het Glencore se dividendbetalings geskrap en nuwe aandele gesmous om skuld wat opgebou tydens ‘n kommoditeitoplewing te betaal.

    Die maatskappy het in Desember aangekondig dat hy beplan om skuld te verminder tot so laag as $18 miljard teen die einde van 2015. Een van die planne was ook om met bateverkope te begin.

    Glasenberg, wat ook Israeli-burgerskap het, het in die Johannesburgse kantoor van Marc Rich (Marcell Reich) gewerk wat miljoene daaruit gemaak het om olie aan die apartheidsregering te verkoop.

    Hy woon in Rüschlikon, Switserland.

  • SA glo op koers met hernubare energie

    Suid-Afrika se hernieubare-energiesektor het meer as 190 miljard rand se beleggings gelok, waarvan bykans 30 persent uit die buiteland kom.

    Volgens ‘n verslag van die Departement van Energie is Suid-Afrika op koers om sy doelwit van 30 persent van sy energie uit hernieubare bronne te bereik.

    Die verslag volg te midde van ‘n studie deur Bloomberg dat windkrag nou die goedkoopste elektrisiteit in Duitsland en Brittanje is.

    Hernieubare energie is op die voorgrond in Suid-Afrika wat hoofsaaklik staatmaak op ‘n verouderde skeenkool-gedrewe kragnetwerk wat gereeld tot beurtkrag lei.

  • Eskom leen nóg R20 miljard op markte

    Eskom leen nóg R20 miljard op markte

    Die elektrisiteitsverskaffer Eskom het gister gesê dat hy nog 20 miljard rand op die plaaslike en internasionale markte gaan leen, asook ‘n poging gaan aanwend om laer pryse op sy steenkoolkontrakte te onderhandel.

    Volgens Brian Molefe, die uitvoerende hoof van Eskom, het die maatskappy reeds R49,5 miljard in buitelandse fondse geleen, wat onmiddellike likiditeitsprobleme uit die weg ruim.

    Eskom het verlede jaar R3,6 miljard wins gemaak, wat egter die helfte minder is as die R7,1 miljard wat hy verlede jaar aangeteken het.

    Die graderingsagentskap Standard & Poor het Eskom se kredietgradering in Maart tot dié van “rommel” verlaag, wat heel waarskynlik die verskaffer se rente-onkoste gaan verhoog.

     

    “Skuldkoste oor die afgelope jaar het reeds gestyg en sal weereens styg soos wat meer geld geleen word, waarby ‘n mens die Federale Reserwe se rentekoersverhogings moet inreken, dus neig dít alles in die verkeerde rigting,” meen Peter Attard Montalto, ‘n ontluikende-markte-ekonoom by Nomura.

    Volgens hom sou tariefverhogings ‘n beter opsie wees, maar Suid-Afrika se energie-reguleerder het ‘n versoek om elektrisiteitspryse met 9,5 persent op te stoot, verwerp.

    Intussen het daar ‘n dispuut ontstaan tussen Eskom en sy hoofverskaffer, Glencore, die maatskappy wat deur die Suid-Afrikaans-Joodse miljardêr, Ivan Glasenberg, vanuit Switserland beheer word, ontstaan. Eskom eis R2 miljard aan vergoeding van Glencore se Optimum-steenkoolmyn vanweë die swak gehalte steenkool wat hy na bewering van die myn ontvang het.

    Glencore hou egter vol dat hy Eskom van “hoëgehaltesteenkool” voorsien het.

    Sedert die ANC se oorname van Eskom, het die elektrisiteitsreus bloot nuwe personeel teen hoë salarisse aangestel, sonder om die nodige onderhoudswerk en vernuwing van sy sentrales te verrig. Vandaar die beurtkrag waaraan Suid-Afrika gereeld onderwerp word.

     

  • Minister vergader met mynbase na Glencore lisensie verloor

    Die bestuur van Glencore is in die ANC se visier.

    Die Departement van Minerale Hulpbronne het die seldsame stap Dinsdag geneem om die mynbou-lisensie van Glencore se Optimum-steenkoolmyn op te skort omdat hulle personeel glo sleg behandel.

