praag.co.za

Eskom waarsku dat kraglewering gaan sukkel

Written by

praag

in

,

Die land se kragleweringsnetwerk sal na verwagting groot druk ervaar weens die kouer weer.

Eskom het Dinsdag gewaarsku dat die netwerk vir die volgende paar dae tydens spitstye kaan knor.

Koue en bewolkte weer wat vir die volgende paar dae voorspel word, sowel as probleme by kragstasies met gebrekkige onderhoud het daartoe gelei dat die kragvoorsiener ‘n waarskuwing uitgereik het.

‘n Silo wat steenkool berg, het onlangs ineengestort. Eskom sê die Majuba-kragstasie wek tans sowat 600 megawatt elektrisiteit omdat bergingsprobleme tot nat steenkool gelei het.

Eskom het glo intussen ‘n “natsteenkoolbestuurstrategie” ontplooi om die risiko van nat steenkool by ander kragstasies te verminder, maar waarsku dat die risiko nie heeltemal uitgeskakel kan word as reën aanhou uitsak nie.

Beurtkrag is reeds ingestel nadat die steenkoolsilo by Majuba ineengestort het toe Eskom nie gereageer het op aanduidings dat die silo strukturele onderhoudskade toon nie.

Comments

5 responses to “Eskom waarsku dat kraglewering gaan sukkel”

  1. henkst Avatar
    henkst

    Weens die skeidingspakkette wat Eskom tans aan werknemers aanbied, is daar geen lig in die donkertonnel nie vir die toekoms!

    1. Rooikop Avatar
      Rooikop

      Daar is lig – dit is egter die trein wat van voor af kom.

      1. Johan Avatar
        Johan

        As ek die vraag aan die verkeerde adres rig, laat dan maar verbygaan. Word steenkool dan nie juis nat gemaak voordat dit verbrand word vir die opwekking van elektrisiteit nie?

        1. Rooikop Avatar
          Rooikop

          Johan ek is nie seker wat ESKOM se proses hiermee is nie – ek sal probeer uitvind.
          Wat ek wel weet is dat die steenkool verpoeier (“pulverize”) word (omtrent soos koekmeel) voordat dit in die ontbrandingskamers van die stoomketels gevoer word. Ek weet ook dat die nattigheid in die leibane (“shutes”) soms moeilikheid maak omdat die goed dan aan mekaar vasklou.
          Ek weet ook dat hulle in die bergplekke die steenkool natspuit om die stof te bekamp want die stof vorm ‘n plofbare mengsel met lug.

        2. Rooikop Avatar
          Rooikop

          Ek het met iemand in ESKOM gepraat – ja die steenkool word natgemaak in sekere dele van die proses – blykbaar word die steenkool al by die myn gewas. As deel van die maalproses is daar droging wat plaasvind (blykbaar so maksimum van 12% vog wat al baie droog is) anders maak die steenkool klonte in die meuelens en die verdure vervoerprosesse.

          Om dan op te som. Ja steenkool word natgemaak as deel van die hele opwekkingsproses maar steenkool wat te nat is maak ook weer moeilikheid so dit is iets wat bestuur/beheer moet word.

Leave a Reply

More posts