    Dit val saam met die nuus dat Glencore ‘n sakereddingstrategie aangekondig het omdat die kontrak met Eskom onekonomies is.

    Beplande afleggings in die mynbedryf en dalings in kommoditeitspryse, het ekonomiese an arbeidsvooruitsigte vir die land nog meer beroerd laat lyk.

    Intussen sal die minister van Minerale Hulpbronne, Ngoako Ramatlhodi met mynbase in Pretoria vergader om die werksverliese te bespreek wat onlangs aangekondig is.

    Anglo American en Lonmin het die afgelope tyd bekend gemaak dat hulle beplan om poste te besnoei. Lonmin wil sesduisend werkers aflê.

    Parlementslede het vroeër ‘n beroep op die regering gedoen om dringende stappe te doen om werksverliese in die mynwese te beperk.

    Die ANC het intussen sy oproepe hernu om ‘n staatsbeheerde mynmaatskappy te stig. Die regerende party voer aan dat die staat immers meer as een mynmaatskappy moet besit om werksverliese te voorkom.

    Glencore het Dinsdagoggend aankondig dat hy die Optimum-myn, wat 5,5 miljoen ton steenkool per jaar aan die Hendrina-kragstasie lewer, in sakeredding plaas. Dit beteken groot afleggings by die myn.

    Die myn het probeer om beter steenkoolpryse met Eskom te beding, terwyl Eskom verlede week boetes van R2 miljard van Optimum teruggeëis het.

    Volgens Glencore is daar die afgelope twee jaar skuld van R2,5 miljard aangegaan om Optimum aan die gang te hou en nog R900 miljoen van sy eie kontantbronne aangewend om die myn aan die gang te hou.

  • Steenkoolskaarste dreig by Eskom

    Eskom staar ‘n tekort van 17 miljoen ton steenkool vir sy kragaanlegte in die gesig, het RSG berig.

    Die minister van openbare werke, Lynne Brown sê die tekort word by die Matla-, Tutuka-, Kriel-, Arnot- en Hendrina-kragaanlegte verwag.

    Vroeër het Eskom se waarnemende bestuurshoof, Brian Molefe bespiegelings afgemaak dat steenkooltekorte kan voorkom. Molefe het gesê Suid-Afrika het nog bykans 200 jaar se steenkoolvoorraad.

    Intussen behoort Eenheid Een van die Koebergkernkragsentrale in die Wes-Kaap teen die einde van die week weer operasioneel te wees.

    Eenheid Een het die afgelope drie maande instandhoudingswerk ondergaan.

    Dit kan verligting vir die kragnetwerk bring, terwyl Eskom sukkel om aan die vraag te voldoen. ‘n Eskom-woordvoerder, Khulu Phasiwe sê Koeberg se Eenheid Twee was deurgaans nog in diens.

  • Eskom gerook deur swart bemagtigingsmaatskappye

    RSG berig dat kragtariefverhogings nie die astronomiese stygende kostes by Eskom sal dek nie.

    Die Kaapse Kamer van Handel en Nywerheid sê dit is onwaarskynlik dat tariefverhogings Eskom sal kan red indien daar nie aandag gegee word aan kostes wat oënskynlik handuitgeruk het nie.

    Die president van die Kamer, Janine Myburgh, sê ‘n kwart van Eskom se opwekkingsvermoë is van lyn af vir instandhouding of herstelwerk, maar die koste styg nog steeds.

    Myburgh sê primêre energiekoste, hoofsaaklik steenkool, het in die laaste ses jaar van 19 miljard rand tot 70 miljard rand opgeskiet.

    Sy sê Eskom betaal na bewering tot vier keer meer as die standaardtarief vir steenkool van sekere swart bemagtigingsmaatskappye.

    ‘n Energie-ontleder, Ted Blom, sê Eskom se koste skiet die hoogte in omdat hy van sy grondstowwe van maatskappye in swart beheer moet aankoop.

    Die opposisie het die Nasionale Energiereguleerder intussen gevra om enige verdere tariefverhogings vir Eskom vir die jaar af te keur.

    NERSA het bevestig dat Eskom besig is om ‘n aansoek voor te berei om prysvasstellings te heropen wat die weg sal baan vir nog verhogings in kragtariewe.

    Die opposisie sê hulle sal die Minister van Finansies skriftelik nader om hom te vra dat hy die aansoek van die hand wys.

    Indien die aansoek goedgekeur word, sal die tariewe op 1 April met tot 23 persent styg.

    Eskom spook die afgelope tyd om die ligte aan te hou en sy kredietgradering is tot rommelstatus verlaag na die skorsing van vier van sy uitvoerende hoofde.

  • Anglo American wil steenkoolbedryf verkoop weens aandrang op swart eienaarskap

    Eskom se aandrang op “swart steenkool” mag daartoe lei dat die mynreus Anglo American al sy steenskoolverskaffing aan die elektrisiteitsmaatskappy staak. Volgens die HUB van Anglo, Mark Cutifani, word die maatskappy se besluit om sy steenkoolmyne vir die plaaslike mark te verkoop “ten dele” geneem as gevolg van Eskom se aandrang dat hul onderneming “meer as 50% swart” moet wees.

    “Ons het ons planne geskets om vanuit ‘n deel van ons plaaslike verskaffing te onttrek,” het hy verlede week tydens ‘n mediagesprek gesê. “Ons reageer sowel op regeringsaandrang dat ons meer as 50% in plaaslike hande moet hê as op die feit dat, vanuit ons oogpunt, die plaaslike verskaffing ‘n goeie onderneming was, maar dit is nie so belangrik in ons portefeulje nie. Daarom, om strategiese redes en om die regering tegemoet te kom, sal ons ons eienaarskap tot onder 50% verminder, wat die New Largo-projek insluit.” Die transaksies sal egter op ‘n “handelsgrondslag” geskied en “enigeen” sal oorweeg word. Anglo sal ook geen hulp aan swart beleggers verskaf nie, wat self die fondse sal moet bekom om aandele by Anglo aan te koop.

    Volgens Cutifani is daar “aansienlike belangstelling” om ‘n belang in hul plaaslike steenkoolondernemings te bekom. Daarteenoor gaan die groep glad nie enige van sy steenkooluitvoerondernemings verkoop nie. In die 2014-finansiëlejaar het die groep 18,2 miljoen ton (mt) steenkool uitgevoer, wat op ‘n jaargrondslag ‘n toename van 7% beteken. Oorsese kliënte dring geensins op rassekwotas aan as dit by die verskaffing van steenkool kom nie.

    Die plaaslike steenkoolmark wentel hoofsaaklik om Eskom wat tans sukkel om genoeg elektrisiteit op te wek weens jare lange wanbestuur en die uitwerking van regstellende aksie wat ‘n verlies aan ingenieurskundigheid in die maatskappy veroorsaak het. Verkope van Anglo aan Eskom het verlede jaar met 5% tot 37,5 mt gedaal, hoofsaaklik omdat Eskom minder van Nieu-Vaal aangekoop het, asook omdat die mynmaatskappy produksie by Kriel afgeskaal het terwyl nuwe myngebiede beplan word.
    “Ons is egter van plan om teen volspoed te werk sover dit steenkooluitvoere betref,” sê Cutifani. “Dus gesels ons met die regering oor wat vir ons werk en wat vir hulle werk,” sê hy. Volgens die nuwe regulasies van die departement van handel en nywerheid – die breëswartbemagtiging – moet nuwe steenkoolmyne oor ten minste 51% swart beheer beskik, terwyl Eskom in sommige gevalle op nog “swarter steenkool” aandring met 60% swart eienaarskap. Dít, in weerwil van mededingende wetgewing in die vorm van die Mynhandves wat slegs op 26% “bemagtiging” aandring.Dinge het vir die eerste keer tussen Anglo American en Eskom begin krap toe ‘n verskaffingsooreenkoms betreffende die New Largo-projek onderhandel is. Eskom se voorsitter, Zola Tsotsi, het Anglo van dubbelsinnigheid beskuldig toe daar onderhandel is vir verskaffing aan die nuwe Kusile-kragstasie wat teen 2017/18 in werking sal tree. Dié stasie sal 4 800 MW opwek. Volgens Vusi Mboweni, die waarnemende hoof van Eskom se primêre energiedepartement, mik die maatskappy tans na 55% swart bemagtiging by verskaffers, wat geslykstaande is aan 80mt per jaar teen 2022 vanaf die huidige 30% of 42 mt verlede jaar.
    Dus sal Anglo American sy verskaffingseenhede aan Eskom verkoop, tesame met sy kopermyne in Suid-Amerika en sekere platinamyne in Suid-Afrika om sy huidige skuld van $12,9 miljard te verminder. Anglo wil in die toekoms iewers tussen $10 en $12 miljard skuld.

  • Eskom waarsku hele land oor kragonderbrekings

    Eskom het kragverbruikers gewaarsku dat beurtkkrag van Donderdag asook oor die naweek ingestel kan word.

    Die waarskuwing is Woensdag uitgereik dat beurtkrag weer ingestel kan word indien die druk nie op die kragnetwerk verlig word nie.

    “Ons gebruik tans ons noodreserwes,” het Andrew Etzinger, woordvoerder van Eskom, gesê. “Na verwagting gaan die noodreserwes voor die einde van die week uitgeput wees wat ekstra druk op die kragnetwerk gaan plaas en die kans op beurtkrag kan verhoog.”

    Die hele land word geraak deur die kragprobleme.

    Eskom sukkel om aan die vraag na elektrisiteit te voldoen, gedeeltelik weens probleme by die Majuba-kragstasie in Mpumalanga.

    Intussen sê Eskom hy verwag dat eenheid ses van die nuwe Medupi-kragstasie binnekort in werking gestel sal word.

    Die kragverskaffer het egter gewaarsku dat dit nie die einde van die kragprobleme sal beteken nie.

    Instandhouding by die Cahora Bassa-aanleg in Mosambiek plaas glo bykomende druk op kragvoorsiening.

    ʼn Steenkoolsilo het verlede maand by die Majuba-kragstasie in Mpumalanga ineengestort en landswye kragonderbrekings tot gevolg gehad.

    Die silo het meer as 10 000 ton steenkool geberg en die voorraad na ses ander eenhede by die kragstasie beïnvloed.

     

  • Eskom waarsku dat kraglewering gaan sukkel

    Die land se kragleweringsnetwerk sal na verwagting groot druk ervaar weens die kouer weer.

    Eskom het Dinsdag gewaarsku dat die netwerk vir die volgende paar dae tydens spitstye kaan knor.

    Koue en bewolkte weer wat vir die volgende paar dae voorspel word, sowel as probleme by kragstasies met gebrekkige onderhoud het daartoe gelei dat die kragvoorsiener ‘n waarskuwing uitgereik het.

    ‘n Silo wat steenkool berg, het onlangs ineengestort. Eskom sê die Majuba-kragstasie wek tans sowat 600 megawatt elektrisiteit omdat bergingsprobleme tot nat steenkool gelei het.

    Eskom het glo intussen ‘n “natsteenkoolbestuurstrategie” ontplooi om die risiko van nat steenkool by ander kragstasies te verminder, maar waarsku dat die risiko nie heeltemal uitgeskakel kan word as reën aanhou uitsak nie.

    Beurtkrag is reeds ingestel nadat die steenkoolsilo by Majuba ineengestort het toe Eskom nie gereageer het op aanduidings dat die silo strukturele onderhoudskade toon nie.

  • Swak bouwerk veroorsaak Majuba-krisis

    Die ineenstorting van ʼn steenkoolsilo by Eskom se Majuba-kragstasie in Mpumalanga Saterdag, is glo te wyte aan swak bouwerk.

    Die kragstasie is na 1994 gebou.

    ‘n Energiekenner, Chris Yelland, het vroeër gesê die slordige bouwerk het tot die kragkrisis gelei.

    Yelland het gewaarsku dat nog sulke onvoorsiene voorvalle die land in ‘n ernstige krisis kan dompel. Yelland sê die silo behoort nie ineen te gestort het nie omdat dit basies bestaan uit staal en beton.

    Die silo wat tonne steenkool berg, het verlede naweek begin kraak en daarna ineengestort.

    Dié ineenstorting het tot gevolg gehad dat die kragreus inderhaas ʼn noodbeurtkragskedule aangekondig het.

    Tsheido Matone, Eskom se uitvoerende hoof, het Sondag tydens ʼn perskonferensie in Johannesburg gesê die steenkoolsilo is in September verlede jaar geïnspekteer en daar was geen ooglopende tekens van verval nie.

    Volgens Matona sal ʼn verdere ondersoek na die voorval plaasvind. Die ondersoek sal na verwagting sowat drie maande duur.

    “Tydens die laaste inspeksie is daar bevind dat die struktuur in ʼn goeie toestand was,” het Matone by die konferensie gesê. “Die risikokategorisering is tydens die inspeksie as laag geklassifiseer.”

    Eskom is sedert Januarie bewus van strukturele probleme met die silo, nadat Eskom resonansies van die silo opgetel het wat toenemende vibrasietekens van agteruitgang getoon het.

    Drie weke voor die ineenstorting, is vasgestel dat die vibrasie van die betonstruktuur verder vererger het, wat dui op Eskom se nalatigheid om die kwessie aan te spreek.

    Eskom het intussen steenkooltoevoer na die eenhede herstel nadat ʼn vervoerband weens die ineenstorting beskadig is.

    Eskom het Maandag aangekondig dat toevoer na twee van die eenhede herstel is.

     

  • Ekonoom waarsku dat beurtkrag ekonomie kan knou

    Die ekonoom Mike Schüssler sê die huidige ronde van beurtkrag sal ‘n ernstige uitwerking op die Suid-Afrikaanse ekonomie hê.

    Eskom het aangekondig dat beurtkrag regdeur die land hierdie week sal geld.

    Dié stap is geneem nadat ‘n silo wat tonne steenkool bevat, gekraak het en voorrade aan al ses eenhede van die Majuba-kragstasie in Mpumalanga geraak is.

    Die kragstasie voorsien 10% van elektrisiteitkapasiteit.

    Schüssler sê terwyl huishoudings ook verontrief sal word, gaan swaar nywerhede en klein besighede die hardste getref wees.

    Hy sê hulle vra elke besigheid om terug te sny op hul kragverbruik wat weer in die vervaardigingsuitset weerspieël sal word.

    Dit sal matriekeksamens waarskynlik raak sowel as verkeersvloei met baie verkeersligte wat buite werking sal wees.

    “Dit kom op die ergste tyd vir ons net wanneer ons pas opgetel het vir ‘n herstel,” het hy bygevoeg.

    Intussen het Andrew Etzinger, Eskom se woordvoerder verwys na die beurtkrag-skedule sodat inwoners hul beplanning kan aanpas.

    Die skedule is beskikbaar by loadshedding.eskom.co.za. Mense kan ook die oproepsentrum by 0860037566 skakel.

  • Skaliegasontginning kan waterstelsel vernietig waarsku WWF

    Die regering se plan om voort te gaan met skaliegasontginning en meer steenkoolmyne gaan ’n vernietigende uitwerking op Suid-Afrika se watertoevoer hê, sê die Wêreldnatuurfonds (WWF).

    Die WWF sê kritieke waterproduksie-gebiede en waterstelsels word deur steenkoolmyne bedreig.

    “Die Karoo word as ’n sensitiewe gebied beskou en daar is onsekerheid oor die aantal negatiewe gevolge wat skaliegas-eksplorasie kan veroorsaak,” sê die WWF.

    In sy staatrede het pres. Jacob Zuma Dinsdag gesê die regering beplan om met kernkrag- en skaliegasprojekte voort te gaan.